Rawangi Ki Aham BAAT



    ▁▁▁▂▂▂▃▃▄▄⚀▄▄▃▃▂▂▂▁▁▁
     *вɪѕмɪʟʟαнɪʀʀαнмαռɪʀʀαнɪм*
              ▔▔▔▔▔▔▔▔▔▔▔▔▔▔▔▔                                                          
    *TABLIG⚵ RAAHE⚵ NIJAAT⚵ HAi*
                    
            ─┄┅━═══  ✦═══━┅┄─
❈…… .. _*Rawangi Ki Aham Hidayaat-1- Ameer Ki ita'at,*

↬• Hum nikal rahe hai'n Allah ke Raaste mai, Hume Apne Ameer ki ita'at ke Saath chalna hai ,

★• _ Ameer ki ita'at Ek Aham Masla hai , Abdullah bin Zuber Raziyallahu Anhu ko Aap Sallallahu Alaihivasallam ne Uhad ke Maidaan mai Us 40 Sahaba ki Jama'at Ka Zimmedar banaya jisko Jable Uhad per Muta'iyan kiya Tha , Inki ita'at Karna Allah ke Nabi Sallallahu Alaihivasallam ki ita'at Karna Tha, Allah Ta'ala ne in 40 ke nafarmani karne per Muhammad Sallallahu Alaihivasallam se le Kar  Ek Aam Sahabi Tak Sabko Halaat Mai giraftaar Kar Diya ,Sab per Halaat aaye ,

★• _ Ye nahi k Majmu'a ki nafarmani se Sirf Majmu'a bigda , ya Sirf ek ilaaqe walo ne esa Kiya hai Sab per Fark nahi padega , Saath chalne wale Juz ki nafarmani Ka Asar Kul per padega , Aap dekhe Uhad ke Maidaan mai Sab per Halaat aaye , Sirf is per k Maidaan ke ek hisse ne ,Ek Jama'at ke Chand Saathiyo'n ne Ameer ki ita'at nahi ki ,is per Saara Maidane Uhad Musalmano ke haath se nikal Kar Gairo ke haath aa Gaya ,

★• _ Isliye Ameer ki ita'at ke Saath Chalo , Ameer jis Cheez Ka Hukm Kare usko poora Karo ,Jab Tak tumhe Tumhara Ameer Namaz chhodne per Aur Kufr per Amaada na Kare Us Waqt Tak  uski ita'at Karo , Yaha'n Tak farma Diya k ita'at mai Itni Wus'at hai , (Yaha'n to Karne ke kaamo mai Ameer ki Mukhalfat hai ), Waha'n ye farmaya k agar Wo Tumhe koi Hukm de hukm poora Karo ,Uski ita'at ki inteha yaha'n Tak hai jab Tak Wo tumhe Kufr per Amaada na Kare , Namaz chhodne Ka hukm na Kare ,

            ─┄┅━═══  ✦═══━┅┄─

❈…… .. _*Rawangi Ki Aham Hidayaat-2 - Duniya Ki Muhabbat Dil se nikaalo,*

↬•Hamara is Raaste mai chalna Khud Dawat hai , Nazre nichi ho , Duniya ki cheezo ko Muhabbat ki nazar se na dekhna Varna pehle se zyada Duniya ki Muhabbat le Kar waapas jaoge ,

★• _ Jis Cheez ko dekho samjho Mitti hone wali hai , Har Cheez ko qabr ki Mitti aur har Cheez ko Kaaynaat ke khatm hone ke tasavvur ke Saath dekhoge to Rafta Rafta cheezo ki Muhabbat Dil se niklegi ,

★• _ Ye Raasta Bahut Mo'assir hai , is Raaste mai Jis Cheez ko sochoge Wo haasil ho jayegi , Hadees mai farmaya - Jo is Raaste mai Jis iraade se niklega Wo Cheez mil jayegi ,Allah aur Uske Rasool nahi milenge ,. Agar is Raaste mai us Cheez Ka bhi iraada kiya Jis Cheez ki is Raaste mai zarurat hai , Ek Sahabi ne Sawal Kiya Ya Rasulallah ek Aadmi Allah ke Raaste mai nikalta hai Allah ke kalme love Buland karne ke liye Wo ek teer Ka iraada Kar Leta hai ,Wo teer Allah ke Raaste mai chalana is per bada ajar hai Qayamat ke Din uske liye Noor hai , Teear Alaate Qitaal mai se hai , Agar Teer Ka bhi iraada Kar liya is Raaste mai to Aap Sallallahu Alaihivasallam ne farmaya Sahih Rivayat mai Hai  k is teer chalane wale ke liye Duniya aur Akhirat mai is Teer ke Siva kuchh nahi hai,

★• _ Is Raaste mai nikal Raha hu'n Taki Muqadma jeet Jau'n , Qarz Ada ho Jaye , Fala Aurat se Shaadi ho Jaye , In iraado se kyu nikle ,Allah aur Uske Rasool ke iraade se kyu na nikle ? Allah aur Uske Rasool ke iraade se nikalne wale log Wo hai'n Jo Sivaye Hidayat ke Milne ke kisi aur Cheez ke Milne Ka iraada na Kare ,

            ─┄┅━═══  ✦═══━┅┄─

❈…… .. _*Rawangi Ki Aham Hidayaat-3,- Shaitaan Bazaar Le Jayega,*

↬•Ameer Ki ita'at ke Saath chalna hai , Duniya ki Baate na ho na hi Duniya ki Niyat ho ,Sirf Hidayat Ki Niyat rakhe ,

★• _ Koi Cheez na khareedi Jaye Sivaye iske k koi Cheez zarurat ki lene ke liye Ameer se ijazat lo , Ameer Mashwara Kare k Fala Cheez ki zarurat aa gayi hai Aap sabki Kya Raay hai ? Is tarah Sabke ijtimayi Mashware se zarurat ki Cheez leni chahiye ,

★• _ Apni zarurat Ka Samaan is tarah Saath le Kar Chalo k Khurooj ke Zamane mai ek bhi zarurat ki Cheez ke liye Bazaar na Jana pade , Bazaar Jana sirf infiradi Dawat Ke Liye ho ,

★• _ Shaitaan Bazaar le jayega , Tu to Ulma ki Ziyarat ke liye ja raha hu'n ,Chalo Bazaar se ho Kar Chalo ,Shaitaan Mashwara dega Hadiya Dena Sunnat hai Allah ke Nabi Sallallahu Alaihivasallam ne farmaya, Ulma ki tazeem Karo , Tum to Ulma ke liye Bazaar ja raha ho , Shaitaan Bazaar mai le ja Kar imaan ki A'amaal ki Aamdani ko khatm Kar dega ,

★• _ Shaitaan Ahle Haq Per Haq ke Raaste se aata hai , Ulma ko Hadiya Dena hai ,Saath le Kar Chalo , Yaha'n se Saath le Kar Jaoge to aur Ajar milega , *( in Sha Allah )*

            ─┄┅━═══  ✦═══━┅┄─
❈…… .. _*Rawangi Ki Aham Hidayaat-4,- Paydal zyada chalo*

↬• Allah ke Raaste mai nikal Kar kisi se Sawal bhi na ho , israaf bhi na ho , 

★• _ Ijtimayi Tor per Jaha'n Ka Rukh bana hai Waha'n jao , Tarain mai ,Bus mai Safar Karo Usool Adaab Ka Khayal rakho , Jaha'n Tak ho sake Paydal Chalo , Paydal chalna is Raaste mai Sawaari per Bahut Muqaddam hai ,

★• _ Sahaba Kiraam Raziyallahu Anhum ne Jese hi is Raaste mai Paydal chalne ke Faza'il Sune ,Apni Sawariyo'n se Kood Gaye , Sabke paas sawari thi Lekin ek Sahabi bhi Paydal chalta nazar nahi aa raha tha , Kyunki Elaan Kiya gaya Tha ijtimayi Tor per k Allah ke Raaste mai Paydal chalna Jahannam ki Aag ko Haraam Kar dega , Jo Jahannam ki Aag Ka Yaqeen rakhte they Sawari se utar Gaye k Paydal chalna Jahannam ki Aag ko Haraam Kar dega ,isse Behtar moqa Kya hoga ?

★• _Allah ke Raaste mai Paydal chalna Sabse Zyada Allah ke gazab ko thanda karne wala hai , Jahannam Jo Allah ke gazab Ka , Gusse Ka Sabse bada mazhar hai , Is Raaste ke Paydal chalne se Wo Jahannam Haraam ho sakti Hai to Duniya mai Jo Jahannam Ke Manazir hai'n Wo kese khatm na honge ?

★• _ Hazrat Farmate they - Jaha'n Jaha'n Hamari Jama'ate A'amaal karti Hui jayengi , Waha'n Waha'n islami Abaadiya'n qaa'im hoti jayengi , Allah Ta'ala ne Ibrahim Alaihissalam se Awaaz lagwayi thi Hajj ke liye Paydal chal Kar Aao _,"

            ─┄┅━═══  ✦═══━┅┄─
❈…… .. _*Rawangi Ki Aham Hidayaat-5,- Maqami Logo ko Saath Le Kar Kaam Karo*

↬• Jaha'n Ka Rukh bana hai Waha'n jao , Masjid mai Sunnat ke mutabiq dakhil ho'n ,Waqt hai Makrooh Waqt nahi hai Asar ke Baad Ka waqt ,Fajar ke Baad Ka waqt, to chahiye k Tahayyatul Masjid  zaroor padhe , 2 Raka'at Tahayyatul Masjid padh Kar Imaam Sahab , Mo'ajjin Sahab , Khadim Sahab Jo bhi Waha'n ho intehayi ikraam ke Saath unhe Apne Mashware mai Shamil Kare'n ,

★• _ Inhe Saath Le'n ,Inka Bahut ahatmaam Kare'n aur Saath le Kar Kaam Kare'n , Jama'at ye na soche k ye hamara Kaam hai , imaam Sahab Ka Mo'ajjin Sahab Ka Kaam nahi hai , Imaam Sahab ke bager Namaz nahi padh sakte to Kaam kese Kar sakte ho ? Inhe Saath Le'n Aitmaad mai lo , Apni Jama'at ke aane Ka maqsad bataao ,

★• _ Is tarah Maqaami logo ko bhi Saath le Kar Mashwara Karo , Muqaami Saathi us Waqt nahi hai'n to Apna Mashwara kar lo ,Agle Mashware mai Maqaami logo ko bhi Saath Le'n , Maqaami Saathiyo'n se basti ke Halaat Maloom Karo , Basti ke log kab faarig Hote hai'n, Unke faragat ke Waqt mai Muqaami Saathi ko rehbar bana Kar Apne Saathi ko mutakallim bana Kar Jama'ate banao ,

★• _ Aur Jama'ate bana kar Masjid mai Amal ho raha ho aur ye Jama'ate Bahar mulaqaate Kar ke Dawat de Kar Masjid ke mahol mai lane ki koshish Kare'n ,
                    
            ─┄┅━═══  ✦═══━┅┄─
❈…… .. _*Rawangi Ki Aham Hidayaat-6,- Har Ummati Ki Tashkeel Kare'n _*

↬• Har jagah se naqad Jama'ate nikaalni hai ,Jinhe Aap Taiyaar Kar Le'n Unki Vasooliya'n Kare'n,

★• _ Awaam ,Khawaas Sabse Mulaqaat Kare'n , Khawaas se mulaqaat ye bhi Gasht ki mulaqaat ki ek shakl hai , Aap Sallallahu Alaihivasallam Jaha'n Jaha'n Jate Waha'n ke Khawaas se bhi mulaqaat karte , is tarteeb se Hume bhi Ulma Kiraam aur Jo Khususiyat rakhte hai'n, basti ke bade ohdedaar ,Siyasatdaan , Sabse Mulaqaat karni chahiye ,Unko bhi Apne Saath Kaam mai Shareek Kare'n ,

★• _ Tashkeel sabki Kare'n ,kisi ke Duniyavi mashagil se mutassir na ho , Hume har Ummati Se uski Jaan Uska Maal uska Waqt Ek Tihaa'i matloob hai , Har saal Chaar Maah ,mahana das din ,Rozana Aath ghante ye har Ummati Se matloob hai ,

★• _ Agar Amali Tor per khud karoge to wasool Karna Asaan ho jayega, iski khud jam Kar Dawat de'n , Fir Jo Jitne per Raazi ho Jaye usko qubool Kar lo , teen din bhi koi de qubool Kar lo ,Masjid ke mahol mai rakh Kar Usko Chaar Mahine ke liye taiyaar Karo ,Ye nahi k chhutti Kar do ,

★• _ Jo Masjid ke mahol mai aa Jaye use aage badao ye nahi k muddat poori kar ke waapas kar do , Sahaba Ka mamool tha Jisko mahol mai late they usko taraqqi dete they,

            ─┄┅━═══  ✦═══━┅┄─

❈…… .. _*Rawangi Ki Aham Hidayaat-7,Asal Tarakki Kya Hai?,*

↬• Amla Zimmedaro ke Saath lene se banta hai , isliye Har Zile Ke har ilaaqe Ke har Soobe Ke Purane Nizamuddin Waqt diya Kare'n ,

★• _ Jab Tak Saare Aalam se aane wale Taqazo ke mahol mai nahi rahoge Us Waqt Tak Kaam karne wale Aalami Satah per nahi aayenge , Kaam mai Tarakki nahi hogi , Kaam karne wale aage nahi badenge ,ye Apne Mohalle per Gasht Kar ke samjhenge hamara Kaam poora ho gaya ,Hamare mamulaat Poore ho rahe hai'n ,

★• _ Mamool Ka poora Karna Tarakki Ka zariya nahi hai , Ye Khayal Galat hai k mamool Ka poora Karna Tarakki Ka zariya hai ,Nahi ! Ibadaat mai , A'amaal mai ,Azkaar mai ,Dawat mai Har ek Amal mai Mamool se badh Kar Karna Tarakki hai ,

★• _ Aap dekhiye ! Dukaan chhoti thi badi ho gayi , Ek thi Chaar ho gayi , Pehle Feri lagata tha ab Karkhana bana liya ,Duniya ke aitbaar se har aitbaar se Tarakki per hai ,Dawat Ke Mamulaat Jis Satah per they Usi Satah per Aaj Tak hai'n ,Aur Dawat Ke Mamulaat ko poora kar lene ko Tarakki samajh rahe hai'n,

★• _ Nahi ! Mere Doosto Buzurgo ! Har Cheez mai Apne Mamulaat se aage badhna Tarakki hai ,
                    
            ─┄┅━═══  ✦═══━┅┄─

❈…… .. _*Rawangi Ki Aham Hidayaat-8,Ummat Talab Per Hai*

↬• Ahle Mashagil se ,Duniyadaro Ki Duniya se  Dawat dene mai Mutassir na hona chahiye ,

★• _ Hamare Kaam Ka maqsad Ummat ki Jaani ,Maali aur Aqli Salahiyato ko Haq ki taraf fairna hai , Jo Salahiyate Duniya aur Duniya ki Cheezo mai Lag rahi hai , Un Tamaam Salahiyato Ko Deen Per lagane ke Liye Taiyaar Karna hai ,Saari Duniya ki Naqal harkat ki taraf inki salahiyato ko fairna hai ,

★• _ Inke Maal Shadiyo'n per kharch karne ke liye nahi hai'n , Maal Allah ke Bando ko Allah se Jodne ke liye hai , Har Mulk se baar baar Hindostan Se Jama'ate bhejne Ka Mutalba Kar rahe hai'n ,Sudaan Wale Baar baar Khat likh rahe hai'n k Hume Ek Waqt mai Ek Hazaar Jama'ate Sudaan ke liye chahiye,

★• _ Ummat Talab per hai , Jab Ummat mai Talab Paida ho Jaye aur Ahle Deen Unki Talab ko poora na Kare Allah Ta'ala inse Sakht hisaab lenge , Meri Baat Yaad rakhna -Allah ne Jinko ilm diya hai ,Jinko Maal diya hai agar Talab walo ki Talab inke zariye poori na Hui to Allah Ta'ala unko nahi pakdenge Jinko Talab hai balki Unko Pakdenge Jinki vajah se Talab poori nahi Hui ,

*★• _ Hazrat Farmate they - Jo nahi Jaante hai'n Allah unko nahi pakdenge, Allah unko Pakdenge Jinhone Jaante hue Ummat ki Talab ko ilm ke aitbaar se poora nahi kiya ,Ummat ki Talab ko Deen ki Dawat Ke Aitbaar se poora nahi kiya ,*

            ─┄┅━═══  ✦═══━┅┄─
❈…… .. _*Rawangi Ki Aham Hidayaat-9, Mulko Ke Liye Tashkeel Kare'n*

↬• Isliye jam kar Tashkeel Ki Jaye har jagah , Jaha'n bhi Aap Chaar Maah walo ko dekhe Aap unko Beroon ke liye taiyaar Kare ,Zyada se zyada Kharch per Amaada Kare,

★• _ Allah ke Raaste mai nikalne wali har Jama'at Jis tarah Muqaami Kaam ke liye Logo ko Taiyaar Kar rahi Hai'n ,Mulk ke andar ke liye Chaar Maah ke liye taiyaar Kar rahi Hai'n, Usi Tarah har nikalne wali Jama'at Chaar Maah lagaye hue Saathiyo'n ko Saare Aalam mai Firne ke liye naqad taiyaar Kare ,

★• _ Ye har Jama'at Ka Kaam hai k Har Ummati ko ba aitbaar Aalam ke liye taiyaar Kare ,Jis kharch per bhi Taiyaar ho Jaye Unko Waha'n ke Muqaami Saathiyo'n ke hawale Kar diya Jaye aur Muqaami Zimmedar Saathi unko Nizamuddin bhej de k Ye Jama'at Fala Basti se Taiyaar Hui hai ,Ye inke Akhrajaat hai'n , Jaha'n Ka Rukh bhi Nizamuddin se Tay ho jayega in Sha Allah Waha'n ke liye niklenge ,

★• _ Is tarah Hume har jagah se naqad Jama'ate Apne Mulk ke liye , Berooni Mulk ke liye Chaar Mahine ke liye nikaalni hai ,Chille ki Dawat mat Dena , Chaar Mahine ki hi Dawat Dena , Taki Ummat Samajh le k Har Ummati Se Tihaa'i Ka Mutalba hai , Agar Wo Chille ke liye aaye to qubool Kar Lena, ( Waapas na Karna k nahi hum to Sirf Chaar Maah walo ko hi qubool karenge ) Lekin Chille ke darmiyan Chaar Maah ke liye taiyaar karte rehna , Mahol mai aa Kar Aadmi aage badta hai ,

★• _ Ummat se Tihaa'i Ka Mutalba hai ,Tum Dhaa'i Ghante ki Dawat na Dena ,Aath ghante ki Dawat Dena ,Koi Dhaa'i Ghante de to qubool Kar Lena Taki Ummat mai is Baat Ka Ahsaas baqi rahe k hum Kam Kar rahe hai'n Hume zyada Karna chahiye , Kam ki Dawat Doge to Zyada Ka fikr na hoga , Zyada ki Dawat Doge to Kami Ka Ahsaas hoga ,

            ─┄┅━═══  ✦═══━┅┄─
❈…… .. _*Rawangi Ki Aham Hidayaat-10, Paanch A'amaal Ki Dawat ,*

↬• Har Masjid mai Paanch A'amaal Ahatmaam se qaa'im karne hai'n ,

★• _ Jitni bhi Jama'ate Allah ke Raaste mai ja rahi Hai'n Ye Jama'ate Muqaami logo ke Saath mil kar Do Jama'ate bana le , Ek Jama'at Masjid mai rahe , Jisme Waha'n ke Muqaami Saathiyo'n ke Saath Do Saathi Apni Jama'at ke jod Kar isi tarah baqi Tamaam Saathiyo'n ki makhloot Jama'ate bana Kar Mohalle KE gharo mai , Daftaro mai ,Hotalo mai, Parko mai , har jagah mulaqaate karaye ,

★• _ Ek Jama'at Masjid mai Amal Kare baqi Saathi Bahar mulaqaate Kare'n , Tashkeel ijtimayi mahol chahti hai , Jab dekho Masjid mai log jama hai ,Muntakhab Ahadees mai se Allah ke Raaste ke Faza'il Suna Kar , Bahut se Faza'il zubani Yaad nahi rehte , Isliye Muntakhab Ahadees mai se Suna Kar Unko Allah ke Raaste mai nikalne ke liye taiyaar Kare'n,

            ─┄┅━═══  ✦═══━┅┄─
❈…… .. _*Rawangi Ki Aham Hidayaat-11, Waapas Lautne Walo Ko Hidayat*

↬• Ek bada Majma Yaha'n se waapas Jane Wala hai , Avval to is per istagfaar Kare'n Kyunki Sahaba ki ye tarteeb nahi thi K Masjid mai jama ho Kar Koi waapas Chala Jaye ,

★• _ Sofi sad Sahaba nikal Jaya karte they, Wo Munafiqeen Jo ek doosre ko Lekar bager kisi Ujr ke khisak Jaya karte they , Allah na Kare ,Allah na Kare ! hum khisakne wale nahi hai'n ,Hum jamne wale hai'n , Masjide Nabvi mai So fisad Sahaba nikalne me liye jama Hote they ,

★• _ Hum Ajm Kare , iraade Kare ,in Sha Allah Kaam ko Kaam bana Kar karenge , Fursat to Maut Tak nahi milegi , Hume Apne Aapko Duniyavi Taqazo se nikaalna padega , Sabse Asaan Raasta Waqt faarig karne Ka Deen se aur Deen Ke Kaam se ,Dawat Ke Kaam se , Duniyavi kaamo ke liye Waqt nikala Karo ,

★• _ Bas tarteeb Palat loge to Mai'n Khuda ki qasam Khaa Kar Kehta hu'n ,Sabke liye Asaan ho jayega ,Abhi mushkil ye hai k Hum Tashkeel bhi karte hai'n to kehte hai'n k Bhai Apne Duniyavi Waqt mai se Kuchh Waqt Deen Ke Liye faarig Karo , Ye nikamme pane ki Baat hai ,Jis Kaam ke liye Allah ne bheja tha , Us Kaam ke liye Waqt nikalwate hai'n Us Kaam mai se Jiske liye bheje nahi Gaye hai'n ,

★• _ Tarteeb ulti hai , Vasooliya'n bhi Galat tarteeb se ho rahi Hai'n, Targeeb bhi Galat di ja rahi Hai , Duniya se Waqt nikaalo Deen Ke Liye ,Ye na kaho balki Yu'n kaho Hum Deen aur Dawat mai se kuchh Waqt nikaale Duniya ke liye ,Ye Asal Sahaba ki Tarteeb hai ,
                    
            ─┄┅━═══  ✦═══━┅┄─

❈…… .. _*Rawangi Ki Aham Hidayaat-12, _Saari Duniya Ki Bastiya'n Madina Munawwara Ke Mamool per Aaye*

↬• Agar Humme se sab ijtimayi Tor per Tashkeel Ka Rukh ye bana le ,Jo Rukh Sahaba Kiraam Raziyallahu Anhum Ka tha to in Sha Allah Asaaniya'n nazar aayengi ,

★• _ Aur Duniyavi kaamo mai Farishte aa Kar Madad karenge , Ye Hadees se Saabit hai k Jo Allah ke Bando ko Allah ka Paigaam Pahunchane mai lagte hai'n aur Masjido ko Amaal se Aabaad karte hai'n Allah Unke Duniyavi kaamo mai Farishto ko madadgaar bana dete hai'n ,

★• _ Isliye Jo waapas ja rahe hai'n, Ajm Kare iraade Kare k Apni Masjido ko Paanch A'amaal aur Apne Gharo mai Paanch A'amaal Pabandi se Karenge , Saari Duniya ki Bastiya'n Madina Munawwara ke Mamool per aa jayengi agar Saari Duniya ki Masjide Masjide Nabvi ke mamool per aa Jaye ,

★• _Aap Mehnat karenge to Aapki Mehnat ,Aapki koshish logo ki Galat fehmiyo ko door door karne Ka Asal zariya banengi , Agar Logo'n ki Galat fehmiyo ko Beth Kar samhha Kar door Karna chahoge kabhi nahi hogi , Galat fehmi ko door karne Ka Sabse Asaan Raasta ye hai k Tum unhe Apni Masjid mai Amal Kar ke dikhla do ,

★• _ Have Tak Amali Shakl saamne nahi hogi ye ikhtilaf badta jayega aur baat per baat nikalti chali jayegi , Baato se masle Hal nahi honge ,masle Ka Hal Kaam se hoga ,
*
                    
            ─┄┅━═══  ✦═══━┅┄─

❈…… .. _*Rawangi Ki Aham Hidayaat-13, _Raasto Ko Tang na Karo,*

↬• Hadees mai Ek Esi Shart laga di gayi hai ,Agar us Shart ko poora na Kare to Khuda na Kare ,Mehnat Zaaya bhi ho sakti Hai,

★• _ Is Hadees ko har qadam per ,Har moqe per Yaad rakhe , Huzoor Akram Sallallahu Alaihivasallam ne Apne Sahabi se, Jo Elaan Karne per Muta'iyan they , Unse Elaan Karwaya - Ja'o Sahaba mai Ja Kar elaan Kar do , Jo Sahabi Doosro ke liye Raasto ko band karenge Ya Jagah ko tang karenge Unka Jihaad Allah ke yaha'n qubool nahi hoga ,

★• _ Mere Aapke Sabke darne ki Baat hai ,Chalne mai iska Bahut dhyaan rakhna padega , Kisi ki Khaiti ko , Kisi ke Ghar ko ,Kisi ke Raaste ko ,Kisi ki gaadi ko koi nuqsaan na pahunche , Jaha'n Kahi bhi chhota bada ijtima hua Kare Waha'n ke Zimmedar is Hadees ko zaroor Bayan kar Diya Kare ,

★• _ Hukumato ke Jo traffic Ka nijaam hai ,Isko Apne ijtima ke zaam mai aa kar k ijtima to hamara hai , Hazrat Farmate they - Hukkaam ko Mutma'in Karo , Ye Tumhare Kaam mai Mu'awin honge _," Isliye Waapas Jane mai hum Traffic ke nijaam ki ri'ayat Kare'n , Traffic ke nijaam ki ri'ayat Karna Jaan bachane ki garz se farz hai , Ye Hukumat Ka qanoon nahi hai ye Shari'at Ka qanoon hai ,

★• _ Traffic ke nijaam ki mukhalfat Shari'at ki mukhalfat hai Kyunki Traffic Ka nijaam Hifazat ke liye hai ,Hamara Kaam karne Wala ,Wo kisi bhi shobe mai Hukumat mai hai ,ya kisi Daftar ke kisi department mai hai ,Kaam karne walo ki Zimmedari hai k Dawat ke Kaam ko Unke Shobe mai lane mai Unke Shobe ke bado ko poori tarah Mutma'in Kiya Jaye , Aur intezam karne walo ke liye bhi Allah se Hidayat ki , Ajr ki Dua Karna ye bhi hamari Zimmedari hai ,

→❃ *Bhopal Aalami Ijtima _23,24,25,26,November, 2018*_

❃ *Tarteeb Banaye, Tashkeel Kare,Shirkat Kare*,

▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔
* Admin (Haqqkadaayi) Ki Diary _2018 ,*

☞ *Allah  Ke  Paigam  ko  Duniya  tak  Pahunchana  aur  Apne  Per  Mehnat  Karna  Hamare  Faraiz  me  Shamil  He*,                          
              ⚀ *Talib e Dua*,
             ⊙ *Haqq Ka Daayi*,
http://www.haqqkadaayi.com/search/label/Dawat%20Tablig?m=0 
 *For all msgs Plz Visit*
*Telegram_* https://t.me/haqqKaDaayi

▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔            
☆