Guldasta E Magfirat - Roman

*🎍﷽ 🎍*
*💐GULDASTA E MAGFIRAT💐*
*⚄ ℘AЯT↝01 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ - Shirk v Kufr aur Bugz v Hasad Se Bachiye, Aapke Gunah Maaf :-*

*❉⇨ Hazrat Abu Haraira Raziyallahu Anhu Se Marvi hai k Rasulullah ﷺ ne irshad farmaya-*
*”_ Har Peer aur Jumeraat ko A'amaal Pesh kiye jate hai’n fir Har Us Momin ki Magfirat kar di jati hai Jo Allah ke Saath kisi ko Shareek Na karta ho, Magar Wo Shakhs k Uske Darmiyan aur Uske Bhai ke Darmiyan Bugz, Dushmani aur keena ho,*

*❉_ Haq Ta’ala Shanhu Farishto'n se irshad farmate hai’n in Dono Ko Chhode Rakho Yaha’n Tak k Ye Aapas me Sulah kar le’n _” (Yani inki Magfirat Ko Sulah Per Moqoof Rakho )*

*📘 Ravaah Muslim,*
┣━━━━━━━━━━━━━━━━━━━━┫
*⚄ ℘AЯT↝02 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ - Sh'abaan ki 15 vi Raat me Shirk Karne Wale aur Bugz v Adawat Rakhne Wale ke Siva Sabke Gunaah Maaf:-*

*❉⇨Hazrat Mu'aaz bin Jabal Raziyallahu Anhu Se Marvi hai k Rasulullah ﷺ ne irshad farmaya-*
*”Haq Ta’ala Shanhu Sh'abaan ki 15 vi Raat Ko Apni Makhlooq ki Taraf Tavajjo farmate hai’n, aur Apni Tamaam Makhlooq ki Magfirat farma dete hai’n Sivaye Mushrik ke aur Bugz v Adawat Rakhne wale ke, ”*

*📘 Kanzul Ummal, 3/467,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝03 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ Jo Shirk, Jaadu aur Keena Se Bacha Uske Gunaah Ma'af _,*

*❉⇨Hazrat ibne Abbas Raziyallahu Anhu Se Rivayat hai k Rasulullah ﷺ ne irshad farmaya-*
*”Teen khaslate Esi hai’n jinme Se koi Ek bhi Kisi me Na Ho To Allah Ta’ala Unke Alawa ki Magfirat farma dete hai’n Jiske Liye chahe,*

*❉⇨1-Jo is haal me Mare k Allah Ta’ala Ke Saath kisi ko Shareek Na Thehrata ho,*
*2- Jadugar Na ho k Jaadugaro ke Pichhe firta rahe,*
*3- Aur apne Bhai se keena Na Rakhta ho_,*

*📘 (Akhraja Tibrani, Targeeb-3/461, Kanzul Ummal- 15/840),*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝04 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ _Aalim Ba-Amal Baniye Gunaah Ma'af _,*

*❉ ⇨ Qayamat Ke Din Allah Ta’ala farmayenge-*
*”Ey Ulema ki Jama’at ! Maine Tumhare Seeno me Sirf isliye ilm Rakha tha k Tumhare Zariye Se Apni Pehchan karau’n,*

*❉ _ Utho Beshak Mai'n Tumko Ma'af Kar Chuka hu’n,”*

*📘 Kanzul Ummal- 10/173,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝05 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ _ Jo ilm E Deen ki Talab me Lag gaya Uske Gunaah Ma'af _,*

*❉ ⇨ Hazrat Sakheerah Raziyallahu Anhu Se Marvi he k Rasulullah ﷺ  ne farmaya-*
*”Jo ilm ki Talab me lag gaya Uske Guzishta Gunaho'n ki Magfirat ho jaayegi,”*

*📘 Tirmizi, 2/9,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝06 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ _ Jo Talab E ilm ke Liye Nikla Uske Gunaah Ma'af _,*

*❉⇨ Hazrat Ali Raziyallahu Anhu se Rivayat hai k Rasulullah ﷺ ne irshad farmaya-*
*”_Jis Bande ne Joota Pehna ya Charmi Moza Pehna ya koi Libaas Pehna ilm ki Talab me To Allah Ta’ala Uske Gunaho'n ki Magfirat farma dete hai’n hattaki wo apne ghar ki Dehleez Per Pahu'nche,”*

*📘 Akhraja Tibrani, Targeeb-1/105,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝07 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ _ Talib E ilm ke Ahatraam me Farishte Parvaaz Rok kar khade ho Jate hai’n aur Aalim E Deen ke liye Tamaam Makhlooq Magfirat ki Dua karti hai _,*

*❉⇨ Hazrat Abu Haraira Raziyallahu Anhu kehte hai’n k Maine Rasulullah ﷺ Ko Farmate Hue Suna -*
*”_Jo Shakhs ilm Haasil karne ke Liye kisi Raaste Per Chale to Uski Vajah Se Allah Ta’ala Uske Liye Jannat ka Raasta Asaan farma de'nge Aur Uske is Amal Se Khush Ho kar farishte Talib E ilm ke Liye Apne Paro'n ko Rakh dete hai’n ( Yani Parvaaz Rok kar Khade Ho jate hai’n) Aur Aalim ke Liye Aasmano ki Tamaam Makhlooq aur Zameen ki Tamaam Makhlooq Dua E Magfirat karti hai Hattaki Machhliya’n Paani me,*

*❉_ Aur Aalim ki Fazilat Aabid Per Esi hai Jesi Chaa'nd ki Fazilat Baqi Sitaaro Per, Aur Tehqeeq Ulma Ambiya ke Vaaris hai’n, aur Ambiya Alaihissalam Dinaar aur Dirham ka kisi ko Vaaris nahi banate, Wo To ilm ka Vaaris banate hai’n, Lihaza jisne ilm Haasil kiya Usne Bahut Badi khair Haasil kar li,”*

*📘Tirmizi,, 2/93,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝08 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ _ Din ke Shuru aur Aakhri Hisse me Nek Kaam kijiye, Darmiyan Ke Gunaah Ma'af _,*

*❉⇨Jis Shakhs Ne Din ka Agaaz Bhale Kaam Se kiya aur Din ki inteha Bhale Kaam se ki Uske bare me Allah Ta’ala Farishto'n se farmate hai’n, iske Darmiyani Hisse ke Gunaho'n ko mat likho,”*

*📘 Kanzul Ummal- 15/781,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝09 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ _ Jisne Aa'inda Achchhe Kaam kiye, Uske Pichhle Gunaah Ma'af _,*

*❉⇨ Hazrat Rasool E Paak ﷺ ka irshad hai -*
*“_Jisne Baqi Aa'inda Zindgi me Achchhe Amal kiye To Maazi ( pichhle) Gunaahi ki Bakhsish kar di jayegi Aur jisne Baqi Aa'inda Zindgi ko Bure A'amaal aur gaflat me Guzaar diya To Guzishta Ayyam aur Baqi Ayyam Dono ka Muwakhza (Poochh) hoga,”*

*📘 Akhraja Tibrani, Kanzul Amaal,, 2/244,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝10 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Nek Kaam Karo aur Bade Gunaho'n Se Bacho, Chhote Gunaah Maaf_,*

*❉⇨ Hazrat Abu Haraira Raziyallahu Anhu se Rivayat hai k Rasulullah ﷺ ne irshad farmaya-*
*”_Qasam hai us Zaat ki jiske Qabze me Meri Jaan hai, Nahi hai koi Banda Jo Paa'ncho Namaze padhta ho, Ramzanul Mubarak Ke Roze rakhta ho, Zakaat Ada karta ho Saath kaba’ir ( Bade Gunaah) Se Bachta ho Magar Uske Liye Jannat ke Aatho’n Darwaze Qayamat ke Din khol diye jaayenge,*

*❉ _ Fir Rasulullah ﷺ ne ye Aayat Tilawat farmayi- (Tarjuma Surah Nisa-31)- Jin kaamo Se Tumko Mana kiya ja Raha hai Agar Tum Unme Se Jo Bade Bade Gunaah hai’n Bachte Rahoge To Hum Tumhare Chhote Chhote Gunaah Tum Se Zaa’il kar de'nge,”*

*📘 Akhraja ibne Maaja v ibne Khuzema v ibne Hibaan v Haakim v Sahih Kanzul Ummal- 15/862,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝11 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ _ Jisne Apne Bete ko Dekh kar Qur'an Padhna Sikhaya, Uske Gunaah Ma'af _,*

*❉⇨ Hazrat Anas Raziyallahu Anhu Se Marvi hai k Rasulullah ﷺ ne irshad farmaya,-*
*”_ Jisne Apne Bete ko Naazra Qur'an Padhaya Uske Agle Pichhle Gunaho'n ki Magfirat kar di jayegi,”*

*📘 Tabrani, 3/557, Majmu Azzawa’id, 7/168,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝12 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ _Achchhi Tarah Vazu kijiye aur Namaz Padhiye, Gunaah Maaf _,*

*❉⇨ Hazrat Ubadah bin Saamit Raziyallahu Anhu farmate hai’n k Maine Rasulullah ﷺ ko ye irshad farmate hue suna,-*
*”_ Allah Ta’ala ne 5 waqt KI Namaz farz farmayi hai, Jo sakhsh in Namazo ke liye Achchhi Tarah Vazu karta hai aur Unhe Mustahab Waqt me Ada karta hai, Ruku ( Sazda) itminan ke Saath karta hai aur Poore khushu se padhta hai To Allah Ta’ala ka Vaada hai k Uski Zaroor Magfirat farmayega,*

*❉ _ Aur Jo Shakhs in Namazo ko waqt Per Ada nayhi karta aur Na hi khushu Se padhta hai to Usse Magfirat ka koi Vaada nahi, Chahe Magfirat farmaye Chahe Azaab de,”*

*📘 Ravaah Abu Da'uwd 425,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝13 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Namaz Ke Liye Vazu Kijiye, Gunaho'n ko Dho daliye _,*

*❉⇨Hazrat Abdullah Sunabihi Raziyallahu Anhu se Rivayat hai K Rasulullah ﷺ Ne irshad farmaya,-*
*”_Jab Momin Banda Vazu karta hai aur is Dauran Kulli karta hai to Uske Moo'nh ke Tamaam Gunaah Dhul jate hai’n, Jab Wo Naak Saaf karta hai To Naak Ke Tamaam Gunaah Dhul jate hai’n, Jab Chehra Dhota hai To Chehre Ke Gunaah Dhul jate hai’n Yaha'n Tak K Palko ki jado sye Nikal jate hai’n,*

*❉_ Jab Haatho'n Ko Dhota hai to Haatho'n Ke Gunaah Dhul jate hai’n Yaha'n Tak k Haatho'n Ke Nakhoono ke Niche Se Nikal jate hai’n, Jab sar ka Masah karta hai To Sar ke Gunaah Dhul jate hai’n Yaha'n Tak k Kaano Se Nikal jate hai’n Aur Jab Paa'nv Dhota hai To Paa'nv ke Gunaah Dhul jate hai’n Yaha'n Tak k payanv ke Nakhoono Ke Niche Se Nikal jate hai’n,*

*❉_ Fir Uska Masjid ki Taraf Chal kar Jana aur Namaz Padhna Uske Liye Mazeed ( Fazilat ka Zariya ) hota hai,”*

*📘 Ravaah Nasaa’i, 29/1103,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝14 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Namaz Padhiye, Gunaho'n Se Paak Saaf ho jaaiye _,*

*❉⇨ Hazrat Amru bin Absa Sulmi Raziyallahu Anhu farmate hai’n k,-*
*”_Agar Vazu ke Baad khade Ho Kar Namaz Padhta hai jisme Allah Ta’ala ki Esi Hamd v Sana aur Buzurgi Bayan karta hai Jo Uski Shaan ke Laa’iq hai aur Apne Dil Ko Tamaam fikro Se Khaali Kar Ke Allah Ki Taraf Mutavajjah rehta hai To Ye Shakhs Namaz Se faarig Hone ke Baad Apne Gunaho'n Se Esa Paak v Saaf ho jata hai Jesa k Aaj hi Uski Maa'n ne usko jana ho,”*

*📘 Ravaah Muslim, 1/276,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝15 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Agar Kisi Se Gunaah Sarzad Ho Jaye To Achchhi Tarah Vazu Karke 2 Raka’at Namaz Padhe aur Ma'afi maa'nge Gunaah Ma'af _,*

*❉⇨ Hazrat Abu Bakar Siddiq Raziyallahu Anhu farmate hai’n k Maine Rasulullah ﷺ Ko Ye irshad farmate hue suna,-*
*”_Jis Shakhs Se Koi Gunaah Ho Jaye Fir Wo Achchhi Tarah Vazu Kare aur uth kar 2 Raka’at Namaz Padhe Fir Allah Ta’ala Se Ma'afi maa'nge To Allah Ta’ala Use Ma'af farma dete hai’n,*

*❉_ Iske Baad Aap ﷺ ne Ye Aayat Tilawat farmayi, (Tarjuma Surah Aale imran-135) – Wo Bande jinka Haal Ye hai k Jab Unse koi Gunaah Ho Jata hai Ya Koi Bura Kaam karke Wo Apne Ouper Zulm kar bethte hai’n to jaldi hi Unhe Allah Ta’ala Yaad aa jate hai’n, Fir wo Allah Ta’ala Se Apne Gunaho'n ki Ma'afi ke Taalib Hote hai’n aur Baat bhi Ye hai k Sivaye Allah Ta’ala ke Koi Gunaho'n ko Ma'af Nahi kar Sakta hai aur Bure Kaam Per Wo adte Nahi aur Wo Yaqeen Rakhte hai’n k Tauba se Gunaah Ma'af ho jate hai’n,”*

*📘 Abu Daoud, 1/ 213,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝16 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Vazu Kar Ke Foran Ye Dua Padhiye, Do Vazuo’n Ke darmiyan Jo Gunaah kiye Wo Maaf _,*

*❉⇨ Hazrat Usman bin Affaan Raziyallahu Anhu farmate hai’n k Maine Nabi Kareem ﷺ ko Ye irshad farmate hue suna,-*
*”_ Jis Aadmi ne Vazu ka iraada kiya fir Apne Dono Haath dhoye, Fir Teen Baar kulli ki, Teen Baar Naak me Paani daala aur Teen Baar Apne Chehre ko dhoya aur Apne Dono Haath Kohniyo samet Teen Martaba dhoya aur Apne Sar ka Masah kiya, Fir Apne Dono Paa'nv ko dhoya fir Baat kiye Bager ”Ashhadu Alla'ilaha illallahu Wahdahu la Shareeka lahu wa Ash'hadu Anna Muhammadan Abduhu Wa Rasuluhu,” Padhe to Us Vazu se lekar Aa'inda Vazu Tak Gunaho'n ki Magfirat kar di jati hai”*

*📘 Akhraja Abu Ya'ala v Darul Qutni Kaza Fil Targeeb-1/72,  Musnad Abu Ya’ala, 1/ 157,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝17 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ _ Raat ko Ba-Vazu Soya karo Gunaah Ma'af _,*

*❉⇨ Hazrat ibne Abbas Raziyallahu Anhu Se Rivayat hai k Rasulullah ﷺ ne farmaya,-*
*”_Apne Jismo ko Paak Rakha Karo Allah Ta’ala Tumhe Paak rakhega Ky'unki Jo Banda bhi Ba-Vazu Raat Guzarega To Uske Saath Uske Andruni Kapde me (Yani Baniyan Vagera) Ek Farishta Raat Guzaarta hai _,*

*❉_ Raat Ki Jis Ghadi me bhi Jab Banda Karvat Leta hai To Farishta kehta hai, ”Ey Allah ! Apne is Bande ki Magfirat farma de Ky'unki isne Ba-vazu Raat Guzaari hai,_”*

*📘Ravaah Tibrani, Kaza Fil Targeeb-1 -409, Kanzul Ummal- 9/ 277,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝18 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Jiski Aameen Farishto Ki Aameen se Mil gayi Uske pichhle saare Gunaah Maaf _,*

*❉⇨ Hazrat Abu Haraira Raziyallahu Anhu se Rivayat hai k Rasulullah ﷺ ne irshad farmaya,-*
*”_Jab Tumme Se Koi ( Surah Fatiha ke Aakhir me ) Aameen kehta hai To Usi Waqt Farishte Aasmaan Per Aameen kehte hai’n, Agar Us Shakhs ki Aameen Farishto ki Aameen Ke Saath mil jati hai To Uske Pichhle Tamaam Gunaah Ma'af ho jate hai’n,”*

*📘 Bukhari-1/ 108, Muslim-1/ 176,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝19 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ _Juma ke Din Gusl kijiye Gunaah Ma'af _,*

*❉⇨ Hazrat Abu Umama Raziyallahu Anhu Nabi Kareem ﷺ ka irshad Naqal karte hai’n k Aap ﷺ ne irshad farmaya,-*
*”_Juma ke Din Gusl karna Gunaho'n ko Baalo ki Jado se Soa'nt kar Nikaal deta he_“*

*📘 Kanzul Ummal-7/ 754,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝20 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ _Jiski Tamheed Farishto ki Tamheed se Mil gayi Uske pichhle saare Gunaah Ma'af _,*

*❉⇨ Hazrat Abu Haraira Raziyallahu Anhu se Rivayat he k Rasulullah ﷺ  ne irshad farmaya,-*
*”_ Jab imaam ( Ruku se uthte hue) ” Samiallahu liman hamidah” kahe to Tum ” Allahumma Rabbana lakalhamd ” kaho,*

*❉_ Jiska ye kehna Farishto ke kehne ke Saath mil jata he Uske Pichhle Saare Gunaah Ma'af ho jate hai’n,”*

*📘 Muslim,, 1/176,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝21 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Chaasht ki 2 Raka’at Padhne ka Ahatmam kijiye Gunaah Ma'af _,*

*❉⇨ Hazrat Abu Haraira Raziyallahu Anhu Se Rivayat hai k Rasulullah ﷺ ne irshad farmaya-*
*”_ Jo Chaasht ki Do Raka’at Padhne ka Ahatmam karta hai Uske Gunaah Ma'af kar diye jate hai’n Agarche Wo Samandar ki jhaag ke barabar ho,”*

*📘 Ibne Maaja, 98,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝22 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Allah Ko Raazi Karne Ke Liye Namaz Padhiye Gunaah Ma'af _,*

*❉ _ Hazrat Abuzar Raziyallahu Anhu farmate hai'n k Ek Martaba Nabi Kareem ﷺ Sardi Ke Mausam me bahar Tashreef laye aur Patte Darakhto Se gir rahe they, Aapne Ek Darakht Ki Do Tehniya'n Haath me li Unke Patte aur bhi girne lage To Nabi Kareem ﷺ ne irshad farmaya-*

*❉ _Abuzar! Maine Arz kiya Labbek Ya Rasulallah! Aapne irshad farmaya- "Musalman Banda Jab Allah Ta'ala Ko Raazi Karne Ke Liye Namaz Padhta hai To usse Uske Gunaah Ese Hi girte hai'n Jese Ye Patte is Darakht Se gir rahe hai'n _,*

*📚 Ravaah Ahmad- 5/179,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝23 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Tahajjud ka Ahatmaam Kijiye, Gunaah Ma'af _,*

*❉⇨ Hazrat Abu Umama Raziyallahu Anhu Se Rivayat hai K Rasulullah ﷺ Ne irshad farmaya,*
*”_ Tahajjud Zaroor Padha Karo, Wo Tumse Pehle ke Nek Logo'n Ka Tareeqa Raha hai, isse Tumhe Apne Rab ka Qurb Haasil hoga, Gunaah Ma'af ho'nge aur Gunaho'n Se Bache Rahenge,”*

*📘 Mustadrak Haakim, 1/ 308,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝24 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Ishraaq ki Namaz Padhiye, Gunaah Ma'af _,*

*❉⇨ Hazrat Mu'aaz bin Anas Juhani Raziyallahu Anhu Se Rivayat hai K Rasulullah ﷺ ne irshad farmaya,-*
*”_ Jo Shakhs Fajar ki Namaz Se Faarig hokar usi Jagah betha rehta hai, Khair ke Alawa koi Baat Nahi karta Fir Do Raka’at ishraaq ki Namaz Padhta hai Uske Gunaah Ma'af ho jate hai’n Chahe WO Samandar ke Jhaag Se Zyada hi ho’n,_”*

*📚_ Abu Da'uwd, 1/ 182,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝25 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ _Juma ke Din Ye Kaam Kijiye, Gunaah Ma'af _,*

*❉⇨ Hazrat Abu Ayyub Ansari Raziyallahu Anhu farmate hai’n k Maine Nabi Kareem ﷺ Ko irshad farmate hue suna-*
*”_ Jisne Juma Ke Din Gusl Kiya aur Jo Achchhe Kapde Use Mayassar they Wo Pehne aur khushbu lagayi Agar Uske Pass ho Fir wo Namaze Juma ke Liye Haazir hua aur iski Ahatyaat KI k Pehle Se Bethe hue Logo’n ki Gardano Ke Ouper Se falangta hua Nahi gaya Fir (Sunnato aur Niflo ) Ki Allah ne Tofeeq di wo Padhi,*

*❉_ Fir jab imaam Khutba dene ke Liye Aaya to Adab aur Khamoshi Se Uski Taraf Mutavajjah Ho Kar Khutba suna, Yaha’n Tak K Namaz Padh Kar Faarig hua To Us Bande ki Ye Namaz is Juma aur isse Pehle Wale Juma ke Darmiyan Gunaho'n aur Khatao'n Ke Liye Kaffara ho jayegi_,”*

*📘 Musnad Ahmed,, 5/ 420,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝26 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Ramzan me Taraveeh ka Ahatmam kijiye, Gunaah Ma'af _,*

*❉⇨ Hazrat Abu Haraira Raziyallahu Anhu Se Rivayat hai k Rasulullah ﷺ  ne irshad farmaya,-*
*”_ Jo Ramzan Ki Raat me Allah Ta’ala Ke Vaado Per Yaqeen karte hue aur Uske ajr v ina'am ke Shoq me Namaz Padhta hai Uske Pichhle Sab Gunaah Ma'af Ho jate hai’n,*

*📚_ Bukhari,, 1/10,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝27 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ _ Paidal chal kar aa'iye aur Jama’at se Namaz Padhiye, Gunaah Ma'af _,*

*❉⇨ Hazrat Usman bin Affan Raziyallahu Anhu farmate hai’n k Maine Rasulullah ﷺ Se irshad farmate hue suna,-*
*”_ Jo Shakhs kaamil Vazu karta hai fir Farz Namaz Ke Liye Chal kar jata hai Aur Logo’n ke Saath ya Jama’t ke Saath ya Masjid me Namaz Ada karta hai To Allah Ta’ala Uske Gunaah Ma'af farma dete hai’n,”*

*📘 Muslim -1/ 122,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝28 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ _ Gunaho'n Ko Mitane Wale Chand A'amaal _,*

*❉⇨ Hazrat Abu Haraira Raziyallahu Se Rivayat hai k Rasulullah ﷺ ne irshad farmaya-*
*”_ Kya Mai'n Tumhe Ese Amal na batlau’n jinki Vajah Se Allah Ta’ala Gunaho'n ko mitaate hai’n aur Darje Buland farmate hai’n ? Sahaba Raziyallahu Anhum ne arz kiya- Ya Rasulullah ! Zaroor batlaiye,*

*❉_ Irshad farmaya- Nagawari v Mashaqqat ke Bavjood kaamil Vazu karna, Masajid ki Taraf kasrat se qaydam uthana Aur Ek Namaz ke Baad Doosri Namaz ke intezar me rehna, Yahi haqeeqi rubaat ( Dushmanane Deen ki Nigrani karna) hai”*

*📘 Muslim,, 1/127,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝29 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Buland Awaaz Se Azaan Dijiye, Gunaah Ma'af _,*

*❉⇨ Hazrat Bara'a bin Aazib Raziyallahu Se Rivayat hai k Rasulullah ﷺ Ne irshad farmaya,-*
*”_ Bila Shub'ha Allah Ta’ala Pehli Saff Walo Per Rehmat bhejte hai’n, Farishte Unke Liye Dua E Rehmat karte hai’n Aur Mo'zzin Ke Gunaah Ma'af kiye jate hai’n Jaha'n Tak Uski Awaaz Pahu'nchti hai Jo jaandar v bejaan Uski Awaaz Ko Sunte hai’n iski Tasdeeq karte hai’n, Aur Mo'zzin ko un Tamaam Namaziyo'n ke Barabar ajr milta hai jinhone Uske Saath Namaz Padhi,”*

*📘 Nasaa’i-1/ 106,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝30 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Paa'ncho Namazo ka Ahatmam kijiye, Gunaah Ma'af _,*

*❉⇨ Hazrat Abu Haraira Raziyallahu Anhu Se Rivayat hai k Rasulullah ﷺ ne irshad farmaya,-*
*”_  Paa'ncho Namaze, Juma ki Namaz Pichhle Juma Tak aur Ramzan ke Roze Pichhle Ramzan Tak ke Gunaho'n Ke Liye Kaffara hai’n Jabki in A'amaal Ko karne Wala kabeera Gunaho'n Se Bache_”*

*📘 Muslim,, 1/122,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝31 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Janabat ke baad Gusl kijiye, Gunaah Ma'af _,*

*❉⇨ Hazrat Abu Ayyub Ansari Raziyallahu Anhu Se Marvi hai k Rasulullah ﷺ ne irshad farmaya,-*
*”_ Paa'ncho Namaze'n aur Ek Juma se lekar Doosre Juma Tak aur Amanat ka Ada karna ye Apne Darmiyani Gunaho'n ka kaffara hai'n _,*

*❉_ Arz kiya gaya- “Ya Rasulallah ! Amanat ka Ada karna kya he? Aap ﷺ ne irshad farmaya,- ”Janabat ke baad Gusl karna Kyu'nki har Baal Ke Niche Janabat Yani Najasat hoti hai,”*

*📘 Ibne Majaa,, 44,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝32 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Juma Ke Din Yeh A'amaal Kijiye Gunaah Ma'af _,*

*❉ _ Hazrat Salman Raziyallahu Anhu Se Marvi hai k Rasulullah ﷺ ne irshad farmaya-*
*"_ Jo Aadmi Juma Ke Din Gusl Kare aur Jaha'n Tak ho Sake Safayi Pakizgi ka Ahatmam Kare aur Jo Tel Khushbu uske Ghar me Ho Wo Lagaye Fir Wo Ghar Se Namaz Ke Liye Jaye aur Masjid me Pahu'nch kar Uski Ahatyaat kare k Jo Do Aadmi Pehle Se Saath bethe Ho'n Unke Beech me na Bethe fir Jo Namaz Yani Sunan Nawafil Ki Jitni Rak'ate uske Liye Muqaddar Ho'n Padhe,*

*❉ _ Fir Jab imaam Khutba de To Tavajjo aur Khamoshi Ke Saath usko Sune to Allah Ta'ala Ki Taraf Se us Juma aur Doosre Juma Ke Darmiyan Ki Uski Saari Khatae'n Zaroor Ma'af Kar di Jayegi _,*

*❉ _ Aur Nasaa'i Ki Ek Rivayat me Alfaaz E Hadees Yu'n hai'n:-*
*"_ Jo bhi Aadmi Juma Ke Din Gusl Kare Jesa k Allah Ta'ala ne usko Hukm diya hai Fir Wo Apne Ghar Se Nikle Hattaki Namaze Juma ke liye Wo Haazir ho jaye, Fir Tavajjo aur Khamoshi Ke Saath Khutba Ko Sune Hattaki Wo Apni Namaz Poori kar le To Uski Ye Namaz Guzishta Juma Ke Gunaho'n Ka Kaffara ban jayegi _,*

*❉ _ Aur Tibrani Ki Rivayat Ki Rivayat ke Aakhir me Yu'n hai k Us Bande Ki Namaz us Juma aur Doosre Juma Ke Darmiyan Ki Saari Khatao'n ka Kaffara ban jayegi Jab Tak k Kaba'ir Se Bacha Rahe aur Ye Barkat Usko Hamesha Hamesha Haasil hoti rahegi _,*

*📚 Ravaah Al-Bukhari v Nasaa'i v Targeeb-1/487,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝33 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Saff me Khali Jagah ho to Pur kijiye, Gunaah Ma'af _,*

*❉⇨ Hazrat Abu Hujaifa Raziyallahu Anhu Se Rivayat hai k Nabi Kareem ﷺ ne irshad farmaya,-*
*”_Jis shakhs ne Saff me khali Jagah ko Pur kiya Uski Magfirat kar di jati hai”*

*📘 Bizzar Majmu Az Zawaid, 2/ 251,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝34 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ _ Jangal me Rehne Wala Jab Azaan kehta hai aur Namaz Padhta hai, To Uske Gunaah Ma'af _,*

*❉⇨ Hazrat Uqba bin Aamir Raziyallahu Anhu Se Marvi hai k Rasulullah ﷺ ne irshad farmaya,-*
*”_ Jab Koi Bakriya’n Charane Wala Kisi Pahaad ki Jad me ( ya Jangal me ) Azaan kehta hai Aur Namaz Padhne Lagta hai To Haq Ta’ala Shanh Usse behad khush hota hai aur Ta’ajjub v Tafakhur Se Farishto se farmata hai Dekho Mera Banda Azaan keh kar Namaz Padhne Laga Ye Sab Mere Dar ki Vajah Se kar raha hai Maine iski Magfirat kar di aur Jannat ka Dakhila tay kar diya_,*

*📚 Kanzul Ummal- 7/294, Abu Da'uwd -1/170,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝35 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ _Namaz ke liye Paidal aaiye aur Jaaiye, Har Qadam per Ek Gunaah Ma'af _,*

*❉⇨ Hazrat Abdullah bin Umar Raziyallahu Anhu Se Marvi hai k Rasulullah ﷺ ne irshad farmaya,-*
*”_Jo Aadmi u6s Masjid ki Taraf chale Jaha'n Ba-jama’at Namaz hoti ho to Har Ek Qadam Uski Ek khata ko mita dega aur Doosre Qadam Per Ek Neki likhi jaayegi, Aate hue bhi aur Jaate hue bhi,”*

*📘 Tibrani, 1/ 207,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝36 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Azaan Sun Kar Ye Dua Padhe, Aapke Gunaah Ma'af _,*

*❉⇨ Hazrat Sa’ad bin Abi Waqas Raziyallahu Anhu Se Rivayat hai k Rasulullah ﷺ ne irshad farmaya,-*
*”_ Jo shakhs Mo'zzin ki Azaan Sunne ke Waqt (Yani jab wo Azaan Padh kar faarig ho jaye) Ye Dua padhe-*
*”_ Ash'hadu Alla ilaaha illallaahu Vahdahu La Sharika lahu Va anna Muhammadan Abduhu Va Rasuluhu, Razitu billahi Rabba'nv va bil islaami deena'nv va bi muhammadi Sallallahu Alaihivasallam Rasoola”*
*To Uske Gunaah Bakhsh diye jayenge_,*

*📘 Ravaah Muslim v Tirmizi v Nasaa'i v Targeeb-1/185,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝37 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Jisne Sajde me 3 Martaba ”Rabbigfirli” kaha Uske Gunaah Ma'af _,*

*❉⇨ Hazrat Abu Saeed Raziyallahu Anhu Se Marvi hai k Rasulullah ﷺ ne irshad farmaya,-*
*”_Jis Aadmi ne Sajde ki Haalat me 3 Martaba “Rabbigfirli" Kaha, Sajde se Wo Sar Utha nahi paayega k Uski Magfirat kar di jayegi,”*

*📘 Kanzul Ummal- 7/ 465,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝38 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ _ Jisne Zuhar se Pehle 4 Raka’at Sunnat Padhi, Uske din ke Gunaah Ma'af _,*

*❉⇨ Hazrat Anas bin Maalik Raziyallahu Anhu Se Marvi hai k Rasulullah ﷺ ne irshad farmaya,-*
*“_Jisne Zuhar Se Pehle 4 Raka’at Padh li To Allah Ta’ala Uske Us Din ke Gunaho'n Ko Ma'af farma de'nge_,”*

*📘 Kanzul Ummal- 7/375,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝39 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Jume ke Din Khoob Dhyan Se Khutba Suniye, 10 din Ke Gunaah Ma'af_,*

*❉⇨ Hazrat Abu Haraira Raziyallahu Anhu Se Rivayat hai k Rasulullah ﷺ ne irshad farmaya,-*
*”_Jo Shakhsh Achchhi Tarah Vazu Karta hai Fir Juma Ki Namaz Ke Liye aata hai, khoob Dhyan Se Khutba Sunta hai aur Khutbe Ke Dauran Khamosh Rehta hai To is Juma Se Guzishta Juma Tak aur Mazeed 3 Din Ke Gunaah Ma'af kar diye jate hai’n,*

*❉_ Aur Jis Shakhs ne Kankriyo'n Ko Haath Lagaya Yani Daurane khutba Unse khelta Raha (ya Chatayi, Kapda Vagera se khelta Raha) To Usne Fizool kaam kiya,*

*📘 Muslim, 1/ 283,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝40 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ _ Jisne Asr Se Pehle 4 Raka’at Padhi, Uske Gunaah Ma'af _,*

*❉⇨ Hazrat Ali Karamullahu Vajhu Se Marvi hai k Rasulullah ﷺ ne irshad farmaya,-*
*”_  Meri Ummat Musalsal Asr se Pehle 4 Raka’at padhti rahegi Hattaki Wo Zameen Per is Haal me chalegi k Yaqeenan Uski Magfirat ki Ja Chuki hogi_,*

*📘 Kanzul Ummal- 7/384,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝41 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ _ Jisne Magrib Ke Baad 6 Raka’at Padhi, Uske Gunaah Ma'af _,*

*❉⇨ Hazrat Ammar bin Yaasir Raziyallahu Anhu Se Rivayat hai K Maine Apne Habeeb Rasulullah ﷺ ko dekha k Magrib ke baad 6 Raka’ate padhte the Aur Huzoor Anwar ﷺ ne irshad farmaya,-*
*”_ Jo Banda Magrib ke baad 6 Raka’at Padhega Uske Gunaho'n ki Magfirat kar di jayegi Chahe Samandar ke jhaag ke Barabar ho’n,"*

*📘 Ravaah Tibrani v Targeeb-1/ 404,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝42 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Miya Bivi Ek Doosre Ko Bedaar kare aur Tahajjud Padhe, Dono Ke Gunaah Ma'af _,*

*❉⇨ Hazrat Abu Huraira Raziyallahu Anhu v Abu Saeed Raziyallahu Anhu Se Rivayat hai k Rasulullah ﷺ ne irshad farmaya,-*
*”_ Jab khawind Raat ko Apni Bivi ko uthaye Fir Dono Tahajjud Padhe To un Dono ko Ba-kasrat Allah ka Zikr karne Wale Mard aur Ba-kasrat Zikr karne wali Aurto’n me likh diya jata hai _,*

*📚 Ravaah Abu Da'uwd,*

*❉_ Jo Aadmi Raat ko Bedaar hokar Apni Bivi ko jagaye jis Per Neend ka Galba ho raha ho ( aur Galba E Neend ki vajah Se Wo na uth saki) To uske moo'nh Per Paani ka Chhee'nta de diya, fir Dono Apne Ghar me ibaadat ke liye khade hue aur Raat ki Ek Ghadi Allah Ta’ala ka Zikr karne lage to Allah Ta’ala Dono ki Magfirat farma dete hai’n,”*

*📚 Kanzul Ummal- 7/ 793,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝43 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Salaatut Tasbeeh Padhiye, Sare Gunaah Ma'af _,*

*❉⇨ Huzur Aqdas ﷺ ne Ek Martaba Apne ChaCha Hazrat Abbas Raziyallahu Anhu se farmaya,- ”Ey Mere ChaCha kya Mai'n Tumhe Ek Atiya karu’n?Ek Bakhshish karu’n? Ek Cheez batau’n?Tumhe 10 Cheezo ka Maalik banau’n? Jab Tum is Kaam ko karoge To Haq Ta’ala Shanh Tumhare Sab Gunaah Pehle Pichhle Purane aur Naye, Galti se kiye hue aur Jaan Boojhkar kiye hue, Chhote aur Bade, Chhup kar kiye hue aur khullam khulla kiye hue Sab hi Ma'af farma dega,*

*❉_ Wo kaam ye hai k 4 Raka’at nifl ( Salaatul Tasbeeh ki Niyat Baa'ndh kar) padho aur Har Raka’at me jab Alhamd aur Soorat Padh Chuko to Ruku se Pehle khade hue “Subhanallahi Walhamdulillahi Wa lailaaha illallahu Wallahu Akbar” 15 Martaba padho, Fir jab Ruku karo to 10 Martaba Usme padho, Fir Jab Ruku se khade ho to 10 Martaba padho, Fir jab sajda Karo to 10 Martaba Usme padho, Fir sajde se uth kar Betho To 10 Martaba padho, Fir jab Doosre Sajde me Ja'o To 10 Martaba Usme padho, Fir Jab Doosre Sajde se Utho to ( Doosri Raka’at ke liye ) khade hone se Pehle Beth kar 10 Martaba Padho, In sab ki mizaan 75 hui, isi Tarah har Raka’at me 75 dafa hoga,*

*❉_ Agar Mumkin ho Sake To Rozana Ek Martaba is Namaz ko padh liya Karo ye na ho To har Juma ko Ek Martaba padh liya Karo, ye bhi na ho Sake to Har Mahine me ek Martaba padh liya Karo, ye bhi na ho Sake To Saal me Ek Martaba padh liya Karo, ye bhi na ho Sake to Umr bhar me Ek Martaba to padh hi lo_”*

*❉_ Aur Hazrat Abdullah bin Mubarak Raziyallahu Anhu se is Namaz ka ye Tareeqa Naqal kiya gaya hai k Sana padhne ke Baad Alhamd sharif Padhne se pehle15 dafa in kalmo ko padhe, fir Aa'uzu aur Bismillah padh kar Alhamd sharif aur fir koi Soorat padhe, Soorat ke Baad Ruku se Pehle 10 martaba padhe, Fir Ruku me 10 martaba padhe, Fir Ruku se uth kar, fir dono Sajdo me, aur Dono Sajdo ke Darmiyan beth kar 10 Martaba padhe ye 75 ho gayi, ( Lihaza Doosre Sajde ke baad Beth kar Padhne ki Zarurat nahi rahi ),*

*📚 Akhraja Nasaa'i v Abu Da'uwd -1/183 v ibne Maaja v Bayhiqi v ibne Hibaan v Tibrani v Haakim v ibne Khuzema fi Sahih)*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝44 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Masjide Aqsa me Namaz Padhiye, Saare Gunaah Ma'af _,*

*❉⇨ Hazrat Abdullah bin Umar Raziyallahu Anhu Se Rivayat hai k Rasulullah ﷺ ne irshad farmaya-*
*”_Jab Hazrat Suleman bin Da'uwd Alaihissalaam Betul Muqaddas ki Tameer Se Faarig ho gaye to Allah Ta’ala Se Ye 3 Duae'n maa'ngi :-*
*1- Esa faisla ata farma Jo Hukme ilaahi ke muwafiq ho,*
*2- Ey Allah Mujhe Esi Saltanat ata farma Jo Mere Siva kisi aur ke Liye Munasib na ho,*
*3- Jo bhi Banda is Masjid me Sirf Namaz Padhne ki garz se Haazir ho Wo Apne Gunaho'n Se is Tarah Nikal jaye jis Tarah Maa'n Se Peda'ish ke Din tha (Yani Kuchh bhi Gunaah Baqi na rahe),*

*❉_ Rasulullah ﷺ ne irshad farmaya, Bahar Haal pehli Do Duae'n To Hazrat Suleman Alaihissalaam ki Qubool kar li gayi aur Mujhe Allah ki Zaate Aali Se Ummeed hai k unki Teesri Dua bhi Qubool farma Li gayi,”*

*📘 Nasaa’i, 1/ 112,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝46 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ _Magrib aur Isha ke Darmiyan Namaz Padhiye, Din bhar ke Gunaah Ma'af _,*

*❉⇨ Hazrat Salmaan Raziyallahu Anhu Se Marvi hai k Rasulullah ﷺ ne irshad farmaya-*
*”_ Magrib aur Isha ke Darmiyan Namaz ko Laazim Pakdo Kyunki Ye Din bhar ke Gunaho'n aur Behudgiyo ko Saaf kar degi,_”*

*📚 Kanzul Ummal- 7/387,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝47 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ Jume ke Din Fajar ki Namaz Ba-jama’at Padhiye, Gunaah Ma'af _,*

*❉⇨ Hazrat Abu Ubaida Raziyallahu Anhu Se Rivayat hai k Rasulullah ﷺ ne irshad farmaya-*
*”_Juma Ke Din Fajar Ki Namaz Ba-Jama’at Padhne Se Koi Namaz Afzal Nahi hai _,*

*❉_ Aur Mera Guman Ye hai k Jo Aadmi Fajar ki Namaz Ba-Jama’at Padhega Uski Zaroor Ba Zaroor Magfirat kar di jayegi,”*

*📚 Ravaah Al Bizzar v Al Tibrani _,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝48 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ _ Jisne Raza E ilaahi ke Liye Masjid banayi Ya Ku'nva khudwaya, Uske Gunaah Ma'af _,*

*❉⇨ Hazrat ibne Abbaas Raziyallahu Anhu Se Rivayat hai k Rasulullah ﷺ ne irshad farmaya,-*
*”_Jisne Khaalis Allah ki Raza ke Liye Masjid banayi To Allah Uske Liye Jannat me Ghar banayenge, Agar usi Din Mar gaya To Uski Magfirat kar di jayegi,*

*❉_ Aur jisne Allah Ta’ala ki Raza ke Liye ku'nvaa khoda To Uske Liye Allah Ta’ala Jannat me Ghar banayenge, Agar wo usi Din Mar gaya To Uski Magfirat kar di jayegi,”*

*📚 Ravaah Tibrani v Kanzul Ummal- 7/655,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝49 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Das Martaba Allahu Akbar, Das Martaba Sub'hanallah aur Das Martaba Allahummagfirli kahiye, Aapke Gunaah Ma'af _,*

*❉⇨ Hazrat Salma Raziyallahu Anha Se Rivayat hai k Maine Arz kiya- Ya Rasulullah ! Mujhe Chand kalimaat bata dijiye Magar Zyada na Ho'n, Aap ﷺ ne irshad farmaya-*
*”_ 10 martaba Allahu Akbar kaho, Allah Ta’ala farmate hai’n Ye Mere Liye hai’n, 10 martaba Sub'hanallah kaho, Allah Ta’ala farmate hai’n Ye Mere Liye hai’n, Aur kaho, Allahummagfirli, Ey Allah Meri magfirat farma de, Allah Ta’ala farmate hai’n, Maine magfirat kar di, Tum isko 10 martaba kaho, Allah Ta’ala Har martaba farmata hai, Maine magfirat kar di _,*

*📚 Tibrani v Majmu'a Azzawa'id- 10/ 109,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝50 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Teesre Kalme ka Vird kijiye, Gunaah Ma'af _,*

*❉⇨ Hazrat Abu Darda Raziyallahu Anhu Se Rivayat hai k Rasulullah ﷺ ne irshad farmaya,-*
*”_ Sub'hanallahi Walhamdulillahi Wa lailaaha illallahu wallahu Akbar wala havla wala quvvata illa billahi" Kaha karo, Ye Baqiyaat E Saalihaat ( Baqi rehne wali Nekiya’n ) hai’n aur Ye Gunaho'n ko is Tarah mita dete hai’n Jis Tarah Darakht Se ( Sardi ke Mausam me) Patte jhadte hai’n Aur ye kalimaat Jannat ke khazano me se hai’n,*

*📚 Tibrani v Majmu'a Azzawa'id- 10/ 104,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝51 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Ye Dua kijiye, Gunaah Ma'af _,*

*❉ ⇨ Hazrat Zaid Raziyallahu Anhu Se Rivayat hai k Unhone Nabi Kareem ﷺ Ko Ye irshad farmate hue Suna :-*
*”_ Jo Shakhs "Astagfirullahillazi laa ilaaha illa huval hayyul qayyoom va atubu ilayhi" Kahe Uski Magfirat kar di jayegi....,*

*❉ _ Ek Rivayat me in kalmaat ko 3 Martaba Padhne ka Zikr hai _,*
*"_(Tarjuma) Mai'n Allah Ta’ala Se Magfirat Chahta hu’n Jiske Siva koi Ma’abood nahi Wo Zinda hai, Qaa'im rakhne wala hai aur Usi ke Saamne Tauba karta hu’n,”*

*📚_ Abu Da'uwd, Mustadrak Haakim 2/118,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝52 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Aapke Gunaah Samandar ke Jhaag ke Barabar ho to Ye Kalmaat Kahiye, Saare Gunaah Ma'af _,*

*❉⇨ Hazrat Abdullah bin Umar Raziyallahu Anhu se Rivayat hai k Rasulullah ﷺ ne irshad farmaya-*
*” Zameen Per Jo Shakhs bhi "La ilaaha illallahu vallahu Akbar valaa havla valaa quvvata illa billahi" Padhta hai To Uske Tamaam Gunaah Ma'af ho jate hai’n Chahe Samandar ke Jhaag ke Barabar Ho'n,”*

*📚 Tirmizi, 2/ 184,*

*❉_  Ek aur Rivayat me Ye fazilat “Subhanallahi valhamdulillahi ” Ke izaafe ke Saath Zikr ki gayi hai _,*

*📚 Mustadrak Haakim, 503,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝53 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ 100 Martaba Sub'hanallah Kahiye, 1000 Nekiya’n Likhi Jaye'ngi aur 1000 Gunaah Ma'af _,*

*❉⇨ Hazrat Sa’ad Raziyallahu Anhu farmate hai'n k Hum Rasulullah ﷺ ki khidmat me bethe hue the k Aap ﷺ ne irshad farmaya-*
*”_ Kya Tumme Se Koi Shakhs Har Roz Ek Hazaar Nekiya’n kamane Se Aajiz hai ? Aapke Paas Bethe hue Logo'n me Se Kisi ne Puchha k Hum me Se Koi Aadmi Ek Hazaar Nekiya’n kis Tarah kama sakta hai?*
*”_ Aap ﷺ ne irshad farmaya, Jo Shakhs 100 martaba “Subhanallahi” Kahega Uske Liye Ek Hazaar Nekiya’n likh di Jayegi aur Uske Ek Hazaar Gunaah Ma'af kar diye jayenge,”*

*📚 Muslim,, 2/ 345,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝54 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ Jume ki Namaz Se Faarig hokar “Sub'hanallahil Azeemi va Bihamdihi” 100 Martaba Kaha karo Aapke Ek Lakh aur Walden Ke 24 Hazaar Gunaah Ma'af _,*

*❉⇨ Hazrat ibne Abbas Raziyallahu Anhu se Rivayat hai k Rasulullah ﷺ ne irshad farmaya-*
*”_ Jis shakhs ne Juma ki Namaz Se Faarig ho kar "Sub'hanallahil Azeemi va Bihamdihi" 100 Martaba Padha To Allah Ta’ala Uske Ek Lakh Gunaah Ma'af farma de'nge aur Uske Walden Ke 24 Hazaar Gunaah Ma'af farma de'nge,*

*📚 Ravaah ibnul Sunni Fi Amal-al-Yaum, 164,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝55 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Bazaar me Ye Dua Padh Kar Qadam rakhiye, 10 Lakh Gunaah Ma'af _,*

*❉⇨ Hazrat Umar bin Khattab Raziyallahu Anhu Se Rivayat hai k Rasulullah ﷺ ne irshad farmaya-*
*”_ Jis shakhs ne Bazaar me Qadam Rakhte Hue Ye kalmaat Padhe-*
*”La ilaaha illallahu Wahdahu La Sharika lahu lahul mulku wa lahul hamdu Yuhyi wa Yumeetu Va huva hayyu la yamutu biyadihil Khayru wa huva alaa kulli shay'in qadeer"*
*"_ Allah Ta’ala Uske Liye 10 Laakh Nekiya’n likh dete hai’n aur 10 Laakh khatae’n mita dete hai’n aur 10 Laakh Darje Buland kar dete hai’n,*

*📚 Ravaah Tirmizi, Hadees- 3428,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝56 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ La ilaaha illallahu kahiye, Aapke Gunaah Ma'af _,*

*❉⇨ Hazrat Anas Raziyallahu Anhu Se Marvi hai k Rasulullah ﷺ ne irshad farmaya-*
*”Jo bhi Banda kisi Waqt bhi Din me ya Raat me "La ilaaha illallahu" Kehta hai Uske Naama A'amaal me Se Buraiya’n mita di jati hai’n aur Unki Jagah Nekiya’n Likhi jati hai’n,*

*📚 Ravaah Abu Ya’ala, Musnad Abu Ya’ala, 3/ 445, Majmu'a Azzawa'id,*

*❉_ Jab Musalman Banda "La ilaaha illallahu" Kehta hai To Ye kalma Aasmaano ko Cheerta hua Allah Ta’ala ke Saamne khada ho jata hai, To Haq Ta’ala Shanh irshad farmate hai'n, ”Thehar Ja” Wo arz karta hai k kese Thehar jau'n Hala'nki Mere Padhne Wale ki Magfirat nahi hui,*
*"_Haq Ta’ala Shanh irshad farmate hai’n, ”Maine Uski Magfirat karne ke Liye hi Tujhko Uski Zubaan Se Jaari kiya tha,”*

*📚 Kanzul Ummal- 1/48,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝57 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Sone Wala Jab Karwat Badle To Ye Kalmaat Kahe, Gunaah Ma'af _,*

*❉⇨ Jab Banda Apne Bistar Per Ya Zameen Per Sone ke Liye let ta hai Fir Raat ko daayi Jaanib Ya baayi Jaanib karwat Leta hai fir Wo "Ash'hadu Allaailaha illallahu vahdahu La sharika lahu lahul mulku va lahul hamdu Yuhyi va Yumeetu va huva hayyu la yamutu biyadihil khayru va huva alaa kulli shay'in qadeer _," Padhta hai To Haq Ta’ala Shanh Farishto Se farmate hai'n -*
*“_ Mere Bande Ko Dekho is Waqt bhi Mera Banda Mujhe Bhoola Nahi, Mai'n Tumko Gawah banata hu’n k Maine is Per Rahmat Naazil ki aur iski Magfirat kar di,”*

*📚 Kanzul Ummal- 15/ 345,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝58 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_  Fajar ki Namaz ke Baad 100 Martaba Sub'hanallah aur 100 Martaba La ilaaha illallah Padhiye, Saare Gunaah Ma'af _,*

*❉⇨ Hazrat Abu Huraira Raziyallahu Anhu Se Rivayat hai k Rasulullah ﷺ ne irshad farmaya-*
*”_Jisne Subeh ki Namaz ke Baad 100 Martaba Sub'hanallah Aur 100 Martaba La ilaaha illallah Padha To Uske Gunaho'n ki Magfirat kar di jayegi Chahe Uske Gunaah Samundar ki jhaag ke Barabar ho,”*

*📚_ Kanzul Ummal- 1/ 464,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝59 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Namaz ke Baad Ye Tasbeeh Padhiye, Gunaah Ma'af _,*

*❉⇨ Hazrat Anas Raziyallahu Anhu Se Rivayat hai K Rasulullah ﷺ ne irshad farmaya-*
*”_ Jo shakhs Namaz Ke Baad kahe "Sub'hanallahil Azeemi wa Bihamdihi La havla vala quvvata illa billahi" Wo Shakhs is Haal me khada hoga k Uski Magfirat Ho Chuki hogi _,*

*📚 Ravaah Al Bizzaar, Kazafil Targeeb, 2/ 454,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝60 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Subeh v Shaam 100 martaba “Sub'hanallahi vabihamdihi ” Padhiye, Saare Gunaah Ma'af _,*

*∆⇨ Hazrat Abu Huraira Raziyallahu Anhu Se Rivayat hai K Rasulullah ﷺ ne irshad farmaya-*
*”Jo shakhs Subeh ko 100 Martaba aur Shaam ko 100 Martaba "Sub'hanallahil Vabihamdihi _" Padhe uske Gunaho'n ki Magfirat kar di jayegi, Chahe Uske Gunaah Samundar ke Jhaag Se Zyada ho’n,”*

*📚 Kanzul Ummal- 1/472,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝61 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ Juma ke Din Fajar ki Namaz Se Pehle ye Dua Padhiye, Saare Gunaah Ma'af _,*

*❉⇨ Hazrat Anas Raziyallahu Anhu Se Marvi hai k Rasulullah ﷺ ne irshad farmaya-*
*”_ Jo shakhs Juma ke Din Fajar ki Namaz Se Pehle 3 Martaba "Astagfirullahillazi laa ilaaha illa huval hayyul qayyoom va atubu ilayhi," Padhe To Allah Ta’ala Uske Gunaho'n ki Magfirat farma de'nge Chahe Uske Gunaah Samundar ke jhaag ke barabar ho’n,”*

*📚 Ravaah ibnul Sunni kazafi amalal Yaum- 83,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝62 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ _Subeh Shaam 100 Martaba Sub'hanallahi Wa Bihamdihi Padh Liya Kare'n, Do Hazaar Nekiya'n milengi _,*

*❉_ Hazrat Abu Darda Raziyallahu Anhu Se Rivayat hai k Rasulullah ﷺ ne irshad farmaya-*
*"_ Tumme Se Koi Shakhs is Baat Ko na Chhode K Wo Do Hazaar Nekiya'n Kar Liya kare, Subeh Ke Waqt aur Shaam Ke Waqt Sub'hanallahi Wa Bihamdihi 100 Martaba keh Liya kare To Uske Liye Do Hazaar Nekiya'n Ho Jayengi, itne Gunaah in Sha Allah Rozana Ke ho'nge bhi Nahi aur is Tasbeeh Ke Alawa Jitne Nek Kaam kiye Ho'nge Unka Sawab Alhaida Nafa me hai _,*

*📚 Kanzul Ummal- 2/236,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝63 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ Subeh v Shaam Ye kalmaat 10 martaba kaha Karo, 10 Gunaah Ma'af _,*

*❉⇨ Hazrat Abu Ayyub Ansari Raziyallahu Anhu Se Rivayat hai K Rasulullah ﷺ ne irshad farmaya-*
*”_Jis Shakhs ne Subeh ke waqt "La ilaaha illallahu vahdahu La Sharika lahu lahul mulku va lahul handu Yuhyi va Yumeetu va huva Alaa kulli shayin qadeer" 10 martaba Padha To Allah Ta’ala Uske Liye 10 Nekiya’n likhe'nge Aur 10 khatao’n ko Ma'af farma de'nge Aur ye kalmaat uske liye 10 gulaam Azaad karne ke Barabar ho'nge,*

*❉_ Aur Allah Ta’ala usko Shaitan Se panah me rakhe'nge Aur jis Shakhs ne kalmaat Mazkura ko Raat ke waqt Padha To bhi mazkura fazilat Haasil hogi,”*

*📚 Kazafil Targeeb, 1/455, Ravaah Ahmad v Nasaa'i,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝64 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_Allah Ke Pasandida Chaar Kalme,*

*❉⇨ Hazrat Abu Huraira Raziyallahu Anhu Se Rivayat hai K Rasulullah ﷺ ne irshad farmaya-*
*”_Allah Rabbul izzat ne Chaar kalme Chun Liye hai'n, "Shubhanallahi Walhamdulillahi Wa laa ilaaha illallahu Wallahu Akbar_"*
*"_ Jisne kaha "Subhanallah" Uske Liye 20 Nekiya’n Likhi Jaye'ngi aur 20 khatae’n Ma'af ki jayengi Aur jisne "Allahu Akbar" kaha usko bhi itna hi Sawab milega Aur jisne La ilaaha illallah kaha uske liye bhi itna Sawab hai _,*

*❉_ Aur jisne ikhlaas Se "Alhamdulillahi Rabbil Aalameen" kaha Uske Liye 30 Nekiya’n likhi jaayegi, 30 khatae’n Ma'af ho'ngi,”*

*📚 Kanzul Ummal- 1/461,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝65 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ Musafe ke Waqt Dono ”Yagfirullahu Lana Va Lakum” aur Mizaaj pursi ke Waqt ”Alhamdulillah” kahe Dono ke Gunaah Ma'af _,*

*❉⇨ Hazrat Bara’a bin Aazib Raziyallahu Anhu Farmate hai’n k Rasulullah ﷺ ne irshad farmaya-*
*”Jab Do Musalman Mulaqaat ke Waqt Musafa karte hai’n aur Allah Ta’ala ki Tareef karte hai’n aur Allah Ta’ala se magfirat Talab karte hai’n, (Yani Musafe ke Waqt "Yagfirullahu Lana va lakum" aur Mizaaj pursi ke waqt "Alhamdulillah" kehte hai’n) To Unki Magfirat kar di jati hai,*

*📚 Abu Da'uwd, 2/ 708,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝66 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ Khane ke Baad aur Kapda Pehante Waqt Ye Dua padhiye, Aapke Agle Pichhle Gunaah Ma'af _,*

*❉ ⇨ Hazrat Anas Raziyallahu Anhu Se Rivayat hai k Rasulullah ﷺ ne irshad farmaya-*
*”_ Jis Shakhs ne khana kha kar Ye Dua Padhi "Alhamdu lillahillazi At’amni haazatt’aama va razaqnihi min gayri Havli minni vala quvvati" (Tarjuma) Tamaam Tareefe Allah ke liye hai jisne Mujhe Ye khana khilaya aur Meri Koshish aur Taaqat ke bager Mujhe Ye Naseeb farmaya,*
*"_ To uske Agle Pichhle Gunaah Ma'af ho jate hai’n,*

*❉ _Aur Jisne Kapda Pehan kar Ye Dua Padhi "Alhamdu lillahillazi kasaani haaza va razaqanihi min gayri Havli minni vala quvvati" (Tarjuma) Tamaam Tareefe Allah Ta’ala ke Liye hai Jisne Mujhe Ye kapda Pehnaya aur Meri Koshish aur Taaqat ke Bager Mujhe ye Naseeb farmaya,*
*"_To Uske Agle Pichhle Gunaah Ma'af ho jate hai’n, ”*

*📚Abu Dauwd, 2/557,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝67 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ Akhtaam E Majlis Per Ye Dua Padhiye, Gunaah Ma'af _,*

*❉ ⇨ Hazrat Juber bin Mut’im Raziyallahu Anhu Se Rivayat hai k Rasulullah ﷺ ne irshad farmaya-*
*”_Jisne Majlis Ke Khatm hone Per kaha "Sub'haa nakallahumma va bihamdika Ash'hadu an laa ilaaha illa anta Astagfiruka va Atubu ilayka," To Agar ye Zikr ki Majlis thi to is Majlis per Muhar laga di jayegi Aur Agar ye Behuda aur Laayani Majlis thi to Ye kalmaat Un majlis ka kaffara ban jayenge,”*

*📚 Akhraja Nasaa'i v Tibrani v Haakim v Kanzul Ummal- 9/142,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝68 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Juma ke Din Fajar ki Namaz Se Pehle Ye Dua Padhiye, Saare Gunaah Ma'af _,*

*❉⇨ Hazrat Anas Raziyallahu Anhu Se Marvi hai k Rasulullah ﷺ ne irshad farmaya-*
*”_Jo shakhs juma ke Din Fajar ki Namaz Se Pehle Teen Martaba "Astagfirullahillazi laa ilaaha illa huval hayyul qayyoom va atubu ilayhi" Padhe to Allah Ta’ala Uske Gunaho'n ki Magfirat farma de'nge Chahe Uske Gunaah Samundar ke Jhaag ke Barabar ho’n,”*

*📚 Ravaah ibnul Sunni kazafi Amal Al-Yaum, Hadees 83 safa 34,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝69 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Fajar aur Asr Ke Baad Ye Dua Padhiye, Saare Gunaah Ma'af _,*

*❉⇨ Hazrat Mu’aaz bin Jabal Raziyallahu Anhu Se Rivayat hai k Maine  Rasulullah ﷺ Ko farmate hue suna hai k,-*
*”_Jo shakhs Fajar ki Namaz ke Baad Teen Martaba aur Asr ki Namaz ke Baad Teen Martaba "Astagfirullahillazi laa ilaaha illa huval hayyul qayyoom va atubu ilayhi" Padhe to Uske Gunaho'n ki Bakhshish ho jayegi Chahe Uske Gunaah Samundar ke Jhaag Ke baraybar hi kyu'n na ho’n_,*

*📚_ Kanzul Ummal- 2/150,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝70 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Let te Waqt Ye Dua Teen martaba Padhiye Saare Gunaah Ma'af _,*

*❉⇨ Hazrat Abu Saeed Khudri Raziyallahu Anhu Se Rivayat hai K Rasulullah ﷺ ne irshad farmaya-*
*”Jo Shakhs Apne Bistar Per Let te hue Teen Martaba "Astagfirullahillazi laa ilaaha illa huval hayyul qayyoom va atubu ilayhi" Padhe To Uske Gunaho'n ki Magfirat kar di jayegi Chahe Samundar ke Jhaag ke Barabar ho’n, Chahe Darakht ke Patto ke Shumar ke muwafiq ho’n, Chahe tah ba tah Ret ke Zarro ke Barabar ho’n, Chahe Duniya ke Dino ke adad ke muwafiq ho’n_“*

*📚 Ravaah Tirmizi Kaza Fil Targeeb-1/416, Tirmizi -2/175, Kanzul Ummal- 15/334,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝71 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ _Bedaar hote hi Ye Dua Padhiye, Gunaah Ma'af,*

*❉⇨ Hazrat Ubada bin Samit Raziyallahu Anhu Se Rivayat hai k Rasulullah ﷺ ne irshad farmaya-*
*”_Jis Shakhs ne Bedaar hote hi Ye Dua padhi "Laa ilaaha illallahu vahdahu La sharika lahu lahul mulku va lahul handu va huva Alaa kulli shayin qadeer, Alhamdulillahi va subhanallahi va laa ilaaha illallahu vallahu akbar valaa havla valaa quvvata illa billahi ,"*
*"_ Aur fir usne yu’n kaha "Allahummagfirli" Ya aur koi Dua maa'ngi to Allah Ta’ala qubool farmaenge, Uske baad Vazu karke Namaz padhi To Uski Namaz Qubool hogi,”*

*📚 Ravaah Bukhari v Abu Dauwd 273, Targeeb-1/421,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝72 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ _ Allah ki Raza ke Liye Surah Yaseen Padhiye, Gunaah Ma'af,*

*❉ _Hazrat Jundub Raziyallahu Anhu Se Rivayat hai k Rasulullah ﷺ ne irshad farmaya-*
*”_ Jis Shakhs ne Surah Yaseen kisi Raat me Allah Ta’ala ki Raza ke Liye Padhi To Uski Magfirat kar di jati hai,”*

*📚 Ibne Hibaan -4/121,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝73 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ _Surah Mulk Padh lijiye Gunaah Ma'af _,*

*❉⇨ Hazrat Abu Huraira Raziyallahu Anhu Se Rivayat hai K Rasulullah ﷺ ne irshad farmaya-*
*”_ Qur'an E Kareem me Ek Surat 30 Aayat ki Esi hai k Wo Apne Padhne Wale ki Shafa’at karti Rehti hai Yaha'n Tak k Uski Magfirat kar di jati hai, Wo Surat Tabarakallazi hai”*

*📚 Tirmizi, 2/113,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝74 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Fajar ki Namaz Ke Baad 100 Martaba Surah Ikhlaas Padhiye, Gunaah Ma'af _,*

*❉⇨ Hazrat Vaasila bin Asqa Raziyallahu Anhu kehte hai’n k Maine Rasulullah ﷺ Ko ye irshad farmate hue suna-*
*”_Jis Shakhs ne Subeh ki Namaz Padhi Fir Bolne Se Pehle 100 Martaba Surah ikhlaas Padhi ( Qul Huvallahu Ahad) To Allah Ta’ala Uske Ek Saal Ke Gunaho'n ki Magfirat farma de'nge,”*

*📚 Kanzul Ummal- 2/152,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝75 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Juma ki Namaz ke Baad Surah Fatiha, Surah ikhlaas aur Surah Ma'uzateen 7-7 Martaba Padhiye, Saare Gunaah Ma'af _,*

*❉⇨Hazrat Ayesha Raziyallahu Anha Se Rivayat hai k Rasulullah ﷺ ne irshad farmaya-*
*”_Jo shakhs Juma ki Namaz ke Baad "Qul huvallahu Ahad, Qul A’uzu birabbil Falaq, Qul A’uzu birabbin Naas, Saat saat martaba Padhe To Allah Rabbul izzat Aa’inda Juma Tak Buraryi Se Panaah me rakhenge,” ( Gunaah ke irtkaab se badhkar Aadmi ke liye konsi Buraryi ho sakti hai)*

*📚 Akhraja Ibnul Sunni Fi Amal Al-Yaum Val Laylah, 1/145,*

*❉_  Aur Qaseeri ki Rivayat me Alfaaz E Hadees is tarah hai’n –*
*”_Jo Shakhs Juma Ke Din imaam ke Salam fairne ke Baad usi Haalat me Bethe hue "Surah Fatiha, Qul huvallahu Ahad, Qul A’uzu birabbil Falaq, Qul A’uzu birabbin Naas, Saat Saat Martaba Padhe To Uske Agle Pichhle Gunaho'n ki Magfirat kar di jayegi,*
*"_ Aur jitne Log Allah aur Qayamat ke Din Per imaan Rakhte hai’n Unke Adad ke Ba-qadr usko Ajar ata kiya jayega,”*

*📚 Asqlaani- 98,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝76 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ _Surah Hashr ki Aakhri Teen Aayate’n Padhiye, Saare Gunaah Ma'af _,*

*❉⇨ Hazrat Anas bin Maalik Raziyallahu Anhu Se Rivayat hai k Rasulullah ﷺ ne irshad farmaya-*
*”_Jisne Surah Hashr ki Aakhri Teen Aayaat Padhi To Uske Agle Pichhle Gunaho'n ki Magfirat kar di jayegi,”*

*📚 Abu ishaaq, Asqlaani- 102,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝77 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Har Roz 200 Martaba Surah ikhlaas Padhiye, 50 Saal ke Gunaah Ma'af _,*

*❉⇨ Hazrat Anas Raziyallahu Anhu Se Rivayat hai k Rasulullah ﷺ ne irshad farmaya-*
*”_Jis Shakhs ne Har Roz 200 Martaba "Qul huvallahu Ahad" Padhi Uske 50 Saal Ke Gunaah Ma'af kar diye jayenge Magar Ye k Us Per Qarz ho, ”*

*📚 Ravaah Tirmizi, 2/448,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝78 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Gunaah Per Sharmindgi ka izhaar kijiye, Gunaah Ma'af _,*

*❉⇨ Hazrat Abdullah bin Mas'oud Raziyallahu Anhu Se Rivayat hai K Rasulullah ﷺ ne irshad farmaya-*
*”_Jis Shakhs ne koi Galti ki ya koi Gunaah kiya Fir Us Per Sharminda hua To Ye Sharmindgi Uske Gunaah ka kaffara hai,”*

*📚 Ravaah Bayhqi fi Sh’abul imaan, 5/387,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝79 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Ey Allah! Teri Magfirat Mere Gunaho'n Se Bahut Zyada wasee hai aur Mai'n Apne Amal Se Zyada Teri Rehmat ka Ummeedvaar hu’n” Teen Martaba Kehne Se Gunaah Ma'af _,*

*❉⇨ Hazrat Jaabir bin Abdullah Raziyallahu Anhu farmate hai’n k Ek Shakhs Rasulullah ﷺ Ki khidamat me Haazir hua aur kehne laga- ”Haay Mere Gunaah! Haay Mere Gunaah! Usne Ye Do ya Teen Martaba kaha, Rasulullah ﷺ ne Usse kaha, Kaho :-*
*"_Allahumma Magfiratuka av sa’u min zunubi va rahmatuka arjaa indii min amali,*
*(Tarjuma):- Ey Allah ! Teri Magfirat Mere Gunaho'n Se Bahut Zyada wasee hai aur Mai'n Apne Amal Se Zyada Teri Rehmat ka Ummeedvaar hu’n,”*

*❉_ Us Shakhs ne Ye kalmaat kahe, Aap ﷺ ne irshad farmaya, Fir kaho, Usne fir kahe, Aap ﷺ ne irshad farmaya, Fir kaho, Usne Teesri Martaba bhi Ye kalmaat kahe, Iske baad Aap ﷺ ne irshad farmaya, ”Uth jao, Allah Ta’ala ne Tumhari Magfirat farma di,”*

*📚 Mustadrak Haakim, 1/543,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝80 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Nadamat Ke Saath Apne Gunaah ka iqraar kijiye aur Ma'afi Maa'ngiye, Gunaah Ma'af_,*

*❉⇨ Hazrat Abu Huraira Raziyallahu Anhu Se Rivayat hai k Maine Rasulullah ﷺ ko irshad farmate hue suna:-*
*‘_ Koi Banda jab Gunaah kar leta hu fir (Naadim ho kar) kehta hai: Mere Rab! Mai'n To Gunaah kar betha Ab Tu Mujhe Ma'af farma de, To Allah Ta’ala Farishto ke Saamne farmata hai, ”Kya Mera Ye Banda Ye jaanta hai k Uska koi Rab hai Jo Gunaho'n ko Ma'af karta hai aur Un Per Pakad bhi kar Sakta hai,?( Sun lo) Maine Apne Bande ki Magfirat kar di,”*

*❉_ Fir wo Banda jab Tak Allah Chahe Gunaah Se ruka rehta hai, fir koi Gunaah kar bethta hai To (Naadim hokar) kehta hai, ”Mere rab! Mai'n To Ek aur Gunaah kar betha Tu usko bhi Ma'af kar de, To Allah Ta’ala farishto Se farmata hai, ”kya Mera ye Banda ye Jaanta hai k uska Koi Rab hai Jo Gunaho'n ko Ma'af karta hai aur Un Per Pakad bhi kar Sakta hai ? (Sun lo) Maine Apne Bande ki Magfirat kar di,” Fir wo Banda Jab Tak Allah Ta’ala Chahe Gunaah Se ruka rehta hai,*

*❉_ iske Baad fir koi Gunaah kar bethta hai To (Naadim hokar) kehta hai, “Mere Rab! Mai'n To Ek aur Gunaah kar betha Tu usko bhi Ma'af kar de,” To Allah Ta’ala Farishto ke Saamne farmata hai, ”Kya Mera ye Banda Jaanta hai k Uska koi Rab hai Jo Gunaho'n ko Ma'af karta hai aur Un Per Pakad bhi kar sakta hai ? (Sun lo) Maine Apne Bande ki Teesri Martaba bhi Magfirat kar di, Banda Jo chyahe kare,”*

*📚 Bukhari,, 2/1117,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝81 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Aapke Gunaah Aasmaan ki Bulandi Tak Pahu'nch Jaye, To Ma'afi Maa'nge, Gunaah Maaf_,*

*❉ ⇨ Hazrat Anas bin Maalik Raziyallahu Anhu Se Rivayat hai k Rasulullah ﷺ ne irshad farmaya-*
*”_Allah Ta’ala irshad farmata hai, Ey Aadam ke Bete! Beshaq Tu Jab Tak mujhse Dua maa'ngta rahega aur (magfirat ki) Ummeed rakhega, Mai'n Tujhko Ma'af karta rahu'nga, Chahe kitne hi Gunaah kyu na ho aur Mujhko iski parvaah na hogi, Yani Tu Chahe kitna hi Bada Gunahgaar ho Tujhe Ma'af karna Mere Nazdeek koi Badi Baat nahi hai,*

*❉  Aadam ke Bete ! Agar Tere Gunaah Aasmaan ki Bulandiyo'n Tak bhi Pahu'nch jaye fir Tu mujhse Bakhshish Chahe To Mai'n Tujhko Bakhsh dunga aur Mujhko iski parvaah nahi hogi, ”*

*📚 Tirmizi, 2/193,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝82 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Jume Ki Raat me Hameem Ad Dukhan Padhiye, Gunaah Ma'af,*

*❉⇨ Hazrat Abu Huraira Raziyallahu Anhu Se Rivayat hai k Rasulullah ﷺ ne irshad farmaya-*
*”_ Jis Shakhs ne Hameem Ad Dukhan ko Sahabe Juma me Padha To Uski Magfirat kar di jayegi,”*

*📚 Kanzul Ummal- 1/581,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝83 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Jo Magfirate Khudawandi Per Kaamil Yaqeen rakhta hai, Uske Gunaah Ma'af _,*

*❉⇨ Allah Jal Jalalahu ne irshad farmaya-*
*”_Jis Aadmi ne Ye Yaqeen kar Liya k Mai'n Gunaho'n ki Magfirat Per Qaadir hu’n To Mai'n Uski Magfirat kar du'nga, Mujhe koi parwah Nahi Jab Tak Wo Mere Saath Shirk na kare,”*

*📚 Jaami'a Tirmizi, 2/72,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝84 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Kasrat se istagfar karte raho, har Tangi se Nijaat aur Qayamat ke Din Masarrat hogi _,*

*❉⇨ “Jo Shakhs istagfaar me laga rahega yani Jo Shakhs kasrat se istagfaar padhega, Allah Ta’ala Uske liye har Tangi Se Nikalne ka Raasta paida farma dega_”*

*📚 Abu Da'uwd, Nasaa'i, Ibne Maaja, ibne Hibaan An ibne Abbas -1/213)*

*❉⇨”Jo Shakhs Ye Chahta hai k (Qayamat ke Din) Uska Naama A'amaal usko Khush kare To Kasrat Se istagfaar kare _,*

*📚 Tibrani,, 1/465,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝85 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ _ Allah Ta’ala ne Qasam khayi hai k Bande Jab Tak istagfaar Karte Rahenge, Allah Ta’ala Ma'af Farmata Rahega _,*

*❉⇨ Iblees ne apne Rab se kaha-  ”Teri izzat aur Jalaal ki Qasam ! Jab Tak Bani Aadam me Rooh Rahegi Mai'n Unko Gumraah karta rahu'nga, ”*
*"_ Haq Ta’ala Shanh ne usse farmaya, ”Meri izzat aur Jalaal ki Qasam ! Jab Tak wo Mujhse Magfirat Talab karte Rahenge Mai'n bhi Unko Musalsal Ma'af karta Rahu'nga,”*

*📚 Kanzul Ummal- 1/481,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝86 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Tauba ka Darwaza Khatkhatiye, Gunaah Ma'af _,*

*❉⇨ Allah Rabbul izzat ka paak irshad hai k ”Mujhse badhkar kon Sakhi hai, Bando'n ki khwabgaho me hifazat karta hu’n goya Unhone Meri Nafarmani nahi ki, Aur ye Mera karam hai k Tauba karne wale ki Tauba qubool karta hu’n, Hattaki Wo Tauba hi karta rehta hai,*
*"_ Wo Kon hai Jisne Mera Darwaza khatkhataya aur Maine Uske liye Darwaza na khola ho ? Kon hai Jisne Mujhse Maa'nga ho aur Maine usko na diya ho?Kya Mai'n Bakheel hu’n k Banda Mujhko Bukhl ki Taraf Mansoob karta hai ?,”*

*📚 Kanzul Ummal- 4/229,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝87 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ _ Rabbigfirli Keh dijiye, Aapke Gumaah Ma'af _,*

*❉⇨ Banda Arz karta hai- “Ey Rab ! Mujhe Ma'af kar de Tehqeeq k Mai'n Gunaah kar betha, ”*
*"_ Farishte Arz karte hai’n, ”Ey Baari Ta’aala ye iska (Magfirat ka) Ahal Nahi hai,”*
*"_ Haq ta’aala Shanh irshad farmate hai’n, ”Lekin Mai'n To is Baat ka Ahal hu’n k Uski Magfirat kar du’n, ”*

*📚 Kanzul Ummal- 1/480,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝88 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Jisko istagfaar ki Tofeeq mil gayi, Uske Gunaah Ma'af _,*

*❉⇨ Jisko 4 Cheeze'n mil gayi'n Wo 4 Cheezo'n Se Mehroom Nahi Raha:-*
*1- Jisko Dua mil gayi wo qubuliyat Se Mehroom nahi raha, isliye k Allah Ta’ala farmate hai’n, ”Mujhse Dua maa'ngo, Mai'n Tumhari Dua Qubool karunga,”*
*2- Jisko Shukr mil gaya Wo Zyadti Se Mehroom nahi raha, isliye k Allah Ta’ala farmate hai’n, ”Agar Tum Shukr karoge To Fir Mai'n Tumhari Ni’amato me izaafa karunga,”*
*3- Jisko istagfar mil gaya wo Magfirat Se Mehroom nahi raha, isliye k Allah Ta’ala irshad farmate hai’n, ”Apne Rab Se Bakhshish Chaho Wo Bahut Ma'af karne wala hai,*
*4- Jisko Tauba mil gayi Wo qubuliyat se mehroom nahi raha, isliye k Allah Ta’ala irshad farmate hai’n, ”Allah Ta’ala Wo hai Jo Apne Bando'n ki Tauba Qubool karta hai”*

*📚 Kanzul Ummal- 15/874,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝89 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ Har Namaz Se Pehle 10 Martaba istagfaar kijiye, Gunaah Ma'af _,*

*❉⇨ Hazrat Umme Ra'afe Raziyallahu Anhu Se Rivayat hai k Rasulullah ﷺ ne irshad farmaya-*
*”_Jab Tum Namaz ke liye khade ho To 10 Martaba Sub'hanallah kaho aur 10 martaba Laa ilaaha illallah kaho aur 10 martaba Astagfirullah kaho,*

*❉ Sub'hanallah ke Jawab me haq Ta’ala Shanh farmate hai’n Ye mere liye hai Aur Jab Tumne Laa ilaaha illallah kaha to Haq Ta’ala Shanh irshad farmate hai’n Ye Mere liye hai Aur Jab Tumne Astagfirullah kaha to Haq Ta’ala Shanh irshad farmate hai’n Maine Tumhari Magfirat kar di,”*
*(10 martaba Astagfirullah kehne Per jawab me 10 martaba irshad hota hai Maine Teri Magfirat kar di)*

*📚 Kanzul Ummal- 7/531,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝90 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ _Shabe Bara’at me Ma'afi Maa'ngiye, Gunaah Ma'af _,*

*❉⇨ Hazrat Ali Karamullahu Vajhu Se Rivayat hai k Rasulullah ﷺ ne irshad farmaya-*
*”_Jab Shabaan ki 15 vi Raat aaye To is Raat me Allah ke Huzoor Nawafil Padho, is Din Ko Roza rakho kyunki is Raat Gurube Aaftaab hote hi Allah Ta’ala ki Khaas Tajalli aur Rehmat Pehle Aasman Per utar aati hai aur wo irshad farmata hai, ”Hey koi Banda Jo Mujhse Bakhshish aur Magfirat Talab kare aur Mai'n Uski Magfirat ka faisla karu'n, Koi Banda hai Jo Rozy Maa'nge aur Mai'n usko Rozy dene ka faisla karu'n, Koi Mubtlaye musibat Banda hai Jo Mujhse Sahat aur Aafiyat ka Sawaal kare aur Mai'n Usko Aafiyat ata karu'n,”*

*❉_ is Tarah Mukhtalif Qism ke Haajat mando ko Allah Pukaarta hai k Wo is waqt Mujhse Apni Haajate Maa'nge aur Mai'n ata karu'n, Guroob Aaftaab Se le kar Subeh Sadiq Tak Allah Ta’ala ki Rehmat isi Tarah Apne Bando'n ko Pukaarti rehti hai,”*

*📚 Ravaah Ibne Maaja Kazafil Targeeb- 2/119,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝91 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Har Namaz Ke Baad "Astagfirullah Wa Atubu ilaihi" Kahe, Saare Gunaah Ma'af_,*

*❉ _ Hazrat Bar'a bin Aazib Raziyallahu Anhu Se Rivayat hai K Rasulullah ﷺ ne farmaya-*
*"_ Jo Shakhs Har Namaz Ke Baad "Astagfirullah Wa Atubu ilaihi" Padha Kare To Uski Magfirat kar di jayegi Khwah Wo Maidane Jung Se Bhaag Kar Hi Kyu'n na Aaya Ho _,*

*📚 Ravaah Tibrani, Targeeb- 2/454,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝92 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_  Bando'n ki Bimaari Gunaah aur Uska ilaaj istagfaar hai _,,*

*❉⇨ Hazrat Anas bin Maalik Raziyallahu Anhu Se Rivayat hai k Rasulullah ﷺ  ne irshad farmaya-*
*”_ kya Mai'n Tumko Tumhare Marz aur Tumhari Dava ke bare me na batau’n? Gor se Suno! Tumhara Marz Gunaah hai aur Tumhari Dava istagfaar hai, ”*

*📚 Kanzul Ummal- 1/479,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝93 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Jiska Dil Allah Ke Raaste me Kapkapaya, uske Gunaah Ma'af _,*

*❉⇨ Hazrat Salman Raziyallahu Anhu Se Rivayat he k Rasulullah ﷺ ne irshad farmaya-*
*”_ Jab Musalman ka Dil Allah ke Raaste me kapkapane Lage to Uski khataye Ese jhadti hai Jese khajoor Ke khoshe ( Tez hawa ke Chalne se ) gir jate hai’n _,*

*📚 Kanzul Ummal- 4/280,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝94 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Jo Log Sirf Raza E ilaahi Ke Liye Allah Ko Yaad karte hau’n, Unke Gunaah Ma'af _,*

*❉⇨Hazrat Anas Raziyallahu Anhu Se Rivayat hai K Jo bhi Qaum jama ho kar Allah ka Zikr karti hai aur Maqsood Allah ki Raza hi hota hai to Aasmaan Se Ek Farishta NIDA karta hai:-*
*”_Khade ho jao Tumhari Magfirat kar di gayi aur Tumhari Buraiyo'n Ko Nekiyo'n Se Tabdeel Kar diya gaya _,*

*📚 Kanzul Ummal- 9/133,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝95 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Ni’amat milne Per Allah ki Baar Baar Taareef kijiye, Gunaah Ma'af _,*

*❉⇨ Hazrat Jaabir Raziyallahu Anhu farmate hai’n k Rasulullah ﷺ ne irshad farmaya-*
*”_Allah jal jalalhu Apne Bande ko koi Ni’amat ata farmate hai’n Fir Banda Allah ki Tareef karta hai (Alhamdulillah) To Usne Us Ni’amat ka Shukr ada kar diya,*

*❉⇨Fir Agar Doosri Martaba ”Alhamdulillah” kahe To Allah Ta’ala Uske sawab ki Tajdeed farma dete hai’n, Fir agar Teesri martaba "Alhamdulillah” kahe To Allah Ta’ala Uske Gunaho'n ki Magfirat farma dete hai’n,”*

*📚 Ravaah Haakim v Sahih Targeeb- 2/427, Kanzul Ummal- 3/253,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝96 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞_ Gafileen ke Majm’a me Allah ko Yaad kijiye, Saare Gunaah Ma'af _,*

*❉⇨ Hazrat Abdullah bin Umar Raziyallahu Anhu Se Rivayat hai k Rasulullah ﷺ ne irshad farmaya-*
*”_ Gafileen ke Majma’a me Allah ka zikr karne Wala Us Sarsabz Darakht ki Tarah hai Jo Sookhe Darakhto me ho, Gaafil Logo'n me Allah ka Zikr karne Wala Us Chiraag ki Tarah hai Jo Andhere Ghar me rakha hua ho, Aur gaafil Logo'n ke Majma’a me Allah Ta’ala ka Zikr karne Wale ko Allah Ta’ala Uski Zindgi me hi Jannat me Uska Thikana dikha de'nge, Har insaan aur Jaanwar ki Tadaad ke muwafiq Allah Ta’ala Uski Magfirat farmayenge,*

*❉_ Aur gafileen me Allah Ta’ala ka Zikr karne Wale ki Taraf Haq Ta’ala Shanh Esi Nazar Se dekhenge k kabhi bhi Usko Azaab nahi de'nge, Bazaar me Allah Ta’ala ka Zikr karne wale ke liye Uske har Baal ke Badle Qayamat ke Din Noor hoga_,”*

*📚 Ravaah Bayhqi fi Sho'ab Kaza Fil Targeeb-2/532,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝97 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ _ Mayyat ko Gusl dijiye aur Uske Uyoob Chhipaiye, Aapke 40 Kabeera Gunaah Ma'af aur Qabr khodne ka Sawab _*

*❉⇨ Hazrat Abu Raaf’a Raziyallahu Anhu Se Rivayat hai k Rasulullah ﷺ ne irshad farmaya-*
*”_Jo Shakhs Mayyat ko Gusl deta hu aur Uske Satar ko aur Agar koi aib paye To Usko Chhipata hai To Allah Ta'ala Uske 40 Bade Gunaah Ma'af farma dete hai’n,*

*❉_ Aur Jo Apne Bhai ki (mayyat) ke liye Qabr khodta hai aur Usko Usme Dafan karta hai To goya Usne ( Qayamat ke Din) Dobara Zinda Uthaye Jane Tak Usko Ek Makaan me thehra diya yani usko is Qadar Ajar milta hai jitna k Us Shakhs ke Liye Qayamat Tak Makaan dene ka Ajar milta,”*

*📚 Tibrani, Majma'uz zawa'id- 3/114,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝98 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ _ Marhoom ki Tareef kijiye, Marhoom ke Gunaah Ma'af _,*

*❉ ⇨ Jab Log kisi ki Namaze Janaza padh le aur Mayyat ke bare me kalmaate khair kahe to Haq Ta’ala Shanh irshad farmate hai'n-*
*” inki Gawahi ko inke ilm ke mutabiq Naafiz kiya aur Jo ye nahi jaante uski bhi magfirat karta hu’n,”*

*📚 Kanzul Ummal- 15/583,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝99 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ _ Do Padosi Gawahi de k Marhoom Bhala Aadmi tha, Marhoom ke Gunaah Ma'af_,*

*❉ ⇨Jab Banda Momin inteqal Kar jaye aur Uske Do Padosi ye keh de k Ye Shakhs Bada Bhala tha iske Alawa Hum kuchh nahi jaante, hala'nki Wo ilme khudawandi me iske Bar Aks tha to Haq Ta'ala Shanh farishto'n Se irshad farmate hai'n-*

*❉ ⇨ Mere Bande ke bare me Mere Bande ki Gawahi Qubool kar lo, Mere ilm ke Mutabiq ye jesa bhi tha usse Darguzar karo,"*

*📚_ Kanzul Ummal- 15/685,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝100 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ _ Jiski Namaze Janaza 100 Aadmiyo ne Padhi, Uske Gunaah Ma'af _,*

*❉⇨ Hazrat Ibne Umar Raziyallahu Anhu se Rivayat hai k Rasulullah ﷺ  ne irshad farmaya-*
*”_Jis Mayyat ki 100 Aadmiyo'n ne Namaze janaza padh li Allah Ta’ala Us Mayyat ki Magfirat farma dete hai’n,”*

*📚 Tibrani v Targeeb- 4/343, Tirmizi, 1/122,*

▔▔▔▔▔▔▔▔▔▔▔▔▔▔▔▔▔▔▔▔▔
*⚄ ℘AЯT↝101 ⚄* ▔▔▔▔▔▔▔▔▔▔▔▔▔▔▔▔▔▔▔▔▔
*☞ _ Musalmano ki Teen Safo ne Jiski Namaz E Janaza Padhi, Uske Gunaah Ma'af _,*

*❉⇨ Hazrat Maalik bin Hubayra Raziyallahu Anhu Se Rivayat hai k Rasulullah ﷺ ne irshad farmaya-*
*”_Jo Musalman inteqal kar jaye aur uski Namaze janaza me Musalmano ki Teen safe Ho'n To Magfirat ya Jannat Waajib ho jati hai,”*

*❉_Aur Harat Maalik Raziyallahu Anhu jab kisi Janaze me Shareek hote to Teen Safe banate is Hadees per Amal karne ki Vajah Se,*

*📚 Tirmizi kazafil Targeeb- 4/343, Abu Dauwd- 2/451,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝102 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Marhoom ke liye Magfirat ki Dua kijiye, Marhoom ke Gunaah Ma'af _,*

*❉⇨ Hazrat Abu Huraira Raziyallahu Anhu Se Rivayat he k Rasulullah ﷺ ne irshad farmaya-*

*”_ Allah Ta’ala ki Taraf Se Jannat me kisi Marde Saaleh ka Darja Ek Dam Buland kar diya jata hai To Wo Jannati Banda Puchhta hai k- Ey Parwardigar! Mere darja aur martaba me Taraqqi kis Vajah Se aur kaha'n Se hui?*

*"_Jawab milta hai Tere Vaaste Teri fala'n Aulaad ki Dua E Magfirat karne ki Vajah se,”*

*❉_ Imaam Bayhqi ne alfaze hadees yu’n naqal kiye hai’n k, “Tere Bete ki Dua ki Vajah se,”*

*📚 Musnad Ahmad- 2/509, Ibne maaja kitabul adab- 260,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝103 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞_Jisne Har Juma Ko Apne Maa'n Baap ya Unme Se Ek ki Qabr ki Ziyarat ki, Uske Gunaah Ma'af _,*

*❉⇨ Hazrat Abu Huraira Raziyallahu Anhu Se Rivayat hai k Rasulullah ﷺ ne irshad farmaya-*

*”_Jo Shakhs Juma ke Din Apne Walden ya Unme Se Kisi Ek ki Qabr ki Ziyarat kare to Uski Magfirat kar di jayegi, aur Usko farmabardar likha jaayega_,”*

*📚 Kanzul Ummal- 17/468,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝104 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _Tamaam Momineen ke liye Dua E Magfirat kijiye, Har Momin ke Evaz Ek Neki likhi Jayegi _,*

*❉⇨ Rasulullah ﷺ Ne irshad farmaya-*

*”_Jo koi Shakhs Momin Mardo'n aur Momin Aurto’n ke liye Magfirat Talab karta hai Allah Ta’ala Uske liye Har momin Mard aur Momin Aurat ke Evaz Ek Neki likh dete hai'n,”*

*📚 Tibrani, Kanzul Ummal- 1/375,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝105 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _Tamaam Momineen ke liye Har Roz 27 Martaba Magfirat ki Dua kijiye, Aap mustjabud D’awaat ban Jaye'nge _,*

*❉⇨Jo shakhs Har Roz Momin Mardo'n aur Momin Aurto’n ke liye 27 Baar Magfirat Talab karega To uska Shumaar un Logo'n me hoga Jinki Dua qubool hoti hai aur jinki Vajah Se Ahle Zameen ko Rizq milta hai,”*

*📚 Tibrani, Kanzul Ummal- 1/486,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝106 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Jo Janaze ke Pichhe Chala uske Gunaah Ma'af _,*

*❉ ⇨ Hazrat ibne Abbaas Raziyallahu Anhu Se Rivayat hai k Rasulullah ﷺ ne irshad farmaya-*

*“_ Banda E Momin ko uski maut ke Baad Sabse Pehli Jo jaza di jati hai wo ye hai k Uske janaze ke Pichhe Chalne Wale Tamaam Afraad ki Magfirat kar di jati hai”*

*📚 Kanzul Ummal- 15/588,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝107 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Jo Vasiyat kar ke Faut hua Uske Gunaah Ma'af _,*

*❉⇨ Hazrat Jaabir bin Abdullah Raziyallahu Anhu Se Rivayat hai k Rasulullah ﷺ ne irshad farmaya-*

*”_ Jisne Vasiyat ki haalat me inteqal kiya (yani is Haalat me jiska inteqal hua k apni Maalyat aur Ma’amlaat Vagera ke bare me Jo Vasiyat Usko karni Chahiye Thi wo usne ki aur sahi ki ) To Uska inteqal theek Raaste per aur Shari’at per chalte hue huva aur uski maut Taqwa aur Shahadat wali maut hui aur uski Magfirat ho gayi,”*

*📚 Ravaah ibne maaja Kazafil Targeeb- 4/426, ibne Maaja,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝108 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Aapas me Muhabbat Rakhne Wale Bande Jab mile'n, Darood Sharif Padhe'n Gunaah Ma'af _,*

*❉⇨ Hazrat Anas bin Maalik Raziyallahu Anhu Se Rivayat hy k Rasulullah ﷺ ne irshad farmaya-*

*”Nahi hai'n Do Bande Jo Aapas me Muhabbat rakhte Ho'n Unme koi Ek jab Apne Saathi ke Saamne aaye aur Huzoor  ﷺ per Dono Darood bheje'n To juda hone Se Pehle un Dono ke Aa'inda aur Guzishta Gunaho'n ki Magfirat kar di jayegi,”*

*📚 Kanzul Ummal- 9/135,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝109 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Huzoor ﷺ per Ek Martaba Darood bhejiye, 10 Gunaah Ma'af _,*

*❉⇨ Hazrat Anas Raziyallahu Anhu Se Rivayat hai k Rasulullah ﷺ ne irshad farmaya-*

*”_Jo Shakhs Mujh per Ek Martaba Darood Sharif bhejta hai Allah Ta’ala us per 10 Rehmate Naajil farmate hai’n, 10 Gunaho'n ko Ma'af farmate hai’n aur iski Vajah Se Uske 10 Darjaat Buland farmate hai’n,”*

*📚 Targeeb-2/494, Ravaah Ahmad, Nasaa'i, ibne Hibaan, Haakim,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝110 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Likha hua Darood Sharif Jab Tak Baqi Rehta hai Farishte Dua E Magfirat karte Rehte hai’n _,*

*❉ ⇨ Hazrat Abu Huraira Raziyallahu Anhu Se Rivayat hai k Rasulullah ﷺ ne irshad farmaya-*

*”_Jis Shakhs ne kisi kitaab me Mujh per Darood sharif likha To Jab Tak Mera Naam Us kitaab me baqi rahega Farishte Uske liye Musalsal Dua E Magfirat karte rahe'nge,”*

*📚 Ravaah Tibrani Kazafil Targeeb- 1/111, Kanzul Ummal- 1/507,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝111 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Apne Maal ki Zakaat Nikaliye, Gunaah Ma'af _,*

*❉⇨ Hazrat Anas bin Maalik Raziyallahu Anhu Se Rivayat hai k Qabila Banu Tameem ka Ek Aadmi Huzoor ﷺ ki khidmat me Haazir hua aur arz kiya-*

*”_ Ya Rasulullah ! Mai'n Bahut Maaldaar Aadmi hu’n aur Ayaaldaar bhi hu’n ( Khoob Wus'at rakhta hu’n ji kholkar kharch kar sakta hu’n) To Aap Mujhe bataiye k kese karu? Aur kis Tarah kharch karu?*

*❉_To Aap Rasulullah ﷺ  ne irshad farmaya-*

*”_Apne Maal ki Zakaat Esi Paaki hai k Tujhko Ma’asi aur Gunaho'n se Paak kar degi, Qareebi Rishtedaro'n Se Silah Rehmi kar, Miskeen aur Padosi aur Saa’il ka Haq Pehchan,”*

*📚 Musnad Ahmad- 3/136,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝112 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _Sadqa Khairat kiya kijiye, Gunaah Ma'af _,*

*❉ ⇨ Hazrat Jaabir bin Abdullah Raziyallahu Anhu Se Rivayat hai k Unhone Suna k Rasulullah ﷺ Ka’ab bin Ajrah se farma rahe hai’n-*

*”_ Ey Ka’ab bin Ajrah! Namaz Allah ke Qurb ka Zariya hai aur Roza Dhaal hai aur Sadqa Gunaho'n ko is Tarah bujha deta hai jis Tarah Paani Aag ko bujha deta hai_,*

*"_Ey Ka’ab bin Ajrah! Log subeh karte hai’n, kuchh To Apni jaan ko bechne wale hai’n Pas Wo Apni Gardan ko Baa'ndhne Wale hai’n aur kuchh Log Apne Nafs ko kharidne Wale hai’n Pas Wo Apni Gardano ko Azaad karne Wale hai’n _,*

*📚 Ravaah Abu Ya'ala Ba Sanad Sahih v Akhraja ibne Hibaan,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝113 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Sadqa e Fitr Eid se Pehle ada kijiye, Gunah Ma'af _,*

*❉⇨ Hazrat ibne Abbaas Raziyallahu Anhu Se Rivayat hai k Rasulullah ﷺ ne irshad farmaya-*

*”_Sadqa E Fitr Rozadaar ko Bekaar aur Fahash Baato Se Paak Kar deta hai (Jo Haalate Roze me usse Sarzad ho gayi thi) Aur Gurba Masakeen ke khane ki Dawat hai, Jisne isko Namaz E Eid Se Pehle Ada kar diya To Bahut hi Maqbool hai Aur jisne isko Namaz( Eid) ke Baad Ada kiya To ye Baqi Sadqa ki Tarah Ek Sadqa hai,“ (Yani Sawab me kuchh Kami aa jati hai),*

*📚 Abu Dawood, 1/227,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝114 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Taajir Hazraat Sadqa khairat kiya kare, Lagv Baato ka Gunaah Ma'af _,*

*❉⇨ Hazrat Qais bin Garzah Raziyallahu Anhu Se Rivayat hai k Rasulullah ﷺ ne irshad farmaya-*

*”_ Ey Ey Saudagaro ! Khareed Farokht me lagv aur Be Faayda Baate bhi ho jati hai’n aur Qasam bhi khayi jati hai to ( iske ilaaj aur kaffare ke liye) iske Saath Sadqa bhi mila diya Karo,”*

*📚 Abu Dawood 2/474,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝115 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Ramzan me Galat Kaam na Kijiye, Roza rakhiye aur Achchhe kaam Kijiye, Gunaah Ma'af _,*

*❉ ⇨ Hazrat Abu Saeed Raziyallahu Anhu Se Rivayat hai k Rasulullah  ﷺ ne irshad farmaya-*

*”_ Jis Bande ne Ramzan ka Roza rakha aur Uske hudood ki Pehchan Haasil ki jin Umoor ki Ri’ayat Zaroori hai unki Ri’ayat ki to Uske Tamaam Guzishta Gunaho'n ki Magfirat kar di jayegi,”*

*📚 Targeeb -2/91, Kanzul Ummal- 8/481,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝116 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _Ramzan me darje Zail kaam kijiye, Gunaah Ma'af _,*

*❉⇨ Hazrat Abu Saeed Khudri Raziyallahu Anhu Se Rivayat hai k Rasulullah ﷺ ne irshad farmaya-*

*”_Ramzanul Mubarak ka Mahina Meri ummat ka Mahina hai, Jab Musalman ne Roza rakha na usne Jhoot bola aur na kisi ki Geebat ki aur Halaal Rizq se Aftaar kiya, Andheri Raat me Fajar aur isha ki Namaz me Jane ki Sa’i karta raha Aur Apne Baqi fara’iz ki hifazat karta raha To Apne Gunaho'n Se Esa Nikal jayega Jese Saa'np Apni Kenchuli Se Nikal jata hai _,*

*📚 Ravaah Abu Shykh Kazafil Targeeb- 2/102,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝117 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Roza rakhne aur Sadqa e Fitr Ada karne Wale ke Gunaah Ma'af _,*

*❉⇨ Hazrat Abu Huraira Raziyallahu Anhu Se Rivayat hai k Rasulullah ﷺ ne irshad farmaya-*

*”_ Jisne Ramzanul Mubarak ke Roze rakhe aur Eid ke Din Gusl kar ke Eidgah ki Taraf gaya Aur Ramzanul Mubarak ko Sadqa E Fitr per khatm kiya to Eidgah Se is haal me lotega k uski Magfirat ho Chuki hogi_”*

*📚 Ravaah Tibrani, Kanzul Ummal- 8/482,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝118 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Ramzan me zikr Karne Wale ke Gunaah Ma'af _,*

*❉⇨ Hazrat Umar Raziyallahu Anhu Se Rivayat hai k Rasulullah ﷺ  ne irshad farmaya-*

*”_Ramzanul Mubarak me Allah Ta'ala ka Zikr Karne Wala Bakhsha Bakhshaya hai Aur Allah Ta’ala Se maa'ngne Wala Namuraad nahi rehta,”*

*📚 Kanzul Ummal- 8/464,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝119 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Ramzan me Ma'afi Maa'ngiye, Gunaah Ma'af _,*

*❉⇨ Hazrat Abdullah bin Mas'oud Raziyallahu Anhu Se Rivayat hai k Rasulullah ﷺ ne irshad farmaya-*

*”_ Jab Ramzaul Mubarak ki Pehli Raat hoti hai To Jannat ke Tamaam Darwaze khol diye jate hai’n Poore Mahine Ek bhi Darwaza Band Nahi Rehta Aur Dozakh ke Darwaze Band kar diye jate hai’n Tamaam Maah koi bhi Darwaza Nahi khulta Aur Sarkash Shayateen Qaid kar diye jate hai’n,*

*❉_ Har Raat Ek Munadi Subeh Tak Pukarta hai, Ey khair ke Talash karne Wale Mutvajjah ho aur Basharat Haasil kar Aur Ey Burayi ke Talabgaar Bas kar aur Aa'nkhe khol, Iske Baad farishta kehta he, Hey koi Magfirat Chahne Wala k Uski Magfirat ki jaye, Hey koi Tauba karne Wala k Haq Ta’ala Shanh uski Tauba Qubool farma le, Hey koi Dua karne Wala k uski Dua Qubool ki jaye, Hey koi maa'ngne Wala k Uska Sawal Poora kiya jaye, ”*

*📚 Kanzul Ummal- 8/470,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝120 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _Jisne Ramzan ke Baad Shawwal me 6 Roze rakhe, uske Saare Gunaah Ma'af _,*

*❉⇨ Hazrat ibne Umar Raziyallahu Anhu Se Rivayat hai k Rasulullah ﷺ ne irshad farmaya-*

*”_Jisne Maahe Ramzan ke Roze rakhe uske Baad Shawwal me 6 (nifl) Roze rakhe Wo Apne Gunaho'n se Nikal jayega, Jis Tarah Apni Maa'n Se Paida'ish ke din tha,“ ( yani koi bhi Gunaah Baqi na rahega),*

*📚 Ravaah Tibrani, Kazafil Targeeb- 2/111,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝121 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Arafa ke Din Roza rakhiye, Do Saal ke Gunaah Ma'af _,*

*❉⇨ Hazrat Abu Qatadah Raziyallahu Anhu Se Rivayat hai k Rasulullah ﷺ Se Arafa Yani 9 Zilhijja ke Roze ke bare me Puchha gaya To Aapne irshad farmaya-*

*” Wo ( 9 Zilhijja ka Roza rakhna) safayi kar dega, isse Pehle Saal ki aur Baad ke Saal ki,”*

*"_Yani iski Barkat Se Ek Saal Pehle aur Ek Saal Baad ke Gunaho'n ki Gandgiya’n dhul jayegi _,*

*📚 Kazafil Targeeb- 2/111,*

*❉_  Ek aur Rivayat me Alfaze Hadees yu’n hai k:-*

*⇨Nabi Kareem ﷺ ne irshad farmaya-*

*”_Mai'n Allah Se Ummeed karta hu’n k Wo ( 9 zilhijja ka Roza) safayi kar dega isse Pehle Saal ki aur Baad ke Saal ki_,”*

*❉_Hazrat Qatada bin N’amaan Raziyallahu Anhu Se Rivayat hai k Maine Rasulullah ﷺ ko irshad farmate hue suna k, Jisne Arafa ke Din Roza rakha yani 9 zilhijja ke Din uski Saale Guzishta aur Saale Aa'inda ke Gunaho'n ki Magfirat kar di jayegi,”*

*📚 Ravaah ibne maaja kazafil targeeb, 2/112,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝122 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Ashura ka Roza rakhiye, Ek saal ke Gunaah Ma'af _,*

*❉⇨ Hazrat Abu Qatada Raziyallahu Anhu Se Rivayat hai k Rasulullah ﷺ Se Ashura ke Roze ke bare me Puchha gaya To Aapne irshad farmaya-*

*”_Ye Guzishta Saal ke Gunaho'n ka Kaffara ban jayega,”*

*❉_ ( Muslim Vagera aur ibne Maaja ke Alfaze Hadees yu’n hai) ”Yome Ashura ke Roze ke bare me Ummeed karta hu’n Allah Ta’ala Se k Wo safayi kar dega Guzishta Saal ke Gunaho'n ki,”*

*📚 Muslim- 1/367, Ibne maaja- 164,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝123 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _Har Maah Teen Roze rakh liya kijiye, Gunaah Ma'af _,*

*❉⇨ Hazrat Maymuna bint Sa’ad Raziyallahu Anha se .arvi hai k Maine arz Kiya - Ey Allah ke Rasool ! Nifl Rozo ke bare me bataiye, Aap ﷺ   ne irshad farmaya-*

*”_ Jo ist’adaad rakhta ho har Mahine Teen Roze rakh liya kare, kyunki har Din ka Roza Das (10) khatao’n ki Bakhshish ka Zariya hai aur ye Gunaho'n Se Esa Saaf Suthra kar deta hai Jese Paani kapde ko,”*

*📚 Ravaah Tibrani fil kabeer kazafil Targeeb, 2/ 121,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝124 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _Jisne Budh Jumerat Aur Juma ke Din Roza rakha uske Gunaah Ma'af _,*

*❉⇨ Hazrat ibne Umar Raziyallahu Anhu Se Rivayat hai k Rasulullah ﷺ ne irshad farmaya-*

*”_Jisne Budh, Jumerat aur Juma ke Din Roza rakha Fir Juma ke Din Sadqa kiya khwah qaleel miqdaar me ya kaseer miqdaar me To Uske Tamaam Gunaho'n ki Magfirat kar di jayegi hattaki Wo Esa ho jayega jesa k Wo Apni Maa'n Se Peda'ish ke Din tha,” ( Yani koi bhi Gunaah Baqi na rahega),*

*📚 Ravaah Tibrani fil Kabeer Bayhqi Targeeb- 2/162,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝125 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _Qaza E Haajat ke Waqt Qibla ki Taraf na Moo'nh kijiye, na Peeth, Ek Gunaah Ma'af _,*

*❉⇨ Hazrat Abu Huraira Raziyallahu Anhu Se Rivayat hai k Rasulullah ﷺ ne irshad farmaya-*

*”_ Jo Shakhs Qaza E Haajat ke Waqt Na To Qibla ki Taraf Moo'nh kare aur Na Peeth kare Uske Liye Ek Neki likhi jayegi aur Ek khata Ma'af ki jayegi_”*

*📚 Kanzul Ummal- 9/363,* 

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝126 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Allah ke Ghar ki Ziyarat karne Wala Duniya me Aafiyat Se rehta hai aur Aakhirat me Uske Gunaah Ma'af_,*

*❉⇨ Hazrat Abuzar Raziyallahu Anhu Se Rivayat hai k Rasulullah ﷺ ne irshad farmaya-*

*”_Hazrat Dawood Alaihissalam ne arz kiya, Ey mere Ma’abood! Aapke Bando ka Aap per kya Haq hai jab Wo Aapke Ghar Aakar Aapki Ziyarat Kare'n? Kyunki har Ziyarat karne Wale ka Mezbaan per Haq hua karta hai_,*

*"_Allah Ta’ala ne irshad farmaya, Ey Dawood !Inka mujh per Haq ye hai k Duniya me inko Aafiyat aur Salamti Se rakhu, Aur Jab Aakhirat me milu to inki Magfirat kar du’n”*

*📚 Kanzul Ummal- 5/146,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝127 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Paa'nch Cheeze Dekhne se Gunaah Ma'af hote hai'n _,*

*❉⇨ Ek Sahabi Raziyallahu Anhu Rasulullah Sallallahu Alaihivasallam Se Naqal karte hai’n k Aapne  irshad farmaya-*

*”_ Paa'nch Tarah ka Dekhna ibadat hai, (1)- Qurane Paak ko dekhna, (2) - Kaabatullah ko Dekhna, (3)- Walden ko Nazre Shafqat se Dekhna, (4)- Zamzam Sharif ko Dekhna, (5)- Aalim ke Chehre ko Dekhna Aur ye Baate’n khata'o ko giraati hai Yani Ma'af karati hai”*

*❉_ Aur Daare Qutni me yu’n hai k Ese Aadmi ko Dekhna jo Muttaba E Sunnat ho aur Sunnat ki Taraf Dawat deta ho aur Bid’at Se Rokta ho Uske Chehre ko Dekhna ibadat hai,*

*📚 Kanzul Ummal- 15/880,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝128 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Agar Naama A'amaal ke Shuru me aur Aakhir me Khair likhi hui ho To Darmiyan ke Gunaah Ma'af _,*

*❉⇨ Kiraman Kaatbeen Apna Noshta jab Allah Ta’ala ki Janab me Pesh karte hai’n aur Haq Ta’ala Shanh Naama A'amaal ke Shuru me aur Aakhir me Mulahiza farmata hai k khair likhi hui hai To Haq Ta’ala Shanh farishto'n Se irshad farmata hai:-*

*”_Tum Gawah raho k Mere Bande ke Naama A'amaal ke Darmiyan me Jo kuchh hai usko Maine Ma'af kar diya,”*

*📚 Kanzul Ummal- 15/781,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝129 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _Naama A'amaal ke Shuru Akheer me istagfaar hai To Darmiyan ke Gunaah Ma'af _,*

*❉⇨ Farmaya Rasulullah Sallallahu Alaihi wasallam ne k-*

*”_ A'amaal likhne wale farishte jab bhi kisi Din Allah Ta’ala ki Bargaah me (kisi bande ke) Naama A'amaal Pesh karte hai’n aur Allah Ta’ala Naama A'amaal ke Avval v Aakhir me istagfaar dekhta hai To Allah Tabarak v Ta’ala farmata hai k Maine Apne Bande ke Tamaam Gunaah aur Qasoor Ma'af kar diye Jo iske Naama A'amaal ke Avval v Aakhir ke Darmiyan likhe hue hai’n,”*

*📚 Bizaar,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝130 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Allah ka Darwaza khatkhatate Rahiye, Aapke Gunaah Ma'af _,*

*❉⇨ Allah Jal Jalalhu ka irshad hai:- ”Ey ibne Aadam Teen Baate'n hai'n Ek Mere liye, Ek Tere liye aur Ek Tere Aur Mere Darmiyan Mushtarak hai, Bahar haal Jo Mere liye hai Wo ye hai k Tu Meri is Tarah ibadat kar k Mere Saath kisi ko bhi Shareek na thehra,*

*❉_ Aur Jo Tere liye hai Wo ye hai k Tu Jo bhi Amal karega ( Bhala Ya Bura) Mai'n Tujhe Uska Badla Du'nga, Fir Agar Mai'n Tujhko Ma'af kar du'n To Mai'n Gafoorur Raheem hu’n, Aur Wo Baat Jo Mere aur Tere Darmiyan Mushtarak hai Wo ye hai k Dua aur Sawaal ki Zimmedari Teri aur Ata aur Qubooliyat ki Zimmedari Mujh per hai_,”*

*📚_  Akhraja Tibrani fil Kabeer,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝131 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Salam kijiye aur Naram Guftgu kijiye Gunaah Ma'af _,*

*❉⇨ Hazrat Haani bin Yazeed Raziyallahu Anhu Se Marvi hai k Rasulullah ﷺ ne irshad farmaya-*

*”_ Magfirat ko Waajib karne Wale A'amaal me Se Salam ko felana aur kalam ko Narmi aur khoobi Se Pesh karna bhi Shamil hai _,*

*📚Ravaah Tibrani, Kanzul Ummal- 9/116,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝132 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Jisne Raaste se khaardaar Tehni hatayi Uske Gunaah Ma'af _,*

*❉⇨ Hazrat Abu Huraira Raziyallahu Anhu Se Marvi hai k Rasulullah ﷺ ne irshad farmaya-*

*”_ Us Shakhs ki Magfirat kar di jayegi Jo Logo'n ke Raaste Se khaardaar Tehni ko hata de aur uski ye Magfirat Guzishta aur Aa'inda Gunaho'n ki hogi,”*

*📚 Ravaah ibne Hibaan Kanzul Ummal- 2/420,* 

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝133 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Ahle khana aur Padosiyo'n ki Haq Talfi ka kaffara _,*

*❉⇨ Hazrat Huzaifa Raziyallahu Anhu Se Marvi hai k Rasulullah ﷺ  ne irshad farmaya-*

*”_Aadmi Agar Apne Ahlo Ayaal aur Apne Maal Jaan aur Aulaad aur Padosi ke bare me kisi Musibat me Mubtila ho jaye to Roza, Namaz, Sadqa, Amr bil Ma’aroof aur Nahi Anil Munkar iska kaffara ban jayenge_,”*

*📚 Sahi Bukhari Kitabul Salaat Baab Salaat Kaffarah- 1/75, Muslim Kitabul imaan Safa- 82,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝134 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Aapke Gunaah Zyada hai’n To Paani Pilaye'n, Gunaah Ma'af _,*

*❉⇨ Hazrat Anas Raziyallahu Anhu Se Marvi hai k Rasulullah ﷺ ne irshad farmaya-*

*”_ Jab Tere Gunaah Zyada ho Jaye To Baar Baar Paani Pila (Agar Tu Paani ke kinare per ho ) is Amal Se Tere Gunaah is Tarah Jhad jayenge jis Tarah Sakht Hawa me Darakht Se Patte Jhad jaate hai'n,”*

*📚 Kanzul Ummal- 2/209,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝135 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Jisne Musalman Bhai ko khush kar diya uske Gunaah Ma'af _,*

*❉⇨ Hazrat Hasan bin Ali Raziyallahu Anhu Se Marvi hai k Rasulullah ﷺ ne irshad farmaya-*

*”_ Magfirat Ko Waajib Karne Wale A'amaal me ye bhi hai k Tu Apne Musalman Bhai ko khush kar de_,”*

*📚 Ravaah Tibrani fil Kabeer Kazafil Targeeb- 2/394, Kanzul Ummal- 2/433,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝136 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _Mehmaan ka Ezaaz v ikraam kijiye Gunaah Ma'af _,*

*❉⇨ Hazrat Salman Raziyallahu Anhu Se Marvi hai k Rasulullah ﷺ ne irshad farmaya-*

*”_Jab kabhi bhi koi Musalman Apne Musalman Bhai Se Mulaqaat ke liye jaye aur Mezbaan Mehmaan ka Ezaaz v ikraam karne ki garaz se Mehmaan ko Takiya Pesh kare To Allah Ta’ala Us (Mezbaan) ki Magfirat farma denge,”*

*📚 Kanzul Ummal- 9/155,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝137 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Jisne Logo'n ke Darmiyan Sulah karadi Uske Gunaah Ma'af _,*

*❉⇨ Hazrat Anas Raziyallahu Anhu Se Marvi hai k Rasulullah ﷺ ne irshad farmaya-*

*”_Jo Logo'n ke Darmiyan Sulah karayega Allah Ta’ala Uske Ma'amle ko Durust farma de'nge aur Har kalme ke Badle Jo Daurane Guftgu usne bola Ek Ek Gulam Azaad karne ka Sawab ata farmayenge aur ( Apne Ghar) is haal me lotega k Uske Guzishta Gunaho'n ki Magfirat ho chuki hogi, ”*

*📚 Ravaah Asbahani Kazafil Targeeb- 2/489,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝138 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _Jisne Musalman Bhai ki koi Haajat Poori ki Uske Gunaah Ma'af _,*

*❉⇨ Hazrat Anas Raziyallahu Anhu Se Marvi hai k Rasulullah ﷺ ne irshad farmaya-*

*”_Jo Shakhs Apne Musalman Bhai ki kisi Haajat me Chala To Allah Ta’ala Har Qadam ke badle 70 Nekiya’n likhenge aur 70 Gunaho'n ko mitayenge yani Ma'af farmayenge, Yaha'n Tak k Wo Us Muqaam Per Lotkar Wapas aa jaye Jaha'n Usne Apne Bhai ko Chhoda tha,*

*❉_Ab Agar Usne Uski Haajat Poori kar di To Wo Apne Gunaho'n Se Esa Nikal Aayega jis Tarah Apni Maa'n Se Peda'ish ke Din tha (yani kuchh bhi Gunaah bayqi na rahega) aur Agar isi Sa’i v Koshish me Wafaat pa gaya To Jannat me Bager Hisaab Dakhil ho jayega _,*

*📚 Targeeb- 3/392,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝139 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Jo Bigde hue Talluqaat ko Hamwaar karne me Pehal karega, Uske Gunaah Ma'af _,*

*❉⇨ Hazrat Hishaam bin Aamir Raziyallahu Anhu Se Marvi hai k Rasulullah ﷺ ne irshad farmaya-*

*”_ Kisi Musalman ke Liye Halaal Nahi hai k Doosre Musalman Se Teen Din Se Zyada Qat'a Talluq rakhe Pas Agar Wo Teen Din Se Zyada Qat'a Talluq kiye rahe To Wo Dono Haq Se Tajavuz karne wale hai'n Jab Tak Wo Dono Apni Ladayi per Qaa’im rahe,*

*❉_Aur Un Dono me Se Pehle Sulah ki Taraf Ruju karne Wale ke Liye Sulah ki Taraf Sabqat aur Pehal Uske Gunaah ka kaffara ban jayegi Aur Agar Wo Dono Apni Ladayi Ko Baqi Rakhte hue Mar gaye To Jannat me Dakhil Na ho'nge_,”*

*📚 Ravaah Bukhari Baab Hijrat, Muslim, 146,* 

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝140 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Agar koi Fareeq Sauda khatm karna Chahta he to khatm kar dijiye; Gunaah Ma'af _,*

*❉⇨ Hazrat Abu Huraira Raziyallahu Anhu Se Marvi hai k Rasulullah ﷺ ne irshad farmaya-*

*“_Jo Banda Apne Kisi Musalman Bhai ke Saath iqaala ka Ma'amla kare (yani uski bechi hui ya kharidi hui cheez ki Waapsi per Raazi ho jaye) To Allah Ta’ala Uski Galtiya’n ( yani Gunaah) Bakhsh dega_,”*

*📚 Ravaah Abu Dawood- 490, Ibne Maaja Kazafil Targeeb- 2/566,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝141 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Pyaso'n ko Paani Pilaye'n Gunaah Ma'af _,*

*❉⇨ Hazrat Abu Hurayra Raziyallahu Anhu Se Marvi hai k Rasulullah ﷺ ne irshad farmaya-*

*”_ Is Asna me k Ek Aadmi Chala ja raha tha, Use Sakht Pyaas lagi, Chalte Chalte Use Ek ku'nva mila Wo Uske Andar Utra aur Paani Pi kar Bahar Nikal aaya, Ku'nve ke Andar Se Nikal kar Usne Dekha k Ek kutta hai jiski Zubaan Bahar Nikli hui hai aur Pyaas ki Shiddat Se Wo Keechad Chaat raha hai, Us Aadmi ne Dil me kaha k is kutte ko bhi Pyaas ki Esi hi Takleef hai Jese k Mujhe thi aur Wo Us kutte per Raham kha kar fir us Ku'nve me Utra aur Apne Chamde ke moze me Paani bhar kar Usne Usko Apne Moo'nh me thaama aur Ku'nve Se Nikal aaya aur Us kutte ko Wo Paani Pila diya,*

*❉"'_Allah Ta’ala ne Uski Raham Dili aur Us Mehnat ki Qadr farmayi aur is Amal per Uski Bakhshish ka faisla Saadir farmaya,*

*❉_ Baaz Sahaba Raziyallahu Anhum ne Huzoor ﷺ Se ye Waqiya Sunkar Daryaft kiya- Ya Rasulullah ! Kya Jaanwaro'n ki Takleef Door karne me bhi Hamare liye Ajro Sawab hai? Aapne farmaya- “_Haa’n Har Zinda aur Tar Jigar Rakhne Wale Jaanwar (ki Takleef Door karne) me Sawab hai_,”*

*📚 Bukhari, 1/318,333, Muslim, 2/237,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝143 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _Bhooko ko khilaye Gunaah Ma'af _,*

*❉⇨ Hazrat Jaabir Raziyallahu Anha Se Marvi hai k Rasulullah ﷺ ne irshad farmaya-*

*”_ Bhooke Musalman ko khana khilana bhi Magfirat ko Waajib karne Wale A'amaal me se hai_,”*

*📚_ Kanzul Ummal- 9/243,*

*❉⇨Hazrat Anas Raziyallahu Anhu Se Rivayat hai k Rasulullah ﷺ ne farmaya-*

*”_Jo Shakhs Apne Musalman Bhai ki Bhook ki Vajah Se ( khaane ka) Ahatmam kare, aur fir usko khaana khilaye hattaki Wo Ser ho jaye aur usko Pilaye Yaha'n Tak k Wo Seraab ho jaye, To Uski Magfirat kar di jati hai _,*

*📚 Ravaah Abu Ya’alaa, kanzul Ummal- 2/424,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝144 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _Do Musalman Mulaqaat ke Waqt Musafa kare aur Muskuraye Gunaah Ma'af _,*

*❉⇨ Hazrat Abu Dawood Al A’amaa Rasulullah ﷺ Se Rivayat karte hai'n k Aapne irshad farmaya-*

*”_ Do Musalman jab Aapas me mile aur Musafa kare aur Un Dono me Se har Ek Apne Saathi ke Chehre ko Dekh kar Muskuraye aur ye Tamaam Amal Allah hi ke Liye ho To juda Hone Se Pehle Dono ki Magfirat kar di jayegi_,”*

*📚 Ravaah Tibrani Kazafil Targeeb-, 3/431,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝145 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Logo'n Per Raham kijiye aur Unki Khatao'n ko Ma'af kijiye Aapke Gunaah Ma'af _,*

*❉⇨ Hazrat Amr bin Aas Raziyallahu Anhu Se Marvi hai k Rasulullah ﷺ ne irshad farmaya-*

*”_ Raham Karo Tum Per bhi Raham kiya jayega, Bakhsh diya Karo Tum ko bhi Bakhsh diya jayega, Kharabi hai un Logo'n ke liye Jo Qaif ki Tarah ( ilm ki Baat Sunte hai’n Lekin na usko Yaad rakhte hai’n na us Per Amal karte hai'n, Ese Logo'n ko Qaif Se Tashbeeh di jisme Tel ya Sharbat ya Arq guzar kar Doosre Bartan me Chala jata hai Usme kuchh nahi rehta) aur kharabi hai Zid karne walo ke liye Jo Gunaho'n Per israar karte hai’n Hala'nki unko ilm hai _,*

*📚 Akhraja Ahmad v Kanzul Ummal- 3/164,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝146 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Logo'n ke Saath Achchha Sulook kijiye, Gunaah Ma'af _,*

*❉⇨ Hazrat Abu Huraira Raziyallahu Anhu Se Marvi hai k Rasulullah ﷺ ne irshad farmaya-*

*”_ Khush khalqi Gunaho'n ko Ese Pighla deti hai Jese Suraj Barf ko Pighla deta hai_,”*

*📚 Kanzul Ummal- 3/3,*

*❉⇨ Khush khalqi khata'o ko yu’n Pighla deti hai jis Tarah Paani Barf ko Pighla deta hai aur Bad khalqi Amal ko yu’n Bigaad deti hai jis Tarah Sirka Shahad ko Bigaad deta hai,”*

*📗 Kazafil Targeeb- 3/409,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝147 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _Aapko koi Zakhm Pahu'nchaye To Ma'af kar dijiye Aapke Gunaah Ma'af _,*

*❉⇨ Hazrat Ubada bin Saamit Raziyallahu Anhu Huzoor Paak Rasulullah ﷺ ka irshad Naqal karte hai’n k Aapne irshad farmaya-*

*”_ Jis Aadmi ke Jism Ko Zakhmi kar diya jaye fir ye Zakhmi Jarah ko Ma'af kar de To Ba-qadre Ma'afi Allah Uske Gunaho'n Ko Ma'af farma de'nge_,”*

*📚 Kanzul Ummal- 12/15,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝148 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Aapko koi Takleef Pahu'nchaye To Ma'af kar dijiye, Aapke Gunaah Ma'af _,*

*❉⇨ Hazrat Abu Darda Raziyallahu Anhu Se Marvi hai k Rasulullah ﷺ ne irshad farmaya-*

*”_ Jis Kisi Musalman Ko Apne jism me koi Takleef kisi Aadmi ki Taraf Se pahu'nche, Fir Wo Usko Ma'af kar de To Allah Ta’ala Uska Ek Darja Buland farma dega aur Ek khata Uski Ma'af farma dega_,”*

*📚 Kanzul Ummal- 12/15,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝149 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _Jisne Nabina Aadmi ko Uske Ghar Tak Pahu'ncha diya Uske 40 Kabira Gunaah Ma'af _,*

*❉⇨ Hazrat ibne Abbaas Raziyallahu Anhu Se Marvi hai k Rasulullah ﷺ ne irshad farmaya-*

*”_Jo Nabina Aadmi Ko Le Chala hattaki Uske Ghar Tak Pahu'ncha diya To Uske 40 Kabira Gunaho'n ki Magfirat kar di jayegi aur 4 Kaba’ir bhi Dozakh ko Waajib kar dete hai’n_,”* 

*📚 Kanzul Ummal- 15/792,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝150 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _Ek Doosre Se Na Bolne Wale Aapas me Sulah kar le, Gunaah Ma'af _,*

*❉⇨ Hazrat Abu Huraira Raziyallahu Anhu Se Marvi hai k Peer aur Jumeraat me Allah Har Musalman ki Magfirat farma deta hai Sivaye un Do Shakhso ke jinhone Aapas me Bolna Chhod rakha hai, Irshad hota hai k, in Dono ko Chhod do Yaha'n Tak k ye Dono Sulah kar Le'n,”*

*📚 Ravaah ibne Maaja kitabussiyaam, 124,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝151 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _Maaldaar Ko Mohlat dijiye aur Gareeb ka Qarz Ma'af kijiye, Gunaah Ma'af _,*

*❉⇨ Qayamat ke Din Allah ke Paas Uske Bando'n me Se Ek Bande ko laya jayega jisko Allah Ta’ala ne Duniya me Maal ata farma rakha tha, irshad Farmayega,  Duniya me kya Amal kiya ? Wo arz karega-*

*”_ Ya Allah ! Maine koi Amal Esa Nahi kiya (jisko Teri jaanib me Pesh kar saku) Albatta itni Baat Zaroor hai k Tune Mujhe Maal ata farmaya tha,Mai'n Logo'n Se Tijarat kiya karta tha aur Meri ye khaslat thi k Maaldaar Ko Mohlat de deta tha aur Tangdast ko Ma'af kar diya karta tha,”*

*❉_Haq Ta’ala Shanh irshad farmayega, (Ye Kareemana Ravayya ) Mere liye Zyada Sazavaar hai aur Mai'n iska Tujhse Zyada Haqdaar hu’n k Ma'afi aur Darguzar ka Ma'amla karu, Allah Ta’ala farishto'n Se farmayega k,  Mere is Bande Se Darguzar Karo_,”*

*📚 Kazafil Targeeb, 2/43, Haakim -2/29,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝152 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Talabe Ma'ash me Jo Thaka Uske Gunaah Ma'af _,*

*❉⇨ Hazrat Aayesha Raziyallahu Anha Se Marvi hai k Rasulullah ﷺ ne irshad farmaya-*

*”_ Jis Shakhs ne Shaam ki is Haalat me k Apne Haath Se Kaam karne ki Vajah Se Thaka hua tha To Usne Shaam ki is Haalat me k Uski Magfirat ho chuki_,”*

*📚 Kazafil Targeeb- 2/524, Kanzul Ummal- 7/4,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝153 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Ranjo Gam aur Ma'ashi Tafakkuraat Se bhi Gunaah Ma'af Hote hai'n_,*

*❉⇨Hazrat Aayesha Raziyallahu Anha Se Marvi hai k Rasulullah ﷺ ne irshad farmaya-*

*”_ Jab Bande ke Gunaah Bahut ho jaye aur Uska koi Amal Esa Nahi hota Jo un Gunaho'n ka kaffara ban sake to Allah Ta’ala Usko Gam me Mubtila kar dete hai’n Taaki Allah Ta’ala Us Gam ki Vajah Se Uske Gunaho'n ko Ma'af farma de'n,”*

*📚 Akhraja Ahmad Ba Sanad Hasan Targeeb- 4/287,*

*❉_Hazrat Abu Huraira Raziyallahu Anhu Se Marvi hai k Rasulullah ﷺ ne irshad farmaya-*

*”_ Momin ko Jo Thakan Pahu'nchti hai aur Marz Pahun'chta hai aur Fikr v Ranj aur Aziyat aur Gam, Hattaki Kaa'nta bhi chubhta hai To Allah Ta’ala in Tamaam ki Vajah Se Uski khata'o ko Ma'af farma dete hai’n,”*

*📚 Akhraja Al Bukhari v Muslim,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝154 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _Koi Namunasib Baat kahe To Sabr kijiye, Gunaah Ma'af _,*

*❉⇨ Ek Aadmi Namaz Padh raha tha jab Wo Sajde me gaya To Ek aur Aadmi aaya aur uski Gardan ko Usne ( be khayali me) Ro'nd diya, Jo Sajde me pada hua tha Usne kaha, Allah kabhi bhi Teri Magfirat Nahi karega, Haq Ta’ala ne irshad farmaya-*

*”_Mere Bande ke bare me Qasam kha kar Wo ye kehta hai k Mai'n Uski Magfirat Nahi karunga Tehqeeq Maine Uski Magfirat kar di,”*

*📚 Kanzul Ummal- 3/560,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝155 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Aazma'ish ke Waqt Sabr kijiye, Gunaah Ma'af_,*

*❉⇨ Hazrat Abu Huraira Raziyallahu Anhu Se Marvi hai k Rasulullah ﷺ ne irshad farmaya-*

*”_ Momin Banda aur Momin Aurat ki Jaan me Uski Aulaad aur Maal me Aazma'ish aati rehti hai hattaki Wo Allah Ta’ala Se ja milta hai aur us per koi Gunaah Nahi hota,”*

*📚 Jamia Tirmizi Baab Sabr, 2/63,*

*❉⇨ Qareeb Qareeb Raho aur Sidhe Sidhe Raho har Nagawar Baat Jo Musalman ko pahu'nche wo uske Gunaho'n ka Kaffara hai hattaki Koi Musibat Jo usko pahu'nche aur Kaa'nta Jo usko chubhe,”*

*📚 Akhraja Muslim v Tirmizi v Ahmad Ravaah Muslim Baab Sawab, 2/319,*

*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝156 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _Teen Cheezo'n Ko Chhupaye, Gunaah Ma'af _,*

*❉⇨ Teen Cheeze Neki ke Khazano me se hai:-*

*1- Sadqa ko Makhfi Tareeqe se Ada karna,*

*2- Musibat ko Chhipana,*

*3- Har Qabile Shikayat Baat ko Chhipana,*

*❉_ Allah Az v Jal irshad farmate hai'n -*

*”_ Jab Mai'n Apne Kisi Bande Ko Aazma'ish me Mubtila karu, Fir Wo Sabr kare aur Apni iyadat ke liye Aane Walo Se Shikayat na kare, Fir Mai'n Usko Tandurast kar du To Uske Gosht Se Badiya Gosht aur uske khoon Se Badiya khoon Badle me Use ata karta hu’n, Aur Agar Usko Chhod du ( Yani Marz hi ki Haalat me Zinda rakha) To is haal me Chhodta hu’n k Us per koi Gunaah Baqi na rahe aur Agar Uski Rooh Qabz karu To is haal me Qabz karunga k Mai'n Apni Rehmat me Usko Thikana dunga_,”*

*📚 Akhraja Tibrani v Haakim, Kanzul Ummal- 15/480,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝157 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _Namunasib Halaat Per Sabr kijiye, Gunaah Ma'af _,*

*❉⇨ Bala Har Roz Poochhti hai k Aaj kis Taraf Rukh karu? Haq Ta’ala irshad farmate hai’n- ”Mere Mehboob aur Maty’a Farma Bardaar Bando'n ki Taraf, Teri Vajah Se Logo'n me Se Sabse Behtreen ko jaa'nchta hu’n aur unke Sabr ka imtihaan leta hu’n aur unke Gunaho'n ko Zaa'il karta hu’n aur Teri hi Vajah Se unke Darjaat Buland karta hu’n_,”*

*❉_ Farakhi ( khushaali ) bhi Roz Allah Ta’ala Se Poochhti hai k Aaj kidhar ka Rukh karu? Irshad hota hai, ”Mere Dushmano aur Mere Nafarmano ki Taraf, Tere Zariye unki Sarkashi badhana chahta hu’n unke Gunaho'n me izafa karna Chahta hu’n aur Teri vajah se unki fori Giraft karta hu’n aur Teri Vajah se unki Gaflat Zyada karna Chahta hu’n,”*

*📚 Kanzul Ummal- 3/341,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝158 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _Jisne Bimaar ki Ayadat ki uske Gunaah Ma'af _,*

*❉⇨ Hazrat Ali Karamullahu Vajhu Se Marvi hai k Rasulullah ﷺ ne irshad farmaya-*

*”_Jo Shakhs Shaam ke Waqt kisi Mareez ki Ayadat kare To Uske Hamraah 70 Hazaar farishte Chalte hai’n Jo Subeh Tak Uske liye istagfaar karte hai’n Aur Jo Shakhs Subeh ke Waqt kisi Mareez ki Ayadat ko jaye To Uske Hamraah 70 Hazaar Farishte Chalte hai’n Jo Shaam Tak Uske liye istagfaar karte hai’n,”*

*📚 Akhraja Abu Dawood v Haakim Kazafil Targeeb- 4/320, Abu Dawood baab Ayadat -2/442,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝159 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _Bimaar Aadmi ki Dua Maqbool aur Gunaah Ma'af _,*

*❉⇨ Hazrat ibne Umar Raziyallahu Anhu Se Marvi hai k Rasulullah ﷺ ne irshad farmaya-*

*”_ Bimaro ki Ayadat kiya Karo aur unse Apne liye Dua ki Darkhwast kiya Karo Kyu'nki Mareez ki Dua maqbool hai aur Uska Gunaah Ma'af hai,”*

*❉⇨Aur Ek Rivayat me Hazrat Umar Raziyallahu Anhu Se Rivayat hai k Huzoor Paak ﷺ ne irshad farmaya-*

*”_Jab Tum Mareez ke Paas Jao To Usse Apne liye Dua ki Darkhwast Karo Kyu'nki Mareez ki Dua farishto'n ki Dua ki Tarah hai,”*

*📚 Kanzul Ummal- 9/96,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝160 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Haalate islaam me jiska Ek Baal Safed hua Uska Ek Gunaah Ma'af _,*

*❉⇨ Hazrat ibne Umar Raziyallahu Anhu Se Marvi hai k Rasulullah ﷺ ne irshad farmaya-*

*”_ Haalate islaam me koi Aadmi Budha nahi hota Magar Allah Rabbul izzat iski Vajah Se Uske liye Ek Neki likhte hai’n aur Uski Ek khata Ma'af farma dete hai’n,”*

*❉_ ibne Hibaan ne Alfaze Hadees Yu'n Naqal kiye hai'n:-*

*"_ Nahi hai Koi Musalman K Wo Haalate islaam me Budha ho jaye Magar Allah Ta'ala uske Liye Ek Neki Likhte hai'n aur Uski Ek Khata Ma'af farmate hai'n aur is Budhape ki Vajah Se Allah Ta'ala Uska Ek Darja Buland farmate hai'n _,*

*📚 Abu Dawood, 29/578,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝161 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _Mamooli Bimari per Ek Gunaah Ma'af _,*

*❉⇨ Hazrat Aayesha Raziyallahu Anha Se Marvi hai k Rasulullah ﷺ ne irshad farmaya-*

*”_ Kabhi bhi kisi Musalman ki Rag nahi fadki Magar iski Vajah se Allah Ta’ala Uski Ek khata Ma'af farma dete hai’n aur Uske liye Ek Neki likhte hai’n aur Ek Darja Allah Ta’ala Uska Buland farma dete hai’n_,”*

*📚_ Kanzul Ummal- 3/306,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝162 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Ek Raat ke Bukhaar se Ek Saal ke Gunaah Ma'af _,*

*❉⇨ Hazrat ibne Masoud Raziyallahu Anhu Se Marvi hai k Rasulullah ﷺ ne irshad farmaya-*

*”_ Bukhaar Hissa hai Har Momin ka Aag Se yani Dozakh Se aur Ek Raat ka Bukhaar Ek Poore Saal ke Gunaho'n ka Kaffara ban jata hai,”*

*📚 Akhraja Al-Qasna’iy,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝163 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Bukhaar ko Bura Bhala na kaho, isse Gunaah Ma'af hote hai’n_,*

*❉⇨ Hazrat Jaabir Raziyallahu Anhu Se Marvi hai k Rasulullah ﷺ Hazrat Umme Saa’ib ke Waha'n Tashreef le gaye, Aapne irshad farmaya- "Are kya baat hai kapkapa Rahi ho ?" Wo Arz karne lagi'n k Bukhaar hai Allah isme Barkat na de_,*

*❉_ Huzoor ﷺ ne irshad farmaya- ”Bukhaar ko Bura mat kaho Kyu'nki ye Bani Aadam ki khatao’n ko is Tarah Door kar deta hu jis Tarah Bhatti Lohe ke Mel ko Door kar deti hai,”*

*📚 Sahi Muslim, 2/319,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝164 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Safar me jiski Tabiyat kharab ho gayi, Uske Gunaah Ma'af _,*

*❉⇨ Hazrat ibne Abbaas Raziyallahu Anhu Se Marvi hai k Huzoor Paak ﷺ ne irshad farmaya-*

*”_ Musafir Aadmi jab Bimaar ho jaye aur Apne Daae'n Baae'n aur Aage Pichhe dekhne lage aur koi bhi usko jaan Pehchan ka Aadmi Nazar na aaye To Allah Ta’ala Uske Guzishta Gunaho'n ko Ma'af farma deta hai_”*

*📚 Kanzul Ummal- 3/308,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝165 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Jo Ek Raat ya isse Zyada Bimaar raha Uske Gunaah Ma'af _,*

*❉⇨ Hazrat Abu Huraira Raziyallahu Anhu Huzoor ﷺ ka irshad Naqal karte hai’n k Aapne farmaya-*

*”_Jo Aadmi Ek Raat Bimaar raha, fir us per Sabr kiye raha aur Allah Ta’ala Se Raazi raha To Wo Apne Gunaho'n Se Ese Nikal jayega jese Maa'n Se Peda'ish ke Din tha yani kuchh bhi Gunaah Baqi nahi rahega_,*

*📚 Tirmizi Fil Targeeb, 4/299,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝166 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Bimaari Se Saare Gunaah Ma'af _,*

*❉⇨ Mareez ka Dard Se karahna Tasbeeh hai aur Dard se Cheekhna Tehleel hai Aur Saa'ns Lena Sadqa hai Bistar per letna Ibadat hai Ek pehlu Se Doosre pehlu ki Taraf karwat lena Esa hai jesa k Allah ki Raah me Dushman Se Qitaal kar raha ho, Allah Ta’ala farishto'n se farmata hai k, ”Sahat ki Haalat me Wo Jo Achchhe Amal kiya karta tha Unko Naama A'amaal me likho, ”*

*❉_Jab Wo Sahatyaab Ho kar Bistar Se uth kar Chalta hai To is Tarah ho jata hai k goya Usne koi Gunaah Nahi kiya jesa k Apni Maa'n Se Peda'ish ke Din tha,”*

*📚 Kanzul Ummal- 3/311,* 

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝166 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _Ayadat karne walo ke Saamne Bimaar Aadmi Allah ki Ta’areef kare, Uske Gunaah Ma'af _,*

*❉⇨ Jab Banda Bimaar pad jata hai to Allah Ta’ala Uske Paas Do farishto'n ko ye keh kar bhejte hai k, ”Usko Zara Dekho Apni Ayadat ko aane walo se kya kehta hai? Fir Agar wo Bimaar Banda Mizaaj pursi ke liye aane walo ke Saamne Apni is Haalat per Allah ki Ta’areef karta hai to Farishte Uske is Qaul ko Allah Ta’ala ki baargah me pesh karte hai’n, Hala'nki Allah Ta’ala Sabse Zyada jaanne wale hai’n, Fir Mala’ika se irshad hota he k, ”Isko Agar Maut de di To isko jannat me Dakhil karunga aur Agar Shifa di to Pehle Gosht se Badiya Gosht aur Pehle khoon se Badiya khoon isko dunga aur iske Gunaho'n ko Ma'af kar dunga,_ ”*

*📚 Kanzul Ummal- 3/15,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝167 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Bimaar Aadmi ” La ilaaha illa anta……” 40 Martaba Padhe, Saare Gunaah Ma'af _,*

*❉⇨ Hazrat Sa’ad bin Maalik Raziyallahu Anhu farmate hai’n k Maine Rasulullah ﷺ ko ye irshad farmate hue suna- ”Kya Mai'n Tum ko Allah Ta’ala ka isme A’azam na batau’n k jiske zariy’a se Dua ki jaye to Allah Ta’ala Qubool farmate hai’n Aur Sawaal kiya jaye to poora farmate hai’n, Ye Wo Dua hai jiske zariye Hazrat Yunus Alaihissalam ne Allah Ta’ala ko Teen Andheriyo’n me pukara tha, "La ilaaha illa anta sub'hanaka inni kuntu minazzalimeen"*

*Aapke Siva koi Ma’bood nahi Aap Tamaam aibo se paak hai’n Beshak Mai'n hi Qusoorvaar hu’n, (Teen Andheriyo’n se muraad Raat, Samandar aur Machhli ke pet ke Andhere hai’n )*

*❉⇨Ek Aadmi ne Rasulullah ﷺ Se puchha: Ya Rasulallah! Kya ye Dua Hazrat Yunus Alaihissalam ke liye khaas hai ya Tamaam imaan walo ke liye aam hai? Aap ﷺ ne irshad farmaya- ”Kya Tumne Allah Ta’ala ka irshad nahi suna k Humne Yunus Alaihissalam ko Musibato Se Nijaat di aur hum isi Tarah imaan walo ko Nijaat diya karte hai’n,”(surah Anbiya 88)*

*❉⇨Rasulullah ﷺ ne irshad farmaya- Jo Musalman is Dua ko Apni Bimari me 40 Martaba Padhe Agar Wo is marz me faut ho jaye To Usko Shaheed ka Sawab diya jayega aur Agar is Bimari Se Use Shifa mil gayi To is Shifa ke Saath Uske Tamaam Gunaah Ma'af kiye ja Chuke ho'nge_,”*

*📚 Ravaah Haakim, 1/506,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝168 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _Allah ke Raaste me Aapke Sar me Dard hua to Sabr kijiye, Gunaah Ma'af _,*

*❉⇨ Hazrat Abdullah bin Umar Raziyallahu Anhu se Rivayat hai k Rasulullah ﷺ ne irshad farmaya-*

*”_ Allah Ta’ala ke Raaste me jis Shakhs ke Sar me Dard hua aur Wo is per Sawab ki Niyat rakhe To isse Pehle ke Tamaam Gunaah Ma'af kar diye jayenge _”*

*📚 Majma'ul Zawaid, 2/306,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝169 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _Jisne Arafa ke Din Apne Kaan, Apni Nigaah aur Zaban ko Qabu me rakha, Uske Gunaah Ma'af _,*

*❉⇨ Hazrat ibne Abbas Raziyallahu Anhu farmate hai’n k Ek Nav Umar Ladka Arafa ke Din Huzoor Paak ﷺ ka Radeef tha ( Yani Aapki sawari per Aapke Pichhe betha hua tha) Pas Ye Naujawan Aurto’n ko dekhne laga, Rasulullah ﷺ ne usko farmaya-*

*”_ Ey Bhatije ! Ye Wo Din hai k jisme Agar Aadmi Apne kaan Apni Nigaah aur Apni Zaban per Qabu rakhe to Allah Ta’ala Uski Magfirat farma de'nge_,”*

*📚 Musnad Ahmad, 1/329,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝170 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Arafa ke Din Bade Bade Gunaah Ma'af hote hai'n _,*

*❉⇨ Hazrat Talha bin Abdullah Raziyallahu Anhu Se Rivayat hai k Rasulullah ﷺ ne irshad farmaya-*

*”_ Gazwah Badar ka Din To Mustashna hai ( isko chhod kar) Shaitan kisi bhi Din itna Zaleel, itna khwar, itna Dhutkara aur fatkara hua aur itna jala bhuna Nahi dekha gaya jitna Wo Arafa ke Din Zaleel v khwar, rusyah aur jala bhuna dekha jata hai aur ye Sirf isliye k Wo is Din Allah ki Rehmat ko ( Moosladhar) Baraste hue aur Bade Bade Gunaho'n ko Ma'afi ka faisla hote hue dekhta hai aur ye us la’eeyn ke liye Na Qabile Bardasht hai_,*

*❉_ Kyu'nki Badar ke Din Shaitan ne Hazrat Jibraiyl Alaihissalam ko dekha k Wo Mala’ika me Pesh Qadmi kar rahe hai’n Jo Musalmano ki Madad ko utre the,”*

*📚 Mauta Imaam Maalik, Baab Jami’a al Hajj, 164, Ravaah Maalik v Bayhqi Kazafil Targeeb- 2/201,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝171 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Qaza E Haajat ke Waqt Qibla ki Taraf Na Moo'nh kijiye, Na Peeth, Ek Gunaah Ma'af _,*

*❉⇨ Hazrat Abu Huraira Raziyallahu Anhu se Rivayat hai k Rasulullah ﷺ ne irshad farmaya-*

*”_ Jo Shakhs Qaza E Haajat ke Waqt Na To Qibla ki Taraf Moo'nh kare aur Na Peeth kare Uske liye Ek Neki likhi jayegi aur Ek khata Ma'af ki jayegi, _”*

*📚 Kanzul Ummal- 9/363,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝172 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Paa'nch Cheeze Dekhne Se Gunaah Ma'af hote hai’n _,*

*❉⇨ Ek Sahabi Raziyallahu Anhu Rasulullah ﷺ Se Naqal karte hai’n k Aapne irshad farmaya-*

*”_ Paa'nch Tarah ka Dekhna ibaadat hai,*

*1- Qur'an E Paak ko Dekhna,*

*2- Kaabatullah ko Dekhna,*

*3- Walden ko Nazre Shafqat Se Dekhna,*

*4- Zamzam Sharif ko Dekhna,*

*5- Aalim ke Chehre ko Dekhna,*

*"_Aur ye Baate’n khata'o ko giraati hai Yani Ma'af karati hai, ”*

*❉_Aur Daare Qutni me yu’n hai k Ese Aadmi ko Dekhna jo Muttaba E Sunnat ho aur Sunnat ki Taraf Dawat deta ho aur Bid’at Se Rokta ho Uske Chehre ko Dekhna ibaadat hai_,*

*📚 Kanzul Ummal- 15/880,* 

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝173 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _Hajj kijiye Aapke Gunaah Ma'af _,*

*❉⇨ Beshak Allah Ta’ala Apne khususi Lutf v karam ke Saath Ahle Arafaat ki Taraf Mutavajjah hote hai’n aur Apne Bando'n ke Zaraiye Mala’ika per fakhr farma kar irshad farmate hau’n, ”_ Ey Mere farishto'n! Mere Bando'n ko dekho k Paraganda Baal Gubaar Alood jism lekar Door Daraz ki Raah tay karke Mere Darbaar me pahu'nche hai’n, Mai'n Tum ko Gawaah banata hu’n k Maine Unki Duao’n Ko Qubool kar Liya aur unki Ragbat v Khwahish ka Mai'n Sifarishi ban gaya, Unke Badkaaro ko Unke Mohsineen (Nekiyokaro) ki Vajah Se Ma'af kar diya, Unke Nek Logo'n ne Jo kuchh maa'nga Wo Maine de diya Sivaye Tavaan aur Dand ke Jo Unke Darmiyan hai’n,”*

*❉_ Fir jab Log Arafat Se lote To Sab Lapak kar Chale Yaha'n Tak k Muzdalfa me Aa kar thehre, Fir Allah Ta’ala farmate hai’n, ”Ey mere farishto'n ! Mere Bando'n ko dekho Dobara Mujhse Darkhwast karte hai’n, Mai'n Tum ko Gawaah banata hu’n k Maine Unki Duao’n ko Qubool kar liya, aur Unki Ragbat v khwahish ka Sifarishi ban gaya aur Unke Badkaaro Ko Unke Nekokaro'n ki Vajah Se Ma'af kar diya aur Unke Nek Logo'n ne Jo kuchh maa'nga wo Maine Unko de diya, aur Unke Tavaan aur Dand Jo Unke Darmiyan they Uska Mai'n Kafeel Yani Zimmedar ban gaya_,”*

*📚 Kazafil Targeeb- 2/202,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝174 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Jisne Achchhi Tarah Hajj kiya, Uske Saare Gunaah Ma'af _,*

*❉⇨ Hazrat Abu Huraira Raziyallahu Anhu Se Rivayat hai k Maine Rasulullah ﷺ Se Suna hai Aap irshad farma rahe the-*

*”_Jisne is Tarah Hajj kiya k Usme Na To kisi Shehvani aur fahash Baat ka irtikaab kiya aur Na Allah Ta’ala ki koi Nafarmani ki To Wo Gunaho'n Se Esa Paak Saaf hokar Wapas hoga jesa Us Din tha jis Din Uski Maa'n ne usko jana tha_,”*

*📚 Bukhari, 1/206, Muslim, 1/436,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝175 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Hajj aur Umrah kiya karo, Faqr Door hoga aur Gunaah Ma'af _,*

*❉⇨ Hazrat Abdullah bin Mas'oud Raziyallahu Anhu Se Rivayat hai k Rasulullah ﷺ ne irshad farmaya-*

*”_ Pe dar Pe Hajj aur Umrah kiya Karo, kyunki Hajj aur Umrah Dono faqr v Mohtaji aur Gunaho'n ko is Tarah Door kar dete hai’n Jis Tarah Lohaar aur Sunaar ki Bhatti Lohe aur Sone Chaandi ka Mel kuchel Door kar deti hai _,*

*"_ Aur Hajj E Mabroor ka Sila aur Sawab To Bas Jannat hi hai,”*

*📚 Tirmizi, 1/100,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝176 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Islaam Hijrat aur Hajj se Guzishta Gunaah Ma'af _,*

*❉⇨Hazrat Abi Shamatah Mehri se Rivayat hai k hum Hazrat Amru bin Aas Raziyallahu Anhu ke Paas Unke Aakhri Waqt me Haazir hue, Wo Zaaro Qataar Ro Rahe the, ( aur Diwaar ki Taraf Apna Rukh kiye hue the) Unke Sahabzade unhe Samjhane lage k Ey Abba jan! Huzoor ﷺ ne To Aapko Badi Badi Basharate di hai'n, Ye Sunkar unhone Diwaar ki Taraf Se Apna Rukh Badla aur farmaya-*

*”_Bhai Sabse Afzal Cheez Jo Humne Aakhirat ke liye Tayyar ki hai Wo Toheed aur Risalat ki Shahadat hai, Meri Zindgi ke Teen Daur guzre hai’n, Ek Daur tha jab k Aapse Bugz Rakhne Wala Mujhse Zyada koi aur Shakhs Na tha aur Jabki Meri Sabse Badi Tamanna ye thi k kisi Tarah Aap per Mera Qabu Chal jaye To Mai'n Aapko Magar dalu, Ye To Meri Zindgi ka Sabse Badtar Daur tha, Agar khudanakhwasta isi Haal me Mar jata To Yaqeenan Dozakhi hota,*

*❉_Iske Baad Jab Allah ne Mere Dil me islaam ki Haqqaniyat daali To Mai'n Aapke Paas aaya aur Maine kaha, Laaiye Haath badhaiye, Mai'n Aapse Bayt karta hu’n, Aapne Haath badha diya, Maine Apna Haath Pichhe khee'nch Liya, Aapne farmaya, Ey Amru! Ye kya? Maine Arz kiya “Mai'n Kuchh Shart lagana Chahta hu’n, Farmaya, ”kya Shart lagana Chahte ho? Maine kaha k Mere Sab Gunaho'n ki Magfirat ho jaye,*

*❉_ Aapne farmaya, Ey Amru ! Kya Tumhe khabar Nahi hai k islaam To Kufr ki Zindgi ke Tamaam Gunaho'n ko mita deta hai aur Hijrat bhi Pehle Tamaam Gunaho'n ko Saaf kar deti hai aur Hajj bhi Pehle Sab Gunaah khatm kar deta hai,”*

*📚 Kazafil Targeeb- 2/313, Sahih Muslim kitabul imaan, 1/76,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝177 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Haaji jiske liye Magfirat ki Dua kare Uske Gunaah Ma'af _,*

*❉⇨ Hazrat Abu Huraira Raziyallahu Anhu Se Rivayat hai k Rasulullah ﷺ ne irshad farmaya-*

*”_ Haaji ki aur jiske liye Haaji Bakhshish ki Darkhwast karta hai, Uski Allah Ta’ala Magfirat farma dete hai’n,”*

*❉_ Aur Ek aur Rivayat me yu’n hai:-”Ey Allah! Haaji ki aur jiske liye Haaji Magfirat ki Darkhwast kare Uski Magfirat farma de,”*

*📚 Kanzul Ummal- 5/137,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝178 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _Jab Haji Ahraam Baandh kar Talbiya Padhta hai To Uske Gunaah Ma'af ho jate hai’n _,*

*❉⇨ Hazrat Sahal bin Sa’ad Raziyallahu Anhu Se Rivayat hai k Rasulullah ﷺ ne irshad farmaya-*

*”_ Nahi jata koi Musalman Banda Allah ke Raaste me ya koi haaji "La ilaaha illallah" Padhte hue ya “Labbaik” Padhte hue Magar Suraj Uske Gunaho'n ko le kar Doob jayega aur Wo Gunaho'n Se Nikal jayega,”*

*📚 Kanzul Ummal- 5/18,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝179 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Hajj ya Umrah karne wala Raaste me mar gaya to uske Gunaah Ma'af _,*

*❉⇨ Hazrat Jaabir bin Abdullah Raziyallahu Anhu Se Rivayat hai k Rasulullah ﷺ ne irshad farmaya-*

*”_ Jo Makka Mukarrama ke Raaste me jaate ya aate hue mar gaya Na Uski Adalat me Peshi hai aur Na Hisaab liya jayega aur Uski Magfirat kar di jayegi,”*

*📚 Ravaah Al Asbahani Kazafil Targeeb- 2/179,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝180 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Jisne Masjide Aqsa Se Hajj ya Umrah ka Ahraam Baandha, Uske Gunaah Ma'af _,*

*❉⇨ Ummul Momineen Hazrat Umme Salma Raziyallahu Anha Se Rivayat hai k Rasulullah ﷺ ne irshad farmaya-*

*”_Jisne Masjide Aqsa Se Masjide Haraam ki Taraf Hajj ya Umrah ka Ahraam Baandha Uske Pichhle Gunaho'n ki Magfirat kar di jayegi,”*

*❉_ Aur Ek Rivayat me itna izafa hai k Uske liye Jannat wajib ho jayegi_,”*

*📚 Abu Dawood- 1/243,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝181 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Jisne Manasike Hajj Poore kiye aur Uske Haath aur Zaban Se Musalman Mehfooz rahe, Uske Gunaah Ma'af _,*

*❉⇨ Hazrat Jaabir bin Abdullah Raziyallahu Anhu Se Rivayat hai k Rasulullah ﷺ ne irshad farmaya-*

*”_ Jisne Manasike Hajj Poore kiye aur Uski Zaban aur Haath Se Musalman Mehfooz rahe Yani Hajj ke baad To Allah Ta’ala Uske Pichhle Agle Gunaho'n ki Magfirat farma dete hai’n”*

*📚 Kanzul Ummal- 5/8,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝182 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Jisne Betullah ke 50 Tawaf kiye, Uske Gunaah Ma'af _,*

*∆⇨ Hazrat ibne Abbaas Raziyallahu Anhu Se Rivayat hai k Rasulullah ﷺ ne irshad farmaya-*

*”_ Jisne Betullah ke Pachaas Martaba Tawaf kiye Wo Apne Gunaho'n Se Esa Nikal jayega Jis Tarah Apni Maa'n Se Peda'ish ke din tha,”*

*📚 Akhrajah Tirmizi,2/192, Kazafil targeeb, 4/250,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝183 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Tawaaf Karne Wale ke Har Qadam per Ek Gunaah Ma'af _,*

*❉⇨ Hazrat Abdullah bin Umar Raziyallahu Anhu Se Rivayat hai k Rasulullah ﷺ ne irshad farmaya-*

*”_Jisne Allah ke is Ghar ka 7 Baar Tawaaf kiya Wo Na Koi Qadam uthata hai Na rakhta hai Magar Allah Ta’ala Uske liye Ek Neki likhte hai’n aur Ek Gunaah Usse mitate hai’n aur Uske liye Ek Darja Buland farmate hai’n,*

*❉_ Aur Raavi kehte hai’n Maine Huzoor ﷺ ko ye farmate hue suna k jisne Betullah ka Saat Baar Tawaaf kiya aur Ahatmam v Fikr ke Saath kiya ( Yani Sunan v Adaab ki Ri'ayat ke Saath) To Uska ye Amal Ek Gulam Azaad karne ke Barabar hoga,”*

*📚 Kanzul Ummal- 5/53,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝184 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Jisne Hajre Aswad aur Rukne Yamani ka istilaam kiya, Uske Gunaah Ma'af _,*

*❉⇨ Hazrat Abdullah bin Umar Raziyallahu Anhu Se Rivayat hai k Rasulullah ﷺ ne irshad farmaya-*

*”_ Hajre Aswad aur Rukne Yamani ka istilaam khatao’n ko mita deta hai ”*

*❉_ Imaam Tirmizi aur Haakim ke Yaha’n Alfaze Hadees yu’n hai:-*

*”_ Hajre Aswad aur Rukne Yamani Gunaho'n ke kaffare ka Zariya hai ( Banda Tawaaf karte hue jab Ek Qadam rakhega aur Doosre Aqdaam uthayega To Allah Ta’ala Uske har Qadam ke Badle Ek Gunaah Ma'af karega aur Ek Neki ka Sawab Uske liye likha jayega)_ ”*

*📚 Kanzul Ummal- 5/189,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝185 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Jo Betullah me Dakhil ho gaya, Uske Gunaah Ma'af _,*

*❉⇨ Hazrat ibne Abbaas Raziyallahu Anhu Se Rivayat hai k Rasulullah ﷺ ne irshad farmaya-*

*”_ Jo Betullah Sharif me Dakhil ho gaya Wo Neki ki Khaan me Dakhil ho gaya aur Gunaah Se Bakhsha Bakhshaya Nikal aaya, ”*

*📚 Kanzul Ummal- 12/197,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝186 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _Jisne Maqame Ibrahim ke Pichhe Do Raka’at padhi, Uske Gunaah Ma'af _,*

*❉⇨ Jisne Maqame Ibrahim ke Pichhe Do Raka’at padhi To Uske Agle Pichhle Gunaho'n ki Magfirat kar di jayegi aur Qayamat ke Din imaan Walo ke Saath Usko Uthaya jayega_,”*

*📚 kazafi khasa'il Magfiratul ibne Hajar, 102,*

▔▔▔▔▔▔▔▔▔▔▔▔▔▔▔▔▔▔▔▔▔

*⚄ ℘AЯT↝186 ⚄* ▔▔▔▔▔▔▔▔▔▔▔▔▔▔▔▔▔▔▔▔▔

*☞ _ Allah ke Ghar ki Ziyarat karne Wala Duniya me Aafiyat Se Rehta hai aur Aakhirat me Uske Gunaah Ma'af _,*

*❉⇨ Hazrat Abuzar Raziyallahu Anhu Se Rivayat hai k Rasulullah ﷺ ne irshad farmaya-*

*”_ Hazrat Dawood Alaihissalam ne Arz kiya, Ey mere Ma’abood ! Aapke Bando'n ka Aap per kya Haq hai Jab Wo Aapke Ghar Aakar Aapki ziyarat kare ? Kyunki har Ziyarat karne Wale ka Mezbaan per Haq hua karta hai,*

*❉_ Allah Ta’ala ne irshad farmaya- Ey Dawood ! Inka mujh per Haq ye hai k Duniya me inko Aafiyat aur Salamti se rakhu Aur jab Aakhirat me milu to inki Magfirat kar du’n ”*

*📚_  Kanzul Ummal- 5/146,*

*∆_ Alhamdulillah Post Mukammal Hui_,*

▔▔▔▔▔▔▔▔▔▔▔▔▔▔▔▔▔▔▔▔▔

💕 *ʀєαd,ғσʟʟσɯ αɳd ғσʀɯαʀd*💕               https://whatsapp.com/channel/0029VaoQUpv7T8bXDLdKlj30

*👆🏻Follow for Join WhatsApp Channel*      

       *❥✍ Haqq Ka Daayi ❥*    

http://haqqkadaayi.blogspot.com

*👆🏻Visit for All updates,*

https://chat.whatsapp.com/HWzZMSYtDIk8fIkxDU7zHB

*"👆🏻_Sirf Roman Post Ke liye Link se Join Kijiye,*

https://t.me/haqqKaDaayi

*👆🏻Telegram Per Join Link_,*

https://www.facebook.com/share/1BYZV136N9/

*👆🏻 Facebook Page Like Kijiye _,*

┣━━━━━━━━━━━━━━━━━━━━┫

⚂⚂⚂