KHILAFATE RASHIDA -PART2,( ROMAN )HAZRAT UMAR RAZ.

 

✭﷽✭

         *✭ KHILAFAT E RASHIDA .✭* 

              *✿_ खिलाफते राशिदा _✿*

            ▪•═════••════•▪                  

      *┱ ✿- Khilafat Ka Masla -,*

*"_ Daure Farooqi Ka Agaaz _,*

★_ Hazrat Umar Raziyllahu Anhu Jab Khalifa bane to Aapke Saamne Iraan aur Rom se Junge Ho rahi thi, Khilafat ke Pehle Din se hi Log Bayt ke liye Aane lage , Silsila Teen din tak jaari raha, Aapne moqa pa Kar Musalmano ke Saamne khutba diya Jisme Allah Ke Raaste me Fazail Bayan farmaye,

★_ Rom aur Iraan ke Hukmraan Qaisar v Kisra kehlate they, Ye Dono Bahut badi Saltnate thi , Yani us Waqt Khud ko Super Taaqat samajhne Wali Yahi Do Taaqate thi , Hazrat Abu Bakar Siddiq Raziyllahu Anhu ke daur me Hazrat Khalid bin Waleed Raziyllahu Anhu Iraaq ke Tamaam Sarhadi ilaaqe Fateh Kar chuke they aur Kuchh hi Dino me Poora Iraaq Fateh Kar sakte they, Lekin unhi Dino Shaam Ki muhim pesh aa gayi , Isliye Hazrat Abu Bakar Siddiq Raziyllahu Anhu ne Hazrat Khalid bin Waleed Raziyllahu Anhu ko hukm bheja k foran Shaam ki taraf rawana Ho'n aur Musna bin Haarisa Raziyllahu Anhu ko Apna Jaa'naaheen muqarrar Kar Jaye'n, Chunache Hazrat Khalid bin Waleed Raziyllahu Anhu Shaam ki taraf rawana ho gaye, is Tarah Iraaq me Futuhaat Ka Silsila Ruk gaya, 

★_ Iraan ki Malka in Dino " Puraan dukht " thi, Usne Apne Mulk ke Ek bahadur Jarneel Rustam ko Apna Wazeer bana liya tha, Usne Rustam ko hukm diya k Musalmano ko iraaq se nikaal de , Rustam ne Jung ki Taiyariya'n shuru kar di , Usne Apne Lashkar ke Do hisse kiye , Ek hisse Ka Salaar" Jabaan " ko muqarrar Kiya , Jabki doosre hisse Ka Salaar" Shehzada Narsi " ko banaya ,

★_ Idhar Musna bin Haarisa Raziyllahu Anhu aur Abu Ubaida Reh. Hira tak pahunch chuke they, Dono Fauje Aamne Saamne hui, Musalmano me Gazab Ka Jazba dekhne me Aaya , Aakhir unke Jazbe ke aage iraani Lashkar ke Paa'nv ukhad gaye, Dono Salaar moqe per hi giraftaar ho gaye,

Abu Ubaida Reh. Ne is morqe ke baad Kaskar Kar rukh Kiya , Yaha'n Shehzada Narsi Fauj liye khada tha, Maqatiya me Dono lashkar Aamne Saamne hue, Narsi me Saath bahut bada Lashkar tha, Narsi abhi Jung shuru Karne Ke Haq me Nahi tha , Use khabar Mili thi k Uski madad ke liye Mazeed iraani Fauje rawana ho chuki Hai'n, Wo un Faujo Ka intezar Kar raha tha aur Unki Aamad se Pehle ladayi shuru nahi Karna Chahta tha , 

★_ Doosri Taraf Hazrat Abu Ubaida Reh. Ko bhi ye ittelaat mil gayi Unhone dayr karna munasib na samjha aur Hamla Kar diya, Bahut bada morqa hua aur Aakhir Narsi ko shikasht hui , Abu Ubaida Reh. Khud wahi'n thehre aur fauj ke chhote Chhote daste Charo taraf rawana Kar diye , Taki bhaagne wale iraaniyo Ka Pichha Kiya ja sake aur Unka Jaha'n tak ho sake safaya Kiya ja sake , 

★_ Is Shikasht ki khabar sun Kar Rustam Bahut Chiraag pa hua , Usne Bahman ko ek lashkar de Kar rawana Kiya , Dono Lashkar Maruha ke Muqaam per Aamne Saamne aa gaya, Dono Lashkar ke darmiyaan Dariya Faraat tha , Bahman ne Musalmano ko Paigaam bheja k Tum is Tarah aate ho ya hum Aaye'n ? Abu Ubaida Reh ke Salaaro ne Unhe mashwara diya k Bahman ko Apne Lashkar ke Saath is Aane ki Dawat di Jaye , Magar Hazrat Abu Ubaida Reh ne Kaha - Ye to Buzdili hogi , Udhar Bahman ke Qaasid ne un Musalmano ki baate sun Kar ye Kaha - Hum logo Ka bhi Yahi khayal tha k Arab marde Maidaan nahi Hai'n _,"

★_ Usne ye Baat Musalmano ko Josh dilane ke liye Kahi thi aur waqa'i Hazrat Abu Ubaida Reh Josh me aa gaye , Unhone Fauj ko Taiyari Ka Hukm de diya, Hazrat Musna bin Haarisa Raziyllahu Anhu aur Bade bade Sardaar ab bhi is qadam ke khilaf they , Hazrat Musna bin Haarisa Raziyllahu Anhu ne Abu Ubaida Reh se farmaya- Agarche Hume yaqeen hai k Dariya Paar Karne se Fauj ko Shadeed nuqsaan pahunchega Lekin Chunki Sipe Salaar is Waqt Aap Hai'n aur Afsar ki Hukm uduli Hamara tareeqa Nahi , isliye hum Taiyaar Hai'n _,"

★_ Ab Kashtiyo Ka Pul baandha gaya aur Tamaam Fauj us pul ke zariye Dariya paar Kar gayi , Lekin waha'n iraaniyo ne islami fauj ke liye Jagah bahut tang chhodi thi , Islami fauj ko Safbandi ki Jagah bhi na mil saki , Doosri Taraf iraani Fauj ke Saath Khofnaak Haathi bhi they aur un per bade bade ghante latkaye gaye they, Jab ye Haathi chalte to ghante zor zor se bajne lagte , 

★_ Musalmano ke Arbi Ghodo ne ese Haathi aur Samoor ki topiyo wale fauji Pehle nahi dekhe they , Ghode unko Dekh kar bidak Kar Pichhe hat gaye , Jab Abu Ubaida Reh ne dekha k Haathiyo ke muqable me ghode nakara Saabit ho rahe Hai'n to ghode se kood pade aur Lalkaar Kar Apne Saathiyo'n se Kaha - Jaa'nbaazo ! Haathiyo ko darmiyaan me le lo aur Hodajo ko sawaar samet ulat do _," 

★_ Is elaan ke Saath sab Musalman Ghodo se kood pade aur Hodajo ki raasiya'n kaat kaat Kar haathi sawaaro ko niche girane lage ,..iske bavjood Haathiyo ki vajah se Musalmano Ka Bahut nuqsaan ho raha tha , Ye Soorate Haal Dekh Kar Hazrat Abu Ubaida Reh ne Safed Haathi per hamla Kiya , Ye Sab Haathiyo Ka Sardaar tha, Unhone Haathi ke Soond per Talwaar maari ,Soond kat gayi , udhar Haathi Gusse me aage bada aur Unhe Zameen per gira Kar Apna Paa'nv unke Seene per rakh diya, aur Wo Shaheed ho gaye,

★_ Unki Shahadat ke baad unke Bhai Hakam ne Alam Haath me le liya aur Purjosh Andaz me Haathi per hamla aawar hue, Usne Hazrat Abu Ubaida Reh ki Tarah Unhe bhi Paanv ke niche kuchal diya, is Tarah Saat Aadmiyo'n ne Baari Baari Alam Haath me liya aur maare gaye, Ye Saato Khandane Saqeef se they , 

★_ Aakhir Hazrat Musana bin Haarisa Raziyllahu Anhu ne Alam Haath me liya , Us Waqt tak Jung Ka naqsha palat chuka tha aur iraani Musalmano ko Dariya ki taraf dhakel rahe they, Ese me Kisi ne Pul bhi Tod diya, Musalman is qadar bad hawaas hue k Toota pul dekh Kar Dariya me kood pade, Ese me Hazrat Musna bin Haarisa Raziyllahu Anhu ne Fauj ko sambhala , Pul bandhwaya aur Sawaaro ke daste ke zimme lagaya k Pul paar Karte logo ki madad kare, Khud Ek daste ko Saath le Kar Dushman Ke muqable per date rahe , is qadar jawa'n Mardi se lade k Dushman Jo barabar badhta Chala aa raha tha Uska badhna Ruk gaya,

★_ Us Waqt tak 9 Hazaar Sipahiyo me se sirf 3 Hazaar Apni jaane bacha Kar doosre kinaare tak pahunch sake , Un 3 Hazaar Ka bachaav bhi Hazrat Musna bin Haarisa Raziyllahu Anhu ki Hikmat Amli se hua ,

          ▪•═════••════•▪

*"_ Boyab Ka Morqa _,*

★_ Islam ki tareekh me Maidane Jung se bhaagne ki misale bahut kam milti Hai'n , Is ladayi me Jin Musalmano ki Paspayi ki vajah se islami Lashkar ko shikasht hui thi, Wo maare Sharm ke Apne gharo me na gaye, idhar udhar junglo me Firte rehte they aur Rote rehte they, Madina Munavvara me ye khabar pahunchi to Musalmano ko Bahut Ranj hua, Hazrat Umar Raziyllahu Anhu bhi behad gamgeen hue, fir bhi Doosro ko tasalli dete rahe Lekin Unhe khud tasalli nahi Hoti thi ,

★_ Musalmano ki is shikasht ne Hazrat Umar Raziyllahu Anhu per ek iztraab taari Kar diya, Aapne zor shor se Jung ki Taiyariya'n shuru kar di, Saare Arab me Purjosh Taqreere Karne wale Hazraat bheje gaye , unki taqreero ne Jaziratul Arab me Aag laga di, Har taraf se Arab ke Qaba'il Aane lage , Udhar Hazrat Musna bin Haarisa Raziyllahu Anhu ne Tamaam Sarhadi maqamaat ki taraf Paigaam bhej diye aur is Tarah Ek badi Fauj Jama Kar li , 

★_ Islami lashkar Boyab ke Muqaam per aa Kar ruka , Boyab Kufa ke qareeb waqe tha, Udhar Mehraan Apni Fauj ke Saath rawana hua , Boyab ke Muqaam per pahunch Kar Mehraan ne Dariya Faraat ke kinaare Padaav Kiya , Subeh Hote hi Usne Dariya Paar Kiya aur Musalmano ke lashkar ke Saamne Safbandi shuru Kar di , 

★_ Hazrat Musna bin Haarisa Raziyllahu Anhu ne Nihayat Tarteeb se islami Lashkar ki Safbandi ki , Islami fauj Ka Jung shuru Karne Ka Tareeqa ye tha k Sipeh Salaar teen martaba Allahu Akbar Kehta tha, Pehli Takbeer per Fauj hamla Karne Ke liye Taiyaar ho Jati thi, Doosri Takbeer per Fauj Hathiyar sambhal leti thi aur Teesri Takbeer per Hamla Kar diya jata tha, 

★_ Hazrat Musna Raziyllahu Anhu ne abhi Doosri Takbeer bhi nahi Kahi thi k iraaniyo ne hamla Kar diya, Zabardast Jung shuru hui , Musalmano ke bade bade Afsar Shaheed hue , Lekin Hazrat Musna Raziyllahu Anhu Saabit qadam rahe , Unki Saabit qadmi ki vajah se Musalmano ko Fateh hui , Mehraan qatl hua , Mehraan ke qatl ki khabar ne iraaniyo ke Hausle Khatm Kar diye, Wo Bad Hawaas ho Kar bhaage, Hazrat Musna Raziyllahu Anhu ne foran Apne Daste ke Saath pul per pahunch gaye Taki iraani bhaag na sake , Us Jagah itne iraani qatl hue k Laasho Ka ambaar lag gaya, Morkho'n ne Likha hai k Kisi ladayi me itni Laashe nahi giri Jitni Boyab ki ladayi me giri , Muddato baad Musalmano Ka udhar se guzar hua to us Waqt bhi waha'n haddiyo ke Ambaar Nazar aaye,

          ▪•═════••════•▪

*"_ Qaadsiya Ki Taraf Lashkare Islam _,*

*★_ Is morqe ke baad Musalman Tamaam iraaq me Fayl gaye , Aaj Jaha'n Bagdaad hai Waha'n Us Zamane me bahut bada Bazaar Lagta tha , Hazrat Musna bin Haarisa Raziyllahu Anhu ne waha'n us Din hamla Kiya Jis Din Bazaar laga tha , Sab log Jaan bachane ke liye bhaage , Musalmano ke Haath betahasha Maal Aaya , 

★_ Iraan ke Darul Hukumat me ye khabar pahunchi to waha'n khalbali Mach gayi , Iraan ki Malka Poran Dukht ko na Ahal qaraar diya aur Takht se utaar Kar Yazdgard ko bitha diya, Yazdgard 16 Saala Nojawan tha , Kisra ke khandaan me Yahi reh gaya tha , Is Tarah Yazdgard ki Takht nasheeni se iraani Hukumat ke Paanv Ek Baar fir jam gaye, 

★_ Hazrat Umar Raziyllahu Anhu ko khabar Mili to Aapne Hazrat Musna Raziyllahu Anhu ko hukm bheja - Faujo ko har taraf se samet Kar Arab ki sarhad ki taraf hat Aao , Rabi'a aur MuZir ke Qabilo ko bhi talab Kar lo _," 

Iske alawa Umar Farooq Raziyllahu Anhu ne har taraf Qasid daudaye , Har taraf se logo ko bulaya gaya , Hajj Ka Zamana tha , Khud bhi Makka Mukarrama pahunche , Abhi Aap Hajj se Faarig bhi nahi hue they k Har taraf se Qabilo ke Qafile umad Aaye , Hazrat Umar Raziyllahu Anhu Hajj Kar Ke waapas Aaye to badi tadaad me Mujahideen Madina Munavvara me Jama ho chuke they, Aapne Hukm diya :- Lashkar ko Tarteeb diya Jaye , Mai'n Khud Sipeh Salaar ban Kar Saath Jaunga _,"

★_ Jab Lashkar Tarteeb diya ja chuka to khud Madina Munavvara se Nikal Aaye aur iraaq ki taraf rawana hue, Hazrat Umar Raziyllahu Anhu ke is Tarah Saath chal padne se Musalmano me betahasha Josh paida ho gaya, Madina Munavvara se Teen meel ke Faasle per lashkar ne Padaav Kiya , Us Waqt bade bade Sahaba ne Mashwara Kar Ke Hazrat Umar Raziyllahu Anhu se arz Kiya - Ey Amirul Momineen ! Aap lashkar ke Saath na Jaye'n.. Khuda na Khwasta Aapko Kuchh ho gaya to ye Islam ke liye Bahut bada Saanha Hoga _," Hazrat Umar Raziyllahu Anhu ne Unki Raay qabool farma Kar Hazrat Sa'ad bin Abi Waqaas Raziyallahu Anhu ko Lashkar Ka Sipeh Salaar banaya gaya ,,

★_ Hazrat Sa'ad bin Abi Waqaas Raziyallahu Anhu Lashkar ko le kar rawana hue , 17 ya 18 manzile Tay kar ke Aap Saalba pahunche , Yaha'n pahunch Kar qayaam Kiya, Saalba Koofa se Teen manzil per hai , Hazrat Musna bin Haarisa Raziyllahu Anhu 8 Hazaar ke Lashkar ke Saath Ziqaar ke Muqaam per thehre hue they , Unhe Hazrat Sa'ad bin Abi Waqaas Raziyallahu Anhu ke Lashkar ka intezar tha , 

★_ Wo Chahte they k Lashkar Koofa ki taraf bade to Uske Saath Shamil ho Jaye'n , Unhe pul ki ladayi me Shadeed zakhm aaye they aur zakhm abhi Theek Nahi hue they aur is Muqaam per un Zakhmo ki taab na la Kar wafaat payi , ye itne bade Salaar they k Sadiyo baad ese log paida Hote Hai'n, Jihaad me Zindgi Khatm Kar di aur Aakhri dam tak iraaniyo ko naako chane chabwate rahe , Allah un per Reham farmaye , unke darjaat Buland farmaye, Aammen.

★_ Hazrat Sa'ad Raziyllahu Anhu abhi Sharaaf ke Muqaam per they k Hazrat Umar Raziyllahu Anhu ki taraf se hukm Aaya - Sharaaf se Aage badh kar Qaadsiya me qayaam Kari ... Aur is tarah morche banao k Saamne Ajam ki Zameen ho aur Kamar per Arab ke pahaad Ho'n ... Taki Fateh ho to Jaha'n tak chaho badte chale jao aur Khuda na Khwasta Doosri Soorat pesh Aaye to hat kar Pahaado ki panaah le sako _,

★_ Qaadsiya Ek bahut mehfooz Muqaam tha, Ye Shadaab ilaaqa tha , isme Nehre aur Pul bhi they , Hazrat Umar Raziyllahu Anhu Islam se Pehle Tijaarat vagera ke liye in ilaaqo se guzra Karte they, Lihaza in ilaaqo se khoob waaqif they , Iske baad Hazrat Sa'ad Raziyllahu Anhu Sharaaf se chale to Uzaib pahunche , Yaha'n Ajmiyo ka Aslaha Khana mojood tha, Wo islami Lashkar ke Haath laga , Aakhir Qaadsiya pahunch gaye,

★_ Iraani Lashkar Ka Sipeh Salaar Rustam ko muqarrar Kiya gaya tha , Ye Mada'in se rawana ho Kar Sabaat me thehra tha , Hazrat Sa'ad Raziyllahu Anhu ne Hazrat Umar Raziyllahu Anhu ko ittela bheji , Waha'n se Jawab Aaya - Jung se Pehle Kuchh Safeer iraaniyo ki taraf bheje Jaye'n .. Unhe islam ki Dawat di Jaye _," 

Hazrat Sa'ad Raziyllahu Anhu ne 14 Qabil Tareen Saathiyo'n ko muntakhab Kiya , Jinme Aasim bin Umar, Amru bin Ma'adi Karb, Mugira bin Shoba, Muin bin Haarisa aur No'maan bin Maqran Raziyllahu Anhum zyada mash'hoor Hai'n , Ye Hazraat Aqal , Tadbeer aur Siyasat me Apna Jawab Nahi rakhte they,

★_ Ye Safeer Ghodo per sawaar Mada'in pahunche , Raaste me jidhar se guzarte logo ki bheed lag Jati , Unki Zaahiri Soorat ye thi k Ghodo per Zeen nahi thi , Haatho me Hathiyar nahi they , Magar be baaki aur Dileri unke Chehro se tapakti thi , Dekhne Wale Foran mutassir ho jate they, Unki Sawaari me Jo ghode they Wo khoob Sehatmanad aur Chaako Choband they , Unki Zordaar Taapo ki Awaaz Yazdgard tak pahunchi to Usne Puchha - Ye kesi Awaaz hai ? Use bataya gaya - islami Lashkar ke Safeer Aaye Hai'n _,"

★_ Ye ittela Milne per Usne Apna Darbaar sajaya , Khoob Saazo Samaan se usko Araasta kiya Taki Musalman Safeero per Uski Dhaak beth Jaye , Raaste Ke Dono taraf Apne Jungju khade kiye ... Unke Darmiyaan se guzar Kar islami Safeero ko us tak Jana tha , Ye Tamaam intezamaat Karne Ke baad Usne un Safeero ko talab Kiya ,

★_ Islami Safeer Arbi Jubbe pehne , Kaandho per Chhadre daale , Haatho me Kode liye Darbaar me dakhil hue ... Musalmano ki musalsal Futuhaat ne iraaniyo per Pehle hi dhaak Jama di thi ,.. Yazdgard ne Safeero ki ye shaan dekhi to us per Haybat taari ho gayi , 

*★( Ye thi Kisi zamane me Musalmano ki shaan k Duniya ki Super Power kehlane wali Mumlikato ke Hukmraan unse darte they ,... Aaj ke Musalman Yahoodo Nasara se darte Hai'n aur Muslim Hukmraan unke Aage Haath jodte Hai'n , Sad Afsos )

★_ Yazdgard ne unse pehla Sawaal Kiya - tum is Mulk me kyu Aaye ho ? 

Hazrat No'maan bin Maqran Raziyllahu Anhu us Jama'at ke Ameer they , Unhone Unhe Pehle to islam ke bare me bataya .. fir farmaya - Hum Tamaam Duniya ke Saamne ye Cheeze pesh Karte Hai'n .. Islam qubool Kar lo , Ya Jaziya dena qubool Kar lo , Varna fir Talwaar Hamare aur Tumhare darmiyaan Faisla karegi _,"

★_ Unki Baat sun Kar Yazdgard ne Kaha - Kya tumhe Yaad nahi k Tamaam Duniya me Tumse zyada Kamzor aur Bad Bakht Qaum koi nahi thi , Tum jab Kabhi humse bagawat Karte they to hum Sarhad ke Zameendaaro ko bech dete they, Wo tumhe Sidha Kar dete they _,"

★_ Uski ye Baat Hazrat Mugira bin Zarrah Raziyllahu Anhu se zabt na ho saki , Unhone Apne Saathiyo'n ki taraf ishara Karte hue Kaha - Ye Arab ke Ra'iso me se Hai'n ...Apni burdbari aur waqaar ki vajah se zyada Baat Nahi Karte they, Inhone Jo Kaha Wohi munasib tha , Lekin Kuchh Baate reh gayi , Wo baate Mai'n Bayan Kar Deta Hu'n , Ey Badshaah ! Ye sach hai k hum Bad Bakht aur Gumrah they , Aapas me ladte Marte rehte they, Apni Ladkiyo ko zinda dafan Kar dete they, Lekin Allah Ta'ala ne Humme Ek Paigambar bheja , Wo Hasab Nasab me Humse Aala tha , Shuru Shuru me Humne unki Mukhalfat ki , Lekin fir rafta rafta uski Baato ne Dilo per Asar Kiya , 

"_ Wo Jo Kehta tha Allah Ke Hukm se Kehta tha aur Jo Kuchh karta tha Allah Ke Hukm se karta tha, Usne Hume Hukm diya k is Mazhab ko tamaam Duniya ke Saamne pesh Karo , Jo Islam le aaye'n Wo Tamaam huqooq me Tumhare barabar Hai'n , Jinhe islam se inkaar hua aur Jizye per razamand Ho'n Wo islam ki himayat me rahe'n aur Jin logo ko in dono Baato se inkaar ho , unke liye Talwaar hai _,"

★_ Yazdgard tesh me aa gaya, Usne Kaha - Agar Qasid ki qatl Jaa'iz hota to tum me se koi zinda Bach Kar nahi jata _," Ab Usne Hukm diya - Ek mitti Ka tokra laya Jaye _," Jald hi Mitti Ka tokra laya gaya, Usne Hukm diya, Tokra inme se Kisi ke Sar per rakh do _," 

Wo Tokra Hazrat Aasim bin Umar Raziyllahu Anhu ke Sar per rakha gayq , Usne isi Haalat me Unhe waapas lot Jane Ko Kaha , Ye log waapas rawana hue aur Aakhir Apne Lashkar me pahunch gaye , Hazrat Sa'ad bin Waqaas Raziyallahu Anhu ki khidmat me pahunch Kar Unhone Kaha - Fateh mubarak ho , Dushman ne Apni Zameen khud hi Hume de di _,"

★_ Rustam 60 Hazaar Ka lashkar le Kar Sabaat se nikla aur Qaadsiya ke Maidaan me ja pahuncha , Rustam Ka lashkar Jaha'n se bhi guzra , Waha'n ke logo ke Saath Bura sulook karta aaya, Yaha'n tak k logo me ye khayal Aam ho gaya k Ab Ajam ki Saltnat ke Zawaal Ka Waqt qareeb hai , 

★_ Ka'i Maah tak dono Lashkar Aamne Saamne pade rahe , Rustam ab tak ladne se ji churata raha tha , Shayad use Apni shikasht Ka Pehle hi Andaza ho gaya tha, Usne Ek martaba fir Suleh ki Koshish ki , Usne Hazrat Sa'ad Raziyllahu Anhu ke paas Paigaam bheja- Apna koi Qaasid mere paas bhejo .. Mai'n Suleh ki Baat Karna Chahta Hu'n _,"

★_ Hazrat Sa'ad bin Abi Waqaas Raziyallahu Anhu ne Hazrat Rabi bin Aamir Raziyllahu Anhu ko bheja , Wo is Andaz me rawana hue k Talwaar ke daste per chamde lapet rakhe they aur Libaas bilkul Saada tha , Kamar me Rassi Ka patka tha , Talwaar usse latak rahi thi, 

★_ Udhar iraaniyo ne Unhe Apni shaan v Shokat dikhane ke liye khoob Taiyariya'n ki , Darbaar ko khoob sajaya , Diba Ka Farah bichhaya , Resham ke parde latkaye , Shaahi Takht ko sajaya banaya , Raaste Ke Dono taraf Sipahi khade kiye , Hazrat Rabi bin Aamir Raziyllahu Anhu unke Darmiyaan me chalte Darbaar tak Aaye , Diba ke Farsh ke paas ghode se utre , uski baag ko gaav takiye se latkaya , Darbariyo ne bahar Hathiyar le Lene ki Koshish ki , Lekin Unhone Hathiyar utaarne se inkaar Kar diya aur Kaha - Tum logo ne bulaya hai to Mai'n Aaya Hu'n ...Agar Tumhe is Haalat me Mera Darbaar tak Jana Manzoor nahi to Mai'n lot jata Hu'n _,"

★_ Darbariyo ne ye Baat Rustam ko batayi , Usne ijazat de di , Rabi bin Aamir Raziyllahu Anhu Nihayat laparwahi ki Haalat me aage bade , Haath me neza tha , Us Neze ko qaleen me gho'npte gaye, is Tarah Wo Qaleen Jagah Jagah se Kar gaya , Takht ke Nazdeek pahunch Kar Unhone Apna neza Zameen me maara , Neza Zameen me gad gaya, 

★_ Ab Baat Cheet shuru hui , Rustam ne Puchha - is Mulk me kyu Aaye ho ? 

"_ Hum isliye Aaye Hai'n ki Makhlooq ki ibaadat Ke bajaye Khaaliq ki ibaadat ki Jaye _,

Is per Rustam ne Kaha - Mai'n Arkaane Saltnat se Mashwara Kar Ke Jawab dunga _,"

Is dauraan darbaari Baar Baar uth Kar Hazrat Rabi bin Aamir Raziyllahu Anhu ke paas Aane lage , Unke Hathiyar dekhne lage , Unme se ek ne tanziya Andaz me Kaha - Kya in Hathiyaro se Iraan Fateh Karne Ka iraada hai ?

★_ Ye Sunte hi Hazrat Rabi bin Aamir Raziyllahu Anhu ne Talwaar miyan se nikaali , Uski Chamak unki Aankho ko khairah Kar gayi , Bijli si kondh gayi Thi, Unhone Kaha - Agar Meri Talwaar ki kaat dekhna chahte ho to dhaal aage Karo _,"

Ek Sipahi ne dhaal aage Kar di, Hazrat Rabi bin Aamir Raziyllahu Anhu ne us per Talwaar maari , Dhaal do tukde ho gayi , 

★_ Hazrat Rabi bin Aamir Raziyllahu Anhu se Suleh ki Baat Cheet nakaam rahi , Aakhir me Hazrat Mugira bin Shoba Raziyllahu Anhu gaye, Hazrat Mugira bin Shoba Raziyllahu Anhu ghode se utar Kar Sidhe Rustam ki taraf gaye. Uske zaanu se zaanu Mila Kar Beth gaye, Unke Nazdeek ye gustakhi thi , Chobdaaro ne Unhe Baazu Pakad Kar Takht se utaar diya, Ab Hazrat Mugira bin Shoba Raziyllahu Anhu ne Kaha - Mai'n Khud nahi Aaya Hu'n , Tumne bulaya hai , Mehmaan ke Saath ye sulook Theek nahi _," Unke Alfaz sun Kar Unhe Sharm Mehsoos hui , Rustam bhi Sharminda ho kar bol utha - Ye mulazmeen ki galti thi , mere Hukm se esa nahi hua _,"

★_ Ab Rustam ne be takallufi ke Andaz me Hazrat Mugira bin Shoba Raziyllahu Anhu ke Tarkash se Teer nikale aur unko Haatho me le Kar Kaha - in Taklo se kya Hoga ? Hazrat Mugira Raziyllahu Anhu Jawab me bole - Aag ki lo Agarche chhoti Hoti Hai , Lekin fir bhi Aag hai _,"

Rustam ne Unki Talwaar ke niyaam ko dekh Kar Kaha - Ye kis qadar bosida hai _," Jawab me Unhone Kaha - Haa'n, Lekin Talwaar ki dhaar abhi tez ki gayi hai _,"

★_ Ab Rustam ne Kaha - Mai'n tumhe mashwara Deta Hu'n, Ab bhi Waqt hai , Waapas chale jao , Hum tumhe nahi rokenge , Balki Kuchh ina'am v ikraam de Kar rukhsat karenge _,"

Hazrat Mugira Raziyllahu Anhu ne Talwaar ke daste per Haath rakhte hue farmaya - Hamari bas Teen Baate Hai'n, Islam qubool Karo , Ya Jizya dena Manzoor Karo , Varna is Talwaar se Faisla Hoga _,"

★_ Ye Sun Kar Rustam gusse me bhadak utha , Usne Cheekh Kar Kaha - Surah ki qasam ! Mai'n kal Saare Arab ko barbaad Kar dunga _," 

Is tarah ye Baat Cheet bhi nakaam ho gayi , Rustam Ab tak ladayi ko barabar taalta raha tha , Lekin is Baat Cheet ke baad is qadar tesh me Aaya k Usne usi Waqt faujo ko Taiyari Ka Hukm de diya, Darmiyaan me Ek nehar thi , Usne Hukm diya - Subeh hone se Pehle pehle Nehar ko paat Diya Jaye Taki Raasta Saaf ho Jaye _,"

★_ Subeh tak Nehar ko paata ja chuka tha aur Lashkar ke Guzarne ke liye sadak bana di gayi Thi , Dopahar tak Tamaam Fauj Nehar ke Doosri Taraf ja chuki thi, Ab Rustam ne dohri zira pehni , Sar per Khod rakha , Hathiyar lagaye , Fir Apna Khaas ghoda talab Kiya , Us per Sawaar ho Kar Purjosh lehje me Bola - Mai'n Saare Arab ko Chalna choor Kar dunga _,"

Kisi Sipahi ke moonh se ye Alfaz Nikal gaye - Haa'n , Agar Khuda ne chaha _," 

ye Sun Kar Usne Kaha - Agar Khuda ne na chaha to Mai'n Tab bhi Arab ko barbaad Kar dunga _,"

          ▪•═════••════•▪

*★_ Rustam Ke Darbaar me Sahaba kiraam Raziyallahu Anhum_,*

★_ Rustam 60 Hazaar Ka lashkar le Kar Sabaat se nikla aur Qaadsiya ke Maidaan me ja pahuncha , Rustam Ka lashkar Jaha'n se bhi guzra , Waha'n ke logo ke Saath Bura sulook karta aaya, Yaha'n tak k logo me ye khayal Aam ho gaya k Ab Ajam ki Saltnat ke Zawaal Ka Waqt qareeb hai , 

★_ Ka'i Maah tak dono Lashkar Aamne Saamne pade rahe , Rustam ab tak ladne se ji churata raha tha , Shayad use Apni shikasht Ka Pehle hi Andaza ho gaya tha, Usne Ek martaba fir Suleh ki Koshish ki , Usne Hazrat Sa'ad Raziyllahu Anhu ke paas Paigaam bheja- Apna koi Qaasid mere paas bhejo .. Mai'n Suleh ki Baat Karna Chahta Hu'n _,"

★_ Hazrat Sa'ad bin Abi Waqaas Raziyallahu Anhu ne Hazrat Rabi bin Aamir Raziyllahu Anhu ko bheja , Wo is Andaz me rawana hue k Talwaar ke daste per chamde lapet rakhe they aur Libaas bilkul Saada tha , Kamar me Rassi Ka patka tha , Talwaar usse latak rahi thi, 

★_ Udhar iraaniyo ne Unhe Apni shaan v Shokat dikhane ke liye khoob Taiyariya'n ki , Darbaar ko khoob sajaya , Diba Ka Farsh bichhaya , Resham ke parde latkaye , Shaahi Takht ko sajaya banaya , Raaste Ke Dono taraf Sipahi khade kiye , Hazrat Rabi bin Aamir Raziyllahu Anhu unke Darmiyaan me chalte Darbaar tak Aaye , Diba ke Farsh ke paas ghode se utre , uski baag ko gaav takiye se latkaya , Darbariyo ne bahar Hathiyar le Lene ki Koshish ki , Lekin Unhone Hathiyar utaarne se inkaar Kar diya aur Kaha - Tum logo ne bulaya hai to Mai'n Aaya Hu'n ...Agar Tumhe is Haalat me Mera Darbaar tak Jana Manzoor nahi to Mai'n lot jata Hu'n _,"

★_ Darbariyo ne ye Baat Rustam ko batayi , Usne ijazat de di , Rabi bin Aamir Raziyllahu Anhu Nihayat laparwahi ki Haalat me aage bade , Haath me neza tha , Us Neze ko qaleen me gho'npte gaye, is Tarah Wo Qaleen Jagah Jagah se Kar gaya , Takht ke Nazdeek pahunch Kar Unhone Apna neza Zameen me maara , Neza Zameen me gad gaya, 

★_ Ab Baat Cheet shuru hui , Rustam ne Puchha - is Mulk me kyu Aaye ho ? 

"_ Hum isliye Aaye Hai'n ki Makhlooq ki ibaadat Ke bajaye Khaaliq ki ibaadat ki Jaye _,

Is per Rustam ne Kaha - Mai'n Arkaane Saltnat se Mashwara Kar Ke Jawab dunga _,"

Is dauraan darbaari Baar Baar uth Kar Hazrat Rabi bin Aamir Raziyllahu Anhu ke paas Aane lage , Unke Hathiyar dekhne lage , Unme se ek ne tanziya Andaz me Kaha - Kya in Hathiyaro se Iraan Fateh Karne Ka iraada hai ?

★_ Ye Sunte hi Hazrat Rabi bin Aamir Raziyllahu Anhu ne Talwaar miyan se nikaali , Uski Chamak unki Aankho ko khairah Kar gayi , Bijli si kondh gayi Thi, Unhone Kaha - Agar Meri Talwaar ki kaat dekhna chahte ho to dhaal aage Karo _,"

Ek Sipahi ne dhaal aage Kar di, Hazrat Rabi bin Aamir Raziyllahu Anhu ne us per Talwaar maari , Dhaal do tukde ho gayi , 

★_ Hazrat Rabi bin Aamir Raziyllahu Anhu se Suleh ki Baat Cheet nakaam rahi , Aakhir me Hazrat Mugira bin Shoba Raziyllahu Anhu gaye, Hazrat Mugira bin Shoba Raziyllahu Anhu ghode se utar Kar Sidhe Rustam ki taraf gaye. Uske zaanu se zaanu Mila Kar Beth gaye, Unke Nazdeek ye gustakhi thi , Chobdaaro ne Unhe Baazu Pakad Kar Takht se utaar diya, Ab Hazrat Mugira bin Shoba Raziyllahu Anhu ne Kaha - Mai'n Khud nahi Aaya Hu'n , Tumne bulaya hai , Mehmaan ke Saath ye sulook Theek nahi _," Unke Alfaz sun Kar Unhe Sharm Mehsoos hui , Rustam bhi Sharminda ho kar bol utha - Ye mulazmeen ki galti thi , mere Hukm se esa nahi hua _,"

★_ Ab Rustam ne be takallufi ke Andaz me Hazrat Mugira bin Shoba Raziyllahu Anhu ke Tarkash se Teer nikale aur unko Haatho me le Kar Kaha - in Taklo se kya Hoga ? Hazrat Mugira Raziyllahu Anhu Jawab me bole - Aag ki lo Agarche chhoti Hoti Hai , Lekin fir bhi Aag hai _,"

Rustam ne Unki Talwaar ke niyaam ko dekh Kar Kaha - Ye kis qadar bosida hai _," Jawab me Unhone Kaha - Haa'n, Lekin Talwaar ki dhaar abhi tez ki gayi hai _,"

★_ Ab Rustam ne Kaha - Mai'n tumhe mashwara Deta Hu'n, Ab bhi Waqt hai , Waapas chale jao , Hum tumhe nahi rokenge , Balki Kuchh ina'am v ikraam de Kar rukhsat karenge _,"

Hazrat Mugira Raziyllahu Anhu ne Talwaar ke daste per Haath rakhte hue farmaya - Hamari bas Teen Baate Hai'n, Islam qubool Karo , Ya Jizya dena Manzoor Karo , Varna is Talwaar se Faisla Hoga _,"

★_ Ye Sun Kar Rustam gusse me bhadak utha , Usne Cheekh Kar Kaha - Surah ki qasam ! Mai'n kal Saare Arab ko barbaad Kar dunga _," 

Is tarah ye Baat Cheet bhi nakaam ho gayi , Rustam Ab tak ladayi ko barabar taalta raha tha , Lekin is Baat Cheet ke baad is qadar tesh me Aaya k Usne usi Waqt faujo ko Taiyari Ka Hukm de diya, Darmiyaan me Ek nehar thi , Usne Hukm diya - Subeh hone se Pehle pehle Nehar ko paat Diya Jaye Taki Raasta Saaf ho Jaye _,"

★_ Subeh tak Nehar ko paata ja chuka tha aur Lashkar ke Guzarne ke liye sadak bana di gayi Thi , Dopahar tak Tamaam Fauj Nehar ke Doosri Taraf ja chuki thi, Ab Rustam ne dohri zira pehni , Sar per Khod rakha , Hathiyar lagaye , Fir Apna Khaas ghoda talab Kiya , Us per Sawaar ho Kar Purjosh lehje me Bola - Mai'n Saare Arab ko Chalna choor Kar dunga _,"

Kisi Sipahi ke moonh se ye Alfaz Nikal gaye - Haa'n , Agar Khuda ne chaha _," 

ye Sun Kar Usne Kaha - Agar Khuda ne na chaha to Mai'n Tab bhi Arab ko barbaad Kar dunga _,"

                   ▪•═════••════•▪

*"_ Qaadsiya Ki Jung _,*

★_ Dono Fauje Aamne Saamne ho gayi , Hazrat Sa'ad bin Abi Waqaas Raziyallahu Anhu ne qayde ke mutabiq teen naare lagaye , chothe naare me Jung shuru ho gayi, Dayr tak dono taraf se Bahadur Maidaan me aate rahe , muqable Hote rahe , Ba qayda Jung shuru hone se Pehle hi iraaniyo ke bade bade Ka'i Sardaar maare gaye ,

★_ Aakhir dono Fauje Poori Taaqat se ek doosre per Hamla Aawar hui , Hazrat Qa'aqa'a Raziyllahu Anhu ne Ek Anokhi Tadbeer ki , islami Lashkar me Haathi Nahi they Jabki iraaniyo ke paas Haathi they , Unki vajah se islami Lashkar ke ghode bidak jate they, Hazrat Qa'aqa'a Raziyllahu Anhu ne ye Kiya k Kai Kai ounto ko Mila Kar un per chaadre daal di , Chaadro me lapte ye ount jab aage laye gaye to Haathi SE bhi Zyada Khofnaak Jaanwar Nazar Aaye , Inko Dekh Kar iraaniyo ke ghode bidakne lage , Ye Tadbeer bhi khoob kaargar rahi ,

★_ Hazrat Khansa Raziyllahu Anha Arab ki mash'hoor Shaayra thi , Wo bhi is Jung me Shareek thi , Unke Chaar bete they , Chaaro islami Lashkar me Shamil they aur Dushman se lad rahe they , Ladayi shuru hone per inhone Apne Beto se Kaha tha - Pyare Beto ! Jao ... Dushman se lado ..aur Aakhir tak lado _,"

★_Chaaro Ek Saath Aage bade aur Dushman per toot pade , Jab ladte Ladte is qadar door Nikal gaye k Aankho'n se ojhal ho gaye, Us Hazrat Khansa Raziyllahu Anha ne Kaha - Ey Allah ! Mere Beto ki Hifazat farma _," 

Us Roz Jung me do Hazaar Musalman Shaheed hue , Unke muqable me das Hazaar ke qareeb iraani maare gaye ya zakhmi hue ,.. Fateh aur Shikasht Ka Faisla na ho saka , Suraj Guroob hone ke Saath hi Dono lashkar waapas palat gaye,

★_ Hazrat Abu Ubaida Raziyllahu Anhu ne Shaam se 700 sawaar bheje they , Wo bhi pahunch gaye , Unke pahunchne per khoob naare goonje , Shaam se Aane wale daste ke Salaar Hishaam they , Unhone aate hi Fauj se khitaab kiya - Tumhare Bhaiyo'n ne Shaam Fateh Kar liya hai , Iraan ki Fateh Ka Jo vaada Tumse Allah Ta'ala Ka Hai, Wo bhi Poora hoga _,"

★_ Fir jung Ka Agaaz hua , iraaniyo ki Fauj me Do Haathi Bahut bade aur Khofnaak they , Baqi Haathi unke Pichhe chalte they , Musalmano ke ghode Sabse zyada in do Haathiyo se dar rahe they , In sabka Jayza Lene ke baad Hazrat Sa'ad Raziyllahu Anhu ne Hazrat Qa'aqa'a Raziyllahu Anhu aur Unke khaas Saathiyo'n ko bula Kar Kaha - Haathiyo ki muhim ab Tumhare haath me hai , unki Aankhe fod do aur Soonde kaat do , Ye bekaar ho Jayenge _,"

★_ Hazrat Qa'aqa'a Raziyllahu Anhu ne Kuchh sawaar Paidal mujahid Haathiyo ki taraf rawana kiye , Uske baad khud aage bade , Haath me neza tha , Un do bade Haathiyo me se ek ki taraf bade , Aasim Reh. Unke Saath Saath they , Dono ne Ek Saath taak Kar Neze maare , Dono Neze Haathi ki Dono Aankho'n me lage , Haathi ne Ek Zabardast jhurjhuri li aur Pichhe hata, Saath hi Talwaar zor se uski soond per maari k Soond kat Kar gir gayi , 

★_ Doosri Taraf unke Saathiyo'n ne doosre bade Haathi per hamla Kiya , Wo bhi zakhmi hua aur Ulta bhaaga , Ab Tamaam Haathi bhi un Dono Haathiyo ke Pichhe bhaage , is Tarah islami Fauj ko is Syaah Musibat se nijaat mili , Ab Unhe ghode bidakne ki Pareshani nahi rahi thi, is zor ki Jung hui k naaro ki goonj se Zameen hilne lagi ,

★_ Dono Lashkaro per Josh Ka Ek esa Aalam taari ho chuka tha k Suraj Guroob hone ke baad bhi ladayi band na ho saki , Yaha'n tak k Raat ho gayi, Ladayi fir bhi na ruki , Aakhir Hazrat Qa'aqa'a Raziyllahu Anhu ne Chand namoor Bahaduro Ko Saath liya aur Rustam ki taraf rukh Kiya , Rustam us Waqt apne Takht per betha tha , Usne Unhe Apni taraf Ka rukh Karte dekha to Takht per betha na reh saka , niche utra , Usne bhi Apni Talwaar so'nt li aur mardana waar Jung Karne laga , Bahut dayr tak ladta raha, Yaha'n tak k Zakhmo se choor ho gaya aur bhaag nikla , 

★_ Bilaal naami Ek Sahabi ne Uska Pichha Kiya , Ese me Ek Nehar saamne aa gayi , Rustam kood pada k Tayr Kar Nikal Jaye'n , Bilaal bhi ghode se kood pade, Use Taango se Pakad Kar Nehar se nikaal laye, Fir Talwaar ke Ek Vaar se uska Kaam Tamaam Kar diya , Unhone Laash Khachchar ke payro ke paas daal Di aur Khud Takht per Chad Kar pukaar uthe - Maine Rustam ko qatl Kar diya hai _,"

★_ Iraaniyo ne Takht ki taraf dekha us per Rustam na tha , Bas fir Kya tha, Poori Fauj me bhag dad mach gayi, Musalmano ne door tak unka Pichha Kiya , Hazrat Sa'ad bin Abi Waqaas Raziyallahu Anhu ne Fateh ki khabar Hazrat Umar Raziyllahu Anhu ko bheji , Hazrat Umar Raziyllahu Anhu khabar sunne ko buri Tarah bechain they , Bechaini ke Aalam me Aap Rozana Subeh Savere se bahar nikal aate aur Qaasid ki raah dekhte rahte , Jab Qaasid ke Aane ki Ummeed na reh Jati , Tab waapas lot te,

★_ isi Tarah Ek Din Qaasid ke intezar me door tak Nazre jamaye khade they k Ek Sawaar aata Nazar Aaya , Wo ount per sawaar tha , Hazrat Umar Raziyllahu Anhu ne Uske Nazdeek Aane Ka intezar na Kiya , Khud uski taraf daud pade , Wo Hazrat Sa'ad Ka Qaasid tha , Sidha Maidane Jung se Chala aa raha tha, Hazra Umar Raziyllahu Anhu ne usse Puchha - Kaha'n se aa rahe ho ? Wo Hazrat Umar Raziyllahu Anhu ko pehchanta nahi tha , Chunache laparwahi ke Aalam me Bola - Qaadsiya se aa raha Hu'n _," Hazart Umar Raziyllahu Anhu ne betaabana Puchha - Jung ki kya khabar hai ? Usne bataya - Allah Ta'ala ne Musalmano ko Fateh ata farmayi _,"

★_ Ye Kehte hue Wo Aapke paas se guzar Kar Aage bad gaya , Ab Hazrat Umar Raziyllahu Anhu Uske Saath Saath daudne lage , Saath Saath Jung ke Halaat puchhte jate they aur daudte jate they, Yaha'n tak k isi Haalat me Qaasid Madina Munavvara me dakhil ho gaya , Ab Jo log Saamne aa rahe they Unhone Hazrat Umar Raziyllahu Anhu ko dekh Kar foran Kaha - Ameerul Momineen ! Assalamu Alaikum _," Ameerul Momineen ! Assalamu Alaikum _,"

★_ Ab Qaasid ko Maloom hua k Ye Shakhs itni door se Uske ount ke Saath Saath bhaaga Chala aa raha Hai, Wo to Musalmano ke Hukmraan Hai'n Yani doosre Khalifa Hazrat Umar bin Khattab Raziyllahu Anhu Hai'n , Jinse Qaisaro Kisra thar thar kaanp rahe Hai'n, ye Maloom Hote hi wo laraz gaya , Foran Apne Ount se niche utar Aaya , Pareshani ke Aalam me Bola - Ameerul Momineen ! Mujhe Maaf Kar dijiye, Mai'n Aapko pehchanta nahi tha _,"

Koi harj Nahi , tum fikr na Karo , bas Jung ke Halaat sunate raho aur ount per sawaar ho jao , Mai'n isi Tarah Tumhare Saath Saath chalunga _,"

★_ Chunache use fir ount per sawaar hone per majboor Kar diya, Aap Uske Saath Saath chalte rahe , Jung ke bare me puchhte rahe , Yaha'n tak k Ghar aa gaya , Ab Aapne sab logo ko Jama kar ke Fateh ki Khush khabri sunayi, Ek Bahut Zabardast Taqreer Musalmano ke Saamne ki , Aakhir me farmaya - 

"_ Musalmano ! Mai'n Baadshah nahi k tumhe Gulaam banana Chahta Hu'n, Nahi ! Mai'n to khud Allah Ta'ala Ka Gulaam Hu'n, Albatta khilafat Ka bojh mere Sar per rakh diya gaya hai, Agar Mai'n usi Tarah Tumhare Kaam Karu'n k Tum chain se gharo me so'o to ye mere liye sa'adat ki Baat hai , aur Agar Mai'n ye khwahish Karu'n k tum mere Darwaze per Haazri do to ye mere liye Bad Bakhti ki baat hogi , Mai'n tumhe Taleem Dena chahta Hu'n , Lekin Baato se nahi , Amal se _,"

          ▪•═════••════•▪

*"_ Mada'in Ki Fateh aur Sahaba Ka Dariya Dajla me Ghode Daal dena _,*

★_ Udhar Iraani Qaadsiya se bhaage to Babul pahunch Kar dam liya , Ye ek Mehfooz aur bada Muqaam tha , Yaha'n aa Kar ek Baar fir Unhone Jung ki taiyari shuru Kar di , Firozaan ko lashkar Ka Sipeh Salaar muqarrar Kar liya , Hazrat Sa'ad Raziyllahu Anhu 15 Hijri me Babul ki taraf bade , Babul me iraaniyo ke bade bade Sardaar Jama they , iske bavjood ye log islami Lashkar ke Pehle hi hamle me bhaag nikle , 

★_Hazrat Sa'ad Raziyllahu Anhu Babul me thehre , Albatta Kuchh Fauj aage rawana Kar di, Us Fauj Ka Salaar Unhone Zohrah ko muqarrar farmaya, Iraani Fauj Babul se Faraar ho Kar Kosi per pahunch gayi Thi, Yaha'n iraaniyo Ka Salaar Sheharyaar tha , Zohrah kosi ke Muqaam per pahunche aur Sheharyaar ko shikasht de Kar Aage bade, 

★_ Hazrat Sa'ad bin Abi Waqaas Raziyallahu Anhu Mada'in ke liye rawana hue, Aage bade to unke Saamne Dariya Dajla tha , Is per Jaha'n Jaha'n Pul bane hue they iraaniyo ne Musalmano ki Aamad ki khabar pa Kar, Sab pul tod diye they , Hazrat Sa'ad Raziyllahu Anhu jab Dariya ke kinaare pahunche to waha'n na koi pul tha na kashti , 

★_ Aapne Fauj se Mukhatib ho Kar Kaha - Biraadraane islam ! Dushman ne har taraf se majboor ho Kar Dariya ke daaman me panaah li hai , Tum ye muhim bhi sar Kar lo, Fir Maidaan saaf hai _,"

Ye Keh Kar Aapne Apna ghoda Dariya me daal diya, Unhe Dekh Kar Fauj ne bhi Himmat ki aur Sab Dariya me Utar gaye, Dariya me Bahut Tugyani thi aur Wo Mauje maar raha tha, Mauje Ghodo se aa Kar Takraati rahi aur Ye Rakaab se Rakaab Mila Kar Aapas me baate Karte Aage badte rahe , Yaha'n tak k Fauj ki Tarteeb tak me fark na Aaya , 

★_ Doosri Taraf iraani Hairatzada Andaz me ye manzar dekh rahe they, Fauj jab Kinaare ke qareeb pahunch gayi to unhe Khayal aaya , Ye insaan nahi Hai'n , Chunache chilla uthe - Dev aa gaye... Dev aa gaye _,"

Ye Kehte hue Khofzada ho Kar bhaage , 

★_ Unke Sipeh Salaar Khurzaav ki Fauj ne Musalmano per Teero ki Baarish shuru kar di , Musalmano ne un Teero ki koi parvaah na ki aur barabar aage badte rahe , Yaha'n tak k Teerandaazo ko maliya met Kar diya, Yazdgard ne jab ye khabar suni to Shehar Chhod Kar Nikal bhaaga , Hazrat Sa'ad bin Abi Waqaas Raziyallahu Anhu Mada'in me dakhil hue to Har taraf sannata tha ,

          ▪•═════••════•

*"_ Mada'in ki Fateh _,*

★_ Fauj ne waha Jume ki Namaz Ada ki , Is Tarah ye waha'n Pehla Juma tha , Jo Iraaq me Ada Kiya gaya , islami Lashkar ko waha'n se bahut maale ganimat Haath Aaya, Nosherwa'n se le Kar mojooda Daur tak ki tamaam Qeemti Cheeze la Kar Hazrat Sa'ad bin Abi Waqaas Raziyallahu Anhu ke Saath dher Kar di gayi ,   

★_ Unme Hazaaro Zireh, Talwaare, Khanjar , Sone ke taaj aur Shaahi Libaas they , Sone Ka Ek ghoda bhi tha Us per Chaandi Ki Zeen Kasi thi , Seene per Yaqoot aur Zumurd jade hue they, Chaandi ki ek ountni thi , Us per Sone ki Palaan thi , Uski muhaar me Yaqoot piroye hue they, Sawaar bhi Sar se le Kar Paanv tak Jawahiraat se ata hua tha , in Sabse bhi Zyada Ajeeb Ek Qaleen tha , Iraani us Qaleen ko Bahaar ke Naam se pukaarte they , Us Qaleen per Darakht they , Sabza tha , Phool they Yani Poora Baag tha aur Ye Sab Jawahiraat se Taiyaar Kiya gaya tha Yani Sone Chaandi aur Motiyo'n se Taiyaar Kiya gaya tha, 

★_ Ye Sabka Sab Samaan Mujahideen ko Mila tha Lekin kya majaal k Kisi ne usme se koi cheez khud uthayi ho , Jo cheez Jis Haalat me Payi , La Kar Salaar ke aage rakh di, Jab ye Saara Samaan la Kar Sajaya gaya to door door tak Maidane Jung jagmaga utha , Hazrat Sa'ad Raziyllahu Anhu bhi Hairatzada reh gaye, 

★_ Maale ganimat qaayde ke mutabiq Taqseem Kiya gaya aur Paanchva hissa darbare Khilafat ko bhej diya gaya, Farsh aur Qadeem Yaadgaare jo'n ki To'n bhej di gayi , Hazrat Umar Raziyllahu Anhu ke Saamne jab ye Saara Samaan chuna gaya to Aapko bhi Fauj ki dayanat per Hairat hui ,

★_ Madine me Ek Shakhs Muhalim naami rehta tha , Wo Bahut lambe Qad Ka tha , Hazrat Umar Raziyllahu Anhu ne Hukm diya - Nosherwa'n ke Libaas la Kar Muhalim ko pehnaye Jaye _,"

Ye Libaas Mukhtalif haalato ke they , Sawaari Ka alag , Darbaar Ka alag , Jashn Ka alag , Mubarak baadi Ka alag , 

★_ Chunache Baari Baari ye sab use pehnaye gaye, Jab use Khaas Libaas pehna Kar taaj sar per rakha gaya to dekhne walo ki Aankhe khairah ho gayi , Log dayr tak use Hairatzada Andaz me dekhte rahe , 

Qaleen ke bare me logo ki Raay thi k ise Jo'n Ka to'n rehne diya Jaye, Lekin Fir kaat Kar Taqseem Kar dene Ka Faisla hua , 

★_ Mada'in ke baad Sirf " Jalula " baqi reh gaya tha, Mada'in se bhaag Kar iraani Yaha'n Jama ho gaye they aur Jung ki taiyari Kar rahe they, Kharzaad Rustam Ka Bhai Uska Salaar tha , Usne Shehar ke gird Khandaq Taiyaar Kara Di , Raasto aur guzargaaho per gokhard ( Lohe ki Keele ) bichhwa diye , Hazrat Sa'ad bin Abi Waqaas Raziyallahu Anhu ko ye ittela mili to Aapne Hazrat Umar Raziyllahu Anhu ko khat Likha, Waha'n se hukm Aaya - Haashim bin Utba 12 Hazaar Fauj le Kar is muhim per Jaye _,"

★_ Is Tarah Haashim bin Utba 12 Hazaar Fauj le Kar Jalula ki taraf bade , Chaar din baad waha'n pahunch Kar Shehar Ka muhaasra Kar liya , Ye Muhaasra Ka'i Maah tak jaari raha , Aakhir Ek din iraani khoob Taiyari ke Saath bahar nikle , Musalmano ne bhi khoob jam Kar unka muqabla Kiya , Fir Allah Ta'ala ne Khaas Meharbani farmayi k Ek Zabardast Aandhi aayi , Jisse ghup Andhera ho gaya, Hazaaro iraani Andhere ki vajah se Khandaq me gir gaye, iraaniyo ke Paanv ukhad gaye, Wo Bad Hawaas ho Kar bhaage , Musalmano ke Haath betahasha maale ganimat Aaya , iska Andaza Teen Karod lagaya gaya,

★_ Hazrat Sa'ad bin Abi Waqaas Raziyallahu Anhu ne Fateh ki Khush khabri ke Saath Maale ganimat Ka Paanchva hissa Madina Munavvara bhijwaya , Ye Khush khabri le Kar Ziyad Reh. gaye, Hazrat Umar Raziyllahu Anhu ne unse Jung ke Halaat Sune Fir Tamaam Musalmano ko jama hone Ka Hukm farmaya aur Ziyad Reh.se farmaya - in sabke Saamne Tamaam Waqiaat Bayan Kare'n _," Unhone bhare majme ko Halaat Sunaye aur is Tarah Bayan Kiya k Poora manzar logo ko Nazar Aane laga , Aap Hazrat Umar Raziyllahu Anhu bol uthe - khateeb ise Kehte Hai'n _,"

★_ Maale ganimat Ka Masjid Ke Sahan me dher Kar diya gaya.. Lekin us Waqt tak Andhera fail chuka tha Chunache Subeh Taqseem Karne Ka Faisla hua , Subeh ke Waqt Logo Ke Saamne maale ganimat se chaadar hatayi gayi , Dirham v Dinaar ke alawa waha'n Jawahiraat ke bhi Ambaar lage hue they , Ye Dekh Kar Hazrat Umar Raziyllahu Anhu be saakhta ro pade , 

★_ Log unke rone per bahut hairan hue k ye rone Ka Konsa moqa hai , Ye to Khushi Ka moqa hai , Logo ko hairan dekh Kar Aapne famaya - Jaha'n Maal v Daulat aati hai , Waha'n Rashk v Hasad bhi Saath aata hai _,"

★_ Yazdgard ko Jalula me iraaniyo ki shikasht ki khabar mili to Wo Halwaan ko Chhod Kar Ray ki taraf Chala gaya, Halwaan me Chand daste Fauj ke Chhod gaya , Unka Salaar Khusro Shanoom ko muqarrar Kiya tha , 

Ab Hazrat Sa'ad bin Abi Waqaas Raziyallahu Anhu ne Hazrat Qa'aqa'a Raziyllahu Anhu ko Halwaan ki taraf rawana Kiya, Ye Halwaan se teen meel ke Faasle per they k Khusro khud aage bad Aaya , Pehle to Usne Dat Kar muqabla Kiya Lekin Fir Shikasht ke Asaar Dekh Kar bhaag nikla, is Tarah Halwaan bhi Musalmano ke qabze me aa gaya, 

★_ Hazrat Qa'aqa'a Raziyllahu Anhu ne Aman Ka elaan Kara diya, is Tarah chaaro taraf se iraani unki khidmat me Haazir hone lage aur Jizya qubool Karne lage , is Tarah ye log islam ki himayat me aa gaye, Is Muqaam per iraaq ki had Khatm ho Jati thi, Is ilaaqe ke Fateh ke Saath hi Poora Iraan Fateh ho gaya, is Tarah Hazrat Umar Raziyllahu Anhu ke Daure Khilafat me Iraan ke Futuhaat Ka Silsila Mukammal ho gaya,

★_ Udhar Hazrat Khalid bin Waleed Raziyllahu Anhu ka Shaam Futuhaat Ka Silsila jaari tha aur Damishk Fateh ho chuka tha, Damishk ki Fateh ne Romiyo me Aag si laga di , Damishk ki Fateh ke baad Musalmano ne Urdun Ka rukh Kiya tha , Isliye Romiyo ne bhi Urdun ke Shehar Bisaan me Fauje Jama Kar li , is Tarah waha'n 40 Hazaar ke qareeb Romi Lashkar Jama ho gaya , is lashkar ke Salaar Ka Naam " Sakar tha ,

★_ Shaam Ka Mulk 6 Zilo me Taqseem tha , Unme Damishk, Hims , Urdun aur Filisteen mash'hoor Zile they , 

★_ Romiyo ne waha'n jis qadar bhi Nehre thi un Sabke Band Tod diye , Is Tarah Waha'n Paani hi Paani ho gaya, Keechad aur Paani ki vajah se Tamaam Raaste Ruk gaye , Lekin Islam Ka sailaab bhala unse kab ruk Sakta tha , Islami Lashkar fir bhi Bisaan pahunch gaya, Unki ye Mazbooti dekh Kar iysaai Suleh Ka Paigaam bheja Lekin Suleh na ho saki , Jung Shuru hui , Taqriban Ek ghnate Jung jaari , Aakhir Romiyo ke Paanv ukhad gaye Wo buri Tarah bad hawaas ho Kar bhaage,

★_ Hazrat Abu Ubaida Raziyllahu Anhu ne Fateh ki Khush khabri Madina Munavvara bheji aur Ameerul Momineen Hazrat Umar Raziyllahu Anhu se Maloom karwaya k in logo ke Saath kya sulook Kiya Jaye , Udhar se Jawab Aaya - Ri'aya ko Zimmi qaraar diya Jaye aur Zameen ba dastoor Zameendaaro ke qabze me Chhod di Jaye _," 

★_Is Azeemush shaan Fateh ke baad Urdun ke Tamaam Shehar Asaani se Fateh hote chale gaye, Har Muqaam per ye likh Kar diya gaya - Fateh kiye gaye logo ki Jaan , Maal , Zameen, Makanaat, Girje aur Doosri ibaadat gaahe sabki sab mehfooz rahengi , Sirf Masjido ki tameer ke liye Kisi qadar Zameen li jayegi _,"

Yani Kisi Saath bhi koi nagawaar sulook nahi Kiya gaya , Jabki Romi aur Iraani Fateh kiye gaye ilaaqo ke logo per zulm Ke pahaad Todte rahe they,

          ▪•═════••════•

*"_ Hims Ki Fateh _,*

★_ Ab Hazrat Khalid bin Waleed Raziyllahu Anhu ne Hims Ka rukh Kiya , Shaam Ke Tamaam Zilo me se ye ek Bada zila tha , Purana Shehar tha, Urdun ke baad ab Sirf teen Shehar baqi reh gaye they, in teeno ke Fateh hone Ka Matlab tha Poora Shaam Fateh ho gaya, Ye Teeno Shehar Baitul Muqaddas, Hims aur Antaqiya they , Antaqiya me Khud Hirakkal mojood tha , in teeno me Hims zyada qareeb tha , Isliye Hazrat Khalid bin Waleed Raziyllahu Anhu ne Pehle isi Ka rukh Kiya ,

★_ Hims ke Nazdeek Romiyo ne khud Aage bad Kar muqabla Karna chaha , Ek Badi Fauj Hims se nikli , Josiya ke Muqaam per Dono Fauje Aamne Saamne aa gayi, Hazrat Khalid bin Waleed Raziyllahu Anhu ke Pehle hi hamle me Unke Paanv ukhad gaye, 

★_ Hazrat Khalid bin Waleed Raziyllahu Anhu ne Musirah bin Masrooq ko thodi si Fauj de Kar Hims ki taraf rawana Kiya , Raaste me Romiyo ki shikasht Khayi hui Fauj se muqabla hota raha, Un muqablo me bhi Musalmano ko Fateh hui ,

★_ Idhar Hazrat Khaalid bin Waleed Raziyllahu Anhu aur Hazrat Abu Ubaida Raziyllahu Anhu ne Hims Ka rukh Kiya , Hims ko ghere me liya gaya , Mosam bahut Sard tha , Romiyo ko Yaqeen tha k Musalman Sardi Ka muqabla nahi Kar sakenge, Hirakkal Ka Paigaam bhi Unhe pahunch chuka tha k bahut Jaldi madam pahunch jayegi aur Hirakkal Ek bada Lashkar rawana bhi Kar chuka tha , Lekin Hazrat Sa'ad bin Abi Waqaas Raziyallahu Anhu ne us Lashkar ko Rokne ke liye Apni taraf se islami Lashkar bhej diya, Hazrat Sa'ad bin Abi Waqaas Raziyallahu Anhu us Waqt Iraaq ki muhim per they , Unke lashkar ne Romy Fauj ko wahi rok liya aur wo Hims na pahunch saki ,

★_ Abu Ubaida Raziyllahu Anhu aage bade , Raaste me Jo ilaaqe aate gaye , Wo Asaani se Fateh hote chale gaye, Yaha'n tak k Laazqiya tak pahunch gaye, Laazqiya bahut Purana Shehar tha, Uski Mazbooti ko dekh Kar Hazrat Abu Ubaida Raziyllahu Anhu ne usse Kuchh Faasle per Padaav Kiya ,

★_ Yaha'n Hazrat Abu Ubaida Raziyllahu Anhu ne Ajeeb Hikmat Amli apnayi , Aapne Maidan me Khaaiya'n Khudwayi , Ye is Tarah khodi gayi k Dushman ko pata na chal saka , Fir Ek din Fauj ko kooch Ka Hukm de diya, Romiyo ne Lashkar ko waapas jate dekh liya, Wo Samjhe K Musalman Mayoos ho Kar chale gaye, Lekin hua Sirf ye tha k Raat ki Tareeki me islami Lashkar Nihayat Khamoshi se lot Aaya tha aur Un Khaaiyo me chhup gaya tha ,

★_ Udhar Romi is lambe Muhaasre se tang Aaye hue they, Unhone jab dekha k Musalman ja chuke Hai'n to Shehar ke Darwaze Khol Kar Baahar Nikal Aaye aur Rozmarra ke Kaamo me be fikri se mashgool ho gaye , Yahi Waqt tha Jiska Musalmano ko intezar tha , Wo Khaaiyo se nikal Aaye aur un per Achanak hamla Kar diya, Is Tarah Shehar Foran Fateh ho gaya, 

★_ Hims Ki Fateh ke baad Hazrat Abu Ubaida Raziyllahu Anhu ne Hirakkal ke Paaya Takht Ka rukh karne Ka iraada Kiya , Lekin Hazrat Umar Raziyllahu Anhu Ka Hukm Aaya k is Saal aur aage na bado , Chunache rawangi rok di gayi , Fateh kiye ilaaqo me bade bade Afsaro ko bhej diya gaya, Chunache Hazrat Khalid bin Waleed Raziyllahu Anhu Damishk chale gaye, Hazrat Amru bin Aas Raziyllahu Anhu ne Urdun me qayaam Kiya , Hazrat Abu Ubaida Raziyllahu Anhu khud Hims me thehre ,

          ▪•═════••════•▪

*"_ Yarmook ki Taiyari _,*

★_ Damishk aur Hims se shikasht kha Kar Yahoodi Antaqiya pahunche, Unhone Hirakkal se fariyad ki k Arbo ne Tamaam Shaam Fateh Kar liya hai , Hirakkal ne unme se Chand Hoshiyar Aadmiyo'n ko Darbaar me Talab Kiya aur Unse Kaha - Arab Tumse Taaq me aur Saazo Samaan me Kam Hai'n .. fir tum unke muqable me kyu nahi thehar sakte ??

*★_ Unke Sar Sharm se Jhuk gaye , koi Kuchh na bola, Aakhir Ek Budhe ne Kaha :- Arbo ke Akhlaaq Hamare Akhlaaq se Achchhe hai't , Wo Raat ko ibaadat Karte Hai'n, Din ko Roze rakhte Hai'n, Kisi Per zulm nahi karte , Ek doosre se Bhaiyo'n ki Tarah milte Hai'n, Koi khud Ko doosre se bada nahi samajhta , Jabki Hamara haal ye Hai k Sharaab Pite Hai'n, Badkaariya'n Karte Hai'n, Ahad ki Pabandi nahi karte , Doosre per zulm Karte Hai'n, Uska ye Asar hai k Unke Kaam me Josh Paya jata hai, Humme Josh aur Jazba nahi hai _,*

★_'Is Baat Cheet ke baad Qaisar ne Rom , QustunTuniya , Jazeera Aarminiya Garz har taraf Ahkamaat bheje k Tamaam Fauje Paya Takht Antaqiya me Ek muqarrar Tareekh ko Jama ho Jaye , Usne Tamaam Zilo ke Afsaro ko likha k Jis qadar Aadmi Jaha'n se bhi muhayya ho sake , Rawana Kar diye Jaye'n, In Ahkamaat ke Pahunchte hi har taraf se insaano Ka sailaab Antaqiya ki taraf chal pada , Antaqiya ke Charo taraf Jaha'n tak Nazar jati thi Fauje hi Fauje Nazar aati thi ,

★_ Hazrat Abu Ubaida Raziyllahu Anhu ko ye khabar mil chuki thi, Unhone sabko jama kiya aur Unke Saamne ek Purjosh Taqreer ki , Us Taqreer me Aapne farmaya :-

"_ Musalmano ! Allah Ta'ala ne tumhe Baar Baar jaa'ncha ... Tum har Baar uski Jaa'nch me poore utre , Uske Badle Allah Ta'ala ne bhi Tumhe Kamyabiya'n ata farmayi , Ab Tumhara Dushman us saazo Samaan se Tumhare muqable me Aaya hai k Zameen kaa'np uthi hai ...Ab bata'o ... Tum kya Kehte ho ?

★_ Aakhir ye mashwara hua k Hims ko Chhod Kar Damishk ki taraf rawana ho Jaye'n, Waha'n Khalid bin Waleed Raziyllahu Anhu mojood Hai'n aur Arab ki sar Zameen waha'n se qareeb Hai , Jab Ye Baat Tay ho gayi to Hazrat Abu Ubaida Raziyllahu Anhu ne Habeeb bin Muslima Ko bulaya , Ye Afsare Khazana they , Aapne unse farmaya :- 

"_ Hum iysaaiyo se Jizya Lete rahe Hai'n, Uske Badle unki Hifazat Karte rahe Hai'n, Lekin is Waqt Hamari Haalat ye Hai k unki Hifazat nahi Kar sakte , Lihaza is Waqt tak unse Jitna Jizya liya hai , Wo sabka sab Unhe waapas Kar de'n aur Unse keh de'n k Hume Tumse Jo Talluq tha wo Ab bhi Hai lekin Chunki is Waqt hum Tumhari Hifazat ki zimmedari Poori nahi Kar sakte , isliye Jizya waapas Karte Hai'n .. Kyunki Jizya dar asal Hifazat Karne Ka mu'awza hota hai _,"

★_ Jab Ye Laakho ki raqam waapas ki gayi to Isaaiyo per iska is qadar Asar hua k Wo rone lage , Rote jate aur Kehte jate they - Khuda tumhe waapas laye _,"

Yahoodiyo'n per bhi Bahut Asar hua , Unhone Kaha - Toraat ki qasam ! Jab tak hum zinda hai'n, Qaisar Hims per Qabza Nahi Kar Sakta _,"

★_ Aur fir Unhone Shehar ke Darwaze band Kar liye , Jagah Jagah Pehre bitha diye , Hazrat Abu Ubaida Raziyllahu Anhu ne ye Sulook Sirf Hims walo hi se Nahi Kiya Balki Jis qadar Zile Fateh ho chuke they, Har Jagah likh bheja - Jizye ki Jis qadar raqam vasool ki hai , Saari ki Saari waapas Kar di Jaye _,"

★_ Garz iske baad Hazrat Abu Ubaida Raziyllahu Anhu Damishk ki taraf rawana hue, Unhone in tamaam Halaat ki khabar Hazrat Umar Raziyllahu Anhu ko bhi Kar di , Jab Hazrat Umar Raziyllahu Anhu ko ye Maloom hua k Musalman Romiyo ke dar se Hims Chhod Kar chale gaye Hai'n to Aapko Bahut Ranj hua , Lekin Jab Unhe bataya gaya k Fauj ke Tamaam Afsaro Ka Faisla Yahi tha Tab Unhe itminan hua , Aapne Farmaya :- Allah Ta'ala ne Kisi Maslihat ke tahat hi Tamaam Musalmano ko is Raay per Jama Kiya Hoga _,"

★_ Fir Aapne Hazrat Abu Ubaida Raziyllahu Anhu ko Likha - Mai'n madad ke liye Saied bin Aamir Raziyllahu Anhu ko bhej raha Hu'n, Lekin Fateh Shikasht Fauj ki zyadti per nahi hai _,"

Abu Ubaida Raziyllahu Anhu ne Damishk pahunch Kar Tamaam Afsaro ko Jama Kiya aur Unse mashwara Kiya , Abhi mashwara ho raha tha k Hazrat Amru bin Aas Raziyllahu Anhu Ka Qaasid khat le Kar pahuncha , Khat Ka mazmoon ye tha - "_Urdun ke Zilo me Aam bagawat fail gayi hai , Romiyo ki Har taraf se Aamad ne har taraf Hal Chal macha di hai , Afra Tafri fail gayi hai , Hims Chhod Kar chale Aane se bahut nuqsaan hua hai , Hamara Roab uth gaya _,"

★_ Is khat ke Jawab me Hazrat Abu Ubaida Raziyllahu Anhu ne Likha - "_ Humne Hims ko dar Kar nahi chhoda Balki Maqsad ye tha k Dushman mehfooz maqamaat se Nikal Aaye aur Islami Fauje Jo Jagah Jagah faili hui Hai'n, Wo sab Ek Jagah Jama ho Jaye'n .. aur Aap wahi'n thehre, hum aa rahe Hai'n _,"

Doosre din Unhone Urdun ki hudood me pahunch Kar Yarmook ke Muqaam per qayaam Kiya , Hazrat Amru bin Aas Raziyllahu Anhu bhi unse Yahi'n aa mile, 

★_ Ye Muqaam Jung ke liye is vajah se munasib tha k Arab ki sarhad Yaha'n se qareeb tareen thi , Islami lashkar ko ye faayda tha k Jaha'n tak chahte hat sakte they, Hazrat Saied bin Aamir Raziyllahu Anhu bhi Ek Hazaar Ka Lashkar le Kar waha'n pahunch gaye,

★_ Hazrat Abu Ubaida Raziyllahu Anhu ne Ek aur Khat Hazrat Umar Raziyllahu Anhu ko Likha , Uske Alfaz ye they :-

"_ Romi khushki aur samundar se ubal pade Hai'n Halanki unke Josh Ka ye Aalam hai k Fauj Jis Raaste se guzarti hai Waha'n ke Raahib aur Paadri bhi unke Saath Shamil Hote ja rahe Hai'n.. un logo ne Kabhi ibaadat khano se qadam bahar nahi nikale they .. Ye sab mil Kar Apni Fauj ko josh dila rahe Hai'n _,"

★_ Hazrat Umar Raziyllahu Anhu ko ye khat Mila to unhone Tamaam Muhajireen aur Ansar ko Jana Kar liya , khat Unhe padh Kar sunaya .. . Tamaam Sahaba be Akhtyar ro pade aur Nihayat Pur Josh Andaz me pukaar uthe - Ey Ameerul Momineen! Hume ijazat dijiye, hum bhi jate Hai'n Apne Bhaiyo'n ke Saath mil Kar Deen per nisaar Hote Hai'n _,"

Ab to Muhajireen aur Ansar Ka Josh betahasha badh gaya, Hazrat Umar Raziyllahu Anhu ne Hazrat Abu Ubaida Raziyllahu Anhu ke Naam Ek Zordaar khat Likha aur Qaasid se farmaya :- Tum khud Ek Ek Saf me ja Kar ye khat Sunana _,"

★_ Qaasid khat le Kar pahuncha, Usne Ek Ek Saf me ja Kar khat sunaya , Isse Musalmano Ka hausla badha , Unhone Pur Josh Andaz me Taiyari shuru Kar di , Doosri Taraf Romi lashkar bhi Khoob Saazo Samaan se Les ho Kar Aage badhe , Unki tadaad Do Laakh se Kahi'n zyada thi , Kul Fauj ki 24 Safe thi , Fauj ke aage Mazhabi peshwa Paadri vagera Haatho me salibe liye Josh dila rahe they.. Aakhir dono Fauje Aamne Saamne aa gayi aur Yarmook Ka Maidaan tha , 

★_ Romi Baari Baari Apne lashkar Saamne late rahe , Unhone Hazrat Khalid Raziyllahu Anhu ke Dasto ke muqable me alag alag Fauje aage bheji , Lekin un sabne Baari Baari shikasht Khayi ,

★_ Romi Sipeh Salaar Bahaan ne ne Raat ke Waqt Apne Sardaaro ko Jama Kiya aur Kaha - Arbo ko Shaam ki Daulat Ka Maza pad gaya hai.. Behtar ye Hai k Maal v Daulat de Kar Unhe taala Jaye _"

Is Raay se Sabne ittefaaq Kiya , Doosre Din Unhone ek Qaasid Hazrat Abu Ubaida Raziyllahu Anhu ki taraf bheja , Usne Aapki khidmat me Haazir ho Kar Kaha - Hamare Sipeh Salaar chahte Hai'n, Aap Baat Cheet ke liye Kisi Afsar ko bheje _,"

★_ Us Waqt Magrib ki Namaz Ka Waqt ho chala tha, Hazrat Abu Ubaida Raziyllahu Anhu ne use thehraya k Namaz ke baad Baat Karte Hai'n, Wo Unhe Namaz Padhte hue Hairatzada Andaz me dekhta Raha , Namaz ho chuki to Usne Hazrat Abu Ubaida Raziyllahu Anhu se Puchha - Hazrat Isaa ke bare me Tumhara kya Aqeeda hai ?

Jawab me Hazrat Abu Ubaida Raziyllahu Anhu ne Surah Nisa ki Aayat 171 tilawat ki :- 

"_ ( Tarjuma ) _ Ey Ahle Kitaab ! Tum Apne Deen me had se na niklo aur Allah ki Shaan me Sivaye Pakki Baat ke na Kahi , Beshak Maseeh Iysaa Mariyam ke bete aur Allah Ke Rasool Hai'n aur Allah Ka Ek Kalma Hai'n Jinhe Allah ne Mariyam tak pahunchaya aur Allah ki taraf se ek Jaan Hai , So Allah per aur Uske Sab Rasoolo per imaan Lao , aur ye na Kahi k Khuda Teen Hai'n, is Baat ko Chhod do , Tumhare liye Behtar hoga , Beshak Allah Akela Ma'abood hai , Wo isse Paak hai k Uski Aulaad ho , Usi Ka Hai Jo Kuchh Aasmano me hai aur Jo Kuchh Zameen me hai , aur Allah kaarsaaz kaafi hai , Maseeh Khuda Ka Banda banne se hargiz Aar Nahi karega aur na muqarrab Farishte aur Jo koi uski Bandgi se inkaar karega aur Takabbur karega Allah Ta'ala un sabko Apni taraf ikattha karega _,"

★_ Mutarjim ne jab is Aayat Ka Tarjuma Qaasid ke Saamne Kiya to Wo be Akhtyar pukaar Kar Bola - Beshak Iysaa Alaihissalam ke Yahi Ausaaf Hai'n aur Beshak Tumhara Paigambar Sachcha hai _," 

Ye Keh Kar Usne Kalma Toheed padha aur Musalman ho gaya.. Saath hi Usne Kaha - Bas , Ab Mai'n Apni Qaum ke paas waapas Nahi Jaunga _,"

★_ is per Hazrat Abu Ubaida Raziyllahu Anhu ne Qaasid se Kaha - "_ is Tarah Romi kahenge k Musalmano ne be Ahadi ki .. Hamare Qaasid ko rok liya ..Lihaza tum is Waqt to chale jao ..kal jab Hamara Qaasid waha'n se Aaye tum Uske Saath chale aana _," Usne ye Baat maan li ,

★_ Doosre Din Hazrat Khalid bin Waleed Raziyllahu Anhu Romiyo ke lashkar me pahunche, Romiyo ne Unhe Apni Shaan v Shokat dikhane ke Zabardast intezamaat Kar rakhe they , Raaste ke Dono taraf Sawaaro ki safe Qaa'im ki thi , Wo sawaar Sar se payr tak Lohe me garq they , Lekin Hazrat Khalid Raziyllahu Anhu Zara bhi unse mar'oob na hue , Ulta hikaarat bhari nazro se Unhe dekhte hue guzarte chale gaye, Bilkul esa Maloom ho raha tha Jese Sher Bakriyo'n ke Rewad ko charta aage bad raha Hai , ( gor karo Musalmano ! Kabhi Hamara ye haal tha ..Aaj hum Deen Ki Mehnat ko Chhod kar kis haal me pahunch gaye Hai'n ) 

★_ Hazrat Khalid bin Waleed Raziyllahu Anhu Bahaan ke kheme ke paas pahunche to Usne Bahut Ahatraam se Aapka istaqbaal Kiya aur Apne barabar bithaya , Mutarjim ke zariye Baat Cheet shuru hui , Pehle Usne Hazrat Iysaa Alaihissalam ki Tareef ki , Fir Qaisar ke bare me Bola - Hamara Badshaah Tamaam Badshaaho Ka Shehanshah hai ..." Abhi Wo Yaha'n tak hi keh paya tha k Hazrat Khaalid bol uthe -

 "_ Tumhara Badshaah Zaroor esa hoga , Lekin Humne Jis Shakhs ko Apna Sardaar Bana rakha hai , Agar use Ek lamhe ke liye bhi Badshahat Ka khayal aa Jaye to hum foran use ma'azool Kar de'n _,"

★_ Bahaan ne unke Khamosh hone per fir Apni Taqreer shuru ki :- Ey Ahle Arab ! Tumhari Qaum ke log Hamare Mulk me aa Kar Abaad hue , Humne Hamesha unke Saath Dostana sulook kiye , Hamara khayal tha , Hamare is sulook ki vajah se Poora Arab hamara shukr guzaar Hoga , lekin iske khilaf tum Hamare Mulk per Chadh Aaye , Ab tum chahte ho k Hume Hamare Mulk se nikaal do ... Tum Nahi jaante , isse Pehle bhi Bahut Qaumo ne esa Karna chaha , Lekin Wo Kamyaab Nahi hue .. Ab tum Aaye ho , Tumse Zyada Jaahil aur be Saazo Samaan Qaum aur koi bhi nahi, is per Tumne ye Jurr'at ki , Khayr .. darhuzar Karte Hai'n.. agar tum Yaha'n se chale Jana Manzoor Kar lo to hum ina'am ke tor per Sipeh Salaar ko Das Hazaar Dinaar aur Afsaro ko Hazaar hazaar Dinaar aur Aam Sipahiyo ko so so Dinaar denge _," Bahaan Yaha'n tak keh Kar Khamosh ho gaya ,

★_ Ab Hazrat Khalid bin Waleed Raziyllahu Anhu ne Kaha :- 

"_ Beshak Tum Daulatmand ho , Hukumat ke Maalik ho , Tumne Apne Hamsaya Arbo ke Saath Jo sulook Kiya hai , Wo bhi Hume Maloom hai .. Lekin tumne un per koi Ahsaan Nahi Kiya tha Balki ye Tumhara Apne Deen ki isha'at Ka Tareeqa tha , Iska Asar ye hua k Wo iysaai ho gaye aur Aaj Wo khud Hamare muqable me Tumhare Saath Hai'n , Ye bhi Durust hai k hum Nihayat mohtaaj, Tangdast aur Khaba Badosh they , Hamara Haal ye tha k Taaqatwar Kamzor ko kuchal deta tha , Qaba'il Aapas me lad lad Kar mar Jaye they , Humne Bahut se Khuda Bana rakhe they , Unhe Poojte they , Apne Haath se but tarashte they aur uski ibaadat Kiya Karte they...,

★_ .. Allah Ta'ala ne Hum per Raham farmaya aur Humme Ek Paigambar bheja, Wo khud Hamari Qaum se they , Humme Sabse zyada Shareef , Paakbaaz aur Sakhi they , Unhone Hume Toheed Ka sabaq diya , Hume bataya k Allah Ka koi Shareek nahi , na uski koi Bivi hai na Aulaad , Wo bilkul yakta hai , Unhone Hume ye bhi Hukm diya k hum in Aqaa'id ko Duniya ke Saamne Pesh Kare'n, ..Jo inko Maan Le'n, Wo Musalman Hai'n Hamare Bhai hai'n, Jo inkaar kare Wo Jizya dena qubool kare , Hum uski Hifazat ke zimmedar Hai'n , Jo in dono Baato se inkaar karega Usse hum muqabla karenge _,"

★_ Bahaan ne ye sun kar Sard Aah bhari aur Bola :- Hum Kisi Qeemat per bhi Jizya nahi denge .. hum to Jizya Lete Hai'n, dete Nahi _,"

Is tarah koi Baat Tay na ho saki aur Hazrat Khalid Raziyllahu Anhu waapas aa gaye, Chunache Ladayi ki taiyari shuru Kar di gayi ,

★_ Hazrat Khalid bin Waleed Raziyllahu Anhu ke chale Jane ke baad Bahaan ne Sardaaro ko Jama Kiya aur Unse Bola - Tumne Suna ye kya keh gaye .. Unka Davaa hai k Jab Tak tum unki Ri'aya na ban jao Jung nahi Tal Sakti . Kya tumhe unki Gulaami Manzoor hai ?_,"

Wo Sabke sab Pur Josh Andaz me bol uthe :- hum mar Jayenge , Unki Gulaami qubool Nahi karenge _," 

Chunache Jung Ka Faisla Kar liya gaya ,

★_ Doosri Subeh Romi lashkar is qadar Saazo Samaan ke Saath saamne Aaya k Musalman Hairaan reh gaye, islami Fauj ki tadaad 32 Hazaar thi Jabki Romiyo ki tadaad 2 Laakh se zyada thi , Hazrat Khalid bin Waleed Raziyllahu Anhu ne ye dekh Kar Apni Fauj ke 36 hisse kiye aur Aage Pichhe unke Safe qaa'im kar di , is Tarah unki 36 safe ban gayi Fauj ke qalb Yani Darmiyaan per Hazrat Abu Ubaida Raziyllahu Anhu ko muqarrar Kiya , Daaye hisse per Hazrat Amru bin Aas Raziyllahu Anhu aur Hazrat Sharjeel bin Hasna Raziyllahu Anhu ko Jabki Baaye Baazu per Yazeed bin Abi Sufiyaan Raziyllahu Anhu ko muqarrar farmaya, Inke alawa har Saf Ka bhi Ek Afsar tha , is Tarah 36 Afsar muqarrar kiye , 

★_ Islami lashkar ki tadaad Agarche Dushman Ke muqable me Bahut Kam thi Lekin unme Chune hue Hazraat they , Inme 100 Sahaba Wo they Jinhone Badar ki Ladayi me hissa liya tha , Badri Sahaba Ka to Apna Muqaam hai , Qabila Hameer ki ek badi jama'at thi, Qabila Hamdaan , Kholaan , Laham , Juzaam vagera ke mash'hoor Bahadur bhi Shamil they, Ek Khaas Baat ye thi k islami Lashkar me Khawateen bhi Shamil thi Jo Mujahideen ko Mukhtalif Muhimaat aur Marham Patti vagera per namoor thi, 

★_ Hazrat Miqdaad Raziyllahu Anhu ki Awaaz Bahut Dilkash thi , Wo Fauj ke aage Surah Anfaal Padhte jate they,  

Aakhir Jung shuru hui, ibtida Romiyo ki taraf se hui , Sahaba ne is moqe per is shiddat se Jung ki k Romiyo ki safe darham barham ho gayi,

★_ Hazrat Ikrama Raziyllahu Anhu islam lane se Pehle Kuffar ke lashkaro me Shamil ho Kar Musalmano ke khilaf lad chuke they , Ye Abu Jahal ke bete they , Inhone Apna ghoda aage badhaya aur Pukare :- Aao Aaj maut per kaun Bayt karta Hai ?

400 Mujahideen ne Maut per unse Bayt ki inne Zaraar bin Azd bhi they, Ye Saabit qadmi se lade , Yaha'n tak k Sabke sab Shaheed ho gaye, Ye Hazraat Agarche Shaheed ho gaye Lekin inhone Romiyo ke hazaaro Aadmi kaat Kar rakh diye they , is per Hazrat Khalid bin Waleed Raziyllahu Anhu ke Hamlo ne unki Kamar Tod Kar rakh di , Hazrat Khalid Raziyllahu Anhu Unhe dabate chale gaye,

★_ Qabaas bin Asheem, Saied bin Zuber, Yazeed bin Abi Sufiyaan, Amru bin Aas, Sharjeel bin Hasna Raziyllahu Anhum jam Kar lade, Qabaas bin Asheem Ka Haal ye tha k Neze AUR Talwaare unke Haatho se toot Kar gir rahe they Magar Ek Qadam Pichhe nahi hat rahe they, Neza toot Kar girta to Kehte :- Koi hai Jo us Shakhs ko Hathiyar de Jisne Allah se iqraar Kiya hai k Maidane Jung se hatega to mar Kar hatega _," Log foran Talwaar ya neza Unhe pakda dete , Wo fir Sher ki tarah Dushman per Jhapat Padte ,

★_ Abu Alanoor ne to Yaha'n tak Kiya k ghode se kood pade aur Apne Daste se Mukhatib Hote hue bole :- Sabr aur istaqlaal Duniya me izzat hai aur Uqba ( Aakhirat ) me Rehmat .. dekhna ye Daulat Haath se Jane na paye_,"

 isi Tarah Yazeed bin Abi Sufiyaan Raziyllahu Anhu badi Be Jigri aur Saabit qadmi se lad rahe they, Ye Hazrat Ameer Mu'awiya Raziyllahu Anhu ke Bhai they , Ese me Unke Waalid Hazrat Abu Sufiyaan Raziyllahu Anhu unki taraf Nikal Aaye , ye Musalmano me Josh dilate fir rahe they, Bete per Nazar padi to Kehne lage :- Beta ! Is Waqt Har Ek bahaduri ke johar dikha raha Hai, Tu to Sipeh Salaar hai .. Tujhe Shuja'at dikhane Ka zyada Haq hai , Teri Fauj Ka Ek Sipahi bhi agar tujhse bazi le gaya to ye tere liye Sharm ki Baat hogi _,"

★_ Hazrat Sharjeel bin Hasna Raziyllahu Anhu Ka ye haal tha k Romiyo ne Unhe chaaro taraf se ghair liya tha , Ye unke Darmiyaan pahaad ki tarah jame khade they , Lad rahe they aur Qurane Kareem ki ye Aayat Tilawat Karte jate they :- 

"_ ( Tarjuma ) Allah Ke Saath Sauda Karne wale aur Allah Ke Hamsaye banne wale Kaha'n Hai'n ?" 

Fauj ko Saath le Kar Aage bade aur Romiyo ki pesh qadmi ko rok Kar rakh diya,

★_ Aurto'n ne bhi is moqe per kamaal ki bahaduri dikhayi, Wo bhi Romiyo ke muqable per dat gayi , Unse bhi Musalmano ko Bahut Himmat Mili , Aurto'n ne chilla chilla Kar ye Alfaz kahe :- Maidaan se qadam Hataya to fir Hamara moonh na dekhna _,"

★_ Ab tak Jung barabar ki jari thi ,... Dono lashkar Poori Tarah date hue they Balki Romiyo Ka palla qadre bhaari tha , Ese me Achanak Hazrat Qais bin Bahira lashkar ke Pichhe SE Nikal Kar Saamne Aaye , Unhe Hazrat Khalid bin Waleed Raziyllahu Anhu ne Fauj ke Ek hisse per Afsar muqarrar Kar rakha tha , Unhe us hisse ke Lashkar me Pichhli taraf rehne Ka Hukm tha , Ye us moqe per aage Aaye aur is Tarah Romiyo per toote k Romi Sardaar khud Ko sambhaal na sake,

★_ Romiyo ne Apne qadam Janane ki Poori Koshish Kar Dali , Edi se le kar choti Ka zor laga dala, Magar Qais bin Bahira ke hamle se unke ukhde qadam Ruk na sake , Yaha'n tak k unki safe darham barham ho gayi , Unke Saath hi Hazrat Saied bin Zuber Raziyllahu Anhu ne Lashkar ke qalb se Nikal Kar hamla Kiya , Romi Pichhe hatte chale gaye , unki pusht per ek naala tha , Wo Pichhe hatte hatte us maale ke kinaare tak pahunch gaye, Ab Jung us maale ke paas hone lagi , Romiyo ki Laashe usme is qadae girne lagi k naala Bhar gaya,

★_ Ese me Ek Khaas Waqia bhi hua , Ghamasaan ki Jung me Habaas bin Qais badi bahaduri se lad rahe they, is dauraan Kisi ne unke Paanv per Talwaar Ka Vaar Kiya , Unka Paanv Kat Kar alag ho gaya, Unhe pata tak na Chala k Paanv Kat Kar Jism se alag ho gaya , Kuchh der baad jab pata Chala to Maidaane Jung me Talash Karne lage k Mera Paanv Kaha'n hai , Unke Qabile ke log is waqie per Fakhr Kiya Karte they,

★_ Qais bin Bahira ke hamle ke baad Romiyo ke jo Paanv ukhde to fir jam na sake , bhaagte chale gaye, Rahi Sahi kasar Naale ne Poori Kar di , Mo'rkheen ne Likha hai k Ek Laakh ke qareeb Romi maare gaye aur Musalman teen Hazaar ke qareeb Shaheed hue, 

Romiyo Ka Badshaah Qaisar us Waqt Antaqiya me tha , Use Apne Lashkar ki shikasht ki khabar wahi'n mili, Usne usi Waqt waha'n se chalne ki Thaani aur chalte Waqt ye Alfaz kahe - Alvida Ey Shaam !

★_ Ab tak Jung barabar ki jari thi ,... Dono lashkar Poori Tarah date hue they Balki Romiyo Ka palla qadre bhaari tha , Ese me Achanak Hazrat Qais bin Bahira lashkar ke Pichhe Se Nikal Kar Saamne Aaye , Unhe Hazrat Khalid bin Waleed Raziyllahu Anhu ne Fauj ke Ek hisse per Afsar muqarrar Kar rakha tha , Unhe us hisse ke Lashkar me Pichhli taraf rehne Ka Hukm tha , Ye us moqe per aage Aaye aur is Tarah Romiyo per toote k Romi Sardaar khud Ko sambhaal na sake,

★_ Romiyo ne Apne qadam Jamane ki Poori Koshish Kar Dali , Edi se le kar choti tak Ka zor laga dala, Magar Qais bin Bahira ke hamle se unke ukhde qadam Ruk na sake , Yaha'n tak k unki safe darham barham ho gayi , Unke Saath hi Hazrat Saied bin Zuber Raziyllahu Anhu ne Lashkar ke qalb se Nikal Kar hamla Kiya , Romi Pichhe hatte chale gaye , unki pusht per ek naala tha , Wo Pichhe hatte hatte us naale ke kinaare tak pahunch gaye, Ab Jung us naale ke paas hone lagi , Romiyo ki Laashe usme is qadar girne lagi k naala Bhar gaya,

★_ Ese me Ek Khaas Waqia bhi hua , Ghamasaan ki Jung me Habaas bin Qais badi bahaduri se lad rahe they, is dauraan Kisi ne unke Paa'nv per Talwaar Ka Vaar Kiya , Unka Paa'nv Kat Kar alag ho gaya, Unhe pata tak na Chala k Paa'nv Kat Kar Jism se alag ho gaya , Kuchh der baad jab pata Chala to Maidaane Jung me Talash Karne lage k Mera Paa'nv Kaha'n hai ?, Unke Qabile ke log is waqie per Fakhr Kiya Karte they,

★_ Qais bin Bahira ke hamle ke baad Romiyo ke jo Paa'nv ukhde to fir jam na sake , bhaagte chale gaye, Rahi Sahi kasar Naale ne Poori Kar di , Mo'rkheen ne Likha hai k Ek Laakh ke qareeb Romi maare gaye aur Musalman teen Hazaar ke qareeb Shaheed hue, 

Romiyo Ka Badshaah Qaisar us Waqt Antaqiya me tha , Use Apne Lashkar ki shikasht ki khabar wahi'n mili, Usne usi Waqt waha'n se chalne ki Thaani aur chalte Waqt ye Alfaz kahe - Alvida Ey Shaam !

★_ Hazrat Abu Ubaida Raziyllahu Anhu ne Fateh ki khabar Hazrat Umar Raziyllahu Anhu ko bheji , Hazrat Umar Raziyllahu Anhu Yarmook ki khabar ke intezar me musalsal jaag rahe they, so Nahi sake , Fateh ki khabar Mili to unhone Allah Ka shukr Ada Kiya aur Foran Sajde me gir pade ,

★_ Hazrat Abu Ubaida Raziyllahu Anhu Yarmook se waapas Hims aa gaye, Unhone Hazrat Khalid bin Waleed Raziyllahu Anhu ko Tansreen Ki taraf bheja aur Aapne Halb Ka rukh Kiya , Dono ilaaqe Fateh ho gaye , Harb ke baad Antaqiya ki baari aayi , Ye Qaisar Ka Khaas Darul Hukumat tha , Romiyo aur iysaaiyo ne badi tadaad me aa Kar Yaha'n panaah li thi , Hazrat Abu Ubaida Raziyllahu Anhu ne Har Taraf se Antaqiya Ka muhaasra Kiya , Chand Roz baad Majboor ho Kar iysaaiyo ne Suleh Kar li , In Makamaat ki Fateh ne Musalmano Ka Roab Qaa'im Kar diya ,

★_ Antaqiya ke baad Hazrat Abu Ubaida Raziyllahu Anhu ne Chaaro taraf Fauje faila di, is Tarah chhote Chhote ilaaqe Asaani se Fateh hote chale gaye , Khoon Ka Ek qatra bhi na bahana pada , Isi Tarah Hazrat Khalid bin Waleed Raziyllahu Anhu ne Mur'ush per hamla Kiya aur Fateh Kiya , Hazrat Amru bin Aas Raziyllahu Anhu ne Filisteen ke Aas paas ke Tamaam Shehar Fateh Kar liye , 

★_ Ab wo Filisteen ki taraf mutavajjah hue , Iysaai Qila band Kar Beth gaye , Us Waqt Tak Hazrat Abu Ubaida Raziyllahu Anhu Shaam Ke Qareeb Qareeb Tamaam Zile Fateh Kar chuke they , Chunache Faarig ho Kar Unhone Filisteen Ka rukh Kiya , Ab iysaai Himmat haar gaye aur Unhone Suleh ki pesh kash ki aur Shart ye rakh di k Musalmano ke Khalifakhud aa Kar unse Suleh Kare'n , Suleh Naama unke haath se Likha Jaye , 

Hazrat Abu Ubaida Raziyllahu Anhu ne is pesh kash ke bare me Hazrat Umar Raziyllahu Anhu ko khat Likha , iske Alfaz ye they - "_ Agar Aap khud Tashreef le aaye'n to Baitul Muqaddas Jung ke bager Fateh ho Sakta Hai , Iysaaiyo ne pesh kash ki hai k Aap Khud aa Kar Suleh Kare'n aur Suleh ki Shara'it Aap Khud likhe'n _,"

          ▪•═════••════•▪

*"Baitul Muqaddas Ki Fateh _,*

*"_ Hazrat Umar Raziyllahu Anhu ko ye Paigaam Mila to Aapne bade bade Sahaba Raziyllahu Anhum Ko Jama farma liya , Unse mashwara Kiya k is Silsile me Kya Karna Chahiye , Hazrat Ali Raziyllahu Anhu ne mashwara diya - Unhone bulaya hai to Aapko Jana Chahiye _," 

Aakhir Hazrat Umar Raziyllahu Anhu ne Hazrat Ali Raziyllahu Anhu ke mashware ko Pasand farmaya aur Safar ke liye Taiyaar ho gaye , Hazrat Ali Raziyllahu Anhu ko Apna naa'ib muqarrar Kiya , 

★_ Aap Rajjab 16 Hijri me Madina Munavvara se rawana hue aur is Andaz se rawana hue k na to koi fauji dasta Saath liya na Bodyguard, na khidmat guzaar ki Fauj Saath li na Kisi aur qism Ka Saazo Samaan Saath liya , Yaha'n tak k Khema bhi Saath na liya, Sawari ke liye ount tha aur Sirf Chand Muhajireen aur Ansar Saath they ,

★_ Aapne Fauj ke Salaaro ko Paigaam bheja k Jaabiya Ke Muqaam per unse aa mile , Chunache Hazrat Yazeed bin Abi Sufiyaan aur Hazrat Khalid bin Waleed Raziyllahu Anhu ne usi Muqaam per Aapka istaqbaal Kiya , Aap Shehar ke qareeb pahunche to Ek ounche Teele per khade ho Kar chaaro taraf Nazar daudayi , Dushman Ke Buland v Baala Dilkash Makanaat Aapke Saamne they ,

★_ Jaabiya me Kuchh din qayaam farmaya, Iysaaiyo ko Aapki Aamad ki khabar mil chuki thi , Chunache Wo bhi isi Muqaam per pahunch gaye, Ye log Shehar ke Ra'iso me they , Jab ye log pahunche Hazrat Umar Raziyllahu Anhu Fauj ke Halke me Bethe they , Musalmano ne Unko aate dekha to khayal Kiya k ye log Hamle ki niyat se Aage badhte chale aa rahe Hai'n, Chunache Unhone foran Hathiyar sambhal liye ,

★_ Hazrat Umar Raziyllahu Anhu ne Puchha - Kya Baat hai Tumne Hathiyar kyu Sambhal liye ? 

Unhone Aane walo ki taraf ishara Kiya , Unke Kandho per Talwaare latak rahi thi, Unki taraf dekh Kar Hazrat Umar Raziyllahu Anhu ne farmaya :- Ghabra'o Nahi .. ye log to imaan talab Karne Ke liye aa rahe Hai'n _,"

★_ is Tarah iysaaiyo aur Musalmano ke darmiyaan Mu'ahida hua , Us per dastkhat kiye gaye, Mu'ahida ho chuka to Hazrat Umar Raziyllahu Anhu Filisteen me dakhil hone ke iraade se uthe , Unke liye Ek Umda tar nasl Ka ghoda laya gaya, Aap us per Sawaar hone lage to Wo Shokhi dikhane laga , Aap us per bhi sawaar na hue aur Paidal Baitul Muqaddas ki taraf rawana hue, 

★_ Baitul Muqaddas Nazdeek Aaya to Hazrat Abu Ubaida Raziyllahu Anhu aur doosre Salaar istaqbaal ke liye Aaye , Us Waqt Hazrat Umar Raziyllahu Anhu Ka Libaas Bahut mamooli tha , Is Libaas ko Dekh Kar in Hazraat ne socha , Aapka Libaas Qeemti Hona Chahiye taki Baitul Muqaddas ke logo per Asar pade , Chunache Turki ghode ke Saath Ek Qeemti poshaak bhi pesh ki , Usko Dekh Kar Hazrat Umar Raziyllahu Anhu ne farmaya :- 

"_ Allah ne Hume Jo izzat di hai , Wo islam ki izzat hai.. aur Hamare liye Yahi kaafi hai _," 

★_ Garz usi Haalat me Baitul Muqaddas me dakhil hue , Sabse Pehle Masjid me gaye , Mehraab ke paas ja Kar Surah Swaad ( ص ) ki Aayate Sajda padhi aur Sajda kiya , Fir iysaaiyo ke Girje me Aaye , idhar udhar ghoom Kar usko Dekha ,

          ▪•═════••════•▪

*"_ Hazrat Bilaal Raziyllahu Anhu ki Shikayat aur Azaan _,*

★_ Baitul Muqaddas me Aapne Kai din tak qayaam Kiya , Zarurat ke Ahkamaat zaari kiye , Us Din Hazrat Bilaal Raziyllahu Anhu ne aa Kar ye shikayat ki :- Ey Ameerul Momineen ! Hamare Afsar parindo Ka Gosht aur Maide ki Rotiya'n khaate Hai'n.. Lekin Aam Musalmano ko mamooli Khana bhi Naseeb nahi hota _,"

★_ Hazrat Umar Raziyllahu Anhu ne Afsaro ki taraf dekha to unhone Kaha - Ameerul Momineen ! Is Mulk me Tamaam Cheeze mil Sakti Hai'n ... Jitni Qeemat me Hijaaz me roti aur Khajoor milti hai , Yaha'n usi Qeemat me Parinde Ka Gosht aur Maida milta hai _,"

Ye sun Kar Aapne Hukm farmaya - Maale ganimat aur tankhah ke alawa har Sipahi Ka Khana bhi Muqaddar Kiya Jaye _,"

★_ Ek Din Namaz Ke Waqt Hazrat Bilaal Raziyllahu Anhu se darkhwast ki :- Ey Bilaal ! Aaj Aap Azaan de'n _,*"

Hazrat Bilaal Raziyllahu Anhu ne Kaha - Mai'n Azm Kar chuka Hu'n k Nabi Akram ﷺ ke baad Kisi ke liye Azaan nahi dunga ,.. fir bhi Aapki farma'ish ko bhi Taal nahi Sakta , Chunache Sirf Aaj Azaan de deta Hu'n _,"

★_ Jab Unhone Azaan shuru ki to Tamaam Sahaba ko Huzoor ﷺ Ka Zamana Mubarak Yaad aa gaya, Sab per gam taari ho gaya, Hazrat Abu Ubaida aur Hazrat Mua'az bin Jabal Raziyllahu Anhum to rote rote betaab ho gaye, Hazrat Umar Raziyllahu Anhu ki bhi Hichkiya'n bandh gayi , Dayr tak ye Asar baqi raha,

★_ Isi Tarah Ka Waqia Ek Baar Madina Munavvara me pesh Aaya , Jab Hazraate Hasnain Raziyllahu Anhum ki darkhwast per Aapne Azaan di,

★_ Ek Din Masjide Aqsa gaye, Waha'n Ka'ab bin Ahbaar Reh. Ko bulaya aur unse Puchha - Namaz Kaha'n padhi Jaye ?

Ye Pehle Yahoodi they , is buniyad per unse puchha, Kyunki Unhe Masjide Aqsa ke bare me zyada Maloom tha , Unhone arz Kiya - Sakhrah ke paas padhe'n _,"

Masjide Aqsa me bhi Hajre Aswad ki tarah Ek Patthar hai , ye Patthar Ambiya Alaihissalam ki Yaadgaar hai , Is Patthar ko Sakhrah Kehte Hai'n,

★_ Islami Futuhaat Ka Daayra Roz ba Roz badta hi ja raha tha , isliye Hamsaya Saltnato ko Khof Mehsoos hua k ab Hamari Baari bhi Aayegi , Chunache Jazira ke logo ne Qaisar ko Likha - Naye Sire se Himmat Kare'n, Hum Saath dene ko Taiyaar Hai'n _,"

Unka Paigaam sun Kar Qaisar ne Ek badi Fauj Hims ki taraf rawana ki , Jazira wale 30 Hazaar ki Fauj ke Saath Hims ki taraf bade ,Hazrat Abu Ubaida Raziyllahu Anhu ne bhi unke muqable ki taiyari shuru Kar di, 

★_Hazrat Umar Raziyllahu Anhu ko tamaam Halaat ki ittela di , Hazrat Umar Raziyllahu Anhu ne 8 bade bade Shehro me fauji Chhavniya qaa'im Kar rakhi thi , Har Muqaam per Chaar Chaar Hazaar ghode har Waqt Taiyaar rehte they Taki koi fori zarurat pesh aa jaye to har Jagah Fauje rawana ho Kar moqe per pahunch sake ,Hazrat Abu Ubaida Raziyllahu Anhu Ka khat milte hi Aapne Har taraf ghode dauda diye, 

★_ Hazrat Qa'aqa'a Raziyllahu Anhu lashkar ki madad ke liye Koofa se 4 Hazaar Ka Lashkar le Kar rawana hue, Wo abhi Raaste me they k Jung chhidne ki khabar suni , Lihaza Foran lashkar se alag ho Kar 100 ghudsawaaro ke Saath Aage bade aur islami Lashkar tak pahunch gaye aur Maidane Jung me kood pade ,

★_ Musalmano ke Pahle hi hamle me Arab Qaba'il pashpa Ho gaye, jesa k unhone Pahle hi Tay kar liya tha, bas unke pashpa hote hi iysaaiyo ke bhi chhakke chhoot gaye, Uske baad wo bahut thodi der maidan me thehar sake, FIR bad Hawa ho kar bhage, Shaam Ke iysaaiyo ke Saath ye Sahaba Ikrama ki akhri jung Thi, Uske baad iysaaiyo Ko Mazeed ladne ki Himmat Na Hui,

★_ in Futuhaat ke dauran 1khaas Waqia pesh aaya tha k Hazrat Umar raziyllahu anhu ne Hazrat Khalid Bin waleed Raziyllahu anhu ko sipahsalari se hata diya tha aur Hazrat Abu Ubaida raziyallahu anhu ko sipahsalari soap di thi, Hazrat Khalid Raziyllahu Anhu Fir Bhi Ek Afsar ki Haisiyat Se Islami lashkar me Shamil rahe the,  

★_ Ye Baat Nahi K unhen bilkul hi islami lashkar Se alag kar diya tha jesa K Baaz log Bayan Karte Hai'n, is Silsile me baaz Mo'rkheen ne ye bhi likha hai k Hazrat Umar Raziyllahu Anhu ne khalifa bante hi Pehla hukm Khalid Bin waleed Raziyllahu anhu ki ma'zuli ka diya tha, Jabki ye Baat bilkul galat hai, Hazrat Umar Raziyllahu anhu 13 Hijri me Khalifa bane the, jabki Hazrat Khalid Bin waleed Raziyllahu Anhu ko 17 hijri me sipahsalari se hataya gaya, agarche Unki Ek tajurba kaar Afsar ki haisiyat Baqi rahi thi, 

★_ is bare mein bahut si mukhtalif Rivayaat tarikhi kitabo'n me darj Hai'n , Is Silsile me Khud Hazrat Umar Raziyllahu anhu ke Alfaz aap padh Le'n, Hazrat Khalid Bin waleed Raziyllahu anhu jungo se faarig hone ke baad Jab Madina munawara aaye to Hazrat Umar Raziyllahu anhu ne unhe dekh kar farmaya :- "_ Khalid ! Allah Ki Qasam Tum Mujhe Mehboob Ho, Mai'n Tumhari izzat karta Hu'n_,"

★_ Iske bad Aapane tamam governoro ko Ye Paigamm irsaal farmaya - Maine Khalid Ko Kisi naraazgi ki ya khayanat ki Bina per ma'azool nahin kiya balki iski vajah ye Hai Ki Mai'n dekhta tha log is Khayal per pukhta Hote Ja Rahe Hai'n Ki Musalmano ko Fateh Khalid ki sipahsalari ki vajah se ho rahi hai, jabki esa Nahi Hai, Futuhaat To hume Allah Ta'ala ata kar rahe Hai'n, bas Mai'n Logo'n Ko batana Chahta tha k Jo Kuchh Karta Hai Allah karta hai _,"

Maloom hua k Asal Maslihat ye thi, Lihaza Hume ikhtilaafi Rivayat me pad Kar Sahaba kiraam Raziyallahu Anhum ki taraf se Dil me Kisi Badgumani ko Jagah Nahin Dena chahie,

          ▪•═════••════•▪

*"_Hazrat Abu Ubaida Raziyllahu Anhu ki Wafaat,*

★_ 18 Hijri me Shaam Mishr aur Iraaq me ta'uun ki waba faili, Hazrat Umar raziyllahu anhu Ko Jab is waba ke failne aur Badi tadad me logon ke halaak hone ki khabar Mili To intezam ke liye Khud ravana hue, Hazrat Abu Ubaida raziyallahu anhu se mulakat Hui To Unhone bataya - Bimari ka zor badhta hi ja raha hai_," Is per Aapane Muhajireen aur Ansar Ko bulaya aur Unse mashvara Kiya, logon ne mukhtalif mashware diye, Ek Sahab ne Kaha - aapka Yaha'n theharna munasib Nahi_," 

Hazrat Umar Raziyllahu Anhu ne Hazrat Abbas Raziyallahu anhu se farmaya - ham Kal Yaha'n se ravana Ho'nge_," 

★_ Unki ye Baat sunkar Hazrat Abu Ubaida Raziyllahu Anhu ne kaha - "_ Ey Umar ! Allah Ki takdeer se bhaagte ho _,"

Jawab me Hazrat Umar Raziyallahu Anhu ne Kaha - Haa'n ! takdeere ilaahi se bhaagta Hu'n... Magar bhaagta bhi to takdeere ilaahi ki taraf Hu'n _," 

Iske baad Hazrat Umar Raziyllahu anhu Madina munawara chale Aaye Aur Hazrat Abu Ubaida Raziyllahu anhu ko likha - "_ Mujhe aapse Kuchh kaam hai, aap Kuchh din ke liye Madina munawara chale Aaye'n _," 

★_ Hazrat Abu Ubaida Raziyllahu Anhu samajh Gaye k Hazrat Umar Raziyllahu Anhu unhe'n is Waba ke khof se Madina munawara me bula rahe Hai'n _,"

Jawab me Likh bheja - "_ Mai'n musalmanon ko Yaha'n Chhod Kar Apni Jaan bachane Ke Liye Yaha'n se nahi Aaunga_,"

Hazrat Umar Raziyllahu anhu ye khat padh kar Ro Pade aur FIR unhe'n likha :- "_is Waqt Fauj Jaha'n mojood hai .. wo jagah Nasheeb me Hai aur martoob Hai, Aap lashkar ko lekar Kisi Aur Jagah chale Jaye'n_,"

★_ Abu Ubaida Raziyllahu anhu ne hukm ki tameel ki aur Jaabiya me chale gaye, Waha'n pahunch kar Abu Ubaida Raziyllahu Anhu is Bimari ki jad me aa gaye, Aapane Logo'n Ko Jama Kiya, unhe'n Nasihate farmyi, Aapane Hazrat Mua'az bin Jabal Raziyllahu Anhu Ko Apni Jagah sipahsalar muqarrar farmaya,.. us Waqt Namaz ka Waqt ho chuka tha, Chunache Unse kaha Aap Namaz padhay'en_," 

Hazrat Mua'az bin Jabal Raziyllahu anhu ne Namaz padhayi ,.. idhar Salam faira Udhar Hazrat Abu Ubaida Raziyllahu Anhu inteqal Kar Gaye, inna lillahi wa inna ilayhi raji'un

★_ Hazrat Abu Ubaida Raziyllahu Anhu ka Naam Aamir bin Abdullah bin Jarah tha , Aap Ashra Mubasshara me se Hai'n Yani Ye Un 10 Sahaba kiraam me Shamil Hai'n Jinhe Duniya me Jannati hone ki basharat mili, Islam lane me Aapka nava number hai, Yani Islam lane me bhi Sabse Pehlo me Shamil Hai'n, Aap Habsha ki taraf Hijrat Karne walo me bhi Shamil they, Fir Madina Munavvara ki taraf Hijrat ki ,

★_ Tamaam Gazwaat me Nabi Kareem ﷺ ke Saath rahe, Aapke Waalid imaan Nahi laye they , Aapne Gazwa Badar me unse bhi Jung ki ,is per Allah Ta'ala ki taraf se Surah Al Mujadila ki ye Aayat Naazil hui -

"_ ( Tarjuma ) Allah aur Qayamat per imaan rakhne walo ko tum Kabhi Nahi dekhoge k Khuda aur Rasool ke Dushmano se Muhabbat rakhte Hai'n, Agarche unke Maa'n Baap Ho'n ya Aulaad ya Bhai ya Rishtedar Ho'n _,"  

★_ Gazwa Uhad me Aap ﷺ ki Peshani Mubarak me Khod ki Do kadiya'n gad gayi Thi to Hazrat Abu Ubaida Raziyllahu Anhu ne un Kadiyo'n ko Apne Daa'nto se Pakad kar Khee'ncha tha aur is Koshish me Aapke Saamne ke do Daa'nt nikal gaye they, Wafaat ke Waqt Aapki Umr 58 Saal thi , Allah un per Karodo Rehmate Naazil kare, Aameen.

★_ Aapke bare me Nabi Kareem ﷺ ne irshad farmaya :- Har Ummat ka Ek Ameen hota hai , is Ummat ke Ameen Abu Ubaida bin Jarrah Hai'n _," *( Bukhari, Muslim v Mishkaat )*

          ▪•═════••════•▪

*★_ Hazrat Umar Raziyllahu Anhu Ke intezamaat _,*

★_ Hazrat Umar Farooq Raziyllahu Anhu ke Gulaam Yarfa ke alawa unke Saath Kuchh Sahaba kiraam Raziyallahu Anhum they , Ek Muqaam iyla ke qareeb pahunche to Apni Sawaari se utar gaye, Us per Gulaam ko bitha diya, Khud ount per sawaar ho gaye, Raaste me koi poochhta - Ameerul Momineen Kaha'n Hai'n ? To Jawab me farmate - Tumhare aage Hai'n _,"

★_ Isi Tarah iyla me dakhil hue , Yaha'n do din thehre , Aapka Kurta Safar Ke Dauraan Sawaari ke Kajawe se ragad kha kha Kar fat gaya tha, Use marammat ke liye iyla ke Paadri ko diya, Usne Apne Haath se Pevand laga diya, Saath me Ek Naya Kurta Aapko pesh Kiya , Aapne Apna Kurta pehna aur farmaya - isme Pasina khoob Jazb hota Hai _,"

★_ Aap iyla se Damishk Aaye , Uske Zilo me do do Chaar Chaar Din qayaam farmate rahe , munasib intezam farmate rahe , Jo log Waba se halaak ho gaye they Unke Waariso ko bula Kar Unki jaydaad vagera unke hawale ki, ..Waba ki vajah se Jo jagahe Khali ho gayi Thi , Un jagaho per Naye Aadmi muqarrar kiye ,

★_ Us Saal Sakht qahat pada , Aapne qahat ke Dino me is qadar Zabardast intezamaat kiye k Laakho logo ko Bhook se bacha liya gaya, ..Usi Saal Aapne Muhajireen, Ansar aur doosre Qaba'il ki tankhwahe muqarrar ki ,

          ▪•═════••════•▪

*★_ Khozistaan Ka mo'arka _,*

★_ Hazrat Abu Ubaida Raziyllahu Anhu ki wafaat ke baad Aapne islami Lashkar ki zimmedari Hazrat Yazeed bin Abi Sufiyaan Raziyllahu Anhu ko so'npi , Unhe Qaisaar ki muhim per rawana Kiya , Ye Shehar Filisteen ke Zilo me Shumaar tha aur us zamane me bada Shehar tha , usme 300 Bazaar they , 

★_ Yaha'n pahunch Kar Yazeed bin Abi Sufiyaan Raziyllahu Anhu Bimaar ho gaye, Unhone lashkar per Hazrat Ameer Mu'awiya Raziyllahu Anhu ko muqarrar farmaya, Hazrat Ameer Mu'awiya Raziyllahu Anhu ne Saazo Samaan ke Saath Qaisaar Ka muhaasra Kiya , Shehar ke log Shehar se Nikal Kar hamle Karte rahe , Jab Unhe Shikasht hone lagti to Foran Shehar me chale jate aur Darwaze band Kar Lete , is Tarah Shehar Fateh hone Ka Naam nahi le raha tha ,

★_ Ek Din Ek Yahoodi Hazrat Mu'awiya Raziyllahu Anhu ke paas Aaya , Uska Naam yusuf tha , Usne Ek Surang ke bare me bataya, Wo Shehar ke andar tak Jati thi, Hazrat Mu'awiya Raziyllahu Anhu ne Chand Bahaduro Ko us Surang ke zariye Qile ke andar Jane Ka Hukm diya, Unhone andar pahunch Kar Darwaza khol diya, Darwaza khulte hi Islami fauj andar dakhil ho gayi aur Fateh hui ,

★_ Futuhaat Ka Silsila Yaha'n tak Pahuncha tha k 21 Hijri me Asfahaan , 23 Hijri me Faaras , Karmaan , Sayastaan , Khurasaan Fateh hue, Aur 26 Zilhijja 23 Hijri ko Hazrat Umar Raziyllahu Anhu per qatilana hamla hua , 

          ▪•═════••════•▪

*★_ Hazrat Umar Raziyllahu Anhu Ki Shahadat _,*

★_ Madina Munavvara me Firoz naami Ek paarsi Gulaam tha , Hazrat Umar Raziyllahu Anhu ke daur me hi jab Nihavand Fateh hua to ye Qaidiyo me Shamil tha aur Doosre Qaidiyo ke Saath Madina Munavvara bheja gaya tha , Ek Roz ye Shakhs Ameerul Momineen Hazrat Umar Raziyllahu Anhu ki khidmat me Haazir hua , Usne Aapse arz Kiya - Mere Aaqa Mugira bin Shoba (Raziyllahu Anhu) ne mujh per bahut bhaari mehsool muqarrar rakha hai, Aap kam karwa dijiye _,"

★_ Hazrat Umar Raziyllahu Anhu ne usse Puchha - Tumhe Kitna mehsool dena padta hai_," Usne bataya - Mujhe Rozana do Dirham ( 43 paise ) dena padta hai_," Ab Aapne usse Puchha - Tum kya Kaam Karte ho ? Usne Kaha - Mai'n Naqashi aur Aahingiri Ka Kaam karta Hu'n_,"

Hazrat Umar Raziyllahu Anhu ne irshad farmaya - is Kaam ke muqable me to ye raqam zyada nahi_,"

★_ Firoz Aapka Jawab sun Kar Naraaz ho gaya, Ese me Hazrat Umar Raziyllahu Anhu ne usse farmaya - Tum mere liye bhi Ek chakki bana do _," 

Jawab me Usne Kaha - Mai'n Aapke liye to esi chakki banaunga k Aap Yaad karenge _," ye Keh Kar Wo Chala gaya, Aapne Aas paas mojood logo se farmaya - Ye Shakhs mujhe qatl ki dhamki de Kar gaya hai _,"

*★_ Doosre Din Hazrat Umar Raziyllahu Anhu subeh ki Namaz Ke liye nikle , Firoz unse Pehle hi Masjid me aa chuka tha, Uske paas Ek Khanjar tha, Wo Usne Apni Aasteen me chhipa rakha tha, Wo Masjid Ke Ek Kone me dubka hua tha , Ese me Hazrat Umar Raziyllahu Anhu imaamat Karane ke liye aage Aaye , Us Waqt tak Safe'n Durust ho chuki thi, Hazrat Umar Raziyllahu Anhu ne Safe'n Durust Karane ke liye Kuchh log muqarrar Kar rakhe they,

★_ Jo'nhi Aapne Namaz shuru ki, Firoz Achanak ghaat se nikla aur Aap per Khanjar ke 6 Vaar kiye , Unme se ek vaar naaf ke niche laga , Hazrat Umar Raziyllahu Anhu ne foran Hazrat Abdurrahman bin Auf Raziyllahu Anhu Ka Haath Pakad Kar Unhe Apni Jagah khada Kar diya aur Khud gir pade ,

★_ Hazrat Abdurrahman bin Auf Raziyllahu Anhu ne us Haalat me Namaz padhayi k Hazrat Umar Raziyllahu Anhu paas hi me pade Tadap rahe they, Firoz Vaar kar ke bhaaga , Kuchh logo ne use pakadne ki Koshish ki to Usne un per bhi Vaar kiye , Kuchh log zakhmi hue , Firoz ne jab dekha k use ghair liya gaya hai , Usne wahi Khanjar Apne Pet me gho'np Kar khudkushi Kar li,

★_ Log Hazrat Umar Raziyllahu Anhu ko utha Kar Ghar laye , Us Waqt tak unka khayal tha k Zakhm mamooli hai , Chunache Ek Tabeeb ko bulaya gaya, Usne Shehad aur mangwaya , Aapko pilaya gaya to dono Cheeze Zakhmo ke Raaste baahar Nikal aayi'n, Us Waqt logo ko Ahsaas hua k Aap Bach Nahi payenge ,

★_ Hazrat Umar Raziyllahu Anhu ne hosh me Aane ke baad Puchha - Mera Qatil kon hai ? Logo ne bataya - Firoz Paarsi , Aapne Kaha - Allah Ka shukr hai ,.. Mai'n Kisi Musalman Ke Haatho Nahi maara gaya_,"

★_ Ab Aapne Apne bete Hazrat Abdullah bin Umar Raziyllahu Anhu ko bulaya aur unse Kaha - "_ Ayesha Siddiqa Raziyllahu Anha ke Paas jao , unse Kaho .. Umar Rasulullah ﷺ ke paas Dafan hone ki ijazat Chahta hai _,"

Hazrat Abdullah bin Umar Raziyllahu Anhu Sayyada Ayesha Siddiqa Raziyllahu Anha ke Paas Aaye to Wo buri Tarah ro rahi thi, Unhone Hazrat Umar Raziyllahu Anhu Ka Paigaam pahunchaya , Aapne farmaya - "_ is Jagah ko Mai'n Apne liye mehfooz rakhna chahti thi , Lekin Aaj me Umar ko Apne Aap per Tarjeeh deti Hu'n _,"

★_ Hazrat Umar Raziyllahu Anhu ke zamane me Shaam ,iraaq , Jazira, Khozistaan, Ajam , Aarmina , Aazrahayi Jaan Faaras , Karmaan, Khurasaan aur makraan Fateh hue , Bluchistaan Ka Kuchh hissa bhi Fateh hua ,  

★_ Hazrat Umar Raziyllahu Anhu ki Sabse Badi khoobi ye thi k Jo Unki Raay Hoti thi Aksar Wohi Baat pesh aa Jati thi, Yaha'n tak k unki Bahut si Aaray Mazhab ke Ahkaam ban gayi , Kai Moqo per khud Allah Ta'ala ne Unki Raay ki taaiyd farmayi ,

         ▪•═════••════•▪

*"_Hazrat Umar Raziyllahu Anhu ki Shahadat 

★_ Namaz Ke elaan ke liye jab ek Tareeqa tay Karne Ka Masla Saamne Aaya to logo ne mukhtalif Mashware diye , Kisi ne Kaha Naqoos Baja liya Jaye , Kisi ne naqara bajane ki raay di, Kisi ne Aag jalane ki Baat Kahi , Lekin us Waqt Hazrat Umar Raziyllahu Anhu ne ye raay di :- Kyu na Ek Aadmi muqarrar Kiya Jaye Jo Namaz ki munaadi kare ?_,

Aan Hazrat ﷺ ne Hazrat Bilaal Raziyllahu Anhu ko hukm diya k Azaan de'n, Chunache ye pehla Din tha Jab Azaan Ka Tareeqa shuru hua , aur dar Haqeeqat Azaan se Behtar koi aur Tareeqa ho hi Nahi Sakta tha, 

★_ Badar ke Qaidiyo Ka maamla pesh aaya to Jo raay Hazrat Umar Raziyllahu Anhu ne di , Wahi bhi usi ke mutabiq Naazil hui,

★_ Aan Hazrat ﷺ ki Azwaaj Mutahraat Pehle shuru me Parda Nahi Karti thi'n , Kyunki Parde Ka Hukm Naazil nahi hua tha , Hazrat Umar Raziyllahu Anhu ko Baar Baar is Baat Ka khayal Aaya , Aakhir Unhone arz Kar hi diya k Ey Allah ke Rasool Parda karaya Kare'n , Doosri Taraf Aan Hazrat ﷺ ko is bare me wahi Ka intezar tha , Aakhir Parde ki Aayat Naazil hui aur Tamaam Musalman Aurto'n per Parda Farz ho gaya ,

★_ Abdullah bin Uba'i munafiqo Ka Sardaar tha , Jab Wo mara to Aan Hazrat ﷺ se uski Namaze Janaza padhne ki darkhwast ki gayi. Aap ﷺ ne bhi chaha k Namaze Janaza padha de'n, Lekin us moqe per Hazrat Umar Raziyllahu Anhu ne roka , Magar Aan Hazrat ﷺ ne uski Namaze Janaza padha di, Us Waqt Allah Ta'ala ki taraf se Aayat Naazil hui, Usme munafiqo ki Namaze Janaza padhne se rok diya gaya, 

★_ Hazrat Umar Raziyllahu Anhu Ek Roz Hazrat Abu Bakar Siddiq Raziyllahu Anhu ki khidmat me Haazir hue aur Unhone ye raay di - Ey Ameerul Momineen Meri Raay hai k Qur'an ko ek jagah Jama Kar diya Jaye , Hazrat Abu Bakar Siddiq Raziyllahu Anhu ne farmaya - Mai'n wo kaam kis Tarah Kar Sakta Hu'n Jo Rasulullah ﷺ ne Nahi Kiya , Hazrat Umar Raziyllahu Anhu ne Ka'i Baar Hazrat Abu Bakar Siddiq Raziyllahu Anhu se Yahi Kaha , Aakhir Allah Ta'ala ki taraf se Hazrat Abu Bakar Siddiq Raziyllahu Anhu ke Dil me ye Baat daali k Hazrat Umar ki raay Durust hai, Tab Hazrat Abu Bakar Siddiq Raziyllahu Anhu ne Hazrat Zaid bin Saabit Raziyllahu Anhu se farmaya - Qur'an ko ek jagah Jama Karo _,"

★_ Is qism ke Kai aur bhi Waqiaat pesh Aaye jab Hazrat Umar Raziyllahu Anhu ki raay hi daurust Saabit hui, Aap Aan Hazrat ﷺ ke Talluq ka Bahut Lihaaz Rakhte they , jab Sahaba Raziyllahu Anhum ke Wazife muqarrar Karne Ka iraada farmaya to Hazrat Abdurrahman bin Auf Raziyllahu Anhu Ka mashwara ye tha k Hazrat Umar Raziyllahu Anhu Ka Wazifa Sabse Pehle muqarrar Kiya Jaye , Hazrat Umar Raziyllahu Anhu ne farmaya- Nahi ! Sabse Pehle Aan Hazrat ﷺ ke mutalliqeen ke muqarrar kiye Jayenge _,"

★_ Chunache Sabse Pehle Banu Haashim se shuru kiye gaye, Unme bhi Hazrat Ali aur Hazrat Abbaas Raziyllahu Anhu se ibtida ki gayi , Banu Haashim ke baad Aan Hazrat ﷺ se nisbat me qareeb Tarteeb se Sabke Naam likhe gaye, Tankhwaho ki Miqdaar me bhi isi Tarteeb Ka Lihaaz rakha gaya, Sabse zyada Tankhwahe Ashabe Badar ki thi , 

★_ Hazrat Hasan aur Husain Raziyllahu Anhum agarche Ashabe Badar me Shamil nahi they , Ye Badar ki Ladayi ke Waqt Bahut chhote they , Lekin Unki Tankhwahe usi hisaab se muqarrar ki aur ye Sabse zyada Miqdaar thi , Usama bin Zaid Raziyllahu Anhu ki tankhwah Apne Bete Abdullah bin Umar Raziyllahu Anhu se zyada muqarrar ki , is per Hazrat Abdullah bin Umar Raziyllahu Anhu ne aitraaz Kiya aur Kaha - Aapne Meri Tankhwah Usama bin Zaid se kam muqarrar ki hai ... ?

Jawab me Aapne farmaya - Rasulullah ﷺ Usama ko tujhse aur Usama ke Baap ko tere Baap se zyada Azeez rakhte they _,"

★_ Hazrat Umar Raziyllahu Anhu Hazrat Ali Raziyllahu Anhu ke mashware ke bager khilafat Ka Kaam Anjaam nahi dete they, Hazrat Ali bhi Nihayat Dostana Andaz me poore Khuloos se Mashware dete they, Hazrat Umar Raziyllahu Anhu ko jab Baitul Muqaddas Jana pada to Aapne Hazrat Ali Raziyllahu Anhu ko Apna Qaa'im Muqaam muqarrar Kar gaye, Hazrat Ali Raziyllahu Anhu bhi Hazrat Umar Raziyllahu Anhu Ka had darja paas aur Lihaaz rakhte they, Yaha'n tak k Aapne Apni Pyari Beti Hazrat Umme Kulsoom Raziyllahu Anha ko Hazrat Umar Raziyllahu Anhu ke Nikaah me de diya, Ye Umme Kulsoom Raziyllahu Anha Hazrat Fatima Raziyllahu Anha ki Beti thi,

         ▪•═════••════•▪

*"_ Hazrat Umar Raziyllahu Anhu Ki Khilafat Haal _,*

★_ Apni Poori khilafat ke Dauraan unka haal Ek taraf to Kuchh is Tarah tha k Rom aur Shaam ki taraf Fauje bhej rahe Hai'n, Qaisaro Kisra ke Safiro se Baat Cheet Kar rahe Hai'n, Islami lashkar ke Sipeh Salaaro se poochh Kuchh rahe Hai'n, Governoro ke Naam Ahkamaat likh rahe Hai'n,

★_ Doosri Taraf haal ye tha k Badan per Jo Libaas tha usme 12 peband lage hue Hai'n, Sehra ki Ret per Kode Ka takiya banaye so rahe Hai'n aur Pasina Ret per beh raha Hai , Sar per Fata hua Amama hai , Paa'nv me Fati hui jootiya'n Hai'n aur Kaandhe per Pani ki mashk uthaye ja rahe Hai'n k Beva Aurto'n Ke Gharo Ka Pani bharna hai , 

★_ Raato ko Shehar Ka gasht lagaya ja raha Hai , Kisi Baddu ki Bivi ke Yaha'n Bachcha paida hone Wala hai to Apni Joza Mohatrama ko Uske Ghar pahunchane ja rahe Hai'n,.. Raat ko Kisi Beva ke Bachche Bhook se rote sunayi de gaye to Ghar se khane pine Ka Samaan bori me daal Kar Apni Kamar per Laad Kar us Ghar tak pahunchane ja rahe Hai'n, Khadim khud uthane ki Koshish Karta Hai to use Nahi uthane dete ,

★_ Khilafat ke Kaam Karte Karte thak gaye to Masjid Ke Farsh per let gaye, Madina Munavvara se Makka Muazzama Ka Safar Karna pad gaya to Koi koi khaima ya Shamiyana Saath Nahi le ja rahe , Kisi Darakht ke niche Chaadar bichhayi aur let gaye, Tabqaat ibne Sa'ad ki ek rivayat ke mutabiq Rozana Ka kharch do Dirham tha ,

★_Ahnaf bin Qais aur Arab Ra'iso ne Ek Baar Aapse mulaqaat Ka program Tay Kiya , waha'n gaye to dekha, Aasteen chadha rakhi Hai'n aur idhar udhar daud rahe Hai'n... Ahnaf bin Qais per Nazar padi to bole - Aao .. tum bhi Meri madad Karo , Baitul Maal Ka Ek Ount bhaag gaya hai aur tum jaante hi ho Ek ount me kitne Gareebo Ka hissa hai _,"

Ese me Ek Shakhs ne keh diya- Ey Ameerul Momineen ! Aap kyu Takleef Karte Hai'n, Kisi Gulaam se keh de'n, Wo dhoo'ndh layega _,"

Uske Jawab me Aapne farmaya - Mujhse badh Kar Kon Gulaam ho Sakta Hai ?

★_ Shaam Ke Safar me Qaza e Haajat ke liye Safar se utre , Aapke Gulaam Aslam Saath they , Waapas laute to unke ount per sawaar ho gaye, Udhar Ahle Shaam istaqbaal ke liye aa rahe they, Jo aata Pehle Aslam ki taraf mutavajjah hota, Wo Hazrat Umar Raziyllahu Anhu ki taraf ishara Karte , Logo ko hairat Hoti thi, Aapas me sargoshiya Karte they k ye Kese Ameerul Momineen Hai'n ,

Is per Aapne farmaya - Un logo ki Nazre dar asal Ajmi Shaano Shokat ko Talash Kar rahi Hai'n, Lekin Wo Yaha'n Unhe Kaha'n Nazar Aayegi ?

★_ Ek martaba khutba de rahe they, usme farmaya :- Logo ! Mai'n Ek zamane me is qadar Gareeb tha k logo ko Pani Bhar Kar diya karta tha, Wo Uske Badle me mujhe chhuhare de dete they, Wohi kha Kar Apna pet bharta tha _,"

Ye Kaha aur mimbar se utre , Logo ko Bahut Hairat hui k ye bhi koi batane ki Baat thi , Us per wazahat Karne Ke liye farmaya - Baat dar asal ye Hai k Meri Tabiyat me guroor aa gaya tha , ye Maine Uska ilaaj Kiya hai _,"

★_ Hazrat Umar Raziyllahu Anhu ne Ka'i Nikaah kiye , Aapke Yaha'n Aulaad bhi Kasrat se hui, Unme Hazrat Hafsa Raziyllahu Anha isliye Mumtaz Hai'n k Wo Azwaaj Mutahraat me Shamil hui'n, Narina Aulaad me Hazrat Abdullah bin Umar Raziyllahu Anhu Bahut Mash'hoor Sahabi hue , Ye Bahut bade Faqeeh they , Aage chal Kar inke bete Saalim bin Abdullah Faqeeh hue , Wo Madina ke 7 Bade Faqeeho me se ek they , Abdullah bin Umar Raziyllahu Anhu ke alawa Aapke Bete Aasim Raziyllahu Anhu bhi Bahut bade Aalim faazil hue ,

★_ Hazrat Umar Raziyllahu Anhu ke bare me ye Baat mash'hoor hai k Duniya me Agar ek Umar aur Paida ho jata to Saari Duniya me islam aam hota, ... Garz Aapki khoobiyo ko Shumaar Karna Hamare liye Mumkin nahi, Allah Ta'ala un per Karodo Rehmate Naazil farmaye , Aameen ,

★_ Hazrat Umar Raziyllahu Anhu ne Zakhmi hone ke baad 6 Sahaba kiraam ke Naam Tajveez farmaye they aur irshad farmaya tha k in 6 me se Kisi Ek ko Khalifa bana Lena _,"

Wo 6 Naam ye Hai'n - Hazrat Usman Raziyllahu Anhu, Hazrat Ali Raziyllahu Anhu, Hazrat Sa'ad bin Abi Waqaas Raziyallahu Anhu, Hazrat Abdurrahman bin Auf Raziyllahu Anhu, Hazrat Talha bin Abdullah Raziyllahu Anhu aur Hazrat Zuber bin Awaam Raziyllahu Anhu, 

★_ Hazrat Umar Raziyllahu Anhu ki Shahadat ke baad Majlise Shura Ka ijlaas hua , Hazrat Abdurrahman bin Auf Raziyllahu Anhu ne ye Tajveez pesh ki - Humme se Shakhs Ek ke Naam ki sifarish kare _,"

Ye Tajveez Sabne Manzoor ki , Hazrat Zuber bin Awaam Raziyllahu Anhu ne Hazrat Ali Ka , Hazrat Talha Raziyllahu Anhu ne Hazrat Usman Raziyllahu Anhu Ka aur Hazrat Sa'ad bin Abi Waqaas Raziyallahu Anhu ne Hazrat Abdurrahman bin Auf Raziyllahu Anhu Ka Naam Tajveez Kiya ,

★_ Isliye Khilafat ke liye Teen Naam reh gaye, inme se bhi Hazrat Abdurrahman bin Auf Raziyllahu Anhu ne farmaya - Mai'n Apna Naam waapas leta Hu'n, Aap Dono Apna maamla mujh per Chhod de'n, Jise Mai'n Khilafat ke liye muntakhab Karu'n Doosre Hazraat Use Khushi Se qubool Kar Le'n _,"

          ▪•═════••════•▪

╨─────────────────────❥

 *📕_ Khilafate Rashida _Qadam Ba Qadam ( Writer- Abdullah Farani ), 

 *📕_ खिलाफते राशिदा _ क़दम बा क़दम (मुसन्निफ- अब्दुल्लाह फारानी)- *

 ╨─────────────────────❥ _ *✍🏻 Haqq Ka Daayi_*

    http://www.haqqkadaayi.com

https://www.youtube.com/channel/UChdcsCkqrolEP5Fe8yWPFQg

*👆🏻Subscribe Our YouTube Channel ,*

https://wa.me/message/YZZSDM5VFJ6IN1

*👆🏻 Group Join Karne Ke liye Link per Ja Kar Join likhiye _,*

*Telegram*_https://t.me/joinchat/AAAAAFT7hoeE_C8b71KBPg   

  ╚═════════════┅┄ ✭✭

 ╨─────────────────────❥  

*💕ʀєαd, ғσʟʟσɯ αɳd ғσʀɯαʀd 💕,*

 ╨─────────────────────❥

⚀