TOHFA E DULHAN -(ROMAN)

◐

┬✭┬══════════════┬✭┬

I *ﺑِﺴْــــــــــــــــﻢِﷲِﺍﻟﺮَّﺣْﻤَﻦِﺍلرَّﺣِﻴﻢ* l  

┴✭┴══════════════┴✭┴

   *✿ ❈ TOHFA- E- DULHAN ❈ ✿*      

      ◐┄┅════❖════┅┄◐

   *✿●•·Walid Ki Pehli Wasiyat _,*

┍━━━━━━━━━━━━━━━┙

*❁ •Meri Pyari Beti.!! Meri Aankho ki Thandak.!*

*❁ • Shohar ke Ghar Jaakar Qana’at wali zindgi guzaarne ka Ahatmaam karna.*

*❁• Jo Daal Roti mile us per Raazi rehna,*

*❁• Jo rookhi sookhi Shohar ki khushi ke Saath mil jaye wo Us Murg pulaav se behtar he jo Tumhare israar karne per naraazgi se diya ho,*

      ◐┄┅════❖════┅┄◐

  *✿●•·Walid Ki Doosri Wasiyat*

┍━━━━━━━━━━━━━━━┙

*⊙ _ Meri Pyari Beti.!! Meri Aa'nkho ki Thandak.!!*

*❁ • is baat ka Khayal rakhna k Apne Shohar ki baat ko hamesha tavajjo se Sunna, aur usko ahmiyat dena,*

*❁• Har haal me unki baat per Amal karne ki koshish karna,*

*❁• is tarah tum unke Dil me jagah bana logi, kyunki asal Aadmi nahi Aadmi ka kaam pyara hota he,*

      ◐┄┅════❖════┅┄◐

  *✿●•·3-Walid Ki Teesri Wasiyat,*

┍━━━━━━━━━━━━━━━┙

*★• Meri Pyari Beti.!! Meri Aankho ki Thandak.!!

*❁ • Apni Zeenat v Jamaal ka Esa khayal rakhna k Jab woh ( Shohar ) nigaah bhar kar dekhe to apne intikhaab per khush ho,*

*❁• Aur saadgi ke Saath jitni Muqaddar ho jaye Khushbu ka ahatmam zaroor karna,

*❁• Aur yaad Rakhna Tere Jism v Libaas ki koi bu ya koi buri Haiyat use nafrat v Karahat na dila de,*

      ◐┄┅════❖════┅┄◐

   *✿●•·4- Walid Ki Chothi Wasiyat*

┍━━━━━━━━━━━━━━━┙

*★• Meri Pyari Beti.!! Meri Aankho ki Thandak.!!*

*❁ • Apne Shohar ki Nigaah me bhali maloom hone ke liye apni Aankho ko Surme aur Kaajal se Husn Dena,

*❁• Kyunki pur kashish Aankhe poore vajood ko dekhne wale ki nigaaho me jacha deti he,*

*❁• Gusl aur Vazu ka ahatmam karna k ye sabse achchhi Khushbu he aur Nazafat ka behtreen zariya he .* 

      ◐┄┅════❖════┅┄◐

*⊙●•·_ Walid Ki Paa'nchvi Wasiyat _,"**

┍━━━━━━━━━━━━━━━┙

*★• Meri Pyari Beti.!! Meri Aankho ki Thandak.!!*

*❁ • Unka ( Shohar ka ) khana Waqt se pehle Ahatmaam se Taiyaar karke rakhna . Kyu'nki der tak Bardaasht ki Jane wali Bhook bhadakte hue Shole ki maanind ho jati he,*

*❁• Aur unke Araam karne aur Neend poori karne ke Awqaat me sukoon ka maahol banana,*

*❁• Kyu'nki Neend Adhuri reh jaye to Tabiyat me Gussa aur Chid Chidapan Paida ho jata he,*

┍━━━━━━━━━━━━━━━┙

⊙ Walid Ki Chhati Wasiyat ⊙

┍━━━━━━━━━━━━━━━┙

★• Meri Pyari Beti.!! Meri Aankho ki Thandak.!

❁ • Unke ( Shohar ke ) Ghar aur Unke Maal ki nigrani yani unke bager ijazat koi ghar me na aaye,

❁• Aur unka Maal lagviyaat ( fizool ) numaish aur Fashion me barbaad na karna,

❁• Kyunki Maal ki behtar nigahdaasht husne intezaam se hoti he, aur Ahlo ayaal ki behtar hifazat husne radbeer he,

      ◐┄┅════❖════┅┄◐

*✿●•·7-Walid Ki Saatvi Wasiyat_⊙*

┍━━━━━━━━━━━━━━━┙

*⊙• Meri Pyari Beti.!! Meri Aankho ki Thandak. !*

*❁ • Unki Raazdaar Rehna aur unki Na-farnani na karna, kyuki un jese be aib Shakhs ki na-farmani Jalti per Tail ( oil ) ka kaam karegi,*

*❁• Aur Tum agar isko Raazdaaro se Chhipa kar na rakh saki to unka Aitmaad ( trust ) tum per se hat jayega,*

*❁• Aur fir tum bhi uskepan do-rukhe- pan se mehfooz nahi reh sakogi,*

*❁• Jese k Kisi ne kaha he k, “” To be trust is greater than to be loud “”*

      ◐┄┅════❖════┅┄◐

  *✿●•·8- Walid Ki Aathvi Wasiyat_ ⊙*

┍━━━━━━━━━━━━━━━┙

*★• Meri Pyari Beti.!! Meri Aankho ki Thandak. !*

*❁ • Jab wo ( Shohar ) kisi baat per Gamgeen ho to apni kisi khushi ka izhaar unke saamne na karna, yani unke Gam me barabar ki shareek rehna,*

*❁• Shohar ki khushi ke waqt apne chhupe hue Gam ke Asraat chehre per na laana aur na hi shohar se unke kisi Ravayye ( behaviour) ki Shikayat karna,*

*❁• Unki khushi me Khush rehna ( unki khushi ko qaayam rakhna ) varna tum unke Qalb ( heart ) ko Gamgeen karne wali shumaar hongi,*

      ◐┄┅════❖════┅┄◐

    *⊙ Walid Ki N0vi Wasiyat ⊙*

┍━━━━━━━━━━━━━━━┙

*★• Meri Pyari Beti.!! Meri Aankho ki Thandak.!*

*❁ • Agar Tum Unki ( Shohar ki ) nigaaho me Qabil tar banna chahti ho to Unki izzat aur Ahatraam ka khoob khayal Rakhna,*

*❁• Aur unki Marziyaat ke mutabiq chalna,*

*❁• To Tum Unko bhi Hamesha Hamesha Apni Zindgi ke har har Marhale me Apna Behatreen Rafeeq ( Friend) paaogi,*

      ◐┄┅════❖════┅┄◐

   *✿●•·10- Walid Ki Dasvi Wasiyat,*

┍━━━━━━━━━━━━━━━┙

*★• Meri Pyari Beti.!! Meri Aankho ki Thandak.!*

*❁ • Meri is Nasihat ko pallu SE baandh lo aur is per girah laga lo k Jab tum Unki ( Shohar ) ki Khushi aur Marzi ki Khatir kai baar apna Dil nahi marogi,*

*❁• Aur unki baat ouper rakhne ke liye, chahe tumhe pasand ho ya na pasand ho ,Zindgi ke kai marhalo me apne Dil me uthne wali khwahisho ko Dafan nahi karogi us waqt tak Tumhari zindgi me bhi khushiyo ke Fool Nahi khilenge,*

*❁• Ey meri Pyari Laadli Beti ! in (Tamaam) Nasihato ke saath me Tumhe Allah ke Hawale karta hu’n,*

*❁• Allah Ta’ala Zindgi ke Tamaam marhalo me Tumhare liye Khair muqaddar farmaye aur har Buraai se tumko bachaye ,, Aameen,* 

      ◐┄┅════❖════┅┄◐

*✿●•·Bivi Kï Paidaish Ka Maqsad *

┍━━━━━━━━━━━━━━━┙

*"─❥ Hazrat Sayyadna Aadam Alaihissalam Jannat me tashreef late he’n, Baag e Jannat ka Chappa Chappa Anware ilaahi se mamoor , Altafe kibriyai ka qadam qadam per Zahoor ,Har taraf niyamato Kï Baarish ,Har taraf Anwaar Kï taabish, Iske bavjood bhi Apne Dil ka ek Kona Khaali paate he’n, Kis cheez Kï kami mehsoos karte he’n ?*

*"─❥ Bil akhir Nawazisho aur Bakhshisho Kï takmeel jab hi jaakar poori hui, Aadam Alaihissalam ke Haq me Jannat jab hi haqeeqi ma’ane me Jannat Saabit hui Jab Mard ke liye Aurat Kï takhleeq hui aur Shohar ke liye Bivi Kï hasti saamne aayi,*

*─❥ Ek khoobsurat mahakne wale fool ko dekh kar tabiyat me tarawat aur taazgi paida hoti he, Kaliyo ke tabassum aur Chameli Kï mahak, Hansmukh motiya aur Raat Kï Raani ke guncho Kï Atr aamez khushbu se tabiyat jhoom uthti he,*

*─❥ Gulaab Kï khushbu aur khush numaai ,laala Kï Rangeeni ,Shabnam Kï khanki, Shafaq Kï Surkhi, Koyal Kï Kook ,Parindo ke nagme, Maina ka chehchahana, Titliyo ka albelapan, Garz ye k saare qudrat ke manzar dilo ko lubhate aur murda dilo me zindgi Kï umange paida karte he’n,*

*─❥ Magar Fitrat Kï ye saari ranginiya aur Chamanzaro ka ye saara Husn v nikhaar ek vajood ke bager Naaqis v na mukammal he ,Wo vajood ya Wo qudrat ka shahkaar kon he ?*

*"_ Wo Aurat Kï hasti he ,Jisme Fitrat Kï Saari Ra’anaiya’n Poori tarah samo di gayi he,*

*─❥ Aurat ke vajood ke bager fitrat Kï ye saari gulkaariya aur uske saare nagme soone soone he’n, Aurat ke bager Zindgi Veeran aur Be maza he ,Duniya Kï saari Rangeeni aur Dilchaspi Aurat hi ke dam se he,*

*"─❥ Aurat Zindgi me qism qism ke Rang bharne wali aur zindgi ko Rangeen v masarrat bakhsh banane wali he, Aurat is Kaynaat ka Asli husn he, Mard ke liye maaya taskeen aur Rahat v Araam ka sarmaya he, Bazme Kaynaat Kï Shama Aurat hi ke Dam se Roshan he ,*

*"─❥ Agar Aurat na ho to poora Chaman ujad Jaye, Aurat Baage insaniyat Kï Zeenat he, iske bager Mard Kï Zindgi bilkul Sooni Sooni aur be maza si he, Aurat hi ke Dam se zindgi Kï gaadi rawa’n rawa’n he ,Aurat hi ke Dam se zindgi Kï bahaar he, Aurat hi ke vajood se zindgi ke khoobsurat Nagme foot te he’n ,Aur Mard logo me Zindgi ke naye walwale bedaar hote he’n ,*

*"─❥ Aurat hi ki badolat Mard har Aan aur har lamha masroof rehta he, Jiski vajah se Tehjeeb v Tamaddun ke naye naye maidan khulte he’n aur nayi nayi Manzile Saamne aati he ,Aurat hi Mard Kï Zindgi nikhaarne wali aur uski Zindgi me gehma gehmi paida karne wali he,*

*"─❥ Allah Ta’ala ne Aurat ko husn v Jamaal aur Soz v gudaaz se nawaz he Jo Mard ke liye taskeen e Dil ka samaan aur uski Tanhaiyo ko door karke roohani sukoon ka zariya he ,Yahi uska dil lubha kar use sukoon v taazgi bakhshti he taki Wo musalsal koshish me barabar laga rage varna Zindgi Kï gaadi chalte rehne ke bajaye bilkul band ho kar reh jayegi,*

*"─❥ Ey Achchhi Aurat ! TU chamakta Damakta Sitara he, Chohdhvi ka Chaand he ,TU behti hui Nadi he ,TU Rang birange Foolo ka mehakta hua Baag he, TU Kaynaat ka Husn he, TU qudrate ilaahi Kï kaarigari ka be misaal namoona he ,TU Haseen Rang he, TU Muhabbat he, TU Qurbani Kï nishani he, Tu Shayar Ka Sayr v Nazm hai,*

*"─❥ Ey Nek Bano ! Jaha’n Jaha’n tere qadam padte he’n Waha'n Waha'n TU Roshni felati he, TU khud Sukh se rehti he aur Doosro ko bhi Sukh v Chain ata karti he, TU har cheez ko Dilkash ,har kaam ko Dilchasp aur har muqam ko Gule Gulzar bana deti he, TU gareeb se gareeb tar Gharane ko bhi jannat numa bana deti he, Tune hi is Duniya ko Jannat numa bana diya he,*

*"─❥ Ey Aurat Zaat ! TU Mardo Kï Rehbari karne wali he ,Mard ka Sukh tere qadmo me he ,Tu hi use gunaho Kï taraf maa’il karke tabahi me duboti he aur TU hi iski Kashti kinare laga sakti he, Tere bager Mard Kï Zindgi ka fool be khushbu he, Jab dukh aur takleef se iska Dil dooba jata he to tu hi Rehmat ka farishta ban kar uski madad ko aan Pahu'nchti he ,*

*─❥ Ey Shohar Kï sakhtiyo per Sabr karne wali Aurat ! Tu Dozakh jese ghar ko Jannat me badal sakti he ,Tu chahe to Faqeer ko ek daulat mand aur Ameer ko ek muflis bana de ,Magroor logo Kï gardano ko jhuka dene Kï tujhme taaqat he, Tu Mard ka nisf juzv ( half part ) he ,Uske Sukh dukh Kï shareeq he ,Tu uski izzat v waqaar he ,*

*─❥ Ey Aurat ! Tamaam mazhabi insaan, Auliya Hukma ,Salateen ,Yaha tak k Allah Ta’ala ke Paigambar Alaihissalam tujhe Maa’n kehte he’n ,aur Teri hi god me palte he’n ,Tune hi unko laad diya pyar diya he isiliye to Allah Ta’ala ke buzurg aur bartar Nabi Alaihissalam ne tujhe ye tamga inayat kiya he k ” Maa ‘n ke qadmo tale jannat he ,”*

*─❥ Duniya Kï inteha apna ghar aur ghar Kï inteha Aurat ,,,,Jis ghar me nek Bivi ho to us ghar me Chaar chaand lag jate he’n, Nek Bivi wala ghar Khushi aur muskurahato se hamesha labrez rehta he, Jis tarah insano ke bager Duniya bekaar he, isi tarah Nek Aurat ke bager ghar bekaar aur musibat khana he ,*

*"─❥ Ey Nek Beti ! Tu ghar Kï Rani hokar ja ,Tu Apne is hukumati Takht per Maharani hokar Jalwa Afroz ho aur Mard ko Hukm de ,Wo Deen Kï Ri’ayat rakhte hue Teri har baat maanenge,*

*"─❥ Lekin Abhi Ruk ja ! Is iqtdaar Kï Baag dor Apne haath me lene se pehle tujhe Kuchh qurbaniya’n deni hongi ,Taaj Bahut haseen gulaab Kï tarah he, lekin is gulaab ko haasil karne ke liye tujhe kaanto ka maza bhi chakhna hoga ,Pehle Apne andar iski salahiyat aur istedaad paida karni padegi,*

*"─❥ Ey Nek Bivi ! TU insaniyat ke liye Ummeed ki ek Kiran he ,Tu Apne aapko Deendar, Ba-Parda, Paa'nch Waqt Kï Namaz ka ahatmam karne wali bana, Apne Mohalle Kï Aurto’n ko Deen per Amal karne aur usko poori Duniya me felane wali Bana,*

*"─❥ Allah Tujhe Nek banaye aur Shohar ke liye Duniya v Akhirat me Aankho Kï thandak banaye, Aameen,*

      ◐┄┅════❖════┅┄◐

 *✿●•· Qurane Kareem Kï Gawahi,*

┍━━━━━━━━━━━━━━━┙

*─❥ Qurane Kareem ne ek mukhtasar Jumle me Shohar ke liye Bivi Kï paidaish ka Maqsad Bayan farma diya ,Agar Shadi ke baad Aurat is maqsas per poori utarti he to ye Shohar Duniya ka sabse zyada khush Qismat insaan he,*

*─❥(Surah Ar-Room, Aayat 21)*

*"_ وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً_,*

*─❥( Tarjuma) Aur Allah Kï nishaniyo me se ye baat k usne tumhare liye tumhi me se Biviya’n banayi Taki tum unse sukoon haasil kar sako aur usne tumhare darmiyan Aapas me Muhabbat aur Meharbani bhi rakh Dï ( taki tum apni Zindgi khush gawar bana sako ),*

*─❥ Maloom hua k Bivi raahat v sukoon ka Wo gahwara he jaha uske Shohar ko Muhabbat Kï pakiza chhaanv me uski khwahishat Kï taskeen milti he, Dil haraam kari se bachta he ,Ek ek Uzv ko zillat aur hikarat Kï gandgi se Nijaat milti he aur is tarah poora Badan tabahi aur halakat se bach jata he ,*

*─❥ Nek Bivi Allah Ta’ala Kï bahut hi badi ni’amat he, Mard ke liye Bivi Qudrat ka sabse zyada qeemti atiya he, Jo uns v Muhabbat aur gamkhwari ke liye bheja gaya he, Din bhar khoon Pasina ek karke ek thaka hua Shakhs jab shaam ko ghar lot ta he to ek Wafa Sha’aar, Samajhdar, Khush mizaaj aur Shiri Zaban Bivi apni muskurahato se uska istaqbal karke uski saari thakawat aur gam door kar deti he, Wo Tabiyat me farhat v nishaat mehsoos karta he ,Nek Bivi use ek roohani sukoon aur taazgi bakhshti he ,Nek Bivi ke moonh se nikle hue foole kosar v tasneem se dhule hue do bol uske liye glucose, vitamin D se zyada quwwat v taaqat bakhsh saabit hote he’n,*

*─❥ Allah Ta’ala har Dulhan ko Apne Shohar ke liye Sachchi Raahat ,haqqeqi Muhabbat aur Dili sukoon ka zariya banaye, Aameen !*

      ◐┄┅════❖════┅┄◐

  *✿●•··Rehman Ke Bando Kï Dua ,*

┍━━━━━━━━━━━━━━━┙

*─❥ Allah Ta’ala ne Apne nek Bando Kï Sifaat me ek sift ye bayan farmayi he k Wo hamesha Apne liye Allah Ta’ala se Nek Seerat Biviya’n aur Nek Aulaad talab karte he’n, ( Surah Al-Furqan, Aayat 74):-*

*"_ وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا_,"*

*"_ Aur ( Rehman ke Bande Wo he’n ) Jo kehte he’n , Ey hamare Rab ! Hume hamari Biviyo’n aur Aulad Kï taraf se Aankho Kï thandak ataa farma aur Hume parhezgaar logo ka imaam bana ,”

*─❥ Goya Musalman ko Allah Kï taraf se ek talqeen he k Wo hamesha apni shareeqe hayaat ke intekhab me is pehlu ko zaroor saamne rakhna chahiye, Zahir he Nek Seerat hi Kï bina per Miya Bivi Khush v Khurram reh sakte he’n, Jab tak Nek nahi honge us waqt tak ek kese ho sakte he’n ?

*─❥ Yahi he Sachchi aur haqeeqi khushi Jo Aankho ki thandak ban sakti he ,Agar Aurte’n Apne andar wo sifaat paida kar le Jo islam ne unko taleem Dï he ,to Shohar ka Dil jeet sakti he aur apni Muhabbat ka Sikka uske Dilo dimaag per jama sakti he, Aur Shohar bhi esi Sifaat wali Bivi ke liye jisse usko sukoon e dil mayassar ho ,Bahami ulfat haasil ho ,har qism Kï qurbani dene ke liye aur uski har jaa’iz farmaish ko poora karne Ke liye taiyaar ho jata he,*

*─❥Note - Har Musalman Aurat ko chahiye k Wo Umr Kï kisi bhi manzil me bhi ho ,Ye Dua HAR farz Namaz ke baad Allah Ta’ala se Khoob Aazizi ke saath gidgida kar maange, Khususan Walden ko chahiye k Balig ho Jane ke baad is Dua ke maangne ka ahatmam karwaye,*

┣━━━━━━━━━━━━━━━━━━━━┫

◐

 ✿●•· Nek Bivi __________’

┍━━━━━━━━━━━━━━━┙

*” Duniya Kï Behtreen Daulat Nek Bivi he_” ( Muslim Sharif, 1469 )*

*" Huzoor Akram Sallallahu Alaihivasallam per jab pehli martaba Wahi naazil hui to qalbe Mubarak per us waqt qudrati becheni thi, Chu'nki pehli wahi ka pehla tajurba aur Farishte se pehli baar Saamna hua tha, us waqt Zaate Mubarak ko tasalli v tashfee dene wali, Muhabbat bhare Alfaz ke Saath peshani Mubarak se ghabrahat ka Paseena pochhne wali aur Risalat per sabse Pehle imaan lane wali Aapko yaad he Wo konsi hasti thi ?*

*" Wo Rafeeqa e Zindgi, Shareeqe Khushi v Gam Hazrat Khadijatul Kubra Raziyallahu Anhuma Kï hasti thi ,*

*" isi tarah jis waqt Rasoole Akram Sallallahu Alaihivasallam Duniya se Tashreef le ja rahe he’n, Ummat per isse badh kar qayamat khez ghadi, qayamat tak aur konsi aa sakti he ? Sahaba Kiraam Raziyallahu Anhum ek se badh kar ek Aashiqe Rasool Sai'nkdo'n Kï tadaad me mojood he’n, lekin tareekh v Seerat Kï zaban se Shahadat lijiye k ayn us waqt KIS khush naseeb ke liye muqaddar tha k Us Muqaddas Hasti ke Liye Sahare aur Takiye ka kaam de ?*

*" Azeezo aur Rafeeqo me se kisi Mard ke nahi balki Shareeqe hayaat Hazrat Aayesha Siddiqa Raziyallahu Anhuma ke ye chamakte naseeb the,*

*" Ye he Bivi Kï manzilat v martaba se mutalliq Duniya ke sabse bade Muallim aur Sabse badi hasti Kï Zindgi se Milne wala sabaq, ye he islam me Bivi ka maqaam, Aurat ki qadar islam me Aapne dekhi ? Bivi ka martaba Rasulullah Sallallahu Alaihivasallam ke nazdeek Aapne pehchana ? Hai koi iske muqabil Kï cheez, Aurat ke lafzi hamdardo ke daftare Amal me ? Nayi tehzeeb ke daavedaro ke falsafo me, Shana ba Shana v musawaat ke Daavedaro Kï Amali Zindgi me ?*

      ◐┄┅════❖════┅┄◐

 *✿●•·Ummahatul Momineen Kï Zindgi ,*

┍━━━━━━━━━━━━━━━┙ 

*─❥"_ Allah Ta’ala ka Shukr he jisne Ummul Momineen Sayyadna Khadija Raziyallahu Anhuma Kï gharelu Zindgi ko Duniya Kï tamaam Aurto’n ke liye Namoona bana diya, Agarche Aurto’n ko Nabuwat nahi milti lekin agar Aurat ye chahe k mai Aurat hote hue kis tarah Zindgi guzaru aur mere liye Aurat hi kis tarah namoona ho to Allah Ta’ala ne iska bhi intezam farma diya,*

*─❥"_ Nabi Kareem Sallallahu Alaihivasallam ke ghar me rehne waliyo Azwaaj Mutaharaat, Ummahatul Momineen Raziyallahu Anhum Kï Zindgiyo ko rehti Duniya tak Kï Aurto’n ke liye namoona bana diya k musalman Aurte’n in paak v Mubarak Aurto’n Kï Zindgiyo se sabaq seekhe aur Apni Zindgi ko unki Zindgi Kï tarah banane Kï koshish kare,*

*─❥_ 24 ghante Kï Zindgi ke har kaam me ye soche k is kaam ko unhone kis tarah kiya ? Unke makanaat kese the ? Unka khana pina kesa tha ? unka Shohar ke saath bartaav kesa tha ? Vagera vagera ,,*

      ◐┄┅════❖════┅┄◐

   *✿●•· Nek Sifaat ,_________,,*

┍━━━━━━━━━━━━━━━┙

*─❥ Zara ( Hazrat Khadija Raziyallahu Anhuma ke ) in alfaz per gor Kijiye, ”_ Allah Ta’ala hargiz Aap Sallallahu Alaihivasallam ka saath na chhodega, Aap Rishtedaro se milaap rakhte he’n, Bekas v be Sahara Logo'n Kï madad karte he’n, Faqeero aur gareebo ke khair khwah he’n, Mehman nawazi karte he’n, musibat zada Logo'n Kï madad karte he’n, Ye Sifaat Allah ko pasand he’n ,esi Sifaat walo ko Allah Ta’ala be yaaro madadgar kese chhod sakte he’n ,?*

*─❥ Doosre lihaaz se Aap gor kare to ek Aurat bhi Apne Shohar me ye Sifaat Asaani se paida karwa sakti he ,Agar Aurat Apne Rishtedaro ke aib shohar ko na bataye, khususan Shohar Ke Rishtedaro Ke Aib, Maslan- meri Nanad, Saas, Devrani ,Jethani ne mere saath ye kiya wo kiya, mere Bachcho ke saath unke Bachcho ne ye kiya ,___’,*

*─❥ Aur unki khushi v gami ke moqe per Shohar ko Targeeb de'n k,”_ Tum jao unka saath do ,Agar koi takleefdah baat unki taraf se pahu'nche to maaf kar do, agar tumhare zariye unko takleef pahu'nche to unse maaf karwa Aao,"*

*─❥ is tarah Rishtedaro se milaap paida karne per Aap Apne Shohar se Amal karwa sakti he’n, Kisi tarah samjha bujhakar Aapas ke ikhtilaaf door karwa sakti he’n, Dilo ka mail aur Aapas ka keena v ranjish door karne ka Sabun Allah ne Aapko diya he, is sabun ke zariye Aap Dilo ke mail dho sakti he’n aur Aapas ke ikhtilaf mitane per Allah Ta’ala Aapko Duniya v Akhirat me beshumar inamaat se zaroor ba zaroor nawazega,*

*─❥ isi tarah Aap Apne Shohar ke zariye Aap Sallallahu Alaihivasallam Kï doosri Sunnat bhi zinda karwa sakti he’n, Wo is tarah k Apne ghar ka kharcha karke avvalan Jo gareeb Rishtedar he’n unki madad karwa kar ye sawab haasil kar sakti he’n, fir Jo bhi gareeb, mohtaaj, beva ,yateem aur miskeen ho unki madad karwa sakti he’n,*

*─❥ isi tarah mehman nawazi bhi karwa sakti he’n, khususan Aapke ghar me Jo bhi mehman Aurat aaye use khali haath na bheje, kam se kam paani ka saada gilaas hi pila dijiye, Muskurahat wale Chehre se uska istaqbal hi kar lijiye, use koi deen Kï baat sikha dijiye, Usko deen per chalne aur felane per Raazi kar lijiye,*

*─❥ Agar Shohar ke mehman aaye to unki mehman nawazi bahut kushada dili ,farakhi aur isaar se kare ,Agar mehman koi Allah ka Nek banda ho to uski mehmani ko mojibe khair v barkat samajhna chahiye, yu'n to kisi bhi mehman se Dil tang na hona chahiye, Huzoor Akram Sallallahu Alaihivasallam ne to Kaafir ko bhi mehman banaya he,*

*─❥ Lihaza Mehman ko musibat na samjhe agarche chhote bachcho ko sambhalna ghar Kï safaai suthrai karna aur fir mehman ke liye khana pakana ,unki khatir tawazo karna ye kaam mushkil to he’n lekin khalis Allah ko Raazi karne ke liye kiye jaye to iska bahut bada ajro sawab he aur maal me barkat bhi hoti he, Duae’n bhi milti he’n,*

*─❥ Shohar Kï Aadat nahi to unko amaada kare k apni isteta’at nek logo ko ghar bula kar khana khilaye , khud aur ghar walo ko bila vajah mashakkat me na pade balki Jo bhi Asaani se us waqt muhayya ho sake khila de,*

┣━━━━━━━━━━━━━━━━━━━━┫

◐

 *"_ Mehmano Ka ikraam Karne Wali Nek Bivi :-*

┣━━━━━━━━━━━━━━━━━━━━┫

*"_ Hazrat Abu Rabi'a Reh. farmate hai'n k Mai'n Ek gaa'nv me gaya to mujhe waha'n Ke Logo'n ne bataya k Yaha'n Ek Nek Khatoon "Fiza" naami hai, Uske Yaha'n Ek Bakri hai, Jiske Thano se Doodh aur Shehad dono nikalte hai'n, Mujhe Ye Sun Kar Tajjub hua, Maine Ek Naya pyala kharida aur Uske ghar ja kar maine usse kaha - Tumhari Bakri ke mutalliq maine ye Sohrat suni hai k Wo doodh aur Shehad deti hai, Mai'n bhi uski Barkat dekhna chahta hu'n _,"*

*"_ Usne Bakri mere Hawale Kar di, Maine uska doodh nikaala to waqai usme se Doodh aur Shehad nikla, Maine usko Piya, Uske baad maine Puchha - Ye Bakri Tumhare paas Kaha'n se aayi ?*

*★_ Kehne lagi:- Iska Qissa ye hai k Hum gareeb log they, Ek Bakri ke Siva hamare paas kuchh na tha, Usi Bakri per hamara guzara tha, Allah Ta'ala ke hukm se Bakra Eid aa gayi, Mere Khawind ne kaha - Hamare paas kuchh aur to hai nahi, Ye Bakri hamare paas hai, Lao iski qurbani kar le'n, Maine kaha - Hamare paas guzare ke liye iske siva to koi cheez nahi , Esi haalat me qurbani ka hukm nahi hai, fir kya zarurat hai k hum qurbani kare ? Khawind ne ye baat maan li aur qurbani multavi kar di _,"*

*"_ Uske baad Allah Ta'ala ke hukm se us din hamare Yaha'n ek Mehman aa gaya, To Maine Khawind se kaha - Mehman ke ikraam ka to hukm hai aur ghar me koi cheez hai nahi, is Bakri hi ko zibah kar lo, Chunache Wo Bakri ko zibah karne lage, Mujhe ye khayal hua k mere Chhote Chhote Bachche us Bakri ko Zibah hote dekh kar rone lagenge, isliye maine kaha - Bahar le ja kar Diwaar ki aad me Zibah kar lo, Taki Bachche na dekhe _,"*

*★_ Wo bahar le gaye aur jab us per chhuri chalayi to ye Bakri hamare Diwaar per khadi thi aur Waha'n se khud utar kar Makaan ke Sahan me aa gayi, Mujhe ye khayal hua k Shayad Wo Bakri Khawind ke haath se chhoot gayi hai, Mai'n usko dekhne bahar gayi, To Khawind us Bakri ki khaal kheech rahe they, Maine unse kaha - Bade Tajjub ki baat hai k Esi hi Bakri ghar me bhi aa gayi, Uska qissa maine sunaya, Khawind kehne lage- Kya ba'ied hai k Haq Ta'ala Shanhu ne uska badal Hume ata farmaya ho, Ye Wo Bakri hai Jo Doodh aur Shehad deti hai, Ye Sab Kuchh ek Mehman ke ikraam ki vajah se hai _,"*

*★_ Fir Wo Aurat Apne Bachcho se kehne lagi- Ey mere Bachcho ! Ye Bakri Dilo'n me Charti hai, Agar Tumhare Dil nek rahenge To Doodh bhi achchha rahega, aur agar Tumhare Dilo'n me khot aa gaya to Uska Doodh bhi Kharab ho jayega, Apne Dilo'n ko Achchha rakho, Har Cheez Tumhare liye Achchhi ban jayegi _,"*

*®_ Fazail E Sadqaat - 764,*

 ◐          

      ◐┄┅════❖════┅┄◐

*✿●•·Shohar Per Apna Maal Qurban Karna ,*

┍━━━━━━━━━━━━━━━┙

*─❥ Aap Sallallahu Alaihivasallam ne ek Sift Hazrat Khadija Raziyallahu Anhuma Kï ye Bayan farmayi k ,”Unhone us waqt meri maal ke saath khair khwahi Kï jab logo ne mujhe Mehroomi rakha tha ,”( Yani meri us waqt Madad Kï jab logo me mera koi madadgar na tha ),*

*─❥ insaan ko sabse zyada Muhabbat Maal se hoti he aur Maal jis per kharch kiya jata he Wo Maal se bhi zyada Mehboob hota he,*

*─❥ Agar Aapke Shohar ko Aapke Maal Kï Deen ke kisi taqaze ke liye zarurat padhe ya Kisi Duniyavi jaa’iz Haajat ke liye zarurat pade to Aap us maal ko Shohar per kharch karne Kï Sa’adat ko Fakhr samjhe ,isme bilkul kanjoosi na kare,

*─❥ Jo Aapne Apne khaliq aur Maalik ko Raazi karne ke liye Shohar per maal kharch kiya to iska poora poora Ajr qayamat ke Din aapko milega,*

*─❥ Agar Wo Maal Deen ke felane ke liye, Kaafiro ko islam me lane ke liye, Allah ke hukmo aur Nabi Kareem Sallallahu Alaihivasallam ke tareeqo ko poori Duniya me rivaaj dene ke liye, gareebo aur miskeeno Kï madad karne ke liye lag gaya to Aapko ye Sa’adat mili k Aap bhi isi nisbat me Hazrat Khadija Raziyallahu Anhuma ke saath Shamil ho gayi aur kal qayamat ke Din jab Allah Ta’ala un tamaam Ambiya Alaihissalam Kï Biviyo’n ko ajr denge to Aapko bhi un khush naseeb Aurto’n ke jhande tale kahi na kahi jagah mil hi jayegi ( Agar Aapne doosre gunaho se bachne ka ahatmam kiya ) in Sha Allah Ta’ala,*

*─❥ Aap Shohar per Fida hona to Sikhe ,Aap unko ita’at aur Muhabbat to dijiye, Aap Apne Dil me unki Qadar to PAIDA Kijiye, Unki mansha v mizaaj ko samajhne Kï koshish to Kijiye, Har waqt unse cheezo Kï farmaish ke bajaye unki Muhabbat bhari nigaho Kï tamanna bhi to Kijiye,*

*─❥ Fir Kesa hi Bad Mizaaj Shohar kyu na ho ,Aapke kisi kaam Kï qadar na karta ho ,lekin Aapke is ikhlaas v Muhabbat aur Duao’n se Wo zaroor ba zaroor Aapki taraf mutavajjah hoga, Aapke ahsaas Kï qadar karega balki apni pichhli kotahiyo per sharminda hoga aur na sirf Zindgi me balki Aapki maut ke baad bhi Aapki in khoobiyo Kï yaade hamesha usko rulayegi,*

      ◐┄┅════❖════┅┄◐

*✿●•·Shohar ko Sahi Mashwara dena ,*

┍━━━━━━━━━━━━━━━┙

*"─❥ Ye bhi ek Musalman Aurat Kï Zimmedari he k ghar walo ka mizaaj esa banaye k har kaam mashware se ho ,chahe Deen ka kaam ho ya Duniya hi ka koi jaa’iz Kaam ,,*

*─❥ Hazrat Khadija Raziyallahu Anhuma Aap Sallallahu Alaihivasallam ko Sahi Mashware diya karti thi k har mushkil moqe per Aapki diljoyi ho jati,*

*─❥ Musalman Aurate’n bhi ye sawab haasil kar sakti he’n k Apne Shohar ko har moqe per Sahi mashwara de ,Jab Wo kisi kaam me pareshan ho ya Aapse mashwara maange to khoob soch samajh kar Allah Ta’ala se Dua maang kar mashwara de ,*

*─❥ Lekin agar maamla aham aur bada ho jaha apni soch na pahunch sake to itminaan se Apne khandan hi ke Nek samajjhdar ya koi bhi Deendar aur samajhdar ho unki taraf Shohar Kï rehnumayi kare,*

*─❥ Jese Hazrat Khadija Raziyallahu Anhuma akheer me Apne Chacha ke Ladke ( Warqa bin Nofil Jo pichhli shariyato ke jaanne wale the) ke paas le gayi k unse mashwara ke zariye madad haasil kare ,Jitna Khud mashwara de sakti thi de diya baqi ke liye Apne se zyada samajhdar aur bade ke paas le gayi,*

*─❥ isi tarah Suleh Hudebiya ke moqe per Aap Sallallahu Alaihivasallam ne jab Sar mundwane ka Hukm diya to Sahaba Kiraam gam Kï vajah se iske liye taiyar na hue to Aap Sallallahu Alaihivasallam ne Hazrat Umme Salma Raziyallahu Anhuma se mashwara kiya to unhone farmaya, Aap khud halaaq ( Baal kaatne wale ) ko bula kar Apne Baal mundwane shuru kar dijiye to Sahaba Kiraam bhi isi tarah karne lag jayenge ,”*

*─❥ Lihaza Aaj Kï Musalman Aurat ko bhi chahiye k Jis tarah pehle guzri hui Deendar Aurto’n ne Apne Shoharo ko Deen ke felane ke liye waqt waqt pet mashware diye wese hi Aap bhi Apne Shoharo ko Deen ke Duniya me rivaaj pane ke liye khoob soch samajh kar Sahi mashwara de iske saath saath Duniyavi umoor me bhi mashware se har kaam karne Kï aadat banaye,*

*─❥ Albatta ye zaroori nahi k Bivi ke Mashware per Shohar Amal bhi kare Agar Shohar ne Amal na kiya to Bivi ko chahiye k is baat per bura na maane aur Shohar per naraazgi ka izhaar na kare,*

      ◐┄┅════❖════┅┄◐

*✿●•·Shohar ke Saath Mashakkat bardasht karna,*

┍━━━━━━━━━━━━━━━┙

*─❥ Jab Quresh ne islam ko Khatm karne Kï ye tadbeer Sochi k Huzoor Sallallahu Alaihivasallam aur Unke khandan ko ek Ghaanti me Qaid kiya jaye, Chunache majburan Abu Talib ne tamaam khandan ke saath Sho’ab abi Talib me panaah li ,to Hazrat Khadija Raziyallahu Anhuma bhi saath aayi ,*

*─❥ Ye zamana esa sakht tha k Babool ke patte kha kha kar guzara kiya, Bachche bhook se bil bilate the, Bachcho ke Rone Kï awaaze door door tak jati thi , Aap Sallallahu Alaihivasallam is haal me bhi apni Qom me DAWAT Tablig ka fariza din raat anjaam dete,*

*─❥ Aur Banu Haashim aur Khadija Raziyallahu Anhuma sabr aur ajr Kï Ummeed ke saath in tamaam takleefo ko bardasht karti ,Kabhi zaban se uff na kaha aur na ye kaha k Aapki Tablig Kï vajah se ye musibat aayi he ,hum kese sabr kare ,kese bardasht kare ?*

*─❥ Ek do maah nahi balki Shohar ke saath Taqriban Saal ka arsa isi tarah guzara ,Allah Ta’ala hum sabki taraf se Sayyadna Khadija Raziyallahu Anhuma ko is per Ajro Azeem ataa farmaye k unhone Deen ko felane aur hum tak islam ko pahunchane Kï khatir Apne Shohar Aap Hazrat Sallallahu Alaihivasallam ke saath un takleefo ko bardasht kiya aur Sabr farmaya ,,Aameen,*

*─❥ Lihaza agar kisi vajah se Ghar me koi takleef ya pareshani aa jaye to Bivi ko chahiye k Shohar ke saath khud bhi sabr karte hue us pareshani v gam ko bardasht kare ,Ye na ho k Sukh me unka saath de aur Dukh pareshani me saath chhor de ,*

*─❥ Ek Musalman Aurat ke liye Jo is per Yaqeen rakhti he k Jo kuchh hota he Allah Ta’ala hi ke Hukm se hota he, Musibat BHI Raahat bhi USI ke Hukm se aati he Nafa nuqsaan USI Allah ke Hukm se hota he, To Bivi ko chahiye k harfe shikayat zaban per na laye, Kisi gair se bhi shikayat na kare ,Balki har haal me Sabr karti rahe , Khud bhi Duae’n maange aur Bachcho se bhi Duae’n mangwa kar musibat door karwaye ,*

      ◐┄┅════❖════┅┄◐

       *✿●•·Shohar Kï Khidmat_,*

┍━━━━━━━━━━━━━━━┙

*─❥ Hazrat Khadija Raziyallahu Anhuma Quresh Kï Bahut Muazziz Khatoon hone ke saath saath Maal aur Daulat ke lihaaz se bhi mashoor thi, Lekin iske bavjood Aap Sallallahu Alaihivasallam Kï khidmat khud Apne haath se anjaam deti thi,*

*─❥ Maulana Sayyad Salman Nadvi Reh. Seerate Ayesha Raziyallahu Anhuma me farmate he’n, ” Ghar me agarche Khadima mojood thi, Lekin Hazrat Aayesha Raziyallahu Anhuma Aap Sallallahu Alaihivasallam ka kaam khud Apne haath se anjaam deti thi, Joa khud peesti thi ,Aata khud goondti thi ,Khana khud pakati thi ,Bistar Apne haath se bichhati thi, Vazu ka paani khud laa kar deti thi,*

*─❥ Aap Sallallahu Alaihivasallam ke Sar me Apne haath se Kangha karti thi, Jism Mubarak per Atr mal deti thi, Aap Sallallahu Alaihivasallam ke Kapde Apne haath se dhoti thi, Sote waqt Miswaak aur Pani Sirhane rakhti thi, Miswaak ko safaai Kï garz se dhoya karti thi, Ghar me koi Mehman aata to Mehman Kï khidmat anjaam deti thi,*

*─❥ Ye he Misaali Bivi Kï zimmedari k ghar ke kaam khud kare aur Shohar Kï khidmat ko apni Sa’adat samjhe aur usme ye niyat kare k Shohar Kï khidmat se Shohar ka Haq ada hoga aur Allah Ta’ala isse Raazi ho jayenge to ye bhi Deen aur ibaadat ban jayega,*

*─❥ Lekin iska matlab ye bhi nahi k Shohar aur Bachcho Kï khidmat me is tarah Lage k na nawafil, na tasbihaat, balki kai martaba Namaz me bhi gaflat ho jati hai aur Kaafi Takheer se ye Aurte'n Farz Namaz padhti hai'n,*

      ◐┄┅════❖════┅┄◐

*✿●Shohar Kï Mukammal Muwafqat,*

┍━━━━━━━━━━━━━━━┙

*─❥ Hazrat Khadija Raziyallahu Anhuma Aap Sallallahu Alaihivasallam Kï is qadar itteba karne wali thi k jab Namaze Panjgana Farz na thi ,Aap Sallallahu Alaihivasallam nawafil padha karte the to Hazrat Khadija Raziyallahu Anhuma bhi Aapke saath Nawafil me shirkat karti thi,*

*─❥ Ye he Shohar Kï Sachchi itteba k Jese Shohar Kï mansha ho wesi rahe, Shara’i zaabto ke tahat Shohar Bivi ko jesa dekhna chahta he wesi hi ban kar rahe ,Yahi nasihat he sab ladkiyo ko pehli Musalman Khatoon Kï ,*

*─❥ Ey Meri Pyari Behan ! Agar aap bhi apni Seerat Hazrat Khadija Raziyallahu Anhuma ke tarz per dhaal logi aur Shohar Kï mukammal ita’at ( Jiski Shariyat ne ijazat Dï he ) karogi to fir dekhna Allah Ta’ala aapse Raazi ho jayenge aur Jab Allah Raazi ho jayenge to Saari bigdiya ban jayengi, Saari pareshaniya khatm ho jayengi, in Sha Allah,*

*─❥ Hazrat Qari Muhammad Tayyab Sahab Reh. ne Farmaya ,:- Aurat ke zimme ita’at waajib he, Aurat ka kaam ye he k Kaamil ita’at ka bartaav kare aur Apne khilaf bhi ho to Sunne Kï aadat daale, Ye na ho k Shohar ne mizaaj ke khilaf baat kahi aur uski naak chadi, ek kya Chaar jawab dene ko taiyaar ,isse be mehri ( bad mazgi ) paida ho jati he,*

*─❥ Agar Bivi ye chahti he k mera Shohar bilkul mere kehne me rahe ,Mera gulaam ban jaye to yaad rakho ! Gulaam banana gulaam banne se hota he, Pehle khud Amlan Baandi ban kar dikhao, Wo khud ba khud gulaam ban jayega,*

*─❥ Aurat ka Farz he k Wo 24 ghante is fikr me rahe k Mera Shohar kin cheezo se NA khush hota he, Kin baato se ,Kis Libaas se ,Kis kaam se usko takleef pahunchti he ,? Wo bilkul na kare ,na Shohar ke saamne ,na uski gair mojoodgi me,*

*─❥ Jin Cheezo se Shohar khush hota he usko Akhtyar kare ,Jis Libaas se Shohar khush hota he Wo pehne, Jis Bol se khush hota he us Bol ko bole, Jis qism ke Khane SE khush hota he wesa pakaye ,Jis jagah Jane se na khush hota he Waha na Jaye taki uska Dil khush ho jaye aur Uski Aankho Kï thandak ban jaye,*

      ◐┄┅════❖════┅┄◐

*✿●•·Shohar ke Jazbaat v Khayalaat Kï muwafqat,*

┍━━━━━━━━━━━━━━━┙

*─❥ Shohar Baaz cheezo ko pasand karta he aur Baaz ko na-pasand ,Nek Bivi Kï shaan ye honi chahiye k uske jazbaat v khayalaat ke muwafiq hone Kï poori poori koshish kare, Sivaye un cheezo ke Jinko Allah aur uske Rasool Sallallahu Alaihivasallam ne mana farmaya he,*

*─❥ Balki koshish kare k uski zaban se nikalne se pehle un kaamo ko kar le Jisko Wo chahta he ,Khud Apne uthne bethne, rehne sehne me is tarah rahe jese wo pasand karta he ,Kyuki Shohar ke Dil me Apne liye hamesha Kï Muhabbat paida karne ke liye ye sabse badi aur aham sifat he,*

*─❥ isliye k Husno Jamaal chand Dino ka mehmaan hota he, Kitni hi Haseen Aurat ho ,lekin Chand Dino baad Shohar ka Dil uske Husn se bhar jata he, lekin Wo Aurat maut ke baad bhi Tareef Kï Mustahiq he Jo Mard ke mizaaj ke muwafiq ban jaye,*

*─❥ Yaad Rakhiye ! Nikaah ke 2 bol bolne ke baad ab na Apne liye khana ,na sona, na Apne liye Pehanna balki sab kuchh Apne Sar ke Taaj ke liye ,Apne Mehboob ke liye ho to Fir jese Hazrat Khadija Raziyallahu Anhuma ko Saato Asmaan ke ouper se Allah Kï taraf se Salaam aaya to Aapke ghar me bhi in Sha Allah Zaroor ba zaroor Rabbul Aalameen Kï taraf se salaamti, Barkate aur Rehmate naazil hongi, Ghar bhi jannat ka namoona ban jayega ,*  

      ◐┄┅════❖════┅┄◐

*✿●•· Nek Bivi Kï Neki Bhulaai nahi Ja Sakti,*

┍━━━━━━━━━━━━━━━┙

*─❥ Misl Mashhoor he k ” Neki aur Bhalaai karne wala Bhalaai karke bhool sakta he ,Lekin jiske saath Neki Kï jati he ,Wo nahi bhoola karta ,” aur Ye k ”JIS per Ahsaan kar lo Wo Tumhara gulaam ban jayega ,”*

*─❥ Lihaza Nek Bivi Apne Aapko Neki, Bhalai per yu ubhaare k JIS Din Duniya se Chali gayi meri Neki, Bhalai Shohar ko yaad aayegi ,Aur Shohar mere liye Dua karenge , Meri khidmat unko Raat ke andhero aur Din ke ujaalo me mere liye DUAO’N per majboor karegi aur Shayad yahi meri Magfirat ka aur Allah Ta’ala ke Raazi hone ka sabab ban jaye ,*

*─❥ Hazarta Aayesha Raziyallahu Anhuma farmayi he’n ,” Jitna Rashk mujhe Hazrat Khadija Raziyallahu Anhuma per hua utna Rasulallah Sallallahu Alaihivasallam Kï kisi Bivi per nahi hua ,Halanki mene unhe dekha bhi nahi tha ,Iski vajah ye he k Rasulallah Sallallahu Alaihivasallam Aksar unka zikr farmaya karte the aur Aap Sallallahu Alaihivasallam ka dastoor tha k jab Aap koi Bakri Zibah farmate to talash kar karke Hazrat Khadija Raziyallahu Anhuma Kï Saheliyo ko uska Gosht hadiya bheja karte the, ( Bukhari,, 3818 )*

*─❥ Aakhir kya vajah thi K Huzoor Akram Sallallahu Alaihivasallam ne Hazrat Khadija Raziyallahu Anhuma ke saath wafadari ko is qadar Khoobsurat tareeqe se Aakhir tak nibhaye rakha Jo Miya Bivi dono ke liye ek misaal rakhti he ,Kya Mubarak Zindgi thi, Kaash ! Aaj bhi Miya Bivi esi saaf suthri Zindgi apnaye aur ek doosre ke wafadaar ho ,Khususan Bivi har qism Kï nafarmani, ahsan faramoshi aur bad ahadi se bachne Kï bharpoor koshish kare ,to in Sha Allah der saver iska badla Duniya v Akhirat dono me jayegi,*

*─❥ Har Musalman Bivi ke liye ibrat ka samaan, Hazrat Khadija Raziyallahu Anhuma Kï Seerat maslan Shohar Kï ita’at, Muhabbat v khidmat, izzat, Narm guftgu, isaar, apnapan Sabr aur Shukr ke Mubarak aur qeemti moti he'n,*

*─❥ Hum Har Musalman Bivi se darkhwast karte he’n k in Motiyo’n ka haar Apne gale me daal kar Apne Shohar ke paas jaye aur in Motiyo’n ko Apni Anguthi ka nageena, Apne Sar ka Taaj banaye ,k uska DUNIYA me aane ka maqsad hi in Motiyo’n ko Apne daaman me Samet kar Apne Maula ke paas jaa kar Jannat Kï niyamato ka Mustahiq hona he, Allah Ta’ala sabki madad Farmaye, Aameen,*

      ◐┄┅════❖════┅┄◐

*✿●•·Shohar Ko Deendar Banane me Musalman Bivi ka Namoona ,*

┍━━━━━━━━━━━━━━━┙

*─❥ Kash ! Aaj bhi Musalman Biviya’n Apne Shohar ko Jo ( Alhamdulillah agarche Musalman hai”n ) islam ke kisi Hukm se Gaafil he’n ya koi esa Amal kar rahe he’n Jiski Vajah se Allah Ta’ala naraaz honge aur Akhirat me uski Saza bhugatni pade to Unke liye Yahi asbaab Akhtyar kare,*

*─❥ Pehle unse khoob Muhabbat kare aur Muhabbat ka Raaste ita’at aur unki baat ko maanna he ,lihaza kisi bhi tarah unko naraaz na kare, Fir khoob unke liye Allah se Duae’n maange,*

*─❥ K Ey Allah ! Mere Shohar ko Namazi, Deendar, Gunaho se bachne wala, Nekiyo’n se Muhabbat karne wala, Deen ko Duniya me felane wala bana dijiye ,Unke Dil se Duniya me hamesha rehne ka khayal nikaal dijiye, Apni aur Rasulallah Sallallahu Alaihivasallam Kï Muhabbat se unke Dil v Dimaag ko Sar sabz kar dijiye ,,,Aameen.*

*─❥ Fir Muhabbat v Shafqat bhare lehje me adab se munasib moqa dekh kar Samjhaiye ,Agar Wo khuda na khasta haraam kamaai me mulavvis he, maslan :- Sood ka kaam karte he’n ya Jhoot Bol kar Sauda bechte he’n, Ya Haraam cheezo Kï tijarat karte he’n Ya Rishwat Kï Aadat he ,Ya logo ka Karz waqt per ada nahi karte to unki islaah Kï koshish kare, Baar Baar unko samjhaiye ,Achchhe mahol me unko bheje, Tahajjud me Ro Ro kar unke liye Allah se Hidayat aur Nek Tofeeq ko maange,*

*─❥ Zara Sochiye ! Ye Amaal ( Namaz padh kar Ro Ro kar Duae’n maangna fir Muhabbat bhare andaz me samjhana fir Duae’n karna ) agar Abu Jahal ke Bete ka Dil mom kar sakte he’n to kya Aapke Shohar ya Bhai ,Bete ka Dil naram nahi kar sakte ? Karke to dekhiye ,Allah Ta’ala Aapki Muraad zaroor poori farma denge,*

      ◐┄┅════❖════┅┄◐

*✿●•·Islam Ka Bhi Haq Ada Kijiye ,*

┍━━━━━━━━━━━━━━━┙

*─❥ Hazraate Sahabiyaat Raziyallahu Anhuma ne Shohar ka Haq ada karte hue islam ko felane Kï khatir Islam ka bhi bhar poor Haq ada KIYA aur Apne baad aane wali Musalman Behno ko ye Sabaq de gayi,*

*─❥ K Musalman Bivi Kï Zimmedari sirf Apne Shohar aur Bachcho tak hi mehdood nahi balki jis tarah Mardo Kï Zimmedari he k Deen ko Duniya me felaye usi tarah Aurte’n bhi Aap Sallallahu Alaihivasallam Kï Ummat me se he’n aur Khatme Nabuwat Kï Barkat se Aurto’n per bhi laazim he k iski fikr kare k Duniya ke tamaam Mard aur Aurato'n ki Zindgi me Deen aa jaye, Iske liye Agar Shohar ke saath Apne Ghar, Basti, Mulk se bahar bhi Hijrat karke Jana pade to uske liye bhi taiyaar rahe,*

*─❥ Jis Tarah Hazrat Umme Hakeem Raz. Makka mukarrama se Shaam gayi, Hazrat Ruqaiya Raz. Makka Mukarrama se Habsha gayi ,Hazrat Khansa Raz.Apne Beto ke saath Iraq gayi aur Hazrat Umme Haraam Raz. Jazira Qabris ( Cyprus) gayi aur Wahi inteqal hua, wahi Dafan hui ,*

*─❥ isi tarah Bahut si Sahabiyaat Raz. Deen felane ke liye Apne Shohar aur Apne Mehram ke saath Duniya bhar me gayi aur Unki qabre bhi Allah ke Raaste me Deen felate hue bani,*

*─❥ Lihaza aane wali Musalman Behno ke liye qayamat tak unki qabre bhi gawaah he’n k humne ghar aur watan chhor kar Allah ke Raaste me gayi'n, Safar Kï mashakkate, takleefe jheli, Sardiya garmiya bardasht Kï aur Akhri saans tak Allah ke naam ko buland karne Kï mehnat Kï aur Jab us Raaste ke andar hi Allah ka bulawa aa gaya to safar hi me Labbek kaha aur Wahi Dafan ho gayi ,*

      ◐┄┅════❖════┅┄◐

*✿●•·Allah Kï Zaat per Mukammal Bharosa,*

┍━━━━━━━━━━━━━━━┙

*─❥"_ Ek Martaba Hazeat Umar Raziyallahu Anhu Sawari per ja rahe the, Aas paas log the ,Raaste me Hazrat Khola Raziyallahu Anhuma ne unko roka aur unse kuchh kehna chahti thi ,to Aap ruk gaye ,is per Aapse ek Shakhs ne kaha ,” Aap ek Budhiya ki Vajah se Raaste me ruk gaye ,” To farmaya :- Kya tum jaante ho ye Aurat kon he ? Allah Ta’ala ne saath Asmaano per inki baat ko suna ye Khola bin Saalba he’n ,( mai kon tha Jo unki baat ko taal ta ),*

*─❥"_ Ye tha islami Mashre me Musalman Bivi ka imaani maiyar aur Allah Kï zaat per mukammal bharosa ,Usko agar takleef pahunchti to foran Allah se faryad karti ,( k jisne ye mushkil bheji he wahi iska hal bhejega ),Wo har Mushkil ke baad asaani paida karta he ,Mushkil halaat aur uska Hal usi ke taabe he ,wahi hansata he, wahi rulata he ,wahi Zindgi deta he ,wahi maarta he,*

*─❥"_ Lihaza kesi hi pareshani wale halaat ho mayoos na ho ,balki Allah Ta’ala se maange ,Wazu Kijiye, Dhyan ke saath Do raka’at nifl padhiye aur Allah hi se apni Shikayat ko kahiye, isliye k Allah farmate he’n ,”Ey imaan walo Allah hi se madad talab karo Saath Sabr ke aur Namaz ke ,beshak Allah sabireen ke saath he ,”*

*─❥"_ Agar koi esa gam aur pareshani wala haal ho Jo bahut sataye to ye hamare pyare Nabi Sallallahu Alaihivasallam Kï Sunnat he k usko Dil me chhupaya na jaye balki koi ghar me samajhdar ho tounhe bata diya jaye ,unse mashwara liya jaye, Masa’il aur pareshan ka Hal karne wala to Allah hi he lekin uska Hukm he k ese moqe per Mashwara kar liya jaye,*

      ◐┄┅════❖════┅┄◐

*✿●•· Agar Mard Kï galti per Gussa aaye to Aurat kya kare ?*

┍━━━━━━━━━━━━━━━┙

*"─❥ Hazrat Thanvi Reh. Farmate he’n ,” Biviyo’n ! Tumko Mard ke gusse Kï vajah se gussa aana ye batlata he k tum Apne aapko Mard se bada ya barabar darja ka samajhti ho aur ye khayal hi sarasar galat he ,Agar tum Apne ko Mard se chhota aur mahkoom samjho to chahe Wo kitna gussa karta ho tumko hargiz gussa na aata,*

*"─❥ Pas tum is khayale faasid ko Dil se nikaal do aur jesa Allah Ta’ala ne tumko banaya he wesa hi Apne ko Mard se Chhota samjho aur Mard Kï waqai galti aur beja gussa ke waqt bhi Zaban darazi kabhi na karo balki us waqt khamosh raho aur Jab uska gussa utar jaye to us waqt kaho k mai us waqt to boli nahi, ab batati hu’n k Aapki fala baat galat thi ya beja thi, is tarah karne se baat bhi nahi badhegi aur Mard ke dil me Aapki qadar bhi hogi ,*

*"─❥Baaz avqaat Bivi chup nahi hoti ,bolti hi rehti he, moonh zori aur zaban darazi karke apni galtiyo aur kotahiyo Kï safaai pesh karti rehti he’n ,apni galti kisi haal me maanne ko taiyar nahi hoti to Shohar maar peet karne aur haath uthaane per taiyar ho jata he, Baaz Avqaat Jhagda itna lamba ho jata he k talaaq ke alfaz nikaal jate he’n Jo sirf ek ghar me nahi balki kai khandano me Aag laga dete he’n,*

*─❥ Aurto’n me ye bhi Aam marz he k mijaaz sanasi Bahut kam hoti he, Jawab deti chali jati he’n, Baat ko dabati nahi, ESE moqe per Bivi ya Shohar chup ho jaye to jhagda foran khatm ho jayega,*

      ◐┄┅════❖════┅┄◐

*✿●•·Gussa Kam karne Kï Tadbeere’n:-*

┍━━━━━━━━━━━━━━━┙

*─❥ 1- Shohar aur Bachcho ko ghar me dakhil hone Kï Duae’n sikhaye aur Us per Amal karwaiye ,K jab ghar me dakhil ho to” A’auzu billahi ,,,, Bismillah,,,,, Surah ikhlaas, Darood Sharif aur Dua padh kar Salam Kar ke dakhil ho,*

*─❥ Dua ye he :-”Allahumma inni As’aluka Khayral Mavlaji Va Khayral Makhraji Bismillahi Valajna va Bismillahi Kharajna va Alallaahi Rabbina Tawakkalna ,” ( Abu Daowd, 2/339)*

*─❥ 2 :- Jab gussa aaye to ” A’auzu billahi minash Shaytaanir Rajeemi ,” padhe, ( Bukhari ,6048)*

*─❥ 3:- Janabe Rasulallah Sallallahu Alaihivasallam ne farmaya ,” Tumme se jab kisi ko gussa aaye, agar Khada he to beth jaye AUR agar usse gussa na jaye to let jaye ,” (Abu Daowd ,4782)*

*─❥ 4:- Gusse ko Zabt karne ke fazail ko soche ,agar Shohar ko gussa aaye to usko fazail yaad dilaye aur Shohar se bhi kahe k mujhe gussa aaye to Aap ye fazail yaad dilaiyega,*

*─❥ Ek Hadees me he k ,” Aadmi gusse ka ghoont pi le ,isse zyada koi ghoont Allah ke nazdeek pasand nahi he ,”( Ibne maaja)*

*─❥ 5:-Jab Tumme se Kisi Shakhs ko gussa aa jaye to use chahiye k khamosh ho jaye,” (Musnad Ahmad 1/339)*

*─❥ Hazrat Abu Darda Raziyallahu Anhu ne Apni Bivi se kitni pyari baat kahi thi ,Farmaya :-“Tum jab mujhe naraaz dekho to tum mujhe mana Lena aur agar mai tumhe naraaz dekhunga to mai tumhe manane Kï koshish karunga ,Varna hamari gaadi ek Saath nahi chal sakti ,”*

      ◐┄┅════❖════┅┄◐

*✿●•·Shohar Kï Taraf se Nayi Dulhan ko Tohfa ,” Chaar Hikmat Kï Chudiya’n, ”*

┍━━━━━━━━━━━━━━━┙

*─❥ 1- Agar Kabhi mujhse Galti ho jaye to maafi aur Chashm poshi se kaam Lena, Taki Teri Muhabbat mere Dil me barqarar rahe aur Jab mai gusse me hu to us waqt mere saamne Jawab bilkul mat dena,*

*─❥ 2- Agar Tum gusse ke waqt Chup na rahi to ho sakta he mere moonh se esi baat meri be ahatyati Kï Vajah se nikal jaye Jisse Umar bhar tumhe bhi Pareshani uthani pade aur mujhe bhi ,Allah Ta’ala har Musalman Mard Aurat Kï hifazat farmaye,*

*─❥ 3- Aur Shikwe Shikayato Kï kasrat bhi na karna ( Yaad rakhna k ye itni buri cheez he k ) isse ( Miya Bivi ke darmiyan) Muhabbat khatm ho jati he ( Allah Aapki hifazat farmaye agar aap bhi isme mubtila he’n ) to mera Dil Aapse nafrat karne lagega aur Dilo ke badalne me dair nahi laga karti,*

*─❥ 4 – Mene to ye dekha he k Shohar Kï taraf se Muhabbat aur Bivi Kï taraf se nafarmani takleef ( ya Shikwa Shikayat Kï kasrat ya Shohar ke gusse ke waqt khud bhi gussa me aa Jana ) Dono baate agar Jama ho jaye to Shohar Kï Muhabbat esi Bivi se khatm ho jati he,*

      ◐┄┅════❖════┅┄◐

*✿●•·Shohar Kï Betuki Baate aur Samajh dar Bivi ka Jawab,*

┍━━━━━━━━━━━━━━━┙

*"─❥ Ek Din Khalid bin Yazeed ne ek Rishtedar ke saamne Bivi ke Bhai ke mutalliq sakht alfaz kahe ,unki Bivi Ramala Bint Zuber Sar jhuka kar khamosh bethi rahi,*

*"─❥ Khalid ne jab Sab kuchh keh dala ,Fir bhi uske gusse Kï Aag na bujhi to usne apni Bivi se khitab karte hue kaha ,” Kyu ! Tumne kuchh kaha nahi, Kya meri baat ka tumhe bhi aitraaf he k tumhara Bhai waqai esa hi he ,isliye chup bethi ho ya meri Baat tumhe nagawaar guzri aur jawab na dena pade, isliye tum khamosh ho ?*

*"─❥Ramala ne kaha :- Mere peshe Nazar na ye rukh he na Wo ,Baat ye he k hum Aurto’n ka kaam Mardo ke darmiyan Dakhal dena nahi he ,na hum isliye paida Kï gayi he’n, Hamari haisiyat to Khushbudar podho aur Foolo Kï si he Jo soonghne aur nazro ko bhaane ke liye samete jate he’n, isliye tum Mardo ke maamlaat me dakhal andazi se Hume kya waasta,*

*"─❥ Khalid ko apni Bivi ka ye jawab itna pasand aaya k Wo Apni jagah se uthaa aur aa kar Bivi Kï peshani ko chooma aur bahut hi khush hua aur Jo Dil me Apne Saale ke mutalliq nagawari thi Wo bhi khatm ho gayi,*

*"─❥ Isliye Hazrat Suleman bin Daowd Alaihissalam APNE faislo me farmate the, ”_ Samajhdaar Aurat Ujde hue ghar ko Abaad karti he aur na samajh Aurat bane banaye Abaad ghar ko Veeraan kar deti he ,”*     

      ◐┄┅════❖════┅┄◐

*✿●•·Na Meharban Shohar ko Meharban Banane ka Tareeqa,"*

┍━━━━━━━━━━━━━━━┙

*"─❥ Agar Gusse me Shohar tumko bura bhala kahe to tum bardasht karo aur bilkul jawab na do ,chahe Wo kuchh bhi kahe ,Tum chup Bethi raho ,Gussa utarne ke baad dekhna khud sharminda hoga aur fir kabhi in Sha Allah Ta’ala tum per gussa na hoga aur agar tum Bol uthi to baat badh jayegi fir na maloom nobat kaha tak pahunche,*

*"─❥ Aurat Kï Shakl Soorat aur tabiyat v fitrat hi Allah Ta’ala ne esi banayi he k usse kitni hi badi galti ho jaye aur ye Narmi se maafi talab kar le to Mard maaf karne per majboor ho jata he,*

*"─❥ Aurat Kï Sabse badi khoobi ye he k Wo sheeri ( mithi ) zaban ho ,Sheeri Zabani ek esi umda aur ek esi dilkash khoobi he k isse achchhe se achchhe aur Bade se bade log bhi taabe ho jate he’n, Kahawat mashoor he ,” Zaban Sheeri to mulk geeri ,”

*"─❥ Mithi aur Sheeri Zaban ek esa jadoo he Jo hamesha Apne saamne wale per asar andaz hota he, Sheeri Zaban Aurat ke aybo ko bhi log bhool jate he’n,*

*"─❥ Ek Aurat me Duniya bhar Kï khoobiya’n ho lekin agar Wo Bad-zaban ho to uski saari khoobiyo’n per paani fir jata he, Agar Aurat CHAHE to Sheeri Zaban ke jaadu se Na-meharban Shohar ko bhi Meharban bana sakti he,*    

      ◐┄┅════❖════┅┄◐

*✿●•· Miya Bivi ke Jhagdo ke Khaatme ke liye Do Usool,*

┍━━━━━━━━━━━━━━━┙

*"─❥ Agar Aurat in Do baato ko apna le to hum Yaqeen ke saath keh sakte he’n k Miya Bivi ke bahut se jhagde khatm ho jayenge ,Bahut si na ittefaqiya …..na chaqiya…zulm v zyadti …naraaz ho kar Maayke chale Jana ….masoom Bachcho per gussa nikaalna …khula Lena ..talaaq ka mutalba karna ye sab kharabiya in Do usoolo per Amal karne se izzat v Shafqat, isaar v bardasht, Ikraam v ahatraam ,narmi me badal jayengi aur Muhabbat paida ho jayegi,*

*"─❥ 1- Bivi ” Ji Haa’n ” lafz bolna Sikh le , Har waqt ” Ji Haa’n ” kahe ,maslan Shohar Din ko Raat kahe to bhi ” Ji Haa’n ”*

*"─❥2- Doosra usool Maafi maangna aur Yu kehna k Aainda esa nahi hoga ,” Galti ho gayi maaf karna ,Aainda esa nahi hoga ,”*

*─❥ Ab iske baad Shaitaan ke liye us ghar me Jhagda paida karane ka koi hathiyar baqi nahi rahega,*

      ◐┄┅════❖════┅┄◐

            *✿●•· Shukr Guzari,*

┍━━━━━━━━━━━━━━━┙

*─❥_Aurte’n Shuru se hi Apne aapko Shukr ka aadi bana le ,Har waqt JIS haal me bhi Allah ne Shohar ke ghar me rakha uska Shukr kare ,Shohar ke Ghar Kï Daal Roti ko Qorma aur Biryani Samjhe aur is per bhi Allah Ta’ala ka Shukr kare,*

*─❥ Shohar Ghar me chahe kesi bhi cheez laye ba takalluf hi unka Shukriya ada Kijiye ,har Cheez ko Shukr ke Chashme laga kar dekhiye to Buraaiya’n chhup jayegi aur Achchhaiya’n Aapke saamne aayengi,*

*─❥ Allah Ta’ala ka Vaada he k Jab Allah ka Shukr ada kiya jayega to Allah Ta’ala niyamato ko badhayenge,*

*─❥ Huzoor Sallallahu Alaihivasallam ne Aurto’n se khitaab farmate hue farmaya, Mai'ne dozakh me sabse zyada Aurto’n ko dekha, Vajah poochhi gayi to farmaya ,” Shohar Kï na-shukri Kï Vajah se,*

*"_Dekhiye Shohar Kï Na-Shukri karna itna bada Gunaah he k Jahannam me Jane ke asbaab me se ek sabab he,*

*─❥ isliye Apne tamaam mohsino ka khususan Shohar ka Shukr ada karna, iska asaan Tareeqa he k har waqt kahiye,”Jazakallahu khaira” Allah is ka Aapko behtreen badla ata kare ) aur Chhote Bachcho ko bhi Aap iska aadi Banaiye, Agar Aap Bachcho ko paani ka gilaas de, koi Khane pine Kï cheez de to ye kehalwao, Beta kaho ,” Jazakallahu khaira ”agar Bachcho se koi kaam liya to Aap bhi kahiye, ” Jazakallahu khaira ,”*

      ◐┄┅════❖════┅┄◐

            *✿●•· Sabr ______,"*

┍━━━━━━━━━━━━━━━┙

*"─❥ Sabr kehte he’n Koi takleef dah baat pesh aaye to Zaban se koi khilafe Shar’a baat na nikale, na Jism ke doosre A’aza se koi khilafe shar’a koi kaam kare ,Na Parwardigaar se Shikwa kare na Amaal se nafarmani ho, Agar Gam, Bimari, Pareshani ke waqt bhi ye kaifiyat he to ye Aadmi Sabr karne wala he,*

*"─❥ Sabr karne wale ka har aane wala Din uske guzre hue din se behtar hua karta he aur Be Sabri karne wale ka har Aane wala din uske guzre hue Din se badtar hua karta he,*

*"─❥ Ye Pakki baat Apne Dilo per likh lijiye, Allah Ta’ala ko Sabr karne walo SE Muhabbat he ,Qurane paak me Allah Ta’ala ka Irshad he,”*

*"_ إِنَّ اللَّهَ مَعَ الصَّابِرِينَ_,*

*"_Beshak Allah Ta’ala Sabr karne walo ke saath he,*

*"─❥ isliye Gamo per pareshan na hua kare ,Ye Zindgi ka hissa he ,agar khushiya’n hamesha nahi rehti to fir Gam bhi hamesha nahi raha karte, Allah Ta’ala farmate he’n, ”Har tangi ke baad Asaani he ,”

*"─❥ Allah Ta’ala ka hukm he ,” Ey imaan walo ( Tabiyato me gam halka karne ke bare me ) Sabr aur Namaz se Sahara ( aur Madad ) haasil karo, Bila Shubha Haq Ta’ala ( har tarah se ) Sabr karne walo ke saath rehte he’n,*

*"─❥ Aur Namaz padne walo ke saath to badarja Aula saath rehte he’n, Vajah ye he k Namaz Sabse badi ibaadat he ,Jab Sabr me ye Vaada he to Namaz Jo isse badh kar he usme to badarja Aula ye basharat hogi,*

      ◐┄┅════❖════┅┄◐

*✿●•· Nek Bivi Ka Allah Ta’ala Kï Taqseem Per Raazi ho Jana:-*

┍━━━━━━━━━━━━━━━┙

*─❥ Ye Bhi ek Nek Bivi Kï Sifat he k Jo kuchh Allah Ta’ala ne diya us per Raazi ho Jana ,aur is per Shukr ada kare,*

*"─❥ Lihaza Har Musalman Aurat ko Chahiye k Kisi se bhi kisi qism Kï koi Ummeed na rakhe, khususan Musalman Nek Bivi Kï yahi Shaan honi chahiye k Apne Shohar, Waalid, Bhai, Saas aur Bhabhi kisi se kuchh bhi milne Kï Ummeed na rakhe,*

*"─❥ Aur Ye Yaqeen rakhe k koi Banda kisi ko Allah ke Hukm ke bager kuchh bhi nahi de sakta ,Sabko dene wala Wahi he, Sabko paalne wala wahi he, lihaza usi se Ummeed rakhi jaye ,Jiske paas Jo kuchh he Wo usi Allah ka diya hua he aur uske imtihan ke liye Aaj uske haath me amanat he,*

*"─❥ Aksar Baar Baar maangne wali Bivi Shohar Kï nigaah se gir jati he aur Jo Bivi Shohar se kisi cheez ka mutalba nahi karti balki Sirf Shohar se ye kehti he k” Aapki Dua chahti hu’n, Jab Aap mujhe dekh kar muskura dete he’n ye mere liye Duniya Kï sabse qeemti cheez he ,”*

*"─❥ Shohar Jo kuchh bhi le aaye us per Shukriya ada karna aur uski cheez Kï Tareef karna hi chahiye, lekin Khud koshish kare k Apni zaban se na maa'nge, Haa’n Allah Ta’ala se khoob khoob aur baar baar maange ,Fir Zarurat Samjhe to is andaaz se Shohar ko keh de k ,”Mera khayal he k ye cheez ghar ke liye zarurat Kï he baqi jesa Aap munasib samjhe,” Ya ”Mai ye chahti hu k ye Kapda fala Kï Shadi ke liye khareed lu ,Aapka kya khayal he ?”*  

      ◐┄┅════❖════┅┄◐

*✿●•· Shohar se Baat Karne ke Adaab ,-1*

┍━━━━━━━━━━━━━━━┙

*─❥"Nek Bivi Ko Chahiye K Shohar se Baat Karne me in Baato Ka Khaas Khayal rakhe'n:-*

*"_ (1)- Uski baat ko poori Tavajjoh se sune, Bich me na bole ,Jab baat poori ho jaye aur fir koi baat samajh na aayi ho to poochh le kyuki bich me bolne se Aksar baat ka rukh kahi se kahi nikal jata he aur baat ka maqsad bhi faut ho jata he,*

*"_( 2)- Kabhi ” Tu ” ka lafz istemal na kare, balki hamesha ” Aap ” ka lafz istemal kare, Hamare yaha Baaz khandano me to Tu keh dena gaali Kï tarah shumar hota he,*

*"─❥_( 3)- Hamesha Apna lahja naram rakhe, Kabhi bhi Tez lahje me baat na kare, balki gusse Kï Aamzish se door ho kar Narmi v Shaguftgi se baat kare ,*

*─❥"_ (4)- Kyu, Kya Kese, Kab, Kaha’n, in alfaz ko kabhi istemal na kare, Maslan – Aap kyu dair se aaye ?*

*─❥"_ (5)- Shohar ko Hukm ke lahje me koi baat na kahe ,insaan Kï tabiyat he k koi baat usko Hukm se kahi jaye ya Zabardasti usse talab Kï jaye to ya Wo inkaar kar dega ya bedili se kaam karega,*

*"─❥ 6- Moqe per Guftgu:- ”moqe per kahi baat Sone Kï daliyo Kï tarah hoti he ,”Nek Biviya’n foran be tarki jawab nahi deti ,balki baat ko sun kar khamosh rehti he, Sochti he fir soch samajh kar baat karti he, Anjaam ko saamne rakh kar baat karti he ,Moqe per baat karti he,*

*"─❥ 7- Jawab Saaf dijiye ,agar Shohar koi baat poochhe to uske sawal per gor kare aur sawal ka maqsad samjhne Kï koshish kare k is sawal karne ma maqsad kya he ,Jawab dene me sawal se hat kar koi fizool baat na Kï jaye k jisse baat aage bad jaye,*

*"─❥ 8- Adhuri baat bhi na Kijiye aur Zarurat Kï baat me fizool baat na milayi jaye,*

*"─❥ Yaad rakhiye kisi Aqalmand ka qaul he k Duniya me har insaan se galtiya’n saadir hoti he, lekin aqalmand Shakhs Wo he Jo apni galtiya’n chhupane me kaamyaab ho sake aur be waqoof Wo he Jo Apne aib khud hi khol de,*

      ◐┄┅════❖════┅┄◐

*✿●•· Muskurahat Zinda Dili ka Naam he ,*

┍━━━━━━━━━━━━━━━┙

*"─❥ Kehte he’n Muskurahat Rooh ka Darwaza Khol deti he, Rooh ka Rishta Zahan se, Zahan ka dimaag se aur Dimaag ka Dil Se hota he, Bivi khoobsurat wahi samjhi jati he Jo Shohar ke Dil me Khushiya’n bikherne aur Dillagi ka baa’is banne Kï salahiyat rakhti ho,*

*"─❥ Dil sabse zyada us waqt khush hota he jab koi hansta muskurata Shakhs tumhare qareeb betha ho, Dil Kï Shadmani aur KHUSHI umda Davaa Kï tarah nafa pahunchati he,*

*"─❥ isliye Aap Zara ahatyat Kijiye aur hamesha muskura kar Zinda dili ka saboot dijiye, Shohar ke aate hi Apne aur Bachcho ke chehro per Muskurahat ka powder mal lijiye, Aur Shohar aur Bachcho ko bhi chahiye k Wo ghar me Dakhil ho to Muskurate hue aaye,*

*"─❥ Miya Bivi hamesha ye usool yaad rakhe ,” Jo Tum muskurao to Sab muskuraye ,” Miya Bivi me Muhabbat aur ittefaaq paida karne ka mujarrab nuskha ye he k Dono Muskurahat ko apnaye ,Muskurahat ke khilaf Baato ka zikr hi na kare, Har Waqt Muskurata hua Chehra Apnaye'n _,"*

*─❥"_ Allah Ta'ala ki Ni'amato me se Ek Ni'amat ye bhi hai K Allah Ta'ala Kisi Bande ya Bandi Ko Muskurata hua Chehra ata farma de'n _,"*

      ◐┄┅════❖════┅┄◐

*✿●•· Manfi Soch se Bachiye,*

┍━━━━━━━━━━━━━━━┙

*"─❥ Yaad rakhiye ! Aapko nafs kabhi ye dhoka na de k mere Maa’n Baap Maaldaar he’n ,Mai’n unke paas chali jaungi, Nahi kabhi nahi ! Shohar ke kehne per bhi Aap isko qubool na Kijiye balki ESA moqa hi na dijiye k Wo ye keh de k tum Apne Mayke chali jao,*

*"─❥ Isliye k Abhi Aapka lad jhagad Kar Shohar ke ghar se nikalna bahut asaan he aur Ye Aapke haath me he,aur ye bhi mumkin he k Walida ko Phone kar ke Gaadi mangwa li aur Mayke chali gayi Ya chhote Bhai aur Walid ko bula liya aur chali gayi ,Lekin fir dobara lotna bada mushkil hoga,*

*"─❥ Ap Lotna Aapke haath me nahi rahega ye kisi aur ke haath me chala jayega k Wo Jab Aapko bulana chahega bulayega aur Jo cheez doosre ke haath me chali jaye usme fir Apni nahi chalti,

*"─❥ Isliye kabhi is khayal ko bhi Dilo Dimaag me mat aane dihiye ,Abhi to Walid bhi, Chhote Bade Bhai bhi Aapka saath denge ,lekin Jese jese Waqt guzarega Aapko Walden ke ghar ka ek Din ek Maah ke barabar lagega,*

*"─❥ Jab Chhote Bhaiyo Kï Shadi hogi aur Allah ne kare Bhabhiyo ne ye keh diya ,”Hamare Saath kya nibhayegi jab Apni Saas, Shohar ke saath to nibhaya nahi,” Us waqt ka ek Taana paththar jese jigar me bhi suraakh kar sakta he,*

*"─❥ Shohar ke ghar ka mamooli khana ,Doosre Kï murgi biryani se badarjaha behtar hota he, isliye Dil me kabhi is khayal ko jagah mat dijiye k ”Mayke chali jaungi” isliye Badi budhiya kehti thi, "Doli me aayi thi ab janaze Kï soorat me hi waapas jaungi,*

      ◐┄┅════❖════┅┄◐

*✿●•·Aurto’n Kï Aapas Kï Ladaaiya’n,*

┍━━━━━━━━━━━━━━━┙

*"─❥ Baaz Aurto’n Kï ek Buri Aadat ye hoti he k ek Zara Sa ladaai ka bahana mil jaye usko muddato tak na bhoolengi ,Baal Kï khaal utaarti jayengi ,Unki ladaaiya’n sakht to nahi hoti magar lambi hoti he, Inka Keena kisi tarah nikalta hi nahi ,Koi ghar ESA nahi jisme Aurte’n isme mubtila na ho, Maa’n Beti, Saas Bahu, Devrani Jethani, Nanad Bhojai Aapas me ladti he’n,*

*"─❥ in sabki Buniyad Aham parasti he ,aur iska ilaaj ye he k Suni Sunaai baato per aitbaar na kare,*

*"─❥ Masnoon Tareeqa bhi yahi he k Agar kisi se kuchh Shikayat Dil me ho to foran us Shakhs se zaahir kar de ,Agar Zaahir nahi karegi to Dil me Keena, Dushmani aur Gusse ke jazbaat ka podha ug jayega Aur jese jese waqt guzrega ye podha darakht banega inki jade gehri hogi k nikaalna mushkil hoga,*

*"─❥ Aur agar Shikayat Sahi ho to foran Shikayat door kar ke ek Doosre se maafi talafi kar le aur agar galat ho to hamesha ke liye iska ladaai ka Darwaza band ho jayega,*

*"─❥ Lihaza Do baato ko yaad rakhe ,Purani Baate to bilkul bhula de aur Kisi se Geebat ,Chugli Sune hi nahi, agar Sun li to us per Yaqeen na kare,*

┍━━━━━━━━━━━━━━━┙

 *✿●•· Khoobsurat Aurat Konsi He ,?*

┍━━━━━━━━━━━━━━━┙

*"─❥ Yaad rakhiye ! Khoobsurat Nazar aane ka Bada sabab ” ita’at ” he, Shohar Kï farmabardari aur ita’at to Bivi Kï fitrat me Shaami hona chahiye ,Kyuki Shohar hi to he Jo uske liye Din Raat ek karta he aur musalsal Apne aapko thakaata he ,uska Haq to isse kahi bada hua he, Lihaza khair aur bhalaai ke KAAMO me uski ita’at aur Tabedaari farz ( Zaroori ) he ,*

*"─❥ isliye Hazrat Aayesha Raziyallahu Anhuma Aurto’n ko Apne Shoharo ke bare me nasihat karti thi aur sakht lehje me farmati thi,*

*”_ Ey Aurto’n Kï jama’at ! Agar tum jaan leti k tum per tumhare Shoharo ke kya Huqooq he’n to tum unke Qadmo ke gubaar ko Apne rukhsaar se saaf karti ,”*

*"─❥ Bivi Kï khoobsurati ka Raaz Shohar ki ita’at me poshida he ,Jitni wo Shohar Kï farmabardari karegi utni hi zyada khoobsurat lagegi,*

*"─❥ isliye k Aurat ishq v naaz ke teero se les hone ke bavjood bhi Mard Kï qadawar shakhsiyat ke saamne bebas he ,aur uski kamzori zaahir he aur Bilaakhir Jald hi majboor ho kar use Mard Kï tabedaari aur ita’at ke liye Sar jhuksna hoga, Adaab v Akhlaq se araasta ho kar Aainda har qism Kï nafarmani se parhez karna hoga,*

*─❥"_ Lihaza Musalman Bivi is baat ko achchhi tarah samajh le k Shohar Kï nigaah me haqeeqi Khoobsurati uski ita’at he ,isliye Shohar Kï khoob ita’at kare , Agar Nek Bivi ne Apne andar Ek Yahi Sifat paida kar li to wo Powder lagaye bager kisi Beauty Parlour me jaye bager aur kisi makeup ke bager Sabse Zyada Khoobsurat Bivi Shumar hogi _,"*

      ◐┄┅════❖════┅┄◐

       *✿●•· Saleeqe Kï Baate’n ,-*

┍━━━━━━━━━━━━━━━┙

*"─❥ Shohar Kï chhezo ko khoob saleeqe aur tehzeeb se rakhe ,Rehne ka kamra Saaf ho ganda na ho ,Bistar mela kuchela na ho ,Takiya mela ho to gilaaf badal de,*

*"─❥ Jab uske kehne per Aapne kiya to isme baat kya rahi ,Maza to isi me he k bager kahe hue sab cheeze theek kar de ,Jin cheezo ko Wo Jis tarah saleeqe se rakhna chahta ho wese rakhe,*

*"─❥ Jo cheez Aapke paas rakhi ho unko hifazat se rakhe ,Kapde ho to Teh karke rakhe ,Yuhi idhar udhar na daale ,bikhre pade na ho ,saleeqe se rakhe,*

*"─❥ Agar Shohar ke Maa’n Baap zinda ho aur Rupiya paisa Sab unhi ko de aur Aapko na de to Bura na maane ,balki agar Aapko de to tab bhi samajhdari Kï baat ye he k Aap apne haath me na le balki ye kahe k unhi ko de dijiye taki Saas Sasur ka Dil Aapki taraf se mela na ho,*

*"─❥ Aur Jab tak Saas Sasur Zinda he’n unki Khidmat aur Taabedari ko apna Farz samjhe aur isi me Apni izzat Samjhe ,aur Saas Nando se alag ho kar rehne Kï hargiz fikr na kare Kyuki Saas Nando se bigaad Kï Jad yahi he,*

*"─❥ Jo Kaam Saas aur Nande’n karti he’n Aap uske karne se Sharm aur Sar mehsoos na kare, Aap khud bhi unse keh kar kaam le Aur kare, isse Sasural walo ke Dil me Aapki Muhabbat paida ho jayegi,*

*"─❥ Jab Do Aurte’n Aapas me chupke chupke Baate’n kar rahi ho to unse alag ho jaye aur is baat Kï fikr na kare k Aapas me kya Baate’n kar rahi thi ,Aur na hi bekaar hi ye khayal kare k hamari hi Baate’n kar rahi hogi,*

*"─❥ Har maamle me Apni Walida Kï tarah Saas ka adab karo aur har haal me unki Razamandi ko muqaddam samjho, chahe tumko takleef ho ya Raahat, magar unki marzi ke khilaf ek qadam bhi na uthaao,*

*"─❥ Zaban se ESA koi lafz na nikaal jisse unko takleef ho ,Unse jab baat karo to ese alfaaz istemal na karo jese Apni barabar waliyo se karti ho ,balki un alfaz se baat karo Jo BUZURGO ke liye istemal KIYE jate he’n, Agar Saas Kisi maamle me tambeeh kare, Daante to unke kehne ko khamosh ke saath sun lo aur Yaad rakho Apne Shohar Kï Saas ( Maa’n) se zyada apni Saas ka khayal rakho,*

*"─❥ Agar kabhi nagawar aur talkh baat keh de ( k Jiski Ummeed to nahi he ) tab bhi usko meethe Sharbat Kï tarah pi jao aur hargiz SAKHTI se jawab na do, Agar kisi kaam ko doosro ko kahe to tum usko bhi apni taraf se anjaam do,*

*─❥•· Agar koi Aurat Tumse Martaba aur Umar me badi he jese Shohar ke bade Bhai Kï Bivi ,uske saath guftgu aur uthne bethne me uske Martaba ka lihaaz rakho aur uske saath is tarah mil jul kar raho jese sagi behne’n ho'n, tum agar ESA bartaav rakhogi to zaroor doosri taraf se bhi ESA hi bartaav hoga ,*

*─❥•· Aur agar Umar v Martaba me tumse Chhoti ho to uske saath Muhabbat aur Pyar wala bartaav rakho aur usko nihayat Narmi se achchhi baato Kï taleem deti raho aur Wo koi kaam kare to tum uski madad kardo ,*

*─❥•· Isi tarah Shohar Kï Behno ke saath unke martaba ke mutabiq sulook karo _,*

*─❥•· Apne ghar ya kisi doosre ke ghar kisi taqreeb ( program) me Aurto’n ke saath mil betho to peeth pichhe kisi ke bare me esi baate mat kaho k agar Wo sune to bura maane ,isi ko Geebat kehte he’n, Geebat karna sakht gunaah he ,*

*─❥•· Ghar me Jo Bachche he’n chahe Devrani ,Jethani Kï Aulaad ho ya ese qareebi Rishtedaro ke Jo us ghar me rehte he’n, Unke saath nihayat Narmi se pesh aao, Hadees Sharif me aaya he, ”Jo Shakhs bado ka adab na kare aur Chhoto per reham na kare Wo humme se nahi ( yani uska humse talluq nahi ),”*

┍━━━━━━━━━━━━━━━┙

 *✿●•· Namaz Kï Ahmiyat ,-1,*

        ┍━━━━━━━━━━━━━━━┙

*✿●•· Hazrat Anas Raziyallahu Anhu se Rivayat he k Rasulallah Sallallahu Alaihivasallam ne irshad farmaya,*

*”_ Agar Aurat Paanch waqt Kï Namaz padhe, Ramzan ke roze rakhe, apni izzat aabru ko bachaye rakhe ( yani paak daaman rahe ) aur Apne Shohar Kï ( nek kaamo me ) ita’at kare to ( usko Akhtyar he k ) jis darwaze se chahe Jannat me dakhil ho jaye ,”*

*$___ ( Bukhari Sharif )*

*✿●•· Aurte’n agar Namaz ka ahatmam kar le aur Azaan sunte hi sab kaamo ko chhor de ,Jo Aurte’n ye sochti he’n k abhi to Azaan hui he ye kaam khatm ho jaye fir Namaz padh lengi to kaam to khatm hote nahi aur Namaz der se padhne ka gunaah alag se hota he aur waqt me barkat khatm ho jati he ,*

*✿●•· Isliye Aap ghar ke andar Musalle Kï jagah banaye aur usi ko Apne liye Masjid samjhe ,Bada ghar he to ek kamre ko bhi Masjid bana le ,Waha per Tasbeeh bhi ho, Guthliya’n bhi ho (zikr ke liye ) aur Quran Majeed bhi qareeb ho aur Parda bhi taki asaani ke saath Namaz padh sako ,aur us jagah bethne Kï aadat daale ,*

*✿●•· Amuman Aurte’n apni Mushkilaat aur Musibato Kï vajah se kitni pareshan rehti he’n Halanki Allah Ta’ala ne Hume Namaz jesi Azeem ibaadat ata farmayi he, lihaza Farz Namaz achchhi tarah ada karke Allah Ta’ala se maange, Fir Hume Taveez aur Dam KIYE hue paani ke liye pareshan nahi hona padega, balki har farz Namaz padh kar Dua maang kar khud paani per Dam kar sakti he ,*

*✿●•· Dulhan Shadi wale Din Namaz padhne me Sharm mehsoos karti he, Halanki us Din zyada Namaz ka ahatmam karna chahiye k Aaj nayi Zindgi ke safar ka Pehla Din he ,*

            

*✿●•· Baaz martaba Ayyam ( Haiz ) se paak ho Jane ke baad Jaldi Namaz shuru nahi karti, ek do waqt taal deti he’n, iska Shara’i Hukm ye he k Paaki Nazar aane ke baad ek waqt bhi Namaz qaza karna jaa’iz nahi aur yahi Hukm roze ka he ,*

*✿●•·Baaz Aurte’n Bachche Kï paidaish ke baad chahe 30 din baad hi paak ho gayi ho fir bhi 40 din tak Namaz nahi padhti, Hala'nki Aurat jab bhi paak ho jaye ( Chahe 40 roz se kam dino me hi paak hui to Gusl karke Namaz padhna zaroori he aur agar na padh saki gaflat aur Susti kotahi Kï to uski qaza wajib he ),*

*✿●•· Baaz Aurte’n Ye kotahi karti he'n k un namazo Kï qaza ada nahi karti Jo har mahine Ayyam se paak hone ke baad Gusl der se karne Kï vajah se chhoot jati he ,*

*✿●•· Baaz Aurte’n Khud to Namaz Kï pabandi karti he lekin Saat saal ya isse badi umar ke Bachcho ko na to namaz sikhati he na hi padhwati he aur usi tarah Shohar ya Bade Bachcho ko Masjid me bhejne Kï koshish nahi karti, Iske liye Rozana ghar me ” Fazaile Aamaal ” aur ” Riyazul Saleheen ” Kï taleem kare Jisse ghar ke tamaam log beth kar sune, is Amal se Allah Ta’ala Kï khususi rehmate aur Barkate naazil Ho'ngi, Ghar ka har fard Namazi ban jayega aur Tilawat v Zikr Kï fiza GHARO me qaayam hogi ,*

   ┍━━━━━━━━━━━━━━━┙       

              *✿●•·Parda ,-_,*

        ┍━━━━━━━━━━━━━━━┙

*✿●•· Meri Behan ! Hazrat Fatima Zohra Raziyallahu Anhuma ke is qaul per gor karo k Aurat ke liye khair ye he k na Wo Mardo ko dekhe aur na Mard use dekhe ,Aurat ke liye Khair to sirf isi me he k Wo Mardo ke hujoom aur maidan se door RAHE aur Mard Aurto’n ke maidan se door rahe ,*

*✿●•· Allah Ta’ala ke nazdeek Aurat ka darja us waqt tak badhta rehta he jab tak Wo apne ghar me rehti he aur Hadees Sharif me aaya he k Aurat Chhipane Kï cheez he ,*

*✿●•· Hazrat Ali Raziyallahu Anhu kaha karte the, ” Ey logo ! Kya tumhe Sharm nahi aayi, Kya tumme gairat khatm ho gayi he k Tum apni Bivi ko Chhoot de dete ho k Wo Mardo ke beech me se guzarti chali jaye ,k Wo gair Mardo ko dekhe ,aur gair Mard usko dekhe ,”*

*✿●•· Ek Din ka Zikr he k Ummul Momineen Hazrat Aayesha aur Hazrat Hafsa Raziyallahu Anhuma Nabi Kareem Sallallahu Alaihivasallam ke paas bethi hui thi k Hazrat Abdullah bin Umme Maktoom Aapke paas aaye, Ye nabina ( blind ) Sahabi the ,to Nabi Kareem Sallallahu Alaihivasallam ne dono se Farmaya, ” inse Parda karo ,”*

*"_Dono Ummul momineen ne kaha ,” Ey Allah ke Rasool ! Kya ye Nabina nahi he ,na Hume dekh sakte he’n na pehchan sakte he’n? ”*

*Ye Sun kar Nabi Kareem Sallallahu Alaihivasallam ne farmaya ,” Kya tum dono bhi Nabina ho aur kya tum use nahi dekh rahi ho ,” ( Abu Daowd Sharif)*

*✿●•· is Hadees Sharif se Parde ki ahmiyat khoob waaze ho gayi aur ye bhi maloom ho gaya k Parda Dono taraf se hona chahiye, na k ek hi taraf se aur Jisse Parda ka Hukm hua he usse Aankho wala Parda Muraad he na k dil wala ,*

*✿●•· Baaz Jaahil qism Kï Aurto’n me mashoor he Wo kehti he’n k Asal Parda to Dil ka hota he, Jab Dil me Parda he to Zaahiri numaishi Parde Kï kya zarurat he, Esa khayal bhi jahalat he ,*

*✿●•· Lihaza is baat ka khaas khayal rakhe k Koi Na Mehram Mard Aapke Jism ke kisi hisse ko na dekh sake,, Chahe Wo Dever ho, Ya Nokar ho, Khalazaad ya Mamuzaad ho ,ya koi bhi esa Mard ho Jisse Allah Ta’ala ne parde a Hukm diya he ,usse Apne Jism ko chhupaye rakhe ,*

*✿●•· Aur Bila Zarurat bahar na nikle, agar majboori me Jana pade to Burqa pehan kar nikle, Agar Aapne apna Chehra khula rakha aur Aapko das Aadmiyo ne dekha to Goya Bees Aankhe Allah Ta’ala ke gazab ka shikaar hui ,*

*✿●•· Lihaza Kabhi bhi ban than kar na nikle, Apna Husn gairo ko na dikhaye, Khususan jab Dulhan bani ho aur Sasural me jaye to poore Burqe me jaye ,*

*✿●•· Baaz Jagah Allah Ta’ala ko naraaz karne wala ek rivaaj ye bhi he k Aksar Dulhan Apne Dever ,Jeth ya Dulha ke Chachazaad, Mamuzaad ya Digar Na-mehramo se musafa karti he’n ,*

*"_ Yaad rakhiye ! Aap bager Dar ke bilkul mana kar de k mai ye Na-jaa’iz kaam hargiz nahi karungi, Koi bhi ESA kaam Jo Allah Ta’ala aur uske Rasool Sallallahu Alaihivasallam ke Hukm ke khilaf ho us per mujhe Majboor na kiya jaye ,”*

*✿●•· Meri Behan ! Jab Aapka Shohar Musafe ko kahe ya Parde se roke to ESE waqt me Aapko Zaalim Firoun Kï Bivi Hazrat Aasiya Kï mustaqil mizaji ko saamne rakhna chahiye, Jaan de Dï magar Allah Kï nafarmani per Raazi na hui ,*

        ┍━━━━━━━━━━━━━━━┙

 *✿●•·Be-Pardgi Ke nuqsanaat -,*

        ┍━━━━━━━━━━━━━━━┙

*✿●•·Jo Aurte’n Apne gharo se be-parda Saj dhaj kar Dulhan ban kar nikalti he Goya Wo Zabane haal se Har nojawan aur Budhe ko Aam Dawat nazaara deti he aur kehti firti he’n k Kya tum is husn v Jamaal ko nahi dekh rahe ho ? Ye sab dekh kar bhi Kya tum Qurbat aur Wasl Kï khwahish nahi rakhte ho ?*

*✿●•· is tarah ye Aurte’n Bazaro aur Shahraaho per apni khoobsurati Kï numaish karti he”n Jese Feri wala chal fir kar apna Maal jagah jagah dikhata firta he, Jis tarah mithaai wala saja kar rakhta he taki aane Jane wale Kï Nazar us per pade ,*

*✿●•· Dozakhiyo ki ek qism ke bare me aata he ,” Esi Aurte’n Jo Kapde pehne hue bhi Nangi hogi aur ( gair Mard ko apni taraf ) maa’il karne wali aur ( khud unki taraf ) maa’il hone wali hongi ,( naaz se Shaano ko ghuma kar lachak daar chaal se chalengi ) unke Sar bade bade bakhti ounto’n ke Kohaano Kï tarah foole hue honge, Esi Aurte’n Jannat me Dakhil na hogi aur na jannat Kï khushbu sunghengi, Halanki jannat Kï Khushbu itni itni door ke faasle se aayegi ,” ( Muslim Sharif )*

*✿●•· Lihaza Kisi bhi Musalman Aurat ke liye jaa’iz nahi k Wo ese Kapde pehne jinme jism Kï rangat ya Baal aur A’aza ( part of body ) Kï numaish ho ya ESE Chust Libaas ho Jo A’aza Kï banawat zaahir kare Jisse Mard gunaho me mubtila ho, Haa’n Apne Shohar ke saamne har ese kaam Kï ijazat he Jiski Vajah se Shohar Kï Tavajjoh sirf apni Bivi per hi rahe ,*       

       ┍━━━━━━━━━━━━━━━┙

 *✿●•·Mangetar Ke Saath Ghoomna Firna,*

        ┍━━━━━━━━━━━━━━━┙

*✿●•· Hum har Musalman Behan ko Nasihat karte he’n k Nikaah se pehle Aapka hone wala Shohar Aapke liye Ajnabi Shakhs he, uska Aapko dekhna Haraam he aur uske saath ghoomna firna Duniya v Akhirat dono ko Tabaah karne ka zariya he,*

*✿●•· Aap Zara sochiye ! Ek nojawan Ladke ke saath ban than kar nojawan ladki ka Jana Jo usko Choraho, Parko aur Hotelo me le jaa kar firaye, Is khuli chhoot ke natije me Hirs Hawas ka ye Patla Saanp ban kar Jab Apne Shikaar ka Ras choos le ,Apna Dil is khilone se achchhi tarah behla le ,Uski izzat ko Sare bazaar ruswa kar de aur is khule Mel jol ke natije me Ladki ko Shadi se pehle hi …………,*

*✿●•· Is Khullam khulla be hayaai ke natije me bahut se Shareef Khandano Kï izzat maliyamet ho gayi Umar bhar ke liye Bachchi Kï Zindgi kharab ho gayi ,is gunaah Kï Nahusat Baaz khandano me is tarah feli k Shadi se pehle Ladka aur Ladki ek doosre se bahut hi Zyada Muhabbat karte the, Ghanto Telephone per baate hua karti ,Ghanto bahar ghooma karte gayi, lekin Shadi ke baad Shohar ka Dil Bivi se hat gaya aur Dekhne wale bhi hairaan ho gaye k in dono me ye nafrat Kï Aag kese lagi ?*

*✿●•· Haqeeqat ye he Jo Bande Allah Ta’ala ko naraaz karte he’n Wo kabhi sukoon v Raahat ke saath nahi reh sakte ,is gunaah Kï Nahusat Baaz martaba ye bhi suni gayi k Rishta bahut Jaldi toot jata he ,*

*✿●•· isi tarah Shadi se pehle hone wale Shohar se Phone pe bhi bilkul baat na Kijiye, buraayi Kï tamaam raahe isi se khulti he ,Aap in baato se bachne ka iraada to Kijiye! Allah Ta’ala Aapki zaroor madad ffarmayenge,in Sha Allah Ta’ala,*

*✿●•· isliye k Jo Aurat Apne paida karne wale Maalik ke Hukmo ko maanne wali aur Hazrat Muhammad Sallallahu Alaihivasallam ke Akhlaq Kï pervi karne wali ban gayi to Wo insaniyat ke Sharf se malamaal ho gayi, Wo Uns v Ulfat ka mujassama aur Muhabbat v ikhwat ka putla ban gayi,*

*✿●•· Nabi Kareem Sallallahu Alaihivasallam ne irshad farmaya, ” Ey Bibiyo’n ! Yaad rakho Tumme se Jo Aurte’n Nek he’n Wo Nek Mardo se pehle Jannat me jayegi aur Jab Shohar Jannat me aayenge to ye Aurte’n Gusl karke Khushbu laga kar Shoharo ke hawale kar di jayengi , Surkh aur Zard Rang Kï sawariyo per sawaar hongi aur unke saath ese Bachche honge jese bikhre hue Moti ,”*

*( Kanzul Ummaal , 16/171)*         

       ◐┄┅════❖════┅┄◐

*✿●•·Shohar Ka Mizaaj Pehchanna ,*

        ┍━━━━━━━━━━━━━━━┙

*✿●•· Bivi ko chahiye k Jab bhi Shohar se baat karni ho to mizaaj dekh kar baat kare ,Agar dekhe k us waqt hansi aur dillagi me he to Hansi aur Dillagi kare aur nahi to Hansi Dillagi na kare,Jesa mizaaj ho wesi baat kare,*

*✿●•· Khoob samajh le k Miya Bivi ka talluq sirf Muhabbat ka nahi hota balki Muhabbat ke saath Miya ka Adab karna bhi zaroori he ,Miya ko Darje me apne barabar samajhna badi galti he, Shohar se hargiz koi kaam na le ,*

*✿●•· Shohar jab khush ho to koshish kare k KHUSHI me aap izafa karne ka sabab ban sake ,Aur gamgeen bechain ho to aap uske gam ko halka karne Kï koshish kare aur khud bhi uske gam me saath de,*

*✿●•· Lutf to isi me he k Shohar Din bhar ka thaka maanda ghar aaye to ghar walo Kï baato se Ji khush kare ,Wo ( Bivi ) usko Raahat de ,unki Raahat ka khayal rakhe ,*

*✿●•· Jin logo ki mashrat ghar walo ke saath achchhi hoti he waqai unko Duniya hi me Jannat ka maza aata he ,*           

        ◐┄┅════❖════┅┄◐

*✿●•·Shohar ke Ghar Walo Kï Tareef aur unse Muhabbat,,*

        ┍━━━━━━━━━━━━━━━┙

*✿●•· Shohar aur Uske Rishtedaro se dili Muhabbat rakhe aur zaban se unki Tareef kare Kyuki jab Bahu ghar me aati he to Khandan Kï nadaan Aurte’n Bartan bajne Kï awaaz ka shiddat se intezar karti he’n,*

*"_· Isliye Zabardasti puchha Jata he k Kya haal he ? Bahu se ugalwaya jata he k us ghar ko kesa paya ?*

*✿●•· Agar Kisi Aurat ko Apne Shohar se ( Ya uske Rishtedaro se ) Tabay Muhabbat na ho to bhi us Aurat ko chahiye k ye baat Apne Shohar ke saamne zaahir na kare balki takalluf Muhabbat ka izhaar kare ,isse Muhabbat nahi hogi tab bhi ho jayegi ,*

*✿●•· Islam ne Miya Bivi ke talluqaat ke silsile me Jo zaroori adaab aur faraiz aa’id kiye he’n unko nibhane aur baja lane Kï koshish kare ,*

*✿●•· Bas isi tareeqe se Zindgi Kï khush gawaari naseeb ho sakti he ,Kyuki baar baar Muhabbat ka izhaar karne aur purani baate bhula kar naya azm aur pukhta iraada karke CHALNE se ek din Wo aata he k ye Dono Miya Bivi ek Jaan Do Dil ,ek Baatin Do zaahir, Ek mizaaj Do Roohe’n ,Ek pareshani Do Dua maangne wale, Ek Dard Do bardasht karne wale aur Ek Fikr Do sochne wale ban Jate he’n ,*

      ◐┄┅════❖════┅┄◐

*✿●•·Sachchi Muhabbat Kï Alaamat,*

        ┍━━━━━━━━━━━━━━━┙

*✿●•·Shohar Kï Sachchi Muhabbat haasil karne aur Shohar ko apne ouper meharban karne ke liye ye bhi nihayat zaroori he k Agar Miya Bivi me Kisi baat per naraazgi ,garma garmi ho jaye to Nek Bivi ko chahiye k foran maafi maang le ,*

*✿●•· Nek Musalman Bivi Kï shaan ka taqaza he k Jab he k Jab tak Shohar ko Raazi na kar le Khush na kar le tab tak Chain se na bethe ,*

*✿●•· isliye k Do Dilo ka mail kuchail Allah Ta’ala Kï Rehmat ko door karta he, Musibate aur Balaao ko laata he aur insaan per esi esi pareshaniya aati he k uska wahamo gumaan bhi nahi hota ,*

*✿●•· Lihaza Miya Bivi ke Dil hamesha Aa’ine Kï tarah Saaf suthre hone chahiye k Dono me se har Ek apne liye Muhabbat, doosre Kï khilti hui peshani per Andheri raato aur ujaale dino me, JAWANI aur budhape me, Sahat aur Bimari me, algaraz Umar Kï har manzil me ye Muhabbat dekhna chahe to dekh le ,*

┍━━━━━━━━━━━━━━━┙

 *✿●•· Achchha Khana Pakana,*

        ┍━━━━━━━━━━━━━━━┙

*✿●•· Shohar ke Dil me ghar Karne ke liye Bivi aur Dulhan ke liye ye bhi zaroori he k Khana Pakane, Dastarkhwan bichhane aur us per Saleeqe se cheeze rakhne ka dhang seekhe,*

*✿●•· Kyuki Khana to pet me pahunchta he lekin iska Asar Dilo dimaag aur Jism ke har hisse aur Kinaare tak pahunchta he, Lihaza Khana Jitna umdgi, khush aslubi aur Saleeqe se pakaya jayega utna hi Shohar ke Dilo dimaag me Bivi Kï aqalmandi, Samajhdari ka sikka beth jayega aur Uski na mitne wali Muhabbat Kï muhar uske Dilo dimaag per lag jayegi,*

*✿●•· Lihaza Bivi Ko koshish kar ke Walden ke Yaha’n hi in cheezo me mukammal maharat haasil kar Lena chahiye, Kyu'nki ye Shohar ke Dil tak pahunchne ka bahut hi asaan aur achchha tareeqa he ,*

*✿●•· Jab Aap achchha Khana Allah ta’ala ko Raazi karne ke liye pakayengi to Aapko Teen tareeqe se sawab milega:- 1- Allah Ta’ala ko Raazi karne ka sawab ,2- Shohar ko khush karne ka sawab, 3- Shohar Kï Dua ka sawab ,*

*✿●•· Yani Jab Shohar, Saas Sasur aur Bachche ye niyamate’n khayenge aur usko lazeez aur mazedar payenge to Dil se Allah Ta’ala ka Shukr ada karenge aur Chu'nki is Shukr ada karne ka Zariya Aap bani ho to Aapko bhi poora poora sawab milega ,*

      ◐┄┅════❖════┅┄◐

*✿●•·Ghar Ke Kaam Kaaj Per Ajro Sawab,* ┍━━━━━━━━━━━━━━━┙

*✿●•· Baaz martaba logo ke zahan me ye hota he k Miya Bivi ke talluqaat ek Duniyavi qism ka maamla he aur ye Sirf Nafsani Khwahishaat Kï takmeel ka maamla he Halanki esa hargiz nahi he, Balki ye Deeni maamla bhi he ,*

*✿●•· isliye k Agar Aurat ye niyat kar le k Allah Ta’ala ne mere zimme ye farz kiya he aur iska maqsad Shohar ko khush karna he aur Shohar ko khush karne ke vaaste se Allah Ta’ala ko khush karna to fir saara Amal baa’ise sawab ban jata he ,*

*✿●•· Ghar Ke Jo kaam Khwateen karti he’n agar isme Shohar ko khush karne Kï niyat ho to Subeh se le kar Shaam tak Wo jitne kaam kar rahi he wo sab Allah Ta’ala ke Yaha’n ibaadat me likhe jate he’n, Chahe Wo khana paka rahi ho ya ghar Kï dekh bhaal, Bachcho Kï tarbiyat ho ya Shohar ka khayal ya khush dili Kï baate ho, in sab per ajro sawab likha jata he, Basharte k Niyat durust ho,*

*✿●•· Aurat Ameer ho ya gareeb usko apne ghar ke kaam apne haath se karne me ek qism Kï KHUSHI mehsoos hoti he aur Kaam bhi Nokro Kï banisbat achchha hota he, iske Siva Jism Kï ek qism Kï Warzish bhi ho jati he, Jo tandurasti ke liye be had zaroori he,*

*✿●•· Araam Kï aadat bana lene se insaan bilkul Kaahil aur Sust ho jata he, is Aadat ka asar Sahat per bhi padta he, Apne haath se sab kaam karne wali Aurto’n Kï Sahat esi Aurto’n se bahut hi achchhi hoti he Jo Aurte’n Nokraniyo se kaam lene Kï aadi hoti he’n ,*

*✿●•· Khud Sahabiyaat Raziyallahu Anhuma Apne ghar ka kaam kaaj apne Haatho se karti thi Yaha’n tak k Rasoole Paak Sallallahu Alaihivasallam bhi apne Kaam Apne haath se karte the,*

┣━━━━━━━━━━━━━━━━━━━━┫

◐

: *"_ Haath Ka Hunar :-*

┣━━━━━━━━━━━━━━━━━━━━┫

*"_ Saliqa mand Ladkiya'n Apna Qeemti Waqt Khail Kood aur Sair Sapate me nahi guzaarti, balki unko jo Waqt milta hai usme Seena Pirona, Pakana, Bunna, Kaatna aur Doosre Haath ke Hunar Seekhti hai'n, Bachpan me Agar koi Hunar Seekh liya jaye To Wo Zindgi bhar kaam aata hai aur Hunar Jaanne wala Kabhi kisi ka Mohtaaj bhi nahi hota,*

*"_Hunar hi to insaan ke Aade waqt Ka Saathi hai, Gurbat aur Tanhdasti ke Waqt insaan ko Apne Hunar se bahut madad Haasil hoti hai,*

*"_ Afsos Aaj kal Aksar Jowan Ladki mobile aur doosre fizool kaamo me Apna waqt zaaya karti hai'n, Mobile Zarurat ke mutabiq istemal kiya ja sakta hai magar Waqt guzaarne ke liye Hargiz istemal na kare'n,*

*"_ Qur'an Kareem v Deeni kitabo ko padhne me waqt guzare'n, Ghar ke Kaam Kaaj Seekhne me waqt guzare'n, Seena Pirona, Khana Pakana, Kada'i Buna'i, Haath ke digar Hunar Seekhne me waqt guzare'n, Ghar ke Kaam Kaaj me Apni Maa'n Behno ka haath bataye'n,*

*"_ Sahabiyaat Raziyallahu Anhuma Hunar aur Dast kaari se waqif thi'n, Hazrat Sauda Raziyallahu Anha Taaif se aane wale Chamdo ka pakana aur rangna bahut Achchhi tarah jaanti thi'n, isliye Doosri Bibiyo'n ki banisbat unki maali Haalat bhi bahut Achchhi thi,*

*"_ Hazrat Fatima binte Shaiba Raziyallahu Anha bahut Achha Seena Pirona aur bunna jaanti thi'n, Hazrat Safiya Raziyallahu Anha khana pakane me maahir thi'n,*

*"_ Ka'i Aurte'n kapde Bunti thi'n, isi tarah aur doosri Kai khwateen charkha kaatna bahut Achchha jaanti thi'n, Chunache Junge Khaibar me kai Khawateen ne Charkha kaat kar Musalmano ki madad ki thi,*

  ◐┄┅════❖════┅┄◐

       *✿●•· Sunehri Usool ,-* ┍━━━━━━━━━━━━━━━┙

*✿●•· Haqeeqat me Nikaah kisi Kï gulaami nahi, balki Aapas me ek doosre ke saath taawun ka naam he ,Shariyat ke muqarrara tareeqe ke mutabiq Mard Aurat ko ek doosre Kï khair khwahi, Aapas ke Pyar Khuloos Kï zarurat padti he aur Zindgi Kï is gaadi ko dono ko mil kar kheenchna padta he aur dono mil kar Zindgi ko apni apni taaqat aur haisiyat ke mutabiq khush gawaar banate he’n aur isko kaamyaab banane ke liye qurbaniya dete he’n,*

*✿●•· Sasuraal Jate hi Tu har ek ki tavajjoh ka markaz banegi ,sabhi Aurto’n Kï nigaah tujh per lagi hogi Sab tere dekhne Kï shoqeen hongi ,Teri har har harkat per ,tere har har qadam per na maloom kesi kesi raayzani hongi us waqt tumhe bahut ahatyaat aur hoshiyari Se kaam Lena hoga, isliye k Teri chhoti si galti bhi ghar Kï Aurto’n ke liye nukta chini ka baa’is banegi ,*

*✿●•· Allah Ta’ala ne Mard Aurat dono ko ek doosre ke Libaas se tabeer kiya he, Yani Mard Apni Aurat ke liye Libaas he aur Aurat Apne Shohar ke liye Libaas he, iska matlab ye hua k Mard Agar Jism he to Aurat uski Rooh he Ya fir Aurat agar jism he to Mard uska Libaas he,*

*✿●•· Hazrat Umme Salma Raziyallahu Anhuma ki Rivayat me he k Rasulallah Sallallahu Alaihivasallam ne farmaya,:-”_ Jo Aurat is haalat me mar jaye k uska Shohar usse khush tha to beshak esi Aurat Jannat me dakhil hogi ,” ( Tirmizi ,1161)*

*✿●•· isi tarah ek aur Hadees me Huzoor Sallallahu Alaihivasallam ne farmaya,:-” Ey Aurat ! Dekh Teri jannat aur Dozakh tera khawind he ,” ( Kanzul Ummal, 16/159)*

*✿●•· Jis Aurat ne Apni khidmat aur Farmabardari Kï Vajah se Shohar ke Dil me maqaam bana liya he ,esi khidmat guzaar Bivi Kï ek minute Kï Judaai se bhi Shohar takleef mehsoos karta he aur uske bager Ghar me bad nazmi paida ho jati he ,*

*✿●•· Jo Aurat ye chahti ho k Shadi ke baad uski Zindgi tabahi Kï taraf na Jane paye to Wo Kisi bhi maamle me Apne Shohar Kï mukhalfat kabhi na kare aur Jo Jo takleefe pesh aaye moqa ba moqa mukhtalif andaz se Shohar ke saamne pesh kar ke uska faisla karne Kï koshish kare ,Kyuki usi waqt mukhalfat karne se kabhi kaamyabi haasil nahi hoti balki Ye to jalti per tail daalne ke manind hota he ,*

*✿●•· Agar koi Ladki Apne Shohar ko kisi maamle me khuloos aur Muhabbat se Mashwara degi aur Farz Namazo ke baad aur Raato ko uth kar Shohar ke liye Duae’n karegi to to uska Shohar zaroor uski baat maan lega aur agar na bhi maane to bhi Aurat ko ulajhne Kï zarurat nahi, Kyu'nki ek baat agar us waqt uski samajh me nahi aayi to kisi doosre moqe per wahi baat uske dimaag me aa jaye ,*

      ◐┄┅════❖════┅┄◐

*✿●•·Khawind Ka Dil Jeetne Kï Tadbeer - 1_ Huqooq Kï Ri’ayat ,* ┍━━━━━━━━━━━━━━━┙

*✿●•·Miya Bivi me jod ho to izdwaji Sukh aur itmnan mukammal TOR per haasil ho sakta he, iske bager Zindgi gair mukammal aur dukhi shumar hoti he, isliye Aurto’n ko Khawind ka Dil jeetne Kï Tadbeere seekhni chahiye, Aurat Chahe kitni hi padhi likhi, Khoobsurat aur Maaldar kyu na ho lekin in tadbeero ko Jane bager Khawind ke Dil Kï Malika nahi ban sakti ,*

*✿●•· Jo Aurte’n Khawind Kï khidmat aur Unse Muhabbat ko imaan ka aham juzv tasavvur karti he aur Khawind ke qadmo me Apni Zindgi guzaar dene ko apni kaamyabi tasavvur karti he un Aurto’n ko Apni Zindgi pur sukoon banane ke liye in baato per Amal zaroor karna chahiye,*

*✿●•· 1– Huqooq Kï Ri’ayat,___ Aapka Khawind gareeb ho to bhi usko tavangar aur Maaldar hi samjho ,Uska ikraam karo, Har kaam me usse mashwara lo ,Jo kahe use foran karo ,Uski marzi ke khilaf kabhi koi kaam na karo ,*

*✿●•· Har baat me uski KHUSHI ka khayal rakho, Apni khushi per uski KHUSHI ko tarjeeh do, Har waqt uske araam ka khayal rakho, Esi koi baat na karo jisse uske Dil ko ranj pahunche, Jo kuchh Wo Apni khushi se de use le lo, Jo kaam karne ko kahe is tarah khushi se karo k Wo be fikr ho jaye aur Thodi Aamdani ke bavjood kisi qism Kï uljhan na ho ,*

┍━━━━━━━━━━━━━━━┙

 *✿●•·Khawind ka Dil Jeetne Kï Tadbeer –2, Khanda Peshani se Pesh aana*

        ┍━━━━━━━━━━━━━━━┙ ,

*✿●•· Zinda Dil ban kar raho, is tarah khanda peshani se pesh aao k Tumko dekhte hi uska Dil baag baag ho jaye aur sab Pareshani bhool jaye, Apni Zaroorat se pehle uski zarurat poori karo ,*

*✿●•· Jaha'n tak ho sake Usko achchha khilao, Uske sab kaam Apne haath se karti raho, Chaay Paani, Nashta pehle hi se taiyaar rakho, ESA koi kaam aur koi baat na karo jisse usko pareshani ho, Uski gunzaish se Zyada farmaish na karo Kyuki agar Wo na la saka to usko afsos hoga ,*

*✿●•· Jaha'n tak ho sake Apni zarurat khud poori karo usko takleef na do, Jab Wo ghar aaye to uske saamne apna Rona mat ro, maloom nahi k Wo kis haalat me ghar aaya hoga aur bahar us per kya guzri hogi ?*

*✿●•· Khaate waqt esi dilchasp Baate karo k Wo itminaan se khaa sake, Kyuki be fikri me Daal bhi qorma kesi lagti he aur pareshani me Biryani bhi be zayqa lagti he ,*

*✿●•· Ye baat Tajurbe Se saabit he k Bahut si nasamajh Aurte’n Shohar ke aate hi apni daastan sunane beth jati he aur uska khana peena ,uthna bethna sab dushwaar kar deti he aur fir Wo bechara Bager kuchh khaye piye uth jata he, isse Allah Ta’ala bhi naraaz hota he aur Khawind bhi na khush hota he ,*

   ┍━━━━━━━━━━━━━━━┙      

 *✿●•·Khawind Ka Dil Jeetne Kï Tadbeer ,-3_ Khidmat _4_Kifayat Sa’ari,*

        ┍━━━━━━━━━━━━━━━┙

*✿●•Agar Allah Ta’ala ne Tumko kuchh Salahiyat de rakhi he to Shohar ke kaam me haath batao, Uska bojh halka karo, Apni mithi zaban se uska GAM galat karo,Uske Sukh dukh me Shareek raho ,*

*✿●• Agar Kuchh pareshani Maloom ho to uski Pareshani door karo, Agar Wo Qarzdaar ho jaye to Tum apne haath ke hunar se Uske qarz ke bojh ko halka kar do, Fir Tumhare paas koi naqdi, Zever ho to uski khidmat me pesh kar do aur Kaho k Aapke muqable me ye cheeze koi Haqeeqat nahi rakhti, Aap ho to sab kuchh he ,*

*✿●• Aur in cheezo ko de kar ahsaan na jatlaao aur esi koi baat bhi mehsoos na hone do Varna sab kuchh bekaar ho jayega , Har waqt Uski khidmat me lagi raho aur uske Araam v Raahat Kï taraf se kabhi laparwahi na barto, Uski Khidmat se gaflat na barto ,Ghar ke sab kaam kaaj Apne haath se hi karo ,Allah Ta’ala Sukh ke din bhi dikhayega ,*

*✿●• 4- Kifayat Sha’ari ,____ KHARCH kam karo, Kifayat Sa’ari se kaam lo ,Jo kuchh mile usme Se kuchh Jama bhi karti raho ,Kapde khud Siyo, Khana Khud banao, Bachcho Kï dekh bhaal khud karo ,is tarah kaafi Raqam bach jayegi ,*

*✿●• Kuchh baat puchhe to Narmi se Jawab do ,agar Wo kisi waqt gussa ho jaye to tum naram ban jao, Uski marzi per Raazi raho, Wo chahe Tumhare KAAMO se Raazi na ho fir bhi Tum uske huqooq ada karti rahi, taki Allah Tumse Raazi rahe,*

*✿●• Wo Jo Kuchh kama kar de usko dayanatdari se kharch karo ,Tum khud takleef bardasht karke bhi uski zarurat poori karo, Esa saaf suthra maamla karo k har Aadmi dekh kar ya Sun kar khush ho jaye ,Dekho Tameez, Salahiyat ,aur Husne intezam bhi Duniya me ek ajeeb hi cheez he ,*          

┍━━━━━━━━━━━━━━━┙

 *✿●•·Khawind Ka Dil Jeetne Kï Tadbeer- 4_Kifayat Sa’ari,* 

┍━━━━━━━━━━━━━━━┙

*✿●• 4- Kifayat Sha’ari ,____ KHARCH kam karo, Kifayat Sa’ari se kaam lo, Jo kuchh mile usme Se kuchh Jama bhi karti raho, Kapde khud Siyo, Khana Khud banao, Bachcho Kï dekh bhaal khud karo ,is tarah kaafi Raqam bach jayegi ,*

*✿●• Kuchh baat puchhe to Narmi se Jawab do, agar Wo kisi waqt gussa ho jaye to tum naram ban jao, Uski marzi per Raazi raho, Wo chahe Tumhare KAAMO se Raazi na ho fir bhi Tum uske huqooq ada karti rahi, taki Allah Tumse Raazi rahe,*

*✿●• Wo Jo Kuchh kama kar de usko dayanatdari se kharch karo ,Tum khud takleef bardasht karke bhi uski zarurat poori karo, Esa saaf suthra maamla karo k har Aadmi dekh kar ya Sun kar khush ho jaye ,Dekho Tameez, Salahiyat ,aur Husne intezam bhi Duniya me ek ajeeb hi cheez he ,*

┍━━━━━━━━━━━━━━━┙

 *✿●•·Khawind Ka Dil Jeetne Kï Tadbeer ,- 5_ Husne intezam ,* ┍━━━━━━━━━━━━━━━┙

*✿●• Saliqa mand Biviya’n hamesha Ghar ko Jannat Banaye rakhti he’n, Khud bhi sukoon aur Chain se Zindgi guzaarti he’n aur ghar wale bhi Araam se rehte he’n,*

*✿●• Husne intezam ek esi khoobsurat aur Roshan cheez he k iski Roshni door door tak pahunchti aur Felti he, Aksar Mard Soorat Parast Kï banisbat Seerat parast hote he’n, Wo Zaahir khoobiyo Kï bajaye batini khoobiyo ke chahne wale hote he’n,*

*✿●•Yaad rakhiye ! Jo Aurte’n Muhabbat, Pyar, Duniya Kï Sharm, Allah Ta’ala ke khof aur usko Raazi karne ka jazbe se Khawind Kï khidmat karti he’n wahi aage chal kar Apne Shohar Kï Mehboob ban kar rehti he’n, aur Mard us per apni jaan tak nichhawar karta he ,*

*✿●• Uske Araam, uski razamandi ka khayal rakhta he aur uski naaz bardari karta he, Uski har Dili khwahish poori karta he, Uske Dukh Ko apna Dukh samajhta he, Jo kuchh kama kar laata he Sab uske haath per rakh deta he, Kabhi kisi baat ka hisaab nahi leta ,*

*✿●• Ese Miya Bivi Kï Zindgi Sukoon v Araam se guzarti he aur ye Niyamat Aqalmand Biviyo’n ko Husne intezam se naseeb hoti he aur bewakoof Aurte’n isse Mehroomi rehti he’n,*    

  ┍━━━━━━━━━━━━━━━┙

 *""Mardo'n Ko Kya Pasand hai ?*

┍━━━━━━━━━━━━━━━┙

*"_ Konsi Khoobiyo'n se Shohar Ke Dil ko Jeeta jaye, iska jawab to mushkil hai, Kyu'nki har Shakhs ka Mizaaj alag alag hota hai,*

*"_ Kisi Ko Banaav Singhar pasand hota hai Kisi ko Saadgi bhaati hai, Kisi Ko Fashion pasand hota hai, Kisi ko Seedhi Saadi aur Sharmili Aurat se pyar hota hai, To kisi Ko baatuni pasand hoti hai, Kisi Ko masoom aur bholi bhali Soorat se muhabbat hoti hai, Koi naaz nakhro ko gale se lagata hai, Koi muskurahat bikherne wali Aurat ko pasand karta hai to koi Apni Taabedaari karne wali Aurat Ko pasand karta hai,*

*"_ Matlab ye k har ek ka alag alag khayal aur alag alag pasand hoti hai, isliye har Aurat ko esi Khoobiya'n aur esi Tarkeebe talash karni chahiye k Jisse uska Shohar uski taraf raagib ho jaye aur uska Shaidayi ban jaye,*

*"_ Taaham Shohar ki chand Pasandida Khoobiya'n hum Yaha'n zikr karte hai'n, Sabse pehli khoobi jisme Kashish hoti hai Wo husn aur khoobsurti hai, Aurat bahut khoobsurat ho ye koi zaruri nahi, Albatta uska Banaav Singhar aur uske libaas pehanne ki Tarkeeb vagera me esi safayi honi chahiye k Jisse uska Jism Khoobsurat aur pur kashish nazar aaye,*

*"_ Doosri khoobi Dil ki Masoomiyat aur Qadar Daani ka Jazba hai, Keena Parwar, Jhooti, Mele Dil ki Aurat ko Mard hamesha Napasand karta hai,*

*"_ Isliye Aurat ko Qadar Daani ka Jazba aur Dil ki Masoomiyat aur Apnaiyat ka namoona pesh karne ki Sakht zarurat hai, isse usme khoobsurati aur Haya ye dono paida hoti Hai'n,*

*"_ Apna hi fayda Chahne wali aur Jiski Zuban Qaichi ki tarah chalti ho, isi tarah wo Aurat Jo Hamesha Udaas aur Mayoos ban kar Khamosh rehne wali ho, Usko Koi Mard Pasand nahi karta,*

*"_ Har Shohar Ye Chahta hai k Meri Bivi Mujhse Samajh aur Aqal me Kam honi chahiye, Chalaki aur Hoshiyari me bhi Aurat Shohar per Foqiyat rakhti ho ye baat Mard Pasand nahi karta, Mamooli Padha likha Shakhs Ek graduate Aurat Ke Saath Shaadi Kar ke Sahi Tor per itminaan haasil nahi kar sakta, Kyu'nki isme usko Apni Kamzori aur Toheen Mehsoos hoti hai,*

*★_ Isliye Aurat Ko kabhi bhi Shohar Ke Aage Apni Hoshiyari aur Aqalmandi nahi dikhani chahiye aur kabhi bhi Shohar ki Samajh aur Aqal v Hoshiyari ki Kamzori ko Zaahir na karni chahiye, Kyu'nki Aurat Ki Chaal Baazi se Mard Dar To Sakta hai Lekin Muhabbat nahi kar Sakta,*

*"_ Mard Ke Dil Ko Apni Taraf Maa'il karne ke liye Sabse badh Kar khoobi Khidmat aur Aajizi hai, Lihaza Aurat ko Apne Shohar ki khidmat Karni chahiye aur uske Saath Aajizi se pesh aana Chahiye, isse Shohar Ke Dil ko bhi itminaan naseeb hota hai, Farma Bardaar Aurat hi Shohar ke Dil ko Jeet Sakti hai,*

*"_ Mard esi Aurat Ko Dil se Chahta hai Jo Uski Galtiyo'n ko Nazar Andaz kar diya kare, Uske Aybo ko Jaante hue bhi usse Muhabbat kare, Mard esi Aurat ko pasand karta hai Jisme Raham Dili ho, Doosro ki Takleef dekh kar Uske Dil me Hamdardi ka Jazba paida ho aur Jiska Dil Insaniyat aur Muhabbat ke Jazbaat se pur ho,*

*"_ Mard Ke liye Aurat Ka Jaazib Nazar Muskurata hua Chehra baa'ise Khushdili hai, Kyu'nki Jo Aurat Khush rehti hai Wo Doosro ko bhi khush kar Sakti hai, Aurat Ki ye Khoobi Mard ke Fikr v Gam aur Thakaan v Pareshani vagera ko door kar ke usko itminaan, Sukoon, Himmat aur Taazgi bakhshti hai,*

*"_ Lihaza Thake maa'nde Shohar Ko Khushi aur Taazgi ke Saath Araam dene ki Aurat Ko Fikr honi Chahiye, Usko Jin Baato se Masarrat hoti hai, Esi baate karni Chahiye, Ha'nsta aur Muskurata hua Chehra Hazaaro dukh door karta hai,*

*"_ Aurat Ki Sabse badi Khoobi Uski Paak Daamani hai, Paak Daamani Ke Noor se Aurat ki Khoobsoorti chamak uthti hai,*

*"_ Jo Aurat Paak Daaman hogi Wohi Apne Shohar ke liye poore Tor per Wafadaar hogi, Jis Aurat me Ye Roshni nahi hoti Fir Chahe Kitna hi Husn Uske Jism me ho, Fir bhi usko koi Pasand nahi karta,*

*"_ Paak Daamani Ke Noor se Aurat Jo bhi Kaam chahe Kara Sakti hai, Paak Daamani ke Noor se hi Aurat Apne Chhote se ghar Ko bhi Tawangar bana kar usme Jannat jese Araam v Sukh Haasil hone ka Namoona pesh kar Sakti hai,*

,

*"─❥_ Mard Ke liye Aurat Ka Jaazib Nazar Muskurata hua Chehra baa'ise Khushdili hai, Kyu'nki Jo Aurat Khush rehti hai Wo Doosro ko bhi khush kar Sakti hai, Aurat Ki ye Khoobi Mard ke Fikr v Gam aur Thakaan v Pareshani vagera ko door kar ke usko itminaan, Sukoon, Himmat aur Taazgi bakhshti hai,*

*"─❥_ Lihaza Thake maa'nde Shohar Ko Khushi aur Taazgi ke Saath Araam dene ki Aurat Ko Fikr honi Chahiye, Usko Jin Baato se Masarrat hoti hai, Esi baate karni Chahiye, Ha'nsta aur Muskurata hua Chehra Hazaaro dukh door karta hai,*

*"─❥_ Aurat Ki Sabse badi Khoobi Uski Paak Daamani hai, Paak Daamani Ke Noor se Aurat ki Khoobsoorti chamak uthti hai,*

*"─❥_ Jo Aurat Paak Daaman hogi Wohi Apne Shohar ke liye poore Tor per Wafadaar hogi, Jis Aurat me Ye Roshni nahi hoti Fir Chahe Kitna hi Husn Uske Jism me ho, Fir bhi usko koi Pasand nahi karta,

*"─❥_ Paak Daamani Ke Noor se Aurat Jo bhi Kaam chahe Kara Sakti hai, Paak Daamani ke Noor se hi Aurat Apne Chhote se ghar Ko bhi Tawangar bana kar usme Jannat jese Araam v Sukh Haasil hone ka Namoona pesh kar Sakti hai,*

┣━━━━━━━━━━━━━━━━━━━━┫

◐

"_Rukhsati Ke Waqt Maa'n Ki 10 Nasihate:-*

┣━━━━━━━━━━━━━━━━━━━━┫

*"_ Maa'n ne kaha - Beti ! Tera wo Mahol chhot gaya hai Jisse nikal ka ja rahi hai, Tera Wo Nasheman bhi pichhe chala gaya Jaha'n Jaahil ko bhi ek muqam haasil tha aur Aqalmand ko Sahara tha, Ab tera Rukh ese ghar ki taraf hai jisse Tu Waaqif nahi, Waha'n Tera Saathi Wo hai Jo Tera Jaana Pehchana nahi, Ab teri gardan aur Tera poora Badan uske Taabe hai_,"*

*★_ Lihaza Tu uski Baa'ndi ban kar rehna, To wo Tera Taabedaar ban kar rahega, Iske liye Das Aadate'n Apne andar paida kar Ye Tera liye Zindgi me Shohar ki Duao'n ka aur Maut ke baad Nek Naami ka Sabab ho'ngi ( Aage chal kar Ye tere kaam Aaye'ngi) _,"*

*"_ Pehli aur Doosri Sifat ye hai k Qana'at ke Saath Saath Uske Liye Aajizi baratna, Uski Ek Ek baat Sunna aur Us per Amal karna _,"*

*"_ Teesri aur Chothi Sifat ye hai k Shohar ki Nigaah aur uski Naak ka Khayal rakhna, Yani jab uski Nigaah Tujh per pade To gandepan ki vajah se Uski Tabiyat meli na hone paye, Tere Jism se esi koi Mehak na aaye Jo use Napasand ho _,"*

*"_ Aur Yaad rakhna ! Shohar ki Aa'nkh me bhali Maloom hone ke liye Surma ka istemal karna k ye Asaan cheez hai jo Har ek ko mayassar ho sakti hai ( aur Shohar ki Naak me badbu na jaye iske liye) Pani ka istemal khoon karna, Yani Gusl aur Wazu ka Ahatmam karna k Ye Sabse Achchi khushbu hai,*

 *"_Paa'nchvi aur Chhati Sifat ye hai k Uske Sone aur Khane Ke Waqt Ka khayal rakhna, Kyu'nki Zyada der bhook bardasht karne se Aag bhadak uthti hai aur Neend me Kami aane se Gussa Tez ho jata hai,*

*"_ Saatvi aur Aathvi Sifat ye hai k Uske Maal aur Ahal v Ayaal ki Hifazat karna aur Maal ki behtar Hifazat Husne intezam se hoti hai aur Ahal v Ayaal ki Hifazat Husne Tadbeer se_"*

*"_Navi aur Dasvi Sifat ye hai k Kabhi uski Mukhalfat na karna, na hi Uske Kisi Raaz ko Zaahir karna, Kyu'nki Agar Uski Nafarmani ki To Uska Seena Gusse se bhadak uthega aur Agar Uske Raaz khol diye To Wo kabhi Tum per Aitmaad na kar payega, Kabhi Tumhe Apna na Samjhega _,"*

*"_ Jab Wo Ranjeeda Ho To Uske Saamne Hargiz Khushi ka izhaar na karna, Balki uske Gam me Poori Shareeq ho kar usko Tasalli dena aur Agar Khush Ho to kabhi Ranj v Gam Zaahir na karna _,"*

*"_ Aur Khoob dhyan se Sun Ey meri Pyari Beti ! Tu Shohar Ka Dil us waqt Tak nahi Jeet Sakti jab Tak k Apni Pasand Ko Uski Pasand me Fana na kar de, Apni marzi ko uski Marzi ke Saamne Khatm na kar de, Jisko Wo pasand kare usko Tu Pasand kare aur Jisko Wo Napasand kare Usko Tu bhi Napasand Kare,*

*"_ Allah Ta'ala Saari Musalman Behno Ko in Nasihato Per Amal Karne Ki Tofeeq ata farmaye, Aameen Ya Rabbul Aalameen_,"*

┣━━━━━━━━━━━━━━━━━━━━┫

 *"_Mukhtalif Aurto'n Ki Duae'n Apne Shohar ki Rawangi Ke Waqt :-*

┣━━━━━━━━━━━━━━━━━━━━┫

*"_ Kuchh Arse pehle Ek Arabi Akhbar Walo ne baaz Aurto'n se puchha tha k Har Subeh Tumhare Shohar ki Rawangi ke waqt Tumhara Kya Amal hota hai, Kya Dua hoti hai aur Kya Tamanna v Haajat hoti hai ? Is per mukhtalif Jawabaat diye, Unme Se Chand Aham Jawabaat hum Aapke Liye Naqal Karte Hai'n:-*

*"_ Pehli ne kaha- Jab mere Shohar Subeh Kaam per Rawana hote hain to Mai'n Aasmaan ki taraf dekh kar kehti hu'n:- Ey mere Rab ! Inko mere Pass Jaldi aur Salamti ke Saath Lotana, Har Musibat v Bimari se Mehfooz rakhte hue Jald inko mere Pass Waapas bhej dena _,"*

*"_ Doosri ne kaha - Mai'n Apne Shohar Ko intehayi Muhabbat ke Saath Rawana karti hu'n aur Dua dete hue Kehti hu'n:- Ey Mere Rab ! Inki Hifazat farma k beshak Ye mere liye Misaali Shohar hai'n aur Mere Bachcho ke Liye Ek Shafeeq Baap hai'n Jiska Badal Koi nahi ho Sakta _,"*

*"_ Teesri ne kaha - Mai'n Hamesha Apne Dil me kehti hu'n- Ey Mere Rab! Kab Tak mere Shohar Mashaqqat bardasht karte rahenge? Kab Aap Humko itna Maaldaar banayenge K mere Budhe Shohar Ko Rozana 8-8 ghante tak Kaam na karna pade _,"*

 *"_Chothi ne Kaha - Mai'n Shohar Ke Jane ke Baad Apne ghar ki Safaa'i aur Shohar aur Bachcho ke Liye khana Pakane Ki Tayyari me lag jati hu'n, isliye k Mard Ye pasand nahi karte ? Gande ghar Ki Taraf Shaam Ko Waapas lote, Jaha'n Cheeze be Tarteeb rakhi hui ho, Bawarchi Khana Ganda sa hua ho, Bartan dhule hue na ho, Bachche Saaf Suthre na ho, Na mard Esa khana pasand karte hai'n Jo Jaldi Jaldi me kachcha reh gaya ho ya Masala na buuna hua ho Ya Achchhi tarah Saaf kar ke na pakaya gaya ho, Jo pet me ja kar maida ko kharab kare aur Hazam na ho _,"*

*"_ Paa'nchvi ne kaha- Jab Wo ghar se chale jate hai'n to Ji chahta hai - Kaash Ek aur Unka Bosa le leti taki uski Lazzat mere Ho'nto'n per unke aane tak baqi rehti _,"*

*"_ Chhati ne kaha- Pehle unko Salam kehte hue Rawana karti hu'n aur jab Wo ye Dua padh kar bahar nikalte hai'n, Dua padhte hai'n to Mai'n Unko kehti hu'n-hamare bare me Allah se Darna aur Hume Sirf Halaal ( Luqma ) hi khilana _,"*

*"_ Yani Karobaar me mulazmat me koi Esa kaam na karna Jisse Rozi Makrooh ya Haraam ho jaye, Maslan- Soodi karobaar, Rishwat lena, Jhoot bolkar, Grahak ko dhoka de kar Sauda bechna aur Mulazmat ka jo muqarrar Waqt hai usme Kotahi karna vagera Vagera, inse bachna, Azaan hote hi Dukaan band kar ke khud bhi Namaz ke liye Jana aur Mulazimo aur Dosto'n ko bhi Namaz ki Targeeb dena_,"*

*"_ Aur Kabhi Mai'n usko Samjhati hu'n k Musalman Sirf kamane ke liye Duniya me nahi aaya, Lihaza hume Deen ka kaam bhi zaroor karna chahiye, isliye ghar aane se pehle kuchh waqt Masjid me zaroor lagana aur usme Apne Dosto'n ko jama kar ke is baat ki fikr karna k Sab log kese poore poore Deen per Amal karne aur usko Failane wale ban jaye'n, Kahi'n esa na ho k Aapka poora Din Duniya ke Taqazo ko poora karne me lag jaye _,"*

 *┣━━━━━━━━━━━━━━━━━━━━┫

"_ Bivi Shohar Ko esi Baato per Majboor na Kare:-

┣━━━━━━━━━━━━━━━━━━━━┫

*"_ Jinme Shohar Ba Zaahir bebas hai aur wo kar nahi Sakta, To un baato per nek Bivi ko Chahiye k Shohar Ko majboor na kare, Maslan- Shohar Ghar me bahut Zyada Kharcha nahi de sakta, Bahut Qeemti kapde nahi dilwa sakta to usko Majboor na kare'n,*

*"_ Aur Yu'n na kahe'n k Dekho Aapke Bhai ne Bhabhi ko kesa Achcha kapda dilwa diya , Aap kabhi esa mere liye laye ? Unka ghar dekho, Hamare ghar me koi dhang ki cheez hai ya Aapke fala'n Bhai Bachcho ke liye kesi kesi cheeze late hai'n, Aap kabhi laye esi cheeze ? Vagera Vagera,*

*"_ Esi Aurat Jo Shohar ki isteta'at se zyada ka mutalba kare ya Shohar ka maal gareebo aur faqeero per kharch karne ke bajaye Apni beja Khwahishaat per kharch kare usko Hazrar Ma'az bin Jabal Raziyallahu Anhu ( Jo Fuqha E Sahaba me se Hai'n) ne esi Aurat ko Fitno me Shumar farmaya hai,*

*★_ Allah Ta'ala Har Musalman Aurat ki esi Aadato se Hifazat farmaye k Jinme mubtila ho kar Wo Allah Ta'ala ki pyare Bande ki Mubarak Zuban se Fitna kehlane ki mustahiq Bane,*

*"_Chunache Hazrat Raja bin Haira se Rivayat hai k Hazrat Ma'az bin Jabal Raziyallahu Anhu farmate hai'n - Tum Aazmaye gaye Sakhti ke Fitne se To tumne Sabr kiya, Ab Mai'n darta hu'n Tum per khushi ke Fitne se aur Wo Aurto'n ka Fitna hai, Esi Aurte'n Jo Sone ke Zevraat, Shaam ki Chaadre aur Yaman ke Taaj pehnengi, Maaldaar ko ( kharch kara kar) thaka dengi aur Tanhdast per itna bojh daal dengi Jisko Wo bardasht na kar sake _,"*

*"_ isi Tarah Hasad se khoob bachna k Hasad Esi Bimaari hai k Jis per Hasad karogi uska to koi Nuqsaan na hoga lekin Khud hi Hasad Ki Aag me jalti rahogi, Aksar Shaitan ye Dhoka deta hai k Dekho Jesthani ki Saas ke Nazdeek kitni izzat hai aur mujhe koi poochhta hi nahi _,"*

*"_ Fala ke Shohar usko gaadi me ghumate hai'n aur har mahine naye kapde la kar dete hai'n aur har saal Furniture Tabdeel karwate hai'n aur mere Shohar to ...?*

*★_ Iski bajaye ye Sochna Chahiye k Jo kuchh jisko mil raha hai Allah Ki Taraf se mil raha hai, Aapko bhi kisi Cheez ki Zarurat hai to Allah se maa'nge, Albatta in baato per rashk karna chahiye k fala Aurat Tahajjud ki kitni paband hai aur Rozana kitna Qur'an padhti hai aur Apne Mehram Shohar aur Beto ke Saath Masturaat ki Jama'at me jati hai, Apne Bachcho ko Haafiz aur Aalim bana rahi hai aur mera Deen ke Aitbaar se kya haal hai ? Allah Ta'ala hum Sabki Hasad se Hifazat farmaye, Aameen!*

*★_ Isi Tarah Agar Saas Ka Rawayya Durust na ho to Shohar se Shikayat karna, Ab Shohar Walida ko badal to Sakta nahi k doosri Walida le aaye, Lihaza Nek Bivi ko Chahiye k Saas ke Rawayye per Sabr kar le aur Ye Soche k - Ye Ek esa Mehman hai Jo Anqareeb hamare Yaha'n se chala jayega _,"*

*"_ isliye k Agar Mai'n thoda sa Sabr kar lungi aur unki khidmat kar ke Jo Dua milegi wo mere liye Duniya v Aakhirat me inamaat dilane wali hogi, Apni Walida ka Tasavvur kar ke Ye Soche k Agar Mai'n Apne Shohar ki Walida ka khayal nahi rakhungi to meri Bhabhiya'n bhi meri Walida ke Saath esa hi karengi, isliye k Usool hai :- Jesi Karni Wesi bharni _,"*

*"_ Teesri Baat ye Soche k Mai' bhi ek Din Budhi hone wali hu'n, Agar Aaj Mai'ne Saas ki Saath Achchha Sulook nahi kiya to kal meri Bahu bhi mere Saath Esa hi karegi _,"*

*"_ Chothi Baat ye Soche k Jo'n Jo'n insaan Budha hota jata hai To Wo Bachche Ki Tarah ho jata hai, To Jis tarah hum Bachche ki Zid ko Khaatir ne nahi late usi tarah Budho ki bhi Nagawaar Baato per Sabr kar lena chahiye,*

*"_ Lihaza Agar Shohar Aapki Saas ke Akele bete hai'n Ya Doosre Bhaiyo'n ne Walida ko Saath nahi rakha To Aap is Sawab se bhi Mehroom na rahiye aur Apne Shohar Ko kabhi Majboor na kijiye k Wo Walida ko alag rakhe _,"*

*"_ Haa'n bilkul hi na banti ho aur dono ki Deen v Duniya Kharab v Barbaad ho rahi ho aur is Nayi Nasl ( Aulaad ) ki bhi Zindgi barbaad ho rahi ho to Ulma Kiraam aur Samajhdaar Logo'n se Mashwara kar ke iska Hal nikaal le'n _,"*

 *┣━━━━━━━━━━━━━━━━━━━━┫

"_Saas Ko Khush rakhne ke Liye in Baato Ka Zaroor Khayal rakhe'n :-*

┣━━━━━━━━━━━━━━━━━━━━┫

*"_Shohar ko Samjhaye k Walida ke Saamne meri taraf Zyada Tavajjo na dijiye, balki Walida ki Taraf Zyada Tavajjo dijiye, Kahi'n Walida ko Halka Sa Khayal bhi na guzar Jaye k Ye Mujhe Chhod kar Bivi Ki Taraf Zyada Tavajjo Karta hai _,"*

*"_ Agar Gaadi me Kahi'n jaye'n aur Walida bhi Saath ho to Shohar se Kahiye k Walida ko aage bithaye unka Dil khush ho jayega, Shohar se Kahe'n K Aap Kabhi koi kapde vagera laye'n to pehle Walida ko dijiye, Jo unko Zyada Achchha lage wo unko de de'n fir Jo wo mujhe Apni khushi se de de'ngi Mai'n le lu'ngii_,"*

*"_ Kabhi Shohar ke Saath bahar jaye'n to Saas ko Akele ghar me na chhod kar jaye'n ( Haa'n Agar saas isi me khush hai'n k Akeli ghar me rahe to koi harj Nahi) Agar Rishtedaro se milne ke liye ya Tafreeh ke liye Miya Bivi gaye aur Walida yani Saas ko Akele chhod kar gaye, Khususan jabki Susar ka bhi inteqal ho gaya ho to is Soorat me Walida ke Dil me Bahu ki taraf se Mel aane ka khatra hai _,"*

*"_ Kisi Rishtedar Aurat ki taraf se phone aaye to Saas ke Hote hue Saas ko de de khud hi Saari Baate na kar le'n, Phone ki ghanti bajte hi baaz Saaso ko becheni shuru ho jati hai, Kis ka phone hoga, Bahu ne kya kya baate ki hongi, Usne kya kya kaha hoga ? in Sab Tohmato se bachne ke Maa'n ( Saas ) ko bula le'n k Aap Baat kar lijiye fala ka phone hai _,"*

*"_ Yaad rakhiye ! Sasural walo ki Zyadtiyo ko Sehna nek Aurto'n ka Shehwa hai, isliye k Aag Aag se nahi, balki Pani se bujhti hai aur jab kisi maamle me Narmi ki jaye to uske andar Husn aur khoobsurti paida ho jati hai _,"*

*"_ Isi Tarah Hamesha Shohar Ko uske Walden (Yani Apni Saat aur Sasur) ke Saath Ahsaan karne aur Hadiya dene ki Targeeb deti rahe'n, Shohar Aapke liye Jo cheez laye pehle Walida ( Saas ) ke paas bhijwaye'n_,"*

*"_ Walden ne Aapke Shohar ki Jis Tarah Tarbiyat ki hai aur uski Taleem v Tarbiyat per jitna kharch kiya hai, iska badla to Shohar kabhi Ada nahi kar sakta,*

*"_ Jo Bivi Apne Shohar Ko Saas Sasur ke khilaaf uksayegi, Wo dar Haqeeqat Apne aur Apne Shohar dono ki Raah me Kaa'nte Bo rahi hai, Apni Jeeti Jaagti aur Ha'nsti khelti duniya ko Veeraan kar rahi hai,*

*"_ Maslan - Shohar Kaam per gaye hai'n, Saas kisi baat per Naraaz hui, Baat khatm ho gayi, Bivi ne isko khoob Dil me rakha aur uske Saath Chaar Baate aur milayi, Shohar Jab Raat ko aaye to bager kuchh bataye Bivi khoob rone lagi..,*

*"_ Ab Allah na kare, Allah na kare, Agar Na Samajh Shohar Bivi ke Aa'nsuo'n se mutassir ho gaya aur usne Walida ko Sakht Lehje me kuchh keh diya to us ghar ka to Allah hi nigahbaan hai, Bivi ko yaad rakhna Chahiye k Maa'n ka bahut bada darja hota hai,*

*"_ Sa'adatmand aur Samajhdaar wohi Aurat hai jo Apne Shohar Ko Maa'n Baap aur Behan Bhaiyo'n se Husne Sulook per ubhaarti rahe _,"*

*"_Sochiye ! Mere Sar ke Taaj ki Maa'n, Jisne Ek Muddat mere Shohar Ko Pet me uthaya, Apni Giza se Parwaan chadaya, Fir Jab usne Duniya me Qadam rakha To uski Parwarish ki, Raato ko uske Liye jaagti rahi, Apni Zindgi ko Dor ko Uske Saath baa'ndhe rakha, Tarah Tarah ki Mushkilaat aayi, Har tarah Ka Gam bardasht kiya aur khushi khushi sab Sehti rahi, Kya Mai'n in Sab Qurbaniyo'n Ko bhool kar Zara si baat per Maa'n Bete me jhagda Kara du'n ?*

*"_ Agar Aap Saas se Alag rehti hai'n to Unhe kuchh na kuchh bhejti raha kare'n, Phone per waqtan fa Waqtan Khairiyat maloom kare'n, Bachcho ki Daadi Amma se Phone per Baat karaye'n, Daadi Pote Potiyo se baat Karne me khushi Mehsoos karti hai,*

*"_ Aksar Jagaho per Miya Bivi me jhagde Apne hi Rishtedaro ki vajah se hote hai'n, Kabhi Shohar ke Rishtedaro se Shaitaan ye kaam leta hai to Kabhi Bivi Ke Rishtedaro se Shaitaan Apne Harbe me Kamyaab ho jata hai_,"*

*"_ Bahar haal is Nasihat ko khoob yaad rakhe'n K ghar Ki koi Baat Apni Sagi Walida aur Behno Ko bhi na bataye'n k isse AAP hi ka Nuqsaan hai _,"*

*"_ Huzoor Aqdas ﷺ ka irshad hai k Musalmano ko iyza na do aur na unko aar dilaao aur na unki Poshida Baato ke pichhe pado, Kyunki Jo Shakhs kisi Musalman ki Pardadaari karta hai Allah Jal Shanhu uski Pardadaari farmata hai hattaki ghar bethe usko Ruswa kar deta hai _," ( Tirmizi)*

*"_ Lihaza in Sab baato se Musalman Aurat Ko bachna Chahiye, Varna Saalha Saal ki ibaadat bekaar ho jayegi aur un Logo'n ki jinki Geebat ki ya Jin per Galat ilzaam lagaye hai'n, Unke Gunaah us Aurat per daale jayenge _,"*

┍━━━━━━━━━━━━━━━┙

*★_ Mustaqil Mizaaj bane'n _,"

┍━━━━━━━━━━━━━━━┙

*"_ Bahut si Dulhane Apni fikr v Soch se koi kaam nahi karti, balki chhoti si Bachchi ki tarah har baat me Apni Walida ya Behno aur Saheliyo ki taraf ruju karti hai'n _,"*

*"_ Yaha'n tak k Apne Shohar ke Darmiyan ke bahut se mamlaat me bhi Apna Akhtyar nahi rakhti Balki Walida se poochh poochh kar Amal karti hai'n,*

*"_ Tajurba Kaar v Deendaar Walida se poochh kar chalna badi achchhi baat hai lekin Chu'nki Aksar Awqaat Walida Mohatrama ke saamne ghar ki aur Shohar ke Mizaaj ki poori Soorate Haal nahi hoti jisse esa mashwara de diya karti hai'n Jo dono ke liye Nuqsaan dah hota hai,*

*"_ Aur ye k Shohar ki Ye Chahat hoti hai k Bivi meri Shareeqe Hayaat hai, Hum dono ek doosre ke liye Zindgi ki Chakki ke do paat hai'n, Ab isme hamara koi Shareeq na ho, Basa Awqaat Shohar Bivi ke Azeez Tareen Rishtedaro ko bhi Apna hissedaar banana gawara nahi karta,*

*"_ Lihaza Samajhdaar Bivi ko Chahiye k Allah se Dua maa'ng kar har moqe per Esa qadam uthaye aur esa Faisla kare Jo dono ki Duniya v Aakhirat banaye aur Apni Soch v Fikr me Mustaqil Mizaaj banne ki koshish kare,*

┍━━━━━━━━━━━━━━━┙

 *"_ Bivi Shohar Ke Saamne Apne ghar Walo Ke Raaz na Khole :

┍━━━━━━━━━━━━━━━┙

*"_ Isme koi Shak nahi k Raaz ki baate Us Waqt tak Raaz me rehti hai'n jab tak Unko Raaz me rakha jaye, Har ghar me Kuchh baate esi Ho jati Hai'n Jo Maa'n Baap na bhi bataye'n Tab bhi Aulaad Ko khabar ho Jati hai _,"*

*"_ Aulaad Ko Chahiye k Shadi ho jane Ke baad Wo Shohar ho to Bivi ko, Bivi ho to Shohar Ko, Apne Walden ki, Bhai Behno ki aur Khandaan Walo Ki Baate na bataye'n,*

*"_ Ek To isme Apne Walden Ke Saath bahut hi Badi Khayanat hai k Jinhone itne Ahsanaat kiye, Hume Salo tak Paala Posa Parwan chadhaya, Ab Chand din hue Jis Shohar ke Paas gayi Use Walden ke ghar ki Saari Purani Baate bata de'n, Is tarah Khayanat Karne se Allah Ta'ala Naraaz ho jate hai'n aur is Silsile me bahut si Waiede Waarid hui hai'n,*

*"_ Doosri Kharabi isme ye hai k Khayalaat badalne me dair nahi lagti, insaan Ka Har Saa'ns uske Andar naye Khayal ko Lata hai, Qalb ko isiliye Qalb kehte hai'n k Wo badalta rehta hai,*

*"_ Agar Khuda na khwasta Shohar Kisi bhi Vajah se us Aurat se badal gaya aur Aapas me Nibaah na ho saka to Jo Raaz Bivi ne bata diye hai'n Unka Wo na Samajh Shohar aur Uske Khandaan wale Duniya bhar me Dhindora peetenge, Jisse uski aur uske Walden ki Badnaami hogi, Uske Bhai Behan Ma'ashre me be izzat honge _,"*

*"_ Teesri ye k Usne Apne Walden Ka Raz Faash kiya fir kabhi usse koi galti ho gayi to Shohar usko bhi isi tarah Taana dega, Yaad Rakhiye ! Jo Raaz uske 32 Daa'nto me Chhup na saka Wo ab Shohar ke paas Pahu'nch kar kese Mehfooz rahega,*

*"_ Fir Shohar Ki Tabiyat bhi Agar Aurto'n ki tarah hai To Wo Apni Walida aur Behno Ko batlayega, Fir Shohar Ki Walida kisi aur ko batayegi aur Yu'n kahegi dekho ! Sirf tumhe bata rahi hu'n, kisi aur ko mat batana, Fir Wo Doosri ko isi tarah kahegi k Dekho ! Sirf tumhe bata rahi hu'n kisi aur ko bilkul mat batana,*

*"_ Musalsal Behno ! Esi baate kabhi kisi ko na batana chahe Dasiyon Saal Aapke Rishte ko ho jaye'n balki in Raazo ko Apne Saath Qabr hi me le jana, Allah Ta'ala Aapki aur Har Musalman ladki ki Bure Waqt se Hifazat farmaye, Aameen Ya Rabbul Aalameen,*

┍━━━━━━━━━━━━━━━┙

 *"_ Miya Bivi Aapas ki Baate bhi Kisi ko na Bataye'n:-*

┍━━━━━━━━━━━━━━━┙

*"_ Miya Bivi Aapas ki Baate kisi ko na Bataye'n Kyu'nki Huzoor Akram ﷺ ne Sakhti se isse mana farmaya hai, bahut hi zyada Behaya'i ki baat hai k Dulha Pehli Raat ki Baate Apne Dosto ko bataye ya Dulhan Apni Saheliyo ko bataye, isse bilkul bachna Chahiye,*

*"_ Huzoor Akram ﷺ ko jab bataya gaya k Log esa Karte Hai'n to farmaya - "Esa mat karo ye to us Shaitaan ki tarah hua Jo Raaste me Kisi Maada Shaitaan se mila, fir usse lipat jate hai'n aur log unhe dekhte rehte hai'n _," ( Majma AzZawa'id)*

*"_ Huzoor Akram ﷺ ne ese Mard aur Esi Aurat ko Logo'n me Sabse Zyada bura batlaya hai, Chunache farmaya - "Allah Ke Nazdeek Qayamat ke Din Logo'n me Sabse Zyada bura Shakhs wo hoga Jo Apni Bivi se aur ( isi tarah wo ) Bivi Jo Shohar se Apni Zarurat poori kare, Fir wo Apni Khilwat ki baate failata fire _," (Muslim )*

*"_ isi tarah baaz na Samajh Aurte'n Rishtedaar Aurto'n ka Husn bhi Mardo ke Saamne bayan karti hai'n, Na Mehram Aurto'n se mutalliq esi baate Apne Shohar ya Digar Mardo Bhai Vagera ko bila kisi Waqa'i zarurat ke batana bilkul jaa'iz nahi, balki Sakht Gunaah hai _,"*

┍━━━━━━━━━━━━━━━┙

: *✿●•· Maahe Asl ( Honeymoon)*

        ┍━━━━━━━━━━━━━━━┙

*✿●•· Agar Dulha Dulhan Shadi ke baad Kuchh waqt alhida guzaarna chahe to isme kuchh harj nahi ,Khususan Jin ilaaqo me Shadi ke baad Shohar apne Khandan ke saath hi rehta he ,Ese khandan ke Naye Shadi Shuda Jodo ke liye munasib he k kuchh waqt alag mahol me guzare taki ek doosre ke mizaaj se achchhi tarah waqif ho sake ,*

*✿●•· Lihaza Agar ho sake to Honeymoon ka Aksar hissa Allah ke Raaste me Deen Seekhne aur isko felane me ( Masturaat Kï Jama’at ke saath ) lagaye ,Taki nayi Zindgi Kï ibtida hi Nek amaal Kï pabandi se ho aur Fikre Rasool Sallallahu Alaihivasallam par nayi Zindgi Kï Buniyad pade ,*

*✿●•· Iske baad Kuchh waqt bache to Kisi jagah Kï Qudrati cheezo ko dekhne me guzaarna chahe to khushi se guzare ,*

*✿●•· Kya hi achchha ho k Gunzaish ho to Miya Bivi Umrah karne ke liye chale jaye,Taki un muqaddas maqamaat me apne liye aur aane wali nasal ke liye, poori ummat ke liye Khoob Duae’n maangi ja sake ,*

  ┍━━━━━━━━━━━━━━━┙

: *"_Hifazat Ke Liye Chand Ahatyaati Baate -*┍━━━━━━━━━━━━━━━┙

*"_ (1)_ Madina Munavvara ki Ajwa Khajoor ke Saat Daane Subeh Nahaar Moo'nh khal le'n, Agar Madina Munavvara ki Ajwa Khajoor na mile to kisi bhi Shehar ki Ajwa Khajoor istemal kar Sakte Hai'n, Hadees Nabvi me aata hai :- Jo Shakhs Ajwa Khajoor ke Saat Daane Subeh ke waqt kha leta hai use Zehar aur Jaadu ki vajah se koi Nuqsaan nahi pahu'nchega_," ( Bukhari - 2/ 809)*

*"_ (2)_ Ba Vazu rehna :- Kyu'nki Ba Vazu Musalman per Jaadu Asar Andaaz nahi ho sakta aur Wo Farishto ki Hifazat me Raat guzarta hai, Ek Farishta uske Saath rehta hai aur Wo jab bhi Karwat badalta hai Farishta uske Haq me Dua karte hue kehta hai :- Ey Allah ! Apne is Bande ko maaf kar de, Kyu'nki isne Taharat ki haalat me Raat guzari hai _," ( Majma AzZawa'id -1/312)*

*"_ (3)_ Mardo'n ke Liye Ba Jama'at Namaz ki Pabandi :- Jama'at ke Saath Namaz padhne ki Pabandi ki vajah se insaan Shaitaan se Mehfooz ho jata hai aur is Silsile me Susti baratne ki vajah se Shaitaan us per Gaalib aa jata hai aur jab Wo Gaalib aa jata hai to usme Dakhil bhi ho sakta hai aur us per Jaadu bhi kar Sakta hai _,"*

*"_ Rasool Akram ﷺ ka Farman hai :- Kisi basti me Jab Teen Aadmi mojood ho'n aur Wo Ba Jama'at Namaz Ada na kare'n to Shaitaan un per Gaalib aa jata hai, So tum Jama'at ke Saath raha karo, Kyu'nki Bhediya usi Bakri ka Shikaar karta hai Jo Revad se alag ho jati hai _," ( Abu Douwd)*

*─❥"_ (4)_ Qayamul Lail (Yani Tahajjud, Raat ko Allah ki ibadat karna ) Ka Ahatmaam Zaroor Karna chahiye, Kyunki isme Kotahi kar ke insaan khud ba khud Apne ouper Shaitaan ko musallat kar leta hai _,"*

*─❥"_ Hazrat ibne Masoud Raziyallahu Anhu farmate hai'n k Rasoole Akram ﷺ ke paas ek ese Shakhs ka Zikr kiya gaya Jo Subeh hone tak Soya rehta hai aur Qayamul Lail ke liye bedaar nahi hota, to Aap ﷺ ne farmaya _" Uske kaano me Shaitaan Peshab kar jata hai _, ( Bukhari )*

*─❥"_ Hazrat ibne Umar Raziyallahu Anhu farmate hai'n,_Jo Shakhs Vitr padhe bager Subeh karta hai uske Sar per Sattar haath lambi Rassi ka Bojh pad jata hai _," ( Fatahul Baari)*

*─❥"_(5)_ Baitul Khala me jate hue uski Dua padhna - Napaak Jagah per Shaitaan Ka ghar aur thikana hota hai, isliye isme kisi Musalman ki mojoodgi ko Shaitaan ganimat Tasavvur karte hai'n, Ek Buzurg farmate hai'n k mujhe khud ek Shaitaan Jinn ne bataya tha k wo ek Shakhs me dakhil ho jane me Kamyaab ho gaya tha Jab Usne Baitul Khala me jate hue iski Dua nahi padhi thi_,"*

*─❥"_ Rasoole Akram ﷺ se Saabit hai k Aap ﷺ Baitul Khala me jate hue Ye Dua padha karte they :- "Allahumma inni Aa'uzubika minal Khubusi Wal Khaba'is _,"*

*"_( Tarjuma) Ey Allah ! Buraiyo'n aur Buri Cheezo se Mai'n Teri Panaah maa'ngta hu'n _,"*

*─❥"_ (6)_ Sone se Pehle Vazu Kar Le'n, Fir Aayatul Kursi padh le'n aur Allah ko yaad karte karte so jaye'n, Hadees me aata hai k Shaitaan ne Hazrat Abu Huraira Raziyallahu Anhu se kaha tha, "Jo Shakhs Sone se Pehle Aayatul Kursi padh leta hai, Subeh hone tak ek Farishta uski Hifazat karta rehta hai aur Shaitaan uske Qareeb nahi aa sakta _,"*

*"_ Ye Baat jab Hazrat Abu Huraira Raziyallahu Anhu ne Rasulallah ﷺ ko batayi to Aap ﷺ ne farmaya - Usne Sach kaha hai, Hala'nki wo jhoota hai _," (Bukhari)*

*─❥"_(7)_ Namaze Fajar ke baad aur Namaze ASR ke baad Ki Masnoon Duao'n ka Ahatmam Zaroor kare'n,*

*"_ Hum Aapko Hazrat Maulana Muhammad Yunus Palanpuri Da.B. Ki kitaab "Momin ka Hathiyar" Pdf ka Link de rahe hai'n, Aap isko Download zaroor kare'n aur Subeh Shaam ki Duao'n ko padhne ki Aadat bana le'n _👇🏻,"*

https://drive.google.com/file/d/0B2E60cf5hyGARF9BX1BjUHlCa00/view?usp=drivesdk&resourcekey=0-td65q-I7MqSeR6zR7RyAqQ

*─❥"_ Khoob Samajh lo ! Sabse bada Taveez Allah Ta'ala ki Raza hai aur Taveez banane wale Logo'n ke Paas jane se bache, Ese Logo'n ke Paas jane se Amuman Dil ki bechaini badhti hai aur gharo me Fasaad Hote Hai'n aur Ka'i Aurto'n ko unke Shoharo ne is Vajah se chhod diya k Wo Chhup Chhup kar Taveez Gande karati thi,*

*"_ Haa'n Agar kisi Waqa'i Zarurat me ilaaj ke tor per Shariyat ke Paband kisi Ahle Haq Aalim v Buzurg se Taveez vagera lena hi ho to Shohar ki ijazat Zaroor lena chahiye, Fir bhi Taveez se zyada Dua maangne ka Ahatmam karna chahiye,*

*─❥"_(8)_ Aur Hifazat ke Liye Sabse Behatreen nuskha "Manzil" ka padhna hai, Manzil Chhoti si Dua ki kitaab hai, Isko khud bhi yaad kare'n aur Apne Bhai Behno Bachcho aur Bachchiyo ko bhi yaad karaye'n aur Subeh Shaam iske padhne ka Mamool bana le'n, Allah Ta'ala har Bala v Musibat se hum Sabki hifazat farmaye, Aameen _,"*

┣━━━━━━━━━━━━━━━━━━━━┫

◐

: *✿●•· Padosi Ka Haq _,*

        ┍━━━━━━━━━━━━━━━┙ 

*✿●•· Jin Huqooq ka khayal rakhna chahiye unme Padosi ka Haq bhi he, lekin Padosi kon he ? Har Wo Shakhs Jo Aapke Daaye Baaye, ouper niche 40 ghar tak pados me rehta he , Aur Jannat me Wo Shakhs Dakhil nahi hoga jiska Padosi uske Shar Se darta rehta ho,*

*✿●•· Islam Kï Nazar me Padosi ke Huqooq ke Chaar Buniyadi usool he’n ,*

*1- insaan apne Padosi ko takleef na pahunchaye ,*

*2- usko us Shakhs se bachaye Jo use takleef pahunchana chahta ho ,*

*3- Padosi ke saath achchha bartaav karo ,*

*4- Uski bad mizaji aur akhadpan ka burdbari v darguzar ( ignore ) se badla de,*

*✿●•· Padosi ke saath Husne Sulook ke bare me Aap Sallallahu Alaihivasallam ne irshad farmaya,*

*Jis Shakhs ne apne ahlo ayaal aur maal Kï hifazat ke liye apne Padosi per Apne ghar ke darwaze band kar diye to Momin e Kaamil nahi aur Wo Shakhs bhi Momin nahi JISKA Padosi Uske Shar se mehfooz na ho ,Kya tum Jaante ho Padosi ka kya Haq he ? ( Nahi Jaante to Sun lo )*

*✿●•· 1- Jab Wo Tumse madad talab kare to tum uski madad karo ,*

*2- Jab Qarz manage to use qarz do ,*

*3- Jab Wo kisi cheez ka mohtaaj ho to uski Haajat poori karo ,*

*4- Jab Bimaar ho to uski ayadat karo ,*

*5- Jab use koi Bhalaai pahunche to use Mubarak baad do ,*

*6- Jab use koi Musibat Pahunche to Uski taziyat karo ,*

*7- Jab uska inteqal ho jaye to uske janaze me shareek ho ,*

*8- Apna makaan Uske makaan se ouncha na banao taki us ( ke ghar ) Kï hawa na ruk jaye, magar ye k Wo ijazat de de ( to koi harj nahi ),*

*9- Tum use Haandi Kï Bhaap se takleef na pahunchao ( Yani tumhare ghar me pakne wale lazeez khano Kï mahak us tak na jaye taki use takleef na ho ) magar ye k tum usme se use bhi de do ,*

*10 – Agar koi Phal khareedo to usko bhi usme se Hadiya kar diya karo aur agar esa na kar sabko to chupke se chhupa kar le jao ,esa na ho k tumhara Beta Phal bahar le jaye aur use dekh kar Padosi ke Ladke ko takleef ho,*

*_ Ref_$_Targeeb v Tarheeb ,3/242,*

*✿●•· Yaad Rakhiye ,Jo Shakhs Allah Ta’ala aur Qayamat per imaan rakhta ho use chahiye k Wo Apne Padosi ka ikraam kare ,*

┍━━━━━━━━━━━━━━━┙

 *✿●•· Padosiyo’n ke darmiyan Parde ka Khayal rakhe ,*

        ┍━━━━━━━━━━━━━━━┙

*✿●•· Padosiyo’n ke saath talluq rakhne me 2 Baato ka khoob khayal rakhe ,*

*1- Unke Mardo se apna aur Apni Ladkiyo’n ka bahut sakht Parda hona chahiye, Unke yaha ka 12 Saal ka Bachcha bhi bager ijazat andar na aaye aur unke Bachcho ka Apni Bachchiyo se Mel jol na hone de ,Chahe chhote hi ho ,*

*✿●•· Is tarah Apne Mardo Aur Betiyo’n ko unki Aurto’n se Parde ka khoob ahatmam karwaye, ESA na ho k Aapas me be takallufi se Shaitaan ko aane ka moqa mil jaye, Jabki Parde ke ahatmam se Shaitaan Se mukammal hifazat hoti he,*

*✿●•· 2- Is baat ka bhi khoob khayal rakhe k Aapke Bachche Padosiyo’n Ke GHARO me JAA kar TV na dekhne PAYE ,Bachcho ko khoob samjha bujhakar Waha se door rakhe k TV ka zehar Bachcho aur Bado sabke Akhlaq tabaah v barbaad kar deta he aur mashre me Jurm aur Buraaiya’n fela deta he, Khud Apne ghar me bhi TV na rakhe aur Bachcho ko Padosiyo’n ke ghar me bhi ( TV dekhne ) na Jane de ,*

*✿●•· Nek Padosi ka andaza Aap is waqye se laga sakte he’n k Hazrat Abdullah bin Mubarak Rehmatullah ka Padosi ek yahoodi tha, Jab usne Apna makaan bechne ka iraada kiya to uski qeemat 2 hazaar dinaar maangi, logo ne kaha k Tumhare makaan Kï qeemat to ek hazaar dinaar hi he ,Wo Yahoodi kehne laga, Sahi he k ek hazaar makaan Kï qeemat Aur ek hazaar Abdullah ke Padosi hone Kï qeemat he,*

*Isse Maloom hua k Nek Padosi ka mil Jana bhi Allah Ta’ala Kï ek bahut badi niyamat he,*

      : ◐┄┅════❖════┅┄◐

*✿●•·Aurte’n Aur Huzoor Akram Sallallahu Alaihivasallam Kï Chand Sunnate,*

        ┍━━━━━━━━━━━━━━━┙

*✿●•· Huzoor Akram Sallallahu Alaihivasallam Rahmatul Aalameen the, Mardo ke liye bhi aur Aurto’n ke liye bhi Rehmat the, Lihaza Aurte’n bhi agar Aap Sallallahu Alaihivasallam Kï Pyari aur Mubarak Sunnate apnayengi to gharo me Rehmate’n aur Barkate’n nazil hongi aur Muhabbat Kï fiza qayam hogi, Aap Sallallahu Alaihivasallam aur Allah Ta’ala Kï Muhabbat Dil me badegi ,*

*✿●•·1- Miswaak ka ahatmam kare ,Khususan har namaz ke liye Vazu karte waqt, Khane ke baad, Tilawat karte waqt, Sote waqt aur So kar uthne ke baad Miswaak ka ahatmam Zaroor kare ,*

*✿●•· 2- Subeh Shaam Kï Masnoon Duae’n aur har har moqe Kï Duae’n padhne ka ahatmam kare ,*

*✿●•· 3- Nabi Kareem Sallallahu Alaihivasallam Kï Aadate Mubarak thi k Aap Sallallahu Alaihivasallam ko Jab bhi koi sakht amr pesh aata tha yani koi pareshani ya koi takleef aati to Aap Sallallahu Alaihivasallam Namaz Kï taraf mutavajjah ho jate the,*

*✿●•· 4- Bachcho ko ( khud bhi ) qazae Haajat ( Peshab Pakhana Vagera ) ke liye bethane me Khayal rakhe k Qibla Kï taraf na bithaye ,Qazae Haajat ke waqt Qibla Kï taraf peeth ya moonh karna bahut hi bada gunaah he ,*

 *✿●•· 5- Har cheez ka Len Den sidhe haath se kare, Kisi Se koi cheez le to sidhe haath se le aur de to sidhe haath se de aur Bachcho ko bhi iska aadi banaye ,*

*✿●•· 6- Ghar me aate Jate ya azeez Rishtedaro ke ghar me jate waqt Aurte’n Aapas me ek doosre ko Salam kahe ,” Assalamu Alaykum ” Aapas me baat shuru karne se pehle bhi Salam kare ,*

*✿●•· 7- Har kaam me Allah Ta’ala Kï taraf nisbat Kijiye k Allah me Hukm se ye hua, Bachcha Allah me Hukm se Bimaar hua, ye na kahe k Sardi lag gayi isliye Bimaar hua ,Fala Doctor se faayda hua balki yu kahe k Allah ke Hukm se Sardi lagne Kï Vajah se Bimaar ho gaya, fala doctor se Dava li Alhamdulillah ! Allah Ta’ala ke Hukm se faayda hua, NAFA nuqsaan Kï nisbat Allah Kï taraf kare, Ittefaaq ka lafz istemal na kare ,*

*✿●•· Ittefaq koi cheez nahi hoti, Kaynaat ka ek ek zarra ek ek qatra ek ek patta girne me, Behne me ,hilne me aur istemal hone me Allah Ta’ala ke Hukm ka mohtaaj he ,*

*✿●•· 8- Aurto’n ko Chahiye k Azaan ka Jawab de, Hadees Sharif me he k Jo Shakhs Mozzin ka jawab Dil ke Yaqeen ke saath de to uske liye Jannat Waajib ho jati he, ( Nasaa’i )*

*✿●•· Lihaza Aurto’n ko Chahiye k Azaan ke waqt Baate na kare balki uska jawab de, Mozzin Jo kahe usi tarah kahe, Magar ” Hayya Alassalaah ” aur” Hayya Alal falaah ” ke jawab me ” La havla Wala Quwwata illa billahi ,” kahe , Azaan ka jawab Zaban se dena mustahab v Masnoon he ,Fir agar Shara’i uzr na ho to foran Namaz Kï taiyaari me lag Jana chahiye,*

┍━━━━━━━━━━━━━━━┙

: *"_Nek Bivi Ka Imtihaan:-*

┍━━━━━━━━━━━━━━━┙

*"_ Aap in Sawalo Ko gor se padhiye, Kam se kam har Sawal Ko Teen martaba padhiye, Fir iska Jawab dijiye, Agar Jawab Haa'n hai To 10 number laga dijiye, Fir Apna Result khud dekh lijiye k Aap "Nek Bivi" Ke Imtihaan me Paas hui Ya Allah na kare ...?*

*"_ (1)_ Kya Aap Subeh Apne Shohar se Pehle uth kar Fajar ki Namaz padh kar Apne Shohar aur Baalig Bachcho ko Masjid me bhejne ke Liye Achchhe Tareeqe se koshish karti hai'n k Wo Sab Masjid me Ja kar Fajar Ki Namaz Jama'at se Ada kare, Taki Allah Ta'ala ki Naraazgi se poora Ghar Bach jaye ?*

*"_(2)_ Kya Aap Raat hi ko Subeh Shohar ke istemal Ke Liye Kapde istri kar ke Tayyar rakhti hai'n, taki unko Kaam per jane se pehle Tayyar mil jaye'n aur Subeh ain Zarurat ke Waqt Zarurat ki Cheezo ki Talash ya Tayyari me waqt na lage, isi tarah Shohar jab Safar me jate hai'n to Aap unka bag vagera Tayyar karti hai'n ?*

*"_(3)_ Kya Aap Apne Bachcho ke madarse aur school ka Home Work khud karwa deti hai'n, Taki Bachcho ko Tution ki zarurat na pade aur Maa'n Ki Shafqat bhi Haasil hoti rahe aur Bachche ki padhayi aur Madarse me Haazri ke Ahatmam ke bare me bhi pata chalta rahe ya Sirf ghar ke kaam kaaj me lag kar Bachcho ki Zaroori Malumaat ki jaa'nch bhi Shohar ke Zimme deti hai'n ?*

*"_ (4)_ Kya Aap khane ki esi Cheeze bhi Tayyar karti hai'n Jo Shohar Ko bahut pasand hai'n aur Aapko bilkul pasand nahi, Ya Shohar aur Bachcho ko pasand hai'n Magar Chu'nki Aapko wo cheeze Tayyar karne me der lagti hai isliye Aap Taal jati hai'n, Ya Shohar Ke paas unke Dost Ahbaab baar baar aate rehte hai'n to Aap Mehman Nawazi me unka poora Saath deti hai'n?*

*"_(5)_ Kya Aap apni Safayi Suthrayi vagera ka Ahatmam karti hai'n, Khususan Jab Shohar Ghar me ho'n, Isi Tarah jab Shohar thak kar ghar aaye to kya Aap is baat ka Ahatmam karti hai'n k ghar me aate hi unko Saada Thanda Pani pesh kar de'n، To isse unke Kaam ki Pareshaniya'n khatm ho jaye'n ?*

*"_(6)_ Agar Shohar Aapko khabar de k Aaj meri Walda aur Behne ghar Aaye'ngi aur Mai'n unko Fala Fala naye design wale Kapde Hadiya de raha hu'n to Aap foran khush dili ka izhaar karti hai'n ya nahi ?*

*"_(7)_ Kya June July Ki School ki Chhuttiyo me ya Hafte ki Chhuttiyo me Aap is baat ka Ahatmam karti hai'n k khud Jaldi uth jaye'n, Taki Shohar ki Neend me bachche khalal na daale, Ya Koi zaroori kaam kar rahe hai'n to kaam Sukoon se Anjaam de Sake'n?*

*"_(8)_ Bachcho ki behuda Harkato per bajaye zor se cheekhne ya daa'ntne Ya unko Waalid Sahab se darane ke bajaye kya us waqt Aap Sabr kar ke unke Sar per haath rakh kar pyaar se samjhati hai'n aur khoob unke liye Dua karti hai'n, Taki unko Yaqeen ho jaye k ye Shafeeq Maa'n hamari islah chahiti hai na k Apna gussa utaarna ?*

*"_(9)_ Kya Aap is baat ka Ahatmam karti hai'n k Shohar ne jo kuchh ek martaba keh diya unko dobara kehne ki zarurat na pade, aur agar Aapne kisi uzr ki vajah se wo kaam nahi kiya to unke puchhne se pehle hi bata deti hai'n k Mai'n is vajah se nahi kar saki ?*

*"_(10)_ Aapko Agar Shohar se koi baat manwani ho, Maslan - wo Bachcho ko waqt nahi dete, unki Tarbiyat ka Ahatmam nahi karte, Subeh se Shaam tak zariya maash hi ki fikr me lage rehte hai'n to Aap unko Samjhane ke liye Saleeqe aur Hikmat se aur pyaar muhabbat ke Lehje me munasib waqt aur moqe ka intezar karti hai'n Ya Nazar Andaz me daa'ntte hue kehti hai'n aur us waqt kehti hai'n jab wo Aap per kisi baat per gussa hue ho'n, Ya wo Dukaan se pareshan aaye ho'n, Kya Aap moqa Sanaashi, Mizaaj Sanashi ke usool per Amal karti hai'n?*

*"_(11)_ Kya Aap Apne Bachcho ke liye ese khilone khareedne ka Ahatmam karti hai'n jinse unka shoq bhi bade aur Samajh bhi bade aur usme Jaandaar ki Tasveer aur Shar'an koi doosri mamnu cheez na ho, k jiske Banane wale per Allah Ta'ala ne Hazrat Muhammad ﷺ ki zubani laanat farmayi hai aur Khabardaar kiya hai k Rehmat ke Farishte us ghar me nahi aate jis ghar me Tasaveer ho'n _,"**

*"_(12)_ Kya Aap Apni Devrani, Jethani aur Bhabhi vagera ki Geebat karne se aur unki Aapas ki baate Maloom karne se Ya Apna Darja Saas aur Nanad ke Yaha'n badhane ke liye jhoot bolne se isliye bachti hai'n k Allah Rabbul izzat Naraaz na ho jaye'n _,*

*"_(13)_ Aapko Shohar jis waqt bhi bulaye Kya Aap uske pukarne per Foran jawab deti hai'n ya Jaan Boojhkar Taal Matol karti hai'n aur Gaflat v Laparwahi se kaam leti hai'n ?*

*"_ in 13 Sawalaat ko khoob gor se padhiye, fir uske Jawabaat "Haa'n ya Nahi" me dijiye, Agar Aapne Sab Sawalaat ke Jawabaat "Haa'n " me diye to Allah Ta'ala ka Shukr Ada kijiye k Allah Ta'ala ne Aapke andar Nek Bivi wali Sifat paida farma di hai, Ab Allah Ta'ala se in Sifaat per isteqamat ki Dua maa'nge,*

*"_ Agar khuda na Khwasta in Sifaat ki kami hai to Aaj se Aap faisla kar le'n k mujhe Apne andar Achchhi Sifat paida karna hai, isliye khoob Ro Ro kar Allah Ta'ala se Duae'n maa'nge k Ey Allah ! Mere Andar Achchhi Sifaat paida farma dijiye 

: ◐┄┅════❖════┅┄◐

*✿●•· Nek Bivi Kï Apne Shohar Ke Liye Vasiyat ,*

        ┍━━━━━━━━━━━━━━━┙

*✿●•· Har Musalman ko chahiye k Wo Apni Vasiyat Zaroor likh kar rakhe, Hadees Sharif me iske mutalliq bahut takeed aayi he, Agar kisi ke zimme Qaza Namaze, Roze, Hajj, ya kai saalo ki Zakaat ada nahi Kï to is soorat me Vasiyat nama na likhna ek mustkil gunaah he,*

*"_ isliye Foran Aaj hi se Hum logo ko Apna Vasiyat Naama likh Lena chahiye, Yaha'n hum iska Namoona Pesh karte hai'n Taki Allah Ta'ala hum Sabko Huququllah aur Huququl ibaad ki Adaygi Ka Ahatmam ata farmaye aur maut se pehle maut ki Tayyari Naseeb farmaye, Aameen,* 

*✿●•· 1- Musalman Bivi ko chahiye k Apne Shohar se iski maafi maange aur koshish kare k Duniya se is haal me rukhsat ho k uska Shohar usse khush ho taki is khush khabri Kï misdaaq ban jaye, Jesa k Huzoor Sallallahu Alaihivasallam ka irshad he k ,”Jis Aurat ka is haal me inteqal ho k uska Shohar usse Raazi he to Wo Jannat me Dakhil hogi ,”( Tirmizi)*

*✿●•· 2- Isi tarah Alhamdulillah ! Nakhoon polish lagane Kï mujhe aadat Nahi he aur agar kabhi lagayi bhi ho to Vazu aur Gusl se pehle saaf kar leti hu’n ,Lekin agar meri Maut esi HAALAT me aa jaye to Gusl dene Se pehle Nakhoon Polish chhuda dena, Isliye k bager Polish chhudaye na Gusl hoga aur na hi Namaz e janaza sahi hogi, Isliye iska khaas khayal rakhna ,*

*✿●•· 3- Agar Allah Ta’ala ne Aapko Aulaad Kï ni’amat se nawaza he to unko Hafiz aur Aalim banane Kï Vasiyat kar jaye ,*

*✿●•· 4- Apne Shohar ko Vasiyat kar jaye k mere inteqal ke baad Aap gunaah Se bachne aur ghar ke intezam Kï khatir doosra Nikaah Zaroor kar le , Mere liye Shariyat ke mutabiq hi Sawab pahunchane Kï koshish kare aur Rasumaat maslan- Teeja, Chaleeswa vagera se bache ,*

*✿●•· 5- Mere Shinakhti Card ( ID ) aur Passport vagera ke Photos ya Laparwahi se Maine kisi aur moqe per apni Tasveer khichwayi ho to zaaya ( ya faad de, ya jala de) kar de taki mere liye wabaal na bane ,"*

         

 ◐┄┅════❖════┅┄◐

*✿●•·Bivi ke Zimme Shohar ke Huqooq, ( Short me )*

        ┍━━━━━━━━━━━━━━━┙

*✿●•· Akhir me Shohar ke tamaam Huqooq ka Mukhtasar khulasa padh lijiye, Allah Ta’ala har Musalman Bivi ko is per Amal Kï Tofeeq ATA farmaye, Aameen,*

*✿●•·"_ 1- Shariyat ke daayre me reh kar uski har kaam me ita’at karna ,ba-sharte k gunaah na ho yani uski ita’at aur Adab v khidmat me kotahi na kare ,*

*"_ 2- Uski gunzaish ( haisiyat) se zyada naan nafqa Talab na kare ,*

*"_ 3- Shohar Kï ijazat ke bager Kisi ko ghar me na aane de ,*

*✿●•·"_ 4- Uska maal uski ijazat ke bager kharch na kare ,*

*"_ 5- Uski ijazat ke bager ghar se na nikle ,*

*"_ 6- Uski ijazat ke bager Nifl Roza na rakhe ,*

*"_ 7- Agar Sohbat ke liye bulaye to Shara’i majboori ke bager inkaar na kare ,*

*"_ 8- Apne Shohar ko uski gurbat ya bad soorti Kï vajah se ya Apne aapse ilm v hunar me kami Kï Vajah se haqeer na samjhe aur taana na de ,*

*✿●•·"_ 9- Agar koi kaam ya baat Shariyat ke khilaf Shohar me dekhe to adab se mana kare ,*

*"_ 10- Uska Naam le kar na pukaare k ye Adab ke khilaf he ,*

*"_ 11- Kisi ke saamne Khawind Kï Shikayat na kare ,*

*"_ 12- Shohar ke Rishtedaro ke saath sakhti na kare Jisse Shohar ko takleef pahunche, khaas tor se Shohar ke Maa’n Baap ko apna Maa’n Baap samajh kar unke saath adab v tazeem se pesh aaye ,*          

      ◐┄┅════❖════┅┄◐

*✿●•·Aurto’n Ke Liye Chand Mufeed Kitaabe’n ,* 

 ┍━━━━━━━━━━━━━━━┙

*✿●•· Hum yaha Aurto’n ke Liye Chand mufeed kitaabo ka hawala dete he’n, Tamaam Musalman Aurto’n ko chahiye k in kitaabo ko hidayat Kï NIYAT se Khud bhi padhe aur Musalman Behno ko bhi ye kitaabe’n Padhne Kï targeeb de ,*

*✿●•· 1- Ma’arful Qur’an,:- Ye Quran Paak Kï tafsser he Jo k Hazrat Maulana Mufti Muhammad Shafi Reh. ne likhi he, Isme se Rozana Koshish Kare'n k Chand Ayaat ka Tarjuma v Tafseer padh le'n Taki Allah Ta'ala ke Kalam ko Samajhne aur us per Amal karne ki Tofeeq ho,*

*✿●• 2_ Ma’arful Hadees :- Ye Hadees Kï tasreeh he Jo k Hazrat Maulana Manzoor Nomani Reh .ne likhi he, Bahut Asaan Urdu me hai, Huzoor Akram ﷺ ki Hadees Mubarak ki Tashreeh Esi ki gayi hai k har Ek isko Samajh Sakta hai, Har Musalman ko chahiye k is Kitaab ka Zaroor muta'ala kare'n,*

*✿●•· 3- Bahishti Zever,:- Ye Fuqha Hanafi ke Masail ka majmua he Jo k Hakeemul Ummat Hazrat Maulana Ashraf Ali Thanvi Reh. ne likhi he, Ye Kitaab to isme Ba Sami, Aurto'n ke liye Duniya me jannat ka Zever hai, is kitaab ko padhne aur Samajhne ke baad Deen v Duniya ke bahut sare Masa'il me se Waqfiyat ho jati hai,*

*✿●•_4-Tohfa E Khawateen:- Ye kitaab Hazrat Maulana Ashiq ilaahi BulandShehri Reh. Kï bahut hi pyari kitaab he,*

*✿●•_5-6 – Fazaile A’amaal aur Fazaile Sadqaat ,:- Ye dono kitaabe’n Shekhul Hadees Hazrat Maulana Muhammad Zakariya Reh. Kï likhi he, in Kitabo me se Rozana Apne ghar Bachcho aur ghar ke Tamaam Afraad ( Siva Na Mehram Mardo'n ke ) Ko bitha kar Kam se kam 10 minute in Kitaabo ki Taleem ka mamool rakhe ,*

*✿●•·7- Ek Minute ka Madarsa ,:- Hazrat Maulana Shah Abrarul Haq Sahab Reh. Jama Tarteeb Hazrat Maulana Hakeem Muhammad Akhtar Sahab Reh.ki Ye Kitaab Rozana ke liye Sirf ek minute Kï ghar Kï Zarurat he ,*

*✿●•_ 8- Misali Maa'n :- Daurane Hamal Akhtyar Kï Jane wali ahatyati Tadbeere, Bachcho Kï Deeni v Shara’i Tarbiyat ke liye beshumar bahut hi behtreen ANDAZ me likha gaya he ,*

╟──────❥

*╟❥ Alhamdulillah Mukammal Hua ,*      

┕━━━━━━━━━━━━━━━┑

      *📓 Tohfa E Dulhan,*

╒═══════════════╛

      *✍ Haqq Ka Daayi ,*

     ◐┄┅════❖════┅┄◐

http://www.haqqkadaayi.com

*👆🏻👆🏻Visit for Daily updates,*

https://chat.whatsapp.com/DsQk3786EvG3qjKxWF7Hsl

*👆🏻 What's app Group Join Karne Ke Liye Link per Click Kijiye _,*

┣━━━━━━━━━━━━━━━━━━━━┫

https://t.me/haqqKaDaayi

*👆🏻Telegram Per Join Link_,*

https://www.youtube.com/c/HaqqKaDaayi01

*👆🏻Subscribe Our YouTube Channel ,*

┣━━━━━━━━━━━━━━━━━━━━┫

◐