🍀💐🍀
▁▁▁▁▁▂▂▃▃▄▄︻▄▄▃▃▂▂▁▁▁▁▁
βίşмίĻĻάhίʀʀάhмάήίʀʀάhέέм
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 01 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞ 1- Pehli Nasihat ,*
*★• Allah Sub'hanahu wa Ta’ala ka irshad hai k, Ey imaan walo !*
*❁ • Tumko Ye baat Halaal Nahi k Aurto’n Ke ( Maal Ya Jaan ke ) Jabran Malik ho Jao aur in Aurto’n ko is garz Se Muqayyad ( Qaid) mat karo k Jo Kuchh Tum Logo'n ne inko diya hai Usme ka koi Hissa ( bhi inse ) Vasool kar lo Magar ye k Aurte’n koi Sareeh Nashasta Harkat kare,*
*❁• Aur in Aurto’n ke Saath khoobi ke Saath guzraan kiya karo ( yani khush Akhlaaqi aur Naan Nafqa ki Khabar giri ),*
*❁ • Aur agar Wo Tumko Na Pasand ho to ( ye Samajh kar Bardasht Karo k ) Mumkin hai k Tum Ek Shai ( Cheez) ko Na Pasand Karo aur Allah Ta’ala Uske Andar ( Tumhare liye ) koi Badi Munfa’at ( Duniyavi v Deeni ) rakh de,*
❁ •
இ‸இﾟஇ‸இﾟﾟஇ‸இﾟஇ‸இ
*®_ Tarjuma: – Surah An-nisa: 19, Ma’arful Quran, 2/349,*
•─━━━━━══════━━━━━─•
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 02 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞ 2- Doosri Nasihat ,*
*★• Pyare Bhai .. Rasulullah ﷺ ne Farmaya::-*
*❁ • Aurto’n ke Saath Bhalayi ka Ahatmaam kiya Karo, Kyuki Aurat Pasli Se Paida ki gayi hai aur Pasli me Zyada Teda Uska Ouper ka hissa hai,*
*❁ • isliye Agar Tu Use Sidha karne lagega To Use Tod dalega aur Agar Chhorega To Wo Tedi hi rahegi, Lihaza Aurto’n ke Saath Bhalayi ka Ahatmam kiya Karo,*
*®_ Muslim Sharif,*
*❁ • isliye Pyare Musalman Bhai Aapko Chahiye k Huzoor Akram ﷺ ki is Nasihat v Wasiyat per Amal karne ki Niyat karte hue Aaj Se hi Aap Apni Bivi ke Saath Husne Sulook Shuru kar de'n,*
*❁ ･Uski kotahiyo Se Darguzar kare, Apne Mizaaj ke Muwafiq 100 fi Sadi Usko Dhaalne ki koshish me waqt Zaaya na kare,*
*❁ ･Kyu'nki Aurat ka Shohar ki Tabiyat ke khilaaf hona koi Aib Nahi hai k unki Fitrat ka Taqaza yahi hai k Wo Tedi ho, Pasli ke aibdar Tedapan hona iska aib Nahi Balki Uska Husn hai,*
இ‸இﾟஇ‸இﾟﾟஇ‸இﾟஇ‸இ
*®_ Tohfa E Dulha _,*
•─━━━━━══════━━━━━─•
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 03 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞ 3- Teesri Nasihat,*
*★• Pyare Bhai.! Rasulullah ﷺ ne farmaya: –*
*❁ • Be parda Aurat Shaitan ki Soorat me aati hai aur Shaitan ki Soorat me Jati hai, Lihaza Jab Tumme se Koi kisi ( Ajnabi ) Aurat ko dekhe ( aur Wo Use Pasand aaye ) To foran Apni Bivi ke Paas aaye, Kyunki ye ( Aana ) Us Khwahish ko khatm kar dega Jo Uske Dil me paida Hui,*
*®_ Muslim Sharif,*
*❁ • Avvalan Poori Koshish kare k kisi Na-Mehram per Nigaah hi na Padne paye aur Khuda Na khwasta Agar Esa ho jaye To foran Nazare hata kar Ye Dua Padhe:-*
*”Allahumma inni A’auzubika min fitnatin Nisa’a,”*
*❁ • Yaad rakhiye Aapne Apni Nigaho'n ki Hifazat kar li to Aap ki Aulaad bhi Afeef aur Paakiza hogi,*
*❁ •isliye Nigaah Chashmi aur Nigaah Qalbi (Yani Na-Mehram ka Tasavvur ) Dono ki Hifazat karne ki koshish kare,*
❁ •
இ‸இﾟஇ‸இﾟﾟஇ‸இﾟஇ‸இ
*®_ Tohfa E Dulha,*
•─━━━━━══════━━━━━─•
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 04 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞ 4- Chothi Nasihat ,*
*★• Pyare Bhai ! Rasulullah ﷺ ne farmaya: –*
*❁ • Qayamat ke Din Allah Ta’ala ke Yaha'n Martaba ke aitbaar Se Bura Shakhs Wo hoga Jo ( Duniya me) Apni Bivi se Wazifa E Zojiyat Ada kare aur fir Uski Poshida Baate Zaahir karta fire,,*
*®_ Muslim Sharif,*
*❁ • Apni Bivi ke Husn ki Tareef Dosto ke Saamne Hargiz Na kare, Agar koi Be-Takalluf Dost Puchhe To Sirf Yu’n keh dijiye, ”Alhamdulillah Mai'n Mutma’in hu’n,,”*
*❁ • isi Tarah khud bhi kisi Na-Mehram Aurat ke bare me Bivi Se Bilkul Na Puchhe, Na Uske Batlane per Sune,*
*❁ • Balki foran Chup kar de aur Samjhaye k, Mujhe kisi Aurat ke Jismani Khad v Khaal ( Husno Jamal ) ya Bol Chaal ke bare me Bilkul na batao, Varna us Gunah ki Nahusat ye hogi k Tumhari aur Meri Muhabbat me farq aa jayega,,,“*
இ‸இﾟஇ‸இﾟﾟஇ‸இﾟஇ‸இ
*®_ Tohfa e Dulhaa,*
•─━━━━━══════━━━━━─•
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 05 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞ 5- Paa'nchvi Nasihat,*
*★• Pyare Bhai ! Allah Ta’ala ka Farman hai:-*
*❁ • Mard Haakim hai'n Aurto’n per is vajah Se k Allah Ta’ala ne Baazo ko ( yani Mardo'n ko ) Baazo per ( yani Aurto’n per Qudrati ) fazilat di hai aur is Vajah Se Mardo'n ne ( Aurto’n per ) Apne Maal kharch kiye hai’n,*
*❁ • So Jo Aurte’n Nek hai’n Wo ita’at karti hai’n, (aur) Mard ki Gair Mojoodgi me ( bhi ) Hifazat E ilaahi ( Uski Aabru v Maal ki ) Nigahdasht karti hai’n,*
*❁ • Aur Jo Aurte’n Esi Ho'n k (Tumko Qur'an Se) Unki Bad-Dimagi ka Ahatmal ho To Unko ( Pehle To ) Zabani Nasihat Karo, aur ( Na Maane To ) Unko Unke letne ki jagah me Tanha chhod do,*
*❁ •Aur ( isse bhi Na maane To ) Unko ( Aitdaal ke Saath ) maaro, fir Agar wo Tumhari ita’at karna Shuru kar de To un per ( Zyadti karne ke liye ) Bahana ( aur Moqa ) mat Talash Karo,*
*❁ • Kyunki Bila Shub'ha Allah Ta’ala Badi Raf’at aur Azmat Wale hai’n,*
*®_ Surah An-Nisa, 34, Tarjuma: Ma’artful Quran, Jild 2 safa 393,*
இ‸இﾟஇ‸இﾟﾟஇ‸இﾟஇ‸இ
*®_ Tohfa e Dulhaa,*
•─━━━━━══════━━━━━─•
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 06 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞ 6- Chhati Nasihat,*
*★• Mere Pyare Bhai ! Hazrat Abdullah ibne Abbaas Raziyallahu Ta’ala Anhum irshad farmate hai’n k-*
*❁ • Mai'n Apne Aapko Bivi ke liye Aaraasta karta hu'n jese k wo Apne Aapko Mere liye Aaraasta (Sajti hai) karti hai,*
*❁ • Aur Mai'n Ye Pasand Nahi karta k Usse Safaa'i Suthraa'i ka Apna To Poora Haq Vasool karu'n aur Uska Haq Jo Mujh Per Waajib ho jaye Usme kotahi karu'n,*
*❁ •isliye k Allah Ta’ala ka irshad hai:-*
*”Aur Aurto’n ka bhi Haq hai jesa k Mardo'n ka un per Haq hai qaayde ke Muwafiq, ”*
*Yani ye Munasib Nahi k khud To Bivi Se Ye Chahu k Jab Us per Nazar pade To Wo Aaraasta v Peraasta (Saji Sa'nwri ) ho aur Khud Bikhre Baal, Gandi Topi, Mela kurta, Bujha hua Chehra liye hue hu’n,*
*❁ •Esa kabhi Na Kare'n, Khud bhi Apna khayal Rakhe'n Taki Jism bhi Theek ho, Baal Daadhi khoobsurat lage, Chehra Ba-Ronak ho aur iski koshish Kare'n k Hamesha Jism Se khushbu Aaye, (Yani Atr ka aur Garmiyo me Subeh Shaam Gusl ka Ahatmam Kare'n),*
இ‸இﾟஇ‸இﾟﾟஇ‸இﾟஇ‸இ
*®_ Tohfa e Dulhaa,*
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 07 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞ 7- Saatvi Nasihat ,*
*★•Mere Pyare Bhai.! Rasulullah ﷺ Se Bivi ke Haq ( lafz ”Haq” yaad rahe koi Ri'ayat aur Ahsaan nahi ) ke bare me Sawal kiya gaya To Aap ﷺ ne farmaya k: –*
*❁ • Use khilaye jab Tu khaye aur Apni Bivi ko Pehnaye jab Tu pehne, aur Uske Chehre per na maar aur use Bura Bhala na keh ( Yani uski Soorat aur Seerat me aib na Nikaale,)*
*❁ • Aur Use ( Agar Tambeeh ke Tor per Khud Se Alag karna hai To ) Ghar ke Andar hi Alag kare yani usi Makaan me rakh, ”*
*®__ Abu Daowd,*
*❁ • Lihaza Musalman Shohar is Baat ko jaan le k Sasuraal me Bivi Jo Kuchh khati hu ye uska Haq hai Jo kuchh Pehanti hai ye uska Haq hai us per koi Ahsaan Nahi hai,*
இ‸இﾟஇ‸இﾟﾟஇ‸இﾟஇ‸இ
*®__ Tohfa E Dulhaa,*
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 08 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞ 8- Aathvi Nasihat ,*
*★• Pyare Bhai.!Rasulullah ﷺ ne irshad farmaya-*
*❁ • Koi Momin ( Apni ) Momina ( Bivi ) Se Nafrat na kare, Agar Uski (Bivi ki koi ) Aadat Usko Napasand hai To Ho Sakta hai k Dooari ( koi ) Sift usko pasand bhi ho,*
*®_ Muslim,*
*❁ • Shahad ki Makkhi Achchha'i Talaash karti hai isliye Keechad me bhi Ka'nwal per hi Bethti hai, Aam Makkhi Gandgi hi Talaash karti hu isliye Baag me bhi galazat per hi Bethti hai,*
*❁ •Bas is usool ke Tahat Apni Bivi me Achchha'i Talaash karoge To Yaqeenan mil jayegi, aur Usse Nafrat Muhabbat me Badal jayegi,*
*❁ • Yaad rahe ye Shayri Nahi Haqeeqat hai, Allah Ta'ala aur Rasulullah ﷺ ka hukm hai, Amal karke dekhiye in sha Allah Ta’ala Kaaya palat jayegi,*
இ‸இﾟஇ‸இﾟﾟஇ‸இﾟஇ‸இ
*®__ Tohfa e Dulhaa,*
★•
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 09 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞ 9- Navi Nasihat ,*
*★• Pyare Bhai.! Allah Ta’ala ka irshad hai:-*
*❁ • Ey imaan Walo Tum Apne ko aur Apne Ghar walo ko ( Dozakh ki ) us Aag se bacha'o Jiska idhan Aadmi aur Patthar hai’n,*
*❁ • Jis per Sakht Dil ( aur ) Mazboot Qavi Farishte ( mutaiyan ) hai’n Jo Khuda ki ( Zara ) Na-farmani Nahi karte kisi Baat me Jo unko Hukm deta hai,*
*❁ • Aur Jo kuchh Unko Hukm diya jata hai Usko ( foran ) Baja laate hai’n,*
*®_ Surah Tehreem, Aayat no.6 – Tarjuma Ma’arful Quran,*
*❁ • Wazahat:- Yani Khud bhi Nek bane aur Apne Ghar walo ko bhi Deen daar banane ke liye khoob Mehnat aur Dua’en kare,*
*❁ •Be-Deeni hi Dozakh Tak le jati hai Ghar walo ko Deen daar banane ki Asaan Tarkeeb ye hai k-*
*❁ • 1- Unhe Allah ke Raaste me Waqt Lagane ke liye Aksar le jaye,*
*❁ •2- Nek Saleh Buzurgo ke Bayan Sunaye,*
*❁ • 3- Mustanad Deeni Kitabe’n Padhne ke liye de’n,*
*❁ • 4- Har Farz Namaz ke Baad aur Tilawat karne ke Baad Unki islaah aur Hidayat ke liye Allah se khoob Khoob Duae’n maa'nge,*
இ‸இﾟஇ‸இﾟﾟஇ‸இﾟஇ‸இ
*®_ Tohfa e Dulhaa _,*
★•
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 10 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞ 10- Dasvi Nasihat ,*
*★• Mere Pyare Bhai! Rasulullah ﷺ ne irshad farmaya: –*
*❁ • Aurto’n ke Maamle me Allah se Daro, Tumne unhe Allah Ta’ala ke Amaan ke Zariye Haasil kiya hai, aur Unki Sharmgaho ko Allah Ta’ala ke Kalme ke Zariye Halaal kiya hai,*
*❁ • Un Per Tumhara Haq hai k Wo Tumhare Ghar me un Logo'n ko Na aane de Jinko Tum Na pasand karte ho,*
*❁ •Agar Wo Esa kare To Unko maaro Magar Esi maar Jo Zyada Shadeed Na ho ( aur Chehre per Hargiz Na ho ),*
*❁ • Aur unka Tum per Ye haq hai k Tum unke Naan Nafqa aur Kapde ki Dastoor ke Muwafiq Zimmedari poori Karo,*
*®_ Muslim Sharif,*
இ‸இﾟஇ‸இﾟﾟஇ‸இﾟஇ‸இ
*®__ Tohfa e Dulhaa,*
★•
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 11 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞ 11- Gyharvi Nasihat,*
*★• Mere Pyare Bhai ! Amirul momineen Sayyadna Umar ibne Khattab Raziyallahu Anhu irshad farmate hai’n:-*
*❁ • Mard ko Chahiye k Apne Ghar ke Andar khush kalaami, Khanda Peshani aur Unsiyat ke aitbaar se Bachche ki Tarah ho,*
*❁ • Aur Jab Ghar Se Bahar Logo'n ke Saath ho To fir Bharpoor Mard ban jaye,*
*❁ • Har Musalman Shohar is Nasihat per Amal kar le To Yaqeenan Gharo ke Ka'i jhagde, Ka'i Talaaqe, Maayke beth Jana, Khula le Lena Vagera Bahut si Pareshaniya’n Khatm ho jaye,*
*❁ •Tajurba karke Dekh lijiye ye Us Jaleelul Qadr Sahabi aur Amirul Momineen ki Nasihat hai jiske bare me Huzoor Akram ﷺ ne irshad farmaya k Agar Mere Baad Koi Nabi hota to Umar hota,”*
இ‸இﾟஇ‸இﾟﾟஇ‸இﾟஇ‸இ
*®_ Tohfa e Dulhaa,*
★•
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 12 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞ 12- Baarhvi Nasihat,*
*★•.Mere Pyare Bhai ! Rasulullah ﷺ irshad farmate hai'n -*
*❁ • Musalman Mard ka har Khel Baatil hai Sivaye Tirandazi aur Ghode ki Tarbiyat aur Apni Bivi ke Saath Ha'nsi Mazaaq ke k ye Sahih hai,*
*®_ Tirmizi ,*
*❁ • Itteba E Shari'at Badi Ajeeb Cheez hai Kaash Hum Musalman Aaj Uski Haqeeqat Maloom karte aur Apni Ma’ashrat v Ma'amlaat me So fi Sadi Deen ke Ahkamaat ko Zinda karne ki Koshish karte To Har Ghar Jannat ka Namoona banta,*
*❁ • is Ek Hadees Se hi Andaza laga lijiye k Ghar walo ke Saath Pyar Muhabbat karna, Unke Saath Ha'nsi Mazaaq karna, Unki Jaa’iz Khwahish Poori karne ki fikr karna in Sabko Haq me Shumar kiya gaya,*
*❁ •Aur Un Per bhi Esa hi Ajr v Sawab milega Jis Tarah Nifli ibaadat per milta hai, Agar Niyat Sawab aur Allah Ta’ala ko Raazi karne ki ho,*
இ‸இﾟஇ‸இﾟﾟஇ‸இﾟஇ‸இ
*®_ Tohfa e Dulhaa,*
★•
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 13 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞ 13- Teharvi Nasihat,*
*★• Mere Pyare Bhai ! Rasulullah ﷺ ne irshad farmaya-*
*❁ • Momino me Sabse kaamil imaan Wala Wo Shakhs hai Jo Sabse Behtar Akhlaaq Wala ho aur Apne Ghar Walo ke Saath Narmi aur Achchha Bartaav karne Wala ho,*
*®__ Tirmizi,*
*❁ • Khush Qismat hai Wo Musalman Jo Zahiri Cheezo me bhi Huzoor Akram ﷺ ki itteba kare aur Akhlaaq, Ma’amlaat, Ma’ashrat aur Zindgi ke har Shobe me Sunnat ki itteba ki koshish kare,*
*❁ • itteba e Sunnat insaan ki Duniya bhi banati hai Akhirat bhi banati hai aur Zindgi ko sanwaarti hai,*
*❁ • Hazrat Aayesha Raziyallahu Anha farmati hai’n k Aap ﷺ ne saari Umr Azwaaje Mutahraat Raziyallahu Anhum me se na Sirf ye k Kisi per Haath Nahi uthaya balki Jab bhi Ghar ke Andar Dakhil hue to Chehre Mubarak per Tabassum hota tha,*
*❁ • Aap bhi Sachche Muhammadi hone ka Saboot dete hue is Ek Sunnat per Ahatmaam Se Amal karte hue Apne Rab Se Ja miliye,*
இ‸இﾟஇ‸இﾟﾟஇ‸இﾟஇ‸இ
*®__ Tohfa e Dulhaa,*
★•
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 14 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞ 14- Chodhvi Nasihat,*
*★• Mere Pyare Bhai ! Rasulullah ﷺ ne irshad farmaya:-*
*❁ • Jab Tumme Se Koi kisi Aurat Se Nikaah kare ya Khadim kharide (Rakhe) To Ye kahe, Ey Allah ! Mai'n Aapse iski khairo Barkat ka aur iski Peda'ishi Khaslat ki khairo Barkat ka Jis per Aapne isko Paida kiya hai Sawal karta hu,*
*❁ • Aur Ey Allah ! Mai'n Aapse iski Shararat Se aur jis Shararat per Ye Paida huva Panaah maa'ngta hu,*
*❁• Fir iski Peshani ke Baal pakad kar uske liye Barkat ki Dua kare,*
*®_ Abu Daowd ,*
*❁ • Dua ke saath Apni Nigaho'n ki bhi Na-Mehram Aurto’n Se Hifazat kare, Chahe Wo Bhabhi ho, KhalaZaad ho, MamuZaad ho ya Saali ho,*
*❁ • is Tarah Nigaho'n ki Hifazat Se Bivi ke Dil me Aapki aur Aapke Dil me Bivi ki Sachchi Muhabbat paida hogi,*
இ‸இﾟஇ‸இﾟﾟஇ‸இﾟஇ‸இ
*®_ Tohfa e Dulhaa,*
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 15 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞ 15- Pandrahvi Nasihat ,*
*★• Mere Pyare Bhai ! Rasulullah ﷺ Se Kisi ne Sawal kiya :-*
*❁ • Humme Se Ek Aadmi Bivi ke Paas jata hai aur Usse Sohbat karta hai Kya Uske liye is Amal ki Vajah Se bhi Ajr hai ?*
*❁ •Aap ﷺ ne Jawab me farmaya- Tum Bata'o Agar Wo Aadmi Apni Shehwat kisi Haraam Jagah Poori karta Us per Gunaah hota ? To isi Tarah jab Usne Halaal jagah Shehwat Poori ki To Uske liye iske Badle Ajro Sawab hoga,*
*®_ Muslim Sharif,*
இ‸இﾟஇ‸இﾟﾟஇ‸இﾟஇ‸இ
*®__ Tohfa E Dulhaa,*
★•
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 16 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞ 16- Sohlvi Nasihat ,*
*★• Mere Pyare Bhai ! Rasulullah ﷺ ne irshad farmaya ;-*
*❁ • Jab Tumme Se Koi Apni Bivi ke Paas ( Sohbat ke iraade Se ) Aaye To Ye Dua padhe:-*
*❁ • ”Shuru Allah ke Naam se, Ey Allah Shaitan Ko Hum Dono Se Door kar de ,aur is Milaap ki Vajah Se Aapne Jo Hamare liye Aulaad likh di hai Unse bhi Shaitan ko Door kar de ,”*
*❁ • ( Huzoor ﷺ farmate hai’n k ) Agar is milaap se Bachcha Paida huva To ( in sha Allah) Shaitan Usko koi Nuqsaan Nahi Pahu'ncha Sakega,*
*®___ Bukhari Sharif,*
இ‸இﾟஇ‸இﾟﾟஇ‸இﾟஇ‸இ
*®__ Tohfa e Dulhaa,*
★•
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 17 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞ _ Dulha Ki Duhan ko Pehli Raat Ki Nasihat ⊙*
*❁ • • Jis Tarah Aap Dulhan ko Pehli Baar Dekh kar Usse Diljoi ki Baat karenge Waha'n minjumla Baato Se Usko Ye Nasihat bhi Zaroor Kare'n,*
*❁ • K Jis Tarah Tum Zever aur Kapdo se Araasta v Peraasta ho kar khush ho rahi ho Usse Zyada Mai'n Khush ho'unga Jab Tum Meri Nasihat per Dil v Jaan Se Amal karogi, Kyu'nki Tumhari khubiya'n Tumhara Sabse Bada Zever hogi,*
*❁ • Agar Kabhi Meri Walida ya Behne'n Ya Doosri Bhabiya’n Tumse kisi Maamle me Esa Bartaav kare Jo Tumhare Nazdeek Namunasib ya Bura ho ya Waqa'i Unse Tumhare Maamle me Koi Galti Ya Zyadti bhi ho Jaye To Us per Chhoti Ban kar Allah Paak ko Raazi karne ke liye aur Aalame Akhirat me us per Bahut Zyada Ajro Sawab Pane ke liye Sabr kar Lena aur Mujhse Shikayat Na karna,*
*❁ • Esa Na ho k Tum Baar Baar Mujhse kaho k Aapki Walida ne Mere Saath ye Bartaav kiya hai, ya Aapki Bahan ne Mujhe Esa kaha hai, ya Aapki Bhabi To Sidhe Moo'nh Mujhse Baat hi Nahi karti, Ya Aapke Bhai Bahan ke Bachcho ne Meri fala'n Cheez kharaab kar di Magar Na Aapki Bhabiyo ne Roka Na Aapki Bahno ne,*
*❁ • Ya mere Pakaye hue Khane me Aapki Ammi Jaan ya Bahno ne Das ( 10 ) Aib nikaale Vagera Vagera,*
*❁ • Yaad Rakhna ! Agar Tumne is Tarah ki Baate ki To iska Sabse Bada Nuqsaan ye hoga k Mera Dil Tumse hi Bura ho jayega aur Khuda Na kare Agar Maine Tumhari Baate Sun kar aur Unko So fisadi ( 100℅ ) Sahi Samajh kar Apni Walida Mohatrama ki Shaan me Gustakhi kar di To Hum Dono ki Duniya v Akhirat Dono Barbaad ho jayegi,*
*❁ • isliye Yaad rakhna k Mard Thake Maa'nde Apne Kaam Se Ghar me Sukoon Haasil karne ke liye aate hai’n, Agar Biviya'n Saas aur Nanad ke Jhagde ki Tafsilaat Shohar ko batane lagi To unki kya kaifiyat hogi Lihaza Tum isse Bachna,*
*❁.. in sha Allah Tum khud hi iske Fayde ka Mushahida karogi ,*
இ‸இﾟஇ‸இﾟﾟஇ‸இﾟஇ‸இ
*®__ Tohfa e Dulhaa,*
★•
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 18 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞ Dulha Apni Walida, Behno se Arz kar De ⊙*
*❁ •• Dulha Sahab Aap Apni Walida aur Behno Se bhi ye Arz kar de'n k ,*
*❁ • Aapsi Shikayate Aapko Hargiz Na bataye Balki Unhe khud hi Husne Tadbeer aur Sabr v Tahammul ke Saath Nimta diya kare,*
*❁ • Gharelu Jhagdo ke Mutalliq Meri Bivi ki koi Baat Mujhe na bataiye,*
இ‸இﾟஇ‸இﾟﾟஇ‸இﾟஇ‸இ
*®__ Tohfa e Dulhaa,*
★•
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 19 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞_ Saas Bahu me Muhabbat Paida Karne ka Asaan Nuskha,*
*❁ • iski bahut hi Asaan Tadbeer ye hai k Apni Bivi ke Zariye Apni Walida ko Unki Pasand ke Muwafiq Hadiye dilwaiye,*
*❁ • Jo Cheez Aap Walida ke liye laye Wo Bajaye Aap khud Unhe dene ke Bivi ke Haatho dilwaiye,*
*❁ •Aur jab bhi Aapki Ahliya Apne Maayke jaye to Use Takeed Kare'n k Wo Waapsi per Apni Saas aur Nanado'n aur Bhabhiyo'n aur Unke Bachcho ke liye kuchh na kuchh Tohfe Zaroor le kar aaye, Chahe Mamooli hi kyu na ho Aur Apne Haatho Se Unki khidmat me Pesh kare,*
*❁ • Yaqeenan is Tarje Amal Se,is Tarah Hadiye dene se Aapas me Muhabbat badhegi aur Duae’n Alag milengi,*
இ‸இﾟஇ‸இﾟﾟஇ‸இﾟஇ‸இ
*®__ Tohfa e Dulhaa,*
★•
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 20 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞_ 20- Beesvi Nasihat ,*
*★• Mere Pyare Bhai !*
*❁ • Baraye Meharbani, Allah ke waaste ,Bivi se Suni hui Baat Par Walida Ya Chhote Bhai Behno Ko Kuchh na Kahiye,*
*❁ • Aur Walida aur Behno Ki Na-Jaa'iz Shikayato Ki vajah Se Bager Tehqeeq Ke Bivi Par bhi Zulm na Kijiye,*
*❁ •Baraye Meharbani, Allah ke waaste ,Bivi Se Suni hui Baato'n Kï Vajah Se Apni Walida ko Kabhi kuchh Na kahiyega K Walida Kï Aah Nikalne Se Duniya v Akhirat Dono Barbaad hone ka Andesha hai,*
*❁ •Walida Kï Waqa'i Galti Saamne aa bhi jaye To Pyar v Muhabbat Se Samjhane Kï koshish kare'n, Badi Behan ke Zariye Samjhaiye,*
*❁ •Bivi Se Walida Ko Hadiya Dilwaiye, Hadees me aata hai, ”Hadiya liya Diya karo, isse Aapas me Muhabbat badhegi ,”*
இ‸இﾟஇ‸இﾟﾟஇ‸இﾟஇ‸இ
*®__ Tohfa e Dulhaa,*
•─━━━━━══════━━━━━─•
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 21 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞_ Suhaag Raat- Ek Zaroori Wazahat,*
*❁ • Afsos hai k Aaj Behaya Ma'ashre ne Hume itna Behaya Bana diya k Hum Suhaag Raat Ko Ek khel, Tamasha aur Sirf Jismani khwahish ko Poora karne ka Ek Zariya Samajh rahe hai’n,*
*❁ • Had To Tab hoti hai Jab Hamare Bhai is Raat ke liye, Nangi Tasveero, Blue Filmo Kï Nangi aur Be huda Clipping ke Zariye Shaitani Tareeqo Se Apni Jinsi Taskeen karte hai’n, Jin Tareeqo Per Allah Kï Laanat hoti hai,*
*❁ • Nayi Zindgi Kï Shuruaat Shaitan Ko Saath Le kar Nahi Balki Khuda ko Saath Le kar Kijiye, in Sha Allah Zindgi Khushgawaar guzregi,*
*❁ •Yaad Rakhiye k Shadi Se Pehle Na- pukhta Aalim ya Gair Tajurbe kaar Dosto Se is Mozu per Na khud Baat kare Na Unki kahi hui Baato per Tavajjoh de, Balki sirf Ye 2 kaam Kare:-*
*❁ •1- Mo’atbar Mufti Hazraat Se Aham Masa'il Note karke Puchh le Taki Zoja ke Saath ke Mamulaat Ma'amlaat me Shara’i aur Masnoon Tareeqa Aapke Saamne aa jaye aur Nikaah Se Kuchh Pehle Buzurg Ulma Hazraat Ki is Mozu Par Likhi Hui Mustanad Kitaab Muta'ala me rakhe, aur Mushkil Maqam par Nishan Laga Kar Rakh le, Fir Ja kar unse Samajh le,*
*❁ •2- Doosra Kaam ye kare k Allah Ta’ala Se Har Maamle me Aasani Kï Duae’n karne ke Saath Apne Kisi Sanjeeda Soch wale Shadi Shuda Qareebi Ba Aitmaad Dost ya Rishtedar se Zaruratan kuchh Tajurbe Kï Baate Maloom kar le,*
*❁ •Bas itna kaam kar lene Se bhi Aapke Dil ka hol ya Anjani si Pareshani ya Anokhi si Ghabrahat khasi kam Balki khatm ho jayegi,*
*❁ •Aur Aap Hone wali Mankuha ke liye khoob Duae’n bhi kare ,isse khud Ba khud Min janib Allah Uske Dil me bhi Aapki Muhabbat paida hogi ,*
இ‸இﾟஇ‸இﾟﾟஇ‸இﾟஇ‸இ
*®___ Tohfa E Dulhaa,*
★•
•─━━━━━══════━━━━━─•
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 22 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞ _Kya Shohar Mijaazi Khuda Hota hai ?*
*❁ •_ Sawal- Shohar Ke Mijaazi Khuda hone Ka Tasavvur bhi Ma'ashre me Aam hai aur ise Galiban Shara'i Hukm Tasavvur Kiya Jata hai, Shari'at me is Tasavvur Ki Kya Haisiyat hai ?*
*❁ •_ Jawab- Allah Ta'ala ne Mard ko Aurat Par Haakim banaya hai, Magar Na Wo Haqeeqi khuda hai aur Na Mijaazi Khuda, Haakim ki haisiyat se Use Bivi par Zulm v Sitam Todne Ki ijazat Nahi, Na Uski Tehqeer v Tazleel ( Zaleel v Ruswa ) Karne Ki ijazat hai,*
*❁ •_ Jo Shohar Apni Biviyo'n Par Zyadti karte hai'n Wo Bad Tareen Qism ke Zaalim hai'n, Aapko Apni Bivi Se Husne Sulook Ke Saath Pesh aana Chahiye aur Jo Zulm v Zyadti kar Chuke hai'n Uski Talaafi karni Chahiye,*
*❁ •_ Shohar Ko Khuda'i Mansab Par Faa'iz Samajhna Gair Qomo ka Tareeqa Ho To Ho islam ka Tareeqa Bahar Haal Nahi, Albatta Aurat ko Apne Shohar ki izzat v Ahatram ka Yaha'n Tak istahbabi Hukm hai k Uska Naam Le kar bhi na Pukare aur Uske kisi bhi Jaa'iz Hukm ko Na Taale,*
*❁ •_ Agar Shohar Se Aurat Ka Dil na milta ho, Khwah Shohar ki Bad Soorati ki Vajah Se Khwah Uski Bad Khalqi ki Vajah Se, Khwah Uski Bad Deeni ki Vajah Se, Khwah Kisi aur Vajah Se, To Usko Khula lene ki ijazat hai,*
*❁ •_ Shohar Ke Mijaazi Khuda hone Ke Shara'i Hukm Hone ki Galat Fehmi Galiban is Hadees Se Paida hui hai Jisme Aan Hazrat ﷺ ne irshad farmaya hai k Agar Allah ke Siva kisi ko Sajda karna Jaa'iz Hota To Mai'n Aurat Ko Hukm deta k Apne Shohar Ko Sajda kare, (Mishkaat -2/282)*
*❁ •_ Lekin Mazkoora Baala Sawal v Jawab Se Ba Khoobi Waaze ho gaya K is Tasavvur Ka islami Shari'at Se koi Ta'lluq Nahi,*
★•
இ‸இﾟஇ‸இﾟﾟஇ‸இﾟஇ‸இ
*®__ Tohfa E Dulha ___,*
•─━━━━━══════━━━━━─•
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 23 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞_ Bivi Ko Shara’i Ahkaam Per Amal Karne se Na Roke (1),*
*❁ • Aapki Bivi Jabki Alhamdulillah Sahi Aqeede Kï Paband hai, Af’aal ,Bid’aat aur Jahalat bhari Shirkiya Rasmo se Bachti hai, Usko Deeni Taleem hi Esi mili hai k Jis Khush Naseeb ko mil jaye To Kya Kehne !*
*❁ • To fir Aap is Bina per k Aap uske Shohar hai’n, Us per Ese Ahkaam kyu lagate hai’n k ”Meri Walida ke Yaha’n” Koo'nde “hote hai’n, Tumhe bhi Usme Zaroor Shamil hona padega,*
*❁ •Mohalle me fala'n jagah Chaleesve Kï Dawat hai, Tumhe bhi Waha'n meri Numa'indgi ke liye Zaroor Jana hoga, vagera Vagera,*
*❁ •Jo Cheeze Hazrat Nabi Kareem ﷺ aur Hazraat Sahaba Kiraam Raziyallahu Anhum Se Saabit Nahi ( Balki bila Shub'ha Deen me izafa hai ) Unko Akhtyar karne per Bivi ko Kyu Majboor karte hai'n?*
*❁ •Aapko To Khush ho Jana Chahiye k Aapko Allah Ta’ala ne Fizool Bakhedo aur Jahalat Ki Rasmo Se bachne wali Bivi ata farmayi hai,*
*❁ •Fir kyu Usko is Bha'nwar me fasate ho k Wo Shohar ki farma'ish ya Hukm ko Allah Ta’ala ke Hukm aur Nabi Kareem ﷺ Kï layi hui Shari'at ke Ahkaam se Bada Samjhe aur Apni Deeni Zindgi ko Akhtyar Na kar sake ?*
★•
இ‸இﾟஇ‸இﾟﾟஇ‸இﾟஇ‸இ
*®__ Tohfa E Dulha __,*
•─━━━━━══════━━━━━─•
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 24 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞_ Bivi Ko Shara’i Ahkaam Per Amal Karne se Na Roke (2),*
*❁ • Agar Bivi Mukammal Parda karti hai aur Jaha Tak ho Sake is Maamle me Ahatyat karti hai Hattaki Kisi Gair Aurat ke Saamne bhi Sar ke Baal aur Kalaa'iya'n Nahi kholti ( Aur Yahi Hukm E Shara’i hai ) To Aapko kya Takleef ho k Us per Naraazgi ke Bam Barsaye'n ?*
*❁ •Agar Wo Mohalle Kï Ese Gharano Kï Aurto’n Se Mel Jol nahi Rakhna Chahti Jo Deen Se Doori Ya Galat Aqeede Rakhti hai’n aur jinse Bachna Shar’an Zaroori bhi hai, To kyu Aap Sirf is Bina per k Unki Dilshikni hogi k Hamari Majlis me aur Hamari Taqribaat ( programm) me fala'n log Nahi aate, Apni Bivi ko Galat Logo'n Kï Galat Mehfilo me bhejne per israar karte hai'n ?*
*❁ •Kisi Kï DilShikni Se Bachne ke liye Kya Apne Deen v imaan Ko kharaab karna Sahi hai ? Faisla Hum Aap per Chhor dete hai’n,*
★•
இ‸இﾟஇ‸இﾟﾟஇ‸இﾟஇ‸இ
*®__ Tohfa E Dulha __,*
•─━━━━━══════━━━━━─•
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 25 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞_ Bivi Ko Shara’i Ahkaam Per Amal Karne se Na Roke (3),*
*❁ • Agar Bivi Aapke Bhaiyo ( Apne Dever, Jeth ) aur Apne aur Aapke Khalazaad, Chachazaad, Fufizaad, Mamuzaad aur Aapke Chcha'o, Mamu'o Se Mukammal Tor Par Parda karti hai,*
*❁ • Aur Aapke Dosto’n ke Saamne bhi Nahi aati hai aur Esi Taqareeb ( programm) me bhi Jane Se Bachti hai Jaha'n unka Saamna ya Mel jol ho, To Aap kyu Usko Numa'ish Kï Cheez Bana kar Sabke Saamne la rahe hai'n ? Kya Sirf Isliye k Wo bhi Apni Biviya’n Saamne laate hai’n ?*
*❁ •To Hazrat Aapse Aajizana Arz ye hai k Wo Log Apni Biviyo’n ke Nazare isiliye kara rahe hai’n k Badle me Doosro Kï Biviyo’n ke Nazare Kare,*
*❁ •Yaad Rakhiye ! In Sab giri hui aur Haraam Harkato ka Anjaam Sivaye Allah Ta’ala Kï Naraazgi aur Duniya me Mukhtalif Pareshaniyo aur Balaa'o ke Naazil hone aur Maut ke Baad Jahannam me jalne ke Siva kuchh Nahi,*
*❁ •Allah Ta’ala Hum Sabki Hifazat farmaye, Aameen,*
★•
இ‸இﾟஇ‸இﾟﾟஇ‸இﾟஇ‸இ
*®__ Tohfa E Dulha __,*
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 26 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞ Teen Sunehri Usool :-(1)*
*❁ • (1)_ Mere Pyare Bhai ! Apni Nigaho'n Ki Khoob Hifazat Kare'n, Aksar Esa Hota hai Jab Aadmi Apni Nigaah Ki Hifazat Nahi Karta To Uski Bivi Chahe Kitni bhi Khoobsurat Ho Lekin Uska Dil Kabhi Paak Daaman Nahi rehta, Shaitan Hamesha Usko Apne Jaal me Fa'nsaye Rakhta hai,*
*❁ • Aur Beauty Parlour Ke Karishme aur Make Up Wali Har Aurat Ko Apni Bivi Se Zyada Haseen Samajh kar Apne Aapko Zindgi bhar Pareshan Rakhta hai, isliye is Marz Se Bachne Ki Khoob Duae'n Maa'nge,*
*❁ • Ye Bahut hi Bura Marz hai, Roohaniyat Ko Tabaah Kar deta hai, aur Chacha Zaad Mamu Zaad Behne'n, Bhabhiya'n aur Khandaan Ki Jitni Na Mehram Aurte'n hai'n Unse Bator Khaas Apni Nigaho'n ki Khoob Hifazat Kare'n,*
★•
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 27 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞ Teen Sunehri Usool :-(2)*
*❁ • (2) Mere Pyare Bhai ! Ye Soche'n k meri Qismat me Yahi Likhi Hui thi, Sab Jode Muqaddar Hote Hai'n, Allah Ta'ala Ke Likhe bager kuchh Nahi hota, Ab Jo Allah Ta'ala ne likh diya, Us Par Bande ko Raazi Rehna Chahiye,*
*❁ •_ Allah Ta'ala Ke Har Faisle Par Raazi Rehna aur Us Par Shukr Karna, Ye Bande Ka Bada Kamaal aur Bada Aizaaz hai, Allah Ta'ala hum Sabko Tofeeq ata farmaye, Apne Shukr Guzaar Bando me Shamil farmaye, (Aameen)*
*❁ •_ Hazrat Thanvi Reh. Farmate hai'n k Momin Ki Wo Ghadi Badi Manhoos hai Jis Ghadi me Wo Allah Ta'ala ki Nafarmani karta hai, Maslan Kisi Na Mehram Aurat Ko dekhta hai, Apni Halaal Bivi Ko Chhor kar Kisi ke Husne Haraam Par Nazar daalta hai,*
*❁ •_ Balki Momin ki Shaan Ye hai k Agar Kahi'n Achanak Nazar Pad bhi jaye To Foran Nazar Hata kar ye kehta hai k Meri Bivi Se Badh kar Duniya me Koi Haseen Nahi hai, Poori Kaynaat me Uska Misl Nahi hai, Lihaza Mai'n Allah Paak ki Raza Par Raazi hu'n _,*
★•
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 28 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞ Teen Sunehri Usool :-(3)*
*❁ • (3) Mere Pyare Bhai ! Kabhi bhi kisi Se Ummeed na Rakhe'n ( Chahe Wo Maa'n Baap ho Ya Bivi Ya Aulaad Ya Qareebi Dost Vagera ) Sivaye Allah Ta'ala Ke,*
*❁ • Kyunki insaan Ko Jab bhi koi Takleef Pahu'nchti hai ( Jo Zyadatar Apno hi Se Pahu'nchti hai, aur Gairo Se Takleef Pahu'nchna to Koi Gair Mamooli Baat Nahi ) iski Vajah Yahi hoti hai k Uski Kisi Se Wabasta Ummeed Poori Nahi Hoti,*
*❁ • Jab insaan Kisi Se, Maslan Apni Aulaad Se Ye Ummeed Rakhta hai K Wo Mera Kehna Maanegi aur Meri khidmat karegi aur Wo Aulaad Nafarman ho jaye, Ya Farmabardaar ho Magar Mizaaj ke Farq ki Vajah Se Apni Marzi Ke Faisle kare To Takleef Pahu'nchna Laazmi hai,*
*❁ • Yahi Ma'amla Shohar Bivi ka bhi hai, Lihaza Apni Bivi Se Koi Ummeed na Rakhe'n, in Sha Allah Ta'ala Aapko koi Takleef Pahu'nchegi hi Nahi aur Allah na Kare Agar Koi Takleef Pahu'nchi bhi To Uska Asar jaldi Khatm ho jayega,*
★•
இ‸இﾟஇ‸இﾟﾟஇ‸இﾟஇ‸இ
*®__ Tohfa E Dulha __,*
•─━━━━━══════━━━━━─•
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 29 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞ _Ahsaan aur Azdwaji Zindgi _,*
*❁ • _Ahsaan Ke Maa'ni hai k Allah Ta'ala Ki ibaadat is Dhyan ke Saath ki jaye Jese ibaadat Karne Wala Allah Ta'ala ko Dekh raha hai. ya Kam Az Kam is Dhyan Ke Saath k Allah Ta'ala use Dekh raha hai,*
*❁ • _ Doctor Muhammad Abdul Hayi Sahab Aarifi Reh. Farmate hai'n k Ahsaan Waqa'i Badi Ni'amat hai Jiske Haasil Hone Par Shukr Ada karna Chahiye, Lekin Kya Ahsaan Ka Ye Darja Sirf Namaz hi me Haasil hai Ya Jab Aap Apni Bivi Bachcho Se Ya Dost Ahbaab Se Koi Ma'amla karte hai'n, Us Waqt bhi Ye Dhyan Baqi Rehta hai?*
*❁ • _ Farmaya- Beshak Namaz aur Doosri ibaadato me Ye Dhyan Matloob hai k Allah Ta'ala mujhe Dekh raha hai, Lekin is Dhyan Ki Zarurat Sirf Namaz Hi Ke Saath Khaas Nahi Balki Zindgi Ke Har Kaam me iski Zarurat hai, insaan Ko Logo'n Ke Saath Zindgi guzarte aur Mukhtalif Ma'amlaat Anjaam dete hue bhi Ye Dhyan Rehna Chahiye K Allah Ta'ala Mujhe Dekh rahe hai'n,*
*❁ • _ Khaas Tor Par Miya'n Bivi Ka Ta'lluq Esa Hota hai k Wo Ek Doosre Ke Liye Dam Dam Ke Saath hote Hai'n, Unki Rafaqat me Beshumar Utaar Chadaav aate Rehte hai'n, Bahut Si Nagawariya'n bhi Pesh aati hai'n, Ese Moqe bhi aate hai'n Jab insaan Ka Nafs Un Nagawariyo'n Ke Jawab me Na insaafiyo Par Ubharta hai,*
*❁ • _ Ese Moqe Par is Dhyan Ki Zarurat kahi'n Zyada hai k Allah Ta'ala Mujhe Dekh rahe hai'n, Agar Ye Ahsaas Ese Waqt Dil me Paida na ho To Umuman iska Natija Na insaafi aur Haq Talfi ki Soorat me Nikalta hai,*
*❁ • _ Aan Hazrat ﷺ ki Sunnat Ye hai k Aap ﷺ ne Tamaam Umr Kabhi Apni Azwaaj Mutahraat ke Saath Taba'i Gusse aur Daa'nt Dapat Ka Ma'amla Nahi Farmaya,*
*❁ •_ Aur is Sunnat Par Amal Ki Koshish me Maine bhi Ye Mashq ki hai k Mai'n Apne Ghar Walo Par Gussa na Utaaru, Chunache Mai'n Allah Ta'ala ke Shukr Ke Tor Par Kehta hu'n K Aaj Mujhe Apni Ahliya ke Saath Rafaqat Ko 51 Saal ho Chuke hai'n, Lekin is Arse me Alhamdulillah Maine Kabhi Unse Lehja Badal Kar bhi Baat Nahi ki _,*
★•
இ‸இﾟஇ‸இﾟﾟஇ‸இﾟஇ‸இ
*®__ Tohfa E Dulha ___,*
•─━━━━━══════━━━━━─•
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 29 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞ _ Azdwaji Zindgi _Zindgi Ka Safar _,*
*❁ •_Beshak Qur'an E Kareem ne Mardo'n Ko Aurto'n Par Nigra'n qarar diya hai Lekin Aan Hazrat ﷺ ne Apne irshadaat aur Apne Amal Se Ye Baat Waaze farma di hai k Nigra'n hone ka matlab ye Nahi hai k Mard Har Waqt Aurat Par Hukm Chalaya kare, Bivi Ke Saath Khadima Jesa Ma'amla kare,*
*❁ •_ Haqeeqat Ye hai K Khud Qur'an E Kareem ne Hi Ek Doosri Jagah Miya'n Bivi Ke Rishte Ko Dosti aur Muhabbat Se Tabeer farmaya hai, aur isi Aayat me Shohar ke Liye Bivi Ko Sukoon Ka Zariya qarar diya hai ( Suraj Ar Room - Aayat 21),*
*❁ •_ islam hi Ki Ek Taleem Ye bhi hai k Jab Kabhi Koi ijtimayi kaam kiya jaye To Logo'n Ko Chahiye K Wo kisi Ko Apna Ameer bana le Taaki kaam Nazm v zabt Ke Saath Anjaam paye, Yaha'n Tak k Agar Do Shakhs Kisi Safar par ja rahe Ho'n Tab bhi Mustahsab Ye qarar diya gaya hai k Wo Apne me Se Kisi Ek Ko Ameer bana Le'n, Khwah Wo dono Aapas me Dost hi kyu'n na Ho'n,*
*❁ •_ Ab Jis Shakhs ko bhi Ameer banaya jaye Wo Har Waqt Doosre Par Hukm Chalane ke liye nahi, Balki Safar ke Ma'amlaat ki Zimmedari Uthane Ke Liye Ameer banaya gaya hai,*
*❁ •_ Jab islam ne Ek Mamooli Se Safar Ke Liye bhi Ye Taleem di hai To Zindgi Ka Taveel Safar is Taleem Se Khali kese reh Sakta tha,*
*❁ •_ Lihaza jab Miya'n Bivi Apni Zindgi Ka Mushtarak Safar Shuru kar rahe Ho'n To unme Se Shohar Ko is Safar ka Ameer Ya Nigra'n banaya jata hai Kyu'nki is Safar Ki Zimmedariya uthane Ke Liye Jo Jismani Quwwat aur Jo Sifaat darkaar hai Wo Qudrati Tor Par Mard me zyada rakhi gayi hai'n,*
*❁ •_ Lekin is intezam Se ye Haqeeqat Nahi Badal jati k Dono ke Darmiyan Asal Ta'lluq Dosti Muhabbat aur Ulfat ka Ta'lluq hai aur Unme Se Kisi Ko Ye Haq nahi hai k Doosre ke Saath Ek Nokar ka Bartaav kare, Ya Shohar Apne Amarat ke Mansab ki Buniyad par Ye Samjhe k Bivi Uske Har Hukm ki Tameel ke liye paida hui hai, Ya use ye Haq Haasil hai k Wo Bivi Se Apni Har Jaa'iz ya Na- Jaa'iz khwahish ki Takmeel karaye,*
★•
இ‸இﾟஇ‸இﾟﾟஇ‸இﾟஇ‸இ
*®__ Tohfa E Dulha ___,*
•─━━━━━══════━━━━━─•
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 31 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞_ Chhooti Hui Sunnat Zinda Kijiye,*
*❁ •_ Hazrat Ayesha Raziyallahu Anha farmati hai'n k Huzoor Aqdas ﷺ Jab Ghar Tashreef laate they To Aapke Labo Par Muskurahat Hoti thi,*
*❁ •_ Sochne Ki Baat hai K Aap ﷺ Ko Ummat ka kitna Gam tha aur Mashagil Ki Kitni Kasrat thi Lekin iske Bavjood Aap Ghar Tashreef laate To Muskurate hue Chehre Ke Saath Dakhil hote,*
*❁ •_ Apni Bivi Ke Paas Muskurate hue Aana, Ye Sunnat Aaj Chhooti Hui hai, Jo Bedeen hai'n Wo Fir'on Ban Kar aate hai'n aur Jo Deendaar hai'n Wo goya Bayzeed Bastami aur Khwaja Moinuddin Chishti aur Baba Fariduddin Attar ban Kar aate hai'n,*
*❁ •_ Bivi Ki Taraf Muhabbat Ki Nigaah Se dekhenge Hi Nahi, Baat Baat par Jhidkenge, Wo Wo Bechari Baat Karna Chahti hai, Ye Tasbeeh liye bethe hai'n, Din bhar Wo Bechari Aapki Muntazir rahi aur Aap Ghar aate hi Tasbeeh le kar berh gaye Ya Baato me Ya Karobaar ki Fikr me lag gaye Ya Sawalaat Ka Anbaar laga diya k Ye kaam kar liya, Maine kaha tha wo ho gaya ? Uska kya hua ? Kyu nahi hua ? Kya karti rahi itni der Se?... Vagera Vagera,*
*❁ •_ Ye Dono Ravayye Khilafe Sunnat hai'n, Ghar me Apni Bivi ke Paas Jaye'n To Muskurate hue Jaye'n, Usse Baate kare, Khair Khairiyat Daryaft kare, Uske Kaamo me Haath Bata kar Sunnat Zinda Kare'n aur Allah Ta'ala ko khush Kare'n, Tasbihaat aur Nawafil Se Zyada Sawab Us Waqt Ye hai k Bivi ka Haq ada kiya jaye,*
*❁ •_ Apne Haath Se Bivi ko khilane aur Usko Khush Karne ki Khaatir koi Cheez khareedne me bhi Sawab milta hai, Lihaza Ye Tareeqe Zinda Kare'n,*
★•
இ‸இﾟஇ‸இﾟﾟஇ‸இﾟஇ‸இ
*®__ TOHFA- E -DULHAA,*
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 32 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞_ Narm Lehja aur Meethi Zubaan ,*
*❁ • Shohar Ke Liye intehayi Zaroori hai k Narm Lehja aur Meethi Zubaan ka Haamil ho, Bager Meethi Zubaan aur Narm Lehja ke Pyar v Muhabbat Mahaz Ek Dikhawa hai,*
*❁ •_ Jis Ghar me Miya'n Bivi Narm Lehja aur Meethi Zubaan istemal karne Ke Aadi Ho'n Waha'n Pyar v Muhabbat ki Farawani Hoti hai Jiski Jhalak Ghar Ke Har Fard me Dikhayi deti hai,*
*❁ • _ Aap is Aasan Nuskhe ka Tajurba Kar ke dekhiye, in Sha Allah Ta'ala Aapki Tamaam Pareshaniya Kafoor ho jayengi, Bivi Aapse Dili Muhabbat Karne lagegi, Bachcho Ke Darmiyan Muhabbat v Shafqat ka jazba badhega aur Wo Ghar Ke Bahar bhi Yahi Zubaan istemal karenge, Kitna hi Aham Ma'amla ho Koshish Kare'n k Aapka Narm Lehja Chhootne na paye,*
*❁ • _ Yaad Rakhe'n! Bivi aur Bachcho ki Galti par Cheekh v Pukaar aur Gaiz v Gazab us Burayi ya Galti ka Sadbaab Nahi kar Sakta, Agar Aap chahte hai'n k Aapka Ghar Khushiyo'n aur Masarrato ka Gehwara ho To Baraye Meharbani Aaj hi Se Aap Apna Lehja Narm aur Zubaan Meethi Banaye,*
*❁ • Sirf Har Shakhs itna Soch le k Wo Sulook aur Wo Alfaaz Jo Mai'n Bivi Ke Liye istemal karna Chahta hu'n Agar Wo Mujhko kahe ya Yahi Sulook Koi Doosra Mere Saath kare To kya Mai'n usse Ranzida khatir na hounga ? Agar Ye Mushkil ho To ye Soch le k Mai'n Bivi Hota To Mai'n Apne Liye kya Pasand karta ?*
*❁ • _ Yaad Rakhiye ! Zubaan Dekhne me To Gosht ka Be Zarar Lothda hai, Lekin Talwaar Se Zyada Tez hai, Jiske Lagaye Hue Zakhmo ko Umr bhar Nahi bhara ja Sakta,*
*❁ • _ Yaad Rakhiye ! Baat Cheet karne Ka Saliqa bhi Ek Bahut Bada Fun hai, Doosro ki Baat Ko Tahammul aur Sabr Se Sunna bhi Utna hi Mushkil hai Jitna Aala Guftgu karna, Lihaza Agar Bivi kabhi koi Baat Aapse kehna Chahti hai To Khamoshi Ke Saath usko Suniye, Uske Dil Ke Jazbaat, Khayalaat, Ahsasaat Ka bhi Khayal Rakhiye,*
*❁ • _ Yaad Rakhiye! Narm Lehja aur Meethi Zubaan Ek Esa Jadu hai Jo Hamesha Apne Saamne Wale Par Asar Andaz hota hai, Meethi Zubaan Aibo par Parda daal deti hai, Bad Zubani Duniya bhar ki Khoobiyo par Paani Fair deti hai,*
★•
இ‸இﾟஇ‸இﾟﾟஇ‸இﾟஇ‸இ
*®_ TOHFA- E -DULHAA ,*
•─━━━━━══════━━━━━─•
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 33 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞_ Bivi Ki Tareef bhi Karni Chahiye _,*
*❁ •Jiske Saath Ta'lluq ho, Usse Muhabbat Ho hi Jati hai aur Jiski Khoobiyo'n Ka istehzar Ho, Uski Muhabbat bhi Dil me aati hai, Lihaza Apni Bivi Ki Khoobiyo'n par Nazar Rakhe'n, Khud Ba Khud Uski Muhabbat Dil me Paida Hogi, Uski Tareef Kijiye, Uske Dil me Aapki Muhabbat Paida Hogi,*
*❁ •Jiske Dil me Ye Ahsaas Ho K Ye Bivi Khana Pakane Ki Jo Khidmat Anjaam de rahi hai, Ye Uska Husn E Sulook aur Husn E Ma'amla hai Jo Wo Mere Saath Kar rahi hai, To Wo Uske khane Pakane Ki Tareef karega, Uski Himmat Bandhayega, Uska Hausla Badhayega,*
*❁ •Lekin Jo Shakhs Apni Bivi Ko Nokrani Ya Khadima Samajhta ho aur Khana Pakana Uski Zimmedari Samajhta ho, Esa Shakhs Kabhi Achchhe Khane Pakane Par bhi Apni Bivi Ki Tareef Nahi Karega aur Namak ki Zyadti Ya Cheeni Ki kami Par Hi Ghar me Qayamat barpa kar dega aur Lamba Choda Jhagda Shuru kar dega,*
*❁ • Aurat Fitri Tor Par Narm Dil hoti hai, Thodi Si Tareef par Foole nahi Samati, Aa'inda Usi Kaam Ko ( Jiski Tareef Hui hai ) aur Achchha Kar Ke Dikhati hai,*
*❁ • Lihaza Har Cheez Musabbat Andaz me Bivi ko Samjhaye'n Jitna kaam ho Us Par Uski Tareef Kare'n, Jo Aib Ya Kotahi Baqi reh gayi, is Tarah Samjhaye'n k Aa'inda Esa na ho, Aur Aaj Se Hi M'amool bana Le'n k Chhote Chhote kaam Par, Bivi ke Chay pakane par, Pani ka Gilaas Pesh karne par Usko "Jazakallahu Khaira" ( Allah Ta'ala Tumhe iska Behatreen Ajr ata farmaye) Kahiye, Dil v Zubaan Se Shukr Guzaar baniye, Fir Dekhiye Bivi bhi Aapki Kesi Qadr Daan Banti hai, Duniya hi me Hoor Ka Namoona Aapke Saamne aa jayega, Ese Hi Miya'n Bivi Ka Ghar Duniya hi me Jannat Ka Namoona ban jata hai,*
★•
இ‸இﾟஇ‸இﾟﾟஇ‸இﾟஇ‸இ
*®___ Tohfa E Dulha,*
•─━━━━━══════━━━━━─•
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 33 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞_ Bivi Ek Behatreen Dost _,*
*❁ •Aam Tor Par Ek Shohar Apni Bivi Ki Nazar me Us Waqt Achchha Ban Sakta hai Jab Wo Gharelu Kaamo me Uska Haath bataye, Uske Araam aur Raahat ka Khayal rakhe, Gharelu Ma'amlaat me Usko Saath Le Kar Chale aur Uske Mashware Ko Ahmiyat de aur Hudood E Shari'at ke Andar rehte hue Usko Akhtyar aur Azaadi bhi de,*
*❁ •Bivi Ke Saath is Qism ka Ravayya rakhne Se Koi Shobar Apni Bivi ka Gulam Nahi Banega, Balki Uska Dil Moh lega aur is Qism ka Ravayya Bivi Ka Haq bhi hai,*
*❁ •Isliye K Wo Rafiqa E Hayaat ban Kar Tumhare Ghar Aayi hai, Wo Tumhari Raazdaar hai, Tumhari Mukhlis Dost hai, Tumhare Bachcho Ki Maa'n hai, Wo Tumhari Jalwat aur Khalwat ki Saathi hai, Wo Tumhari izzat hai, Wo Tumhara Libaas hai,*
*❁ •Wo Tumhe Gunaho'n Se Bachane ka Ek Mehfooz qila hai, Wo Tumhara Nisf imaan hai, Wo iflaas, Tangdasti, Gurbat, Bimaari, Dukh Dard aur Takleef me bhi Tumhara Saath dene Wali hai, Wo Tumhare Tamaam Kamalaat aur Tamaam Aibo Se Waaqif hai...aur Tumhare Sukoon Haasil karne ka Bahut bada Zariya hai,*
*❁ •Imaandaari Se Bataiye! Jis Shakhsiyat ka Aapke Saath itna gehra Ta'lluq ho, Uska itna Haq nahi k uski Koi Baat maani Jaye ?*
*❁ •Gor Kijiye ! Agar Aapka koi gehra Dost ho aur wo Aapse Kisi kaam ke Liye kahe To kya Aap usse inkaar kar de'nge? Hargiz Nahi Aapko inkaar ki jurrat bhi na hogi, isliye k Aapko Dosti ka Bharam rakhna hai, usko nibhana hai, Aapko Dosti khatm ho jane ka Dar hoga, Jab Ek Aam Dost Ke Saath is Tarah ka Ravayya Nahi rakha jata To Bivi To Sabse Qareebi Dost hai,*
*❁ •Yaad Rakho! K Tumhare aur Tumhari Biviyo'n ke Darmiyan Allah Ta'ala ki Zaat Mojood hai, Allah Ta'ala Ke Hukm aur Uske Muqarrar kiye hue Zaabta Nikaah Ke Mutabiq wo Tumhari Bivi hai aur Tumhare Liye Halaal hui hai, Wo Allah Ta'ala ki Amaan me Tumhari Maat'hat aur Zere Dast banayi gayi hai,*
*❁ • Agar Tum Unke Saath Zulm karoge To Allah Ta'ala ki di hui Amaan Ko Todoge aur Uske Mujrim hoge,*
★•
இ‸இﾟஇ‸இﾟﾟஇ‸இﾟஇ‸இ
*®___ Tohfa E Dulha ____,*
•─━━━━━══════━━━━━─•
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 34 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞ _ Khatarnaak Galtiya'n _,*
*❁ • Bachcho Ke Saamne Aap Bivi Se jhagda Na Kare'n, Agar Bahut hi Zyada Gussa Aaye To Foran Ghar Se Bahar Chale Jaye'n, Bachcho Ke Saamne Hargiz Hargiz Usko Na Jhidke'n Na Daa'nte,*
*❁ • Kyunki isse Ek Taraf To Bivi Ki izzat E Nafs Majrooh hogi aur Doosre Bachcho Ke Dil me Uski izzat Kam hogi aur Agar Bachche Samajhdaar Ho'n aur Maa'n Ko Bekasoor Samajhte Ho'n To Fir Aap Unki Nazar me Zaalim aur Qabile Nafrat Thehrenge,*
*❁ • Iske Alawa Agar Bivi bhi Us Waqt Bol Padi aur Aap Dono me Tu Tu Mai'n Mai'n Hoti rahi To ye Bachcho ki Nafsiyaat Ke Liye Bahut hi Zyada Nuqsaan dah hai,*
*❁ • Aap Thande Dil Se Zara Gor To Farmaye'n! Jis Ghar me Har Waqt Maa'n Baap Ke Darmiyan Nok Jhok, Tu Tu Mai'n Mai'n aur Sard Jung jaari rahe, Garma Garmi, Cheekh Pukaar, Nafrat v Gussa Ke Bam Barsaye Ja rahe Ho'n, Ek Doosre ki Tehqeer ki ja rahi ho, Zara Zara si Baat par Bhadak Uthna aur Zid aur Hath dharmi Dono Ka M'amool ho, Ese Mahol me Masoom aur Phoolo Se Zyada Nazuk Bachcho Ke Dil v Dimaag par Kesa Asar Padega?*
★•
இ‸இﾟஇ‸இﾟﾟஇ‸இﾟஇ‸இ
*®_ TOHFA- E -DULHAA ___,*
•─━━━━━══════━━━━━─•
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 35 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞_ Aurto'n Ki Jahalat aur Bad Tameezi Ka ilaaj,*
*❁ • Agar Aurto'n ki Jahalat v Bad Tameezi Se Dil dukhta hai, Takleef bahut Hoti hai To iska ilaaj bhi To Mumkin hai,*
*❁ • Unko Deen Ki Kitaabe Padha'o, Parde me Ulma aur Buzurgo'n Ke Bayanaat Sunao, Tabllegi, Taleemi Silsile me Deendaar Masturaat Ke Mahol me Jodo, Ghar me Ek Waqt mutayyan Kar ke Hadees Ki koi Kitaab le kar Usko Padhe'n, Usme Bachche aur Ghar ke Tamaam Mahram Afraad beth kar Sune,*
*❁ • Is Tarah karne Se Unhe Saliqa aur Tameez bhi Ba Qadre Zarurat aa jati hai, Kyunki Deen Ki Taleem Se Akhlaaq Durust ho Jate Hai'n, Allah Ta'ala ki Nafarmaniyo Ka khof Dil me paida hota hai, Shohar Ke Huqooq Ki Pehchan hoti hai aur Huqooq Ada Karne ki Salahiyat bhi Paida Ho Jati hai,*
*❁ • Shari'at Kï Taleem Ye hai k Jaha'n Tak Mumkin ho Aurat Ko Raahat do, Usko Pareshan mat karo, Naan Nafqa Wus'at Ke Saath do, Uski Diljoi karo, Agar Bivi Ki Waqa'i Galti ho Jab bhi Usko Ma'af karna Chahiye, Uski Taraf Se milne Wali izaa'o par Sabr karne Se Darje Buland hote Hai'n, Uski bahut si izaa'o par Sabr karo aur Haq Ta'ala Ke Ajr ke Vaade par Nazar Rakho,*
*❁ • Musalman Shoharo Ko Biviyo'n Ke Saath Huzoor Akram ﷺ Wale Tarze Amal aur Husne Ma'shrat ke Muwafiq Amal Karna Chahiye,*
★•
இ‸இﾟஇ‸இﾟﾟஇ‸இﾟஇ‸இ
*®___ TOHFA- E -DULHAA __,*
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 36 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞ _Saas Sasur Ki Khidmat Waajib Nahi,*
*❁ •Ek Baat aur Samajh Lijiye Jisme Badi Kotahi hoti hai, Wo Ye k Jab Aurat Ke Zimme Shohar Ka aur Uski Aulad Ka Khana Pakana Waajib Nahi, To Shohar Ke Jo Maa'n Baap aur Behan Bhai hai'n, Unke Liye Khana Pakana aur Unki Khidmat Karna Ba Tareeq Awla Waajib Nahi,*
*❁ •Hamare Yaha'n Ye Dastoor Chal Pada hai K Jab Bete Ki Shaadi hui To Us Bete Ke Maa'n Baap Ye Samajhte Hai'n K Bahu Par Bete Ka Haq baad me hai aur Hamara Haq pehle hai. Lihaza Ye Bahu Hamari Hamari Khidmat Zaroor Kare, Chahe Bete Ki Khidmat Kare Ya na Kare,*
*❁ •Khoob Samajh Lijiye! Agar Walden Ko Khidmat ki Zarurat hai To Ladke Ke Zimme Waajib hai k Wo khud Unki Khidmat Kare, Albatta Us Ladke Ki Bivi Ki Sa'adat Mandi hai k Wo Apne Shohar Ke Walden Ki Khidmat bhi Khush Dili Se Apni Sa'adat aur Baa'is E Ajr Samajh Kar Anjaam de,*
*❁ •Ladke Ko Ye Haq Nahi Pahu'nchta k Wo Apni Bivi Ko Apne Walden ki khidmat karne Par Majboor kare, Jabki Wo Khush Dili Se Unki Khidmat par Raazi na ho, aur Na Walden Ke Liye Jaa'iz hai k Wo Apni Bahu Ko is Baat Par Majboor Kare'n k Wo Hamari Khidmat Kare,*
*❁ _Lekin Agar Wo Bahu Khush Dili Se Apni Sa'adat Mandi Samajh kar Apne Shohar Ke Walden ki Jitni Khidmat karegi, in Sha Allah Uske Ajr me Bahut izafa hoga, Us Bahu Ko Esa bhi Karna Chahiye Taaki Ghar Ki fiza khush gawar rahe,*
*❁ •Lekin Saath hi Doosri Jaanib Saas, Sasur aur Shohar Ko bhi Ye Samajhna Chahiye k Agar Ye khidmat Anjaam de rahi hai To Ye uska Husne Sulook hai, Uska Husne Akhlaaq hai, Uske Zimme Ye Khidmat Farz Waajib Nahi hai, Lihaza Unko Chahiye k Wo Bahu ki is Khidmat ki Qadr Kare'n aur Uska Badla dene Ki Koshish Kare'n,*
*❁ •In Huqooq aur Masa'il ko na Samajhne ke Natije me Aaj Ghar Ke Ghar Barbaad ho rahe hai'n, Saas Bahu ki aur Bhawaj aur Nanado Ki Ladaiyo'n ne ghar ke ghar Ujaad diye, Ye Sab Kuchh isliye ho raha hai k in Huqooq ki wo Hudood Jo Nabi Kareem ﷺ ne Bayan farmayi hai'n, Wo Zehno me Mojood Nahi hai'n,*
★•
இ‸இﾟஇ‸இﾟﾟஇ‸இﾟஇ‸இ
*®_ TOHFA- E -DULHAA __,*
•─━━━━━══════━━━━━─•
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 37 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞_ Bivi Ko Jeb Kharch Alag diya jaye_,*
*❁ •Aam Tor Par Jin Baato'n Kï Taraf Se Gaflat payi jati hai, Unme Pehli Baat Wo ye hai k Nafqa Sirf ye Nahi hai k Bas Khane aur Kapde ka intezam kar diya, Balki Nafqa ka Ek Hissa Ye bhi hai k Khane aur Kapde Ke Alawa bhi kuchh Raqam Bator Jeb Kharch ke Bivi ko di jaye Jisko Wo Azaadi Ke Saath Apni Khwahish Ke Mutabiq kharch kar Sake,*
*❁ •Kuchh Raqam Bivi ke Paas Esi Zaruriyaat ke Liye bhi Honi Chahiye, Taaki Wo Doosre Ki Mohtaaj na ho, Ye bhi Nafqa ka Ek Hissa hai, Jo Log ye Jeb Kharch Nahi dete, Wo Achchha Nahi Karte,*
*❁ •Doosri Baat Ye hai k Khane Peene me Achchha Sulook Karo, Ye na Ho k Sirf Khana de diya Balki Ahsaan Karo aur Ahsaan Ka Matlab ye hai k insaan Apni Aamdani Ke Maiyaar Ke Mutabiq Farakhi aur Kushadgi Ke Saath Ghar Ka Kharcha Usko de,*
★•
இ‸இﾟஇ‸இﾟﾟஇ‸இﾟஇ‸இ
*®__ TOHFA- E -DULHAA,*
•─━━━━━══════━━━━━─•
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 38 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞ _ Char Maah Se Zyada Safar me Bivi Ki ijazat:-*
*❁ • Hadees Ke Tahat Fuqha Kiraam ne Yaha'n Tak Likha hai k Mard Ke Liye Chaar Mahine Se Zyada Ghar Se Bahar Rehna Bivi Ki ijazat aur Uski Khush Dili ke Bager Jaa'iz Nahi,*
*❁ • Hazrat Umar Raziyallahu Anhu ne Apni Tamam Hukumat me Ye Hukm Jaari Farma diya tha k Jo Mujahideen Ghar Se Bahar Rehte hai'n, Wo Chaar Maah Se Zyada Ghar Se Bahar na Rahe'n,*
*❁ • Aur isi Vajah Se Fuqha Kiraam ne likha hai k Agar Kisi Shakhs Ko Chaar Maah Se kam ka Safar Darpesh ho To Uske Liye Bivi Ki ijazat Ki Zarurat Nahi, Lekin Agar Chaar Maah Se Zyada Ka Safar Darpesh ho To Uske liye Bivi Se ijazat Leni Zaroori hai, Chahe Wo Safar Kitna hi Ba Barkat Kyu'n Na Ho,*
*❁ • Hattaki Agar Hajj Ka Safar Ho To Usme bhi Agar Wo Chaar Maah Ke Andar Waapas aa Sakta hai, To Fir ijazat Ki Zarurat Nahi, Agar Nifli Tor Waha'n Zyada Qayaam Ka iraada hai To Fir ijazat Leni Zaroori hai, Yahi Hukm Dawat v Tableeg Ke Safar ka hai,*
*❁ • Lihaza Jab in Mubarak Safaro me Bivi Ki ijazat Zaroori hai To Fir Jo Log Mulazmat Ke Liye Paisa Kamane Ke Liye Lambe Safar Karte hai'n, Unme To Ba Tareeq Awla Bivi ki ijazat Zaroori hai, Agar Bivi Ki ijazat Ke Bager jayenge To Ye Bivi Ki Haq Talfi Hogi aur Shar'an Na-Jaa'iz hoga aur Gunaah Hoga,*
★•
இ‸இﾟஇ‸இﾟﾟஇ‸இﾟஇ‸இ
*®___ Tohfa E Dulha __,*
•─━━━━━══════━━━━━─•
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 39 ▦*
﹏﹏﹏﹏﹏﹏﹏
▦══─────────────══▦
*⊙ Walden Ko Nasihat ⊙*
✰══❖═══▩ஜ۩۞۩ஜ▩═══❖══✰
*☞_ Bete aur Bahu Ko Alag na Rehne Dena Zulm hai :-*
*❁ • Ek Zulm Bahu Par aur bhi Hota hai Jisme Deendaari ke Mudda'i dam bharne Wale Ba Kasrat Mubtila hai'n, Wo Ye k Bahu Apne Shohar Ke Saath Alag Rehna Chahe To Alag Nahi Karte, Kehte hai'n k Ghar Ki Hawa ( Barkat) Nikal jayegi, Purani Budhi Aurto'n Ke Zyadatar Ese Hi Khayalaat Hote Hai'n,*
*❁ • Yaad Rakho ! Haq Ta'ala ki Ma'asiyat me kisi Ki ita'at Nahi, Ek Haa'ndi me Pakne Ki Vajah Se Barkat To Zaroor Aayegi, Lekin Ladayi Jhagde Ki Vajah Se Jo Gharo me Nafrat, Hasad, Bugz, Geebat ka Darwaza khul Jata hai, Wo Poore Ghar Ko Allah Ki Rehmat Se Door Kar deta hai, Esi Ek Barkat Ke Liye Hazaaro Ma'asiyat aur Gunaah Ka irtikaab kese Jaa'iz hoga ?*
*❁ • Agar Bahu Apne Shohar Ke Saath Alag Rehna Chahe To Alag Rehna Uska Haq hai aur Zaroori hai, Balki is Zamane me Yahi Maslihat hai K Alag Rahe'n, Saath Shamil rehne me Bahut Se Fasadaat hai'n, Ye Purani Aurte'n Aksar Bahuo'n Ko Bahut Satati hai'n,*
*❁ • Lihaza Agar Aap Chahte hai'n K Bete aur Bahu me Khoob Muhabbat ho, Unme Jhagde na Ho'n, Aane Wali Aulaad Sukoon Se rahe, Bahu Mayke Ja Kar na Bethe, Bete aur Bahu me Talaaq ki Nobat na Aaye, Aapki Muhabbat Bete Se Barqaraar rahe, Bachche aur Bahu Aapki izzat Kare'n, To iska Asaan Hal yahi hai,*
*❁ • Alag na Rakhne Ki Vajah Aksar Ye Hoti hai k Maa'n Baap Ye Chahte hai'n K Bahu Hamari Khidmat Kare, Humne itne Saalo Bete Ko Paala, Parwan Chadhaya hai, Ab Za'eefi Ki Umr me Bahu ke Haath ki Rotiya'n bhi hum na Khaye'n ?*
*❁ • Iska Pehla Jawab To Dulha Ke Waalid Ke Liye ye hai k Jab Raat Din Gharo me Jhagde Ho'nge, To Aapke Bete aur Bahu Sukoon aur itminaan, Raahat v Araam ki Zindgi Nahi Guzaar Sakenge, Aapki Bivi aur Bahu Ke Darmiyan Har Waqt Ladayi Jhagde ka Bazaar garam rahega,*
*❁ • Lihaza Aapki Pareshaniyo ko Khatm Karne Ka Behatreen Hal Ye hai k Shaadi ki Pehli Raat hi Se Beta Bahu Ko khud Se Alag Rakhe'n,*
★•
இ‸இﾟஇ‸இﾟﾟஇ‸இﾟஇ‸இ
*®__ Tohfa E Dulha ___,*
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 40 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞ _ Chand Lafzo'n me Khulasa,*
*❁ •1- Miya Bivi jab Tak Nek Nahi hote, Tab Tak Ek Nahi hote ,Isliye khud bhi Nek baniye aur Apni Ahliya ko bhi Nek banane Kï koshish Kijiye,*
*❁ • 2-Shadi (شادی) ش Ke Teen nuqto ke bager ( Yani سادی ) Saadgi se karne ki koshish kijiye, in Sha Allah Ta’ala Bahut hi khair v Barkat ka Zahoor hoga,*
*❁ •3-Mehar E Fatmi ( 131 Tola 3 Ma'sha Chaa'ndi ya iski Qeemat ) Muqarrar Kijiye aur Foran Ada karne Kï koshish Kijiye k Ye Bahut hi Behtar hai,*
*❁ •4-Jahez ka Mutalba Na Zaban se Na Dil Se Kijiye, Ye Mard Kï Gairat ke khilaf hai k Wo Bivi Se kisi qism ke Maali Mutalbaat kare ya iski Tamanna kare ,Jo kuchh Maa'ngna ho Wo Allah hi Se Maa'nge aur fir koshish Shuru kar dijiye,*
*❁ •5-Jaha'n Tak ho Sake Alag Rehne Kï Koshish Kijiye, is Zamane me Do Bahuo’n jesi Mukhtalif Mizaaj Aurto’n ka ikattha rehna aur fir us per Nanad aur Saas ke Saath Rehna Ghar Kï rahi sahi khushgawar fiza ko kamzor bana deti hai,*
*❁ •6-Bivi se Muhabbat Paida hone ke liye Akseer Nuskha aur Behatreen Taveez ye hai k Aap Apni Nigaho'n Kï Hifazat Kijiye, Jinko Dekhna Allah Ta’ala ne Na Pasand farmaya hai, Jo Unhe Dekhta hai kabhi bhi Apni Bivi Se Sachchi Muhabbat Nahi kar Sakta, Chahe Wo kitni hi Haseen v Zaheen Kyu Na ho, Lihaza Na- Mehram Aurto’n se Khususan Bhabhiyo’n aur Khalazaad, Mamuzaad vagera se Apni Nigaho'n Kï Hifazat Kijiye,*
*❁ • 7- Ek Usool Hamesha Yaad Rakhiye, Aurat Kï fitrat me hai k Tareef se khush hoti hai, isliye khushgawar Shaadi Shuda Zindgi guzaarne ke liye Apni Bivi Kï Tareef Zaroor Kijiye, isse Aapki Bahut si Gharelu Pareshaniya khatm ho jayegi aur Bahut si shikayate Door ho jayengi,*
*❁ • 8- Miya Bivi ke 90℅ jhagde Shohar ke Ghar se Nikalte waqt ya Waapsi per Ghar me Dakhil hote hui hote hai’n, Lihaza in Dono waqto me khoob khayal rakhiye, Shaitan ko Behkane ka Moqa na dijiye, Yaad rakhiye ! Do Musalmano me Jhagda Allah Ta’ala Kï Rehmat ko Door kar deta hai,*
*❁ •9- Walida Se Alag rehte hue Apni Bivi ke Zariye unhe Hadiye aur Aksar Paka Pakaya khana bhijwaye aur khud bhi unke Ghar khaali Haath na jaye, Kuchh na kuchh Hadiya Zaroor le kar jaye Aur Agar Saath rehte hai’n To Walida ko is Baat ka Ahsaas Na Hone dijiye k Mera Beta Mere Muqable me Bivi Se Zyada Muhabbat karne laga hai,*
*❁ •Yaad rakhiye ! Bachche Bachche hi hote hai’n, Unhe Buzurg Na samjhiye, Unki Vajah Se Apni Bivi Se Jhagda Na kare ,Ek Din Ghar ka Poora charge Sambhal kar Dekhiye,in Sha Allah Sab kuchh samajh me aa jayega,*
*❁ •isi Tarah Bachcho Kï Tabiyat Kï khatir aur Jachcha Bachche ki Sahat ka khayal rakhte hue Do Bachcho ke Darmiyan Munasib waqfa (gape) ya Shara’i uzr Kï Haalat me Lamba Waqfa kar lijiye, Yahi Munasib hai,*
★•
இ‸இﾟஇ‸இﾟﾟஇ‸இﾟஇ‸இ
*®__ Tohfa E Dulha _,*
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 41 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞_ Miya Bivi me Muhabbat Ke Wazeefe ⊙ 1- Pehla Wazeefa,*
*❁ • Do Musalmano me ikhtilaf ya Jhagda Shaitan Kï Sabse badi kaamyabi hai, Jhagda Nekiyo’n ko Ese hi Moondta hai jese Ustra Baalo ko Moondta hai, Isliye jhagde Se Bachne ke liye Shaitan Mardood Se Bachne Kï Bahut Zyada fikr Kï Jaye,*
*❁ •Jin Cheezo Se Ghar me Shaitan aate hai’n Unse Bacha jaye aur Jin A'maal Se Shaitan Se Hifazat hoti hai un A'maal ka Ahatmam kiya jaye,*
*❁ •Isliye Ek Amal ye kare k ”Surah Baqrah” Padh kar Shohar Ya Bivi Ya Koi bhi Ghar me, Apne ouper aur Poore kamre per Dam kar de'n,*
*❁ •Hadees me aata hai,” Qasam hai Us Zaat Kï jiske Qabze me Muhammad ﷺ Kï Jaan hai k Shaitan Us Ghar me Thehar Nahi Sakta jisme Surah Baqrah Kï Tilawat Kï jaye ,”*
*®_( Kitabuzzuhad Varraqa’iq ,1/609 Hadees 740 ),*
*❁ •Aur iske Saath hi iska Ahatmam kiya jaye k Ghar me Kisi Jaandaar Kï Tasveer na ho ( Apni Apne Bachcho Ya Apne Walden Ya kisi ki bhi Photos Bilkul na Rakhe), Yaha’n Tak k Medicine ke Dibbe ya Powder ke Dibbe Ya Tail Kï Botel per Jo Tasveer Bani hoti hai Unko bhi kaat do ya un per koi Chit Chipka do,*
★•
இ‸இﾟஇ‸இﾟﾟஇ‸இﾟஇ‸இ
*®___ Tohfa E Dulha ___,*
•─━━━━━══════━━━━━─•
*🪷 TOHFA- E -DULHAA 🪷*
*▦ PART— 42 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞_ Miya Bivi me Muhabbat Ke Wazeefe ⊙ Doosra Wazeefa,*
*❁ • Ghar me Kasrat Se Qur'an E Kareem Kï Tilawat ka Ahatmam Kare'n, Hadees me aata hai:- Jis Ghar me Qur'an E Kareem Kï Tilawat Kï jati hai Usme khairo Barkat Zyada ho Jati hai, Farishte Usme Haazir hote hai'n aur Shayateen Nikal jate hai’n,*
*❁ • Aur Jis Ghar me Tilawat Na ho Wo Ghar Logo'n per Tang ho jata hai, Usme khairo Barkat kam hoti hai, Shayateen Us Ghar me Apna Thikana Bana lete hai’n, Farishte Waha'n Se Chale jate hai’n,*
*❁ • isliye har Musalman Mard v Aurat ko Chahiye k Ghar me Rozana Tilawat ka Khoob Ahatmam Kare'n,*
★•
இ‸இﾟஇ‸இﾟﾟஇ‸இﾟஇ‸இ
*®___ Tohfa E Dulha ___,*
•─━━━━━══════━━━━━─•
*🪷 TOHFA- E -DULHAA 🪷*
*▦ PART— 43 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞_ Miya Bivi me Muhabbat Ke Wazeefe ⊙ 3-Teesra Wazeefa – Do Raka’at Namaz.*
*❁ • Shohar is baat ka Ahatmam kare k Ghar me Jab bhi Dakhil ho To Pehle Do Raka’at Padhe, isi tarah Ghar se Bahar Jana ho To Pehle Do Raka’at Padh kar Bahar nikle, isse bhi in sha Allah Ta'ala Bahu fayda hoga,*
*❁ • Ek Shakhs ne Abdullah bin Rawaha Raziyallahu Anhu Kï wafat ke Baad Unki Beva Se Nikaah kiya aur Farmaya, ”Tum jaanti ho Maine Tumse Nikaah kyu kiya ? Maine Tumse Nikaah isliye kiya k Tum Mujhe Abdullah bin Rawaha Raziyallahu Anhu ke Amal ke bare me batlao k unke Ghar me kya Ma’amulaat the ,”*
*❁ •To Unki Ahliya Mohatrama ne farmaya, Jab Wo Ghar se nikalne ka iraada karte to Do Raka’at Namaz padhte aur Jab Ghar me Dakhil hote To Do Raka’at Namaz padhte aur is Amal per Hamesha Qaayam rahe ,”*
*®_ Ref_$_Kitabuz Zuhad ,2/677,*
*❁ • Hazrat Aayesha Raziyallahu Anhuma farmati hai'n k Huzoor Akram ﷺ Jab bhi Ghar Se nikle hai’n Do Raka’at Padh kar nikle hai’n,”*
*®_Ref_$_Kitabuz Zuhad ,2/677,*
*❁ •Lihaza Do Raka’at ka Ahatmam har Mard aur Aurat ko karna Chahiye, Farzo ke Saath Saath in Nawafil ka Ahatmam Khairo Barkat ka Sabab hoga,*
★•
இ‸இﾟஇ‸இﾟﾟஇ‸இﾟஇ‸இ
*®___ Tohfa E Dulha ___,*
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*🪷 TOHFA- E -DULHAA 🪷*
*▦ PART— 44 ▦*
﹏﹏﹏﹏﹏﹏﹏
▦══─────────────══▦
*⊙ Dulha Ko Wasiyat ⊙*
✰══❖═══▩ஜ۩۞۩ஜ▩═══❖══✰
*☞_ Miya Bivi me Muhabbat Ke Wazeefe:-*
*❁ • 4- Manzil Padhne ka Ahatmam Kare'n aur isko Padh kar Ghar me Dam kar de'n,in Sha Allah Ta’ala isse bhi bada faayda hoga,*
*❁ • 5- Aayate Kareema 100 martaba Padh kar Muhabbat ke Liye Dua Maa'nge,*
*❁ • 6- ”La Havla Wala Quwwata illa billaahi,” 40 martaba Padh kar Dua Maa'nge,*
*❁ • in Tamaam Waza'if ke Ahatmam Se Bahut fayda hoga, Mustaqil Pabandi Se Padhe aur Ahatmam Se Gunaho'n Se Bache aur Doosro ko Bachane Kï Koshish kare,*
*❁ •Koi Esa kaam na hone paye jisse Allah Ta’ala Naraaz ho jaye, isliye k Allah Kï Naraazgi ke Saath Duniya v Aakhirat Kï koi Ni'amat Haasil Nahi ho sakti,*
*❁• Aur Agar Kabhi Gunaah ho bhi jaye To Foran Tauba istagfaar kar ke Gunaho'n Kï Ma'afi Maa'ngne ke liye “,istagfaar Kï 70 Duae’n “( kitaab khareed kar Us Kitaab me Se) Rozana istagfaar padhe,*
*___Alhamdulillah Post Mukammal Hui ,,,_*
★•
இ‸இﾟஇ‸இﾟﾟஇ‸இﾟஇ‸இ
*®___ Tohfa E Dulha ___,*
•─━━━━━══════━━━━━─•
https://whatsapp.com/channel/0029VaoQUpv7T8bXDLdKlj30
*👆🏻 WhatsApp Channel Follow Kijiye _,*
*▍✿ ✒ TALIBE DUA✧*
*▍✧Haqq Ka Daayi ✧*
▔▔▔▔▔▔▔▔▔▔▔▔▔▔▔▔▔
http://haqqkadaayi.blogspot.com
*👆🏻Visit for All updates,*
https://chat.whatsapp.com/HWzZMSYtDIk8fIkxDU7zHB
*"👆🏻_Sirf Roman Post Ke liye Link se Join Kijiye,*
https://t.me/haqqKaDaayi
*👆🏻Telegram Per Join Link_,*
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
Posts
0 Comments