Mohsin E insaniyat ﷺ (Roman)

⚂⚂⚂.

        ▁▁▁▁▁▁▁▁▁▁▁▁▁▁▁▁▁

     ✮┣ l ﺑِﺴْـــﻢِﷲِﺍﻟـﺮَّﺣـْﻤـَﻦِﺍلرَّﺣـِﻴﻢ ┫✮

    ⊙══⊙══⊙══⊙══⊙══⊙══⊙

     *■ MOHSIN E INSANIYAT ﷺ ■*

    ⊙══⊙══⊙══⊙══⊙══⊙══⊙

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥_ Ek Jhalak :- Ye Chehra ek Jhoote Aadmi Ka Chehra nahi ho Sakta _," ( Abdullah bin Salam Rz)*

*❀__ Duniya me Azeem Kaarname Anjam dene Wali Hastiya'n ( Khususab Ambiya Alaihissalam) Hamesha Gair Mamooli Darje ki Shakhsiyat se Araasta hoti Hai'n, Seerat Paak Ke Mut'ale ki ek Garz ye bhi hai k Mohsine insaniyat Ki Shakhsiyat Ko Samjha jaye, Kisi bhi Shakhsiyat Ko Samajhne me Uski Wajahat bahut badi madad deti hai, Aadmi ka Sarapa uske Badan ki Saakht uske A'aza ka Tanasub Khaas uske zahan aur Akhlaqi aur Jazbaati martabe ka Aa'ina daar hota hai, Khususan chehra Ek esa Qirtaas ( Kagaz) hota hai Jis per insaani Kirdaar aur Kaarnamo ki saari Dastaan likhi hoti hai aur us per ek Nazar daalte hi Hum kisi ke Muqam ka Tasavvur Kar sakte hai'n _,"*

*❀_ Hum baad ke Logo'n Ki Ye Kotaahi E Qismat hai k Duniya ki Sabse badi Shakhsiyat ka Rooe Zeba hamare Saamne nahi hai aur na hum Aalame Waq'a me Sar Ki Aa'nkho se Ziyarat ka Sharf haasil kar sakte hai'n, Hum Huzoor ﷺ ke Husn v Jamaal ki Jo kuchh bhi jhalak pa sakte hai'n wo Huzoor ﷺ ke Paigaam aur Kaarname ke Aa'ine hi me Pa Sakte Hai'n _,"*

*❀_ Huzoor ﷺ ki koi Haqeeqi Shabiya ya Tasveer mojood nahi hai, Khud hi Huzoor ﷺ ne Ummat Ko isse baaz rakha, Kyu'nki Tasveer ka Fitna Shirk se door nahi reh sakta, Huzoor ﷺ ki Agar koi Tasveer mojood hoti to na jane uske Saath kya kya Karamaat aur Aijaaz mansoob ho jate, aur Uske Aijaaz ke liye Kesi kesi Rasme aur Taqreebe Namudaar ho chuki hoti balki Ba'ied na tha k uski Paristish hone lagti _,"*         

*📔 Mohsin E Insaniyat- ﷺ , 75* ┵━━━━━━❀━━━━━━━━━━━━┵

                  ★ *Part–02_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥_ Lekin Huzoor ﷺ ke Sahaba Kiraam Raziyallahu Anhum ne Kam se kam Alfaaz me Huzoor ﷺ ki Shabiya ko murattab kar diya hai aur use mehfooz haalat me Ashaab E Rivayat ne hum tak pahuncha diya hai, Yaha'n hum Us Lafzo Shabiya ko pesh karte hain taki Qara'ien Huzoor ﷺ ke Kirdaar ka mut'ala karne se pehle us Azeem Shakhsiyat ki ek Jhalak dekh le'n, Ye Goya ek no'a ki Mulaqaat hai .. ek taruuf !*

*❀__ Huzoor ﷺ ke Chehra Aqdas, Qad v Qaamat, Khad v Khaal, Chaal Dhaal aur Wajahat ka jo Aks Sadiyo'n ke Pardo se chhan kar hum tak pahuncha hai wo bahar haal ek Esi Shakhsiyat ka Tasavvur dilata hai jo Zahanat, Shuja'at, Sabr v isteqamat, Raasti v Dayanat, Aali zarfi Shakhawat, Farz Shanaasi Waqaar v inksaar aur Fasahat v Balagat jese Ausaaf E Hameeda ka jaama tha, Balki kehna chahiye k Huzoor ﷺ ke Jismani Naqshe me Rooh E Nabuwat ka pur to dekha ja sakta hai, aur Aapki Wajahat khud Aapke Muqaddas martabe ki ek daleel thi _,"*

*❀__ Is moqe per Aapka Ek irshad Yaad aaya, farmaya - Khuda ka Taqwa hi Chehro Ko Roshan karta hai, Nabuwat to imaan v Taqwa ki Mairaaj hai, Nabi ﷺ ka Chehra Mubarak to Noor Afsha'n hona hi chahiye, So ye us Aaftaab E Haq ki Ek Jhalak hai!*     

*📔 Mohsin E Insaniyat- ﷺ, 75,* ┵━━━━━━❀━━━━━━━━━━━━┵

                  ★ *Part–03_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥-- Wajahat:-*

*❀_ Maine Jo'nhi Huzoor ﷺ Ko dekha To foran Samajh liya k Aapka chehra Ek Jhoote Aadmi Ka nahi ho sakta _," ( Abdullah bin Salam Rz) Mai'n Apne bete ko saath le kar Haazir hua to Logo'n ne dikhaya k ye hai'n Khuda ke Rasool ! Dekhte hi Mai'ne kaha - Waqa'i Ye Allah Ke Nabi hai'n _," ( Shama'il E Tirmizi)*

*❀__ Abdullah bin Salam Raziyallahu Anhu Yahood ke ek bade Aalim the Jinka naam Husain tha, Sarware Aalam ﷺ ke Madina aane per ye dekhne ko gaye, dekhte hi unko jo Tassur hua, baad me use unhone in Alfaaz me bayan kiya hai, imaan laye aur Abdullah Naam Tajveez hua_," ( Seerat E Mustafa ﷺ, Maulana Muhammad Idrees Kandhalvi - 1/339-350)*

*❀__ Mutma'in raho, maine us Shakhs ka Chehra dekha tha Jo Chohdhvi Raat ke Chaand ki tarah Roshan tha, Wo kabhi tumhare Saath bad maamlagi karne wala Shakhs nahi ho sakta, Agar esa Aadmi ( Ou'nt ki Raqam ) Ada na kare to Mai'n Apne paas se Ada kar dungi _," ( Ek mo'azziz khatoon )*

*❀__ Madina me ek Tijarati Qafila waarid hua aur Shehar se bahar thehra, Huzoor ﷺ ka ittefaqan us taraf guzar hua, Ek Ou'nt ka Sauda kar liya aur ye keh kar Ou'nt saath le aaye k Qeemat bhijwaye deta hu'n, baad me Qafile Walo ko tashveesh hui k bager Jaan pehchan ke maamla kar liya, is per Sardaare Qafile ki khatoon ne mazkoora fiqra kaha, Ye Waqia Tariq bin Abdullah ne bayan kiya Jo khud Shareek Qafila the, baad me Huzoor ﷺ ne Tay Shuda Qeemat se zyada miqdaar me khajoore bhijwa di_," ( Seeratun Nabi ﷺ, Maulana Shibli marhoom - Jild -2 Safa 380)*            

*📔 Mohsin E Insaniyat- ﷺ, 76,* ┵━━━━━━❀━━━━━━━━━━━━┵

                  ★ *Part–04_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥-- Humne esa khoob ru Shakhs aur nahi dekha ... Humne uske Moo'nh se Roshni si nikalti dekhi hai _," ( Abu Qursafa ki Walda aur khala )*

*❀_"_ Huzoor ﷺ se zyada khoob ru kisi ko nahi dekha, esa lagta Goya Aaftaab chamak raha hai _," ( Abu Huraira Rz)*

*"_ Agar Tum Huzoor ﷺ ko dekhte to Samajhte k Suraj Tulu ho gaya hai _," ( Rabi'a binte Ma'uz )*

*"_ Dekhne wala pehli nazar me mar'oob ho jata _," ( Hazrat Ali Rz)*

*❀__ Mai'n Ek martab Chandni Raat me Huzoor ﷺ ko dekh raha tha Aap us waqt Surkh joda zaib tan kiye hue they, Mai'n kabhi chaand ko dekhta tha aur kabhi Aapko, bil Aakhir Mai'n is faisle per pahu'ncha k Huzoor Akram ﷺ Chaand se Kahi'n zyada Haseen Hai'n _," ( Hazrat Jaabil bin Samrah Rz)*

*❀__ "Khushi me Huzoor ﷺ ka chehra esa chamkta goya Chaand ka tukda hai, usi Chamak ko dekh kar hum Aapki khushi ko pehchan jate they _," ( Ka'ab bin Maalik Rz)*

*"_ Chehre per Chaand ki si Chamaki thi _," ( Hind bin Haala )*

*❀__ Chehra Mubarak :-*

*"_ Badr ki tarah Golayi liye hue _," ( Bar'a bin Aazib Rz)*

*"_ Chehra bilkul gol nahi tha, balki Golayi liye hue _," ( Hazrat Ali Rz)*

*"_ Peshani Qushada, Abru khamdaar, bareek aur gunjaan ( dono juda juda, dono ke Darmiyan me ek rag ka ubhaar jo gussa aane per numaya ho jata _," ( Hind bin Haala)*

*"_ Masarrat Peshani se jhalakti thi _," ( Ka'ab bin Maalik Rz)*    

*📔 Mohsin E Insaniyat- ﷺ, 77,* ┵━━━━━━❀━━━━━━━━━━━━┵                     

                  ★ *Part–05_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥---Rangat Mubarak:-*

*❀__ na Choone ki tarah Safedi na Saa'nvlapan _," ( Hazrat Anas Rz)*

*"_ Safed Surkhi maa'il _," ( Hazrat Ali Rz)*

*"_ Safed magar malahat daar _," ( Abul Tufel Rz)*

*"_ Goya k Chaandi se Badan dhula hua tha _," ( Hazrat Abu Huraira Rz)*

*"_ Safed ..... Chamakdaar _," ( Hind bin Abi Haala)*

*❀__ Aa'nkhe Mubarak:-*

*"_ Aa'nkhe Syaah ... Palke daraaz _," ( Hazrat Ali Rz)*

*"_ putliya'n Syaah.. Nazre neechi...gosha Chashm se dekhne ka Hayadaar Andaz _," ( Hind bin Abi Haala)*

*"_ Safed Hisse me Surkh dore .. Aa'nkho k khana lamba.. Qudrati Surmagi _," ( Jaabir bin Samrah Rz)*

*❀__ Naak Mubarak :-*

*"_ Bulandi Maa'il ... Us per Noorani chamak .. jiski vajah se ibtidayi Nazre badi Maloom hoti _," ( Hind bin Abi Haala)*

*❀__ Rukhsar Mubarak:-*

*"_ Hamwaar aur Halke... Niche ko zara sa gosht dhalka hua _," ( Hind bin Abi Haala)*

*❀__ Dahan (Moo'nh) Mubarak:-*

*"_ Faraakh ...! ( Jaabir bin Samrah Rz)*

*"_ Ba aitdaal Faraakh _," ( Hind bin Abi Haala)*    

*📔 Mohsin E Insaniyat- ﷺ, 77,* ┵━━━━━━❀━━━━━━━━━━━━┵

                  ★ *Part–06_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥-- Dandane Mubarak:-*

*❀__ Bareek.. Aabdaar.. Saamne Ke Daa'nto me khushnuma Rekhe'n _," ( Hazrat ibne Abbas Rz )*

*"_ Takallum farmate to Daa'nto se chamak si nikalti hui _," ( Hazrat Anas Rz)*

*❀__ Resh ( Daadhi Mubarak):-*

*"_ Bharpoor aur gunjaan baal _," ( Hind bin Abi Haala)*

*❀__ Gardan Mubarak:-*

*"_ Patli Lambi... jese moorti ki tarah khoob Surati se tarashi gayi ho.. gardan ki rangat Chaa'ndi jesi Ujli aur khushnuma _," ( Hind bin Abi Haala)*

*❀__ Sar Mubarak ____,*

*"_ 

*"_ Bada ... Magar aitdaal aur munasbat ke saath _," ( Hind bin Abi Haala)*

*❀__ Baal Mubarak:-*

*"_ Qadre Khamdaar _," ( Hazrat Abu Huraira Rz)*

*"_ Na bilkul sidhe tane hue ... Na zyada pechdaar _," ( Qatada Rz)*

*"_ Bilkul kham liye hue _," ( Hazrat Anas Rz)*

*"_ Gunjaan ...Kabhi Kabhi Kaano ki lo tak lambe, kabhi shaano tak _," ( Bar'a bin Aazib Rz)*

*"_Darmiyan se nikli hui maang _," ( Hind bin Abi Haala)*

*"_ Badan per baal zyada na they ..Seene se Naaf tak baalo ki bareek lakeer _," ( Hazrat Ali Rz, Hind bin Abi Haala)*

*"_ Kandho Baazuo'n aur Seene ke balaa'i hisse per thode se Baal they _," ( Hind bin Abi Haala)*     

*📔 Mohsin E Insaniyat- ﷺ, 78,* ┵━━━━━━❀━━━━━━━━━━━━┵

                  ★ *Part–07_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥--Majmu'i Dhaa'ncha __,"*

*❀__ Badan gatha hua..A'aza ke jodo ki Haddiya'n badi aur Mazboot _," ( Hind bin Abi Haala)*

*"_ Qad... Na zyada lamba tha na past ! Myana _," ( Hazrat Anas Rz)*

*"_ Qaamat Maa'il Ba Darazi !... majme me ho'n to doosro se Qad nikalta hua Maloom ho _," ( Bar'a bin Aazib Rz)*

*❀___ Pet baahar ko nikla hua na tha _," ( Umme Ma'abad )*

*"_ Duniyavi Ni'amato se behrah Andoz hone walo se Huzoor ﷺ ka jism ( Bavjood Faqro Faqa ke ) Zyada taro taza aur Tawana tha _," ( Al Muqahib - 1/310)*

*"_ Mash'hoor Waqi'a hai k Huzoor ﷺ ne Umra kiya to So Ou'nt ba nafs Nafees Haa'nke aur unme se 63 (Ou'nt) ko Ba Daste Mubarak khud Nahar kiya aur Baqia ko Hazrat Ali ke Supurd kiya _,"*

*❀___ Maine Rasulullah ﷺ se badh kar koi bahadur aur Zor Aawar nahi dekha _," ( ibne Umar Rz)*

*"_ Makka me Rukana Naami Ek Pehalwan tha Jo Akhado me Kustiya'n ladta, Ek Din Huzoor ﷺ kisi Mulhaqa Waadi me usse mile aur Apni Dawat di, Usne Dawat ke liye koi maiyaar Sidq talab kiya, Iske zoq ke peshe nazar Huzoor ﷺ ne Kushti karna pasand kar liya, Teen baar Kushti hui aur Teeno baar Aap ﷺ ne use pachhaad diya, Usi Rukana Pehalwan ke Bete Abu Jaafar Muhammad ki ye Rivayat Haakim ne Mustadrak me li hai, aur Abu Daowd aur Tirmizi ne ise pesh kiya hai aur Bahyqi ne Saied bin Juber ki doosri Rivayat ki hai Jisme aata hai k Huzoor ﷺ ne baaz doosre logo'n ko bhi Kushti me pachhada hai Jinme Ek Abul Aswad Jam'i bhi hai _," ( Al Muqahib -1/302)*    

*📔 Mohsin E Insaniyat- ﷺ, 79,* ┵━━━━━━❀━━━━━━━━━━━━┵

                  ★ *Part–08_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥-- Kandha aur Seena Mubarak:-*

*❀__ Seena Choda .. Seena aur Pet Hamwaar _," ( Hind bin Abi Haala)*

*"_ Seena Choda _," ( Bar'a bin Aazib Rz)*

*"_ Mo'ndho ka darmiyani Faasla Aam paimane se zyada _," ( Hind bin Abi Haala, Bar'a bin Aazib Rz)*

*"_ Kandho ka darmiyani hissa pur gosht _," ( Hazrat Ali Rz)*

*❀___ Baazu aur Haath Mubarak:-*

*"_ Kalaiya'n daraaz ... Hatheliya'n Faraakh ... Ungliya'n mozo tak daraaz _," ( Hind bin Abi Haala)*

*"_ Resham ka Dabeez ya Bareek koi kapda ya koi aur cheez esi nahi jise maine chhua ho aur Wo Huzoor ﷺ ki Hatheliyo se Zyada Naram v Gudaaz ho _," ( Hazrat Anas Rz)*

*❀___ Qadam Mubarak:-*

*"_ Pindliya'n pur gosht thi'n ...Halki Halki Suti hui ..," ( Jaabir bin Samrah)*

*"_ Hatheliya'n aur Paa'nv pur gosht, Talwe Qadre gehre ... Qadam Chikne k Pani na thehre _," ( Hind bin Abi Haala)*

*"_ Ediyo'n per Gosht bahut Kam _," ( Jaabir bin Samrah)*       

*📔 Mohsin E Insaniyat- ﷺ, 80,* ┵━━━━━━❀━━━━━━━━━━━━┵

                  ★ *Part–09_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥_ Ek Jaama Lafzi Tasveer:-*

*❀_"_ Yu'n To Huzoor ﷺ ke mutaddid Rafqa ne Huzoor ﷺ ki Shakhsiyat ko Lafzo me pesh kiya hai Lekin Umne Ma'abad ne Jo Tasveer murattab ki hai uska Jawab nahi,*

*❀__ Waadi Hijrat Ka Safar Tay karte hue Musafire Haq Jab Apni Manzil Awwal ( Gare Sor ) se chala to Pehle hi Roz Qaum Khuza'a ki us Nek Nihaad Budhiya ka khema Raah me pada, Huzoor ﷺ aur Aapke Hamrahi pyase they, Faizane Khaas tha k Mariyal si bhooki Bakri ne us lamha waafar miqdaar me doodh diya, Huzoor ﷺ ne bhi piya Hamarahi ne bhi aur kuchh Bach raha _,"*

*❀__ Umme Ma'abad ke shohar ne ghar aa kar doodh dekha to Achambhe se puchha k ye Kaha'n se aaya, Umme Ma'abad ne saara haal bayan kiya, Wo puchhne laga k Achchha us Quresh Nojawan ka Naqsha to bayan karo, Ye Wohi to nahi jiski Tamanna hai, Is per Umme Ma'abad ne Haseen Tareen Alfaaz me Tasveer khee'nchi, Umme Ma'abad ko na to koi Tarruf tha, na kisi tarah ka ta'assub balki Jo kuchh dekha man v An keh diya, Asal Arbi me dekhne ki cheez hai ( Zaadul Ma'ad -1/307) iska Jo Tarjuma Mollif "Rehmatullil Aalameen ﷺ" ne kiya hai usko hum Yaha'n le rahe hai'n _,"*

*❀_"_Jawab me Umme Ma'abad Raziyllahu Anha ne Kaha :- "_ Unka Chehra Noorani tha , Unki Aankhe unki Lambi Palko ke niche chamakti thi, Wo gehri Syaah thi, Unki Awaaz me narmi thi ,Wo darmiyane qad ke they ( Yani chhote qad ke nahi they ) na Bahut zyada lambe they , Unka Kalaam esa tha Jese Kisi ladi me Moti piro diye gaye ho, Baat Karne Ke baad jab Khamosh Hote they to un per Ba Waqaar Sanjeedgi Hoti thi , Apne Saathiyo'n ko Kisi Baat Ka Hukm dete they to Wo jald az jald usko Poora Karte they , Wo Unhe Kisi Baat se rokte they to foran ruk jate they, Wo intehayi Khush Akhlaaq they, Unki Gardan se Noor ki kirne footti thi, Unke Dono Abro mile hue they, Baal Nihayat Syaah they , Wo door se dekhne per Nihayat shandaar aur qareeb se dekhne per Nihayat Haseen v Jameel lagte they, Unki taraf Nazar padti to fir Doosri Taraf hat nahi Sakti thi , Apne Saathiyo'n me wo Sabse zyada Haseen v Jameel aur Ba roab they , Sabse zyada Buland martaba they ,*    

*📔 Mohsin E Insaniyat- ﷺ, 80* ┵━━━━━━❀━━━━━━━━━━━━┵

        ★ *Part–10_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥"_ Libaas :-*

*❀"_ Aadmi Ki Shakhsiyat Ka Waaze izhaar Uske Libaas se bhi hota hai, Uski Waza qata, Qasr v Tol Range maiyaar, Shafa'i aur Ese hi Mukhtalif pehlu bata dete hai'n k Kisi Libaas me mabloos Shakhsiyat Kis Zahan v Kirdaar se Araasta hai, Nabi Akram ﷺ ke Libaas ke bare me Huzoor ﷺ ke Rafqa ne Jo Malumaat di hai'n Wo badi Had tak Huzoor ﷺ Ke Zoq Ko numaya kar deti hai'n _,"*

*❀_ Huzoor ﷺ ne Libaas Ke maamle me Dar Haqeeqat is Aayat ki Amali Sharah Pesh farmayi hai :- ( Tarjuma) Ey Aadam Ki Aulaad ! Humne Tumhare Satar dhaa'nkne Wala aur Tumhe Zeenat dene wala Libaas Tumhare Liye Muqarrar kiya hai, aur Libaas E Taqwa Behatreen Libaas hai _," ( A'araaf - 26)*

*❀_ So Huzoor ﷺ ka Libaas Saatir tha, Zeenat Bakhsh tha aur Taqwa wala tha, isme zarurat ka bhi Lihaaz tha, Akhlaqi Usoolo ki pabandi ka mazhar bhi tha, aur Zoqe Saleem ka Tarjuman bhi, Kibr v Riya se door tha, aur Huzoor ﷺ ko thaat baat se rehna pasand na tha ,*

*❀_ Farmaya - Mai'n to bas Khuda ka Ek Banda hu'n aur Bando ki tarah Libaas pehanta hu'n _," Resham deba aur Hareer Ko Mardo'n ke liye Aapne Haraam qaraar diya, Ek baar Tohfe me Aayi hui Reshmi Qaba pehni aur fir foran iztraab ke saath utaar di _," ( Mishkaat)*      

*📔 Mohsin E Insaniyat- ﷺ, 81* ┵━━━━━━❀━━━━━━━━━━━━┵

                  ★ *Part–11_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥_ Tehbabd Kameez aur Amama ki lambayi Chu'nki Alamate Kibr thi aur Ye Tareeqa E Libaas Mutakabbireen me raa'ij tha, isliye isse sakht tanfur (nafrat ) tha, ( Bahut si Rivayaat hai'n, Maslan- Saalim ki Rivayat Apne Waalid se, mindarja Abu Douwd- Nasa'i, ibne Maaja, Libase Shohrat per Waied Az ibne Umar, Mindarja Tirmizi, Ahmad)_,"*

*❀__ Doosri Qaume Khususan Mazhabi Tabqo ke Makhsoos Faishano Ki Taqleed aur Naqali ko bhi Huzoor ﷺ ne mana thehraya _," ( Maslan- Rivayat ibne Umar Mindarja Ahmad v Abu Douwd ) taki Ummat me Apni khudi aur izzat e nafs barqarar rahe, Neez Faishan aur Libaas ki Taqleed Nazriyaat v Kirdaar ki Taqleed paida karne ka sabab na ban sake _,"*

*❀_ Chunache Huzoor ﷺ ne islami Tamaddun ke Tahat Faishon, Adaab aur Saqafat ka ek naya Zoq paida kar diya, Libaas me Mosam se Satar ki hifazat, Saadgi Nazafat v Nafasat aur Waqaar ka Huzoor ﷺ ko khaas Lihaaz tha, Ab hum Huzoor ﷺ ke Libaas per ek nigaah daale :-*

*❀_ Kurta ( Kameez ) bahut pasand tha, Kurte ki Aasteen na tang rakhte they na zyada khuli, Darmiyani Saakht pasand thi, Aasteen kalaa'i aur Haath ke Jod tak pahu'nchti, Safar ke liye Jo kurta pehante uske Daaman aur Aasteen ka Tol zara Kam hota, Kameez ka gireban Seene per hota jise kabhi kabhaar ( Mosam ke taqaze se ) khula bhi rakhte aur isi haalat me namaz padhte _,"*

*❀_ Kurta pehante hue pehle Seedha Haath daalte fir ulta, Rafeeqo ko iski Taleem dete, Dahine haath ki foqiyat aur Achche kaamo ke liye Dahine haath ka istemal Huzoor ﷺ ki sikhayi hui islami Saqafat ki ek Aham Buniyad hai _,"*      

*📔 Mohsin E Insaniyat- ﷺ, 82,* ┵━━━━━━❀━━━━━━━━━━━━┵

                  ★ *Part–12_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥_ Umr Bhar Tehbabd ( lungi ) istemal farmaya, Jise Naaf se Zara niche baa'ndhte aur nisf Saaq tak ( Takhno se Zara Ou'ncha ) saamne ka hissa Qadre Zyada jhuka rehta_,"*

*★"_ Pajama ( Salwar) dekha to pasand kiya, Aap ﷺ ke Sahabi pehante they, Ek baar khud khareed farmaya ( ikhtilaaf hai k pehna ya nahi ) aur wo Aapke Tarka me mojood tha, iski kharidari ka qissa Dilchasp hai, Hazrat Abu Huraira Raziyallahu Anhu ko saath liye hue Huzoor ﷺ Bazaar Gaye aur Chaar dirham per pajama khareeda, Bazaar me jins ko tolne ke liye ek khaas Wizaan muqarrar tha, Wazan karane Gaye to usse kaha k ise jhukta hua tolo, Wizaan kehne laga k ye Alfaaz maine kisi aur se kabhi nahi sune _,"*

*★"_ Hazrat Abu Huraira Raziyallahu Anhu ne Tavajjo dilayi, Tum Apne Nabi Paak ko pehchante nahi ? Wo haath choomne ko bada to Aap ﷺ ne roka k ye Ajmiyo ka ( yani Gair Islami) Tareeqa hai, bahar haal wazan karaya aur pajama khareed kar le chale, Hazrat Abu Huraira Raziyallahu Anhu ne bade Tajjub se puchha k Aap ise pehnenge ? Tajjub galiban is Bina per hua hoga k ek to Mamool me esi numaya Tabdeeli Ajeeb lagi, doosre pajama Ahle faaras ka pehnawa tha, aur Tashbiha se Huzoor ﷺ ko ijtinab tha ( Hala'nki doosre Tamadduno ke Achhe Ajza ko Huzoor ﷺ Qubool farmate they),*

*"_ Aapne jawab diya - Haa'n pehnunga, Safar me bhi, Hazar me bhi, Din ko bhi Raat ko bhi, Kyu'nki mujhe Hifze Satar ka hukm diya hai aur isse zyada Satar Posh libaas koi nahi _,"*

*®_ Al Muwahib -1/336)"*   

*📔 Mohsin E Insaniyat- ﷺ, 82,* ┵━━━━━━❀━━━━━━━━━━━━┵

                  ★ *Part–13_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥_ Sar per Amama baa'ndhna khaas pasand tha, Na bahut bhaari hota tha, na Chhota, ek Rivayat ke Lihaaz se , Gaz lambayi hoti thi, Amama ka Shamla balisht bhar zaroor chhodte Jo pichhe ki Jaanib dono Shaano ke darmiyan udas lete, Suraj ki Tapish se bachne ke liye Shamla ko faila kar sar per daal lete, isi tarah mausmi Halaat Taqaza karte to Aakhri pallu thodi ke niche se le kar gardan ke gird lapet bhi lete, Kabhi Amama na hota to kapde ki ek dhajji ( Rumaal ) Patti ki tarah sar se baa'ndh lete, ( Ek raay ye hai k Esa bimari Khususan Sar dard ki haalat me hua )*

*❀_ Amama ko Tel ki chiknayi se bachane ke liye ek khaas kapda ( Arbi naam Qan'a) baalo per istemal karte, Safed ke alawa Zard ( galiban Matela, Khakstar Maa'il ya Satri ) rang ka Amama bhi baa'ndha hai, aur Fateh Makka ke moqe per Syaah bhi istemal farmaya _,"*

*❀_ Amama ke niche kapde ki Topi bhi istemal me rahi, aur use pasand farmaya, Neez Rivayat me hai k Amama ke Saath Topi ka istemal Goya islami Saqafat ka makhsoos tarz tha aur ise Aap ﷺ ne mushrikeen ke muqable per imtiyazi Faishon qarar diya _,"*

*❀_ Amama ke alawa kabhi Khali Safed Topi bhi odhte, ghar me odhne ki Topi Sar se Chipti hui hoti, Safar per nikalte to uthi Hui baad wali Topi istemal farmate, Sozni numa Sile hue kapde ki Dabeez Topi bhi pehni hai _,"*    

*📔 Mohsin E Insaniyat- ﷺ, 83,* ┵━━━━━━❀━━━━━━━━━━━━┵

                  ★ *Part–14_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥_ Odhne ki Chaadar 4 gaz lambi Sawa 2 gaz chodi hoti thi, Kabhi lapet lete kabhi ek pallu sidhe bagal se nikaal kar ulte kandhe per daal lete, Yahi Chaadar kabhi kabhaar bethe hue taango ke gird lapet lete aur baaz moqo per ise Teh kar ke Takiya bhi bana lete, Mo'azziz Mulaqatiyo ki Tawazo ke liye Chaadar utaar kar bichha bhi dete, Yaman ki Chaadar jise Jabrah kaha jata tha bahut pasand thi, Ek martaba Huzoor ﷺ ke liye Syaah Chaadar ( galiban baalo ki ) bhi banwayi gayi use odha to pasine ki vajah se bu dene lagi, Chunache Nazafat ki vajah se fir use nahi odha _,"*

*❀_ Naya kapda khuda ki Hamd aur Shukr ke saath bil umoom Juma ke Roz pehante, Faazil Jode banwa kar nahi rakhte they, Kapdo me pewand lagate they, Unki marammat karte, Ahatyaatan ghar me dekh lete k majme me bethne ki vajah se ( majalis aur Namazo ke mele kuchele log bhi aate they aur Safai ka Aam maiyaar bhi Aap ﷺ hi ne musalsal Tarbiyat kar kar ke barso me buland kiya ) koi Ju vagera na aa ghusi ho,*

*❀_ Jaha'n ek taraf Faqr v Saadgi ki wo Shan thi, Waha'n doosri taraf Aapko rehbaniyat ko mana bhi karna tha aur is usool ka muzahira bhi matloob tha k Allah Ta'ala ko ye baat pasand hai k uski ata karda Ni'amat ( Rizq ) ka Asar uske bando se Zaahir ho _," Mukhtasar ye k Mamool aam Saadgi tha, So Huzoor ﷺ ne kabhi kabhaar Achchha Libaas bhi Zaib Badan farmaya, Aap ﷺ ka maslak aitdaal tha aur inteha pasandi se ummat ko bachana matloob tha _,"*

*❀_ Kapdo ke liye sabse badh kar Safed rang margoob khaatir tha, Farmaya - Haq ye hai k Tumhare liye Masjido me bhi Allah ke Saamne jane ka Behatreen Libaas Safed Libaas ho _," ( Abu Douwd, ibne Maaja)*

*"_ Farmaya - Safed Kapde pehna karo aur Safed hi kapde se Apne Murdo'n Ko kafan do Kyu'nki ye Zyada Pakiza aur Pasandida hai'n _," ( Ahmad, Tirmizi, Nasa'i, ibne Maaja)*     

*📔 Mohsin E Insaniyat- ﷺ, 83,* ┵━━━━━━❀━━━━━━━━━━━━┵           

                  ★ *Part–15_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥_ Safed Ke Baad Sabz rang Pasandida tha, Lekin bil umoom is Shakl me k halki Sabz Dhariya'n ho'n, is tarah Khaalis Surkh rang bahut hi Napasand tha ( Libaas ke Alawa bhi iske istemal ko baaz soorto me mana farmaya ) Lekin Halke Surkh rang ki Dhariyo'n wale kapde Aap ﷺ ne pehne, Halka zard ( Matiyala ya Shatri ) rang bhi Libaas me dekha gaya _,"*

*❀_ Huzoor ﷺ ka Joota maruja Arbi Tamaddun ke mutabiq chappal ya khada'u ki si shakl ka tha, Jiske Do Tashme they, Ek Anguthe aur Saath wali ungli ke Darmiyan rehta, Doosra Chhungliya'n aur uske saath wali ungli ke beech me, Joote per baal na hote they, Ye Ek Baalisht lamba 2 ungal lamba tha, Talwe ke paas se Saat ungal choda aur dono Tasmo ke Darmiyan pahu'nche per se Do ungal ka Faasla tha,*

*❀__ Kabhi Khade ho kar pehante, Kabhi beth kar bhi, Pehante hue Daaya'n Paa'nv daalte fir Baaya'n aur utaarte hue Pehle Baaya'n Paa'nv nikaalte fir Daaya'n,*

*❀__ Jurabe aur moze bhi istemal me rahe, Saada aur mamooli bhi aur Aala Qism ke bhi, Shaah Najashi ne Syaah rang ke Saada moze Bator Tohfa bheje they, Unhe pehna aur un per masah farmaya, Dahiya Kalbi ne bhi moze Tohfe me pesh kiye they, Unko Aapne ghutne tak istemal farmaya,*       

*📔 Mohsin E Insaniyat- ﷺ, 83,* ┵━━━━━━❀━━━━━━━━━━━━┵

                  ★ *Part–16_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥_ Chaa'ndi Ki Anguthi bhi istemal farmayi, Jisme Kabhi Chaa'ndi ka Nagina hota tha kabhi Habshi Patthar ka, Baaz Rivayaat me aata hai k Lohe ki Anguthi per Chaa'ndi ka Pattar ya Polish Chadha hua tha, Doosri taraf ye Waaze hai k Lohe ki Anguthi ( aur Zever ) Se Aapne karahat farmayi hai _,"*

*❀__ Anguthi bil umoom Daahine haath me pehni, Kabhi kabhaar Baa'nye me bhi, Darmiyani aur Shahadat ki ungli me na pehante, Chhungliya'n me pehanna pasand tha, Nagina ouper ki taraf rakhne ki bajaye Hatheli ki taraf rakhte, Anguthi per "Muhammad Rasulallah" ke Alfaaz Tarteeb vaar neeche se ouper ko teen Sataro me Kundhe they, isse Huzoor ﷺ Khutoot per muhar lagate they _,"*

*❀__ Muhaqqiqeen Ki ye Raay Qareen Sahat hai k Anguthi Muhar ki Zarurat se banwayi thi, aur Siyasi Mansab Ki Vajah se iska istemal Zaroori tha,*         

*📔 Mohsin E Insaniyat- ﷺ, 85,* ┵━━━━━━❀━━━━━━━━━━━━┵

                  ★ *Part–17_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥_Waza Qata aur Aara'ish :-*

*❀_ Huzoor ﷺ Apne Baal bahut Saliqe se rakhte, Unme kasrat se tel ka istemal farmate, Kangha karte, maa'ng nikaalte, Labo ke zaaid baal tarashne ka ahatmam tha, is maamle me Rafqa ko Tarbiyat dete, Maslan- ek Sahabi ko paraganda dekha to giraft farmayi, Ek Sahabi ki Daadhi ke bedhap baal dekh kar farmaya k inko Sa'nwaar kar rakho _,"*

*❀_ Farmaya k Jo Shakhs Sar ya Daadhi ke baal rakhta ho use chahiye k unko Saliqe aur Sha'istgi se rakhe, Maslan-Abu Qatada Ko khitaab karte hue Farmaya- inko Sa'nwaar ke rakho _," ( Rivayat Abu Huraira - Abu Douwd)*

*❀_ Ye Takeede Huzoor ﷺ ne isliye farmayi'n thi'n k basa Awqaat Mazhabi log Safayi aur Sha'istgi ke Taqazo se Gaafil ho jate hai'n, Khususan Range Tasawwuf jab badhta hai aur Rehbaniyat ubharti hai to galeez aur Gair Sha'ista rehna ulu murattab ki daleel ban jata hai, is khatre ka sadbaab farmaya,*

*❀_ Safar v Hazar me Saat Cheeze Hamesha Saath rehti aur Bistar ke qareeb - (1) Tel ki Shishi (2) Kangha ( Haathi Daa'nt ka bhi ) (3) Surmadani ( Syaah rang ki ) (4) Qaichi (5) Miswaak (6) Aa'ina (7) Lakdi ki ek patli khapachchi _,"*

*❀_ Surma raat ko sote hue ( taki zyada numaya na ho ) Teen Teen Salayi dono Aa'nkho me lagate, Aakhir Shab me hajaat se faarig ho kar wazu karte libaas talab farmate aur khushbu lagate, Rehaan ki khushbu pasand thi, Mehndi ke Fool bhi bheeni khushbu ki vajah se margoob they, mushk aur Oad ki khushbu sabse badh kar Pasandida rahi, Ghar me khushbudaar dhooni liya karte, Ek Atar daan tha jisme Behatreen khushbu mojood rehti aur istemal me aati _,"*    

*📔 Mohsin E Insaniyat- ﷺ, 85,* ┵━━━━━━❀━━━━━━━━━━━━┵

                  ★ *Part–18_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥_ Kabhi Hazrat Ayesha Siddiqa Raziyallahu Anha Apne Daste Mubarak se khushbu lagati, Mash'hoor baat hai k Aap Jis Kooche se guzar jate they, Der tak usme Mahak rehti thi aur Fizae'n batati thi k "Guzar gaya hai idhar se Kaarwa'ne Bahaar _",*

*❀_ Khushbu Hadiya ki jati to zaroor Qubool farmate aur koi agar Khushbu Hadiya lene me tammul karta to Napasand farmate, islami Saqafat ke Makhsoos Zoq ke maathat Aapne Mardo'n ke liye esi khushbu pasand farmayi Jiska Rang makhfi rahe aur Mahak faile aur Aurto'n ke liye wo Jiska Rang Numaya ho Mahak makhfi rahe,*

*❀_ Huzoor ﷺ ki chaal Azmat v Waqaar, Sharafat aur Ahsaase Zimmedari ki Tarjuman thi, Chalte to Mazbooti se qasam jama kar chalte, Dheele Dhaale Tareeqe se Qadam ghaseet kar nahi, Badan Simta hua rehta, Daa'nye Baa'nye dekhe bager chalte, Quwwat se aage ko Qadam uthate, Qaamat me aage ki taraf Qadre jhukaav hota, Esa maloom hota k Ou'nchai se niche ko utar rahe hai'n, Hind bin Haala ke Alfaaz me hai k Goya Zameen Aap ﷺ ki raftaar ke saath lipti ja rahi hai _,"*

*❀_ Raftaar Tez hoti, Qadam khule khule rakhte, Aap ﷺ mamooli raftaar se chalte magar Ba Qaul Hazrat Abu Huraira Raziyallahu Anhu, "Hum mushkil se saath de paate, Huzoor ﷺ ki raftaar ye Paigaam bhi deti jati thi k Zameen per ghamand ki chaal na chalo, ( Surah Luqman -18, Aur na zameen me Akad kar chal )*   

*📔 Mohsin E Insaniyat- ﷺ, 86,* ┵━━━━━━❀━━━━━━━━━━━━┵

                  ★ *Part–19_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥_Takallum:-*

*"❀_ Takallum insaan ke imaan kirdaar aur martabe ko poori tarah be naqab kar deta hai, Mozu'aat aur Alfaaz ka intikhab, Fiqro ki Saakht, Awaaz ka utaar chadaav Lehje ka usloob aur bayan ka zor ye saari Cheeze Waaze karti hai'n k Mutakallim kis paye ki Shakhsiyat Ka Alam bardaar hai,*

*❀_ Huzoor ﷺ ke Mansab aur Zimmedariyo ki no'iyat esi thi k unka bhaari bojh Agar kisi Doosri Shakhsiyat per daala gaya hota to wo Tafakkuraat me doob kar reh jata aur khilwat mehboob ho jati, Lekin Huzoor ﷺ ke kamalaat E khaas me ye baat bhi Shamil hai k Ek Taraf Aap Tafakkuraat aur Masa'il ka pahaad uthaye hue they aur tarah tarah ki Pareshaniyo se guzarte, lekin Doosri taraf logo'n me khoob ghulna milna bhi rehta aur Din Raat guftgu ka daur chalta, Mizaaj ki Sanjeedgi Apni jagah thi aur Tabassum v Mazah apni jagah,*

*❀_ Izdaad me Ajeeb Tawazan tha Jiski Mazhar Huzoor ﷺ ki zaat thi, Ek Aalami Tehreek ki Zimmedari ek Saltanat ke Masa'il ek Jama'at aur Ma'ashre ke mamlaat aur fir Apne khaase bade kunbe ki zimmedariya Achchha khaasa pahaad thi'n, Jinhe Huzoor ﷺ ke kandhe uthaye hue they,*

*❀_ Chunache Hasan Raziyallahu Anhu Apne Mamu Hind bin Abi Haala ke hawale se batate hai'n k _ Allah ke Rasool ﷺ mutawatar Pareshaniyo me rehte, Hamesha Masa'il per gor karte, kabhi Aap ﷺ ko be fikri ka koi lamha na mila, Der tak khamosh rehte aur bila Zarurat fizool baat cheet na karte _," ( Shama'il Tirmizi)*      

*📔 Mohsin E Insaniyat- ﷺ, 87,* ┵━━━━━━❀━━━━━━━━━━━━┵

                  ★ *Part–20_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥_ Lekin Aap Ek Daa'i they, aur Ek Tehreek ke Sarbarah, isliye Tableeg v Taleem aur Tazkiya aur Siyaasi intezam chalane ke Liye Logo'n se Raabta zaroori tha Jiske Liye Sabse Aham Zariya Takallum hai, Lihaza Doosri Soorate Haal Hazrat Zaid bin Saabit Raziyallahu Anhu ke Alfaaz me Yu'n rehti k, Jab Hum Duniyavi Mamlaat ka Zikr kar rahe hote to Huzoor ﷺ bhi is Zikr me hissa lete, Jab Hum Aakhirat per guftgu karte to Huzoor ﷺ bhi hamare Saath is mozu per Takallum farmate, aur Jab Hum log Khane Peene ki koi baat chhedte to Huzoor ﷺ bhi usme Shamil rahe _," ( Shama'il Tirmizi)*

*❀_ Iske Bavjood Aap ﷺ ne khuda ki qasam kha kar ye Usooli Haqeeqat bayan farmayi k Meri Zubaan se Haq ke ma Siva koi baat Ada nahi hoti, Qur'an ne bhi is baat ki gawahi di, Yani Aan Hazrat ﷺ Apni khwahish E Nafs se Shara'i Ahkaam nahi dete they _,"*

*❀_ Guftgu me Alfaaz itne thehar kar Ada karte k Sunne wala Asaani se Yaad kar leta balki Alfaaz Saath Saath gine ja sakte they, Umme Ma'abad ne kya Khoob Tareef bayan ki k Guftgu jese Motiyo'n ki Ladi piroyi hui, Alfaaz na Zarurat se kam na zyada...na kotaah Sukhan na Taveel go, Takeed, Tafheem aur Tasalsul Hifz ke liye khaas Alfaaz aur Kalmaat ko teen baar dohrate,*

*❀_ Baaz Umoor me Tasreeh se baat karna munasib na Samajhte to Kanaya ( ishare ) me farmate, Makrooh aur Fahash aur Gair hayadarana kalmaat se Tanffuz ( Nafrat) tha, Guftgu me bil umoom ek muskurahat shamil rehti, Abdullah bin Haaris ka bayan hai k, Mai'ne Huzoor ﷺ se zyada kisi Ko muskurate nahi dekha _,"*        

*📔 Mohsin E Insaniyat- ﷺ, 87,* ┵━━━━━━❀━━━━━━━━━━━━┵

                  ★ *Part–21_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥_ Baat Karte hue baar baar Aasman ki taraf dekhte, Guftgu ke dauraan me kisi baat per zor dene ke liye Tek se uth kar Seedhe bethte aur khaas Jumlo ko baar baar dohrate, Hazireen ko kisi baat se darate to Takallum ke saath Saath zameen per haath maarte, Baat Ki Wazahat ke liye Haatho aur Ungliyo'n ke ishraat se madad lete, Maslan- Do Cheezo ka ikatttha hona Waaze karne ke liye Shahadat ki ungli aur beech ki ungli ko mila kar dikhate _,"*

*❀_ Kabhi dono Haatho ki Ungliyo'n ko baaham digar Aar paar kar ke Mazbooti ya Jami'at ka mafhoom numaya karte, Kisi cheez ya Simt me ishara karna hota to poora haath harkat me laate, kabhi Tek lagaye hue Aham Mamlaat per baat karte to seedhe haath ko ulte haath ki pusht per rakh kar Ungliyo'n me Ungliya'n daal lete,*

*❀_ Tajjub ke moqo per Hatheli ko ulat dete, kabhi seedhe haath ki Hatheli ulte haath ke Anguthe ke andruni hisse per maarte, kabhi sar hilaate aur ho'nto'n ko Daa'nto se dabate, Kabhi haath ko raan per maarte,*

*❀_ Huzoor ﷺ ke Kalaam ka Jaha'n Adabi maiyaar bahut buland tha, Waha'n Aam faham Saadgi bhi thi aur fir Kamaal ye k kabhi koi ghatiya aur Bazaru lafz istemal me nahi liya aur na kabhi masnu'i tarz ki zuban pasand farmayi, kehna chahiye k Huzoor ﷺ ne Apni Dawat aur mission ki zaruriyaat se khud Apni ek Zuban paida farmayi thi, Ek usloob bayan tha,*

*❀_ Ek martaba Banu Fahad ke log aaye to Guftgu hoti rahi, jiske dauraan me aane walo ne Tajjub se kaha - Ey Allah ke Nabi ! Hum Aap ek hi Maa'n Baap ki Aulaad hai'n, Ek hi muqaam me parwarish pate hai'n, Fir ye kya baat hai k Aap esi Arbi me baat karte hai'n k Jis ( ki latafato ) ko humme se aksar nahi samajh sakte ? Farmaya aur khoob farmaya, "Meri Lisaani Tarbiyat khud Allah Az v Jal ne farmayi hai, aur mere Zoq E Adab ko khushtar bana diya, Neez maine Qabila Sa'ad ki Fasahat Aamooz Fiza me Parwarish payi hai _,"*   

*📔 Mohsin E Insaniyat- ﷺ, 88,* ┵━━━━━━❀━━━━━━━━━━━━┵

                  ★ *Part–22_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥_ Ek moqe per Kisi mulaqati se baat Hui, Hazrat Abu Bakar Siddiq Raziyallahu Anhu Tajjub se sun rahe they, puchha us Shakhs ne Aapse kya kaha aur Aapne kya farmaya ? Huzoor ﷺ ne Wazahat ki, is per Janab Siddiq kehne lage - Mai'n Arab me ghooma fira hu'n aur fusha E Arab ka Kalaam suna hai, Lekin Aapse badh kar Kalaam Faseeh kisi aur se nahi suna _,"*

*❀_ isi tarah Hazrat Umar Farooq Raziyallahu Anhu ek baar kehne lage- Ey Allah ke Rasool ﷺ! Kya baat hai k Aap Fasahat me hum sabse baala tar hai'n, Hala'nki Aap humse kabhi alag nahi hue_," Farmaya - "_Meri Zuban Ismaiel Alaihissalam ki Zuban hai Jise Maine khaas tor se Seekha hai, ise Jibrail mujh tak laye aur mere Zahan Nasheen kar di _,"*

*❀_ Matlab ye hai k Huzoor ﷺ ki Zuban Mamooli Arbi na thi, Balki khaas Paigambarana Zuban thi Jiska Jod Ismaili Zuban se milta tha aur Jibrail Alaihissalam jis Zuban me Qur'an laate they Wo bhi Wahi Paigambarana Zuban thi,*

*❀_ Huzoor ﷺ ki imtiyazi Shaan ye thi k Aapko "Jawam'ul Kalam" ata kiye gaye they, Yani Huzoor ﷺ ke wo Mukhtasar kalme Jo ma'ani ke Lihaaz se badi wus'at rakhte Hai'n, Kam se kam Lafzo me Zyada se Zyada ma'ani pesh karne me Sarware Aalam ﷺ Apni misaal Aap they aur ise khususi Atayate Rab me Shumar kiya _,"*    

*📔 Mohsin E Insaniyat- ﷺ, 89* ┵━━━━━━❀━━━━━━━━━━━━┵

                  ★ *Part–23_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

                  *❥❥_Khitabat :-*

*❀__ Wa'az v Takallum hi ka ek Aham juz khitabat hai, Mohsin E Insaniyat ﷺ ek Azeem Paigaam ke haamil they, aur iske liye Khitabat na guzre Zarurat thi, Khitabat Yu'n bhi bhi Arbo ki daulat thi, Fir Quresh To is Sift se khaas tor per malamaal they, Arab aur Quresh ke Khatibana Mahol se Huzoor ﷺ bahut buland rahe, Fariza Qayadat ne jab bhi Taqaza kiya Aapki Zubaan kabhi Naseem Sahar ki tarah kabhi Aab Ju Ki tarah aur kabhi Taig Barqe Dam ki tarah mutaharrik ho jati,*

*❀__ Wa'az v Taqreer ki kasrat se Aapne parhez kiya, aur Ma'ashre ki zarurat aur uske Zarf ko dekh kar aitdaal se Quwwat E Khitaab ka istemal kiya, Masjid me khitaab farmate to Apni Chhadi per Sahara lete aur Maidaan E Jung me Taqreer farmana hoti to Kamaan per Tek lagate, Kabhi kabhaar Sawari per se khitaab kiya hai,*

*❀__ Taqreer me jism Daa'nye Baa'nye jhoom jata, Haatho ko hasbe Zarurat harkat dete, Taqreer me baaz moqo per "Qasam hai Us zaat ki Jiske Qabze me meri jaan hai ya Muhammad ki jaan hai" keh kar qasam khate, Lehje me bhi aur Chehre per bhi Dil ke Haqeeqi Jazbaat jhalakte aur Sama'ien per Asar Andaz hote, Dilo ko hila dete they,*    

*📔 Mohsin E Insaniyat- ﷺ, 93,* ┵━━━━━━❀━━━━━━━━━━━━┵

                  ★ *Part–24_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥_ Hunain v Taa'if Ke morke ke baad Huzoor ﷺ ne maale ganimat Taqseem kiya, To Makka ke Nav Muslimo ko usme bahut sa hissa diya taki unke Dil Mazeed naram ho'n aur Wo Ahsaan Ke Rishte se islami riyasat ke saath marboot tar ho jaye'n, Ansar me kuchh Logo'n ne Ajeeb se Ahsasaat ki ru dauda di kaha gaya k - Rasulullah ﷺ ne Quresh ko khoob ina'amaat diye aur hume Mehroom rakha, Mushkilaat me hum yaad aate hai'n aur Haasile Ganimat doosre log le jate hai'n _,"*

*❀_ Ye Charche Huzoor ﷺ ke kaano tak pahu'nche, Ek Charmi Khaima nasab kiya gaya, aur usme Ansar ka ijtima bulaya gaya, Huzoor ﷺ ne dariyaft farmaya k Tum Logo'n ne esi baate kahi hai'n ? Jawab mila k- Aapne jo suna wo Sahi hai magar ye baate hum me se zimmedar Logo'n ne nahi Kahi'n, Kuchh Nojawano ne ese Fiqre kahe hai'n _,"*

*❀_ Waqi'e ki Tehqeeq ke baad Aap ﷺ ne ye Taqreer ki :- kya ye Sach nahi hai k Tum log pehle gumrah they, Khuda ne mere zariye se tumko hidayat di ? Tum muntashir aur paraganda they khuda ne mere zariye se tumko muttahid kiya aur muttafiq kiya ? Tum Muflis they khuda ne mere zariye se tumko Aasooda haal kiya ? ( Har Sawal per Ansar kehte jate they k bila Shubha Allah aur Rasool ka bahut bada Ahsaan hum per hai )*

*❀_ Nahi tum ye jawab do k Ey Muhammad! Tumko jab Logo'n ne jhutlaya to humne tumhari tasdeeq ki, tumko jab Logo'n ne chhod diya to humne Panaah di, Tum jab Muflis ho kar aaye they to humne har tarah ki madad ki, Tum jawab me ye kehte jao aur Mai'n ye kehta jaunga k Haa'n tum sach kehte ho, Lekin Ey Giroh Ansar ! Kya Tumko ye pasand nahi k log Ou'nt aur Bakriya'n le jaye'n aur Tum Muhammad ko le kar Apne gharo ko jao _,"*

*❀_ Kalaam ka utaar chadaav dekhiye, Khanjare khitabat ki is dhaar ko dekhiye Jo Nazuk Jazbaat se Saiqal ki gaye thi, fir uski rawani dekhiye, Matalib ke mod dekhiye fir ye gor kijiye k kis tarah khateeb ne bil Aakhir matluba Kaifiyat Sama'ien me poori tarah ubhaar di, Ansar be Akhtyar cheekh uthe k "Humko sirf Muhammad ﷺ darkaar hai _,"*    

*📔 Mohsin E Insaniyat- ﷺ, 94,* ┵━━━━━━❀━━━━━━━━━━━━┵

                  ★ *Part–25_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥_Ibtidayi Daure Dawat me Kohe Safa ke Khutbe ke alawa Ka'i Baar Aapne Quresh Ke Samane Taqreere farmayi'n hai'n, Us Daur ke ek Khutbe ka Ye iqtbaas mulahiza ho :-*

*"_ Qafile Ka Deedbaan Apne Saathiyo Ko kabhi galat ittela nahi diya karta, Khuda Ki Qasam Agar ( Bil Farz muhaal) me aur Sab Logo'n se jhoot kehne per Tayyar bhi ho jata tab bhi Tumse galat baat Hargiz na kehta, Agar ( Bil Farz muhaal) me Doosre Tamaam Logo'n ko Halakat v Khatre se do chaar kar deta to bhi Tumko kabhi Khatre me mubtila na karta _,"*

*❀_ Us khuda ki Qasam jiske Siva aur koi ilaa nahi, Mai'n Tumhari taraf khususiyat se aur Tamaam insano ki taraf Jaama Tor se Khuda Ka muqarrar Karda Rasool hu'n, Ba Khuda Tumko Laziman marna hai Jese k Tum So jate ho aur Fir Marne Ke baad Tumko Ji uthna hai, Jese k Tum neend se bedaar ho jate ho, Tumse Laziman Tumhare Kaamo ka Hisaab liya jana hai aur Tumhe bhale ka badla bhala aur bure ka badla bura Zaroor milta hai, fir ya to Hamesha Ke Liye Jannat hogi ya Hamesha Ke Liye Dozakh _,"*

*❀_ Kya hi Saada Andaze bayan hai, Kitni Aqali aur Jazbaati Apeal hai, Daa'i ki khair khwahi ek ek Lafz se Tapakti padti hai, Fir Yaqeen koot koot kar bhara hua hai, Chhote se is Khutbe ne misaalo se bhi kaam liya gaya hai, Toheed, Risalat aur Aakhirat ki Buniyadi Dawat poori tarah Samo'i hui hai _,"*

*❀_ Isi Tarah Huzoor ﷺ ke Do aur Khutbe hai'n Jinme se Fateh Makka per aur doosra Khutba Hajjatul Vida ke moqe per diya gaya, Un khutbo ka Mizaaj intehayi inqilabi hai aur unme imaan Akhlaaq aur iqtidaar Teeno ki goonj Sunayi deti hai, Hajjatul Vida ka khutba to Goya ek Daur E Nav ke iftetah ( Shuru hone ) ka Elaan hai_,"*     

*📔 Mohsin E Insaniyat- ﷺ, 94,* ┵━━━━━━❀━━━━━━━━━━━━┵

               ★ *Part–26_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥_ Aam Samaji Raabta :-*

*❀__ Bade bade kaam karne wale log bil umoom Raabta Aam ke liye waqt nahi nikaal sakte aur na har taraf Tavajjo de sakte hai'n, baaz bade Logo'n me khilwat pasandi aur Khushk Mizaaji paida ho jati hai aur Kuchh Kibr ka Shikaar ho kar Apne liye ek Aalam bana lete Hai'n, Magar Huzoor ﷺ intehayi Azmat ke muqaam per Faa'iz ho kar aur Tareekh ka rukh badalne Wale Karnaame Anjaam de kar Awaami Halqo se poori tarah marboot they, aur Jama'at aur Ma'ashre ke Afraad Shakhshi aur niji Talluq rakhte they,*

*❀__ Alahaidgi pasandi ya Kibr ya Pewasht ka Shayba tak na tha, Aap ﷺ ka Mamool tha k Raaste me Milne walo se Salam kehte aur Salam kehne me pahal karte, Kisi Ko Paigaam bhijwate to Saath Salam Zaroor kehalwate, Kisi ka Salam pahu'nchaya jata to bhejne wale ko bhi aur lane Wale ko bhi juda juda Salam kehte, Ek baar lodko ki toli ke paas se guzre to unko Salam kiya, Aurto'n ki Jama'at ke qareeb se ho kar guzre to unko Salam kiya, ghar me Dakhil hote hue aur ghar se nikalte hue Ghar ke Logo'n ko bhi Salam kehte,*

*❀__ Ahbaab se mu'anqa bhi farmate aur musafa bhi, Musafa se haath us waqt Tak na Khee'nchte jab tak doosra khud hi Apna haath alag na karta, Majlis me jate to is Amr ko napasand karte k Sahaba Tazeem ke liye khade ho'n, Majlis ke Kinaare hi Beth jate, Kandho per se faand kar beech me ghusne se Ahatraaz farmate, farmaya - isi tarah bethta hu'n jis tarah khuda ka ek Banda bethta hai _,"*

*❀__ Apne Zaanu Saathiyo se badha kar na bethte, koi aata to Aizaaz ke liye Apni Chaadar bichha dete, Aane wala jab tak khud na uthta Aap Majlis se alag na hote,*   

*📔 Mohsin E Insaniyat- ﷺ, 94,* ┵━━━━━━❀━━━━━━━━━━━━┵

                  ★ *Part–27_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥_ Ahle Majlis Ki Guftgu me Gair mutalliq mozu na chhedte balki Jo Silsila Kalaam chal raha hota usi me Shamil ho jate, Chunache Namaze Subeh ke baad Majlis rehti aur usme Sahaba se khoob baate hoti, Jaahiliyat ke qisse chhid jate aur un per khoob Ha'nsi bhi hoti _,*

*❀_ Sahaba Shayr bhi padhte, Jis mozu se Ahle Majlis ke chehro se uktane ka Asar Mehsoos hota use badal dete, Ek Ek Farde Majlis per Tavajjo farmate Taki koi ye na Mehsoos kare k kisi ko us per Aapne Foqiyat di hai, Daurane Takallum koi Shakhs Gair mutalliq Sawal chhed deta to use nazar andaz kar ke Guftgu jaari rakhte aur silsila poora kar ke fir uski taraf mutavajjah ho jate,*

*❀_ Khitaab karne wale ki jaanib se us waqt Tak Rukh na fairte jab tak wo khud Moo'nh na fair leta, Kaan me koi Sargoshi karta to jab tak wo baat poori kar ke Moo'nh na hata leta Aap barabar Apna sar usi ki taraf jhukaye rakhte, Kisi ki baat ko kabhi na kaatte, ilaa ye k Haq ke khilaaf ho, is Soorat me ya to tok dete ya Chehre per Nagawari aa jati ya uth kar chale jate _,"*

*❀_ Napasand tha k khade khade koi Aham bahas chhed di jaye, Napasandida baato se ya to airaaz farmate Varna giraft karne ka Aam Tareeqa ye tha k Barahe Raast Naam le kar zikr na karte, balki Umoomi Andaz me ishara karte ya Jaama tor per Nasihat kar dete,*

       

*❀_ intehayi Takaddur ki soorat me jo faqat Deeni Umoor me Hota tha Ahbaab Ko Ahsaas dilane ke liye zyada se zyada ye Tareeqa izhaar tha k ya to Shakhs Mutalliq ke aane per Salam Qubool na karte ya Adme iltfaat dikhate,*     

*📔 Mohsin E Insaniyat- ﷺ, 95,* ┵━━━━━━❀━━━━━━━━━━━━┵

                  ★ *Part–28_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥_ Napasandida Aadmi ke aane Per bhi Khanda Peshani se pesh aate, Chunache Ek baar Koi aaya Jise Aap ﷺ Apne Giroh ka bura Aadmi Samajhte they, Magar Aapne be takallufu se baat cheet ki, Hazrat Ayesha Siddiqa Raziyallahu Anha ko is per Tajjub hua to Aap ﷺ ne farmaya:-*

*"_ Qasam hai k Qayamat ke Din Khuda Ke Huzoor Wo Shakhs Badtareen Aadmi Ka muqaam payega Jisse Log Uski Bad Sulooki ke dar se milna Julna hi chhod de'n _,"( Al Muwahib -1/291)*

*❀_ Kisi ki Mulaqaat ko jate to Darwaze ke Daa'nye Baa'nye khade ho kar ittela dene aur ijazat lene ke liye Teen martaba Salam karte, Jawab na milta to bager kisi Ahsase Takaddur ke Waapas chale aate, Raat Ko kisi se Milne jate to itni Awaaz me Salam kehte k Agar Wo jaagta ho to sun le aur So raha ho to neend me khalal na aaye,*

*❀"_ Badan Ya Libaas se koi Shakhs Tinka Ya Mitti vagera Hatata to Shukriya Ada karte hue farmate Khuda Tumse har us Cheez ko door kare Jo Tumhe buri Lage _,"*

*❀"_ Hadiya Qubool karte aur Jawaban Hadiya dene ka khayal rakhte, kisi Shakhs ko ittefaqan koi Takleef pahu'nch jati to use badla lene ka haq dete aur kabhi Evaj me koi Hadiya dete, Koi Shakhs Naya Libaas pehan kar Saamne aata to farmate - Khoob se khoob der tak pehno Bosida karo, Bad Sulooki ka badla bure Sulook se na dete balki Afu v Darguzar se kaam lete,*

*❀"_ Doosre ke Qusoor maaf kar dete to ittela ke liye Apna Amama Alamat ke tor per bhej dete _,"*      

*📔 Mohsin E Insaniyat- ﷺ, 96,* ┵━━━━━━❀━━━━━━━━━━━━┵

                  ★ *Part–29_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥_ Koi pukarta to khwah wo ghar ka Aadmi ho ya Rafqa me se hamesha "Labbek" (Haazir hu'n) kehte, Bimaaro ki Ayadat ko Ahatmaam se jate, Sarhane beth kar poochhte- Tumhari Tabiyat kesi hai ? Bimaar ki Peshani aur nabz per haath rakhte, Kabhi Seene aur pet per Daste Shafqat fairte aur kabhi Chehre per _,"*

*❀_Khane Ko pochhte, Bimaar Kisi Cheez ki khwahish karta to Agar muzir na hoti to mangwa dete, Tasalli dete aur farmate- "Fikr ki koi baat nahi, Khuda ne chaha to jald Sahatyab ho'nge, Shifa ke liye Dua farmate_,*

*❀_ Hazrat Sa'ad ke liye Teen baar Dua ki, Mushrik Chacha'on ki Bimaar pursi bhi ki, Ek Yahoodi Bachche ki Ayadat bhi farmayi ( Jo imaan le aaya ) is kaam ke liye koi Din aur Waqt muqarrar na tha, Jab bhi ittela milti aur Waqt milta Tashreef le jate _,"*

*❀_ Ek baar Hazrat Jaabir Bimaar pade, Rasulallah ﷺ Apne Rafeeqe Khaas Hazrat Abu Bakar Siddiq Raziyallahu Anhu ko Apne saath liye hue Paidal khaas doori tak chal kar gaye, Hazrat Jaabir behosh pade they, Aapne dekha, fir wazu kiya, Pani ke Chheente diye, Dua ki aur Mareez ki haalat Sambhalne lagi, Chunache Hazrat Jaabir ne baat cheet ki aur Apne Tarka ke mutalliq Masa'il poochhe_,"*     

*📔 Mohsin E Insaniyat- ﷺ, 96,* ┵━━━━━━❀━━━━━━━━━━━━┵

                  ★ *Part–30_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥_ Tawazo ki inteha ye thi k munafiqeen ke Sardaar Abdullah bin Ubai tak ki Ayadat farmayi, Jab kisi Shakhs ki Wafaat ho jati to Tashreef le jate, Aalame Naza me bulaya jata ya Khud ittela pa kar pahu'nchte to Toheed aur Tavajjo illallah ki Talqeen karte, Mayyat Ke ghar Walo se Hamdardi ka izhaar farmate, Sabr ki Nasihat karte aur Chillane pukar karne se rokte _,"*

*❀__ Safed Kapde me Achchha kafan dene ki Takeed karte aur Tajheez v Takfeen me jaldi karate, Janaza uthta to Saath Saath chalte, Musalmano ke janaze khud padhate aur Magfirat ke liye Dua karte, Koi janaza guzarta .. to chahe wo Gair Muslim ka ho, khade ho jate ( bethe rehne ki Rivayat bhi hai aur Baaz log kehte hai'n k Qayaam ka Tareeqa mansookh ho gaya tha .. mulahiza ho - Zaadul Ma'ad -1/1345)*

*❀__ Talqeen farmate k Mayyat Ke ghar walo ke liye log khana pakwa kar bhijwaye ( Aaj ye ulti Rasmiyat musallat hai k Mayyat Wale Ghar me Doosro ki Ziyafat hoti hai) Napasand tha k ba qaayda Majlise Taaziyat ka silsila ek Rasmi zaabte ke Tor per Kai Kai Roz jaari rahe _,"*

*❀__ Koi Musafir Safar se Waapas aata aur Haazri deta to usse mu'anqa karte, baaz Awqaat Peshani choom lete, Kisi ko Safar ke liye Rukhsat farmate to kehte k Bhai hume Apni Duao'n me yaad rakhna, Muhabbat Aamez be takallufi me kabhi kabhi Ahbaab Ke Naamo ko Mukhtasar kar ke bhi pukar lete, jese Ya Aba Huraira ki bajaye "Aba Har" Hazrat Ayesha ko kabhi kabhaar "Aa'ish " keh kar pukarte,*    

*📔 Mohsin E Insaniyat- ﷺ, 97,* ┵━━━━━━❀━━━━━━━━━━━━┵

                  ★ *Part–31_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥_ Bachcho se bahut Dilchaspi thi, Bachcho ke Sar per Haath fairte pyar karte Dua farmate, Nanhe Bachche laye jate to unko god me le lete, Unko behlane ke liye Ajeeb se kalme farmate, Ek Masoom Bachche ko Bosa dete hue farmaya - Ye Bachche to Khuda ke Baag Ke Phool hai'n _,"*

*❀_ Bachcho ke Naam Tajveez karte, Bachcho ko qataar me jama kar ke inaami daud lagwate k dekhe'n Kon hume pehle Chhu leta hai, Bachche Daudte hue aate to koi Seene per girta koi pet per, Bachcho se Dillagi bhi karte, Maslan-Hazrar Anas ko kabhi kabhi pyar se kaha - Ya Zulzanain ( O do kaano Wale )_,"*

*❀_ Abdullah bin Basheer ke haath unki walida ne Hadiye ke Tor per Angoor Huzoor ﷺ ki khidmat me bheje, Sahabzade Miya'n Raaste me kha gaye, baad me maamla khula to Aap pyar se Abdullah ke kaan pakad kar kehte, "Ya Gadr ! Ya Gadr " ( O dhokebaaz, O dhokebaaz)*

*❀_ Safar se aa rahe hote to jo Bachcha Raaste me milta use Sawari per bitha lete, Chhota hota to Aage Bada hota to pichhe, Fasal ka Meva pehli baar aata to Barkat ke Dua maa'ng kar Kam Umar bachche ko de dete, Aapke peshe nazar tha k Yahi Nayi pod Aa'inda Tehreeke islami ki Alam bardaar hogi _,"*

*❀_ Budho ka Ahatraam farmate, Fateh Makka ke moqe per Hazrat Abu Bakar Siddiq Raziyallahu Anhu Apne Zaieful Umr waalid ko ( Jo binayi se bhi mehroom they ) Bait E islam ke liye Aapki khidmat me laye, Farmaya- inhe kyu Takleef di, Mai'n khud inke paas chala jata _,"*     

*📔 Mohsin E Insaniyat- ﷺ, 98,* ┵━━━━━━❀━━━━━━━━━━━━┵

                  ★ *Part–32_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥-- Mel Jol Ki Zindgi me Aapke Husno Kirdaar ki Tasveer Hazrat Anas Raziyallahu Anhu ne khoob khee'nchi hai, Wo farmate hai'n:- Mai'n Das Baras tak Huzoor ﷺ ki khidmat me raha aur Aapne mujhe kabhi Uff tak na kahi, Koi kaam Jesa bhi kiya nahi kaha k ye kyu kiya, aur koi Kaam na kiya to nahi kaha k Kyu nahi kiya _,"*

*❀_ Yahi maamla Aapka khadimo aur Kaneezo ke saath raha, Aapne unme se kisi ko kabhi nahi maara, Iski Tasdeeq Hazrat Ayesha Raziyallahu Anha farmati hai'n k Azwaaj Ya Khadimo me se na kabhi kisi ko maara na kisi se koi zaati inteqam liya _,"*

*❀_ Khaalis Niji Zindgi :- Aksar bade log wo kehlate hai'n Jo Public Life ke liye ek Masnu'i Kirdaar ka choga pehne rakhte Hai'n Jo Niji Zindgi me utar jata hai, Bahar dekhe to badi Aan baan hai Ghar pahu'nche to intehayi Pasti me ja gire, Bahar Saadgi aur Tawazo dikhayi, ghar ko palte to Aysh v ishrat me doob gaye,*

*❀_ Huzoor ﷺ ko dekhiye to Ek hi rang ghar me bhi hai aur ghar se bahar bhi, Hazrat Ayesha Raziyallahu Anha se kisi ne dariyaft kiya k Rasoole khuda Apne ghar me kya kya karte they ? Unhone Jawab me farmaya :-*

*❀_ Aap Aadmiyo'n me se ek Aadmi they, Apne Kapdo ki dekh bhaal khud hi kar lete, Bakri ka Doodh khud dohte aur Apni Zarurate khud hi poori kar lete, Neez Apne kapdo ko khud hi pewand laga lete, Apne Joote ki marammat kar lete aur ye k Apne Dol ko Taa'nke laga lete, Bojh uthate, Jaanwaro ko chaara daalte, Koi Khadim hota to uske Saath mil kar kaam Kara dete ( Maslan) use Aata piswa dete, Kabhi Akele hi mashakkat kar lete, Bazaar jane me Aar na thi, Khud hi Sauda Salf laate aur Zarurat ki Cheeze ek Kapde me baa'ndh kar utha laate _,"*    

*📔 Mohsin E Insaniyat- ﷺ, 98,* ┵━━━━━━❀━━━━━━━━━━━━┵        

                  ★ *Part–33_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥_Logo'n ne ye bhi dariyaft kiya k Rasulullah ﷺ jab ghar me hote to kya rang rehta ? Hazrat Ayesha Siddiqa Raziyallahu Anha batati hai'n ( Sabse Zyada Naram Mizaaj, Muskurane wale, Khanda Jabee ) aur kabhi kisi khaadim ko jhidka nahi _," Haq ye hai k Rasoole khuda ﷺ se badh kar koi bhi Apne Ahlo Ayaal ke liye Shafeeq na tha _," ( Muslim)*

*❀__ Ek baar Hazrat Husain Raziyallahu Anhu ke poochhne per Hazrat Ali Raziyallahu Anhu ne bayan kiya k Rasulallah ﷺ ghar me aate to Apna waqt Teen Tarah ki masrufiyato me Sarf karte, Kuchh Waqt khuda ki ibaadat me sarf hota, Kuchh Waqt Apne Araam ke Liye, Fir inhi Awqaat me se ek hissa Mulaqatyo ke liye nikaalte jinme Masjid ki Aam Majlis ke alawa khususi Guftgu karne wale Ahbaab ya Mehman aa Aakar milte ya kuchh log Zaruriyaat v Hajaat le kar aate _," ( Shama'il Tirmizi), Dekha jaye to Araam ke liye bahut hi kam waqt reh jata tha _,"*

*❀__ Azwaaj Mutahraat ke naan nafqa aur mukhtalif Zaruriyaat ka intezam bhi Aapko karna hota fir unki Taleem v Tarbiyat bhi Aapke Zimme thi, Fir unhi ke zariye Tabqa khwateen ki islaah ka kaam jaari rehta, Aurte'n Apne Masa'il le kar aati aur Azwaaj Mutahraat ki ma'arfat dariyaft karti _,"*

*❀__ iske Bavjood ghar ki fiza ko Aapne kabhi Khushk aur Bojhil na banne diya, aur na usme koi masnu'i andaz paida hone diya, Ghar ek insaani ghar ki tarah tha jiski Fiza me Fitri Jazbaat ka ras ghula rehta, Huzoor ﷺ aate to Naseem Ke jho'nke ki tarah aate aur ek Ajeeb Shaguftgi fail jati, Baat Cheet hoti, Kabhi kabhi qissa goi bhi hoti aur Dilchasp Lata'if bhi waqo me aate_,"*    

*📔 Mohsin E Insaniyat- ﷺ, 99,* ┵━━━━━━❀━━━━━━━━━━━━┵

                  ★ *Part–34_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥- Gharelu Zindgi ke is Fitri utaar Chadaav ko Baaz log islamiyat ke Tasavvur se dekhte hai'n aur Khususan Nabi Kareem ﷺ ke ghar ka Naqsha Kuchh esa Zahan me rakhte Hai'n k isme koi gair insaani palte rehte they jinme koi Jazba tha na Khwahish.... Hala'nki wo ghar insaano ka ghar tha, aur usme Saare insaani Jazbaat kaam karte they, magar Us ghar me Ma'asiyat ( Gunaah Ka koi kaam) na thi, is Lihaaz se wo ghar Ek Namoona tha,* 

*❀_ Raato ko jab Huzoor ﷺ bistar per hote to Ahlo Ayaal se Aam Baate hoti, Kabhi gharelu Umoor kabhi Aam Musalmano ke Masa'il per, Yaha'n tak k Kabhi qissa kahani bhi sunate, Ek baar Aapne Hazrat Ayesha Raziyallahu Anha se Umme Zara ki kahani bayan ki, is Kahani me 11 Aurte'n Apne Apne Khawindo ka Kirdaar Aapas me bayan karti hai'n, Unme se ek Aurat Umme Zara Apne Khawind Abu Zara ka Man Mohna Kirdaar pesh karti hai, Ye Kahani Adabi Lihaaz se badi Dilchasp hai, Khaatme per Huzoor ﷺ ne Hazrat Ayesha Raziyallahu Anha se kaha k Mai'n bhi Tumhare Haq me wesa hi hu'n Jesa k Abu Zara Umme Zara ke liye tha_,*

*❀_ isi Tarah kisi Doosre moqe per Koi qissa sunaya to Sunne Waliyo'n me se ek ne kaha k ye to Khurafa ke qisso jesa hai ( Arab me Khurafa ki ek Rivayati Shakhsiyat thi Jisse bahut se Hairat naak qisse mansoob they ) Huzoor ﷺ ne kaha k Jaanti ho k Khurafa ki kya Haqeeqat thi, Fir Aapne Khurafa ki Rivayati Shakhsiyat ka qissa bhi bayan kiya k Banu Uzrah ke is Aadmi ko Jin pakad kar le gaye they aur kuchh Arse ke baad Waapas chhod gaye _," ( Shama'il Tirmizi)*

*❀_ Umr bhar Mamool raha k Raat ke Doosre nisf hisse ke Avval me bedaar ho kar Miswaak aur Wazu ke baad Tahajjud Ada farmate, ( Zaadul Ma'ad)*

*"_ Qur'an Thehar Thehar ka padhte hue baaz Awqaat itna lamba Qayaam farmate k Qadam Mubarak per Waram aa jata _," ( Shama'il Tirmizi)* 

*"_ Sahaba Kiraam ne is Mashaqqat per Arz kiya k Allah Ta'ala ne to Aapko Gufraan Khaas se nawaza hai, Fir is qadar Huzoor ﷺ Jaan kyu khapate hai'n, Farmaya - kya Mai'n khuda ka Ahsaan Shanaas aur Shukr Guzaar Banda na banu _,"( Shama'il Tirmizi)*     

*📔 Mohsin E Insaniyat- ﷺ, 100,* ┵━━━━━━❀━━━━━━━━━━━━┵

                  ★ *Part–35_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥_ Ghar aur uske Saazo Samaan Ke Mutalliq Aapka nuqta nazar ye tha k Zindgi is tarah guzari jaye Jese Musafir guzaarta hai, Farmaya k meri misaal us Musafir ki si hai Jo thodi der ke liye Saaye me Araam kare aur fir Apni Raah le, Muraad ye hai k Jo log Aakhirat ko muntaha banaye aur Duniyavi Zindgi ko Ada E Farz ya Imtihaan ke tor per guzaare, aur jinhe Yaha'n kisi bade nasbul ayn ke liye jaddo jahad karni ho unke liye kya moqa hai k Aala Darje ke maskan banaye aur unko Saazo Samaan se Araasta kare aur fir unme Magan reh kar lutf uthaye _,"* 

*❀"_ Chunache Aap aur Aapke Saathiyo ne na Aala Darje ki imaarte banayi aur na unme Asbaab jama kiye aur na unki Zeenat Aara'ish ki, Unke ghar bas "Behatreen Musafirana Qayam gaahe thi" unme garmi Sardi se bachne ka Ahatmam tha, Jaanwaro ki mudakhlat se bachaav ka intezam tha, parda daari ka bandobast tha aur Hifzane Sahat ke zaroori pehlu malhooz they _,"*

*❀"_ Huzoor ﷺ ne Masjid ke Saath Azwaaj Mutahraat ke liye Hujraat ( Chhote Chhote kamre) banwaye they, Bajuz Safaa'i ke aur kisi tarah ki Araa'ish na thi, Safaa'i me Zoqe Nabuwat Yaha'n tak tha k Sahaba ko Takeed farmayi, gharo ke Aangan Saaf rakho _," ( Tirmizi)*

*❀"_ Saazo Samaan me Chand Bartan Nihayat Saada qism ke they, Maslan Ek Lakdi ka pyala ( Baadiya) tha, Jis per lohe ke Pattar lage they aur khane pine me iska ba kasrat istemal hota tha, Khuraak ka Samaan jama to kya hota Roz ka Roz bhi kaafi miqdaar me mayassar na hua _,"*     

*📔 Mohsin E Insaniyat- ﷺ, 101,* ┵━━━━━━❀━━━━━━━━━━━━┵

                  ★ *Part–36_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥_ Bistar chamde ke gadde per mushtamil tha, Jisme Khajoor ki Chhaal bhari hui thi, baan ki bani hui Chaar Payi rakhte, Taat ka bistar bhi istemal me raha, Jo Dohra kar ke bichhaya jata, Ek baar Chohra kar ke bichhaya gaya to Subeh dariyaft farmaya k Aaj kya khususiyat thi k mujhe gehri neend aayi aur Tahajjud chhoot gayi, maloom hone per hukm diya k Bistar ko pehle hi haal per rehne diya jaye,*

*❀"_ Zameen per chatayi bichha kar bhi letne ka Mamool tha, Baaz Awqaat Chaar Payi ke nishanaat badan per dekh kar Rafqa khaas ( Maslan Hazrat Umar v Abdullah bin Masoud Raziyallahu Anhum) ro pade, Zara Hazrar Umar Raziyallahu Anhu ka Chashmdida Naqsha saamne laye'n, Unhone Huzoor ﷺ ko is Aalam ke dekha k Aap ﷺ Khuri Chaar Payi per lete Hai'n aur Jism per Nishan pad gaye hai'n, idhar udhar dekha to ek taraf mutthi bhar Jo rakhe hai'n, Ek kone me kisi jaanwar ki khaal keeli se latak rahi hai, Ye manzar dekh kar meri Aa'nkho se Aa'nsu jaari ho gaye _,"*

*❀"_ Huzoor ﷺ ne rone ka sabab puchha to arz kiya k Qaisar v Kisra to Aysh kare'n aur Aapka ye haal rahe, Farmaya - Umar kya Tum is per khush nahi k wo Duniya le jaye'n aur hume Aakhirat mile _," ( Al Muwahib, Sahi Muslim)*

*❀"_ Khane pine ka Zoq bahut nafees tha, gosht se khaas ragbat thi, Zyadatar Tarjeeh Dast, gardan aur peeth ke gosht ko dete, Neez pehlu ki haddi pasand thi, Shareed ( gosht ke Shorbe me roti ke tukde bhigo kar ye Makhsoos arbi khana Tayyar kiya jata tha) tanawul farmana margoob tha, Pasandida Cheezo me Shehad, Sirka, Kharbuja, Kakdi, Loki, khichdi, Makkhan, vagera cheeze Shamil thi, Doodh ke saath khajoor ( Behatreen Mukammal Giza banti hai ) ka istemal bhi achcha lagta aur Makkhan laga kar khajoor khana bhi Zoq me Shamil tha,*    

*📔 Mohsin E Insaniyat- ﷺ, 102,* ┵━━━━━━❀━━━━━━━━━━━━┵

                  ★ *Part–37_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥_Mareezo Ki Parhezi Giza ke Tor per Hareera ko Achchha Samajhte aur Tajveez bhi farmate, Meetha pakwaan bhi margoob khaas tha, Aksar Jo ke Sattu bhi istemal farmate, Ek martaba Badaam ke Sattu pesh kiye gaye to ye keh kar inkaar kar diya k ye Ameero ki Giza hai, ghar me Shorba pakta to kehte k Hamsaya ke liye Zara zyada banaya jaye,*

*❀"_ Pine ki Cheezo me Number ek per meetha Pani tha, aur Bator khaas door daraaz ki musafat se mangwaya jata, Doodh Pani Mila Doodh ( jise kachchi lassi kaha jata hai) aur Shehad ka Sharbat bhi ragbat se nosh farmate,*

*❀"_ Mashkize ya Patthar ke bartan me Pani daal kar khajoor bhigo di jati aur use mutawatar Din bhar istemal karte lekin waqt zyada hone per Chu'nki Nasha hone ka Andesha ho jata lihaza fikwa dete, Ba Rivayat Abu Maalik Ash'ari ye farmaya bhi k meri Ummat me Baaz log Sharaab piyenge aur uska naam badal kar kuchh aur rakh denge,*

*❀"_ Afraad ka alag alag beth kar khana Napasand tha, ikatthe ho kar khane ki Talqeen farmayi, Mez kursi per beth kar khane ko Apni Shaan E Faqr ke khilaf samajhte, isi tarah Dastar Khwan per chhoti chhoti pyaliyo aur Tashtariyo me khana rakha jana bhi khilafe Mizaaj tha, Sone Chandhi ke bartan ko bilkul haraam farma diya tha, Kaa'nch Mitti Taanbe aur lakdi ke bartano ko istemal me late rahe, Dastar Khwan per haath dhone ke baad joota utaar kar bethte _,"*

*❀"_ Sidhe haath se khana lete aur Apne Saamne ki taraf se lete, Bartan ke Darmiyan me haath na daalte, Tek laga kar khana pina bhi khilafe Mamool tha, Do Zanu ya ukdu bethte, Har Luqma lene per Bismillah padhte, Napasandida khana bager Ayb nikale khamoshi se chhod dete, Zyada garam khana na khate, khana hamesha Teen Ungliyo'n se lete aur Unko Lithadne na dete, Kabhi Kabhaar meva ya fal khade ho kar ya chalte hue bhi kha liya, Do Fal ikatthe bhi khaye, Maslan ek haath me Kharbuja liya aur doosre me khajoor, Khajoor ki guthli ulte haath se Fai'nkte,*    

*📔 Mohsin E Insaniyat- ﷺ, 103,* ┵━━━━━━❀━━━━━━━━━━━━┵

                  ★ *Part–38_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥_ Dawat Zaroor qubool farmate aur Agar ittefaqan koi doosra Aadmi ( Baat Cheet karte hue ya kisi aur sabab se ) saath hota to use le to jate magar Sahibe khana se uske Liye ijazat lete, Mehman ko khana khilate to baar baar israar se kehte k Achchhi tarah be takallufi se Khao _,"*

*❀"_ Khane Ki Majlis se ba Taqaza murawwat sabse Aakhir me uthte, Doosre log Agar pehle faarig ho jate to unke Saath hi Aap bhi uth jate, Faarig ho kar haath Zaroor dhote, Dua karte jisme khuda ki Ni'amato me liye Ada E Shukr ke kalmaat hote, Neez Talabe Rizq farmate aur Sahibe khana ke liye Barkat chahte,*

*❀"_ Khane ki koi Cheez aati to Haazir Dosto'n ko ba israar Shareeq karte aur Gair Haazir Dosto'n ka hissa rakh dete, Fal vagera khane ki Majlis me Ek ek Daana nikaalne ki Tarbiyat Aapne di,*

*❀"_ Pani gat gat ki Awaaz nikale bager aur bil umoom Teen baar Moo'nh se alag kar ke Saa'ns lete aur har baar Aagaaz "Bismillah" se aur akhtaam "Alhamdulillah" per karte, Aam Tareeqa beth kar Pani pine ka tha, Magar kabhi kabhi khade ho kar bhi piya hai, Pine ki cheez Majlis me aati to bil umoom Daahine jaanib se daur chalate aur Jaha'n ek Daur khatm hota doosra daur Wahi'n se Shuru karte,*

*❀"_ Badi Umr ke Logo'n ko Tarjeeh dete magar Daahine haath walo ke muqarrara istehqaq ki bina per unse ijazat le kar hi Tarteeb todte, Ahbaab ko koi cheez pilate to khud Sabse Aakhir me pite, khane pine ki Cheezo me Foo'nk maarna ya unko Soonghna napasand tha, Saa'ns me Bu ka hona Chu'nki khilafe Mizaaj tha isliye Kachchi Pyaaz aur Lahsun ka istemal hamesha Napasand raha,*     

*📔 Mohsin E Insaniyat- ﷺ, 104,* ┵━━━━━━❀━━━━━━━━━━━━┵

                  ★ *Part–39_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥- Khane Pine ki Cheezo ko dhaa'nkne ka hukm diya hai, koi naya khana saamne aata to khane se pehle uska naam maloom farmate, Zehar Khurani ke Waqi'e ke baad Mamool ho gaya tha k Agar koi Ajnabi Shakhs khana khilata to pehle ek Aadh Luqma khud use khilate,*

*❀"_ Zoq ki is Nafasat ke saath doosri Taraf Aksar Awqaat Faqr v Faaqa ka Aalam dar pesh raha, Jiski Tafseel humn doosri jagah denge, Farmaya - Mera khana pina esa hai jese ( khuda ke ) kisi Bande ka hona chahiye,*

*❀"_ Nashist v Barkhast :- Kabhi ukdu bethte, kabhi dono haath zaanuo'n ke gird halqazan kar lete, Kabhi haatho ke bajaye kapda ( Chaadar vagera) lapet lete, Bethe hue Tek lagate to bil umoom ulte haath per, Fikr ya Soch ke waqt bethe hue zameen ko Lakdi se kuredte,*

*❀"_ Sone ke Liye Seedhi karwat sote aur Daa'nye haath ki Hatheli per Apna Dahina Rukhsar rakh lete, Kabhi chit bhi lette, aur Paa'nv per Paa'nv bhi rakh lete, magar Satar ka Ahatmam rakhte, pet ke bal ou'ndha letna Sakht Napasand tha aur isse mana farmate they, Ese Tareek ghar me Sona pasand na tha jisme Charaag na jalaya gaya ho, Khuli Chhat per jiski parde ki Diwaar na ho Sona Achchha na Samajhte,*

*❀"_ Wazu Kar ke Sone ki Aadat thi aur Sote Waqt Mukhtalif Duae'n padhne ke alawa Aakhri Teen Soorte padh kar badan per Dam kar lete, Raat me Qaza E Haajat ke liye uthte to Faarig hone ke baad Moo'nh zaroor dho lete, Sone ke liye Ek Tehbabd Alahida tha, Kurta utaar kar latka dete,*    

*📔 Mohsin E Insaniyat- ﷺ, 104,* ┵━━━━━━❀━━━━━━━━━━━━┵

                  ★ *Part–40_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥_Bashri Hajaat :-*

*❀"_ Zarurat ke liye Chu'nki us daur me gharo me Baitul Khal na they isliye Huzoor ﷺ jungle jate, Umuman itni door tak jate k Nazro se oajhal ho jate, Esi naram zameen talash karte k Chhee'nte na ude,*

*❀"_ Moqa Haajat per pehle Baaya'n qadam rakhte fir Daa'nya, bethte hue zameen ke bilkul qareeb ho kar muqame Satar se kapda kholte, Kisi Teele vagera ki Aad zaroor lete,*

*❀"_ Zarurat ke liye hamesha joota pehan kar aur Sar dhak kar nikalte, Qibla ki taraf Moo'nh ya Pusht karne se ijtinab tha, Rafa Haajat ke Waqt Anguthi alag kar dete, ( Waaze rahe k us per khuda aur Rasool ke Asma Kundhe they ) Aab dast bila iltizam Baa'nye haath se karte, Jaay Zarurat se alag hote hue pehle Daa'nya Paa'nv uthate fir Baa'nya,*

*❀"_ Gusl ke liye Parda Zaroori qaraar diya tha, ghar me nahate to Kapde ka parda taana jata, kabhi Baarish me nahate to Tehbabd baa'ndh lete, Chhee'nk Past Awaaz se lete aur Haath ya Kapda Moo'nh per rakh lete _,"*    

*📔 Mohsin E Insaniyat- ﷺ, 105,* ┵━━━━━━❀━━━━━━━━━━━━┵

                  ★ *Part–41_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥_ Safar :- Safar Ke Liye Jumeraat ko Rawangi Zyada pasand thi, Sawari ko Tez chalate, Padaav se Subeh Ke Waqt kooch karna Mamool raha, Safar me Jo ijtimayi kaam Darpesh hote unme zaroor hissa lete,*

*❀"_ Chunache Ek Baar khana Tayyar karne ki muhim thi, Saare Saathiyo ne kaam Taqseem kiye, Aapne bhi Lakdiya'n chunna Apne Zimme liya, Kaha gaya k Aap Takleef na kare'n hum sab is kaam ke liye kaafi hai'n, Farmaya k mujhe imtiyaz pasand nahi,*

*❀"_ Safar me Sawari per baari baari kisi na kisi pyade Saathi ko Shareek karte, Safar se Raat me waapas aana pasand na tha, Aate to Seedhe Masjid me ja kar Nifl Ada karte, Ghar me ittela ho jane ke baad itminaan se jate,*

*❀"_ Jazbaat:- insaniyat ka koi Tasavvur hum Jazbaat ko alag rakh kar nahi kar sakte, Huzoor ﷺ me bhi insaani Jazbaat Behatreen Usloob per Kaar farma they, Aap bahut hi Sahibe Ahsaas Hasti they aur Khushi me khushi aur Gam me Gam se mutassir hote _,"*     

*📔 Mohsin E Insaniyat- ﷺ, 106,* ┵━━━━━━❀━━━━━━━━━━━━┵

            ★ *Part–42_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥_Huzoor ﷺ un Naamo Nihaad bade Logo'n me se na they Jo Duniya Jaha'n ke gam me ghule jate hai'n Lekin ghar ke liye sang Dil aur Tagaful kaish ( be parwah) saabit hote hai'n, Bahar ki zindgi pur hangama hoti hai ghar ki feeki aur bad maza, Aapko Azwaaj ke saath Sachchi Muhabbat thi, Hazrat Ayesha ke saath ek hi pyale me pani pite aur Jaha'n wo Moo'nh lagati'n Wahi'n Moo'nh lagate_,*

*❀"_ Ansar ki Bachchiyo ko bulwate taki wo unke ( Hazrat Ayesha Raziyallahu Anha ke) saath khele, Habshiyo ke Warzish kartab is andaz se dikhaye k Hazrat Ayesha ki Thodi Aapke kandhe per thi, baar baar puchhte k kya tum sair ho gayi ho ? Wo kehti'n - Abhi nahi ! Der tak ye silsila jaari raha _,"*

.

*❀"_ Hazrat Safiya Raziyallahu Anha ko Ou'nt per Sawaar karane ke liye Aap ﷺ apna ghutna bada dete aur us per Aap Apna payr rakh kar sawaar ho jaati'n, Ek martaba Safar me Naaqa ( Ou'ntni) ka Paa'nv fisla aur Huzoor ﷺ aur Hazrat Safiya Raziyallahu Anha dono gir pade, Abu Talha saath they, Daude hue Aapke paas aaye, Aapne farmaya pehle khatoon ki taraf Tavajjo karo,*

*❀"_ isi Muhabbat ki vajah se ek baar Shehad na khane ki qasam kha li thi, jis per itaab aaya k - "Halaal cheez ko Haraam na karo _,"*      

*📔 Mohsin E Insaniyat- ﷺ, 106,* ┵━━━━━━❀━━━━━━━━━━━━┵

              ★ *Part–43_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥_Apne Bachcho Ke Liye bhi Huzoor ﷺ ke Jazbaat bade gehre they, Hazrat Ibrahim ko Raza'at ke liye ek Lohaar Ke ghar me Madina ke Balaa'i hisse me rakha gaya tha, Unko dekhne ke liye khasa Faasla chal kar Tashreef le jate, Ghar me Dhuwa'n bhara hota magar waha'n bethte aur Bachche ko god me le kar pyaar karte,*

*❀_"_ Hazrat Fatima Raziyallahu Anha aati'n to uth kar istaqlaal karte, Khud Tashreef le jate, Apni kehte unki Sunte, Unke Sahabzado Hasan aur Husain Raziyallahu Anhum se bahut hi pyaar tha, unko god me lete, Unko Kandho per Sawaar karte, Unke liye Ghoda bante, Haalate Namaz me bhi unko Kandho per bethne dete,*

*❀_"_ Ek baar Iqra bin Haabis ne Aapko janab Hasan Ka Bosa lete dekha to Tajjub se kaha k mere to Das bete hai'n, Maine kabhi kisi ko pyaar nahi kiya magar Aap Bosa lete Hai'n, Farmaya- Jo Raham nahi karta us per Raham nahi kiya jata _,"*

*❀_"_ Hazrar Ibrahim Sahabzade ki Wafaat hui to Sadma se Aa'nkhe dabdaba aayi'n, Isi tarah ek Sahabzadi ki Wafaat Aapki mojoodgi me hui, Umme Aiman chilla chilla kar rone lagi'n, Huzoor ﷺ ne mana farmaya, To wo kehne lagi'n k Aap khud bhi to ro rahe hai'n, Aapne farmaya k esa Rona mana nahi hai, Ye Rona jis Raqat ki vajah se hai Wo Allah ki ek Rehmat hai,*

*❀_"_ Apni Sahabzadi Umme Kulsum ki Qabr per khade hue to Us Waqt bhi Aap ﷺ ki Aa'nkho se Aa'nsu jaari they, Usman bin Maz'oun ki mayyat ke saamne bhi Aap ﷺ ki Aa'nkhe Ashk baar thi'n, aur Aapne unki Peshani per Bosa diya, Apne Rone ki Kaifiyat ko khud bayan farmaya,_"Aa'nkhe Ashk Alood hai'n, Dil Gamzada hai, Magar hum Apni Zubaan se iske ma Siva kuchh nahi kehte Jo hamare Rab ko pasand hai _,"*     

*📔 Mohsin E Insaniyat- ﷺ, 106,* ┵━━━━━━❀━━━━━━━━━━━━┵

              ★ *Part–44_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥_Gam ki Haalat me Aksar Zubaan se ye Alfaz Ada hote: "Hasbiyallu Ni'amal Wakeel", Rone me Ou'nchi Awaaz na nikalti, balki thanda Saa'ns lete aur Haa'ndi ke ubalne jesi Awaaz Seene se nikalti,*

*❀_"_ Ek baar Abdullah ibne Masoud Raziyallahu Anhu se farma'ish kar ke Qur'an suna, Wo jab Surah Nisa ki is Aayat per pahu'nche ( Tarjuma) us waqt kya haal hoga jabki hum har Ummat me se ek Gawah ko khada karenge aur Un Logo'n per Tumhe Gawah bana ke payenge _," to Aa'nkho se Seel Ashk rawa'n ho gaya _,"*

*❀_"_ Ye Raqaat Sar Chashma hai un Jazbaate Hamdardi v Shafqat ka Jo Huzoor ﷺ ko Saari Insaniyat se thi, aur Khususan islami Jama'at ke afraad se, Hairat hai k is nazakat Ahsaas ke saath saath Huzoor ﷺ ne Mushkilaat v Masa'ib ke muqable me kis darja ke Sabr v istaqlaal ka muzahira kiya,*

*❀__"_ Zoq E Mazah :- Hum pehle bhi zikr kar chuke hai'n k Rasoole khuda ﷺ khanda Rui ki sifat se mutasif they, balki farmaya - Tera Apne Bhai ke Saamne Muskurate hue aana bhi ek Kaar khayr hai _,"*         

*📔 Mohsin E Insaniyat- ﷺ, 107,* ┵━━━━━━❀━━━━━━━━━━━━┵

                 ★ *Part–45_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥_ Aap ﷺ ki ye Shaan bhi bayan ho chuki hai k Azeem Kaarname Anjaam dene wali Shakhsiyat ke liye Laazmi Sift hai k Wo Fara'iz Hayaat ke bojh ko Apne Tabassum se gawara bana de aur Saathiyo ke Dilo me ghar kar le, Aapka haal ye tha k Aap Apne be takallufana Andaze Mazah se pesh aate they k Rafqa ke Dilo me Aapki muhabbat rach bas gayi thi,*

*❀"_ Aap ﷺ Ha'nsi Dillagi ki baate karte aur Majlis me Shaguftgi ki fiza paida kar dete, magar Tawazan v Aitdaal hamesha malhooz rehta, Mazah ka rang aate me namak ki tarah halka rehta aur isme bhi na to khilafe Haq kabhi koi baat Shamil hoti na kisi ki dil Azaari ki jati aur na thathe laga kar ha'nsna Mamool tha, Guncho ka sa Tabassum hota jisme zyada se zyada Daa'nto ke keele dikhayi dete Halaq nazar na aata,*

*❀"_ Ek baar Tajjub se Hazrat Abu Huraira Raziyallahu Anhu ne kaha k, Aap humse Mazaaq bhi farma lete Hai'n ? Irshad farmaya - Haa'n magar Mai'n khilafe Haq koi baat nahi kehta _,"*

*"_ Ek baar kisi Saa'il ne Sawari ka Ou'nt maanga, farmaya hum tumhe Ou'ntni ka ek Bachcha denge, Saa'il ne Hairat se kaha k Mai'n use le kar kya karunga, Farmaya - Har Ek Ou'nt kisi Ou'ntni ka Bachcha hi hota hai _,"*

*❀"_ Ek Budhiya ne aa kar arz kiya k mere liye Dua kijiye k khuda mujhe jannat ata farmaye, Huzoor ﷺ ne Mazahan kaha - Ey Umme Fala'n! Jannat me koi Budhi Aurat nahi ja sakti _," Wo roti hui uth kar jane lagi, Hazireen se farmaya - use kaho k khuda Ta'ala use is Budhape ke Saath jannat me nahi le jayega balki uska irshad hai k jannat me jane Waliyo'n ko Allah Ta'ala jawani se Sarfaraz farmayega _,"*    

*📔 Mohsin E Insaniyat- ﷺ, 108,* ┵━━━━━━❀━━━━━━━━━━━━┵

                  ★ *Part–46_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥_Zaahir ( Ya Zuhair ) Naami ek Baddu they, Unse be takallufi thi, Aap ﷺ Apne us Baddu Dost ko Shehar se mutalliq kaamo me imdaad dete aur Wo Dehaat se mutalliq Huzoor ﷺ ke kaam kar lata, Neez mukhlisana Jazbe se Hadiye deta ( Jinki qeemat Huzoor ﷺ ba israar Ada farmate ) Chunache farmate k Zaahir Dehaat me hamara gumashta ( Muneem) hai aur hum Shehar me uske gumashta hai'n _,"*

*❀__"_ Yahi Zaahir ek din Bazaar me Apna kuchh Sauda bech rahe they, Huzoor ﷺ ne pichhe se ja kar chupke se Aa'nkho per haath rakh diye aur puchha batao Mai'n kon hu'n, Wo pehle to kuchh na samjhe, Fir jab maloom hua to farte ishtiyaq me Huzoor ﷺ ke Seene se Apne kandhe malte rahe, fir Huzoor ﷺ ne Mazahan kaha k kon is gulam ko khareedta hai , Zaahir kehne lage, Ya Rasulallah! Mujh jese nakaara gulam ko jo kharidega ghaate me rahega, Farmaya - Tum khuda ki nigaah me nakaara nahi ho _,"*

*❀__"_ Ek moqe per Majlis me khajoore khayi gayi'n, Aap Mazah ke tor per guthliya'n nikaal nikaal kar Hazrar Ali ke aage daalte rahe, Aakhir me guthliyo ke dher ki taraf ishara kar ke unse kaha k tumne to bahut khajoore khayi'n, Unhone kaha k Maine guthliyo samet nahi khayi'n _,"*

*❀__"_ Baad ke Logo'n ko is range Mazah ka haal sun kar Tajjub hota tha kyunki ek to mazhab ke saath Taqashuf ( Sakht zindgi guzarne) ka Tasavvur hamesha mojood raha hai aur khuda parasto aur Muttaqiyo ki hamesha Roni Soorate aur Khushk Tabiyate Logo'n ke saamne rahi hai'n, Doosre Huzoor ﷺ ki ibaadat E Rab, Huzoor ﷺ ki khashiyat, Huzoor ﷺ ki bhari Zimmedariyo aur Huzoor ﷺ ke Tafakkuraat ka khayal karte hue ye Samajhna mushkil ho jata hai k is Namoona E Insaniyat ne in muskurahato ke liye zindgi ke Naqshe me kese jagah paida ki _,"*

*❀__"_ Chunache ibne Umar Raziyallahu Anhu se puchha gaya k kya Rasulallah ﷺ ke Raqfqa bhi Ha'nsa karte they? Unhone farmaya - Haa'n ha'nste they aur unke Dilo me Pahaad se zyada bada imaan tha ( Yani Ha'nsi Dillagi imaan v Taqwa ki Naqeez ( mukhalif ) nahi hai _,"*        

*📔 Mohsin E Insaniyat- ﷺ, 109,* ┵━━━━━━❀━━━━━━━━━━━━┵

                  ★ *Part–47_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥_ Tafrihaat :- Mutawazan Zindgi Ka ek Laazmi juz Tafrihaat ( Jaa'iz Hudood me ) bhi hai, Mazah ki tarah ye juz Saaqit ho jaye to Zindgi bojh ban jati hai aur jis Nizame Hayaat me Tafrihaat ki gunza'ish na rakhi gayi ho use koi Ma'shra der tak utha nahi sakta, Huzoor ﷺ ko bhi baaz Tafrihaat pasand thi'n aur Jaa'iz Hudood me unke liye Raaste nikale _,"*

*❀"_ Shakhshi Tor per Aap ﷺ ko Baago ki Sair ka Shoq tha, Kabhi Tanha aur Kabhi Rafqa ke Saath Baago me chale jate aur Wahi'n Majlis bhi ho jati _,"*

*❀"_ Tairne Ka mashgala bhi tha, aur Ahbaab ke saath kabhi kabhaar Talaab me Taira karte, Do Do Saathiyo ke jod banaye jate aur fir har jod ke Saathi door se tair kar ek doosre ki taraf aate, Ek moqe per Apna Saathi Huzoor ﷺ ne Hazrat Abu Bakar Siddiq Raziyallahu Anhu ko pasand kiya _,"*

*❀"_ Waqfe ke baad Baaris padti to Tehbabd baa'ndh kar Fuqaar me nahaya karte, Kabhi Tafrihan kisi Ku'nwe me Paa'nv latka kar uske dahane per Bethte, Daudo'n aur Teerandazi ke muqable karate aur Akhade me khud poori Dilchaspi se Shareek rehte, Ese moqo per Ha'nsi Dillagi bhi hoti _,"*    

*📔 Mohsin E Insaniyat- ﷺ, 110,* ┵━━━━━━❀━━━━━━━━━━━━┵

                  ★ *Part–48_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥_Masarrat Ke Moqo per pasand tha k Daf bajaye jaye'n Ya Bachchiy'n geet ga le'n, Chunache Eid ki Taqreeb per Hazrat Ayesha Raziyallahu Anha ke paas do Ladkiya'n geet ga rahi thi, Huzoor ﷺ qareeb hi lete they, Abu Bakar Siddiq Raziyallahu Anhu aaye to gusse me Daa'nta k khuda ke Rasool ke ghar me ye kya Shaitani hangama macha rakha hai, is per Huzoor ﷺ ne farmaya k inhe gaane do _,"*

*®_ Rivayat Ayesha Raziyallahu Anha: Muslim Baab Eid mulahiza ho)*

*❀_"_ Ese hi ek bazm E Urusi me Bachchiya'n ga rahi thi, Hazrat Aamir bin Sa'ad ne baaz Hazireen se Bator aitrazan kaha k Ey Sahabiyaan E Rasool! Ey Shurka E Badar ! Tumhare Saamne ye kuchh ho raha hai ? Jawab mila - G chahe to beth kar suno Varna chale jao, Hume Rasulallah ﷺ ne iski ijazat di hai _," ( Mishkaat Baab Elaan Nikaah )*

*❀_"_ Tafrihaat me ek Darwaza Gunaah aur Aysho ishrat ki taraf khulta hai, Iska Huzoor ﷺ ne sad baab kiya ( yani qat'an rok diya) Yaha'n gaane ka Zikr hai, Arab me Rubaab Ba kasrat Raa'ij tha magar iska naam nahi liya, Sirf Daf ka naam liya, Gaane ka mazmoon dekhiye to koi Shokhi nahi, koi Jinsiyat nahi, Gunaah ki baat nahi, Sirf Muhabbat ke Saada Kalme hai'n, Fir ye nahi farmaya k kisi Qeena ( Gaane Wali ) ya gawayye ko ya koi Taaifa bula lete, Nahi Sirf Chhoti Bachchiyo me se kaha k kisi munasib Bachchi ko bulwa lete_,"*

*❀_"_ Wo log Zyadti karte hai'n Jo istagna ( Be parwahi ) ko faila kar kulli usool bana lete Hai'n aur inteha pasandana baate karte hai'n, Ese ijtihadaat ki gunza'ish Huzoor ﷺ ne nahi chhodi _,"*      

*📔 Mohsin E Insaniyat- ﷺ, 110,* ┵━━━━━━❀━━━━━━━━━━━━┵       

                  ★ *Part–49_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥_Huzoor ﷺ ne Shayr se bhi Dilchaspi li hai, Arab me jo Shayr parasti raa'ij thi, usse to Aapko bu'ad tha, Aapko Nagma ilhaam ki jaazbiyate itna moqa hi na deti thi k Shayr v Sukhan ki taraf zyada Tavajjo ho, magar doosri taraf Zoqe Shayr se Qudrat ne Mehroom nahi rakha, Achchhe Shayr ( Ba Lihaaz Maqsad ) ki qadar farmate they Balki kehna chahiye k Huzoor ﷺ ne ek naya Zoq Ma'ashre ko diya, aur ek naya maiyaar Naqad muqarrar farmaya,*

*❀"_ Jaabir bin Samrah Raziyallahu Anhu ka bayan hai k Huzoor ﷺ ki khidmat me ek so se zyada majliso me Shareek hua hu'n, Jinme Jaahiliyat ke qisse bhi Hote they aur Sahaba Shayr bhi Sunaya karte, Sha'araan Arab ke Kalaam me se ek baar labeed ka ye misra pasandidgi se padh- ( Tarjuma) Agaah ho jao k Allah ke siva har cheez faani hai, Duniya ki saari Ni'amate khatm ho jane wali hai'n,*

*❀"_ Hazrat Shareed Raziyallahu Anhu se ek Safar me ek ke baad ek digar farma'ish kar ke Umayya bin Abi millat ke So Shayr sune, Aakhir me farmaya k ye Shakhs islam lane ke qareeb pahu'nch gaya tha,*

*❀"_ Baaz Awqaat khud bhi ( Khususan Maidaan E Jung me) bila iraada shayr ke andaz per kalmaat farmaye hai'n, Hazrat Hassan aur Kaab bin Maalik Raziyallahu Anhum se Dushmanane islam ke Ash'aar ke jawab me Shayr kehalwate aur kabhi kabhi Hazrat Hassan Raziyallahu Anhu ko Apne minbar per betha kar unse padhwate aur kehte k ye Ash'aar Dushmano ke haq me Teer se zyada Sakht hai, Ye bhi farmaya k- Momin Talwar se bhi Jihaad karta hai aur Zubaan se bhi _,"*    

*📔 Mohsin E Insaniyat- ﷺ, 110,* ┵━━━━━━❀━━━━━━━━━━━━┵          

                  ★ *Part–50_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥--Chand Mutaharriq Zoqiyaat :- Aakhir me hum baaz Ese khaas Zoqiyaat v Atwaar ka zikr karte hai'n jinhe kisi doosre unwaan ke Tahat nahi liya ja saka, Kisi se cheez lete to sidhe haath se lete aur koi cheez dete to sidhe haath se dete, Khutoot likhwate to sabse pehle Bismillah likhwate, fir mursil ( bhejne wale ka naam ) aur uske niche jisko likha ja raha uska naam hota, iske baad Asal mazmoon likha jata, Khaatme per muhar lagwate,*

*❀"_ Huzoor ﷺ Waham parasti se paak they aur Shagun na lete, Albatta Ashkhaash aur maqamaat ke Achchhe naam pasand aate, bure naam pasand na karte, Safar me Aqamat ke liye esa hi muqaam intekhab farmate jiske naam me khushi ya Barkat ya Kamyaabi ka mafhoom hota, isi tarah Jis Shakhs ke naam me ladayi jhagde ya Nuqsaan ka ma'ani shamil hota use kaam na So'npte, Ese Aadmiyo'n ko naamzad karte jinke naamo me khushi ya Kamyaabi ka mafhoom Paya jaye, Bahut se naamo ko Tabdeel bhi farmaya,*

*❀"_ Sawariyo me se ghoda bahut pasand tha, Farmate ghode ke Ayaal me Qayamat tak ke liye khayro Barkat hai, Ghode ki Aa'nkh Moo'nh naak ko Ahatmaam se Apne haatho se saaf karte,*

*❀"_ Shor Hangama aur Huddang Achchhi na lagti, Har kaam me Sukoon v Waqaar aur nazam v Tarteeb chahte, Namaz tak ke bare me farmaya k Tumhare liye Sukoon v Waqaar Laazim hai, Yome Arfa ko Hujoom tha, bada shor v Hangama tha, Logo'n ko Apne Taziyana se ishara karte hue Nazam v Sukoon ka hukm diya aur farmaya - Jaldi machane ka naam neki nahi hai _," ( Bukhari v Muslim)*     

*📔 Mohsin E Insaniyat- ﷺ, 111,* ┵━━━━━━❀━━━━━━━━━━━━┵

                ★ *Part–51_* ★

*⚂ TARRUF SHAKSIYAT EK NAZAR ⚂*     

       ─━━━════●■●════━━━─

*❥❥-_Akhlaaq:- Huzoor Paak ﷺ ke Akhlaaq ka bayan Yaha'n kisi Zimmi unwaan ke Tahat kiya nahi ja sakta, Waha'n To poori Zindgi Husne Akhlaaq hi ki Tafseer hai, Jiske Mutalliq Hazrat Ayesha Raziyallahu Anha ne farmaya tha, Anas bin Maalik Raziyallahu Anhu ka ye Qaul bahut hi jaame hai k "Ahsanul Naas Hone ki Kaifiyat ye thi k kisi ko Umar bhar Takleef nahi pahu'nchayi, ma Siva un baato ke jo Hukme ilaahi ke Tahat thi aur Doosro ki Zyadtiyo per kabhi inteqam nahi liya, Har kisi se Afu ( maaf) farmaya, Yaha'n tak k Makka aur Taa'if ke bedaad giro ko maaf Kiya aur munafiqeen v Ashrar se Darguzar kiya_,"*

*❀"_ Judun Naas hone ka Aalam ye tha k Hazrat Jaabir Raziyallahu Anhu kehte hai'n k Rasulallah ﷺ se jo kuchh bhi kisi ne maa'nga Aapne kabhi na nahi ki, Mojood hua to de diya, kabhi Qarz le kar diya, nahi mojood hua to doosre waqt aane ko kaha ya Sukoot Akhtyar kiya _,"*

*❀"_ Ashjun Naas hone ke liye fil jumla ye Amr kaafi hai k Nazriya Haq ko le kar tane tanha uthe aur Zamane bhar ki Mukhalfato aur Mazalim ke muqable me jame khade rahe, Kabhi kisi khatarnaak Tareen moqe per bhi khof ya kamzori ka izhaar na kiya, Gaare Sor ya uhad v Hunain ke morke har moqe per Yaqeene Muhakkam ka muzahira farmaya _,*     

*📔 Mohsin E Insaniyat- ﷺ, 112,* ┵━━━━━━❀━━━━━━━━━━━━┵

💕 *ʀєαd,ғσʟʟσɯ αɳd ғσʀɯαʀd*💕 

                    ✍

         *❥ Haqq Ka Daayi ❥* http://www.haqqkadaayi.com/

*👆🏻Visit for All updates,*

https://chat.whatsapp.com/DVebQi8m0ex8pmUPCFetos

*👆🏻 What's app Link se Join Kijiye _,*

https://t.me/haqqKaDaayi

*👆🏻Telegram Per Join Link_,*

https://www.youtube.com/channel/UChdcsCkqrolEP5Fe8yWPFQg

*👆🏻Subscribe Our YouTube Channel ,*

┣━━━━━━━━━━━━━━━━━━━━┫

⚂⚂⚂

 

⚂⚂⚂.

        ▁▁▁▁▁▁▁▁▁▁▁▁▁▁▁▁▁

     ✮┣ l ﺑِﺴْـــﻢِﷲِﺍﻟـﺮَّﺣـْﻤـَﻦِﺍلرَّﺣـِﻴﻢ ┫✮

    ⊙══⊙══⊙══⊙══⊙══⊙══⊙

     *■ MOHSIN E INSANIYAT ﷺ ■*

    ⊙══⊙══⊙══⊙══⊙══⊙══⊙                                  

*⚂ MAKKI DAUR -- WO NAUJAWAN ⚂*     

       ─━━━════●■●════━━━─

*❥❥_Arab ke ek Mumtaz Mazhab aur A'ala Rivayaat rakhne wale Khandaan me, Saleemul Fitrat Walden Ke Qiranul Sa'aden ( Do Mubarak Sitaaro ke milan ) se Ek Anokha sa Bachcha Yateemi Ke Saaye ke Paida hota hai, Ek gareeb magar Shareef Zaat ki Daaya ka doodh pi kar Dehaat ke Sahat Bakhsh Mahol ke andar Fitrat ki god me palta hai, Wo Khaas intezam se Sehra me daud dhoop karte karte zindgi Ke maidaan me mashakkao ka muqabla Karne ki Tayyariya'n karta hai aur Bakriya'n Chara kar Tarbiyat pata hai,*

*❀"_ Bachpan ki poori Musafat Tay karne se pehle ye Anokha Bachcha Maa'n ke Safaqqat bhare Saaye se bhi Mehroom ho jata hai, Daada ki Zaat kisi had tak Walden ke is khala ko Shair karne wali thi lekin ye Sahara bhi chheen liya jata hai, Bil Aakhir Chacha Kafeel bante hai'n, Ye Goya maaddi Saharo se beniyaz ho kar ek Aaqa E Haqeeqi ke Sahare Ki Tayyari Karayi ja rahi hai,*

*❀"_ Jawani ke Daayre me qadam rakhne Tak ye Anokha Bachcha Aam Bachcho ki tarah khel kood me mashgool aur Shreer ban kar saamne nahi aata, Balki Budho ki si Sanjeedgi se Araasta nazar aata hai, Jawan hota hai to intehayi Faasid mahol me palne ke Bavjood Apni jawani ko bedaag rakhta hai, Ishq aur Nazar baazi aur Badkaari Jaha'n Nojawano ke liye Sarmaya iftikhar bane hue ho'n, Waha'n Wo Apne Damaane Nazar tak ko ek Aan bhi Mela nahi hone deta_,"*

*❀"_ Jaha'n gali gali Sharab Kasheed karne ki bhattiya legi ho'n, ghar ghar me Sharab khane khule ho'n, Jaha'n Majlis Majlis Dukhte Raz ( Sharab ) ke qadmo me imaan v Akhlaaq nichhawar kiye jate ho'n, aur fir Jaha'n Sharab ke charche Fakhriya Qaseedo aur Shayro me kiye jate ho'n, Waha'n ye Judagana Fitrat ka Nojawan kabhi qasam khane ko bhi Sharab ka ek qatra tak Apni Zubaan per nahi rakhta,*    

 ⊙══⊙══⊙══⊙══⊙══⊙══⊙                          

                     ★ *Post–53_* ★

        ─━━━════●■●════━━━─

*❥❥_:_ Jaha'n Qimaar ( Juwa'n Baazi) qaumi mashgala banta chala aa raha tha Waha'n Ye Nojawan Ek Mujassama Pakeezgi tha k jisne kabhi Mohro ko haath se na chhua, Jaha'n Dastaan goi aur mosiqi culture ka laazma bane hue they Waha'n kisi aur hi Aalam ka ye Nojawan lahu v Lahab se bilkul alag thalag raha, aur Do martaba ese moqe paida hue bhi k ye Nojawan esi Majalis Tafreeh me ja pahu'ncha lekin jate hi esi neend taari hui k Sama v Basar ka Daaman paak raha ,*

*❀"_ Jaha'n Buto ke saamne Sajda Paashi Ain Deen v Mazhab qaraar pa Chuki thi Waha'n Khadaane Ibrahimi ke is Pakiza Mizaaj Nojawan ne na Gairullah ke Saamne kabhi Apna Sar jhukaya na koi Mushrikana Aitmaad ka Tasavvur Apne andar Jazb kiya balki ek Martaba Buto ke Chadhave ka Jaanwar paka kar laya gaya to usne Wo khana khane se inkaar kar diya,*

*❀"_ Jaha'n Quresh ne Zamana Hajj me Apne Aapko Arfaat jane se muatasna ( alag ) kar liya tha, Waha'n is mumtaz martabe ke Qureshi ne kabhi is Manghadat istasna se fayda na uthaya, Jaha'n Aulade Ibrahimi ne Maslake Ibrahimi ko bigaad kar doosri Kharabiyo ke saath Kaaba ka Tawaaf Haalate Uryani ( Nanga ho kar ) karne ki ek gandi Bid'at paida kar li thi, Waha'n is Hayadaar Nojawan ne kabhi is Bid'at ko Akhtyar na kiya,*

*❀"_ Jaha'n Jung ek khail thi aur insaani khoon bahana ek Tamasha tha, Waha'n Ahatrame Insaniyat ka Alambardaar ye Nojawan Esa tha k Jiske Daaman per khoon ki ek Chhee'nt na padi thi,*

*❀"_ Fir is Paakbaaz v Afeef Nojawan ki Dilchaspi dekhiye k Ain bahak jane wali Umr me wo Apni khidmaat Apne hum khayal Nojawan ki ek islah pasand Anjuman ke Hawale karta hai Jo Hilful Fuzool Ke naam se gareebo aur mazloomo ki madad aur Zalimo ke Zulm ko khatm karne ke liye qaa'im hui thi, Uske Shurka ne is maqsad ke liye Halfiya Ahad baa'ndha, Aap ﷺ daure Nabuwat me iski yaad taza karte hue farmaya karte k - Us muahide ke muqable me Agar mujhko Surkh rang ke Ou'nt bhi diye jate to Mai'n usse na firta aur Aaj bhi ese muahide ke liye koi bulaye to Mai'n Haazir hu'n _,"*      

       ─━━━════●■●════━━━─

                  ★ *Part–54_* ★

*⚂ MAKKI DAUR -- WO NAUJAWAN ⚂*     

       ─━━━════●■●════━━━─

*❥❥- Fir Us Nojawan ki Sifaat aur Salahiyato ka Andaza isse kijiye k Tameere Kaaba ke moqe per Hajre Aswad Nasab karne ke maamle me Quresh me Kashmkash paida hoti hai aur Talwaare miyano se bahar nikal aati hai'n, Lekin Taqdeer ke ishare se is jhagde ko niptane ka Sharf isi Nojawan ke Hisse me aata hai, intehayi Jazbaati Tanaav ki is Fiza me ye Judge aur Sulah Ka Alambardaar ek Chaadar bichhata hai aur us per Patthar ko utha kar rakh deta hai aur Fir Dawat deta hai k Tamaam Qabile ke log mil kar is chaadar ko uthao, Chaadar Patthar Samet Mutaharrik ho jati hai aur jab moqe per ja pahu'nchte hai'n to Wo Nojawan us Patthar ko utha kar uski Jagah per Nasab kar deta hai, Jhagde ka Saara gubaar chhat jata hai aur chehre khushi aur itminaan se chamak uthte hai't,*

*❀"_ Ye Nojawan Maidaan E Ma'ash me qadam rakhta hai to Tijarat jesa Pakiza aur Mo'azziz mashgala Apne liye pasand karta hai, koi baat to is Nojawan me thi k Achchhe Achchhe Ahle Sarmaya ne ye pasand kiya k ye Nojawan unka Sarmaya apne haath me le aur Karobaar kare, Fir Saa'ib, Qais bin Saa'ib Makhzumi, Hazrat Khadija Raziyallahu Anha aur Jin doosre logo'n ko is Nojawan ke Husne Mamlaat ka ilmi Tajurba hua, Unhone use "Taajir E Ameen" ka laqab diya _,"*

*❀"_ Abdullah bin Abi Almumsa ki gawahi Aaj bhi mehfooz hai k Baisat se pehle Khareed farokht ke maamle me us Taajir E Ameen se Tay hua k Aap thehre Mai'n abhi fir Aaunga, lekin baat aayi gayi ho gayi, Teesre Roz ittefaqan Abdullah ka guzar usi muqam se hua to dekha k wo Taajir E Ameen Vaade ki Dori se bandha usi jagah khada hai aur kehta hai k "Tumne mujhe Zehmat di, Mai'n isi muqam per teen Din se mojood hu'n _," (Abu Douwd)*

*❀"_ Fir dekhiye k ye Nojawan Rafiqa E Hayaat ka intekhab karta hai to Makka ki Nav Umr Shokh v Shang ladkiyo'n ko ek Zara sa Kharaj nigaah tak diye bager Ek esi Khatoon se Rishta munakhat Ustwaar karta hai jiski sabse badi Khoobi ye hai k Wo Khandaan aur Zaati Seerat v Kirdaar ke Lihaaz se Nihayat Asraf khatoon hai, Uska ye Zoqe intekhab uske Zahan, Uski Rooh, Uske Mizaaj aur uski Seerat ki Gehraiyo'n ko poori tarah numaya kar deta hai, Paigaam khud wohi Khatoon Hazrat Khadija Raziyallahu Anha bhejti hai'n, Jo Us Yakta Rozgaar Nojawan ke kirdaar se mutassir hoti hai'n aur ye Nojawan us Paigaam Ko Sharah Sadr ke Saath Qubool karta hai _,"*    

 ┵━━━━━━❀━━━━━━━━━━━━┵                                       ★ *Part–55_* ★

*⚂ MAKKI DAUR -- WO NAUJAWAN ⚂*     

       ─━━━════●■●════━━━─

*❥❥- Fir Kisi Shakhs ke zahan v Seerat ko Agar uske Halka E Ahbaab ka jaaiza lene se jaa'ncha ja sakta hai to Aaiye dekhiye k Us Arbi Nojawan ke Dost kese log they, Galiban Sabse Gehri Dosti aur Sabse Zyada be Takallufana Raabta Hazrat Abu Bakar Siddiq Raziyallahu Anhu se tha, Ek Hum Umri ouper se hum mizaji !*

*❀"_ Us Nojawan ke Dosto'n me Ek Shakhsiyat Hakeem bin Hizaam Raziyallahu Anhu ki thi, Jo Hazrat Khadija Raziyallahu Anhu ke bhatije they aur Haram ke Mansabe Rafada per Faa'iz they, Hijrat ke Aathve Baras tak ye imaan nahi laye, lekin fir bhi Aan Hazrat ﷺ se gehri muhabbat rakhte they aur is muhabbat ke Tahat ek martaba Pachaas Asharfiyo ka ek Qeemti Hulla ( Jubba ya Chaadar ) khareed kar Madina me aa kar pesh kiya, Magar Aan Hazrat ﷺ ne ba israar Qeemat Ada kar di,*

*❀"_ Fir Halka E Ahbaab ke ek Rukn Zamaad bin Saalba Azdi they Jo Tababat (Hikmat) v Jarahi ( ilaaj Karne ) ka kaam karte they, Is Nojawan ke Halka E Ahbaab me kya koi ek bhi Fitrat past Zoq aur Kamina Mizaaj Aadmi dikhayi deta hai ? Makka ke Ashraar ( Badmasho) me se kisi ka naam is fehrist me milta hai ? Zalimo aur Faasiqo me se koi is Daayre me Saamne aata hai ?*

*❀"_ Fir dekhiye k Ye Yakta E Zamana Nojawan ghar baar ki dekh bhaal, Tijarat aur Duniyavi Mamlaat ki gonagoi masrufiyato se faarig ho kar jab kabhi koi fursat ka waqt nikalta hai, To use Tafrihaat v Taishaat ( Aysho ishrat) me Kharch nahi karta, Use koocha gardi me aur Majlis Araa'i aur gappo me nahi khapata, use So So kar aur Gaflat me bekaar pade reh kar nahi guzaarta, balki Saare Hungamo se kinara kar ke aur Saare Mashgalo ko Chhod kar Gaare Hira ki khilwato me Khuda E Waahid ki ibaadat aur uska Zikr Apni Fitrat Mutahara ki Rahnuma'i ke mutabiq karta hai,*

*❀"_ Kaynaat Ki Gehri Haqeeqato ko Akhz karne ke liye aur insaani zindgi ke Gaibi Raazo ko pa lene ke liye Aalam Unfas v Afaaq me gor v Fikr karta hai aur Apni Qaum aur Apne Arba no ko Akhlaqi pastiyo se nakaal kar Farishto ke martaba per lane ki Tadbeere sochta hai, Jis Nojawan ki Jawani ki Fursate is tarah sarf ho rahi ho kya uski Fitrat ke bare me insaani basirat koi raay qaa'im nahi kar sakti ?*     

*📔 Mohsin E Insaniyat- ﷺ, 116,* ┵━━━━━━❀━━━━━━━━━━━━┵

                  ★ *Part–56_* ★

*⚂ MAKKI DAUR -- WO NAUJAWAN ⚂*     

       ─━━━════●■●════━━━─

*❥❥_ Hone wale Aakhri Nabi ﷺ is Naqsha E Zindgi Ke Saath Quresh ki Aa'nkho ke Saamne aur unke Apne hi Makki Ma'ashre ki god me palta hai, Jawan hota hai aur pukhtgi ke Martabe ko pahu'nchta hai, Kya ye Naqsha E Zindgi Bol Bol kar nahi bata raha tha k Ye ek Nihayat hi gair Mamooli Azmat rakhne wala insaan hai ? Kya is Uthaan se Uthne wali Shakhsiyat ke bare me ye raay qaa'im karne ki kuchh bhi gunza'ish kisi pehlu se milti hai k Nauzubillah ye kisi jhoote aur Farebi ka Naqsha hoga ?*

*❀"_ Hargiz nahi ! Hargiz nahi ! Khud Quresh ne use Saadiq v Ameen, Daana v Hakeem aur Paak nafs v Buland kirdaar Tasleem kiya, aur baar baar Tasleem kiya, Uske Dushmano ne uski zehni v Akhlaqi Azmat ki gawahi di aur Sakht Tareen Kashmkash karte hue di ! Daa'i bar haq ke Naqsha E Zindgi ko khud Qur'an ne daleel bana kar pesh kiya, "Aakhir isse pehle Mai'n ek Umr tumhare darmiyan guzaar Chuka hu'n, Kya tum Aqal se kaam nahi lete _," ( Yunus- 16)*

*❀"_ Lekin Apni Qaum ka ye Chamakta hua Heera Jab Nabuwat ke Mansab se Kalma Haq pukarta hai to Zamane ki Aa'nkho ka rang badal jata hai aur uski Sadaqat v Dayanat aur uski Sharafat v Najabat ki qadar v Qeemat Bazaare waqt me yaka yak gira di jati hai, Kal tak Jo Shakhs Qaum ka Maya Naaz Farzand tha Aaj wo uska Dushman aur mukhalif ban jata hai,*

*❀"_ Kal tak Jiska Ahatram bachcha bachcha karta tha, Aaj wo ek ek qadardaan ki nigaaho me mabgooz theharta hai, Wo Shakhs Jisne Chalees Saal tak Apne Aapko saari kasotiyo per khara Saabit kar ke dikhaya tha, Toheed, Neki aur Sachcha'i ka paigam Sunate hi Quresh ki nigaaho me khota Sikka ban jata hai, Khota wo na tha balki Unki Apni Nigaaho me Khot tha aur unke Apne maiyaar galat they,*     

*📔 Mohsin E Insaniyat- ﷺ, 117,* ┵━━━━━━❀━━━━━━━━━━━━┵

                  ★ *Part–57_* ★

             *⚂ MAKKI DAUR ⚂* 

*QURESH KI MUKHALFAT KI VAJAH* ─━━━════●■●════━━━─

*❥❥_Kya Quresh Ki Aa'nkhe itni Andhi thi k Wo Mahol ki Tareekhiyo me jagmagate hue Ek Chaand ki Shaan nahi dekh Sakti thi ? Kya unki Mehfil me wo Ou'nche Akhlaqi Qado Qaamat rakhne wale ek Sardaar ko nahi pehchan sakti thi ? Kya khaar v Khas ke Hujoom me ek Guldasta E Sharafat v Azmat unse Apni Qadro Qeemat nahi manwa saka tha ?*

*❀"_ Nahi Nahi ! Quresh khoob pehchante they k Muhammad ﷺ Kya hai'n ? Magar Unhone Jaan Boojhkar Aa'nkho per Patti rakh li, Mufaad aur Ta'assubaat ne unko Majboor kiya k Wo Aa'nkhe rakhte hue Andhe ban jaye'n, Jab Koi Aa'nkhe rakhte hue Andha ban jata hai to usse badi badi musibate aur Tabahiya'n runuma hoti hai'n, "_Aur unke paas Aa'nkhe hai'n magar Wo unse dekhte nahi _," (Al A'araaf -179)*

*❀"_ Aaj Agar kisi Tarah hum mushrikeen Makka se baat kar sakte to unse puchhte k Tumhare Khandaan ke Us Chashm V Charaag ne jo Dawat di thi Wo fi nafsa kya Buraa'i ki Dawat thi ? Kya usne tumko chori aur Daake ke liye bulaya tha ? Kya usne tumhe Zulm aur Qatl ke liye pukara tha ? Kya usne tumhe Bewao'n aur Kamzoro per Jafae'n dhane ki koi sceem pesh ki thi ? Kya usne tumko Aapas me ladane aur Qabile Qabile me Fasaad daalne ki Tehreek chalayi thi ? Kya usne maal Sametne aur Jaydaad banane ke liye ek Jama'at khadi ki thi ? Aakhir tumne uske Paigaam me kya Kami dekhi ? Uske program me konsa Fasaad Mehsoos kiya ? Kyu tum pare baa'ndh kar uske khilaf uth khade hue ?*

*❀"_ Quresh ko jis cheez ne Jaahiliyat ke Faasid Nizaam ke Tahaffuz aur Tabdeeli ki ro ki mazahmat per Andhe junoon ke saath utha khada kiya Wo ye hargiz na thi k Muhammad ﷺ ke Fikr v Kirdaar me koi rukhna ( Lalach) tha ya Aap ﷺ ki Dawat me koi khatarnak kharabi thi, balki wo cheez Sirf Quresh ki Mufaad Parasti thi !*   

*📔 Mohsin E Insaniyat- ﷺ, 118,* ┵━━━━━━❀━━━━━━━━━━━━┵

             ★ *Part–58_* ★

             *⚂ MAKKI DAUR ⚂* 

*QURESH KI MUKHALFAT KI VAJAH* ─━━━════●■●════━━━─

*❥❥- Quresh Saalha Saal ke Jame hue Arbi Ma'ashre ke saa'nche me Apne liye ek Ou'ncha maqame Qayadat haasil kar chuke they, Tamaam Siyasi aur Mazhabi manasib unke haath me they, iqtsaadi ( maali) aur Karobaari Lihaaz se Sayadat ( sardaari ) ka Sikka rawa'n tha, Poori Qaum ki chodhrahat usi mazhaabi v Tamadduni v Ma'ashrati Saa'nche me chal sakti thi Jo Jaahili daur me ustvaar tha, Agar wo Sha'uri aur Gair Sha'uri tor per Majboor they k Apni chodhrahat ka Tahaffuz kare'n to fir wo is per bhi Majboor they k Jaahili Nizaam ko bhi har hamle aur har Tanzil ( kami ) se bachaye'n _,*

*❀_"_ Quresh Jaha'n Siyasi v Ma'ashrati Lihaaz se Chhodhri they Waha'n wo Arab ke Mushrikana mazhab ke purohit, Mazhabi isthano ke mujawir aur Tamaam Mazhabi Umoor ke Thekedaar bhi they, Ye Mazhabi thekedaari, Siyasi v Ma'ashrati Chodhrahat ki bhi Pushtebaan (madadgaar) thi aur bajaye khud ek bada karobaar bhi thi, iske zariye Saare Arab se Nazre aur Niyaaze aur Chadhaave khinche chale aate they, iski vajah se unki Daaman bosiya'n hoti thi, iski vajah se unke qadmo ko chhuwa jata tha,*

*❀_"_ Mazhab jab ek Tabqe ka Karobaar ban jata hai to uski Asal rooh aur maqsadiyat ko chhod diya jata hai aur gonagoi Rasmiyaat ka ek numa'ishi Tilasm qaa'im ho jata hai, Usooli taqaze faramosh ho jate hai'n aur Mazhabi karobaar ki Apni banayi hui ek Shari'at Aahista Aahista jagah pa jati hai,*

*❀_"_ Ma'aquliyat ( Insaniyat ) khatm ho jati hai, Andhi Aqeedate aur Fizool Waham Parasti har taraf chha jati hai, istadlaal gayab ho jata hai aur Jazbaati Haijanaat Aqal ka gala gho'nt lete Hai'n, Mazhab ka Awaami v Jamhoori Mizaaj kafoor ho jata hai aur Thekedaar tabqe ka Tahakkum Ma'ashre ke Seene per Sawaar ho jata hai, Haqeeqi ilm mit jata hai, Hawa'i baate maqbool Aam ho jati hai, Aitqaad v Ahkaam ki Saadgi hawa ho jati hai _,"*       

*📔 Mohsin E Insaniyat- ﷺ, 118,* ┵━━━━━━❀━━━━━━━━━━━━┵

                  ★ *Part–59_* ★

             *⚂ MAKKI DAUR ⚂* 

*QURESH KI MUKHALFAT KI VAJAH* ─━━━════●■●════━━━─

*❥❥_ Jab Kabhi Mazahib me bigaad paida hua hai to Hamesha wo is Nahaj per hua hai, Jaahili Arab me Ye bigaad bilkul Apni intehayi Shakl per pahu'ncha hua tha, Isi bigaad per Quresh ki Mannat Gardi aur Mujawari ki Saari Gaddiya'n qaa'im thi, Ye Zar Khaiz Gaddiya'n Apni baqa ke liye is baat ki Mohtaaj thi k Faasid Mazhabiyat ke Dhaa'nche ko Jo'n Ka Tyo'n qaa'im rakha jaye aur iske khilaf na koi Sada E Ahatjaaj v ikhtilaaf uthne di jaye aur na kisi Dawat Tagayyur v islaah ko barpa hone diya jaye, Pas Quresh Agar Dawat E Muhammadi ﷺ ke khilaaf Tilmila kar na uth khade hote to aur kya karte ?*

*❀"_ Aur fir Haal ye tha k Quresh Ka Culture Nihayat Fasiqana Culture tha, Sharab aur Badkaari, Juwa'n aur Soodkhori, Aurto'n ki Tehqeer v Tazleel aur Betiyo'n Ka Zinda Dafan karna, Azaado ko Gulam banana aur Kamzoro per Zulm dhaana, Ye sab us Culture ke lawazim they, Quresh Ke liye Asaan na tha k wo Apne haatho banaye hue is Apni Tehzeebi Qabas ko tod kar Ek nayi Fiza me parwaaz karne ke liye Tayyar ho jaye'n, Unhe Foran mehsoos ho gaya k Dawat E Muhammad ﷺ unki Adaat unki Khwahishaat unke funoon Latifa aur unke Mehboob Culture ki Dushman hai, Chuna'che wo Jazbaati Haijaan ke saath uski Dushmani ke liye uth khade hue,*

*❀"_ Dar Haqeeqat yahi Vajah aur Asbaab hamesha Dawate Haq ke khilaaf kisi bigde hue Samaaj ke Bade Logo'n aur Mazhabi Thekedaaro aur Khwahish Parasto ko Muttahid Muhaaz bana kar uth khade hone per majboor kar dete hai'n,*

*❀"_ Baisat E Nabvi ﷺ se pehle Zaheen Logo'n me is Mazhab is Ma'ashre aur is Mahol ke bare me iztraab ( Bechaini) paida ho chuka tha aur Fitrate insaani iske khilaaf Jazba Ahatjaaj ke saath angdayi le rahi thi, Hum Abhi ouper Jin Hassas Afraad ka zikr kar chuke hai'n unki Rooho'n ke Saaz se Tabdeeli ka Dheema Dheema nagma buland hone laga tha _,"*        

*📔 Mohsin E Insaniyat- ﷺ, 119,* ┵━━━━━━❀━━━━━━━━━━━━┵

                  ★ *Part–60_* ★

*⚂ MAKKI DAUR- TAREEK MAHOL ME CHAND SHARARE ⚂* ─━━━════●■●════━━━─

*❥❥_Tareek Mahol me Chand Sharare :-*

*❀"_Quresh Apne ek But ke gird jama ho kar Eid Ka Program mana rahe they, Us Patthar Ke Khuda ki Tareef v Tazeem ho rahi thi, Us per Chadhave Chadhaye ja rahe they, Uska Tawaaf ho raha tha aur is Aalam me Chaar Aadmi yani Warqa bin Nofil, Abdullah bin Jahash, Usman bin Alhuwers aur Ziad bin Amru bin Nufel us layani hungame se bezaar alag thalag bethe ek Khufiya meeting kar rahe they,*

*❀"_ in Logo'n ke Khayalaat ye they k Hamari Qaum ek bebuniyaad maslak per chal rahi hai, Apne Dada Ibrahim ke Deen ko Unhone ganva diya hai, Ye Jis Patthar ke Mujassame ka Tawaaf kiya ja raha hai ye na dekhta hai, na Sunta hai na Nuqsaan pahu'ncha Sakta hai, Na Zila de sakta hai, Saathiyo! Apne Dilo ko tatolo to khuda ki qasam Tum mehsoos karoge k Tumhari koi Buniyaad nahi hai, Mulk Mulk ghoomo aur khoj lagao Deen E Ibrahim Alaihissalam ke Sachche Peru'o ( maanne walo) ka _," ( Seerat ibne Hisham- 242)*

*❀"_ Baad me inme se Warqa bin Nofil iysaai ho gaya, Abdullah bin Jahash jesa tha wesa hi raha magar uske zahan me uljhan rahi, kuchh arse baad islam laya, Fir Muhajireen Habsha ke Saath Habsh me Hijrat ki aur uske saath uski Ahliya Umme Habiba binte Abu Sufiyan Raziyallahu Anha bhi Hijrat me gayi'n, Waha'n jane ke baad Abdullah dobara Nasrani ho gaya aur isi Haalat me Maut waqe hui,*

*❀"_ Zaid bin Amru ne na Yahoodiyat Qubool ki na Nasraniyat, Lekin Apni Qaum ka Deen Tark kar diya, But Parasti chhod di, Murdaar aur khoon aur asthano ke Zabiho se parhez shuru kar diya, Betiyo'n ke qatl se Logo'n ko baaz rehne ki Talqeen karta raha aur kaha karta k Mai'n To Ibrahim ke Rab ka parastaar hu'n _,"*     

*📔 Mohsin E Insaniyat- ﷺ, 120,* ┵━━━━━━❀━━━━━━━━━━━━┵

                  ★ *Part–61_* ★

*⚂ MAKKI DAUR- TAREEK MAHOL ME CHAND SHARARE ⚂* ─━━━════●■●════━━━─

*❥❥_ Asma binte Abu Bakar Raziyallahu Anha ka bayan hai k Maine Budhe Sardaar Zaid bin Amru ko Kaabe ke Saath tek lagaye hue dekha aur wo keh raha tha- Ey Quresh ke Logo'n ! Qasam us zaat ki Jiske Qabze me Zaid bin Amru ki jaan hai, Mere Siva tumme se koi bhi Ibrahim ke Deen per Qaa'im nahi raha, Fir kehne laga- Ey khuda ! Agar Mai'n jaanta k Tujhe konse Tareeqe pasand hai'n To Mai'n unhi Tareeqo se teri ibaadat karta, Lekin Mai'n nahi jaanta, Fir Hatheliya'n tek kar Sajda karta _," (Seerat ibne Hisham-242)*

*❀"_ Apne maanne walo ke Saamne wo Aksar ye Ash'aar padhta :- ( Tarjuma) Rab Ek hona chahiye Ya Sai'nkdo rab bana liye jaye'n? Mai'n us mazhab per kese chalu jab k Masa'il E Hayaat Ka'i maboodo me baa'nt diye gaye ho'n, Maine Laat v Uzza Sabko tark kar diya hai aur Mazboot aur Sabr Kaish Shakhsiyate Esa hi karti hai'n, magar Haa'n! Ab Mai'n Apne Rab Rahman ka ibaadat guzaar hu'n Taki Wo Bakhshish Farmane wala Aaqa mere Gunaho ko maaf kar de, So tum Allah hi ke Taqwe ki Hifazat karo, Jab Tak is Sifat ko qaa'im rakhoge kabhi ghaate me na padoge _," ( Seerat ibne Hishaam- 244)*

*❀"_ Bechare Zaid ki Bivi Safiya binte AlHuzrami Hamesha uske pichhe padi rehti, basa Awqaat wo khaalis Ibrahimi Deen ki Justju ke liye Makka se nikal khade hone ka iraada karta Lekin uski Bivi Khattab bin Nufel ko Agaah kar deti aur wo use Deene Aabayi ke chhodne per Sakht baate kehta, Zaid ki ibaadat ka Aalam ye tha k Sajda gaah Kaaba me Dakhil hota to pukar uthta - Labbek Ey khudawand ! Bar Haq Mai'n tere Huzoor ikhlaas mandana ibaadat guzarana aur gulamana Andaz se haazir hu'n, Fir kehta - Mai'n Kaaba ki taraf Moo'nh kar ke usi zaat ki panah talab karta hu'n jiski panah Ibrahim Alaihissalam ne dhoo'ndhi thi _," ( Iyza-248)*

*❀"_ Khattab bin Nufel Zaid ko Takleefe deta raha, Yaha'n tak k Makka ke balaa'i jaanib Shehar Badar kar diya aur Zaid ne Makka ke Saamne Hira ke paas ja apni ibaadat shuru kar di, Fir Khattab ne Quresh ke Chand Nojawano aur Kuchh Kamina Khaslat Afraad ko uski nigrani per mamoor kar diya aur unko Takeed ki k Khabardaar ise Makka me dakhil na hone do _,"*         

*📔 Mohsin E Insaniyat- ﷺ, 120,* ┵━━━━━━❀━━━━━━━━━━━━┵

                  ★ *Part–62_* ★

*⚂ MAKKI DAUR- TAREEK MAHOL ME CHAND SHARARE ⚂* ─━━━════●■●════━━━─

*❥❥_ Chunache Tang aa kar Zaid bin Amru ne Watan chhoda aur Mosil Jazira aur Sham vagera me Ibrahimi Deen Ki Justju me maara maara firta raha, Aakhir kaar wo Damishk ke ilaaqe me Ek Sahibe ilm Raahib ke paas Pahu'ncha aur usse Gum Gushta maslake Ibrahimi ka Suraag puchha,*

*❀"_ Raahib ne kaha - Aaj tujhe is Maslak per chalne wala koi ek Shakhs bhi na milega, Albatta Ek Nabi ke Zahoor ka Waqt aa pahu'ncha hai Jo usi Jagah se uthega Jaha'n se nikal kar Tu aaya hai, Wo Deene Ibrahimi ka Alambardaar ban kar uthega, Ja kar usse mil, in dino uski Baisat ho chuki hai _,"*

*❀"_ Zaid ne Yahudiyat v Nasraniyat ko khoob dekh bhaal liya aur unki koi cheez uske Dil ko na lagi, Wo Raahib ki Hidayat ke mutabiq Makka ki taraf lapka, Billad Lakhum me Logo'n ne usko qatl kar diya _," ( Seerat ibne Hishaam-50, 249)*

*❀"_ is tarah ke Hassas Afraad ke Zahni Halaat ko dekhe'n to Andaza hota hai k Mahol ek Zindgi Bakhsh Paigaam Ke Liye Mazboot ho raha tha, Tareekh jis inqilabi Quwwat ko maa'ng rahi thi Wo Apne Theek waqt me Muhammad ﷺ ki Shakhsiyat ki Soorat me Ko'npal nikaalti hai,*

*❀"_ Aap ﷺ Ek Manfi Sada E Ahatjaaj ban kar aur Apne infiradi Zahan v Kirdaar ki Fikr le kar Namudaar nahi hue, balki Ek Jaama Musabbat nazariya v Maslak ke Saath saari Qaum aur Saare Mahol ki ijtimayi Tabdeeli ke liye maidaan me utre _,"*     

*📔 Mohsin E Insaniyat- ﷺ, 121,* ┵━━━━━━❀━━━━━━━━━━━━┵

                  ★ *Part–63_* ★

            *⚂ MAKKI DAUR-⚂* 

      *DAWAT KA KHUFIYA DAUR* ─━━━════●■●════━━━─

*❥❥_Dawat Ka Pehla Khufiya Daur :-*

*❀"_ Muqadma aur Nabuwat ke tor per Aan Hazrat ﷺ Rooya E Sadiqa ( Sachche Khwabo) se nawaze gaye, kabhi gaibi Awaaze sunayi deti, kabhi Farishta dikhayi deta, Yaha'n tak k Arshe ilaahi se pehla Paigaam aa pahu'ncha, Jibrail aate hai'n aur pukarte hai'n k "Iqra bismikallazi Khalaq" ( Padho Ey Nabi ! ﷺ Apne Rab ke naam ke saath Jisne paida kiya, Jame hue khoon ke ek lothde se insaan ki Takhleeq ki, padho aur tumhara Rab bada Kareem hai Jisne Qalam ke Zariye ilm sikhaya aur insaan ko wo ilm diya Jise Wo na jaanta tha _,"( Al Alaq )*

*❀"_ Wahi E ilaahi ke Awwaleen Tajurbe me haibat v jalaal ka bahut Sakht bojh Aap ﷺ ne mehsoos kiya, Fir Hazrat Jibrail ne Aan Hazrat ﷺ ko seene se laga kar bhee'ncha aur fir kaha padho, Garz ye k Aakhir kaar Aap sehme Sehme Jibrail ke kahe hue ek ek lafz ko dohrate rahe, Yaha'n tak k pehla kalaam E Wahi yaad ho gaya,*

*❀"_ Ghar aa kar Apni Rafiqa E Raazda'n se Waqi'a bayan kiya, Unhone tasalli di k Aapka khuda Aapka saath na chhodega, Warqa bin Nofil ne tasdeeq ki k ye To wahi Namoos farishta hai Jo Moosa Alaihissalam per utra tha, balki mazeed ye kaha k Yaqinan log Aapki Takzeeb karenge, Aapko Tang karenge Aapko Watan se nikalenge aur Aapse ladenge, Agar Mai'n us waqt Tak zinda raha to Mai'n khuda ke kaam me Aapki himayat karunga _,"*

*❀"_ Ab Goya Aap khuda ki taraf se Dawat E Haq per ba qaayda mamoor ho gaye, Aur Aap per ek bhaari zimmedari daal di gayi, Ye Dawat sabse pehle Hazrat Khadija Raziyallahu Anha hi ke Saamne aayi aur Wahi is per imaan lane walo ke Sabse pehli hasti qaraar payi'n _,"*     

*📔 Mohsin E Insaniyat- ﷺ, 122,* ┵━━━━━━❀━━━━━━━━━━━━┵

                  ★ *Part–64_* ★

            *⚂ MAKKI DAUR-⚂* 

      *DAWAT KA KHUFIYA DAUR* ─━━━════●■●════━━━─

*❥❥_Fir ye kaam Khufiya Tor per dheemi dheemi Raftaar se chalne laga, Aapke Bachpan ke Saathi aur Poori tarah Mazaaq v Hum Mizaaj Hazrat Abu Bakar Siddiq Raziyallahu Anhu they, Hazrat Ali Raziyallahu Anhu Jo Aapke Chachazaad Bhai they, In sabke Saamne jab Paigaam Haq aaya to Unhone kisi Tammul v Tawaqquf ke bager is tarah Labbek kahi jese pehle se Rooh is cheez ki pyasi thi, inke alawa Zaid Raziyallahu Anhu Rafeeq E Maslak bane Jo Aapke parwarda Gulam they aur Aapki zindgi aur kirdaar se mutassir they,*

*❀"_ Aap per Qareeb Tareen Logo'n Ka imaan Lana Aapke ikhlaas aur Aapki Sadaqat ka bajaye khud ek Saboot hai, Ye Wo Hastiya'n thi'n Jo Ka'i baras se Aapki Private aur Public Life se aur Aapke Zaahir v Baatin se poori tarah Waaqif thi'n, Inse badh kar Aapki zindgi aur kirdaar aur Aapke Zahan v fikr ko jaanne wala koi aur nahi ho sakta tha, In qareeb Tareen Hastiyo'n ne bilkul Agaaz me Aapke bulawe per Labbek keh kar Goya ek Shahadat pahu'ncha di, Dawat ki Sadaqat aur Daa'i ke ikhlaas ki,*

*❀"_ Hazrat Abu Bakar Siddiq Raziyallahu Anhu ne Tehreeke Muhammadi ﷺ ka Sipahi bante hi Apne Halqa E Asar me Zor Shor se kaam shuru kar diya aur Mutaddid Aham Shakhsiyato Maslan - Hazrat Usman, Hazrat Zuber, Hazrat Abdurrahman bin Auf, Hazrat Sa'ad bin Waqaas, Hazrat Talha Rizwanullahi Alaihim Ajma'ien ko is inqilabi Halqe ka Rukn bana diya,*

*❀"_ Hazrat Ammar, Hazrat Khabbab, Hazrat Arqam, Hazrat Sa'ad bin Zaid ( Unhi Zaid bin Amru ke bete Jinka Tazkira pehle guzar chuka hai, Ye Waalid ki Zindgi se mutassir they ) Hazrat Abdullah bin Masoud, Hazrat Usman bin Maz'oun, Hazrat Ubaida, Hazrat Suhaib Rumi Rizwanullahi Alaihim Ajma'ien bhi islami Tehreek ke ibtidayi Khufiya Daur me Sabiqeen Awwaleen ki Saf me aa chuke they !*    

*📔 Mohsin E Insaniyat- ﷺ, 122,* ┵━━━━━━❀━━━━━━━━━━━━┵

                  ★ *Part–65_* ★

            *⚂ MAKKI DAUR-⚂* 

      *DAWAT KA KHUFIYA DAUR* ─━━━════●■●════━━━─

*❥❥_Namaz Ka Waqt aata to Aan Hazrat ﷺ kisi pahaad ki khayi me chale jate aur Apne Rafqa ke Saath chhup chhupa kar Sajda Abudiyat Baja laate, Sirf Chasht ki Namaz Haram me padhte Kyu'nki ye Namaz khud Quresh ke Yaha'n bhi marooj thi, Ek martaba Aan Hazrat ﷺ Hazrat Ali Raziyallahu Anhu ke Saath kisi Darre me Namaz ada farma rahe they k Aapke Chacha Abu Taalib ne dekh liya, is naye andaz ki ibaadat ko dekh kar wo thithak gaye aur bade gor se dekhte rahe, Namaz ke baad Aapse puchha k ye kya Deen hai Jisko tumne Akhtyar kiya hai, Aap ﷺ ne farmaya- Hamare Daada Ibrahim Alaihissalam ka yahi Deen tha, Ye Sunkar Abu Taalib ne kaha k Mai'n ise Akhtyar to nahi kar sakta lekin tumko ijazat hai aur koi Shakhs tumhara Muzaham na ho sakega ( koi rok na sakega )_," ( Seeratun Nabi Allama Shibli -1/193)*

*❀"_ Hazrat Abuzar Raziyallahu Anhu bhi Tehreeke islami me isi Khufiya daur me imaan laye, ye bhi Unhi muztarab Logo'n me se they Jo But Parasti chhod kar Mahaz Fitrate Saleem ki rehnumayi me khuda ka zikr karte aur uski ibaadat Baja late, Un tak kisi Zariye se Aan Hazrat ﷺ ki Dawat ka noor pahu'nch gaya, Unhone Apne Bhai ko bheja k ja kar Sahi Malumaat laye'n _,"*

*❀"_ Unhone Aan Hazrat ﷺ se Mulaqaat ki, Qur'an suna aur Bhai ko bataya k Maine us Shakhs ko dekha hai, log use murtad kehte hai'n Lekin wo Makarime Akhlaq ki Taleem deta hai aur ek Ajeeb kalaam sunata hai Jo Shairo Shayri se bilkul mukhtalif hai, Uska Tareeqa Tumhare Tareeqe se milta julta hai_,"*

*❀"_ is ittela per khud aaye aur Aapke haath per islam qubool kiya, isse maloom hota hai k Bavjood ikhfa ke Mushke Haq ki khushbu ko Hawa ki lehre le udi thi aur Khuda ke Rasool ﷺ ke liye badnaam Kun Alqaab Tajveez karne ka Silsila shuru ho gaya tha lekin fir bhi mahol abhi pur Sukoon tha, Abhi wo khatre ka poora poora Andaza nahi paya tha,*     

*📔 Mohsin E Insaniyat- ﷺ, 124,* ┵━━━━━━❀━━━━━━━━━━━━┵

                  ★ *Part–66_* ★

            *⚂ MAKKI DAUR-⚂* 

      *DAWAT KA KHUFIYA DAUR* ─━━━════●■●════━━━─

*❥❥- Dekhiye, Ek aur Aham Tareekhi Haqeeqat k Tehreek ke in Awwaleen Alambardaaro me koi ek bhi esa na tha jo Aala darje ke Mazhabi v Qaumi Manasib per mamoor ho, Ye Hazraat Agraaz ke bojh tale dabe hue aur mufaad ki Doriyo se bandhe hue na they, Hamesha ese hi Azaad fitrat Nojawan Tareekh me badi badi Tabdeeliya'n paida karne ke liye Agli Safo me aaya karte hai'n _,"*

*❀"_ Tehreek Apne Khufiya Daur me Quresh ki nigaaho me Tavajjo ke qabil na thi, Wo Samajhte they k ye chand Nojawano ka Sarfirapan hai, Ulti sidhi baate karte hai'n, Chaar Din me Dimaago se ye Hawa nikal jayegi, Hamare Saamne koi Dam maar sakta hai ?*

*❀"_ Magar Sare iqtidaar Tabqa Takhte Qayadat per betha Apne Zaam me Magan raha aur Sachcha'i aur Neki ki Ko'npal Takht ke saaye me Aahista Aahista jade chhodti rahi aur nayi pattiya'n nikaalti rahi, Yaha'n tak k Tareekh ki Zameen me usne Apna muqaam bana liya _,"*

*❀"_ Quresh ka Aitqaad ye bhi tha k Laat Manaat aur Uzza jinke aage hum peshaniya'n ragadte hai'n aur Chadhave pesh karte hai'n aur jinke hum khuddam Bargaah hai'n, Apne Ahatram aur Mazhab But Parasti ki khud Hifazat karenge aur unki Roohani maar hungama ko khatm kar degi _,"*     

*📔 Mohsin E Insaniyat- ﷺ, 126,* ┵━━━━━━❀━━━━━━━━━━━━┵

              ★ *Part–67_* ★

*⚂ MAKKI DAUR- DAWAT E AAM ⚂* ─━━━════●■●════━━━─

*❥❥ Dawat E Aam :- Teen Baras isi tarah guzar gaye, lekin Mashiyate ilaahi Halaat ke Samandar ko bhala jama hua Kaha'n rehne deti ? Uski Sunnat to hamesha se ye rahi hai k Wo Baatil ke khilaaf Haq ko utha khada karti hai aur fir Takraav paida karti hai, "_ Magar hum to Baatil per haq ki chot lagate hai'n_," ( Al Anbiya -18)*

*❀"_ is Sunnat ke Tahat Yakayak doosre daur ke iftetah ke liye hukm hota hai, "_ Pas Ey Nabi ! Jis cheez ka tumhe hukm diya ja raha hai use Haa'nke pukare keh do aur Shirk karne walo ki Zara parwah na karo _," ( Al Hijr- 94)*

*❀"_ Aan Hazrat ﷺ Apni Saari Himmat v Azmiyat ko Samet kar naye Marhale ke mutawaqe halaat ke liye Apne Aapko Tayyar kar ke Kohe Safa per aa khade hote hai'n, aur Quresh ko Arab ke is khaas Usloob se pukarte hai'n Jisse waha'n kisi khatre ke Naazuk lamhe Qaum ko bulaya jata tha, Log daud kar aate hai'n, jama ho jate hai'n aur kaan muntazir hai'n k kya khabar Sunayi jane wali hai,*

*❀"_ Ab Ba Awaaz buland puchha - Agar Mai'n ye kahu'n k is Pahaad ke pichhe se ek Hamla Aawar fauj chali aa rahi hai to kya tum mera Aitbaar karoge ? Haa'n kyu nahi ? Humne tumko hamesha Sach bolte paya hai, Ye jawab tha Jo bil ittefaq majme ki taraf se diya gaya _,"*

*"_ To fir Mai'n ye kehta hu'n k khuda per imaan lao ... Ey Banu Abdul Muttalib ! Ey Banu Abde Munaaf ! Ey Banu Zohra ! Ey Banu Tameem ! Ey Banu Makhzoom ! Ey Banu Asad ! Varna tum per Sakht Azaab Naazil hoga _,"*     

*📔 Mohsin E Insaniyat- ﷺ, 127,* ┵━━━━━━❀━━━━━━━━━━━━┵

                  ★ *Part–68_* ★

*⚂ MAKKI DAUR- DAWAT E AAM ⚂* ─━━━════●■●════━━━─

*❥❥_ In Mukhtasar Alfaaz me Aap ﷺ ne Apni Dawat bar Sare Aam pesh kar di, Aapke Chacha Abu Lahab ne ye suna to Jal bhun kar kaha k "Gaarat ho jao tum Aaj hi ke Din ! ..kya yahi baat hai thi jiske liye tumne Hum sabko Yaha'n ikattha kiya tha ? Abu Lahab aur Doosre log bahut naraaz ho kar chale gaye,*

*❀_"_ Dekhiye ! Abu Lahab ke Alfaaz me Dawat Nabvi ﷺ ke Sirf Na Qabile gor hone ka Tassur jhalak raha hai, Abhi koi doosra ru Amal paida nahi hua, Shikayat sirf ye thi k Tumne Hume beja Takleef di aur hamara Waqt zaaya kiya ?*

*❀_"_ Dawate Aam ki muhim ka Doosra qadam ye uthaya gaya k Aan Hazrat ﷺ ne Tamaam Khandane Abdul Muttalib ko khane per bulaya, Is Majlise Ziyafat me Hamza, Abu Taalib aur Abbaas jese Aham log bhi Shareek they, Khane ke baad Aap ﷺ ne Mukhtasar si Taqreer ki aur farmaya k Mai'n Jis Paigaam Ko le kar aaya hu'n ye Deen aur Duniya dono ka kafeel hai, is muhim me kon Mera Saath deta hai ?*

*❀_"_ Bilkul ibtidayi Dawat me Aan Hazrat ﷺ is Haqeeqat ka Sha'oor rakhte they k Wo Duniya se kata hua mazhab le kar nahi aaye balki Duniya ko Sa'nwarne wala Deen le kar aaye hai'n, Aap ﷺ ki Dawat per Sukoot chha gaya, is Sukoot ke andar Terah Baras ka Ek Ladka uthta hai aur kehta hai k, Agarche Mai'n Ashoob Chashm me mubtila hu'n, Agarche meri Taa'nge patli hai'n, Agarche Mai'n ek Bachcha hu'n, lekin Mai'n is Muhim me Aapka Saath dunga, Ye Hazrat Ali Raziyallahu Anhu they Jo Aage Chal kar Asateen E Tehreek me Sumaar hue,*

*❀_"_ Ye manzar dekh kar Hazireen me khoob qahqaha pada ! Is Qahqahe ke zariye Goya Khandane Abdul Muttalib ye keh raha tha k ye Dawat aur ye Labbek kehne wala Konsa karnaama Anjaam de lenge, Ye Sab kuchh ek Mazaaq hai Ek Junoon hai aur bas ! Iska jawab to sirf khanda istehza (Mazaaq) se diya ja sakta hai _,"*    

*📔 Mohsin E Insaniyat- ﷺ, 127,* ┵━━━━━━❀━━━━━━━━━━━━┵

                  ★ Part–69_ ★

⚂ MAKKI DAUR- DAWAT E AAM ⚂ ─━━━════●■●════━━━─

❥❥_ Is Doosre Waqi'e per Mahol ka Sukoon nahi toota, Zindgi ke Samandar ke Ghadiyalo ne koi Angdayi nahi li, Lekin iske baad ye Teesra qadam uth to usne Ma'ashre ko Histriya ke is daure me mubtila kar diya Jo Aahista Aahista Shuru ho kar Roz Baroz Tand v Tez hota gaya !

❀"_ Is Teesre qadam ke bare me Guftgu karne se pehle ek aur Waqi'a ka Tazkira zaruri maloom hota hai, Jesa k Hum bayan kar chuke hai'n k Mukhalif mahol ki khatarnaak Sangini ki vajah se Namaz chori chhipe padhi jati thi, Aan Hazrat ﷺ aur Raqfqa E Tehreek Shehar se bahar Wadiyo'n aur Ghatiyo'n me ja ja kar Namaz Ada karte,

❀"_ Ek Din Ek Ghaati me Sa'ad bin Abi Waqaas Raziyallahu Anhu doosre Rafqa E Nabvi ﷺ ke Saath Namaz me they k Mushrikeen ne dekh liya, Ain Haalate Namaz me un Mushrikeen ne Fiqre kasne shuru kiye, Bura bhala kaha aur Namaz ki ek ek harkat per Fabtiya'n chust karte rahe, jab in layani baato ka koi jawab na mila to ladne per utar aaye,

❀"_ Is dange ke ek Mushrik ki Talwaar ne Sa'ad bin Abi Waqaas Raziyallahu Anhu ko zakhmi kar dala, Ye thi khoon ki sabse pehli dhaar jo Makka ki khaak per khuda ki Raah me bahi ! Ye jaahili Ma'ashre ka Sabse pehla junoon Aamez Khooni Radde Amal tha aur us Radde Amal ke Tewar bata rahe they k Mukhalfat ab Tashaddud ke Marhale me dakhil hone wali hai ,"        

📔 Mohsin E Insaniyat- ﷺ, 127, ┵━━━━━━❀━━━━━━━━━━━━┵

                 ★ *Part–70_* ★

*⚂ MAKKI DAUR- DAWAT E AAM ⚂* ─━━━════●■●════━━━─

*❥❥_ Tehreek ki Zere Satah ru ne Aahista Aahista aage badte hue 40 Moti ikatthe kar liye they, Ab Goya islami Jama'at ek mehsoos Taaqat ban chuki thi, Khullam Khulla Kalma Haq ko pukarne ka hukm aa hi chuka tha, Iski Tameel me Aan Hazrat ﷺ ne ek din Haram E Kaaba me khade ho kar Toheed ka Elaan kiya,*

*❀_"_ Lekin Mazhabiyat jab bigadti hai to uski iqtidaar is tarah Teh v Baala ho jati Hai'n k Wo ghar jo paigame Toheed ke Markaz ki Haisiyat se Ustwaar kiya gaya tha Aaj uski Chaar Diwaari ke andar khuda E Waahid ki Wehdat Ki Pukaar buland karna is Markaze Toheed ki Toheen ka mojib ho chuka tha, Buto ke vajood se Kaabe ki Toheen nahi hoti thi, Buto ke aage peshaniya'n ragadne se bhi nahi, nange ho kar Tawaaf karne, Seetiya'n aur Taaliya'n bajane se bhi nahi, Gairullah ke naam per Zabeehe pesh karne se bhi nahi, Mujawari ki fees aur Chadhave vasool karne se bhi nahi... Lekin us ghar ke Asal Maalik ka naam lete hi uski Toheen ho gayi thi !*

*❀_"_ Kaabe ki Toheen Haram ki behurmati ! Tauba Tauba kesi khoon khola dene wali baat hai, kesi Jazbaat ke Shole Bhadkane wali baat hai, Bhadakte hue Jazbaat ke saath Charo taraf se kalma Toheed ko sunne wale mushrikeen uth aate hai'n, Hungama barpa ho jata hai, Nabi ﷺ ye ghere me aa jate hai'n,*

*❀_"_ Haaris bin Abi Umme Haala ke ghar me they, Shor v Shagaf Sun kar Aan Hazrat ﷺ ko bachane ke liye daude lekin har taraf se Talwaare un pet toot padi aur wo Shaheed ho gaye, Arab Ke Andar islam aur Jaahiliyat Ki Kashmkash me ye Pehli Jaan thi jo Haq ki Himayat me Qurban hui,*     

*📔 Mohsin E Insaniyat- ﷺ, 127,* ┵━━━━━━❀━━━━━━━━━━━━┵

                  ★ *Part–71_* ★

*⚂ MAKKI DAUR- DAWAT E AAM ⚂* ─━━━════●■●════━━━─

*❥❥_Dekha Aapne ! Ek Dawat Jo Ma'qool aur Pur Sukoon Andaz se di ja rahi thi, Us per gor kar ke raay qaa'im karne aur istadlaal ka jawab Dalaa'il se dene ke bajaye Andhe Bhadakte Jazbaat se diya jata hai,*

*❀"_Sayyadna Muhammad ﷺ Kalma Haq Apni Talwaar se manwane nahi uthte, Lekin mukhtalif Taaqat Talware So'nt kar aa jati hai, Yahi ek Faasid Nizaam ke Mufaad Parast mukhalifeen ki Alamat hai k Ma'qooliyat ke jawab me Gusse me Aag baboola aur Daleel ke jawab me Talwaar liye maidaan me utre hai'n, Mukhalifeen me itna Zarf nahi tha k Wo Kam se kam Chand Hafte Chand Din Chand Lamhe haram se uthne wali Sada per Pur Sukoon Tareeqe se gor v Fikr kar sakte,*

*"❀_ Ye Tasleem karte k Muhammad ﷺ ko bhi unki tarah kisi nazriye falsafe Aqeede per imaan rakhne, kisi mazhab per chalne aur unki qaa'im karda soorat mazhab se ikhtilaaf karne ka haq hai, kam se kam imkaan ki had tak ye maante k ho sakta hai k hamare andar galti mojood ho aur Muhammad ﷺ hi ki Dawat se Haqeeqat ka Suraag mil sakta ho, Kisi Faasid Nizaam ke Sarbara kaaro me itna Zarf baqi nahi rehta, Unme ikhtilaaf ke liye Bardasht ki Quwwat bilkul khatm ho jati hai, Unki gor v Fikr ki Salahiyate Zang Alood ho jati Hai'n,*

*❀"_ Zara Andaza kijiye k kesi thi wo fiza jisme hum sabki Duniyavi v Aakhirvi falaah v Bahoodi ke liye Apni jaan ki Bazi laga dene wala Haq Ka Daa'i be Saro Samaan ke Aalam me Apna farz ada kar raha tha ?*

*❀"_ Ibrahim v Isma'il Alaihimussalam ke Pakiza jazbaat aur Pakiza Hasrato aur Tamannao ke masale se bane hue Haram E paak ke andar Makka Walo ki is Harkat ke ne aane wale daure mustaqbil ka ek Tasavvur to zaroor dila diya aur ek begunah ke khoon se Aa'inda Abwabe Tareekh ki Surkhi to jama di, lekin ye Asal zor Tashaddud ( Zyadti) ka iftetah ( Suruaat ) nahi tha,*   

*📔 Mohsin E Insaniyat- ﷺ, 128,* ┵━━━━━━❀━━━━━━━━━━━━┵

                  ★ *Part–72_* ★

*⚂ MAKKI DAUR- DAWAT E AAM ⚂* ─━━━════●■●════━━━─

*❥❥_Nabi ﷺ Ki Dawat Ko Paya Aitbaar se girane ke liye gali dene ka Kamina jazbe ke saath propoganda ke maahir ustado ne gona goh inqilab khade karne shuru kar diye, Maslan Ye kaha Jane laga k is Shakhs ki baat kyu sunte ho ye to ( Na'uzubillah) murtad hai, Deen Aslaaf k jiske hum ijaradaar ( Thekedaar) hai'n, Ye uske Daayre se bahar nikal gaya hai aur ab Apne paas se ek Anokha Deen ghad laya hai,*

*❀"_ Koi istadlaal nahi bas Apni Gaddiyo'n per bethe bethe kufr ka fatwa saadir kar diya jata hai, Ye bhi kaha jata hai k Ye To "Saabi" ho gaya hai, "Saabiyat" Chu'nki us waqt ki Mushrikana Society me ek badnam aur Napasandida Maslak tha, isliye kisi ka naam Saabi dhar dena wesi hi gaali tha jese Aaj kisi musalman ko Yahoodi ya Khaarji ya Nechari keh diya jaye,*

*❀"_ Haq ke Khilaaf Dalaa'il ke Lihaaz se jhoote log jab Manfi hungama uthate hai'n to unki propoganda ki muhim ka ek Hathiyar hamesha isi tarah ke Badnaam karne wale alqaab, Naamo aur istlaaho ka chaspa karna hota hai, gali gali Majlis Majlis Makka ke mushrikeen ne dhindhora peette firte they k dekho ji ! Ye log Saabi ho gaye hai'n, Bedeen ho gaye hai'n, Baap Daada Ka Deen Dharam inhone chhod diya hai, naye naye Aqeede aur naye dhang ghad kar la rahe hai'n,*

*❀"_ Ye Aa'ndhi ja uth rahi hogi to Tasavvur kijiye k usme Raasta dekhna aur Saa'ns lena Aam Logo'n per kitna dubhar ho gaya hoga, aur Daa'iyane Haq ke Mukhtasar se Qafile ko kis Aafat ka Saamna karna pad raha hoga ? Magar Aa'ndhiya'n Arbaabe Azmat ke Raaste kabhi nahi rok sakti !*     

*📔 Mohsin E Insaniyat- ﷺ, 129,* ┵━━━━━━❀━━━━━━━━━━━━┵

              ★ *Part–73_* ★

*⚂ MAKKI DAUR- DAWAT E AAM ⚂* ─━━━════●■●════━━━─

*❥❥_Dalaa'il ke muqable me jab gaaliya'n layi ja rahi ho to hamesha esa hota hai k Dalaa'il to Apni jagah Jame rehte hai'n Lekin jo gaali muqable per layi jati hai wo Jazbaati had tak do chaar din kaam de kar bilkul be Asar ho jati hai aur insaani Fitrat isse nafoor hone lagti hai, Chunache Aan Hazrat ﷺ ke liye ek gaali aur waza ki gayi, Aapko "Ibne Abi Kabsha" kaha jata tha,*

*❀"_ Abi Kabsha ek maroof magar Badnaam Shakhsiyat thi, Ye Shakhs tamaam Arab ke Deeni Rujhanaat ke khilaaf "Sha'ara' Naami Sitaare ki paristish karta tha, Ibne Abi Kabsha ke ma'ani hue Abi Kabsha ka beta ya Abi Kabsha ka Peru ( Na'uzubillah), Dil ka bukhar nikalne ke liye Makka ke in Jazbaat ke Mareezo ne kya kya ijaade nahi ki !*

*❀"_ Kisi Sahibe Dawat ya kisi Naqeeb E Tehreek ki zaat per jab is tarah ke Waar kiye jate hai'n to Asal matloob us Shakhsiyat ko Kurb dena hi nahi hota balki dar Haqeeqat gaali di jati hai us Nazariya v Maslak ko aur us Kaam aur Tanzeem ko jiski Roz Afzu Yalgaar se Sabiqa pada hota hai, magar kya ek uthte hue Sailaab ke aage Gobar ke puahte baa'ndh kar usko roka ja sakta hai ?*

*❀"_ Mushrikeen Makka dekh rahe they k Wo gandgi ke jo jo band baa'ndhte hai'n unko ye Dawat bahaye le ja rahi hai aur har Subeh aur har Shaam kuchh na kuchh aage hi badhti jati hai, to unhone propogande ke doosre pehlu Akhtyar kiye, Ek naya laqab ye Tarasha k ye Shakhs (Na'uzubillah) dar Haqeeqat pagal ho gaya hai_,"*

*❀"_ Buto ki maar padne se iska Sar fir gaya hai, Ye jo baate karta hai wo Hosh v Hawaas aur Aqal v Hikmat ki baate nahi hai Balki ye ek junoon hai k Jiske Dore padne per kabhi use Farishte Nazar aate hai'n, Kabhi jannat aur Dozakh ke khwaab dikhayi dete hai'n, Kabhi Wahi utarti hai aur kabhi koi Anokhi baat munkashif ho jati hai, Ye ek Sarfira Aadmi hai, isliye iski Baato per Aam Logo'n ko dhyan nahi dena chahiye aur Apna Deen imaan bachana chahiye,*     

*📔 Mohsin E Insaniyat- ﷺ, 129,* ┵━━━━━━❀━━━━━━━━━━━━┵

               ★ *Part–74_* ★

*⚂ MAKKI DAUR- DAWAT E AAM ⚂* ─━━━════●■●════━━━─

*❥❥_ Hamesha se ye hua hai k Daa'iyane Haq ka Zore istadlaal todne ke liye ya to Unko pagal kaha gaya hai ya Safiha v Ahmak, Hoshmand to bas wohi log hote hai'n Jo Apni Duniya banane aur zamane ki Haa'n me Haa'n milane aur Apni khwahisho ka Samaane Taskeen karne me Munhamik rehe'n, Baqi wo log jo Tahdeed v islaah ki Muhim utha kar jaan jokhimo me daale, Unko Duniya Parast Agar Ahmak aur Pagal na kahe'n to Aakhir unki dictionary me aur konsa lafz mozu ho sakta hai,*

*❀"_ Mushrikeen Makka ne ek aur Tanz ghadi, Kehne lage k ye Mudda'i Nabuwat dar Haqeeqat Jaadu ke fun me bhi Samajh rakhta hai, Ye uska Fun Kamaal hai k do chaar baato me har milne wale per Apna jaadu kar deta hai, Nazar bandi ki haalat me mubtila kar deta hai aur Zara koi uski baato me aaya nahi k jaadu ke jaal me fa'nsa nahi, Yahi Vajah hai k Achchhe bhale Soojh boojh rakhne wale log uska Shikar hote chale ja rahe hai'n!*

*❀"_ Haa'n magar Ek Sawal ye bhi to paida hota tha k kabhi Ahmako, Pagalo aur Jadugaro ne bhi Aaj tak Mazhabi v Tamadduni Tehreeke chalayi hai'n aur Kabhi kaahino ne khuda Parasti aur Toheed aur Makaram Akhlaaq ka dars dene ke liye Jaadu ke fun ko istemal kiya hai ? Kabhi jaadu ke zor se dilo aur Dimaago Rooho'n aur Seerato ko bhi badalne ki koi misaal saamne aayi ?*

*❀"_ Lekin ye Sikka Band ilzaam hai esa k Har Daur me har Sahibe Dawat per lagaya gaya hai, Yaqeen dilane ki koshish ki gayi hai k khud Dawat me Sadaqat nahi k uski Fitri kashish kaam kare, Daa'i ke istadlaal me koi wazan nahi k jisse Quloob musakkhar ho rahe ho'n balki saara khail kisi pur israar qism ki Farebkaari aur Jaadugari per mubni hai aur ye uska Asar hai k bhale change log Tawazan kho bethte hai'n,*    

*📔 Mohsin E Insaniyat- ﷺ, 131,* ┵━━━━━━❀━━━━━━━━━━━━┵

                  ★ *Part–75_* ★

*⚂ MAKKI DAUR- DAWAT E AAM ⚂* ─━━━════●■●════━━━─

*❥❥_ Log Akabire Quresh ke Saamne Aan Hazrat ﷺ ki ilhaami Taqreere aur Khususan Qur'an Ki Aayaat bhi to pesh karte ho'nge k Ye aur Ye baate kahi gayi hai'n, Kalam ke Johar Shanas Aakhir ye to mehsoos kar lete honge k khud ye Kalam mo'assir Taaqat hai, is per Bahas bhi hoti ho'ngi aur Raay bhi qaa'im hoti ho'ngi,*

*❀"_ is Kalam ke Aijaaz ki Tavajjo karne ke liye unhone kehna shuru kiya k - Aji kya hai, Bas Shayri hai, Alfaz ka ek Art hai, Adibana zor hai, Muhammad ﷺ Darja Awwal ke Artist aur Lisaan Khateeb hai'n, Unki Shayri ki vajah se Kachche Zahan Ke Nojawan bahak rahe hai'n,*

*❀"_ Ey Quresh Makka ! Shayar to Duniya me Hamesha hote rahe hai'n, Kya Koi esa Anokha Shayar kabhi paida hua hai Jo is bedaag Seerat aur Azeem Kirdaar ka Haamil ho Jiska muzahira Muhammad ﷺ aur unke Rafqa kar rahe they, Kya Shayri ke Tilasm baa'ndhne walo ne kabhi esi Deeni muhimaat bhi barpa ki hai'n Jesi Tumhare Saamne ho rahi thi ?*

*❀"_ Quresh ke Saamne bhi ye Sawal tha , iska jawab dene ke liye unhone Aan Hazrat ﷺ per Kahanat ka ek aur ilzaam baa'ndha, Kaahin log kuchh Mazhabi andaz v Atwaar rakhte they, Ek Ajeeb pur israari fiza banate they, Chillo aur Aitkaafo aur Wazeefo aur Mantaro me unki zindgi guzarti thi, Kaahin kehne se Quresh ka mudda'a Yahi tha k Aan Hazrat ﷺ ne bhi bas isi tarah ka ek Dhakosla bana rakha hai, Taki Log aaye'n, mureed bane, Un per Kahanat ka Sikka bhi chale aur pet ka masla bhi hal ho jaye ( Ma'azallah )*      

*📔 Mohsin E Insaniyat- ﷺ, 131,* ┵━━━━━━❀━━━━━━━━━━━━┵

                  ★ *Part–76_* ★

*⚂ MAKKI DAUR- DAWAT E AAM ⚂* ─━━━════●■●════━━━─

*❥❥_ Aur Qur'an is Saare Proegande ki Dhuwa Dhariyo'n ko Muheet ho kar Aasmani Bulandiyo se pukar kar keh raha tha k - "Ye kisi Shayar ka Qaul nahi hai, Tum log Kam hi imaan late ho, aur na kisi kahin ka Qaul hai, Tum log Kam hi gor karte ho _,"( Al- Haqqa -41)*

*❀"_ Dekho ye log Kese kese Muhawre aur Fiqre chust karte hai'n, kese kese naam dharte hai'n, Kya Kya Tashbeehe ghadte hai'n aur Kaha'n Kaha'n se istlaahe dhoo'ndh ke late hai'n, Magar ye sab kuchh kar ke fir Yakayak kesa palta khate Hai'n? (Al- Furqan - 9)*

*❀"_ Dekhiye ! Ab ek aur Shosha Tarasha jata hai, Deene Ibrahimi ke naam lewa farmate hai'n k ye koi Jin hai jo Muhammad (ﷺ) per aata hai aur wo aa kar Ajeeb Ajeeb baate batata hai Ya ye k Wo sikha padha jata hai, Kabhi Makka ke ek Roomi v Nasrani gulam ( Jaabir ye Jabra ya Jabr ) ka naam liya jata hai , Jo Aan Hazrat ﷺ ki khidmat me Haazri ho kar Deen ki baate sunane k liye jata hai aur Tanahiyi me Muhammad ﷺ ko ye Wa'az aur Lecture note karta hai,*

*❀"_ Ek moqe per Quresh Ke Akaabir ke ek Wafad ne Aan Hazrat ﷺ se kaha k, Hume maloom hua hai k Yamama me koi Shakhs "Ar Rahman" Naami hai jo Tumhe ye sab kuchh sikhata padhata hai, Khuda ki qasam hum "Ar Rahman" per imaam nahi layenge _,"*     

*📔 Mohsin E Insaniyat- ﷺ, 132,* ┵━━━━━━❀━━━━━━━━━━━━┵

                  ★ *Part–77_* ★

*⚂ MAKKI DAUR- DAWAT E AAM ⚂* ─━━━════●■●════━━━─

*❥❥_In Hawai Shosho se Ye Zaahir karna matloob tha k ye kisi Baahri Taaqat aur kisi gair Shakhs ki Shararat hai Jo hamare Mazhab aur Ma'ashre ko Tabaah karne ke darpe hai aur Muhammad ibne Abdullah to mahaz Aala kaar hai, Ye kisi tarah ki Saazish hai, Doosri taraf isme ye Tassur bhi Shamil tha k Kalam ka ye Husn v Jamaal na Muhammad ka kamaal hai na khuda ki ata v Bakhshish hai, Ye to koi aur hi Taaqat Gul khila rahi hai, Teesri taraf iske zariye Haq Ke Daa'i per ilzaam bhi chashpa kiya ja raha tha,*

*❀"_ Iske jawab me Qur'an ne Tafseeli istadlaal kiya hai, magar Uska Chellenge Qata'i Tor per maskat Saabit hua k insaano aur jinno ki mushtaraka madad se Tum is tarah ki koi Surat ya Esi Chand Aayate hi bana kar le aao _,"*

*❀"_ Aur Ek Daava ye bhi Saamne aaya k ye koi nayi baat nahi hai, Koi khaas karnama nahi hai, Asal me purane Qisse Kahaniya'n hai'n Jinko Kahi'n se jama kar ke zordaar zuban me dhaala ja raha hai, ye ek tarah ki Afsana Tarani hai aur Dastaan goi hai,*

*❀"_ Dawate Haq per "Asateer Awwaleen " ki phabti kasne me ye Tanz bhi Shamil tha k Agle Waqto ki in Kahaniyo'n ke zariye Aaj ke Masa'il ki Aqdah Qusha'i Kaha'n ho sakti hai, Zamana Kahi'n se Kaha'n aa chuka hai,*     

*📔 Mohsin E Insaniyat- ﷺ, 132,* ┵━━━━━━❀━━━━━━━━━━━━┵

                  ★ *Part–78_* ★

*⚂ MAKKI DAUR- DAWAT E AAM ⚂* ─━━━════●■●════━━━─

*❥❥- Waaze rahe k ye Saari Muhim kisi galat fehmi ki vajah se nahi balki Sochi Samjhi hui Shararat ke tor per chalayi ja rahi thi, Unhone mil kar ye qaraar daad Tay ki thi k, "Daa'i ki Baat suno hi nahi, us per gor karo hi nahi, Kahi'n Khayalaat me Tazalzul na aa jaye, Kahi'n imaan kharab na ho jaye, Bas Haw Ho ka khoob shor macha kar usme rukhna andazi karo, Usme gadbad daalo aur use mazaq per dhal lo, is Tareeqe se Qur'an ka zor toot jayega aur Aakhir Fateh Tumhari hogi,*

*❀"_ Aas bin Waa'il ne Aan Hazrat ﷺ ki Dawat v Tehreek ki Tehqeer karte hue Zehreele kalmaat kahe, Taana diya gaya tha Aan Hazrat ﷺ ki Aulaad Narina na hone per aur Arab me Fil Waqe ye Taana kuchh ma'ani rakhta tha,*

.

*❀"_ Magar Aas jeso ki nigaahe ye nahi samajh sakti k Ambiya Jesi tareekh Saaz Hastiyo'n ki Asal Aulaad unke Azeemus Shan Kaarname hote hai'n, Unke dimago se naye Tehzeeb ke Daur janam lete Hai'n aur unki Dawat v Taleem ki Virasat Sambhalne aur unki Yaad Taza rakhne ke liye unke Rafqa aur perukaar Giroh dar Giroh mojood hote hai'n, Wo jis Khair kaseer ko le ke aate hai'n uski Taaqat aur uski qadar v Qeemat kisi ki Narina Aulaad ke bade se bade Shukr se Kahi'n zyada hoti hai,*

*❀"_ Chunache is Taane ke jawab me Surah Kausar Naazil hui jisme Aas aur uske Hum Kesho ko bataya gaya k humne Apne Nabi ﷺ ko "Kausar" ata kiya hai use Khair Kaseer ka Sar Chashma banaya hai, Use Qur'an ki Ni'amat Azmi di hai, Us per imaan lane walo aur ita'at karne walo, Uske kaam ko failane aur jaari rakhne walo ki ek badi Jama'at hai aur uske liye Aalame Aakhirat me Hauze Kausar ka Tohfa Makhsoos kar rakha hai,*

*❀"_ Jisse ek baar agar kisi ko Azan nosh mil gaya to wo Abd tak pyaas na Mehsoos karega, Fir farmaya k Ey Nabi ﷺ Abtar to hai'n Tumhare Dushman k Jinka ba Aitbaar Haqeeqat koi naam lewa aur pani dewa nahi hai aur Jinke mar jane ke baad koi bhool ke yaad bhi na karega k fala kon tha aur jinke liye Tareekhe insaani ke makan me koi jagah nahi,*      

*📔 Mohsin E Insaniyat- ﷺ, 133,* ┵━━━━━━❀━━━━━━━━━━━━┵

                  ★ *Part–79_* ★

*⚂ MAKKI DAUR- DAWAT E AAM ⚂* ─━━━════●■●════━━━─

*❥❥ Jo log Aankho dekhte ek Amr Haq ko nahi maanna chahte wo Apne aur Daa'i ke Darmiyan tarah tarah ke nukte aur lateefe aur baato me se baate nikaal nikaal kar late hai'n, Aslaaf ki Sikka Band Mazhabiyat ke ye mukhalifeen Aan Hazrat ﷺ se ek to baar baar ye puchhte they k Tum Agar Nabi ho to Aakhir kyu nahi esa hota k Tumhare Nabi hone ki koi Waaze Nishani tumhare Saath ho, koi esa mojaza ho jise dekhne Walo ke liye Nabuwat maane bager chara hi na rahe,*

*❀"_ Kyu na Farishte hamare paas bheje jaye'n, ? Ya fir hum Apne Rab Ko dekhe'n _," ( Al Furqan -20) Sidhi tarah Aasman se Farishto ke jhund utre, Hamare Saamne Chalte Firte dikhayi de'n aur Khuda Tumhare Zariye Paigaam bhej kar Apne Aapko manwane ke bajaye khud hi kyu na hamare Saamne aa jaye aur hum dekh le'n k ye hai hamara Rab, Jhagda khatm ho jaye,*

*❀"_ Fir wo ye kehte k Jo kuchh tum pesh kar rahe ho ye Agar Waqa'i khuda ki taraf se hota to chahiye ye tha k Ek likhi hui Kitaab hamare dekhte dekhte Aasman se utarti balki Tum khud Seedhi ke zariye kitaab liye hue utarte aur hum Sare Tasleem kham kar dete k tum Sachche ho,*

*❀"_ isi Silsile me ek Sawal ye bhi uthaya jata tha k Qur'an Khutba ba Khutba aur Qata ba Qata kyu Naazil hota hai, Sidhi tarah ek hi baar me poori ki poori kitaab kyu nahi Naazil ho jati ?*

*❀"_ Dar Asal unhe ye Soorat badi khalti thi k Jitne Sawal wo uthate they, Jo Jo Shararate karte they, Jis Jis pehlu se meen mekh nikalte they us per Wahi ke Zariye Hasbe moqa Tabsira hota uska Tajurba kiya jata aur poore Zore istadlaal se unki mukhalifana Kawisho ki jade khod di jati _,"*     

*📔 Mohsin E Insaniyat- ﷺ, 134,* ┵━━━━━━❀━━━━━━━━━━━━┵     

                  ★ *Part–80_* ★

*⚂ MAKKI DAUR- DAWAT E AAM ⚂* ─━━━════●■●════━━━─

*❥❥_ Fir wo ye Fabti kaste k tum jo gosht post ke bane hue hamari tarah ke Aadmi ho, Tumhe bhook lagti hai, Ma'ash ke dar pe ho, Roti khate ho, Galiyo'n aur Bazaaro me chalte firte ho, Fate haal rehte ho, Tumhare ouper tarah tarah ki Zyadtiya ho rahi hai'n, Kese ye baat Aqal me aaye k tum Allah ke pyare aur uske Aitmaad ke qabil numa'inde aur Duniya ki islah ke Zimmedar bana kar bheje gaye ho,*

*❀"_ Tum Waqa'i agar ese chuninda Rozgaar hote to farishte tumhare aage aage hato bacho ki sada lagate Bodyguard ban kar saath chalte jo koi gustakhi karta lath se uska sar fod dete, Tumhari ye Shaan aur ye thaat dekh kar har aadmi be Chu chara maan leta k Allah ka pyara hai aur Nabi hai, itna hi nahi tumhare liye Aasmaan se khazana utarta aur us khazane ke bal per tum Shahana Shaan v Shokat ke saath Aish ki zindgi guzaar rahe hote, Tumhare basne ke liye sone ka ek Mahal hota, Tumhare liye koi chashma jaari hota koi nahar bahayi jati, Tumhare paas phalo ka koi aala darje ka baag hota, Araam se bethe uski kamayi khate, is Naqshe ke saath tum Nabuwat ka Daava le ke uthte to hum sab ba Saro chashm maante k Waqa'i ye koi muntakhab zamana aur maqbool Rabbani hasti hai,*

*❀"_ Bar Khilaaf iske Haal ye hai k Hum log kya maal ke Lihaaz se kya Aulaad ke Lihaaz se Tumse manzilo aage hai'n, aur Tumhara Haal jo kuchh hai wo Saamne hai, Ek tum hi nahi, Tumhare ird gird jo Hastiya'n jama hui hai'n wo sab ese log hai'n Jo hamari Society ke sabse nichle Tabqe se Talluq rakhte Hai'n, Kotahe nazar aur kam ilm hai'n, Tum Logo'n ko hamare muqable me koi bhi Fazilat haasil nahi,*

*❀"_ Batao Ey Muhammad! K esi Soorat me koi maqool Aadmi kese Tumhe Nabi maan le, Chunache haal ye tha k jidhar se Nabi ﷺ ka guzar hota, Fabtiya'n Kasi jati, Ungliya'n utha utha kar aur ishare kar kar ke kehte k Zara dekhna in Sahab ko ye hai'n Jinko Allah ne Rasool muqarrar farmaya hai, Khuda ko kisi Aadam zaad se Risalat ka kaam Lena hi tha to kya le de ke yahi Shakhs reh gaya tha, kya Husne intikhab hai, isi tarah islami Tehreek ke Alambardaaro per ba haisiyat majmui ye fikra chust kiya jata tha k - ( Tarjuma Surah Al An'aam -53) Kya yahi hai'n wo mumtaz Hastiya'n jinhe Allah ne muratib khaas se nawazne ke liye hamare andar se chhaa'nt liya hai _,"*    

*📔 Mohsin E Insaniyat- ﷺ, 136,* ┵━━━━━━❀━━━━━━━━━━━━┵

          ★ *Part–81_* ★

*⚂ MAKKI DAUR- DAWAT E AAM ⚂* ─━━━════●■●════━━━─

*❥❥-- Fir Kaha jata k Ey Muhammad (ﷺ) wo Jis Azaab Ki Roz Roz tum dhamkiya'n dete ho aur jiske Zariye Apna Asar jamana chahte ho, Use le kyu nahi aate ? Use Aakhir kis cheez ne rok rakha hai? Chellenge Kar ke kehte - "Kyu nahi Tum Aasmaan ka koi tukda girate hum jese Nafarman kaafiro per ? Agar Tum sachche ho hamara khatma kar daalo _," ( Surah Ash Shu'ara -187)*

*❀"_ Fir Ye Deene Aslaaf Ke Thekedaar Ye Nukta chhaa'ntte k Ey Muhammad (ﷺ) ! Jab Tum batate ho k Khuda Qadir v Sahibe Akhtyar aur Qahir v Jaabir hai to kyu nahi wo humko Apni Taaqat ke Zor se us Hidayat Ke Raaste per chalata k Jis per chalne ke liye tum hume kehte ho, Wo Hume Mohid aur Nek dekhna chahta hai to fir hume Mohid bana de aur neki per chala de, usko kisne rok rakha hai,*

*❀"_ isi tarah wo Qayamat ka Mazaaq Udate, bade daramayi andaz me dariyaft karte k Zara ye to farmaiye k ye Haadsa kab waaqe hone wala hai ? Kuchh ata pata dijiye k us elaan ko kab poora hona hai ? Qayamat kab tak Aa pahu'nchne wali hai ? Kya koi Tareekh aur koi ghadi mu'een nahi hui ? un Chand Misaalo se jinki Tafseel Qur'an v Hadees aur Seerat v Tareekh ki Kitaabo me milti hai, Andaza kijiye k Duniya ke Sabse bade Mohsin aur Insaniyat ke Azeem Tareen khair Khwah ko kesi Fiza se Saabqa aa pada tha,*

*❀"_Aalame Baala Ki Taraf se Yaqeen dahahi ki jati hai, Allah Ta'ala Apne Kalmaat se khud Samaane Taskeen farmata hai aur Saath Saath is Marhale se guzarne ke liye baar baar hidayaat di jati hai'n, Maslan ek Jaama Hidayat ye aayi k "_ Ey Nabi ﷺ Narmi v Darguzar ka Tareeqa Akhtyar karo, Ma'roof ki Talkeen kiye jao aur Jaahilo se na uljho _," ( Surah Al A'araaf -144)*

*❀"_ Yani Asaab ko jhanjhod dene wale aur Dil v Jigar ko chhed daalne wale is daur ke liye Aan Hazrat ﷺ ko Teen Taqazo ka paband kar diya gaya, Ek ye k Bad Zubaniyo se beniyazi ka Tareeqa Akhtyar kiya jaye, Doosre ye k Haq baar kehne ki zimmedari har haal me poori ki jayegi, Teesre ye k Kamine aur Bad Akhlaq aur Jahalat zada Shakhso ke pichhe padne ki zarurat nahi ! Aur Qur'an aur Tareekh dono gawah hai'n k Aan Hazrat ﷺ ne in Hidayaat ki Hudood se baal barabar Tajawuz kiye bager ye poora Daur guzaar diya,*    

*📔 Mohsin E Insaniyat- ﷺ, 137,* ┵━━━━━━❀━━━━━━━━━━━━┵

                  ★ *Part–82_* ★

*⚂ MAKKI DAUR- DAWAT E AAM ⚂* ─━━━════●■●════━━━─

*❥❥_Kabhi kabhi Quresh ko Soch Bichaar se koi Aqali qism ki daleel bhi haath aa jati thi, Ek baat wo ye kehte they k Hum kab Buto ko khudawand Ta'ala ke muqam per rakhte Hai'n, Hum to sirf ye kehte hai'n k ye Jin Buzurgo ki Arwaah ke mazhar hai'n Wo Allah ke darbaar me hamare liye Shifarish karne wale hai'n aur in Buto ke aage Sajda v Qurbani kar ke hum Sirf Allah ke Huzoor Taqarrub Haasil karna Chahte hai'n,*

*❀_"_ Isi Tarah Ek Baat Wo ye kehte they k Hamare Nazdeek zindgi Sirf isi Duniya ki Zindgi hai, koi aur Aalam pesh aane wala nahi hai aur na hume dobara zinda kiya jane wala hai, Fir Aakhir hum Ek ese Deen ko kyukar Tasleem kare jo kisi doosri Duniya ka Tasavvur dila kar is Duniya ke Mufaad aur iski Dilchaspiyo se hume Mehroom karna chahta hai,*

*❀_"_ isi tarah Ek Baat wo ye kehte they k Agar Hum Dawate Muhammad ( ﷺ) ko maan le'n aur Mojooda Mazhabi v Ma'ashrati Nizaam ko toot jane de'n aur Apne qaa'im shuda Tasallut ko utha le'n to fir to humme se ek ek Shakhs ko Din Dahade chun chun kar uchak liya jayega, "_Wo kehte hai'n Agar hum tumhare Saath is Hidayat ki pervi Akhtyar kar le'n to Apni zameen se uchak liye jayenge _," ( Surah Al Qasas - 57)*     

*📔 Mohsin E Insaniyat- ﷺ, 138,* ┵━━━━━━❀━━━━━━━━━━━━┵      

                  ★ *Part–83_* ★

*⚂ MAKKI DAUR- DAWAT E AAM ⚂* ─━━━════●■●════━━━─

*❥❥ -Gaalam Galoj Ki ye Muhim Quresh ke Junoon v Mukhalfat ke tez hone ke saath Gundagardi ka Rang Akhtyar Karti chali ja rahi thi, Manfi Shararat ke Alambardaar jab Ruswayi aur Gaali Galoj ko Nakaam hote dekhte hai'n to fir Unka Agla Qadam Hamesha Gunda gardi hota hai, Makka walo ne Aan Hazrat ﷺ ko Takleef dene ke liye Wo Kameeni Harkate ki hai'n k Sahibe Risalat ﷺ ke alawa koi aur Daa'i hota to badi se badi Ulul Azmi ke Bavjood uski Himmat toot jati aur wo Qaum se Mayoos ho kar beth jata,*

*❀"_ Lekin Rasoole khuda ﷺ ki Sharafat aur Sanjidgi Gunda gardi ke chade hue dariya me se bhi Paak Daaman Ka'nwal ki tarah Sahi Salamat liye aage hi aage badhti ja rahi thi, Wo harkaat jo Roz marra ka Mamool ban gayi'n, Ye thi k Aapke Mohalle daar jo bade bade Sardaar they bade Ahatmam se Aapke Raaste me Kaa'nte bichhate they, Namaz padhte waqt Shor machate aur Hansi udate, Sajde ki Haalat me Ojhdiya'n la kar daalte, Chaadar ko lapet kar gala gho'nt te, Mohalle ke Ladko ko pichhe laga dete k Taaliya'n Peete aur Shor kare, Qur'an padhne ki haalat me Aapko Qur'an ko aur khuda Ta'ala ko gaaliya'n dete,*

  

*❀"_ Is maamle me Abu Lahab ke Saath Saath Uski Bivi bahut pesh pesh thi, Wo Bila Naaga Ka'i saal tak Aapke Raaste me galazat aur kooda karkat aur Kaa'nte jama kar kar ke daala karti thi aur Aan Hazrat ﷺ Rozana badi Mehnat se Raasta Saaf karte, Aapko us Kambakht ne is darja pareshan rakha k Allah Ta'ala ne Aapki Taskeen ke liye ye Khush Khabri sunayi k Mukhalif Muhaaz ki is leader ke Shohar Namuraad ke izaa rasa'n haath toot jane wale hai'n aur khud ye Begam Sahiba bhi Dozakh ke hawale hone wali hai,*

*❀"_ Ek martaba Haram me Aan Hazrat ﷺ Namaz me masroof they k Uqba bin Abi Muheet ne Chaadar Aapke gale me daali aur use khoob marod kar gala gho'nta, Yaha'n tak k Aap ghutno ke bal gir pade, isi Shakhs ne ek martaba Namaz ki haalat me Aap per ojhdi bhi daali thi,*           

*📔 Mohsin E Insaniyat- ﷺ, 139,* ┵━━━━━━❀━━━━━━━━━━━━┵     

                  ★ *Part–84_* ★

*⚂ MAKKI DAUR- DAWAT E AAM ⚂* ─━━━════●■●════━━━─

*❥❥_Ek Martaba Aap ﷺ Raaste Chalte ja rahe they k kisi Shaqi ne Sar per mitti daal di, Isi haalat me Aap ﷺ Sabr v isteqamat ke saath chup chaap ghar pahu'nche, Masoom Bachchi Fatima Raziyallahu Anha ne dekha to Aapka Sar dhoti jati thi'n aur Saath Saath maare gam ke roti jati thi'n, Aapne us nanhi si Jaan ko Tasalli di k Beti ! Ro'o nahi khuda tere Baap ko bachayega _,"*

*"❀_ Ek aur martaba Aap ﷺ Haram ne Namaz me Masroof they k Abu jahal aur Chand aur Quresh ko Tavajjo hui, Abu Jahal kehne laga - Kaash is waqt koi jata aur Ou'nt ki oajh Najasat Samet utha lata taki jab Muhammad (ﷺ) Sajde me jata to uski gardan per daal deta, Uqba ne kaha k ye khidmat Anjaam dene ke liye Banda Haazir hai, Oajh layi gayi aur Aap ﷺ ke ouper Sajde ki haalat me daal di gayi,*

*"❀_ Quresh Thathe maar kar Ha'nsi uda rahe they, Hazrat Fatima Raziyallahu Anha ko ittela hui to Aap daudi aayi'n aur Paak baaz Baap ki masoom Bachchi ne wo Saara Baare galazat Aapke ouper se hataya Saath Saath Uqba ko Bad Duae'n bhi deti thi'n,*

*"❀_ Kaa'nte bichha kar chaha gaya k Tehreek Haq ka Raasta ruk jaye, Gandgi Fai'nk kar koshish ki gayi k Toheed aur Husne Akhlaaq ke Paigaam ki Pakeezgi ko khatm kar diya jaye, Aan Hazrat ﷺ ko bojh tale daba kar ye Tawaqqo ki gayi k bas ab Sachcha'i Sar na utha Sakegi, Aapka gala gho'nt kar ye khayal kiya gaya k bas ab Wahi ilaahi ki Awaaz band ho jayegi,*

*❀"_ Kaa'nto se jiski Tawazo ki gayi wo barabar fool barsata raha, Gandgi Jiske ouper uchhali gayi wo Ma'ashre per musalsal mushk v Ambar chhidakta raha, Jis per bojh daale gaye wo insaniyat ke kandhe se Baatil ke bojh mutawatar utaarta raha, Jiski gardan gho'nti gayi Wo Tehzeeb ki gardan ko Rasmiyaat ke Fando se Nijaat dilane me masroof raha, Gunda gardi Ek Sanha ke liye bhi Sharafat ka Raasta na rok saki,*     

*📔 Mohsin E Insaniyat- ﷺ, 140,* ┵━━━━━━❀━━━━━━━━━━━━┵

                  ★ *Part–85_* ★

*⚂ MAKKI DAUR- DAWAT E AAM ⚂* ─━━━════●■●════━━━─

*❥❥_Himayatiyo Ko Todne Ki Koshish:-*

*❀"_ Dawate Haq ke Mukhalifeen jab Pani Sar se guzarta dekhte hai'n to ek Muhim ye Shuru Karte Hai'n k Tehreek Ya Uske qaa'id aur Alambardaaro ko Society me har qism ki Mo'assir Himayat v Hamdardi se mehroom Kara diya jaye, Barahe Raast Asar na daala ja sake to bil waasta Tareeqe se dabaav daal kar Tabdeeli ke Sipahiyo ko bebas kar diya jaye,*

*❀"_ Idhar Daa'i Haq Aan Hazrat ﷺ Apne Chacha Abu Taalib ki Sarparasti me they aur ye Sarparasti jab Tak qaa'im thi Goya poore Haashmi Qabile ki Asbiyat Aan Hazrat ﷺ ke Saath thi, Mukhalifeen ne Ab poora zor is baat per sarf kar diya k kisi tarah Abu Taalib per dabaav daal kar Aan Hazrat ﷺ ko unki Sarparasti se Mehroom kar diya jaye,*

*❀"_ Dabaav daalne ka ye Silsila der tak jaari raha, Magar Mukhalifeen ko har baar nakaami hui, Ek Roz Quresh ka Wafad Aan Hazrat ﷺ ke Chacha ke paas Pahu'nchta hai, Ye Log Apna mudd'a Yu'n bayan karte hai'n:-*

*"_ Ey Abu Taalib! Tera Bhatija hamare khudawando aur Thakuro ko gaaliya'n deta hai, Hamare Mazhab me Aib chhaa'ntta hai, Hamare Buzurgo ko Ahmak kehta hai aur Hamare Aslaaf ko Gumrah Shumar karta hai, Ab ya to tum usko hamare khilaaf esi Zyadtiya karne se roko ya hamare aur uske Darmiyan se tum nikal jao, Kyu'nki Tum bhi ( Aqeeda v Maslak ke Lihaaz se ) hamari tarah uske khilaaf ho, uski jagah hum tumhare liye kaafi ho'nge _,"*

*❀"_ Abu Taalib ne saari Guftgu thande Dil se suni aur Narmi se Samjha bujha kar maamla taal diya aur Wafad ko rukhsat kar diya, Aan Hazrat ﷺ Ba Dastoor Apne Mission ki khidmat lage rahe aur Quresh pech v taab khate rahe,*      

*📔 Mohsin E Insaniyat- ﷺ, 141,* ┵━━━━━━❀━━━━━━━━━━━━┵   

                  ★ *Part–86_* ★

*⚂ MAKKI DAUR- DAWAT E AAM ⚂* ─━━━════●■●════━━━─

*❥❥_ Mukhalifeen fir aate hai'n - "Ey Abu Taalib! Tum hamare Darmiyan Umr Sharf aur Qadro Qeemat ke Lihaaz se ek bada darja rakhte ho, Humne mutalba kiya tha k Apne Bhatije se hume bachaav lekin tumne ye nahi kiya, aur Khuda ki qasam jis tarah hamare Baap Daada ko gaaliya'n di ja rahi hai'n, Jis tarah hamare Buzurgo ko Ahmaq qaraar diya ja raha hai aur Jis tarah hamare Ma'aboodo per harf giri ki ja rahi hai, use hum bardasht nahi kar sakte, ila Ye k Tum use baaz rakho ya fir hum usse bhi aur tumse bhi ladenge, Yaha'n tak k Ek Fareeq ka khaatma ho jaye,*

*❀"_ Abu Taalib ne Aan Hazrat ﷺ ko bulaya aur Saara maajra bayan kiya, fir lajajat se kaha k Bhatije! Mujh per esa bojh na dalo jiska uthana mere bas se bahar ho_,"*

*❀"_ Ab esi Soorat aa gayi thi k Paa'nv jamane ke liye Sahare ka jo ek patthar haasil tha wo bhi mutzalzal hua jata tha, Ba Zaahir Tehreek ke liye intehayi khatarnak lamha aa gaya tha, Lekin doosri taraf dekhiye us Jazba Sadiqa aur us Azmiyat mujahidana ko k Jisse Sarshaar ho kar Aan Hazrat ﷺ ye jawab dete hai'n:- Chacha jaan ! Khuda ki qasam, Ye log Agar mere Daa'nye haath per Suraj aur Baa'nye haath per Chaand rakh kar chahe'n k is mission ko chhod du'n to Mai'n isse baaz nahi aa sakta, Yaha'n tak k Ya to Allah Ta'ala is mission ko Gaalib kar de ya Mai'n isi Jaddo jahad me khatm ho jaau'n _,"*

*❀"_ Yaha'n Wo Asli Taaqat bol rahi hai Jo Tareekh ko ulat palat ke rakh deti hai aur Mazahmato aur Shararato ko kuchalti hui Apne Nasbul Ain tak ja pahu'nchti hai, Afsos k Quresh isi Taaqat ka raaz na pa sake, Abu Taalib isi Taaqat ki Sahar Aafreeni se mutassir ho kar kehte hai'n k, Bhatije! Jao jo kuchh tumhe pasand hai uski Dawat do Mai'n kisi cheez ki vajah se Tumko nahi chhodunga _,"*     

*📔 Mohsin E Insaniyat- ﷺ, 143,* ┵━━━━━━❀━━━━━━━━━━━━┵

                  ★ *Part–87_* ★

*⚂ MAKKI DAUR- DAWAT E AAM ⚂* ─━━━════●■●════━━━─

*❥❥ _Ek aur Wafad Amarah bin Waleed ko saath le kar fir aaya, Ab ke ye log ek aur hi mansube ke saath aate hai'n, Abu Taalib se kehte hai'n k dekhiye ye Amarah bin Waleed hai Jo Quresh me se ek Mazboot aur khoobsurat Tareen jawan hai, ise le lijiye, iski Aqal aur iski Taaqat Aapke kaam aayegi, ise Apna beta bana lijiye aur iske Evaz me Muhammad (ﷺ) ko hamare hawale kar dijiye, Jisne k Aapke aur Aapke Aabao Ajdad ke Deen ki Mukhalfat shuru kar rakhi hai aur Aapki Qaum ka Shiraza darham barham kar diya hai, aur unke Buzurgo ko Ahmak thehraya hai, use hum qatl kar dena chahte hai'n, Sidha Sidha ek Aadmi ke badle me hum ek Aadmi Aapko dete hai'n,*

*"❀_ Wafad ki Guftgu sun kar Yaqinan Abu Taalib ke jazbaat per badi chot lagi aur kaha k tum log ye chahte ho k Tumhare Bete Ko to Mai'n le kar palu posu aur mere Bete ko tum le ja kar Talwaar ke niche se guzaar do, Abd tak esa nahi ho sakta,*

*❀"_ Maamla bad gaya, Kashmkash ki fiza garam ho gayi aur khud Wafad ittefaqe raay ka Rishta toot gaya, Ab Quresh ne Aan Hazrat ﷺ ke Raqfqa per Sakhtiya'n karne ke liye un Tamaam Qabilo ko uksana shuru kiya jinme Tehreeke islami ka koi fard paya jata tha, Zulm dhaye jane lage, islam se hatane ke liye Zulm v Zor se kaam liya jane laga,*

*❀"_ Lekin Allah ne Apne Rasool ko Abu Taalib ki aad khadi kar ke bacha rakha tha, Abu Taalib ne Quresh ke bigde Tever dekh kar Banu Haashim aur Banu Muttalib ke Saamne Aan Hazrat ﷺ ki Hifazat ke liye Apeal ki, Log jama hue aur Aap ﷺ Ki Himayat ke liye Tayyar ho gaye, magar Abu Lahab ne Sakht Mukhalfat ki aur baat Tay na ho saki,*      

*📔 Mohsin E Insaniyat- ﷺ, 144,* ┵━━━━━━❀━━━━━━━━━━━━┵

                  ★ *Part–88_* ★

*⚂ MAKKI DAUR- DAWAT E AAM ⚂* ─━━━════●■●════━━━─

*❥❥- Aage chal kar jab Tehreek Haq ne Mukhalifeen ki safo me se Hamza aur Umar Raziyallahu Anhum jesi do Hastiya'n chun Li to pech v taab ki nayi lehar uthi, Mehsoos kiya gaya k Muhammad ﷺ ki chalayi hui Hawa to Ab ghar ghar me Mahak rahi hai, kuchh karna chahiye, Abu Taalib ki Bimaari ki haalat me ye log fir pahu'nche, Ab ki Sceem ye thi k Muahida ( samjhota) ho jaye, Wafad ne kaha k Jo kuchh Soorare haal hai use Aap jaante hai'n, Apne Bhatije ko bulwaiye, Uske bare me humse Ahad lijiye aur hamare bare me uska Ahad dilwaiye, Wo humse baaz rahe hum usse baaz rahe, Wo humse aur hamare Mazhab se waasta na rakhe, hum usse aur uske mazhab se waasta nahi rakhte Hai'n,*

*"❀_ Rasoole Paak ﷺ bulwaye jate hai'n, Baat hoti hai aur Aap saara mutalba sunne ke baad jawab dete hai'n, Ey Ashrafe Quresh ! Mere is ek Kalme Ko maan lo to fir Arab v Ajam Sab Tumhare Zere Nagi'n ho'nge,*

*"❀_ Abu Jahal ne tang aa kar kaha - Haa'n! Tere Baap ki Qasam ! Ek kyu das kalme chalenge _," koi doosra bola- Ye Shakhs to khuda ki qasam tumhari marzi ki koi baat maanne ko Tayyar nahi, iske baad ye log mayoos ho kar chale gaye,*

*❀"_ Lekin us Wafad ki Guftgu ne Chand Haqeeqato ko numaya kar diya, Ek ye k Ab Tehreeke islami ko wo ek esi Taaqat maanne per majboor ho gaye they jisko Ukhedne ki koshish karne se zyada behtar Samjhote ki koi raah nikaalna tha, Doosre ye k Quresh Saari Shararato aur Zyadtiyo ko Aazmane ke baad ab apni bebasi ko mehsoos kar rahe they,*    

*📔 Mohsin E Insaniyat- ﷺ, 144,* ┵━━━━━━❀━━━━━━━━━━━━┵

      ★ *Part–89_* ★

*⚂ MAKKI DAUR- DAWAT E AAM ⚂* ─━━━════●■●════━━━─

*❥❥_ Insaane Aazam ﷺ Aulaade Aadam ki jis Sabse badi khidmat me masroof they usko nakaam banane ke liye Mukhalifeen Jin mukhtalif Tadbeero se kaam le rahe they un sabke Bavjood Dawat ka kaam jaari tha aur Kalma Haq Ko'npale nikaal raha tha,*

*❀"_ Makka Markaze Arab tha aur Har Taraf se Qafile aate jate they aur Daa'i Haq ke liye kaam ka nit naya maidaan Faraham karte, Sardarane Makka ki jo Dho'ns khud Makka ke basindo per chalti thi wo bahar se aane walo per nahi chal sakti thi, Tashveeshnaak moqa is pehlu ke Lihaaz se Hajj ka tha, Qabail Arab Zoq dar Zoq ma'a Apne Sardaaro ke Makka me ikatthe hote aur Nabi Akram ﷺ apna Paigaam failane ke liye khima ba khaima gardish me masroof ho jate,*

       

*❀_Chuna'che ek Saal mosame Hajj ki Aamad thi k Waleed bin Mugira ke Yaha'n Quresh jama hue aur Sar jod kar soch vichar me masroof ho gaye, Jhoote propogande ke liye Saazish ki jati hai, Dil Jis baat ko nahi maante usi ko le kar mukhalifana hungama jaari rakhne ki Sceem banti hai, Chuna'che is Majlis me Tay ho gaya k Mukhalif partiya'n Makka ko aane wale Raasto per chokiya'n laga de'n, aur aane wale har Wafad ko Muhammad ( ﷺ) aur Aapki Dawat ke bare me chokanna kar de'n,*

*❀"_ Chunache is mansoobe per Amal kiya gaya, lekin Natija ulta hua, Aan Hazrat ﷺ ka charcha Arab ke kone kone tak fail gaya aur jinko kuchh nahi maloom tha unko bhi maloom ho gaya k Ek nayi Dawat esi uthi hai aur uski Alambardaar Shakhsiyat Muhammad ﷺ ki hai _,*       

*📔 Mohsin E Insaniyat- ﷺ, 147,* ┵━━━━━━❀━━━━━━━━━━━━┵

                  ★ *Part–90_* ★

*⚂ MAKKI DAUR- DAWAT E AAM ⚂* ─━━━════●■●════━━━─

*❥❥- Rabi'a bin Ubada ka bayan hai k Mai'n Mina me Apne Baap ke Saath mojood tha jab Mai'n ek Nokhaiz ladka tha aur dekha k Rasulullah ﷺ Arbi Qabilo ki Aqamat gaaho me ja ja kar rukte aur farmate - "Ey Bani fala'n! Mai'n tumhari Taraf Allah ka Rasool hu'n, Tumse kehta hu'n k Allah ki ibaadat karo, aur uske saath kisi ko Shareek na karo aur uske Alawa un buto me se jiski bhi ibaadat kar rahe ho usse alag ho jao aur mujh per imaan lao, meri Tasdeeq karo aur meri himayat karo Yaha'n tak k Mai'n Allah ki taraf se saari baat khol kar rakh du'n Jiske Saath usne mujhe mamoor kiya hai _,"*

*❀"_ Ek Shakhs Adni Chaadar odhe Aan Hazrat ﷺ ke Saath Saath laga tha, Jab Rasulullah ﷺ Apni baat farma chuke to ye Shakhs Apni Haa'nkna shuru kar deta k, Ey Bani fala'n! Ye Shakhs tumko laat v Uzza se hata kar Bid'at v gumrahi ki taraf kheench le jana chahta hai, pas na iski suno na iski baat maano_,*

*"_ Wo Nojawan ye manzar dekh kar Apne baap se puchhta hai k kon hai jo Aan Hazrat ﷺ ke pichhe laga hua hai aur Aapki baat ki Tardeed kar raha hai, Jawab milta hai k ye Aapka Apna hi Chacha Abu Lahab hai,*

       

*❀_Nabi Kareem ﷺ Hajj ki tarah Melo ke ijtimaat me bhi Tashreef le jate they, Taki insaani ijtima se fayda uthaye'n, Ek martaba Bazaar Zuljaaz me pahu'nche aur Logo'n ko haq ka paigam suna kar kalma tayyaba ki dawat di, Abu Jahal Saath laga tha, Kambakht ko Bugz v Keena ne itna past kar diya tha k Mitti utha utha kar Aap per Fai'nkta aur saath saath pukarta k Logo'n iske qareeb me na aana, ye chahta hai k Laat v Uzza ki paristish chhod do,*

*❀"_ Mukhalifana Propoganda Ki is Toofani Muhim se Abu Taalib ko Tashveesh bhi laahiq hui k Kahi'n Arab ke Awaam ijtimayi Mukhalfat per na utar aaye'n, Unhone ek Taveel Qasida likh kar Kaaba me latka diya jisme ek taraf ye Safayi di k Maine Dawat e Muhammad ﷺ ko qubool nahi kiya, Lekin doosri taraf ye elaan bhi kiya k kisi Qeemat per Muhammad ko nahi chhod sakta aur uske liye Apni jaan tak de dunga,*      

*📔 Mohsin E Insaniyat- ﷺ, 148,* ┵━━━━━━❀━━━━━━━━━━━━┵

                  ★ *Part–91_* ★

*⚂ MAKKI DAUR- DAWAT E AAM ⚂* ─━━━════●■●════━━━─

*❥❥- Jab Kabhi koi Aham Shakhsiyat Makka me Waarid hoti to Tehreeke islami ke Mukhalifeen usko Rasulullah ﷺ ke asar se bachane ke liye poora jatan karte, magar basa Awqaat Asar ulta hota, is qism ke Chand khaas Waqiaat ka Tazkira zaruri maloom hota hai,*

*❀"_ Tufel bin Amru Dosi ek Shareef Mard aur Labeeb Shayar tha, Ek Martaba wo Aaya, Baaz Quresh ke afraad uske paas pahu'nche, kehne lage k Tufel ! Dekho tum hamare Shehar me aaye ho aur Yaha'n Muhammad (ﷺ) ki sargarmiya'n hamare liye na-qabile bardasht bani hui hai'n, Us Shakhs ne hamari Wehdat ka Shiraza bikher diya hai aur hamare Mufaad ko tukde tukde kar diya hai, Uski baate Jadugaro jesi hai'n, aur Ye Bete aur Baap me Bhai aur Bhai me Shohar aur Bivi me judayi dalwa raha hai, Hume tumhe aur Tumhari Qaum ke bare me Andesha hai k tum Kahi'n Uske Shikaar na ho jao, pas behtar ye hai k us Shakhs se na to baat karna aur na uski koi baat sunna,*

*❀"_ Tufel bin Amru Dosi Raziyallahu Anhu ka Apna bayan hai k un Logo'n ne us waqt Tak pichha na chhoda jab tak k Mai'n poori tarah qaa'il na ho gaya k na baat karunga na Sununga, Chuna'che jab Mai'n Masjide Haraam ki taraf jata to kaano me Roo'i thoo'ns leta,*

*❀"_ Ek martaba Rasulullah ﷺ Kaaba ke paas ibaadat me khade they to Mai'n bhi qareeb ja kar khada hua, Maine bahut hi khoob Kalam suna, fir Dil me Maine kaha k meri Maa'n mujhe roye, khuda ki qasam Mai'n ek Sahibe Aqal Aadmi hu'n, Shayar hu'n, Bure Bhale ki pehchan kar sakta hu'n, fir kya cheez mujhe un baato ko sunne se rok sakti hai jinhe ye kehta hai, Jo Paigaam ye laya hai wo Agar bhala hoga to Mai'n qubool kar lunga, Agar bura hoga to chhod dunga_,"*    

*📔 Mohsin E Insaniyat- ﷺ, 149,* ┵━━━━━━❀━━━━━━━━━━━━┵

                  ★ *Part–92_* ★

*⚂ MAKKI DAUR- DAWAT E AAM ⚂* ─━━━════●■●════━━━─

*❥❥- isi Soch Bichaar me kuchh waqt guzar gaya, Ab Huzoor ﷺ ghar ko chale, Tufel Raziyallahu Anhu bhi saath ho gaye, Raaste me saara qissa Sunaya k Mujhe Quresh ne kis Chakkar me daal rakha hai, Fir makaan per pahu'nch kar Darkhwast ki k Apna Paigaam irshad farmaiye,*

*"❀_ Rasulullah ﷺ ne islam ki Haqeeqat bayan ki aur Qur'an padh kar sunaya, Tufel Raziyallahu Anhu kehte Hai'n k "khuda ki qasam! Na isse badh kar Achchha kalaam maine kabhi suna na isse badh kar Sachcha Paigaam,*

*"❀_ Aur fir wo batate hai'n k Mai'n islam le aaya aur Haq ki gawahi di, in Tufel Dosi Raziyallahu Anhu ne Apne Qabile me ja kar pur josh Tareeqe se dawat ka kaam kiya aur poora Qabila mutassir hua, inke Tableegi Josh ka ye Aalam tha k ghar pahu'nch kar Jo'nhi Zaieful Umr waalid se Mulaqaat hui, kehne lage k na Aap mere na Mai'n Aapka ! Unhone puchha _ Bete ye Kyu'n ? Jawab diya k Ab Maine Muhammad ﷺ ka Deen Qubool kar liya hai aur Aapki pervi kar li hai, Waalid ne kaha k Bete! Jo tera Deen hai wohi Mera bhi hoga, foran naha kar islam Qubool kiya,*

*"❀_ Tufel Raziyallahu Anhu ne isi tarah Apni Bivi ko Dawat di aur usne bhi Labbek ki, Fir Qabile me Dawat E Aam ka silsila shuru kiya, baad me Aan Hazrat ﷺ rudaad bayan ki aur Apne Qabile ki kharabiya'n bayan kar ke Dua E Azaab ki Darkhwast ki, Magar Huzoor ﷺ ne Hidayat ki Dua ki aur Tufel Raziyallahu Anhu ko Takeed ki k Waapas ja kar Apne Logo'n me Dawat jaari rakho aur khaas Nasihat ki k unke Saath Narmi Barto,*     

*📔 Mohsin E Insaniyat- ﷺ, 150,* ┵━━━━━━❀━━━━━━━━━━━━┵

                  ★ *Part–93_* ★

*⚂ MAKKI DAUR- DAWAT E AAM ⚂* ─━━━════●■●════━━━─

*❥❥-- A'asha bin Qais bhi ek Mumtaz Shayar tha, Usne Rasulallah ﷺ ka Charcha suna aur is iraade se Makka ka rukh kiya k Ja kar islam Qubool kare, Usne Aan Hazrat ﷺ ki Shan me Qasida bhi kaha tha, Ab Jo'nhi ye Makka ki Hudood me pahu'ncha Ek Quresh Mushrik ne aa ghera aur unke Maqsad ke bare me khoj kured ki,*

*"❀_ Usne bataya k Mai'n Rasulullah ﷺ ki khidmat me ja kar islam Qubool karna chahta hu'n, is per baat chal padi, Mushrik hila Taraaz ne A'asha ki dukhti rago ko tatolne ke liye kaha k dekho Muhammad (ﷺ) to Zina ko Haraam thehrata hai, Ye Waar oachha pada to fir kaha k wo to Sharab se bhi rokta hai, Yaha'n tak k baato baato me A'asha ke iraade ko Kamzor kar diya,*

*❀"_ Chunache usne ye manwa liya k is martaba to tum Waapas chale jao aur Agle Baras aa kar islam Qubool kar lena, A'asha Waapas chala gaya aur isse pehle k wo Makka lautta Bad Naseeb ki maut waaqe ho gayi_,"*    

*📔 Mohsin E Insaniyat- ﷺ, 151,* ┵━━━━━━❀━━━━━━━━━━━━┵

                  ★ *Part–94_* ★

*⚂ MAKKI DAUR- DAWAT E AAM ⚂* ─━━━════●■●════━━━─

*❥❥ _Sabse zyada Dilchasp Waqi'a Mard Arashi Ka hai, Ye Makka me aaya Saath Ou'nt tha Jiska Sauda Abu Jahal ne chuka liya, Magar Qeemat ki Adaygi me taal Matol kiya, Ab ye Quresh ke mukhtalif Logo'n ke paas gaya k Koi Ou'nt ki Qeemat use dilwa de, Waha'n ek Majlis Arasta thi, Araashi ne Ahle Majlis se Apeal ki k Aapme se koi meri Raqam Abu Jahal se dilwa de, Mai'n ek Musafir bewatan hu'n aur mere Saath Zyadti ho rahi hai,*

*"❀_ Ahle Majlis me se kisi ki jurrat na thi k Wo Abu Jahal se ja kar ek Musafir ka haq dilwaye, isliye baat ko taalne ke liye ishara kar ke kehne lage k wo dekhte ho ek Shakhs ( Muhammad ﷺ) betha hai, Uske paas jao wo Wasooli Kara dega, Dar Asal ye ek tarah ka Mazaaq tha Kyu'nki Muhammad ﷺ se Abu Jahal ko jo Adawat thi wo Zaahir thi,*

*"❀_ Araashi Aan Hazrat ﷺ ke paas Pahu'ncha aur Apna maajra bayan kar ke madad talab ki, Aan Hazrat ﷺ uthe aur farmaya mere saath aao, Wo log dekhne lage k ab kya hota hai, Rasulullah ﷺ Haram se nikal kar Abu Jahal ke ghar per aaye, Darwaza Khatkhataya, Awaaz aayi kon hai ? Farmaya - Muhammad! Bahar aao mere paas, Abu Jahal nikla, Chehre ka rang bilkul uda hua tha, Aapne farmaya - is Shakhs ka haq ise de do, Chuna'che be chu'n Chara Abu Jahal ne Adaygi kar di_,"*

*"❀_ Araashi khush khush Haram ki us Majlis ki taraf palta aur Waqi'a Sunaya, Ye Asar tha us Azeem Character ka jo Muhammad ﷺ ki zaat me Jalwagar tha, Iska aitraaf khud Abu Jahal ne kiya aur Ahle Majlis se aa kar kaha k usne ( Muhammad ﷺ ne ) aa kar darwaza Khatkhataya maine uski Awaaz suni aur Yakayak ek Roab mujh per Taari ho gaya,*    

*📔 Mohsin E Insaniyat- ﷺ, 151,* ┵━━━━━━❀━━━━━━━━━━━━┵

                  ★ *Part–95_* ★

*⚂ MAKKI DAUR- DAWAT E AAM ⚂* ─━━━════●■●════━━━─

*❥❥_Muhajireen E Habsha Ke zariye islam ka Paigaam ek naye ilaaqe me ja pahu'ncha to waha'n se 20 iysaaiyo ka ek Wafad Makka aaya, Ye Log Masjide Haraam me Aan Hazrat ﷺ ki khidmat me aaye, bethe baat ki aur Sawalaat poochhe, Aan Hazrat ﷺ ne Qur'an Sunaya aur Dawate Haq pesh ki, Un Logo'n ki Aa'nkho me Aa'nsu bhar aaye, Allah ki pukar ko Qubool kiya, imaan laye aur Nabi Kareem ﷺ ki Tasdeeq ki,*

*❀"_ Jab ye uth kar nikle to bahar Qureshi Mukhalifeen Masjid ke gird mandla rahe they, Abu Jahal ne is Giroh ko nishana alamat banaya k tum bhi kya Ahmak log ho Jo Apne Deen ko Khairbaad keh diya, Wafad walo ne jawab diya, Aap Logo'n ko hamari taraf se salam arz hai, hume Aapke Saath koi jhagda nahi karna, hamara Raasta alag, Aapka Raasta alag ! Hum Apne Aapko ek bhalayi se mehroom nahi rakhna chahte _,"*

*❀"_ Bait E Uqba Saniya ki Saari Kaarwayi raat ki Tareeki me bade Ahatmam ikhfa ke saath isi vajah se Amal me layi gayi thi k Ashrare Makka ki taraf se Sakht mazahmat thi, Ahle Wafad jab Bait ki Majlis se faarig ho kar qayamgaho me pahu'nche to Quresh ke Sardaaro ne unko waha'n pakad liya, inki mujhbari ka Nizaam esa Mazboot tha k inhone Bait ka qissa bayan kar ke kaha k tum hamare Aadmi ( Muhammad ﷺ) ko nikaal le jana chahte ho aur uske haath per Tumne hamare khilaaf Jung karne ka paimaan baa'ndha hai, khoob samajh lo k Tum log Agar hume aur Ahle Arab ko Lada doge to Tumse badh kar Qabile nafrat hamari nigaaho me koi doosra nahi ho sakta _,"*

*❀"_ Ansar ne baat ko chhupane ki koshish ki, Chuna'che us waqt to baat Tal gayi aur Ansari Qafila rawana ho gaya, lekin Quresh baad me barabar Tajassus me lage rahe aur poori ittela pa Li, Ansari Qafile ka puchha kiya gaya aur Sa'ad bin Ubada aur Manzar bin Amru Raziyallahu Anhum unke haath aa gaye, Ye dono apne apne Qabilo per Bait ke dauraan Naqeeb muqarrar hue they, Manzar to they hi kamzor Aadmi, Sa'ad bin Ubada ko Quresh ne pakad liya aur Unke Haath gardan ke saath baa'ndh diye aur giraftaar kar ke Makka le gaye, Makka pahu'nch kar khoob maara, Unhe Baal pakad kar jhanjhoda _,"*   

*📔 Mohsin E Insaniyat- ﷺ, 151,* ┵━━━━━━❀━━━━━━━━━━━━┵

                  ★ *Part–96_* ★

*⚂ MAKKI DAUR- DAWAT E AAM ⚂* ─━━━════●■●════━━━─

*❥❥- Sa'ad bin Ubada Raziyallahu Anhu ka khud apna bayan hai k isi haalat me Quresh ka Ek Aadmi Aaya jiska chehra Roshan aur Wajahatdaar tha, Lamba aur khoobsurat! Maine Dil me kaha k Agar is Qaum me koi khair baqi hai hai to iski Tawaqqo isi Shakhs se ki ja sakti hai, Wo jab qareeb aaya to usne haath utha kar zor se mujhe thappad lagaya, Ab Dil me Maine Samajh liya k is Giroh me bhalayi ki koi ramaq baqi nahi,*

*❀"_ Aakhir ek Shakhs ne Narmi ke Saath puchha k kya Tumhara koi Aadmi Quresh me esa nahi hai k Jisse Tumhara koi Bhaichara ya koi Ahad v Paimaan ho ? Maine Juber bin Mut'am aur Haaris bin Harb ke naam liye, Usne kaha fir Pukaro unke naam aur jo Talluq unke saath hai use bayan karo, Chunache maine esa hi kiya, Wohi Shakhs unhe dhoo'ndne nikla, Wo dono paas hi mil gaye aur unhone aa kar mujhe chhudaya,*

*❀"_ islam ki Mukhalfat ki Muhim ka ek Sarkheel Nafar bin Haaris bhi tha, Ye Apni Tijarat ke liye Aksar Faaras jata, Waha'n se Shahane Ajam ke Tareekhi qisso bhi jama kar lata aur Adabi Andaz se Kahaniya'n bhi, Chuna'che isne Makka me Qur'an ke inqilabi Adab ke muqable per Hajam ke Salfi Adab ka adda qaa'im kiya aur Logo'n ko Dawat deta k Muhammad ( ﷺ) se Aad v Samood ke feeke qisse kya Sunte ho, Aao Mai'n tumko Rustam v Asfanad ki Sarzameen ki Chatpati Kahaniya'n sunau'n _,"*

*❀"_ Nafar bin Haaris ko ek Mustaqil insaani kirdaar bana kar Qur'an ne hamare Saamne Yu'n rakha hai k:- "Aur Logo'n me ek kirdaar esa bhi hai jo Dil behlane ke Afaano ka kharidaar hai taki unke zariye ( Logo'n ko) Allah ke Raaste se bager Samjhe boojhe behkaye aur uska Mazaaq Udaye _," ( Surah Luqman -2)*     

*📔 Mohsin E Insaniyat- ﷺ, 152,* ┵━━━━━━❀━━━━━━━━━━━━┵

                  ★ *Part–97_* ★

*⚂ MAKKI DAUR- DAWAT E AAM ⚂* ─━━━════●■●════━━━─

*❥❥_ Ye Nafar bin Haaris wo hai Jisne Ek Majlis me Abu Jahal ke Saamne Dawate Muhammad ﷺ ke mozu per ye Taqreer ki thi:- Ey Giroh Quresh ! Tumhare ouper ek maamla aa pada hai k Aage chal kar iske khilaaf tumhara koi Hila Kaargar na hoga, Muhammad (ﷺ) tumhare Darmiyan ek man mohna no Khaiz ladka tha, Tum Sabse bad kar Raast go tum Sabse bad kar Amanatdaar! Yaha'n tak k Jab uski Kanpatiyo me Safed Baal aa gaye aur usne tumhe apna wo Paigaam diya to ab tum kehte ho k wo Jadugar hai, Kehte ho k wo Kaahin hai,.. kehte ho k wo Shayar hai... Aur kehte ho k wo Diwana hai .. inme se koi baat bhi durust nahi hai, Ey Giroh Quresh! Apne moquf per gor karo, kyunki khuda tumhare Saamne Ek Amre Azeem aa chuka hai _,"*

*❀"_ Nafar bin Haaris ki ye Taqreer batati hai k wo Dawate Muhammad ﷺ ki Azmat ko bhi Samajhta tha aur Mohsin E Insaniyat ke Kirdaar ki raf'at se bhi Agaah tha, Wo Apne Zameer ko pamaal kar ke Huzoor ﷺ ke Paigaam ki Mukhalfat ke liye Shaitani Tarkeebe nikalta tha, Use Andaza tha k Ek Ba Maqsad Tehreek ke Sanjida Paigaam ke muqable me Aam Logo'n ke liye Salfi Adab me zyada kashish ho sakti hai, isliye usne Salfi Adab ke Ek Maktab ki ibtida kar di,*

*"❀_ Nafar bin Haaris kaha karta tha k, "Mai'n Muhammad (ﷺ) se zyada Dilchasp Kahaniya'n pesh karta hu'y, Fir jab wo Ajmi Dastaane bayan karta to kehta k Aakhir Muhammad ( ﷺ) ki baate kis pehlu se meri baato se zyada Dilchasp hai'n, Doosri taraf wo Huzoor ﷺ ke kalaam per Asateer Awwaleen ki phabti kasta,*

*"❀_ Itna hi nahi usne gaane bajane wali ek fankaar londi bhi khared ki thi, Logo'n ko jama kar kar khane khilata, Fir us Londi se gaane Sunwata, Jis Nojawan ke mutalliq maloom ho jata k wo islam ki taraf raagib ho raha hai to uske Yaha'n us Fankaar londi ko le jata aur use Hidayat karta k Zara ise khila pila aur mosiqi se shaad kaam kar, Art aur culture ke ese mazahire ke baad Tanz kar ke kehta k Muhammad ( ﷺ) jis kaam ki taraf bulate hai'n Wo mazedaar hai ya ye ?*

*®_( Seerate Mustafa- Maulana Idrees Kandhalvi -1/188)*

*❀"_ Lekin Paigame Haq aur Ek Ba Maqsad Tehreek ke muqable me ye Sab Nateeja khair Saabit na hue, Chaar din Dhoom Dhaam rahi fir ye saare hungame thande pad gaye,*    

*📔 Mohsin E Insaniyat- ﷺ, 153,* ┵━━━━━━❀━━━━━━━━━━━━┵

                  ★ *Part–98_* ★

*⚂ MAKKI DAUR- DAWAT E AAM ⚂* ─━━━════●■●════━━━─

*❥❥-_Chuna'che Apne is Harbe me Nakaam ho kar yahi Nafar bin Haaris Quresh ke Sardaaro ke Mashware se Yahoodiyo ke Molviyo'n ke Paas Madina pahu'ncha k Tum ilm rakhte ho to hum be ilmo ko batao k Hum Tehreeke islami se kese nipte, aur kese Daa'i Haq ko kese Shikasht de'n, Ulma E Yahood ne sikhaya k us Shakhs se Aahabe Kahaf aur Zul Qarnain ka qissa dariyaft karo aur Rooh ki Haqeeqat puchho, Chuna'che Faislakun Andaz se ye Sawalaat rakhe gaye, Wahi E ilaahi ne itminaan Bakhsh jawab de diye, Lekin Kufr ki hat ka kya ilaaj?*

*❀"_ ibtidayi Khufiya Marhale se nikalne ke baad islami Tehreek jab tezi se failne lagi aur fir Aage chal kar jab Propogande aur Tashaddud ki mukhtalif Tadbeere Nakaara saabit hui to esi Koshishe hone lagi, K kisi tarah Samjhote ki Raah nikle aur kuchh Maan kar aur kuchh manwa kar jhagda khatm Kiya ja sake, Magar Usooli Tehreeko me itni lachak hoti hi nahi k Len den kar ke koi darmiyani Raah paida kar li jaye,*

*❀"_ Unki ek Shart Samjhote ki ye thi k Huzoor ﷺ unke Buto v Ma'aboodo ke khilaaf zuban na khole aur unke mazhab ko bura na kahe, aur iske alawa Jo kuchh Wa'az bhi karna chahe aur jesi kuchh Akhlaqi Nasihate farmana chahe gawara kar li jayengi, Yani "La ilaaha" na kahe mahaz Allah ka naam lene ki gunza'ish ho sakti hai,*

*"❀_ isi tarah unki taraf se Khwahish ki gayi k ( Surah Yunus-15) Yani is Qur'an ko to Baala E Taaq rakh do aur koi doosra Qur'an lao, Ya isme raddo badal kar lo ( taki kuchh hamare Taqazo ke liye bhi gunza'ish nikle)*

*❀"_ iska Jawab Wahi E ilaahi ke Alfaaz me Huzoor ﷺ ki Zuban Mubarak se ye dilwaya gaya k, "_Mera ye Akhtyar nahi, k is ( Qur'an ) ko Bator khud badal lo, jo kuchh mujh per wahi kiya jata hai, uske ma Siva kisi aur cheez ki pervi nahi kar sakta, Mai'n agar Apne rab ki Nafarmani karu'n to Yaume Azeem ( Qayamat) ke Azaab ka Andesha rakhta hu'n, isse badh kar Zaalim aur kon hoga jo koi galat baat ( Apni taraf se ghadh kar ) Allah Ta'ala se mansoob kar de _," ( Surah Yunus-15)*     

*📔 Mohsin E Insaniyat- ﷺ, 153,* ┵━━━━━━❀━━━━━━━━━━━━┵

                  ★ *Part–99_* ★

*⚂ MAKKI DAUR- DAWAT E AAM ⚂* ─━━━════●■●════━━━─

*❥❥_Masalihat ( Samjhote) ki Raah nikalne ke Liye Mukhalifeen ne Huzoor ﷺ ke Saamne Ek Mutalba ye bhi rakha k Agar Aap Apne Halqe se Hamare Ma'ashre ke Ghatiya Logo'n, Hamare Gulamo aur Kal ke Lo'ndo ko nikaal de'n to Fir hum Aapke Paas aa kar bethe aur Aapki Talimaat ko sune, Aakhir mojooda Halaat me hamare martabe se ye ba'ied hai k hum koi istefada kar sake, Panch Logo'n ne hamara Raasta rak rakha hai, Yaha'n hum unko dekhte hai'n k wo Tehreek ke Khawas bane bethe hai'n aur unko badi Qurbat haasil hai, Unhi logo'n ke bare Aksar Tanzan kaha karte they k ye hai'n wo Hastiya'n jo Qaisar v Kisraa ki jaanasheen banne wale hai'n _,"*

*❀"_ Qabl iske k Huzoor ﷺ ke Dil per is Fareb karana khwahish ka koi Asar hota Qur'an ne Aap per Waaze kiya k ye to Mukhalifeen ki mahaz ek chaal hai Jese k wo jumla Ambiya ke khilaaf chalte rehte they, Maslan Theek esi hi baat Nooh Alaihissalam ke Saamne bhi rakhi gayi thi, ( Hood-27) Pas Aap un Saathiyo ko Mukhalifeen ke liye Apne qareeb se hargiz mehroom na kare'n Jo Subeh v Shaam khuda ka naam pukarne wale hai'n _," ( An'ama -52)*

*❀"_ Balki Hidayat di gayi k ikhlaas ke ye Paikar jo Tarah Tarah ki musibate utha rahe hai'n, Inko Apne Saaya Shafqat me rakho, aur imaan lane walo me se jo log Tumhari pervi Akhtyar kare'n, Unke Saath Tawazo se pesh aao _, ( Ash- Shu'ara- 215)*

*❀"_ Balki Ek moqe per ek Mukhalif se Guftgu karte hue Huzoor ﷺ ne ek Nabina Sahabi ( Ibne umme Maktoom) ki mudakhlat ko na pasand kiya to itni si baat per Tambeeh aa gayi_," ( Surah Abasa- 1 se 10)*      

*📔 Mohsin E Insaniyat- ﷺ, 154,* ┵━━━━━━❀━━━━━━━━━━━━┵

                  ★ *Part–100_* ★

*⚂ MAKKI DAUR- DAWAT E AAM ⚂* ─━━━════●■●════━━━─

*❥❥ isi Silsile me ek baar Mukhalifeen Quresh ki Majlis me gor v Fikr ho raha tha aur doosri taraf Rasoole khuda ﷺ Haram me tanha Tashreef farma thay, Uqba bin Rabi'a ne Ahle Majlis se kaha k Agar Tum log pasand Karo to Mai'n Muhammad (ﷺ) ke paas ja kar baat karu'n aur uske Saamne esi Soorte'n pesh Karu'n Jinme se mumkin hai k kisi ko wo chahe to Qubool kar le, aur fir hum use Apna kar de'n aur Wo hamare muqable se baaz aa jaye,*

*❀"_ Ye Sareeh Tor per Saudabaazi ki ek Tajveez thi aur Yaha'n tak Agar Quresh aa pahu'nche they to Dar Haqeeqat Hazrat Hamza Raziyallahu Anhu ke imaan lane aur Tehreek ke tezi se failne ki vajah se majboor ho kar aa pahu'nche they, Majlis ki Razamandi se Uqba ne Huzoor ﷺ se ja kar Yu'n Guftgu ki :-*

*"❀_ Ey Bradar Zaade ! Tumhara jo kuchh martaba hamare Darmiyan hai Wo Tum khud jaante ho, Khandaan bhar me Tumhara Muqaam buland hai aur Nasab ke Lihaaz se tum ek Shaan rakhte ho_," is khushamad Aamez magar mubni Bar Haqeeqat baato ke baad Uqba ne Shikayat ki k Tumne Qaum ko badi uljhan me daal diya hai, Unki Wehdat ko paara paara kar diya hai, Unke Akaabir ko Ahmak qaraar diya hai, Unke Ma'aboodo aur unke Deen me aib lagaya hai, Unke guzre hue Aaba v Ajdaad ki Takfeer kar daali hai, Ab meri baat suno aur Mai'n Jo Jo kuchh pesh karta hu'n un Saari Soorto per gor karo, Shayad k Tum unme se koi baat Qubool kar lo,*

*❀"_ Huzoor ﷺ ne farmaya, "_Tum kaho Ey Abul Waleed ! Mai'n sununga _," Uqba ne Hasbe zel Soorto ki pesh kash ki:- Agar is Sare Hungame se Tumhara maqsad Daulat ho to fir hum tumhare liye itna maal jama kar de'n k tum hum Sabse bad kar Maaldaar ho jao,"*

*"_ Agar tum iske zariye Sardaari v Qayadat chahte ho to hum tumhe Apne ouper Sardaar muqarrar kar lete Hai'n, Yaha'n tak k Tumhare bager hum kisi bhi maamle me koi faisla nahi karenge _,"*

*"❀_ Agar Tum Baadshahat chahte ho to hum Tumhe Apna Baadshah Tasleem kiye lete Hai'n, aur Agar ye is vajah se hai k Tum per kisi Jinn vagera ka Saaya hota hai aur Wo Tum per Musallat ho jata hai to fir hum kuchh Chanda vagera kar ke tumhare liye ilaaj ka Samaan kare'n, Fir ya to tumhe isse Nijaat dila de'n ya Nakaami ho to ma'zoor Samjhe'n _,"*    

*📔 Mohsin E Insaniyat- ﷺ, 154,* ┵━━━━━━❀━━━━━━━━━━━━┵

                  ★ *Part–101_* ★

*⚂ MAKKI DAUR- DAWAT E AAM ⚂* ─━━━════●■●════━━━─

*❥❥_Poori pesh kash ko sun kar Huzoor ﷺ ne farmaya - Abu Waleed ! Kya Tum Apni baat keh chuke ? Usne kaha - Haa'n, Farmaya - To Ab meri suno, usne kaha - kaho ! Huzoor ﷺ poori pesh kash ko ek taraf daal kar Qur'an ki Ayaat sunani shuru ki ( Hameem Sajda- 1 se 5 tak),*

*"❀_ Huzoor ﷺ jab tak Sunate gaye Uqba dono haath pichhe le ja kar un per tek lagaye hue chup chaap sunta raha, Huzoor ﷺ ne Sajda Tilawat aane per qiraat roki aur Sajda kiya, fir farmaya - Abu Waleed ! Tumne sun liya jo kuchh suna, Ab tu jane aur ye _,"*

*"❀_ Uqba utha aur Apne Saathiyo ke paas Pahu'ncha, Unhone Nazar padte hi kaha k Uqba ka Chehra badla hua hai, Ab wo rang nahi Jo jate waqt tha, Tashveesh ke saath Unhone maajra puchha, Uqba ne kaha - maajra ye hai k Maine esa kalaam suna hai k jesa kabhi nahi suna, Ba Khuda na wo Shayr hai, na jaadu hai aur na Kahanat hai, Ey Giroh Quresh meri baat maano aur uski zimmedari mujh per rehne do, Us Shakhs ko uske haal per chhod do aur uske pichhe na pado, khuda ki qasam jo kalaam maine usse suna hai isse Yaqinan koi bada natija nikalne wala hai, Agar Ahle Arab ne usse nipat liya to doosro ke zariye tumhe usse Nijaat ho jayegi aur Agar wo Arab per chha gaya to uski Saltnat tumhari hi Saltnat hogi, aur uski Taaqat tumhari Taaqat hogi, aur tum uske waaste se Logo'n me Sabse badh kar khush naseeb ho jaoge _,"*

*❀"_ Uqba ki baat sun kar Majlis me Yu'n Mazaaq udaya gaya k Abu Waleed uski zuban ka jaadu to tum per bhi chal gaya, Uqba ne kaha k uske mutalliq meri raay to yahi hai jo Maine keh di, Ab tum Jo chaho karo,*      

*📔 Mohsin E Insaniyat- ﷺ, 157,* ┵━━━━━━❀━━━━━━━━━━━━┵

                  ★ *Part–102_* ★

*⚂ MAKKI DAUR- DAWAT E AAM ⚂* ─━━━════●■●════━━━─

*❥❥- Ek koshish is Silsile me aur ki gayi, Bade bade Sardaar.. Utba bin Rabi'a, Shiba bin Rabi'a, Abu Sufiyan bin Harb, Nafar bin Haaris, Abul Bakhtari bin Hisham, Aswad bin Mutalib, Zam'a bin Aswad, Waleed bin Mugira, Abu Jahal bin Hisham, Abdullah bin Abi Umayya, Aas bin Waa'il, Nabiya aur Munha Abna'e Hijaaj, Umayya bin khalf .. gurube Aaftab ke baad Kaaba ke paas jama hue, inhone Rasoole khuda ﷺ ko bulwa bheja, Huzoor ﷺ Achchhi Tawaqqoat ke saath jald jald aa pahu'nche, Unhone Apni usi pesh kash ko jo pehle Uqba ke Zariye pahu'nchayi gayi thi, Ek baar fir dohraya, use Sun kar Huzoor ﷺ ne ye jawab diya:-*

*❀"_ Tum log jo kuchh keh rahe ho, Mera Maamla usse mukhtalif hai, Mai'n Jo Dawat tumhare Saamne le ke utha hu'n, ise isliye nahi pesh kar raha k iske Zariye tumse maal v daulat haasil karu'n ya Tumhare ouper Baadsahat qaa'im karu'n, Mujhe to khuda ne tumhare Saamne Apna paigambar bana kar uthaya hai, Usne mujh per kitaab utaari hai aur mujhe hukm diya hai k Tumhare liye Basheer v Nazeer banu,*

*❀"_ So maine khuda ki Hidayaat tum tak pahu'ncha di hai'n aur Tumhari khair khwahi ka haq ada kiya hai, Ab Jo kuchh Mai'n laya hu'n Agar ise tum Qubool kar lo to wo Tumhare liye Duniya v Aakhirat ki Bhala'i ka zariya hai aur Agar tum ise meri taraf Waapas Fai'nk do to Mai'n Allah ke hukm ke intezar me Sabr dikhaunga, Yaha'n tak k khuda mere aur Tum Logo'n ke Darmiyan Apna faisla saadir farma de,*

*"❀_ Ye jawab Sun kar jab unhone dekha k Aage badhne ka Raasta nahi mil raha, to tarah tarah ki Hujjate nikalna shuru ki, Maslan ye kaha k Tum jaante ho k hamari ye Sar Zameen bahut hi tang hai, isme Pani ki kami hai aur Yaha'n ki zindgi bahut Kathin hai, Tum khuda se kaho k wo in pahaado ko Yaha'n se hata de aur hamari zameen ko Kushada kar de aur isme Shaam v Iraq ki tarah Dariya chala de, Fir ye kaha k khuda hamare Aaba v Ajdaad ko utha khada kare, aur unme Qusa'i bin Kilaab zaroor shamil ho kyunki wo Mard Buzurg Bada Raast baaz tha,*     

*📔 Mohsin E Insaniyat- ﷺ, 158,* ┵━━━━━━❀━━━━━━━━━━━━┵           

                  ★ *Part–103_* ★

*⚂ MAKKI DAUR- DAWAT E AAM ⚂* ─━━━════●■●════━━━─

*❥❥_Hum Usse Tumhari Dawat ke bare me dariyaft karenge k ye Haq hai Ya Baatil! Fir hamare Aslaaf zinda ho kar Agar tumhari Tasdeeq kar de'n aur Tu Wo baate kar dikhaye Jinka maatlba humne kiya hai to hum tumhari Tasdeeq karenge aur khuda ke Yaha'n tumhara ye martaba hume Tasleem hoga k usne tumhe Waqa'i Rasool bana ke bheja hai,*

*❀"_ Fir kaha k ye bhi nahi karte to hum per Azaab hi Waarid Kara do, Huzoor ﷺ mutalbaat per baar baar apni wohi baat dohrate chale gaye aur kehte gaye k in kaamo ke liye mujhe nahi uthaya gaya _,"*

*❀"_ Aakhir Jab Huzoor ﷺ uth khade hue to Aapke Saath hi Saath Abdullah bin Abi ( Jo Huzoor ﷺ ka Foofizaad Bhai tha) bhi uth khada hua aur Aapse mukhatib ho kar kehne laga k Tumhari Qaum ne Tumhare Saamne kuchh baate rakhi, lekin tumne koi pesh kash bhi Maan kar nahi di, Ab to khuda ki qasam Mai'n Tumhare ouper imaan nahi launga khwah tum Aasmaan per Seedi laga kar us per chadhte hue dikhayi kyu na de jao aur fir Aa'nkho ke Saamne utro aur Tumhare Saath Chaar Farishte bhi aa kar tumhari Sadaqat ki gawahi kyu na de de'n, Khuda ki qasam Agar Mai'n esa Karu bhi to Mera qat'an ye khayal nahi k Mai'n Haqiqatan Tumhari Tasdeeq karunga _,"*

*❀"_ Ese hi Waqi'aat me se ek ye hai k Safar Taa'if ke baad jab Huzoor ﷺ ne Makka se nikal kar Aas Paas ke Qabilo me Paigaam Pahu'nchana shuru kiya to ek baar Qabila Banu Aamir bin Sa'asa ke Yaha'n bhi pahu'nche aur Sadaar Qabila Bahira bin Faraas se Mulaqaat ki, Usne Huzoor ﷺ ki Dawat suni fir Saathiyo se kehne laga- Ba khuda agar Quresh ka ye Nojawan mere haath aa jaye to Mai'n iske Zariye Saare Arab ko mutthi me le lu'n _," fir Aapko khitaab kar ke puchha k agar hum log is Dawat ko Qubool kar le'n aur Tum Mukhalifeen per Gaalib aa jao to kya ye Waada karte ho k Tumhare baad ye Saara silsila meri Tahveel ( qabze) me aa jayega ?*

*"_ Aap ﷺ ne jawab diya k, Ye to khuda ke Akhtyar me hai, wo jise chahega mere baad muqarrar karega _,"*

*❀"_ Bahira ne is per kaha k kya khoob ! Is waqt to Arab ke Saamne hum Seena Sipar ho'n aur jab Tumhara kaam ban jaye to Fayda koi doosra haasil kar le jaye, Jao humko is Silsile se koi matlab nahi_,"*    

*📔 Mohsin E Insaniyat- ﷺ, 159,* ┵━━━━━━❀━━━━━━━━━━━━┵

                  ★ *Part–104_* ★

*⚂ MAKKI DAUR- DAWAT E AAM ⚂* ─━━━════●■●════━━━─

*❥❥_Barahe Raast Aan Hazrat ﷺ ke khilaaf to Har ghadi aur har har Saa'ns gona go Zyadtiya'n ki hi jati rahi, Lekin Aapke Rafqa ko jo Aziyate di jati thi'n wo bhi bil waasta Aap hi ke Hassas qalb ko chhalni karne wali thi'n, Ab dekhiye k kis per kya guzri ?*

*❀"_ Khabbab bin Art Tamimi Raziyallahu Anhu Jaahiliyat ke daur me Gulam bana kar bech daale gaye they, aur Umme Namar ne unko kharida tha, Ye jis Waqt imaan laye Quresh ne jalte Angare bichha kar unko Bistare Aatish per litaya, aur Chhaati per ek Shakhs khada ho gaya taki karwat na badal sake, Angare peeth ke niche hi thande ho gaye,*

*❀"_ Baad me Khabbab Raziyallahu Anhu ne Hazrat Umar Raziyallahu Anhu ko ek martaba peeth dikhayi to Safed Kod ki tarah safed daag us per numaya they, Pesha ke Lihaaz se ye Lohaar they, islam lane ke baad jab inhone Logo'n se Wajibul Wasool ujrato ka Taqaza kiya to jawab mila k jab tak Muhammad ﷺ ka inkaar nahi karoge, Ek Kodi bhi nahi milegi, Ye Goya Ma'ashi Chot lagayi ja rahi thi, magar haq ka ye Sipahi kehta k tum log jab tak mar kar zinda na ho jao esa nahi ho sakta,*

*❀"_ Hazrat Bilaal Raziyallahu Anhu bin Rabah Habshi Umayya bin khalf ke Gulam they, Jab Suraj theek nisfun nahaar per aa jata to Arab ki Tapti ret per inko litaya jata aur Seene per bhaari Patthar rakh diya jata taki karwat na badal sake, Umayya is haalat me inse kehta k islam se baaz aa jao Varna isi tarah khatm ho jaoge, Hazrat Bilaal jawab me Sirf "Ahad ! Ahad !" Pukarte,*

*"❀_ Umayya ka gussa aur bhadak gaya, usne Aapke gale me Rassi daal kar Shehar ke Lo'ndo ko Saath laga diya, wo Aapko gali gali ghaseette firte lekin ye Aashiq jaa'nbaaz usi tarah Ahad Ahad pukarta firta, kabhi Aapko Gaay ki khaal me lapeta jata, Kabhi Apni zira pehna kar tez dhoop me bithaya jata, Hazrat Abu Bakar Siddiq Raziyallahu Anhu ne Umayya bin khalf se ek gulam ke Evaz me khareed kar Azaad kar diya _,"*     

*📔 Mohsin E Insaniyat- ﷺ, 161,* ┵━━━━━━❀━━━━━━━━━━━━┵           

                  ★ *Part–105_* ★

*⚂ MAKKI DAUR- DAWAT E AAM ⚂* ─━━━════●■●════━━━─

*❥❥_ Ammar bin Yaasir Raziyallahu Anhu Quhtani Asal they, inke Waalid Yaasir Raziyallahu Anhu Yaman se Apne Do Bhaiyo'n ke Saath ek Gumshuda Bhai ki Talash me aaye they, Do Bhai to Waapas chale gaye aur Yaasir Abu Huzaifa Makhzumi se Halifana Talluqaat qaa'im kar ke Makka me hi reh gaye aur Yahi Shaadi Kar li,*

*❀"_ Yaasir Raziyallahu Anhu Samet Taqriban Saara hi gharana islam le aaya, Chu'nki Ammar bin Yaasir Raziyallahu Anhu ka koi Qabila Makka me na tha isliye un per khoob sitam dhaye jate, Unhe islam Qubool karne ke jurm ki saza Yu'n di jati k unko bhi jalti Zameen per litaya jata aur Quresh unko itna maarte k baar baar behosh ho jate, inke Walden per bhi isi tarah Zulm kiya jata,*

*❀"_ Pani me unko gote bhi diye jate aur Angaro per bhi tadpaya jata, Huzoor ﷺ inke Sar per Daste Shafqat fair kar khaas dua karte aur Basharat dete, Hazrat Ali ki Rivayat hai k Huzoor ﷺ farmate k Ammar sar se per tak imaan se bhara hua hai,*

*❀"_ Hazrat Sumayya Raziyallahu Anha jo Hazrat Ammar Raziyallahu Anhu ki Walida thi'n, unko islam lane per Abu Jahal ne Nihayat Wehshana Tareeqe se Barchhi maar kar Halaak kar diya, Yahi Awwaleen Khatoon hai jo Raahe Haq me Shaheed Hui, Hazrat Yaasir Raziyallahu Anhu Jo Hazrat Ammar Raziyallahu Anhu ke Waalid they Wo bhi Zulm Sehte Sehte Shaheed ho gaye,*   

*📔 Mohsin E Insaniyat- ﷺ, 161,* ┵━━━━━━❀━━━━━━━━━━━━┵

           ★ *Part–106_* ★

*⚂ MAKKI DAUR- DAWAT E AAM ⚂* ─━━━════●■●════━━━─

*❥❥_ Suhaib Raziyallahu Anhu bhi Ammar Raziyallahu Anhu ke saath imaan laye they, inko is bedardi se mara jata tha k Dimagi Tawazan baar baar Darham Barham ho jata, Daure Hijrat me Quresh ne inko is Shart per Madina jane ki ijazat di k Apna Saara maal v Asbaab de jaye'n, inhone ba khushi manzoor kiya aur Khali haath nikal gaye,*

*❀"_ Abu Faqeeh Raziyallahu Anhu Safwan bin Umayya ke Gulam they aur islam lane me Hazrat Bilaal Raziyallahu Anhu ke Hum Asar, Umayya ko ittela hui to Paa'nv me Rassi dalwa kar Logo'n se kaha k Tapti ret per litane ke liye ghaseet kar le jao, Raaste me ek gabrila dikhayi diya to Umayya ne kaha k Yahi to Tera khuda nahi, Unhone Sanjidgi se jawab diya k mera aur Tera dono ka khuda Allah Ta'ala hai,*

*❀"_ is per Umayya ne is zor se unka gala gho'nta k log ye Samjhe k dam nikal gaya, magar Bach Gaye, Ek baar itna bhari Patthar unke Seene per laad diya k behaal ho jane ki vajah se zuban bahar nikal aayi, kabhi inko lohe ki bediya'n pehna kar jalti Zameen per ulta litaya jata, inko bhi Hazrat Abu Bakar Siddiq Raziyallahu Anhu ne Khareed kar Azaad Kara diya,*

*❀"_ Hazrat Usman Raziyallahu Anhu Jo Umr ke Lihaaz se bhi Qabile Ahatram they aur maal v jaah rakhte they, jab islam laye to inke Apne chacha ne Rassi se baa'ndh kar Peeta,*

*"_ Hazrat Zuber bin Awaam Raziyallahu Anhu ko islam lane ki saza dene ke liye inke chacha chatayi me lapet kar Dhuwa'n dete they, magar wo poori Azmat se farmate Mai'n kufr to hargiz nahi karunga _,"*     

*📔 Mohsin E Insaniyat- ﷺ, 162,* ┵━━━━━━❀━━━━━━━━━━━━┵

                  ★ *Part–107_* ★

*⚂ MAKKI DAUR- DAWAT E AAM ⚂* ─━━━════●■●════━━━─

*❥❥_Saied bin Zaid Raziyallahu Anhu ko ( Ye Hazrat Umar Raziyallahu Anhu ke Chachazaad Bhai they) Hazrat Umar Raziyallahu Anhu ne Rassiyo me baa'ndh diya, Sa'ad bin Abi Waqaas Raziyallahu Anhu ke Saath bhi Zalimana kaarwaiya'n ki gayi, Abdullah bin Masoud Raziyallahu Anhu ne islam lane per Haram me pehli martaba ba Awaaz Qur'an padha, Surah Rahman ki Tilawat Aapne shuru hi ki thi k Quresh toot pade aur Moo'nh per Tamache maarte gaye, Magar fir bhi Tilawat jaari rakhi aur zakhmi chehre ke saath Waapas hue,*

*❀_"_ Usman bin Maz'oun Raziyallahu Anhu Waleed bin Mugira ki panah me hone ki vajah se ibtida Mamoon they, Lekin Rasoole khuda ke Ashaab per jo imtehani ghadiya'n guzar rahi thi'n unko dekh kar Usman Raziyallahu Anhu ke Dil me Ahsaas Paida hua k Mai'n ek Mushrik ke Saaya Himayat me Aman chain se rahu'n jabki mere Saathi ye kuchh bhugat rahe hai'n,*

*❀_"_ Unhone Waleed bin Mugira se baat ki k Mai'n Panah waapas karta hu'n, Waleed ne Samjhaya k, Bhatije meri Qaum ka koi fard tumhare saath bad sulooki na kar bethe_," Unhone kaha k nahi Mai'n To Allah ki panah me rahunga aur uske ma Siva aur kisi ki panah mujhe gawara nahi, Kaaba me ja kar Unhone ba Awaaz buland Waleed bin Mugira ki panah Waapas karne ka Elaan kiya aur uske baad Quresh ki Majlis me ja bethe,*

*"❀__ Is per ek Shakhs utha aur usne Usman bin Maz'oun Raziyallahu Anhu ko ek thappad esa maara k unki Aa'nkh foot gayi, is per Waleed bin Mugira ne kaha k tum Agar meri panah me rehte to Aa'nkh se Yu'n haath na dho bethte, Usman bin Maz'oun Raziyallahu Anhu ne jawab diya k meri jo Aa'nkh Bach Rahi hai wo Qurban hone ko Tayyar hai, Mai'n us Hasti ki panah me hu'n Jo tumse zyada Sahibe izzat v qudrat wala hai,*    

*📔 Mohsin E Insaniyat- ﷺ, 163,* ┵━━━━━━❀━━━━━━━━━━━━┵

                  ★ *Part–108_* ★

*⚂ MAKKI DAUR- DAWAT E AAM ⚂* ─━━━════●■●════━━━─

*❥❥Hazrat Abuzar Gifaari Raziyallahu Anhu ne Dawat Haq ko Qubool kiya to inqilabi Rooh se Sharshar ho kar Seedhe Haram pahu'nche aur waha'n ja kar ba Awaaz buland Apne naye Aqeede ka Elaan kiya, Quresh Sitpita gaye aur kehne lage k ye kon Bedeen hai, maaro ise, Chuna'che maar Peet shuru ho gayi, iraade ye they k unko Jaan se maar diya jaye, magar Huzoor ﷺ ke chacha Abbaas Raziyallahu Anhu ka ittefaqan guzar hua to unhone kaha k ye to Qabila Gifaar ka Aadmi hai aur tumhe Tijarat ke liye usi Qabile ki Hudood se ho kar jana hota hai, Kuchh hosh karo, log baaz aa gaye, doosre Roz Unhone fir Aqeede ka Elaan kiya aur fir maar khayi,*

*"❀_Hazrar Umme Shareek Raziyallahu Anha imaan laayi'n to unke Azeezo Aqarib ne unhe Chilmilati dhoop me khada kar diya, is haalat me wo unko khane ke liye Roti ke Saath Shehad dete aur pani na pilate taki garmi ka Doguna Azaab bhugte, Teen Din Musalsal isi Aalam me guzar gaye, intehayi musibat ke lamho me unse mutalba kiya gaya k islam ko chhod do, Unke Hawaas is darja mutassir ho chuke they k wo is baat ko samajh tak na saki thi'n, Fir Zalimo ne Aasman ki taraf ishara kar ke kaha k khuda E Waahid ka inkaar kar do, Jab Wo mudd'a samajh gayi'n to kaha k khuda ki qasam Mai'n to Apne Aqeede per qaa'im hu'n _,"*

*❀"_ Khalid bin Aas Raziyallahu Anhu ke Quboole islam per unke Baap ne is qadar maara k Sar Zakhmi ho gaya, Unko faaqa ka Azaab bhi diya gaya, Garz ye k kon tha jise is bhatti me na daala gaya ho, Hazrat Usman Raziyallahu Anhu ko unke Chacha Hakam bin Aas ne Rassiyo me jakad diya, Yahi Sulook Talha Raziyallahu Anhu ke saath hua,*

*"❀_ Waleed Raziyallahu Anhu bin Waleed, Ayaash Raziyallahu Anhu bin Abi Rabi'a aur Salma Raziyallahu Anhu bin Hisham ko intehayi Aziyate di gayi'n aur fir unko Hijrat se bhi roka gaya, Jor v Zulm ka intehayi muzahira wo bhi tha jo Apni Behan aur Behno'i ke saath Hazrat Umar Raziyallahu Anhu ne rawa rakha,*

*"❀_ Ek Taraf is Zehar gudaz Silsila Tashaddud ko dekhiye aur doosri taraf Tehreek islami ke Alambardaaro ki isteqamat mulahiza farmaye'n k Mard Aurte'n, Gulam aur Londiya'n jo bhi Haq se Sharshar ho gaya, fir uska qadam pichhe nahi hata, Zulm kisi ek Fard ko bhi irtedaad ki raah per na daal sake, Jo koi islam ki pukar per Labbek keh deta, uske Andar se bilkul ek Naya insaan Namudaar ho jata aur uske Seene me nayi quwwate jaag uthti _,"*     

*📔 Mohsin E Insaniyat- ﷺ, 164,* ┵━━━━━━❀━━━━━━━━━━━━┵

                  ★ *Part–109_* ★

         *⚂ HIJRAT E HABSHA ⚂* ─━━━════●■●════━━━─

*❥❥_Hijrat E Habsha :-*

*❀"_ Har musibat ki Bardasht ki koi Had hoti hai, imtihan ki jin Mushkil ghadiyo'n se Tehreek islami ke Alambardaaro ko Sabqa dar pesh tha unko bardasht karne me unhone hamesha ke liye yaadgaari namoona qaa'im kar diya, lekin Zulm v Zor kahi Rukne me nahi aa raha tha, balki Roz Ba Roz Zor pakadta hi ja raha tha,*

*❀"_ Huzoor ﷺ Apne Raqfqa ka haal dekh dekh kar kudhte, magar koi zor nahi chalta tha, Sahara tha to khuda ke imaan ka tha, Aakhirat ke Yaqeen ka tha, Sachcha'i ki Aakhri Fateh ki Qavi Ummeedo ka tha, Soz bhari Duao'n ka tha, Huzoor ﷺ Apne Rafeeqo ko tasalli dete k khuda koi na koi Raasta nikalega, Halaat bata rahe they k Nizaame Haq ki Buniyad nahi hone ki, Balki kisi doosre gosha e Zameen ko ye Sa'adat milne wali hai,*

*❀"_ Tehreeke islami ki Tareekh me Pehle bhi Hamesha Hijrat ka baab Zaroor Shamil raha hai, So Andaza ho chala tha k Mohsine insaniyat aur unke Rafeeqo ko bhi watan chhodna hoga, Ek ilaaqe ke log Agar na ahal saabit ho to Dawat kisi doosri Abaadi ko mukhatib bana leti hai, lekin jab tak khuda ki taraf se Waaze tor per hukm na ho jaye Ambiya ki ye Shaan nahi hoti hai k Awwaleen Markaz E Dawat ko chhod de'n _,"*

*❀"_ Taaham Huzoor ﷺ Jabar aur Sabr ki Aawezish ko ese marahil me dakhil hote dekh rahe they Jaha'n insaani Sabr ka paimana jhalak sakta hai, Musalman bechain they k Allah ki madad kab aayegi, in Halaat me Huzoor ﷺ ne Sahaba ko Mashwara diya k Zameen me Kahi'n nikal jao khuda jald hi tumko kisi jagah yakja kar dega _," puchha gaya k kidhar jaye'n, Huzoor ﷺ ne Mulk Habsh ki taraf ishara kiya,*

*❀"_ Dar Asal Rasoole khuda ﷺ ke ilm me tha k waha'n ki Badshahat insaaf per qaa'im hai aur iysaiyat ki Mazhabi Buniyado per chal rahi hai, Aapke Saamne ye imkaan tha k Shayad yahi ilaaqa Darul Hijrat banne ke liye mozu ho, isiliye Aapne us Mulk ke bare me farmaya k wo Sar Zameen Raasti hai _,"*    

*📔 Mohsin E Insaniyat- ﷺ, 164,* ┵━━━━━━❀━━━━━━━━━━━━┵

                  ★ *Part–110_* ★

         *⚂ HIJRAT E HABSHA ⚂* ─━━━════●■●════━━━─

*❥❥_Nabuwat Ke Paa'nchve Saal Huzoor ﷺ ki inqilabi Jama'at ke 11 Mardo'n aur 4 Aurto'n ka Qafila Hazrat Usman bin Affan Raziyallahu Anhu ki zere Qayadat Raat ki Tareeki me Habsha ko rawana hua, Hazrat Usman Raziyallahu Anhu ke saath unki Ahliya Mohatrama yani Rasoole khuda ﷺ ki Sahabzadi janab Ruqayya Raziyallahu Anha bhi is Awwaleen Safare Hijrat per nikli, Huzoor ﷺ ne is Mubarak jode ke mutalliq farmaya - loot aur Ibrahim Alaihissalam ke baad ye pehla joda hai jisne khuda ki Raah me watan chhoda _,"*

*❀"_ is Qafile ke nikalne ke baad jab Quresh ko khabar hui to Pichha karne ke liye Aadmi daudaye, magar jab wo Bardargaah ( Jadda) pahu'nche to maloom hua unko ain waqt per kashtiya'n Tayyar mil gayi thi'n aur Wo Rasa'i se bahar hai'n, Ye Muhajireen thoda arsa ( Rajjab se Shawwal tak ) Habsha me thehre, Ek Afwaah pahu'nchi k Quresh ne islam Qubool kar liya hai, Ye Sab palat Gaye, magar Makka ke qareeb pahu'nch kar maloom hua k Afwaah galat thi,*

*❀"_ Ab Sakht mushkil pesh aa gayi, kuchh log chhup kar Shehar me Dakhil hue, is tarah Laut aane ka laazmi Natija yahi hona tha k pehle se badh kar Zulm hone laga, dobara bahut bada Qafila jisme 85 mard aur 17 Aurte'n Shamil thi'n, Habsha ja pahu'ncha, Waha'n unko pur Aman fiza mili aur wo itminaan se islam ke Taqazo ke mutabiq zindgi basar karne lage,*

*❀"_ Ab dekhiye k Haq Ke Dushmano ka Keena Kaha'n tak pahu'ncha hai, Un Logo'n ne ek Majlis me saare maamle per gor kar ke mansuba banaya aur Abdullah bin Rabi'a aur Amru bin Aas ko Sifarat ke liye mamoor kiya k ye Shahe Habsha se ja kar baat kare aur Muhajireen ko Waapas laye, is Maqsad ke liye Najashi aur uske darbariyo'n Ke liye Tohfe Tayyar kiye gaye aur bade Saro Samaan ke Saath Sifarat rawana hui_,"*      

*📔 Mohsin E Insaniyat- ﷺ, 165,* ┵━━━━━━❀━━━━━━━━━━━━┵

                  ★ *Part–111_* ★

         *⚂ HIJRAT E HABSHA ⚂* ─━━━════●■●════━━━─

*❥❥_Habsha Pahu'nch kar ye Log Darbariyo'n aur Paadriyo'n se Saazish karne me mashgool ho gaye, aur unko Rishwate di, Unke Saamne Maamle ki ye Soorat rakhi k Hamare Shehar me Chand Sirfire Logo'n ne ek Mazhabi fitna utha khada kiya hai, aur ye Tumhare Mazhab ke liye bhi utna hi khatarnaak hai jitna hamare Aabaa'i dharm ke liye, humne unko nikaal diya tha to ab ye Yaha'n Aapki panaah me aa pade hai'n, Unko Yaha'n rehne nahi dena chahiye, is Maqsad me Aap humse Ta'awun kare,*

*❀"_ Unki Asal koshish ye thi k Darbaar me Saara jhagda zere bahas na aane paye, aur Muhajireen ko sire se baat karne ka moqa hi na mile, Baadshah Ek Tarfa baat sun kar unko hamare hawale kar de, isi maqsad ke liye Rishwate aur Saaz Baaz ke Tareeqe Akhtyar kiye gaye they, Ye log Jab Darbariyo'n ko Chaploos mil chuke to Najashi ke Saamne Tohfe le kar pesh hue,*

*❀"_ Fir Apni Garz bayan ki k Makka ke Ashraaf ne humko Aapki khidmat me isliye bheja hai k Aap hamare Aadmiyo'n ko hamare Saath Waapas kar de'n, Darbariyo'n aur Paadriyo'n ne bhi Taa'ied ki, magar Najashi ne ek tarfa Daave per Kaarwayi karne se inkaar kar diya aur saaf kaha k un Logo'n se Ahwaal dariyaft kiye bager Mai'n unko tumhare hawale nahi kar sakta, Doosre Din Darbaar me dono Fareeq talab kiye gaye,*

*❀"_ Musalmano ko jab Talbi ka Paigaam Pahu'ncha to unke Darmiyan mashwara hua k Baadshah Iysaa'i hai aur hum log Apne Aitqaad aur Maslak me usse ikhtilaaf rakhte Hai'n to Aakhir kya kaha jaye, lekin Faisla yahi hua k hum Darbaar me Wohi kuchh kahenge jo kuchh khuda ke Nabi ﷺ ne humko sikhaya hai, aur usme Zara bhi Farq na layenge .. jo ho so ho,*

*❀"_ Andaza kijiye k un Logo'n ka imaan kesa muhakkam tha, itne Sangeen Halaat me Haq aur Sachcha'i per qaa'im rehne ka Azm khuda ki den hai,*       

*📔 Mohsin E Insaniyat- ﷺ, 166,* ┵━━━━━━❀━━━━━━━━━━━━┵

                  ★ *Part–112_* ★

         *⚂ HIJRAT E HABSHA ⚂* ─━━━════●■●════━━━─

*❥❥_Fir jab ye Hazraat Darbaar me pahu'nche to muqarrar Aadaab ke mutabiq Najashi ko Sajda karne se ijtinab kiya, Darbariyo'n ne is Tarze Amal per bura manaya, aur Sawal kiya k Aakhir tum Logo'n ne Sajda kyu nahi kiya,*

*❀"_Hazrat Jaafar Raziyallahu Anhu ( Mutakallim Wafad) ne poori jurr'at se jawab diya k hum log Sivaye Allah ke Kisi ko Sajda nahi karte aur Rasulullah ﷺ ko bhi Sidhe Saade Tareeqe se salam hi kehte hai'n,*

*❀"_ Gor kijiye kin Naazuk halaat me Sachchi Toheed ka ye inqilabi muzahira kiya ja raha tha, Hareef jis Taaqat ke Saamne Chaaplusi kar rahe they, ye log uske Rubaru Usool Pasandana khuddari ka Rang dikha rahe they,*

*❀"_ Ab Sifarate Makka ne Apna Daava pesh kiya k ye Muhajireen hamare bhagode mujrim hai'n, Inhone ek Naya Deen Ghad liya hai aur ek Takhribi Toofan utha khada kiya hai, Lihaza inko hamare hawale kiya jaye,*

*❀"_Najashi ne Musalmano se puchha k ye kya maamla hai aur iysaiyat aur But Parasti ke Alawa wo konsa Deen hai jo tum Logo'n ne Akhtyar kiya hai, Hazrat Jaafar Raziyallahu Anhu Musalmano ki taraf se Tarjuman ban kar uthe aur unhone Najashi se ijazat Talab ki k pehle wo Sifarate Makka se Sawalaat kar le'n _,"*     

*📔 Mohsin E Insaniyat- ﷺ, 166,* ┵━━━━━━❀━━━━━━━━━━━━┵         

                  ★ *Part–113_* ★

         *⚂ HIJRAT E HABSHA ⚂* ─━━━════●■●════━━━─

*❥❥_ ijazat milne per Yu'n Mukalma hua, Hazrat Jaafar Raziyallahu Anhu - ""Kya hum kisi ke Gulam hai'n Jo Aaqa se bhaag aaye ho'n ? Agar esa ho to hume Waapas Jana chahiye_,"*

*"_ Amru bin Aas - Nahi, Ye log kisi ke Gulam nahi, Azaad Sharfa hai'n _,"*

*"_ Hazrat Jaafar- Kya hum kisi ko naahaq qatl kar ke aaye hai'n? Agar esa ho to AAP hume Awliya E Maqtool ke Hawale kar de'n _,"*

*"_ Amru bin Aas - Nahi, inhone khoon ka ek qatra bhi nahi bahaya_,"*

*❀"_ Hazrat Jaafar Raziyallahu Anhu - Kya hum kisi ka kuchh maal le kar bhage hai'n, Agar esa ho to hum uski Adaygi karne ko Tayyar hai'n _,"*

*"_ Amru bin Aas - Nahi, inke Zimme kisi ke ek Habba (Kodi) bhi nahi _,"*

*❀"_ is Jirah se jab Musalmano ki Akhlaqi Position poori tarah saaf ho gayi To Hazrat Jaafar Raziyallahu Anhu ne ye Taqreer ki:-*

*❀"_ Ey Badshaah ! Hum log ek Jaahil Qaum they, But Poojte they, Murdaar Khaate they, Badkariya'n karte they, Humsayo Ko Satate they, Bhai Bhai per zulm karta tha, Qavi log Kamzoro ko kha Jaya karte they, isi Asna me humme ek Shakhs paida hua Jiski Sharafat, Sachcha'i aur Dayanat se hum log pehle se Agaah they, Usne humko islam ki Dawat di, aur ye Sikhaya k hum But Parasti chhod de'n, Sach bole'n, Khoo'nrezi se baaz aaye'n, Yateemo ka maal na khaye'n, Humsayo Ko Araam de'n, Afeef Aurto'n per Badnaami ka daag na lagaye'n, Namaz padhe'n, Roze Rakhe'n, Sadqa de'n _,"*

*❀"_ Hum us per imaan laye, Shirk aur But Parasti chhod di aur Tamaam Bure A'amaal se baaz aaye, is Jurm me Hamari Qaum hamari Jaano ki Dushman ho gayi aur Humko majboor karti hai k fir usi gumrahi me lot jaye'n, isliye hum Apna imaan aur Apni jaane le kar Aapki Taraf Bhaag kar aaye hai'n, Agar Hamari Qaum humko watan me rehne deti to hum na nikalte, Ye hai Hamari Rudaad !*    

*📔 Mohsin E Insaniyat- ﷺ, 167,* ┵━━━━━━❀━━━━━━━━━━━━┵

                  ★ *Part–114_* ★

         *⚂ HIJRAT E HABSHA ⚂* ─━━━════●■●════━━━─

*❥❥_Baat Sachchi ho aur Kehne wala Jazbaat ke Saath use kahe to Laazman wo Asar Karti hai, Najashi jese Khuda se darne Wale Baadshah ka Dil mom ho gaya, Ab wo kehne laga k Zara Us Kitaab ka bhi koi hissa sunao Jo tum logo per utri hai, Chuna'che Hazrat Jaafar Raziyallahu Anhu ne Surah Mariyam ka ek hissa padha,* 

*❀"_ Aayate ilaahi ko sun kar Baadshah ke Dil per Riqqat Taari ho gayi, Uski Aa'nkhe naram ho gayi'n, Wo be Akhtyar pukar utha- Khuda ki qasam! Ye kalaam aur Injeel dono ek hi Chiraag ke par to hai'n, balki us per mustzaad ye kaha k Muhammad ﷺ to Wohi Rasool hai'n Jinki khabar Yeesu Maseeh ne di thi, Allah ka shukr hai k mujhe us Rasool ka Zamana mila, Saath hi faisla diya k Muhajireen ko Waapas nahi kiya ja sakta, Kaarwayi khatm ho gayi aur Sifarat Nakaam loti,*

*❀"_ Baad me un Logo'n ne fir Aapas me Mashwara kiya k ek Koshish aur ki jani Chahiye, Najashi Iysaa'i hai aur Agar Hazrat Iysaa ke bare me Musalmano ka Aqeeda darbaar me numaya karaya jaye to mumkin hai k Baadshah ke andar Mazhabi Ta'assub ki Aag bhadak uthe,*

*❀"_ Doosre Din Amru bin Aas fir darbaar me pahu'nche aur Najashi ke kaan bharne ke liye ye ilzaam Tarasha k ye log Hazrat Iysaa Alaihissalam ke bare me bahut kharab Aqeeda rakhte Hai'n, Najashi ne fir Musalmano ko talab kar liya, Unko jab soorate halaat maloom hui to kuchh taraddud hua k Iysaa Alaihissalam ke "ibne Allah" hone ka inkaar karne per Najashi ka Radde Amal na jane kya ho, Lekin Azmiyat ne kaha k Jo Amre Haq hai use Saaf Saaf pesh kar do,*    

*📔 Mohsin E Insaniyat- ﷺ, 168,* ┵━━━━━━❀━━━━━━━━━━━━┵

                  ★ *Part–115_* ★

         *⚂ HIJRAT E HABSHA ⚂* ─━━━════●■●════━━━─

*❥❥_Hazrat Jaafar Raziyallahu Anhu ne Apni Taqreer me kaha k: Hamare paigambar ne bataya hai k Iysaa Alaihissalam khuda ke Bande aur Paigambar hai'n, aur Kalamatullah hai'n, Najashi ne Zameen se ek Tinka uthaya aur kaha k Wallah! Jo tumne kaha hai Iysaa Alaihissalam usse Tinke bhar bhi Zyada nahi hai'n _,"*

*"❀_ Paadri Jo Saazish ka Shikaar aur Rishwat aur Hadaya se musakkhar they, Dil hi Dil me bahut pech v taab kha rahe they, Yaha'n tak k unke Nathno se Saa'ns ki kharkharahat sunayi dene lagi, Najashi ne unki kuchh parwaah nahi ki, Hukm diya k Tamaam Taha'if Waapas kar diye jaye'n, Makka ka Wafad poori tarah na ummeed v khaasir ho kar lota _,"*       

*📔 Mohsin E Insaniyat- ﷺ, 168,* ┵━━━━━━❀━━━━━━━━━━━━┵

                  ★ *Part–116_* ★

     *⚂ HAZRAT UMAR KA ISLAM ⚂* ─━━━════●■●════━━━─

*❥❥_ Hazrat Umar Raziyallahu Anhu Ke Islam lane Ka Waqi'a:-*

*❀"_ Tashaddud Ki is Dastaan ka Wo baab Sabse mumtaz hai Jo Umar Raziyallahu Anhu ke Gaiz v Gazab se murattab hua tha, Umar Raziyallahu Anhu 27 ve Saal me they jabki Muhammad ﷺ ka Alam buland hua, islam jald hi Aapke Gharane ne nafooz kar gaya, Aapke Behno'i Saied Raziyallahu Anhu pehle pehal islam laye, Unke Asar se Aapki Behan Fatima Raziyallahu Anha bhi Musalman ho gayi'n _,"*

*❀"_ Khandaan ki ek aur Ba Asar Shakhsiyat Naiem bin Abdullah Raziyallahu Anhu ne bhi Dawate Haq per Labbek kahi, Awwal Awwal unko islam ke is nafooz ka haal Maloom nahi ho saka, Jo'nhi ilm hua To ye Aape Ss bahar ho gaye aur islam lane walo ke Dushman ban gaye, Labina Raziyallahu Anha inke Khandaan ki Kaneez thi'n, inko maarte maarte thak jate to Dam lene ke liye alag hote, fir Taza dam ho kar maarna shuru kar dete, Aakhir ek din Tay kar liya k Kyu'n na Asal Daa'i Haq ﷺ hi per haath Saaf kar liya jaye,*

*❀"_ Wo Talwaar le kar chale, Raaste me Naiem bin Abdullah Raziyallahu Anhu se mudbhed ho gayi, Unhone kaha k pehle Apne Ghar ki khabar lo aur Behan Behno'i se nimat lo, fir kisi aur Taraf Jana, Foran palte aur Behan ke ghar pahu'nche, Wo Qur'an padh rahi thi'n, Aahat hui to Khamosh Ho gayi'n aur Qur'an ke Awraaq chhupa liye,*

*❀"_ Hazrat Umar Raziyallahu Anhu ne puchha k ye kya padha ja raha tha, Behan ne taala, kehne lage k mujhe maloom ho chuka hai k tum dono murtad ho chuke ho, ye keh kar Behno'i per toot pade, Behan beech bachaav ke liye aayi'n to unko bhi maara, Unka Jism lahu luhaan ho gaya, lekin Dabdabati Aa'nkho ke saath Azeemat mandana andaz se kehne lagi'n, Umar ! Jo kuchh kar sakte ho, karo ! Lekin islam ab Dil se nahi nikal sakta_,"*     

*📔 Mohsin E Insaniyat- ﷺ, 168,* ┵━━━━━━❀━━━━━━━━━━━━┵       

                  ★ *Part–117_* ★

    *⚂ HAZRAR UMAR KA ISLAM ⚂* ─━━━════●■●════━━━─

*❥❥_ Ek Khatoon aur Wo bhi Behan, Ek pekare Jazbaat, Jism Zakhmi, Kapde khoon Aalood, Aa'nkho me Aa'nsu aur zuban per ye Azmiyat mandana bol ! Andaza kijiye k islam ne kesi Rooh andar tak paida kar di thi, Umar Raziyallahu Anhu ki Qahiraha Taaqat ne is mazlumana manzar ke saamne haar maan li, Heere ka Jigar Phool ki Patti se kat gaya,*

*"❀_ Farmaya- Jo tum padh rahi thi, mujhe bhi la kar sunao, Wo gayi'n aur Ajzae Qur'an nikaal laayi'n, Jab ye Alfaaz Saamne aaye k "Amanu billahi wa Rasooluhu" to be Akhtyar pukar uthe, "Ash'hadu Alla'ilaha illallahu Wa Ash'hadu Anna Muhammadan Abduhu Wa Rasooluhu," imaan ki daulat se malamaal ho kar Tehreeke Haq ke Markaze khana Arqam ki taraf chale, Waha'n ja kar khuda ke Rasool ﷺ ke haath per Bait ki_,"*

*"❀_ Is Waqia per Musalmano ne maare khushi ka esa naara Takbeer buland kiya k Makka ka Saara mahol goonj utha, Daa'iyane Haq uthe aur Makka me fail gaye, Unhone Mehsoos kiya k unki Quwwat badh gayi hai, Hazrat Umar Raziyallahu Anhu ke imaan laate hi Kaaba me pehli martaba Elaaniya Namaz ba Jama'at ki Adaaygi ka silsila shuru hua _,"*

*"❀_ Hazrat Umar Raziyallahu Anhu Makka ke Nojawano me Apne Josh aur zahanat ki vajah se imtiyazi muqam rakhte they, Unka kirdaar ikhlaas se bharpoor tha, Wo Jaahiliyat ke daur me they to poore ikhlaas se Tehreeke islami ke Dushman they na k kisi Zaati Mufaad ki bina per, aur Jab Haqeeqat khul gayi aur Fitrate Salima se parde uth gaye to poori Shane ikhlaas se Tehreeke islami ka jhanda Ou'ncha kar diya,*     

*📔 Mohsin E Insaniyat ﷺ- 169,* ┵━━━━━━❀━━━━━━━━━━━━┵

             ★ *Part–118_* ★

    *⚂ HAZRAR UMAR KA ISLAM ⚂* ─━━━════●■●════━━━─

*❥❥_Hazrat Umar Raziyallahu Anhu Jesi Shakhsiyat Sachcha'i ke Paigaam per Labbek kahe aur Fir koi naya mudd'a paida na ho, ye kese mumkin tha, Unhone Tahiya kar liya k Ek baar Fiza ko Chellenge kar ke rahenge, Ibne Umar Raziyallahu Anhu ( Jo us waqt ladke they magar Mamlaat ko samajhte they ) ka bayan hai k Mere Waalid Umar Raziyallahu Anhu Jab imaan laye to maloom kiya k Quresh ka konsa Aadmi baat ko Achchhi tarah Nashr kar sakta hai, Unhe Jameel bin Ma'mar Jamhi ka naam bataya gaya, Wo Alal Subeh uske Yaha'n pahu'nche aur Mai'n bhi Saath gaya k dekho kya karte hai'n _,"*

*❀"_ Usse Ja kar kehne lage k Ey Jameel Tumhe maloom hai k Mai'n islam la chuka hu'n aur Muhammad ﷺ ke Deen me dakhil ho gaya hu'n, Wo Apni Chaadar Thaame hue Masjide Haraam ke darwaze per pahu'ncha aur Waha'n gala faad kar Elaan kiya k Ey Giroh Quresh! Suno ! Umar bin Khattab Saabi ho gaya hai, Hazrat Umar Raziyallahu Anhu bhi pichhe se aa pahu'nche aur unhone pukar kar kaha- galat kehta hai, Mai'n Musalman hua hu'n aur Maine Elaan kiya hai k Ek Allah ke Siva koi ilaa nahi aur Muhammad ﷺ uske Bande aur uske Rasool hai'n,*

*❀"_ Ahle Quresh un per Toot pade, Wo Waalid se khoob lade, aur Waalid unse lade aur isi Haatha paayi me Suraj sar per aa gaya, isi Asna me ek Qureshi Sardaar Yamni Chaadar oadhe hue Namudaar hua, aur usne puchha qissa kya hai ? Usne baat suni aur kaha k is Shakhs ne Apne liye ek Raasta pasand kar liya hai, To Ab tum kya chahte ho ? Socho to Sahi k kya Banu Adi bin Ka'ab Apne Aadmi ko Yu'n tumhare haatho me de sakte hai'n, Chhod do ise, Ye they Aas bin Waa'il, inhone Hazrat Umar Raziyallahu Anhu ko Apni panah me le liya _," ( Seerat ibne Hishaam- 1/370-71)*     

*📔 Mohsin E Insaniyat- ﷺ, 172,* ┵━━━━━━❀━━━━━━━━━━━━┵           

                  ★ *Part–119_* ★

    *⚂ HAZRAR UMAR KA ISLAM ⚂* ─━━━════●■●════━━━─

*❥❥_Iske Saath hi Hazrat Umar Raziyallahu Anhu ke Joshe imaani ne izhaar ka ek Raasta aur bhi nikala, Unhone imaan lane ki pehli hi Raat ko Socha k Rasoole ﷺ ki Mukhalfat me intehayi shiddat se kon hai ? Maloom hua k Abu Jahal se badh kar Sakht koi doosra nahi,*

*"❀_ Subeh hote hi Abu Jahal Ke Yaha'n bhi ja pahu'nche, Darwaza Khatkhataya Abu Jahal nikla aur Khush Aamdeed keh kar mudd'a poochha, Unhone bataya k Mai'n ye ittela dene aaya hu'n k Mai'n Muhammad ﷺ per imaan le aaya hu'n aur Aapke Paigaam ki Sachcha'i ko Tasleem kar chuka hu'n, Abu Jahal ne bhanna kar darwaza band kar liya aur kaha k Khuda ki maar Tujh aur Teri is ittela per _,"*

*"❀_ Teesri taraf Unhone Tehreeke islami ka ek qadam aur aage badha diya, Maar To khayi magar uske jawab me Haram me Alal Elaan Namaz Ada karne ka Agaaz kar diya, Baqaul Hazrat Abdullah bin Masoud Raziyallahu Anhu:- Hum Hazrat Umar Raziyallahu Anhu ke islam lane se pehle is per qaadir na they k Kaaba me Namaz Ada kar sake, Umar Raziyallahu Anhu Musalman hue to Quresh se lad kar Kaaba me Namaz Ada ki aur humne bhi unke Saath Namaz Ada ki _,"*

*❀"_ Ek Taraf Tashaddud ka Wo zor dekhiye aur Doosri Taraf ye Sama mulahiza ho k islam Ke Dushmano me se Behatreen Unsar (Asal Buniyad) ko Chhaa'nt raha tha,*

      

*📔 Mohsin E Insaniyat- ﷺ, 173,* ┵━━━━━━❀━━━━━━━━━━━━┵

                  ★ *Part–120_* ★

    *⚂ HAZRAT HAMZA KA ISLAM ⚂* ─━━━════●■●════━━━─

*❥❥_ Esa hi Waqia Hazrat Hamza Raziyallahu Anhu ka hai, Makka ka Ye Nojawan Zahanat, Shuja'at aur Asar Ka Maalik tha, Huzoor ﷺ Ke Chachao'n me Se Janab Abu Taalib ke baad Ek Yahi Chacha ese They Jinko ikhtilaf ke Bavjood Aap ﷺ se muhabbat thi, Umr me bhi Sirf Do Teen Baras zyada they aur Hum Umri ki Vajah se Bachpan me Chacha Bhatije Humjoli rahe they _,"*

*"❀_ Ek Din ka Waqi'a hai k Kohe Safa ke Paas Abu Jahal ne Huzoor ﷺ per Dast Darazi ki aur bahut hi Bad Zubani se kaam liya, Huzoor ﷺ ne Sabr se us Aziyat ko Bardasht kiya aur Koi jawab na diya, ittefaq se Abdullah bin Jad'aan Ki Lo'ndi ne ye saara maajra dekha, Hazrat Hamza Shikar per gaye hue they, Kamaan uthaye hue Waapas aaye to Us Lo'ndi ne qissa Sunaya aur kaha k, "Haay Agar Tum khud dekh sakte k Tumhare Bhatije per kya guzri ? Ye Sun kar Hamza Raziyallahu Anhu ki Hamiyat ( Gairat ) jaag uthi,*

*"❀_ Sidhe Quresh Ki Majlis me pahu'nche Jaha'n Abu Jahal betha tha, Haram me ja kar Abu Jahal ke Sar per Kamaan maari aur kaha k kya tumne Muhammad ( ﷺ) ko gaali di thi, Agar esa hai To Mai'n bhi Uske Deen per hu'n aur Jo kuchh wo kehta hai Wohi kuchh Mai'n bhi kehta hu'n, Ab agar himmat hai to mere muqable per aao _,"*

*❀"_ Abu Jahal ki himayat me Bani Makhzoom ka ek Shakhs Majlis se utha magar Abu Jahal ne use Ye keh kar rok diya k Jane do Maine Abu Ammara ke Bhatije ko bahut gandi gaaliya'n di hai, Hazrat Hamza Raziyallahu Anhu islam per dat gaye aur Quresh ne mehsoos kar liya k Rasoole khuda ﷺ ki Quwwat badh gayi hai,*     

*📔 Mohsin E Insaniyat- ﷺ, 173,* ┵━━━━━━❀━━━━━━━━━━━━┵

                  ★ *Part–121_* ★

    *⚂ BOYCOTT AUR NAZAR BANDI ⚂* ─━━━════●■●════━━━─

*❥❥_ Dushmanane Haq ye Manzar dekh rahe they k Haq ka Sailaab Aage hi Aage badh raha hai aur Badi Badi Aham Shakhsiyato ko Apni Lapet me le raha hai, Is per unka Bechaini aur badh jati, Muharram 7 Nabvi me Makka ke Tamaam Qaba'il ne mil kar ek Muahida kiya k Khandaan Banu Haashim se Boycott kiya jaye aur koi Shakhs na unse qarabat rakhe na unse Shadi byaah ka Talluq rakhe, na len den kare, na unse mile Jule, aur na khane pine ka koi Samaan un tak pahu'nchne de, Yaha'n tak k Banu Haashim Muhammad (ﷺ) ko hamare Supurd kar de'n aur unko Qatl karne hume haq de de'n _,"*

*"❀_ Qaba'il Daur ke Lihaaz se ye faisla intehayi Sangeen tha aur ek Aakhri Kaarwayi ki No'iyat rakhta tha, Banu Haashim bebas ho kar Sho'ab Abi Taalib me panah lene per majboor ho gaye, Goya poora Khandaan Tehreeke islami ke Daa'i ki Vajah se ek Tarah ki Qaid aur Nazar Bandi me daal diya gaya, is Nazar Bandi ka Daur Taqriban Teen Baras tak Taveel hua, aur is Daur me jo Ahwaal guzre hai'n unko padh kar Patthar bhi pighalne lagta hai_,"*

*"❀_ Darakhto ke Patte chabaye jate rahe, aur Sookhe Chamde ubaal ubaal kar aur Aag per bhoon bhoon kar khaye jate rahe, Haalat ye ho gayi k Banu Haashim ke Masoom Bachche jab bhook ke maare bilakte they to door door tak unki Dard bhari Awaaze jati thi'n, Quresh unki Awaazo ko sunte to maare khushi ke jhoom jhoom jate,*

*"❀_ Naaka Bandi itni Shadeed thi k Ek martaba Hakeem bin Huzaam Raziyallahu Anhu ( Hazrat Khadija Raziyallahu Anha ke Bhatije) ne kuchh genhu Apne gulam ke haath chori chhipe bheja, Raaste me Abu Jahal ne dekh liya aur genhu chheenne ke darpe hua, ittefaq se Abul Bakhtari bhi aa gaya, uske andar kisi Achchhe insaani jazbe ne karwat li, aur usne Abu Jahal se kaha k chhodo bhi ek Bhatija hai To tum use bhi ab rokte ho _,"*    

*❥❥_ Isi Tarah Hisham bin Amru Chori Chhipe kuchh Galla vagera bhej dete they, Yahi Hisham bin Amru is Zalimana Muahide khilaf Daa'i Awwal bane, Pehle ye Zuber bin Abi Umayya ke paas gaye, Usse baat ki k kya tum is baat per khush ho k Tum Khao piyo, Kapda pehno, Shadi Byaah karo aur Tumhare Mamuo'n ka ye haal ho k wo na khareed farokht kar sake, na Shadi Byaah ke Talluqaat qaa'im kar sake, Agar mamla Abul Hakam ibne Hisham ke Mamuo'n aur Nanihal ka hota aur Tumne use ese Muahide ki Dawat di hoti to wo kabhi uski Parwaah na karta,*

*"❀__ Ye Sun kar Zuber ne kaha- "Mai'n kya karu, Mai'n to Akela Aadmi hu'n, Khuda ki Qasam! Agar koi doosra mere Saath hota to Mai'n is Muahide ki mansookhi ke liye uth khada hota aur use khatm kar ke dam leta _," Hisham bin Amru ne kaha k Doosra Saathi to tumhe mil gaya hai, Zuber ne puchha Kon ? Hisham ne kaha - Mai'n!*

*"❀__ Fir Hisham bin Mut'am bin Adi ke paas Pahu'nche aur isi tarah Tehreek ki, Usne bhi Wohi jawab diya, isi tarah Abul Bakhtari aur Zam'a bin Aswad tak pahu'nch kar Hisham ne baat ki,*

*"❀__ Garz Boycott ke Muahide ke khatme ki Tehreek andar hi andar jab kaam kar chuki to in sab Logo'n ne ek jagah beth kar Sceam ye banayi k Sabke Saamne Hisham hi baat chhedega, Chuna'che Hisham ne Baitullah ka Saat baar Tawaf kiya, fir Logo'n ki taraf aaya aur kaha k Makka Walo ! Kya ye zeba hai k Hum khane khaye aur Libaas pehne aur Banu Hashim Bhook se Tadap rahe ho, na wo kuchh khareed sake aur fir usne Apna Azm in Alfaaz me pesh kar diya:- Khuda ki qasam ! Mai'n us waqt Tak na bethunga jab tak k Talluqaat ko Tod dene wali is Zalimana Tehreek ko Chaak na kar lu'n _,"*

*"❀__ Abu Jahal Bhanna kar utha aur Cheekh kar bola, Jhoote ho tum, Khuda ki qasam Tum use chaak nahi kar sakte_," Zam'a bin Aswad ne Abu Jahal ko jawab diya - Tum khuda ki qasam! Sabse badh kar jhoote ho, Ye Muahida maloom hai jis Tareeqe se likha gaya hai hum use pasand nahi karte, Abul Bakhtari bhi bol utha, "_Sach kaha Zam'a ne humko pasand nahi jo kuchh isme likha gaya hai aur na hum isko maante hai'n,*

*"_ Mut'am ne bhi Taa'ied Mazeed ki, Tum dono theek keh rahe ho aur galat kehta hai Jo iske alawa kuchh kehta hai, Hisham ne bhi yahi baat kahi, Aksariyat ko Yu'n Mukhalif pa kar Abu Jahal Apna sa Moo'nh le kar reh gaya, aur Muahida chaak kar diya gaya, Log jab use Kaabe ki Diwaar se utarne lage to ye dekh kar hairaan reh gaye k use Deemak chaat chuki thi, Sirf "Bismika Allahumma" ke Alfaaz Salamat they _,"*

*®- Seerat ibne Hishaam-2/ 29-31,*  

*📔 Mohsin E Insaniyat- ﷺ, 175,* ┵━━━━━━❀━━━━━━━━━━━━┵

                  ★ *Part–122_* ★

              *⚂ GAM KA SAAL ⚂* ─━━━════●■●════━━━─

*❥❥_ Daure Nazarbandi Ka khaatma ho gaya aur ek baar fir Khuda Ke Nabi ﷺ Apne Gharane Samet Azaadi Ki Fiza me dakhil hue, Lekin Ab isse bhi Sakht tar Daur ka Agaaz hota hai, Ye Nabuwat ka Daswa Saal tha, is Saal me Awwaleen Saanha Ye pesh aaya k Hazrat Ali Raziyallahu Anhu ke Waalid ( Aap ﷺ ke Chacha) Abu Taalib ki Wafaat ho gayi, is tarah Wo Ek Zahiri Sahara bhi chhin gaya jo Huzoor ﷺ ko Apne Saya Shafqat me liye hue Dushmano ke Liye poori isteqamat se Aakhir Dam Tak muzahim raha tha,*

*"❀_ Isi Saal Doosra Sadma Huzoor ﷺ ko Hazrat Khadija Raziyallahu Anha ki Rehlat ka uthana pada, Hazrat Khadija Raziyallahu Anha Mahaz Huzoor ﷺ ki Bivi hi na thi'n, Balki Sabiqeen Awwaleen me thi'n, aur Unhone daure Risalat se pehle bhi muwansat v Gam gusari me koi Kasar na chhodi thi aur Awwaleen Wahi ke Nuzool se le kar Aakhri dam Tak Raahe Haq me Huzoor ﷺ ke Saath Sachchi Rafaqat ka Haq ada kar ke dikhla gayi'n,*

*"❀_ Tehreek Haq ki Himayat me maal bhi kharch kiya, Qadam Qadam per Mashware bhi diye aur Dili Jazbe se Ta'awun dikhaya, Baja Tor per kaha gaya hai k "Wo Huzoor ﷺ ke liye Wazeer thi'n _,"*

*"❀_ Ek Taraf to Ek baad ek do Sadme Huzoor ﷺ ko Sehne pade aur Doosri Taraf in Zahiri Saharo ke hat Jane ki vajah se Mukhalfat ka Toofan aur zyada chadhav per aa gaya, Inhi Gam Angez Halaat ki vajah se ye Saal Anduh ya Aamul Huzn ke naam se mosoom hua_,*    

*📔 Mohsin E Insaniyat- ﷺ, 176,* ┵━━━━━━❀━━━━━━━━━━━━┵

                ★ *Part–123_* ★

              *⚂ GAM KA SAAL ⚂* ─━━━════●■●════━━━─

*❥❥-Ab Quresh intehayi Zaleel Harkato per utar aaye, Lo'ndo ko pichhe laga diye jata Jo Shor machate aur Huzoor ﷺ Namaz padhte to wo Taaliya'n peette, Raaste Chalte hue Huzoor ﷺ per galazat Fai'nk di jati, Darwaze ke Saamne Kaa'nte bichhaye jate, Khullam Khulla Gaaliya'n di jati, Fabtiya'n Kasi jati, Aapke Chehre Mubarak per khaak Fai'nki jati, balki baaz Khabees bad Tameezi ki is Aakhri Had tak pahu'nchte k Aapke Rukhe Anwar per Thook dete,*

*❀_"_ Ek baar Abu Lahab ki Bivi Umme Jameel Patthar liye Huzoor ﷺ ki Justju me Haram tak is iraade se aayi k bas ek hi waar me kaam Tamaam kar de, magar Huzoor ﷺ Agarche Haram me Saamne hi mojood they Lekin Khuda ne uski Nigaah ko Rasa'i na di, aur Wo Hazrar Abu Bakar Siddiq Raziyallahu Anhu ke Saamne Apne Dil ka Bukhar nikaal kar chali aayi,*

*"❀__ Is Tarah ek baar Abu Jahal ne Patthar se Huzoor ﷺ ko Halaak kar dene ka iraada kiya, aur isi iraade me Huzoor ﷺ tak pahu'ncha bhi, Magar Khuda ne Abu Jahal ko khof v Mar'ubiyat ke ese Aalam me dala k wo kuchh kar na saka,*

*❀_"_ Ek baar Dushmanane Haq bethe yahi Tazkira kar rahe they k is Shakhs ( Muhammad ﷺ) ke maamle me humne Jo kuchh bardasht kiya hai uski Misaal nahi milti, isi dauraan Huzoor ﷺ Tashreef le aaye, Un Logo'n ne dariyaft kiya k kya tum esa kehte ho, Huzoor ﷺ ne poori Akhlaqi Jurr'at se farmaya - Haa'n Mai'n hu'n Jo ye aur Ye Kehta hai! Bas ye Kehna tha k chaaro taraf se dhawa bol diya gaya,*

       

*❀_ Abdullah bin Amru bin Aas Ka bayan hai k Quresh isse badh kar Huzoor ﷺ ke khilaaf Maine koi Zabardasti nahi dekhi, Halmla Aawar ruk gaye to khuda ke Rasool ﷺ ne fir usi usi Foqul insaani Jurr'at se kaam le kar unko in Alfaaz se mutnabba kiya k "Mai'n tumhare Saamne ye Paigaam laya hu'n k Tum Zibah ho jane wale ho, Yani Zulm ki Chhuri jo Tum mujh per Tez kar rahe ho, Tareekh me kaam karne wala Qanoone Ilaahi bil Aakhir isse khud Tumko Zibah kar dalega, Tumhara Ye zor v iqtidaar Jo zulm ke rukh pad gaya hai, Ye Yaksar Khatm ho jane wala hai,* 

         

*📔 Mohsin E Insaniyat- ﷺ, 177,* ┵━━━━━━❀━━━━━━━━━━━━┵

            ★ *Part–124_* ★

              *⚂ GAM KA SAAL ⚂* ─━━━════●■●════━━━─

*❥❥_Hazrat Usman bin Affan Raziyallahu Anhu ek Waqi'a bayan karte hai'n k Nabi Kareem ﷺ Baitullah ka Tawaf kar rahe they, Uqba bin Mu'iet, Abu Jahal aur Umayya bin khalf Hateem me bethe hue they, Jab Huzoor ﷺ unke Saamne se guzrte to wo Kalmaat Bad Zubano per late, Teen baar esa hi hua,*

*❀_"_ Aakhri martaba Huzoor ﷺ ne chehra mutagayyara ke saath kaha k Ba Khuda tum bager iske baaz na aaoge k khuda ka Azaab jald tum per Toot pade _,"*

*❀_"_ Hazrat Usman Raziyallahu Anhu kehte hai'n k Haibate Haq thi k ye Sun kar unme se koi na tha jo Kaa'np na raha ho, Ye Farma kar Huzoor ﷺ Apne ghar ko chale to Hazrat Usman Raziyallahu Anhu aur Doosre log Saath ho liye,*

*"❀__ Is moqe per Huzoor ﷺ ne humse khitaab kar ke farmaya- Tum Logo'n ko Basharat ho, Allah Ta'ala Yaqinan Apne Deen ko Gaalib karega aur Apne kalme ki Takmeel karega, aur Apne Deen ki madad karega, aur ye Log jinhe Tum dekhte ho Allah Ta'ala bahut jald Tumhare haatho se Zibah karayega _,"*

*"❀__ Gor Kijiye k Ba Zaahir kis Angez Mahol me ye Basharat di ja rahi thi aur fir kis Shaan se ye bahut hi jald poori Hui ... Goya Tehreek Haq ne Hatheli per Sarso jama di _,"*     

*📔 Mohsin E Insaniyat- ﷺ, 177,* ┵━━━━━━❀━━━━━━━━━━━━┵

              ★ *Part–125_* ★

      *⚂ TAA'IF ME DAWATE HAQ ⚂* ─━━━════●■●════━━━─

*❥❥_ Ek Roz Rasool Akram ﷺ Alal Subeh ghar se nikle aur Khuda ka Paigaam Sunane ke liye Makka ke Mukhtalif Koocho me ghoome fire lekin Wo Ek Din Poora esa Guzra k Aapko Ek Aadmi bhi esa na mila Jo Baat Ko Sunta _,"*

*❀"_ Nayi Sceem ye Akhtyar ki gayi thi k Aap ﷺ ko jab aate dekha jaye To Logo'n ko chahiye k idhar udhar Chhup jaye, Baate Sunne se baat failti hai aur Mukhalfat karne se aur Bahas chhedne se wo aur zyada ubharti hai, Sceem Kamyaab rahi, Jo Log mile bhi Unhone istehza aur Gunda gardi ka Muzahira kiya,*

*"❀_ Us Roz Aap ﷺ poora Din guzaar kar Jab palte to udasi ka ek bhaari bojh Aapke Seene per Lada hua tha, Sakht Thakan thi... Esi ghutan jo kisi ki khair khwahi karne wale ko us Waqt hoti hai k Jiski Wo Khair Khwahi kar raha hu'n, Wohi khud Mohsin Kushi per utar aaye,*

*"❀_ Shayad isi Din se Aapke Dil me ye Rujhan paida ho gaya tha k Ab Makka se bahar nikal kar kaam karna chahiye, Zaid bin Haarisa Ko Saath le kar Sarware Aalam ﷺ Makka se paidal chale aur Raaste me Jo Qaba'il Abaad they un Sabke Saamne khuda ka Paigaam pesh kiya,*    

*📔 Mohsin E Insaniyat- ﷺ, 178,* ┵━━━━━━❀━━━━━━━━━━━━┵   

                  ★ *Part–126_* ★

   *⚂_ TAA'IF ME DAWATE HAQ _⚂* ─━━━════●■●════━━━─

*❥❥_ Taa'if ek bada Sar Sabz ilaaqa tha, Pani, Saaya, Khaitiya'n, Bagaat nisbatan Thanda Muqaam, Log bade Khus haal they aur Duniya Parasti me buri tarah Magan, insaan Ek martaba Ma'ashi Khush haali pa le to fir wo khuda faramoshi aur Akhlaqi pasti me door tak badhta chala jata hai, Yahi Haal Ahle Taa'if ka tha, Makka Walo me to fir bhi Mazhabi Sarbarahi aur mulki Qayadat ki zimmedariyo ki vajah se kisi qadar Akhlaqi rakh rakhav ho sakta tha Lekin Taa'if ke Log poori tarah be rukhe Mizaaj ke they, aur fir Sood Khori ne unke Achchhe insaani Ahsasaat ko bilkul maliya met kar diya tha,*

*"❀_ Huzoor ﷺ Goya Makka se Badtar Mahol me Qadam rakh rahe they, Mohsine insaniyat ﷺ Taa'if me pahu'nche to pehle Saqeef ke Sardaaro se Mulaqaat ki, Ye Teen Bhai they, Abd Yalail, Masoud aur Habeeb, inme se ek ke ghar me Quresh ( Bani Jamah) ki ek Aurat thi, is Vajah se Ek Tarah ki Lihaaz daari ki Tawaqqo ho sakti thi,*

*"❀_ Huzoor ﷺ unke Paas ja bethe, Unko Ba Tareeq Ahsan Allah Ta'ala ki taraf bulaya, aur Dawat per Guftgu ki aur unse Aqamat Haq ke kaam me Himayat talab ki, Ab jawab Suniye Jo Teeno ki taraf se milta hai :-*

*"_ Ek bola - Agar Waqa'i Khuda ne hi Tumko bheja hai to bas fir wo Kaaba ka gilaaf nuchwana chahta hai _,"*

*"❀_ Doosra bola - Are Khuda ko Tumhare alawa Risalat ke liye koi aur munasib Aadmi na mil saka_,"*

*"_ Teesra Bola- Khuda ki qasam! Mai'n Tujhse baat bhi nahi karunga, Kyu'nki Agar Tu Apne Kehne ke Mutabiq Waqa'i Allah ka Rasool hai, To fir Tujh jese Aadmi ko jawab dena Sakht khilafe Adab hai, aur Agar Tumne khuda per iftira ( Jhoota ilzam ) baa'ndha hai to Tu is qabil nahi ho sakta k Tumse baat ki jaye _,"* 

      

*📔 Mohsin E Insaniyat- ﷺ, 179,* ┵━━━━━━❀━━━━━━━━━━━━┵

                 ★ *Part–127_* ★

   *⚂_ TAA'IF ME DAWATE HAQ _⚂* ─━━━════●■●════━━━─

*❥❥Zehar me bujhe hue Teer they Jo Insaniyat ke Mohsin Ke Seene me pe dar pe pewast hote chale gaye, Aapne Tahammul se Apne Dil per Saare Zakhm seh liye aur unke saamne Aakhri baat ye rakhi k tum Apni ye baate Apne hi tak rakho aur Kam se kam Awaam ko unse mutassir na karo, Magar Unhone Apne Yaha'n ke Ghatiya aur Bazaari Ladko aur Nokro aur Gulamo ko bula kar Aapke pichhe laga diya, k Jao aur us Shakhs ko Basti se nikaal bahar karo,*

*❀"_ Ek Jhund ka Jhund aage pichhe ho liya, ye Log gaaliya'n dete, Shor machate aur patthar maarte they, Huzoor ﷺ jab nidhaal ho jate to beth jate, Lekin Taa'if ke Gunde Aapko Baazu se pakad kar utha dete, aur fir Patthar Takhno per maarte aur Taaliya'n Baja Baja kar ha'nste, khoon be tahasha beh raha tha aur Jootiya'n Mubarak Andar aur bahar se Khoon se bhar gayi'n,*

*"❀_ Is Naadir Tamashe Ko dekhne ke liye bada hujoom ikattha ho gaya, Gundo ka Jhund is Tareeqe se Aapko Shehar se nikaal kar Ek Baag ke Ahaate tak le Aaya, jo Rabi'a ke Beto Uqba aur Sheeba ka tha, Aapne bilkul bedam ho kar Angoor ki ek Bel se tek laga li, Baag ke Maalik Aapko dekh rahe they aur jo kuchh AAP per beeti uska bhi kuchh mushahida kar chuke they,*

*❀"_ Yahi Wo moqa tha jab k Dogana padhne ke baad Aapke ho'nto se ye dard bhari Dua nikli :-*

*"_ ilaahi Apni Quwwat ki kami Apni besaro Samani aur Logo'n ke Muqable me Apni bebasi ki fariyad tujhi se karta hu'n, Tu Sab Raham karne walo se zyada Raham karne wala hai, Dardmanda bekaso ka Parwardigaar tu hi hai, Tu hi Mera Maalik hai, Aakhir Tu mujhe kiske hawale karne wala hai, Kya us Hareef begana ke jo mujhse Turshrui rawa rakhta hai ya Ese Dushman ke jo mere Maamle per qaabu rakhta hai, Lekin Agar mujh per Tera gazab nahi hai to fir mujhe kuchh parwah nahi, Bas Teri Aafiyat mere liye zyada Wus'at rakhti hai, Mai'n is baat ke muqable me Tera gazab mujh per pade ya Tera Azaab mujh per Waarid ho tere hi Noor v Jamaal ki panah talab karta hu'n, Jisse Saari Tareekiya'n Roshan ho jati Hai'n aur Jiske Zariye Deen v Duniya ke Jumla Mamlaat Sa'nwar jate hai'n, Mujhe to Teri Razamandi aur Khushudi ki talab hai, Bajuz Tere Kahi'n se koi Quwwat v Taaqat nahi mil sakti _,"*     

*📔 Mohsin E Insaniyat- ﷺ, 180,* ┵━━━━━━❀━━━━━━━━━━━━┵

                ★ *Part–128_* ★

   *⚂_ TAA'IF ME DAWATE HAQ _⚂* ─━━━════●■●════━━━─

*❥❥_ Itne me Baag Ke Maalik bhi aa pahu'nche, Unke Dilo me Hamdardi ke Jazbaat umad aaye they, Unhone Apne Nasrani Gulaam ko pukara, Uska Naam Addaas tha, Fir Ek Tashtari me Angooro ka khosha rakhwa kar bhijwaya, Addaas Angoor pesh kar ke Aan Hazrat ﷺ ke Saamne beth gaya, Aapne haath Angoor ki taraf badhate hi "Bismillah " kaha, Addaas kehne laga - Khuda ki qasam! Is tarah ki baat is Shehar ke log to kabhi nahi kehte _,"*

*❀"_ Aan Hazrat ﷺ ne puchha k Tum kis Shehar ke Aadmi ho aur Tumhara Deen kya hai ? Usne bataya k Mai'n Nasrani hu'n aur Nenwa ka Bashinda hu'n, Aapne farmaya - Tum to Yunus bin Mati jese Marde Saleh ki Basti ke Aadmi ho _, Addaas ne Hairat se puchha- Aapko kese maloom k Yunus bin Mati kon hai ? Aapne kaha- "Wo mera Bhai hai, Wo bhi Nabi tha aur Mai'n bhi Nabi hu'n _,"*

*"❀_ Ye Sunte hi Addaas Aapke Haath Paa'nv ko choomne laga, Rabi'a ke Beto me se ek ne ye Maajra dekha to usne Addaas ke Waapas jane per Malamat ki k ye kya harkat kar rahe they, Tumne Apna Deen kharab kar liya hai, Addaas ne gehre Tassur ke saath jawab diya - Mere Aaqa ! Usse Badh kar Zameen me koi cheez bhali nahi, Us Shakhs ne Mujhe ek esi baat batayi hai Jise Nabi ke Siva koi aur Nahi jaan sakta _,"*

*❀"_ Dar Haqeeqat Ab Janab Abu Taalib ki Wafaat ke baad Makka me Aap Zaahiri Lihaaz se bilku besahara they aur Dushman Sher ho gaye they, Aap ﷺ ne khayal farmaya k Taa'if me se Shayad kuchh Allah ke Bande uth khade ho'n, Waha'n ye Soorat pesh aayi, Waha'n se Fir Aap Nakhla me Qayaam Pazeer rahe, Waha'n se Waapas aaye aur Gaare Hira me Tashreef farma hue, Yaha'n se Mut'am bin Adi ko Paigaam bhijwaya k kya tum mujhe Apni Himayat me le Sakte ho ?*     

*📔 Mohsin E Insaniyat- ﷺ, 180,* ┵━━━━━━❀━━━━━━━━━━━━┵      

                  ★ *Part–129_* ★

   *⚂_ TAA'IF ME DAWATE HAQ _⚂* ─━━━════●■●════━━━─

*❥❥_ Arab Ke Qaumi Kirdaar Ki ek Rivayat ye thi k Himayat Talab karne wale ko Himayat di jati thi, Chahe Wo Dushman hi kyu na ho, Mut'am ne Paigaam Qubool kar liya, Beto ko hukm diya k Hathiyar laga kar Haram me Chalo, Khud Rasulallah ﷺ ko saath laya, aur Makka me aa kar Ou'nt per se Elaan kiya k Maine Muhammad (ﷺ) ko panaah di hai, Mut'am ke Bete Aapko Talwaaro ke saaye me Haram me laye, Fir ghar me pahu'nchaya,*

*"❀_ Taa'if me Huzoor ﷺ per jo kuchh guzri use mushkil hi se Rivayaat ke Alfaaz hum tak muntaqil kar sakte hai'n, Ek baar Hazrat Ayesha Raziyallahu Anha ne dariyaft kiya k Ya Rasulallah ﷺ! Kya Aap per Uhad ke din se bhi Sakht din koi guzra hai ?*

*_ Farmaya Teri Qaum ki taraf se aur To Jo Takleefe pahu'nchi so pahu'nchi, magar sabse badh kar Sakht din wo tha jab maine Taa'if me AbdyaLail ke bete ke Saamne Dawat rakhi aur usne usne use Radd kar diya aur is darja sadma hua k Qarne Ash'alib ke muqam tak ja kar ba Mushkil Tabiyat Sambhili _," ( Al Muwahib -1/56)"*

*"❀_ Zaid bin Haarisa Raziyallahu Anhu Jinhone Aap ﷺ ke nidhaal aur behosh ho jane per Taa'if se Kandho per Aapko utha kar Shehar ke bahar pahu'nchaya, Gamzada ho kar arz karne lage k Aap un Logo'n ke liye khuda se Bad Dua kare'n, Farmaya - Mai'n unke liye kyu Bad Dua karu'n, Agar ye log khuda per imaan nahi late to Ummeed hai k inki Nasle Zaroor khuda e Waahid ki parastaar ho'ngi _,"*

*"❀_ Isi Safar me Jibreel Alaihissalam aate hai'n aur ittela dete hai'n k Pahaado Ka incharge farishta Aapki Khidmat me haazir hai, Agar Aap ishara kare'n to wo in pahaado ko Aapas me Mila de jinke Darmiyan Makka aur Taa'if waaqe hai'n, aur Dono Shehro ko pees kar rakh de_,"*

*"❀_ Isi paas Angez fiza me Jinno ki Jama'at aa kar Qur'an sunti hai aur Huzoor ﷺ ke haath per imaan lati hai, isi tarah se khuda ne ye Haqeeqat Waaze ki k Agar Tamaam insaan Dawat haq ko rad kar de'n to Hamari Makhluqaat esi mojood hai'n k Aapka Saath dene ko Tayyar hai'n _,"*    

*📔 Mohsin E Insaniyat- ﷺ, 181,* ┵━━━━━━❀━━━━━━━━━━━━┵      

                  ★ *Part–130_* ★

        *⚂_ _Safar E Mairaaj _⚂* ─━━━════●■●════━━━─

*❥❥ Taa'if Ke Tajurbe ke baad goya Huzoor ﷺ is Aakhri imtihan se guzar gaye, Qanoone Ilaahi ke tahat Naguzer tha k Ab naye daur ke darwaze khul jayenge aur Tulu E Sahar ki Basharat di jaye, Yahi Basharat dene Ke Liye Huzoor ﷺ Ko Mairaaj se Sarfaraz Kiya gaya _,"*

*"❀_ Mairaaj Ki Haqeeqat ye hai k Huzoor ﷺ ko Qurbe ilaahi ka intehayi buland muqam naseeb Kiya gaya, Pichhle Ambiya Alaihissalam ko bhi moqa ba moqa Sharf diya jata raha tha k Wo Gaibi Haqa'iq ka mushahida kare'n, aur Qurbe Khudawandi me pahu'nch kar inayaate khaas se Behrah mand ( khush qismat) ho'n, Qur'an me Jaha'n Ek taraf Ibrahim Alaihissalam ke bare me bataya gaya hai k Unko Malakootus Samawaat wal Ardh ka mushahida karaya gaya, Wahi'n Moosa Alaihissalam Ko Toor per bulaya gaya aur Waha'n Khudawand Ta'ala ne Ek Noor Afgan Darakht ki oat se Kalaam se Sarfaraz farmaya, aur Fir Doosre moqe per ese hi Lamha E Qurb me Shari'at Ke Ahkaam Tafweez ( Supurd ) kiye,*

*❀"_ Goya kisi na kisi Shakl me Mairaaj Jaleelul Qadr Ambiya Alaihissalam ko bhi Haasil hoti rahi thi, Huzoor ﷺ ki Mairaaj Apne andar Shaane Kamaal rakhti hai, Waqia Taa'if aur Hijrat ke Darmiyan is Waqi'e se zyada Aham aur mumtaz Waqi'a koi doosra pesh nahi aaya_,"*

*"❀_ iski Jab ittela Aap ﷺ ne di to Makka bhar me ek Hungama barpa ho gaya, Aapne Majma Aam me Apne Myshahidaat bayan kiye, Baitul Muqaddas ka poora Naqsha kheench diya, Raaste ki esi Qata'i Alamaat batayi'n k Jinki baad me Tasdeeq ho gayi, Us Lamha E Qurb me jo khaas Wahi ki gayi Wahi Surah Bani israail ke unwan se Hamare saamne hai, is Surah ka Agaaz hi Waqia israa ke Tazkire se hota hai aur fir poori Surah me Mairaaj ki Rooh rachi basi hai,*     

*📔 Mohsin E Insaniyat- ﷺ, 182,* ┵━━━━━━❀━━━━━━━━━━━━┵

             ★ *Part–131_* ★

        *⚂_ HIJRAT- KA -HUKM _⚂* ─━━━════●■●════━━━─

*❥❥_Taa'if Qareeb tha aur Door Ho Gaya, Yasrib (Madin Munawwara) Door tha Magar Qareeb ho gaya:-*

*"❀_ Yasrib us Roz bilkul qareeb aa gaya Jis Roz ( Nabuwat Ke 11 ve Saal ) 6 inqibabiyo ke Ek Jatthe ne Huzoor ﷺ se Paimano Wafa baa'ndha, Fir Doosre Saal 112 Afraad ne Tehreek islami ki Alambardaar ke liye ba-qa'ida Guft v Shuneed Kar ke pehli Baite Uqba ki Girah baa'ndhi aur islami Toheed aur Akhlaqi Hudood Ke Tahaffuz ki zimmedari Apne Sar li,*

*"❀_ Fir Hajj ke moqe per Ek Badi Jama'at Haazir hui aur usne Raat ki Tareeki me Ek Khufiya Majlis ke Andar Doosri Baite Uqba Mazboot ki Jo poori Tarah Siyasi Rooh se mamlu thi, Isi me Huzoor ﷺ ka Hijrat kar ke Madina Munawwara Jana Tay hua aur is Walihana pesh kash ke Saath Tay hua k Ansare Madina Aapke liye Duniya Jaha'n se ladayi mol lene ko Tayyar hai'n _,"*

*❀"_ Shayad yahi daur .. Safare Taa'if se Hijrat tak.. hai jisme Suraj Yusuf Naazil hui thi aur jisne Hadees digara'n ke parde me Alambardaar Haq ko Basharat di aur uske Mukhalifeen ko unke Ghatiya aur Zalimana Tarze Amal se Agaah kar ke unka Anjam unke Saamne rakh diya,*    

*📔 Mohsin E Insaniyat- ﷺ, 183,* ┵━━━━━━❀━━━━━━━━━━━━┵  

                  ★ *Part–132_* ★

        *⚂_ HIJRAT- KA -HUKM _⚂* ─━━━════●■●════━━━─

*❥❥_ Aakhri Bait E Uqba ( Yani Zilhijja 13 baad Baisat) ke baad Rasulullah ﷺ ne Makka ke Musalmano Madina Munawwara Ki Taraf Hijrat kar jane ka hukm de diya aur Farmaya k Allah Az v Jal ne Ab tumhare liye Bhai Paida kar diye hai'n aur Ek Esa Shehar Faraham kar diya hai Jaha'n tum Aman se reh sakte ho _," ( ibne Hishaam- Ba Hawala ibne ishaaq )*

*❀"_ Ye Hukm milte hi Sabse Pehle Hazrat Aamir bin Rabi'a Raziyallahu Anhu Apni Bivi Laila binte Abi Hasma ke Saath nikle, Fir Hazrat Ammar bin Yaasir aur Hazrat Bilaal aur Hazrat Sa'ad bin Abi Waqas Raziyallahu Anhum ne Hijrat ki, Fir Hazrat Usman bin Affan Raziyallahu Anhu ne Apni Ahliya Ruqayya binte Rasulullah ﷺ ke saath rawana hue, Fir Muhajrat ka ek Silsila chal pada aur log pe dar pe is Naye Darul Hijrat ki taraf Jate gaye, Poore Kunbe Apne ghar baar chhod kar nikal khade hue,*

*❀"_ Sahaba Kiraam Raziyallahu Anhum ko Madina Munawwara bhejne ke Bavjood Aan Hazrat ﷺ ne Apne muqame Dawat ko nahi chhoda, Aap ﷺ hukme ilaahi ke muntazir rahe, Ab koi Musalman bhi Makka me nahi raha tha, Sivaye ese Logo'n ke jinhe Quresh ne rok rakha tha ya ibtila me daal rakha tha, Albatta Khaas Rafeeq me Abu Bakar Siddiq Raziyallahu Anhu aur Hazrat Ali Raziyallahu Anhu baqi they,*

*❀"_ in Halaat me Quresh ne Andaz kar liya k Ab jabki Musalmano ko ek Thikana mil gaya hai aur ek ek kar ke sab log ja chuke hai'n, Qareeb hai k Muhammad ﷺ bhi haath se nikal Jaye'n aur fir hamare Daayra e Asar se bahar reh Quwwat pakde'n aur Saara pichhla hisaab chuk jaye, Ye Log Makka ke Public Hall darun nadwa me jama hue aur sochne lag gaye k Ab Muhammad ﷺ ke khilaaf kya Kaarwayi ki jaye,*    

*📔 Mohsin E Insaniyat- ﷺ, 186,* ┵━━━━━━❀━━━━━━━━━━━━┵

                  ★ *Part–133_* ★

        *⚂_ HIJRAT- KA -HUKM _⚂* ─━━━════●■●════━━━─

*❥❥ Mukhtalif Raay ke baad Abu Jahal ne Tajveez kiya k Har Qabile se Ek Ek Mazboot aur Mo'azziz Nojawan liya jaye aur Sabko Talware di jaye'n, Fir yakbaargi us Per Hamla kar ke Kaam Tamaam kar de'n, Bas hume is tarah se Chhutti mil sakti hai, is Tareeqe se Muhammad ﷺ ka khoon Tamaam Qaba'il per Taqseem ho jayega aur Banu Abde Munaaf itne saare Qaba'il se badla lene ki Jurr'at na kar sakenge, Bas is Raay per ittefaq ho gaya aur ye Saazisi meeting barkhast ho gayi,*

*❀"_ Isi Meeting ki Kaarwayi per Qur'an ne in Alfaaz me Tabsira kiya:- " Aur Yaad karo us ghadi ko jab Kuffaar Tadbeere kar rahe they k Aapko qaid me daal de'n ya Qatl kar de'n Ya Bahar nikaal de'n, Wo Apni si Tadbeer ladate hai'n aur Allah Jawaban Doosri Tadbeer karta hai aur Allah Tadbeer karne me Sabse badh kar hai _," ( Al Anfaal- 30)*

*❀"_ Aane Wali pur israar Raat Saamne thi, Huzoor ﷺ Apne mehboob Tareen Rafeeq Hazrat Abu Bakar Siddiq Raziyallahu Anhu ke ghar Tashreef le gaye, Ja kar Raazdarana Tareeqe se ittela di k Hijrat ki ijazat aa gayi hai, Janab Siddiq ne Hamraahi ki Darkhwast ki Jo pehle se qubool thi, is Sa'adat ke Husool per Farte Masarrat se Hazrat Abu Bakar Siddiq Raziyallahu Anhu ki Aa'nkhe Dabdaba gayi'n,*

*❀"_ Unhone Hijrat ke Liye Do Ou'ntniya'n pehle se Khoob Achchhi tarah Farba kar rakhi thi'n Peshkash ki k Huzoor ﷺ dono me se Jise Pasand farmaye'n Hadiya hai, magar Huzoor ﷺ ne ba israar Ek Ou'ntni ( Jiska Naam Jud'a tha ) qeematan li,*     

*📔 Mohsin E Insaniyat-ﷺ , 187,* ┵━━━━━━❀━━━━━━━━━━━━┵

                  ★ *Part–134_* ★

        *⚂_ HIJRAT- KA -HUKM _⚂* ─━━━════●■●════━━━─

*❥❥_ Raat Hui To Huzoor ﷺ Ba Hukme ilaahi Apne makaan per na soye aur Doosre Mehboob Tareen Rafeeq Hazrat Ali Raziyallahu Anhu ko Apne Bistar per bila khof so jane ki Hidayaat farmayi, Saath hi Logo'n Ki Amanate unke Supurd ki k Subeh ko ye Maaliko ko Ada kar di jaye'n, Is Akhlaaq Ki kitni Hi Misaale Tareekh ke Panno me mojood hai'n K Ek Fareeq To Qatl ki Saazish kar raha hai aur Doosra Fareeq Apne Qatilo ko Amanato ki Adaaygi karne Ki Fikr me hai _,"* 

*❀_"_ Fir Huzoor ﷺ Hazrat Siddiq Akbar Raziyallahu Anhu ke ghar pahu'nche, Janab Asma binte Abu Bakar Raziyallahu Anha ne Jaldi se Apna Kamar band faada aur Tukde me khane ki Potliya'n baa'ndhi aur Doosre Tukde se Mashkiza ka Moo'nh baa'ndha, Do Musafirane Haq ka Ye Qafila Raat ki Tareeki me Gaamzan ho gaya,*

*❀_"_ Aaj Duniya ka Sabse bada Mohsin v Khair Khwaah ( ﷺ) bager kisi Qusoor ke beghar ho raha tha ! Mohsine insaniyat ﷺ ka Kaleja Kata hoga, Aa'nkhe Dabdaba'i ho'ngi, Jazbaat unde ho'nge, Magar Khuda ki Raza aur Bandgi ka Mission Chu'nki is Qurbani Ka bhi Taalib hua isliye Insaane Kaamil ne Ye Qurbani bhi de di, Aaj Makka ke Paikar se uski Rooh nikal gayi thi, Aaj is Chaman ke Phoolo se Khushbu udi ja rahi thi, Aaj ye Chashma Sookh raha tha, Aaj Uske Andar se Ba Usool aur Sahibe Kirdaar Hastiyo'n ka Aakhri Qafila rawana ho raha tha,*

*❀_"_ Dawate Haq ka Podha Makka ki Sarzameen se uga, Lekin uske Phalo se Daaman bharna Makka walo Ke Naseeb me na tha, Phal Madina Walo Ke hisse me aaye, Saari Duniya ke Hisse me aaye ? Makka Wale Aaj dhakel kar pichhe hataye ja rahe they, aur Madina Walo ke Agli Saf me jagah banayi ja rahi thi, Jo Apne Aapko Ou'ncha rakhte they Unko Pasti me dhakelne ka faisla ho gaya aur Jinko muqablatan nichle darje per rakha jata tha Wohi log utha kar Ouper laye ja rahe they,*

*❀_"_ Huzoor ﷺ ne Aakhri Nigaah daalte hue Makka se ye Khitaab farmaya:- Khuda ki Qasam, Tu Allah Ki Sabse Behatreen Zameen hai, aur Allah Ki Nigaah me Sabse badh kar Mehboob, Agar Yaha'n se mujhe nikala na jata to Mai'n kabhi na nikalta _,"*

*"_ Tirmizi aur Musnad ki Rivayat hai k Makka se nikalte waqt Huzoor ﷺ Hazurah ke muqam per khade hue Baitullah ki taraf rukh kiya aur bade dard ke saath farmaya _," ( Seerat Sarware Aalam - 2/724)*      

*📔 Mohsin E Insaniyat- ﷺ, 188,* ┵━━━━━━❀━━━━━━━━━━━━┵

                  ★ *Part–135_* ★

        *⚂_ HIJRAT- KA -HUKM _⚂* ─━━━════●■●════━━━─

*❥❥"_Chand Lamho baad Huzoor ﷺ Gaare Sor me they, Raasta khud Huzoor ﷺ ne Tajveez farmaya tha aur Abdullah bin Ariqat ko Ujrat de kar guide muqarrar kiya, Teen Roz Aap Gaar me rahe, Abdullah bin Abu Bakar Raziyallahu Anhu Raat ko Makka ki Saari khabre pahu'ncha aate, Aamir bin Fahira ( Hazrat Abu Bakar Siddiq Raziyallahu Anhu ke gulam) Bakriyo'n ka Revad le kar usi taraf nikalte aur Andhera ho jane per Gaar ke Saamne ja pahu'nchte taki dono Muhajir Zarurat ke mutabiq doodh le le'n _,"*

*"❀_ Udhar Quresh ne Huzoor ﷺ ke Makaan ka Muhasra raat bhar rakha aur Poore Shehar ki Nakabandi ka kada intezam bhi kiya, Magar Jab Achanak unko ye maloom hua k Jiski Talash thi wo to nikal gaya hai, To unke Paa'nv tale zameen nikal gayi, Huzoor ﷺ ke bistar per Hazrat Ali Raziyallahu Anhu ko pa kar bahut Sitpitaye aur un per gussa nikaal kar chale gaye,*

*"❀_ Talash ke liye Charo taraf Aadmi daudaye, Kuchh pata na chala, Ek Giroh daud dhoop karte hue ain Gaare Sor ke darwaze per aa pahu'ncha, Unke Qadam andar dikhayi dene lage, Kitna Nazuk Tareekhi lamha tha, Hazrat Abu Bakar Raziyallahu Anhu ko Tashveesh hui k Agar ye log Gaar me dakhil ho gaye to Goya poori Tehreek khatre me pad jayegi, Ese Lamhaat me Sahih insaani Fitrat ke andar jesa Ahsaas Paida hona chahiye, Theek esa hi Ahsaas Janab Siddiq ka tha,*

*"❀_ Magar Chu'nki Huzoor ﷺ ke Saath Haq Ta'ala ke Kuchh vaade they aur uski Taraf se Hifazat v Nusrat ki Yaqeen Dahani thi isliye Parda E Gaib ke pichhe tak dekhne wala Dil Jaanta tha k khuda hume Sahih Salamat rakhega, Fir bhi Theek usi Tarah Wahi Sakinat Naazil hui Jese Moosa Alaihissalam per Naazil hui thi, irshad hua - Fikr na karo Allah hamare Saath hai _," ( Tauba- 40)*

*❀"_ Chuna'che aane wala Giroh Gaar ke dahane hi se waapas lot gaya, Teen Roz gaar me rehne ke baad Huzoor ﷺ janab Siddiq Raziyallahu Anhu ke Saath Apne Rehbar aur Aamir bin Fahira ko le kar nikle, Ta'aqqub se bachne ke liye Aam Raasta Chhod kar Saahil ka Lamba Raasta Akhtyar kiya gaya,*    

*📔 Mohsin E Insaniyat- ﷺ, 188,* ┵━━━━━━❀━━━━━━━━━━━━┵

                  ★ *Part–136_* ★

        *⚂_ HIJRAT- KA -HUKM _⚂* ─━━━════●■●════━━━─

*❥❥_Udhar Makka me Elaan kiya gaya k Dono Muhajiro me se kisi ko bhi koi Shakhs qatl kar de ya Giraftaar kar laye uske Liye So Ou'nt ka ina'am hai, log barabar Talash me they,*

*❀"_Suraqa bin Maalik bin J'asham ko Khabar mili k Ese Ese Do Shakhs Saahil ke Raaste per dekhe gaye hai'n, Usne Neza liya aur Ghode per Sawaar ho kar rawana ho gaya, Qareeb aa kar Suraqa jab Tezi se Jhapta to uske Ghode ke Agle Paa'nv Zameen me dha'ns gaye, Suraqa ne Do Teen baar ki Nakaam koshish ke baad Maafi chahi aur Darkhwast ki k ek Tehreer Amaan likh dijiye, Goya usne ye bhi mehsoos kar liya tha k in Hastiyo'n ke Tufel ek Naya Daur Namudaar hone wala hai, Amaan likh di gayi aur Fateh Makka ke Din kaam aayi,*

*"❀_ Isi Moqe per Huzoor ﷺ ne Suraqa ko ek Basharat bhi di k, Ey Suraqa us Waqt Teri kya Shaan hogi jab Tu Kisra ke Kangan pehnega _,"*

*"_ Ye Peshgoi Hazrat Umar Farooq Raziyallahu Anhu ke Daur me Fateh Iraan ke moqe per poori Ho gayi,*

*❀"_ Isi Safar me Hazrat Zuber Raziyallahu Anhu kaarwane Tijarat ke Saath Shaam se Waapas aate hue mulaqi hue, Unhone Huzoor ﷺ aur Hazrat Abu Bakar Siddiq Raziyallahu Anhu dono ki khidmat me Safed Libaas Hadiya kiya,*

*"_ Isi Safar me Bureda Aslami bhi Sattar Hamrahiyo ke Saath Saamne aaye, Ye bhi dar Haqeeqat ina'am ke lalach me nikle they, Jab Saamna hua to Bureda ke Dil ki kaaya Palat gayi, Tareefi Guftgu hi me jab Huzoor ﷺ ne ek Kalma Basharat "Tera Hissa nikal aaya" farmaya to Bureda Sattar Saathiyo ke Saath imaan le aaye,*

*"❀_ Fir Bureda Raziyallahu Anhu ne ye Khwahish ki k Huzoor ﷺ Madina me Dakhile ke waqt Aapke aage aage jhanda hona chahiye, Huzoor ﷺ ne Apna Amama Neze per baandh kar Bureda ko diya aur Us Jhande ko lehrate hue ye Qafila Darul Hijrat me Daakhil hua _,"*    

*📔 Mohsin E Insaniyat- ﷺ, 188,* ┵━━━━━━❀━━━━━━━━━━━━┵

💕 *ʀєαd,ғσʟʟσɯ αɳd ғσʀɯαʀd*💕 

                    ✍

         *❥ Haqq Ka Daayi ❥* http://www.haqqkadaayi.com/

http://haqqkadaayi.blogspot.com

*👆🏻Visit for All updates,*

https://chat.whatsapp.com/DeZ80Gay7LWExbH7ceZOBF

*👆🏻 What's app All Post Ke liye Join Kijiye _,*

https://chat.whatsapp.com/D4YfLWErrkPBnXw23WBf27

*"👆🏻_Sirf Roman Post Ke liye Link se Join Kijiye,* 

https://t.me/haqqKaDaayi

*👆🏻Telegram Per Join Link_,*

https://www.youtube.com/channel/UChdcsCkqrolEP5Fe8yWPFQg

*👆🏻Subscribe Our YouTube Channel ,*

┣━━━━━━━━━━━━━━━━━━━━┫

⚂⚂⚂

⚂⚂⚂.

        ▁▁▁▁▁▁▁▁▁▁▁▁▁▁▁▁▁

     ✮┣ l ﺑِﺴْـــﻢِﷲِﺍﻟـﺮَّﺣـْﻤـَﻦِﺍلرَّﺣـِﻴﻢ ┫✮

    ⊙══⊙══⊙══⊙══⊙══⊙══⊙

     *■ MOHSIN E INSANIYAT ﷺ ■*

  *⚂_ MADINA KI MUKHTALIF FIZA _⚂* 

 ─━━━════●■●════━━━─

*❥❥_ Tareekhi Lihaaz se Ye Soorat Waqia bajaye khud badi Ahmiyat ki Haamil hai k Madina ki Siyasi v Mazhabi Fiza Makka se bilkul mukhtalif thi, Pehli baat ye hai k Makka aur Uske Mahol ki Saari Abaadi baaham digar marboot thi aur Mazhabi Qabilo aur Muahidaati bandhano se bandhi hui thi aur Quresh ka us per poora Tasallut tha, Lekin Madina aur uske Mahol me Do mukhtalif Anasir Abaad they, Jinke Darmiyan khichaav mojood tha,*

*❀"_ Madina Yasrib ke Naam se qadeem Shehar tha, aur Yaha'n Yahoodi Ba Kasrat aa kar Abaad hue, Yaha'n Jo'n Jo'n unki Nasl failti gayi Madina ke Aas Paas unki nayi Bastiya'n qaa'im hoti gayi, aur Saath ke Saath unke Chhote Chhote jungi Qile Tameer Hote gaye, Chuna'che poora ilaqa Yahood ke Mazhabi v Siyasi Tasallut me tha,*

*"❀_ Doosra Asar Ansar Ka tha, inka Asal Watan Yaman tha aur Qathaan ka Khandaan Inka nasli Sar Chashma tha, Jis Zamane me Sailab ne tabahi machayi thi aur bache khuche log idhar udhar muntashir hue they, us Zamane me Qathaan ke Qabile me se Aus aur Khazraj naam ke do Bhai Yasrib aa pahu'nche aur Yaha'n Abaad ho gaye,*

*❀"_ Ho Sakta hai k baad me aur log bhi aaye ho'n, Taaham inhi nav Vaarido ke Zariye is ilaaqe me naye Asar ka izaafa hua, baad me nasl badhti gayi aur Aahista Aahista ek nayi Taaqat ubharne lagi, Shuru Shuru me in Logo'n ne Yahoodi Ma'ashra aur Tamddun se munqata reh kar panapna chaha lekin pehle ki jami hui Taaqat ke Zor v Asar se dab kar unse Dostana Muahida istwaar kar liya, Muahidana Talluqaat der Tak khush usloobi se chalte rahe,*

*❀"_ Lekin Yahood ne Jo'nhi ye Mehsoos kiya k Ansar ki Roz ba Roz Taraqqi unke inqtidaar ke liye ek khatra banti ja rahi hai to unhone Halifana Talluq Tod liya,*    

*❥❥_Yahood Ke andar Ek Ayyaah Raies Fityun Naami utha, Usne Jabr v Quwwat Apna ye hukm Naafiz kar diya k uske Hudood me jo ladki bhi Biyahi jaye wo uske Shabistaan E Aish se guzar kar Azdwaji Zindgi ke Daayre me dakhil ho, Yahood ke bigaad ka isse andaza kijiye k Unhone Fityun ke is Hukm ke aage sar Tasleem Kham kar diya tha,*

*❀"_ Aakhir ek din is Shaitani Hukm ne Ansar ki Gairat ko bhi Chellenge kar diya, Maalik bin Ajlaan ki Behan ki Shadi ho rahi thi k Ain Baraat ke Wo Bhai ke Saamne se poore Andaze be hijaabi ke saath guzra, Maalik ne Malamat ki to usne kaha k Kal jo kuchh pesh aane wala hai Wo isse zyada Shadeed hoga, Chuna'che Maalik ne Fityun ko ja kar Qatl kar diya aur Shaam ki taraf bhaag gaya,*

*"❀_ Waha'n Gassan Hukmran Abu Jabla ka Sikka chal raha tha, Use ye Halaat jab maloom hue to usne Hamla kar diya aur Bade Bade Yahoodiyo ko qatl kar dya aur Aus aur Khazraj ko Khul'at v inaam se Nawaza, in Waqi'aat ne Yahood ka Zor Tod diya aur Ansar ki Taaqat bad gayi,*

*"❀_ Garz Yahood ke muqable me Ansar ka maamla barabar ki chot ka maamla tha, Lekin Usool v Maqsad ke na hone ki vajah se unka ittehad Mazboot buniyad nahi rakhta tha, Aapas ki kashmkash ne Deemak ban kar Taaqat ko chaatna shuru kiya, Yaha'n tak k Aus aur Khazraj ke Darmiyan Jung Ba'as waaqe hui aur Fariqeen ke Nihayat Qeemti Afraad ek doosre ki Talwaro ka luqma ho gaye, Is tarah Yahood ke Saamne Wo fir be zor ho kar reh gaye, isi Haalat se majboor ho kar Unhone qareeb ke Zamane me Quresh ke Saamne Halifana Talluqaat ki Darkhwast rakhi thi lekin baaz Vajaho se Koshish Nakaam rahi,*     

*❥❥_ Doosri Taraf Yahood ke Tafooq ki Ek Vajah unki Mazhabi Sayadat bhi thi, Unke paas Toraat thi, aur wo ek mustaqil Mazhabi Nizaam ke Alambardaar they, Unke paas ek Sarmaya Aitqaad tha, Ek Akhlaqi Zaabta tha, Fiqhi Ahkaam they, Mazhabi Qanoon tha, kuchh Rivayaat thi'n aur ibadaat ki Anjaam dahi ka Tareeqa tha,*

*"❀_ Ansar is pehlu se Tahi Daaman they aur is Daayre me unke Saamne haath failane per majboor they, Unhi ke 'Baitul Madroos' ( Yahoodiyo ke Mazhabi Taleem ke Markaz) se wo istefada karte they, Had ye k Agar kisi Ansari ki Aulaad zinda na rehti thi to wo Nazar hi ye maanta tha k Agar Bachcha zinda raha to use Yahoodi banaya jayega, Ansar me is pehlu se Ahsaas Kamtari mojood tha aur unki Gairat v Hamiyat is per Dukh mehsoos karti thi,*

*❀"_ Unke Haqa'iq ko Saamne rakhne se Andaza ho sakta hai k Madine ke Mahol me Yahood aur Ansar ke Darmiyan khichaav tha aur Talluqaat ki gehrayi me Harifana aur Raqibana Jazbaat kaam kar rahe they, isi Silsile me ye bayan karna Dilchaspi se Khali nahi k Yahood Ansar ke Saamne aksar ye kaha karte they k Aakhri Nabi Jald hi mab'oos hone wala hai, Wo aaye to fir hum uske saath ho kar tumhari khabar lenge _,"*

*"_ Yahood ki is Peshgoi ne Ansar ko bhi us paigambar mo'ood ka muntazir bana diya tha aur unke andar ek Sha'oori Rujhaan ye kaam kar Raha tha k Agar Wo Nabi aa jaye to wo aage bad kar uska Daaman thaam lenge, Chuna'che yahi hua k Peshgoi Sunane wale khud to Mehroom rahe aur jinko wo Dhamkiya'n diya karte they wo Nabi Aakhiruz Zama'n ke Halqa E Rafaqat me aaye, Yahood jinko pitwana chahte they unke Haatho se khud pit gaye,*

*❀"_ Madina ki is Fiza aur iske pashe Manzar ko saamne rakhne se Andaza ho sakta hai k Kyu'n ye Mahol Makka ke muqable me Tehreek E islami Ko zyada Raas aaya,*    

    ⊙══⊙══⊙══⊙══⊙══⊙══⊙                           

                  

 *⚂_TEHREEK ISLAMI MADINA ME _⚂

* ─━━━════●■●════━━━─

*❥❥_Tehreek E islami Madina me:-*

*"❀_ Makka ne Dawate Haq Suni aur Musalsal 13 Saal Suni iska poora istadlaal saamne aaya, Uske Noor se bhari hui Ek La Misaal Shakhsiyat ka kirdaar uske saamne Jagmagata raha, Uske Alambardaaro ne zulm ki Chakki me pist hue "Ahad Ahad" ki Sada buland ki, Magar Makka ki ijtimayi Fiza ne Shuru se Aakhir tak ek hi rat lagaye rakhi "nahi Manzoor,"*

*"❀_Lekin Madina Tak Gule Dawat Ki Hikmat ka Pehla jho'nka hi Pahu'ncha hoga k uski Rooh v Jad me aa kar pukaar uthi "Labbek", Madina ka Pehla Nojawan jo Nabi ﷺ ke Paigaam se Behrah Andoz hua Suwed bin Saamit tha, Ye Ek Zaheen Shayar they, Ek maahir sawaar they, Bahadur Jungju they, Ese Nojawan bil Umoom inqilabi harkat ke Sipahi bana karte hai'n aur Tameer v Taraqqi ki Har Dawat per Labbek kehte hai'n aur fir Apna sab kuchh laga diya karte hai'n,*

*"❀_ Jab ye Makka me aaye to Sarware Aalam ﷺ ne Hasbe Mamool mil kar Dawat pesh ki, Suwed ne bataya k Esi hi ek Cheez mere pass bhi hai yani Sahifa Luqman, uska kuchh hissa unhone sunaya bhi, Fir Aan Hazrat ﷺ ne Qur'an sunaya, Dekhiye be Ta'assubi ka Muzahira k Suwed ki Fitrate Saleem foran pukar uthi k ye kalaam khoobi me badha hua hai, Chuna'che is Kalaam ka Paigaam unke Dil me ghar kar gaya, Lekin Afsos k jane ke baad jald hi Wo Khazrajiyo ke haatho maare gaye,*   

*❥❥_Mutassir hone Wala Doosra Yasrabi Nojawan Ayyas bin Ma'az tha, Ye Madina ke Ek Wafad Kaarkun they, Wafad Ka Maqsad tha k Khazraj ke Khilaaf Quresh se Halifana Muahida kare'n aur imdaad Haasil kare'n, Daa'i Haq ne un Logo'n tak baat pahu'nchane ka moqa nikala, islam ka Tarruf karaya aur Qur'an padh kar Sunaya, Ayyas bin Ma'az Jo us waqt Ladakpan ke Aalam me they, Kehne lage- Kya hi Pakiza Fitrat bol rahi hai k Ey Saathiyo'n ! Tum jis Garz ke liye aaye ho usse ye zyada behtar hai_,"*

*❀"_ Sardaar Wafad Abul Haisar ne mitti utha kar unke Moo'nh per maari, Saath hi kaha - Hum is matlab ke liye nahi aaye, Abul Haisar ko Fikr thi Quresh ki Himayat haasil karne ki aur Wo khoob Samajhta tha k Muhammad ﷺ ki baat maani to Quresh ke Dilo ke Darwaze ulta aur band ho jayenge _,"*

*"❀_ Ayyas chup ho gaye lekin Unke Dil ki Mitti me Dawat ka beej pad gaya tha, Ye log waapas lot gaye aur Afsos k Madina ka ye bedaar Dil Nojawan bhi jald hi Junge Ba'as ki lapet me aa kar Duniya se Rukhsat ho gaya, Dam Aakhir khuda ka zikr uske lab per tha,*

*"❀_ Nabuwat ke 11 ve Saal Hajj ke liye Madina se Jo Giroh aaya usse ek Nashist me Sarware Aalam ﷺ ki badi Tafseeli Guftgu hui, Aapki Dawat Sun kar wo log Aapas me kehne lage - Ey Saathiyo! Jaan lo k Qata'i tor per ye Wohi Nabi hai Jiske bare me Yahood tumhare Saamne Pesh goi karte rehte hai'n, So ab Wo Kahi'n tumse aage na badh jaye'n _,"*

*❀"_ Chuna'che Allah Ta'ala ne unke Dil khol diye aur unhone Deene Haq ko Apne Seeno me Jazb kar liya, Fir wo kehne lage- hum Logo'n ne Apni Qaum ka Saath chhoda, Doosri kisi Qaum me hamare Logo'n ki tarah Dushmani aur kharabi na hogi, Shayad k Aapki zaat ke Zariye Allah Ta'ala unko fir jod jaad de, Hum unke paas jaye'nge aur Aapke Deen ki taraf unko Dawat denge aur unke saamne Apna wo Tassur rakh denge Jo is Deen ke liye Aapke Saamne humne Zaahir kiya hai, Fir Agar Allah Ta'ala ne unhe is Deen per jama kar Diya to uske baad Aapse zyada Quwwat rakhne wala koi doosra na hoga _,"*

*❥❥_Makka Ke Logo'n ne Jis Dawat ko thikraya Madina ke Logo'n ne usme Apne liye ittefaq v ittehad ki Buniyad pehli Nazar daalte hi dekh Li, Islami Tehreek ke Alambardaari ke liye Madina ki ye Pehli Jama'at jiski Tashkeel Makka me ho rahi thi, 6 Afraad per mushtamil thi- (1)_ Abul Haisam bin Taihaan (2)_ As'ad bin Zarara (3)_ Auf bin Haaris (4)_ Raafe bin Maalik bin Ajlaan (5)_ Qutba bin Aamir (6)_ Jaabir bin Abdullah _,*

*❀"_ Ye Log Lot kar gaye to Mahol me ek nayi harkat inhone paida kar di, Dawat islam failne lagi aur khoob maqbool hui, Ansar ke gharano me se koi ghar Esa na raha Jisme Muhammad ﷺ ka Charcha na ho raha ho _,*

*"❀_Bait E Uqba Awla :- Agle Saal Yani Nabuwat ke 12 ve Baras 12 Afraad ka Wafad aaya aur aa kar Bait ki, is Bait ko islahan Baitun Nisaa Yani Zanana Bait kehte hai'n, isse Mafhoom ye hai k is Bait me Sirf Buniyadi baato ka iqraar liya gaya tha aur Jung v Tasadum ka koi koi Sawal saamne na tha, is imaani iqraar ke Ajza ye they :-*

*"❀_ Hum Allah ke Saath kisi ko Shareek nahi thehrayeng, Chori nahi karenge, Zina nahi karenge, Apne Bachcho ko qatl nahi karenge, Kisi ke Khilaaf jaante boojhte koi mangadhat bohtaan ghad kar nahi layenge, aur kisi maroof maamle me Muhammad ﷺ ki Nafarmani nahi karenge_,*

*"❀_ Ye Log Faarig ho kar uthe to Paigambar E khuda ne Mus'ab bin Umer bin Hashim Raziyallahu Anhu ko Madina me Fariza E Dawat ki Anjamdahi per mamoor kiya, Unke Zimme lagaya k Waha'n ja kar Logo'n ko Qur'an padhaye'n islam ki Taleem de'n, Deen Ki Soojh boojh paida kare'n, Chuna'che Wo Namaz ki imamat bhi karate they aur islam ki idiology aur uske Usool Akhlaaq ki Taleem bhi dete they,*

*❥❥_Do Leadaro Ka Quboole islam ;- Ek Din As'ad bin Zarara Raziyallahu Anhu ( Jinke Makan per Nabi ﷺ ke mamoor karda Daa'i Mus'ab bin Umer Raziyallahu Anhu thehre they ) Dawati Muhim ke Silsile me Apne Saath Mus'ab bin Umer Raziyallahu Anhu ko le kar Bani Abdul Ash'hal aur Bani Zafar ke gharo tak jane ke liye nikle, Dono Marq naami Ku'nve ke qareeb Bani Zafar ke Ahaate me pahu'nche, baaz log jo islam la chuke they Unke Gird jama ho gaye,*

*"❀_ Sa'ad bin Ma'az aur Usaid bin Huzer Dono Bani Abdul Ash'hal ke Leader they aur abhi tak Apni Qaum ke Maslak Mushrikana per qaa'im they, As'ad bin Zarara Raziyallahu Anhu aur Mus'ab bin Umer Raziyallahu Anhu ke Kaare Dawat per Sa'ad bin Ma'az Jale bhune to they hi, Jo'nhi dono Sahabo ke idhar aane ki ittela mili Unhone Usaid ke kaan me foo'nka k Ye Dono humme se Kamzor Afraad ko Apne Humnawa banane aate Hai'n, Lihaza ja kar unki khabar lo aur unko mana kar do k hamare gharo me na aaya kare'n, Agar As'ad bin Zarara Mera Khalazaad aur Azeez na hota to Tumhare bajaye Mai'n khud usse nipat leta,*

*"❀_ Chuna'che Jo'nhi Madina ke Halqa e islami ki ye Majlis lagi, Sa'ad bin Ma'az ki Talqeen ke zere asar Usaid bin Huzer bhaala taane hue un dono Daa'iyane islam ki taraf lapke, fir thithak kar bad zubani karte hue kaha k , Tumhare Yaha'n aane ka matlab kya hai ? Tum Hamare Kamzor Aadmiyo'n ko Bewaqoof banate ho, Agar tumhe Apni jaajo ki zarurat hai to humse kinara karo _,"*

*"❀_ Mus'ab bin Umer Raziyallahu Anhu Narmi se kehne lage k kya tum Zara beth nahi jate k pehle gor se Suno, fir Agar baat pasand aaye to maano, na pasand ho to usse baaz raho, Chuna'che wo kuchh thande pad gaye, Bhaala niche daal diya aur Tehreek islami ke Dono Daa'iyo'n ke paas Sukoon se beth gaye, Mus'ab bin Umer Raziyallahu Anhu ne Guftgu shuru ki aur Qur'an padh kar Sunaya,*

*❥❥_Dono Hazraat Kehte hai'n k Unhone Apne Mukhatib Ke bolne se Pehle Uske Chehre se Quboole islam ka Jazba padh liya, Aakhir Usaid Ki Zuban khuli:- Kya hi khoob hai ye kalaam hai bahut hi pyara! Puchha - Tum log islam me dakhil hote waqt Kya Soorat Akhtyar karte ho ? Dono ne kaha k Jao ja kar naha'o, Paak Saaf ho jao aur Apne kapde dho daalo, Fir Haq ki Sadaqat ki Gawahi do aur Namaz Ada karo,*

*❀"_ Usaid Jo Abhi Abhi bhaala Taane khade they Ab khud islam ka Zindgi Bakhsh bhaala unke Seene me utar chuka tha, uthe nahaye dhoye aur aa kar Do Raka'at Namaz Ada ki, Namaz se faarig ho kar baat chhedi aur Usaid ne kaha k mere Saath ka ek Shakhs aur hai, Agar Wo bhi Tumhare Saath ho jaye to uske Qabile ka koi Aadmi Sartabi na karega, Mai'n is waqt usko bula leta hu'n, Wo hai Sa'ad bin Ma'az,*

*❀"_ Chuna'che Foran Bhaala uthaye Sa'ad bin Ma'az ke paas pahu'nche, Waha'n Majlis lagi thi, unhone dekhte hi Saathiyo'n se kaha k Mai'n khuda ki qasam kha kar kehta hu'n k Usaid ka chehra wo nahi hai Jo Tum Logo'n se uth kar Jate waqt tha, Fir Sa'ad ne Usaid se puchha - kaho kya kar ke aaye ?*

*❀"_ Usaid bin Huzer ne Be Saakhta jawab diya, maine dono se baat ki, khuda ki qasam ! Unki taraf se kisi tarah ka Andesha Mehsoos nahi kiya aur unhe maine mana kar diya hai, is per unhone kaha k hum Wohi karenge Jo tumhe pasand hai , Saath hi Saath Sa'ad bin Ma'az ke jazbaat ko harkat me lane ke liye ye bhi keh diya k bani Harisa Usaid bin Zarara ke Qatl ke darpe hai'n aur wo log ye jaante hue is baat ki Jurr'at kar rahe hai'n k Tumhara Azeez hai aur is tarah wo Tumhari Tehqeer karna Chahte hai'n,*

*❀"_ Sa'ad bin Ma'az Banu Harisa ki taraf se esi Harkat ka khof Mehsoos karte hue gazabnaak ho kar lapke aur Bhaala Usaid ke haath se le liya, Lekin Waha'n pahu'nche to dekha k islam ke Dono Alambardaar Sukoon se hai'n, Samajh gaye k Usaid ka mansha is chaal se Sirf ye hai k Mai'n barahe raast unki baat Sunu,*

*❥❥_As'ad bin Zarara Raziyallahu Anhu ko mukhatib kar ke kaha k Tum log Hamare paas aate ho to esi baat le kar hamare gharo me aate ho jisse hume nafrat hai, Mus'ab bin Umer Raziyallahu Anhu ne narmi ke usi Andaz se kaam lete hue kaha k Zara Sambhlo baat suno pasand ho to maano nahi to fir hum wo cheez tumhare Saamne nahi layenge jisse tumhe nafrat ho,*

*"❀_ Sa'ad bin Ma'az kehne lage- Tumne baat insaaf ki ki, Sa'ad bin Ma'az thande pad gaye, bhaala niche daal diya aur beth gaye, Sunane wale ne Haq ka Paigaam Sunaya aur Qur'an padha, Dobara wohi kaifiyat pesh aayi, Sa'ad bin Ma'az ke bolne se pehle unke chehre se Quboole islam ka Jazba jhalakne laga, Ye doosra Sardaar bhi Chand Lamho me islam ke maidaan per khada tha,*

*"❀_ Sa'ad bin Ma'az nayi Zindgi le kar palte to Ahle Majlis ne door se dekhte hi Aapas me kaha k chehre ka rang badla hua hai, Aate hi unhone Yu'n Khitaab kiya- Ey Bani Abdul Ash'hal! Mere bare me tumhari kya Raay hai ? Sab kehne lage k Tum hamare Sardaar ho, Tumhari Raay humse Pukhta hai, Khoobiyo'n ke Lihaaz se sabse zyada ba Barkat ho,*

*"❀_ Sa'ad bin Ma'az ne kaha - To fir jab tak Tum log khuda aur uske Rasool per imaan nahi laoge Tumhare Mardo'n aur Aurto'n se baat karna mujh per haraam hai ! .. fir kya tha poore Qabile ke Mard Aurat me se koi ek bhi islam ke Daayre se bahar na raha,*

*"❀_ In do Sardaaro ke Zariye jab Tehreeke Haq ki Taaqat Yakayak itni badh gayi to Dawat ki Muhim ne bhi Zor pakda aur ek ek Qabile aur Ek Ek ghar me Subeh islam ki tajalliya'n bikhar gayi'n,*

    ⊙══⊙══⊙══⊙══⊙══⊙══⊙

       *⚂_BAIT E UQBA SANIYA _⚂* 

 ─━━━════●■●════━━━─

*❥❥_Bait E Uqba Saniya :-*

*"❀_ Isi Dauraan me Hajj ka Zamana aa gaya, Ab ke Musalmano ki badi Tadaad Makka pahu'nchi, Madina ki Khaiti khoob fasal de rahi thi, Ye naye jazba E Deeni Sarshaar ho kar aane wale Hujjaaj, Quresh se bach bach kar Raato ki Tareeki me Apne qaa'id Mehboob se mile, is baar fir Ahad v Wafa Az Sare No istwaar kiya gaya, Lekin ab ki baar maamla "Baitun Nisaa" se bahut aage Tak ja pahu'ncha,*

*❀"_ Pehli Bait me Siyasi pehlu Sirf ek nukte se numaya Hota tha, Yani ye iqraar k Hum Muhammad ﷺ ke maroof Ahkaam se Sartabi nahi karenge, Lekin is martaba Muhammad ﷺ ka Saath dene ke aur yahi ma'ani Saamne rakh kar Bait E Saniya istwaar ki gayi,*

*❀"_ Guftgu me Tehreek E islami ke in Sipahiyo ne pesh Aainda mumkinaat ka poora Andaza kar ke ye kaha k Logo'n ( yani Yahood ) ke Saath hamare Muahidana Raabta hai aur hume un Raabto ko Todna hoga, Kahi'n esa na ho k Jab hum ye kar chuke aur fir Allah Ta'ala Aapko galba ata kar de, to Aap Apne Khandaan walo ki taraf lot jaye'n aur hume Chhod de'n _,"*

*❀"_ is Andeshe ke jawab me Muskurate hue Huzoor ﷺ ne farmaya - Tumhara Khoon Mera khoon hai, Tumhare Dushman mere Dushman hai'n, Mai'n Tumhara aur Tum mere ! Jisse Tumhari Jung usse meri Jung, Jisse Tumhari Suleh usse meri Suleh _,"*

*❥❥_ Abbas bin Ubada Raziyallahu Anhu ne kaha :- Ey Khazraj walo! Jaante ho k is Hasti ke Saath kis baat ka paimaan baa'ndh rahe ho ? Ye Logo'n ne Se Surkh v Syaah se Jung ka paimaan hai_," Ahle Wafad ne poori zimmedari ko mehsoos karte hue jawab diya k, Haa'n hum Apne maalo ki tabahi Apne Sardaaro ke qatl ke Alal Ragm Aap ﷺ ke Saath paimaan baa'ndh rahe hai'n _,"*

*"❀_ Is Bait ki khaas No'iyat hi ki vajah se iska naam "Baite Harb" pad gaya, is Bait ki ek markazi Shart ye thi k hum Tangi me Asaani me, Khushi me aur Ranj me Aan Huzoor ﷺ ka Har irshad sunenge aur uski ita'at karenge, Huzoor ﷺ ko Huzoor ﷺ ke Farman ko Apne aap per Tarjeeh denge, Ye k hum Arbaabe Amr se Kashmkash nahi karenge, aur ye k hum Allah ke Deen ke Maamle me Malamat karne walo ki Malamat ki Parwah nahi karenge,*

*"❀_ Ye Bait gaya islami Qasre Riyasat ki pehli iynt thi, aur Saath ke Saath Kitaabe Tehreek me likhe jane wale baab Hijrat ka dibaacha ( Maqsad) ! Is Bait ke zariye mustaqil ki islami Riyasat ke Liye Goya iske hone wale Shehriyo'n ne Ba Raza v Ragbat Muhammad ﷺ ki Qayadat ko Qubool kar liya, iske alawa Sama v Taa'at ka nazm istwaar ho gaya,*

*"❀_ is moqe per ek paimaan hi nahi baa'ndha gaya balki ijtimayi nazm ki Buniyad bhi utha di gayi, islami Tehreek ke Qafila Salaar ne Shehri Jama'at ki Raay se 12 Naqeeb muqarrar kiye, 9 Khazraj me se aur 3 Aus me se ! In Naqeebo ko mamoor kiya gaya k Tum Apni Qaum ke Saare Mamlaat ke zimmedaar ho, bilkul usi tarah jese Iysaa Alaihissalam ke Hawaari Zimmedaar they aur jese Khud Mai'n Apni poori Jama'at ka Zimmedaar hu'n, ye Goya Aan Hazrat ﷺ ke Naa'ib they, inke taqarrur se mun'azm Ma'ashra ki Tameer ka kaam ba qaaida Shuru ho gaya,*

*"❀_ Quresh ke kaan me bhanak padi to Sitpita gaye, Wafad ja chuka tha, isliye puchha kiya aur Sa'ad bin Ubada Raziyallahu Anhu aur Manzar bin Amru Raziyallahu Anhu ko Giraftaar kar laye, Un per Apna gussa nikala, Lekin Saa'np nikal gaya tha ab Lakeer peetne se kya haasil tha,*

    ⊙══⊙══⊙══⊙══⊙══⊙══⊙                                            

 *⚂_ TEHREEK KA NAYA DAUR _⚂* 

 ─━━━════●■●════━━━─

*❥❥_Madina me Tehreek Ka Naya Daur:-*

*"❀_ Ye Wafad Makka se Baite Uqba Saniya ke baad Madina lota to Dawat ka kaam Alal Elaan bahut hi zor v Shor se Shuru ho gaya, Nojawan jab kisi Tabdeeli ke Naqeeb ban ke uth khade hote hai'n to Unke Muqable me Budhape se guzarti hui Nasl der Tak jam nahi Sakti aur Agar Jame bhi to uska daur zyada lamba nahi ho sakta, Makka me bhi aur khaas Tor per Madina me Nojawan Nojawan Taaqat Dawate islami ke Jhande uthaye aage aage badh Rahi thi, Nojawan Taaqat ne kya kya kuchh na kiya hoga, iska Andaza karne ke liye ek Dilchasp Waqi'a ka Tazkira karna zaroori maloom hota hai,*

*"❀_ Bade Budho me se ek buzurg they Amru bin Jamuh, Jinka Talluq Banu Salma se tha, in bade Miya ne Apne Ghar me Lakdi ka Ek But Manaat Naami Faraham kar rakha tha, Ye iski ibaadat karte they aur iski jhaad punchh me lage rehte they, Bani Salma ke Do Nojawan Ma'az bin Jabal aur Ma'az bin Amru Dawate Haq per imaan la kar Tehreeke islami ke Kaarkun ban chuke they,*

*"❀_ Ye Dono Raat ki Tareeki me jate aur bade Miya ke Khudawand ko Bani Salma ke gadhe me ulta kar daal aate Jaha'n log galazat aur kooda karkat fainkte they, Subeh hoti to Amru bin Jamuh chillata k ye kon hai jisne Raat hamare Khudawand per Daraaz dasti ki hai, Fir Wo Apne Khudawand ko dho dha kar Singhasan per bithata, Agli Raat fir yahi Haadsa pesh aata, Bade Miya fir usi chakkar me pade badbadate firte, Ek Din Amru ne Tang aa kar Apni Talwaar But ke Saath latka di aur use khitaab kar ke kaha k Khuda ki qasam Mai'n nahi jaanta k Kon tere Saath ye maamla karta hai, So Agar Tujhme kas Bal hai to fir khud hi Apna bachav kar ye Talwaar mojood hai _,"*

*"❀_ Shaam hui Amru so gaya, Dono Nojawan Raat ko aaye aur Amru ke Khudawand ko Andhe Ku'nve me ja kar latka aaye, Subeh uth kar ibrat ka ye Naqsha dekhte hi Amru Ke Dil ne karwat li aur islam ki Safo me aa Shareek hua, isse andaza kiya ja sakta hai k Madina ki kis tarah Kaya palat rehi thi _,"*

*®_ Tafseel Ke Mulahiza ho Seerat ibne Hisham- 5/51-59,*

*❥❥_Madina ne jab khule Dil se Dawate Haq ko Labbek kahi to Sarware Aalam ﷺ ko ummeed ki ek nayi jhalak nazar aayi, Baite Uqba Awla ne is ummeed ko mustahkam kar diya, fir Mus'ab bin Umer Raziyallahu Anhu ne khud waha'n reh kar aur kuchh Arsa kaam karne ke baad Baite Uqba Saniya wale Mosame Hajj se kuchh pehle aa kar Huzoor ﷺ ki khidmat me Report pesh ki, Madina Ke Musalmano ki Tafseel bayan ki, Unki Quwwat ka haal bataya aur Khush Khabri di k wo is Saal badi Tadaad me aa rahe hai'n,*

*"❀_ Is Report ne Huzoor ﷺ ko gor v Fikr ki Dawat di, Ye Soorat Waqa'i badi Khushi dene wali thi k Madina ke Musalman Tadaad aur Quwwat ke Lihaaz se din raat badh rahe they aur fir Yahood ki taraf se us tarah ki Sangeen Mukhalfat ka unko Saamna nahi karna pad raha tha jese unke Kai Saathiyo'n ko Quresh ki taraf se darpesh thi,*

*"❀_ Aur Ahle Yasrib Makka Wale Rafqa ke liye bil Umoom kudhte they, unko bahut zyada Sahulate Mayassar thi'n, Unke Paas Khaitiya'n thi'n, Huzoor ﷺ Sochte they k kya ye Achchha na ho k Makka ke Rafqa Madina chale jaye'n, aur Quresh ke mazalim se Nijaat pa kar Deen ke Taqaze poore kare'n,*

*"❀_ Chuna'che aane wale Wafad me jo log Mahram they unse Aap ﷺ ne is khayal ka izhaar bhi farma diya, Yu'n to Hijrat E Habsha se Muhajireen ke Lot aane ke baad hi se ikka dukka Rafqa Aapki ijazat se Madina jate rahe, lekin Baite Uqba Saniya ke baad raftaar tez ho gayi aur Taqriban Tay ho gaya k doosra Darul Hijrat Madina hi hoga _,"*

*❥❥_Sardarane Makka dekh rahe they k Tehreek islami ne ek Naya Mazboot Markaz paida kar liya hai, Unki Nigaaho me mustaqil bada bhayanak ho kar aane laga, Wo Apni jagah khoob samajh rahe they k Ab Agar Madina me Kalma E Haq ki Jad lag jati hai to Hamare Hudoode Asar se bahar hi ye Kalma ek Na-qabile Shikasht Taaqat ban kar ek din hamari hi khabar lega, aur hume Apni kartooto ka hisaab payi payi Ada karna hoga,*

*"❀_ Wo is khatre ko bhi mehsoos kar rahe they k Shaam ki Tijarati Raahe'n Chu'nki Madina se ho kar guzarti hai'n isliye Madina ka Naya islami Markaz Raaho ki Nakabandi kar sakega aur is tarah unki Ma'ashi Shaah Rag kat jayegi, Un per Andar hi Andar Ghabrahat ka Shadeed daura pad chuka tha, magar Samajh me na aata tha k kare'n kya ?*

*"❀_ Chuna'che pehla Muhajir jab Madina ke iraade se nikla to Makka walo ne uske saath jafa karana maamla kiya, Ye Awwaleen Muhajir Abu Salma Abdullah bin Al Asad Makhzoomi Raziyallahu Anhu they, Ye Bivi Bachche ko Ou'nt per Sawaar kar ke nikle, Unki Bivi Banu Mugira me se thi'n, Wo log ain rawangi ke Waqt aaye aur Umme Salma Raziyallahu Anha ke Ou'nt ki muhaar ye keh kar Abu Salma se chheen li k ise hum tere saath dar dar firne ke liye kese chhod sakte hai'n,*

*"❀_ Is Jazbaati Soorate Halaat ne Abu Salma Raziyallahu Anhu ke Qabile walo me sakht rad Amal paida kar diya, Unhone Banu Mugira se kaha k Agar tum hamare Aadmi se uski Joru ko Yu'n chheente ho to fir hum Apna nanha Bachcha uski god me na rehne denge, Chuna'che Shohar Bivi aur Bachcha teeno baaham digar bichhad gaye aur is Aalam me Abu Salma ne kooch kiya,*

*❀"_ Umme Salma Raziyallahu Anha Roz Subeh ko aa kar Shehar se bahrayi moqe per zaro qataar rone lagti'n, Aakhir Saal bhar ke baad kisi ko Raham aaya aur usne Banu Mugira se keh Sun kar Ou'nt per Sawaar Kara ke Umme Salma ko Bachche Samet Madina Rawana kara diya aur Wo Tane Tanha chal Khadi hui'n, Khuda ka karna esa hua k Ek muqaam per Usman bin Talha Raziyallahu Anhu mil gaye aur Unhone is Muhajira ko Hawali Madina me pahu'ncha diya,*

*❥❥_Hijrat E Habsha Ke Talkh Tajurbe ke baad Ab policy ye thehri k khuda Parastana Nizaame Zindgi Ke Alambardaaro ko Apne Qabu se nikalte hue Roka jaye, Wo nikle'n to esi Haalat me nikle'n k Unka Kunba Qabila Makka walo ke paas rahe, Ye policy Shuru me Zara dheeli dhaali thi, Lekin Rafta Rafta isme Sakhti badhti gayi,*

*"❀_ Hattaki Hazrat Umar Raziyallahu, Ayash bin Rabi'a Raziyallahu Anhu, Hisham bin Aas bin Waa'il Raziyallahu Anhu Daure Aakhir me Ese Aalam me chhup chhupa kar nikle k Har Waqt dhadka tha k Kahi'n Giraftaar na ho jaye'n, Hazrat Umar aur Ayash Raziyallahu Anhum Ba Khairiyat Madina pahu'nch gaye,*

*"❀_ Makka se Ek Saazishi Wafad unke peechhe rawana hua, Ye Abu Jahal bin Hisham aur Haaris bin Hisham per mushtamil tha, Ye log ja kar Ayash se mile aur kaha k Tumhari Walida ka haal kharab hai aur usne qasam khayi hai k jab tak Tumse na milegi Sar ke baal na Sa'nwaregi aur Chilmilati Dhoop me khadi rahegi,*

*"❀_ Saathiyo ne Samjhaya k ye Waaze tor per ek chaal hai, Tum ek baar Makka walo ke fande me fa'ns gaye to ye Tumhe Deen se hata denge, Ayash Ko Ek Lalach ye bhi tha k Wo Maaldaar Aadmi they aur Kuchh maal nikaal Lana chahte they, Hazrat Umar ne Peshkash ki k Mai'n isse zyada Maal rakhta hu'n aur Tum mujhse Aadha maal le lo, un dono ke saath na jao, Lekin Ayash na maane,*

*❥❥_ Hazrat Umar Raziyallahu Anhu ne kaha k Achchha Agar yahi Tay hai To meri Aseel Ou'ntni le jao Jaha'n koi Andesha Mehsoos ho, bhaag nikalna, magar Makki Saazishiyo ne Raaste me esi chaal chali k Aseel Ou'ntni se Fayda uthana bhi Ayash ke bas me na raha aur Unki Mashke'n kas li gayi'n,*

*"❀_ Baad me Hazrat Umar Raziyallahu Anhu ne Daste Khaas se ek khat Hisham bin Aas ko likha aur usme mash'hoor Aayat darj ki, is Khat ko Makka ke paas "Zi Tawa" Naami moqe per Hisham ne padha, baar baar gor kiya aur jab baat pa Li k isme ishara khud uski Jaanib hai To Foran Ou'nt liya, Kajawa kasa aur Rawana ho gaye,*

*"❀_ Lekin isse zyada Mazboot Riwayat ye hai k jab Aan Huzoor ﷺ Madina Tashreef la chuke to ek Majlis me Un dono Mahbuseen ka zikr chheda, Aap ﷺ ne farmaya - Ayash bin Abi Rabi'a aur Hisham bin Aas ko Nijaat dilane ke liye kon mujhe Apni khidmaat so'npta hai ?*

*"❀_ Waleed bin Mugira ne Apne Aapko pesh kiya, Waleed Hukme Nabvi ke mutabiq Makka Rawana ho gaye, Chhupte Chhupate Abaadi ke qareeb aaye, Ek Aurat khana le jati nazar aayi, puchha- Allah ki Bandi kidhar ko ja rahi ho ? Usne jawab diya k- Yaha'n Do Qaidi hai'n Ye khana unke liye hai," Waleed peechhe ho liye, Wahi dono they aur ek be chhat makaan me band they,*

*"❀_ Shaam ho gayi to ye Diwaar faand kar utre , Unki Bhediyo'n ke niche patthar rakh kar Apni Talwaar se unko kaat dala, fir bahar nikaal kar dono ko Ou'nt per bitha liya aur Raahe Faraar Akhtyar ki,*

*❥❥_ Isi Tarah Aksar Log Khud Agar nikle bhi to Makka walo ne unse unka Maal rakhwa liya, Lekin Hijrat ke is darja Jigar Aazma hone ke Bavjood Mard hi nahi Khwateen ke Qadam bhi Farz Per barabar Mazbooti se Jame rahe,*

*"❀_ Muhajireen ke Raaste me Rukawate daal kar Quresh Apni bokhlahat ka Muzahira kar rahe they, Jab Bajuz ese Chand Afraad Ke koi baqi na raha jinhe Quresh ke Jabar ne mehsoor kar rakha tha ya jinko kisi mufaad ya maslihat ne baa'ndh rakha tha, To us waqt Aap ﷺ ko Aasmani Hukumat ki taraf se Hijrat ka parwana Mila,*

*"❀_ Aap ﷺ nikle to ese Aalam me nikle jabki Makka Wale Aapko Zinda dekhne ke rawadaar na they aur jab nikalne ki ghadi aa gayi to Khoon ki pyasi Talwaaro ke ghere me se Aap bekhofi ki Shaan se nikal gaye,*

*"❀_ Muhajireen ki Tadaad Jo'n Jo'n bad rahi thi Madina me Zindgi ki ro zor pakad Rahi thi, Dawate Haq ka ijaala Aahista Aahista badhta ja raha tha, aur Jitna Jitna islam Dilo'n Ki Duniyao'n ko Fatah karta ja raha tha, islam ka Paigaam lane Wale Mohsin ki Muhabbat badhti jati thi, Khususan Baite Uqba Saniya ke baad se Madina ki Chashm intezar har dam Makka se aane wale Raaste per lagi rehne lagi,*

*❥❥_Hawa Ki Lehre Ye ittela bhi Kisi na kisi Tarah le aayi'n k Muhammad ﷺ Makka se Nikal chuke hai'n aur Hijrat Ke Marahil Tay kar rahe hai'n, Is Khabar Per Madina me ishtiyaq ke Jazbaat iztiraab ki had ko pahu'nch gaye ho'nge, intezar Ki Be chainiya'n Zor pakad gayi ho'ngi,*

*"❀_ Socho k har Taraf kya Charche ho'nge? Kya istadsaraat hua karte ho'nge? Kesi Guftgu me mehfilo ki Ronaq rehti ho'ngi? Jazbaat v Ahsasaat ka kya Aalam hoga, Mushrikeen Ka, Yahood Ka, Ansar ka, Musalmano Ka,*

*"❀_ Chhote Chhote Bachcho Ki Zubano per Yahi baat rehne lagi k Rasulullah ﷺ aa rahe hai'n, Rasulallah ﷺ aa rahe hai'n, Log Har Subeh gharo se nikalte aur Shehar se bahar jama ho kar intezar karte, Jab garma ka Suraj Ou'ncha ho jata aur Dhoop Qabile bardasht na rehti to Hasratzada ho kar lot jate,*

*❀"_ Yaume Qadumat ko bhi log isi tarah jama ho kar lot rahe they k Ek Yahoodi ne Qile per se dekha aur khush khabri sunayi k Ahle Yasrib Walo Tumhe Jis Buzurg ka intezar tha wo aa pahu'nche, Tamaam Shehar Takbiraat se goonj utha, log betabana Waar daude, Aksar Ansar khoob Hathiyar laga laga kar nikle,*

*❥❥_Awwaleen Qayame Muqaam Quba me hua Jo Madina se Teen Meel faasle per Ek Muzafaati Abaadi thi, Amru bin Auf Raziyallahu Anhu ke Khandaan ne istaqlaal kiya aur isi Khandaan ko Sharfe Mezbaani haasil hua,*

*"❀_ Ye Ghar Dar Asal Tehreeke islami ka Ek markazi centre tha, Muhajireen me Aksar ke liye manzile Awwal me ghar bana aur baaz Muhajir Sahabi is Waqt bhi yahi'i muqeem they, Hazrat Ali Raziyallahu Anhu bhi Amanato ki Adaaygi ke baad rawana ho kar yahi'i Karwane Mehboob ke Saath aa mile,*

*"❀_Yaha'n 14 Roz Qayaam raha aur Muhajireen Joq dar Joq Sharfe Mulaqaat ko aa rahe they, Log us Hasti ko dekhna chahte they Jiska Paigaam unke Seeno me ghar kar Chuka tha, Uske Chehre ki ek Jhalak Nigaaho'n ke Daaman me Samet lena chahte they, Uske Moo'nh se meethe bol Sunna chahte they, Uski Duae Khair se Hissa Haasil karna chahte they, Gaaybana Aqeedat Ab Mohsine insaniyat ko ru dar ru dekhna chahti thi'n,*

*"❀_ Salam Mulaqate Guftgue'n Duae'n Majlise Kya kuchh na hoga, Quba me Aapne Apne haatho se Masjid ki Buniyad rakhi, Ek Ek Musalman us Tameer ki Muhim me Shareek tha aur Khud Duniya ka Sabse bada Tareekh Saaz ek Mamooli mazdoor ki tarah bhaari bhar Kam patthar utha utha kar la raha tha, Kaam ho raha tha aur Nagme gaye ja rahe they,*

*"_ ( Tarjuma ) _ Yani Kaamyab wo hai Jo Masjido ki Tameer kare, uthte bethte Qur'an padhe aur Raato ko ( ibaadat ke liye) jaage_,"*

*❀"_ Ye Masjid Mahaz i'ynt patthar aur Gaare aur foo'ns ka majmu'a na thi, Usme Khatimun Nabiyyeen ﷺ se le kar ek Aami Musalman tak har ek ne Behatreen Jazbaat Sarf kiye they, isliye uski Shaan me Qur'an ne kaha - ( Tarjuma) Ye esi Masjid hai k iski Buniyad Taqwa per istwaar ki gayi hai,*

*❥❥_ 14 Roz baad Insaane Aazam ﷺ ne Sahaba Kiraam Samet Madina ka Rukh kiya, Quba se Madina tak Ansar Khair Muqaddam ke Liye Safe baa'ndhe khade they, Aapne Nanihaali Rishtedaro ne Khaas ishtiyaq se Hathiyar lagaye, Aurte'n Chhato per jama thi'n aur Tarana khair Muqaddam ga rahi thi'n aur Chhoti Bachchiyo ke jhund ghoom rahe they, Ye Ladkiya'n Daf Baja Baja kar gaati firti thi'n,*

*"❀_ Zara Tasavvur me laaiye US Tareekhi ghadi ko Jo Madina ke Naseeb me aayi thi, Galiyo'n ki khaak ke Zarre zarre me Dil dhadak rahe ho'nge, Diwaaro Ki Darzo ko Aa'nkhe mil gayi ho'ngi, Hawa ke jhonko'n me insaani Ahsasaat paida ho gaye ho'nge, Aarzi Qayaam ke Liye Hazrat Abu Ayyub Ansari Raziyallahu Anhu ke ghar ki Qismat jaagi, 7 maah Nabi Kareem ﷺ ka Qayaam yahi'i raha,*

*"❀_ Jo'nhi Zara Sukoon hua aur Musafirat ki Kaifiyat khatm Hui to Sarware Aalam ﷺ Tameeri Aqdamaat ki taraf mutavajja hue, Awwaleen muhim Masjid Ki Tameer ki thi, Do Yateem Bachcho ki iftada Zameen khareedi gayi aur Hazrat Abu Ayyub Ansari Raziyallahu Anhu ne Qeemat Ada ki, Us Zameen per Masjid Nabvi ki Tasees hui,*

*"❀_ Masjid ki Ahmiyat Sirf Bator ma'abad hi ke na thi, Balki use Islami Nizaame Tamaddun v Riyasat ka Sarchashma v Markaz banna tha, Wo Hukumat ka Darbaar, Mashware ka iwaan, Sarkari Mehman khana, Jamhuri Darul Uloom aur Qaumi Lecture Hall ki Haisiyat se barpa ki gayi,*

*❥❥_ is Awwaleen Tameeri Aqdaam per Wahi Quba wala Naqsha pesh aaya, Kon Musalman hoga jisne isme Dilo Jaan se Hissa na liya hoga, Khud Sarware Aalam ﷺ patthar aur gaara utha utha kar late, is Manzar ko dekh kar Ek Musalman maare Jazbaat ke Pukaar utha k :- ( Tarjuma) Yani Agar Khuda ka Nabi is kaam me Yu'n lag jaye aur hum bethe dekhte rahe to Hamara kiya karaya gaarat hua_,"*

*"❀_ Kaam ki garma garmi me koi behuda goi na thi, balki Aan Hazrat ﷺ Samet Sabke sab ye buland kar rahe they- Aakhirat ki Abdi Zindgi hi Zindgi hai aur Wo na ho to fir zindgi beech hai, Ey Allah ! Tu Ansar aur Muhajireen per Raham farma _,"*

*❀"_ Ye thi Sprit aur Ye thi Duae'n Jo Masjide Nabvi ki Tameer ka Asal masala bani, Masjid Ke Saath Mohsine Insaniyat ﷺ ke liye gaare aur foo'ns ke Hujre Tameer ho gaye, Aap ﷺ Apne inhi Hujro me muntaqil ho gaye,*

*"❀_ Madina me Hazrat Risalat Maab ﷺ ki Tashreef aawri se Az khud Dawat ka Daayra Wasee hone laga, aur Saat maah ke arse me Tehreek Haq ne Qabile Qabile aur ghar ghar se jaan nisaar haasil kar liye,*_ 

*

*❥❥_ Infiradi Dawat Ke Alawa Sarware Aalam ﷺ ne ijtimayi Tor se Kaam ka Agaaz jis Khitabe Aam se kiya wo in Alfaaz per mushtamil tha:-*

*❀"_ ( Hamdo Sana ke baad) Logo'n! Apni jaano ke liye Waqt per kuchh kamayi kar lo, Khoob Jaan lo Khuda ki Qasam Tumme se Har ek per maut Waarid hogi aur Wo Apne galle is haal me chhod kar Rukhsat hoga k Koi uska Charwaha na rahega, Fir use uske Parwardigaar ki taraf se Ese Aalam me khitaab kiya jayega Jabki beech me Koi Tarjuman na hoga, Kaha jayega k kya Tujh Tak Mera Rasool nahi pahu'ncha tha Jisne baat Tujh Tak pahu'nchayi ho, Fir kya maine Tujhe maal nahi diya tha aur Tujh per Nawazish nahi ki thi ? To fir Apni Jaan ke liye Tune kya Jama kiya ?*

*❀"_ Pas wo dekhega Daa'nye Baa'nye Lekin kuchh na dikhayi dega, Fir Saamne ki Taraf nigaah daalega, magar Bajuz Jahannam Ke aur Kuchh Saamne na Aayega, So Jisko bhi Tofeeq ho k Wo khajoor ki ek Faa'nk ke Evaz bhi Apne Chehre ko Dozakh ki Aag se Bachane ke liye kuchh kar Sakta ho to kare,*

*"❀_ Jo itna bhi na kar sake wo koi bhali baat keh kar hi bachaav kare, Kyu'nki Neki ka badla Das Guna se le kar Saat So Guna tak milta hai aur Tum per Salaamti ho aur Allah Ki Rehmate aur Barkate'n Waarid ho'n _,"*

*®_ ( Seerat ibne Hisham-2/18)*

*❥❥_Doosra Khitabe Aam Jo Aap ﷺ ne farmaya ye tha :- Saari Tareef Allah Ke Liye hai, Mai'n Uski Hamd Karta hu'n, Usi se Madad Chahta hu'n! Hum Sab Apne Dilo ki Shararato aur Apne A'amaal ki Kharabiyo Ke muqable me Allah hi ki Panaah Talab karte Hai'n, Jise Allah Hidayat de use Koi Gumraah karne wala nahi aur jise Wo Hidayat se Mehroom kar de uske liye koi Rehnuma nahi,*

*"❀_ Aur Mai'n Gawaahi deta hu'n k Allah ke Siva k Jo Ek hai aur Jiske Saath koi Doosra Hissedaar nahi aur Qabile ibaadat v ta'at Hasti nahi, Bila Shubha Behatreen Bayan Allah Tabarak wa Ta'ala ki kitaab hai, Jis Shakhs ke Dil ke Liye Allah ne usko mehboob bana diya aur Jise Kufr ke baad islam me dakhil kiya aur Jisne aur Saare insaani Bayano ke muqable me use Apne Liye pasand kar liya, Usne falaah Payi,*

*"❀_ Ye Behatreen Bayan hai aur Sabse Zyada Mo'assir, Tum wahi kuchh pasand Karo jo Allah Ko pasand hai aur Allah se ikhlaas ke Saath Mohabbat karo, Allah ke Kaam se Tagaful na barto aur Tumhare Dil uske Liye Sakht na hone paye'n _,"*

*"❀_ Chu'nki Ye Haqeeqat hai k Allah Jo Kuchh paida karta hai usme se behtar ko Chhaa'ntta aur Muntakhab karta hai, So usne A'amaal me se Behatreen aur Bando me se Barguzida Tareen aur Bayano me se Pakiza Tareen ko Mutayyan farma diya hai, Neez insaano ko jo Kuchh diya gaya hai us sabme kuchh Halaal hai, Kuchh Haraam, Pas Allah ki Gulami Akhtyar karo, Uske Saath kisi ko Shareek na qaraar do, Uske Gazab se is tarah bacho jesa k Bachne ka Haq hai,*

*"❀_ Aur Allah Ke Huzoor me wo Saare Pakiza Aqwaal Sach kar Dikhao Jinko Tum Apni Zubano se Ada karte ho, aur Allah ki Rahmat ke Zariye ek Doosre se Muhabbat ka Rishta istwaar karo, Yaqinan Allah Naraaz hota hai Agar uske Saath baa'ndhe hue ( imaan ke ) Ahad ko toda jaye, aur Tum per Salaamti ho _,"*

*®_ (Seerat ibne Hisham-2 -118,119)*

*❥❥_Islami Riyasat Ki Tasees:- Teesra Tameeri Aqdaam aur Shayad Siyaasi Lihaaz se Sabse bada Tameeri Aqdaam ye tha k Riyasat Chalane Ke liye Madina ke Yahood v Mushrikeen aur Musalmano ki Society ko Ek Nazm me Piro diya gaya, Ek Tehreeki Muahida istwaar kiya gaya jiski No'iyat dar Haqeeqat ek Ba Qaa'ida Tehreeri Dastoor ki hai, Isko Baja Tor per Duniya ka Pehla Tehreeri Dastoor kaha jata hai,*

*"❀_ Is Dastoori Muahide ke Zariye Madina ke mu'azm hone wale Ma'ashre me khuda ki Haakmiyat aur uske Qanoon ko Buniyadi Ahmiyat Haasil ho gayi, Siyaasi Qanooni aur Adaalati Lihaaz se Aakhri Akhtyar Muhammad ﷺ ke Haath aa gaya,*

*"❀_ Difaa'i ( Hifazat) Lihaaz se Madina aur uske Atraaf ki poori Abaadi Ek Muttahid Taaqat ban gayi aur uske Kisi Asar ke liye Quresh Ki Himayat ke Darwaze band ho gaye, Neez Difaa'i Lihaaz se bhi Markazi aur Faisla Kun Akhtyar Aan Hazrat ﷺ ke Paas aa gaya, is Dastoori Muahide se ba Zaabta Tor per islami Riyasat aur islami Nizaame Hayaat ki Tasees waaqe ho gayi,*

*"❀_ Nizaame Muwakhat ( Bhai Chaara) :- Madina ke Ma'ashre ka ek bada Masla Senkdo'n Muhajireen ki bahaali ka masla tha, Ghar baar chhod chhaad kar Musalsal log ikattha chale aa rahe they aur Chand Hazaar ki Abaadi rakhne wali Mutawassit ( Mamooli) Si Basti ko unhe Apne Andar Jagah deni thi, Madina Ke Ma'ashre aur uske Sadre Riyasat ne jis Kamaal ki Hikmat se is Masle Ko Hal uski Koi Doosri Misaal Duniya me nahi milti,*

*❥❥_ Mahaz Ek Akhlaqi Appeal Ke Zariye is pechida Masle Ko Chand Roz me Hal kar Liya gaya, Sarware Aalam ﷺ ne Aqeede aur Nazariye aur Maqsad Ki Sahi ma'ano me Ek Nayi Biraadri paida kar dikhayi aur Ek Ek Ansari Ke Saath Ek Ek Muhajir ka Biradrana Rishta qaa'im kar diya, Ansar Ka ye haal tha k wo Apne Maal, Masakin Bagaat aur Khait Aadho Aadh Baa'nt kar Muhajireen ko de rahen they balki baaz to Yaha'n tak Tayyar ho gaye k Do Do Biviyo'n me se ek ek ko Talaaq de kar Apne Deeni Bhaiyo'n ke Nikah me de de'n,*

*❀"_ Doosri Taraf Muhajireen ki Khuddaari ka Naqsha ye tha k Wo kehte they k Hume Khait ya Bazaar Ka Raasta dikha do Hum Tijarat ya Mazdoori kar ke Pet paal le'nge,*

*"❀_ Bil Khusoos Nav Umr Muhajireen Jo Apne Aapko Taleem Ke Liye waqf karna chahte they Unki Aqamat gaah "Suffa" ( Masjide Nabvi ka Ek Chabootra) thi, Tameeri Kaam ke Silsile me ye Ek Aham idaara tha, Ashabe Suffa ki Kifaalat Society karti thi aur Aan Hazrat ﷺ khud unki Zaruriyaat ki Tameel me Sargarm rehte,*

*"❀_ Madina me Jis Naye Ma'ashre ki uthaan ho rahi thi use dekh dekh kar Shaitaan buri tarah Tilmila raha tha, Wo Apne kuchh Fidakaar aur Jaa'nisaar maidaan me Lana chata tha, Unhone Daa'i Haq Nabi ﷺ aur Tehreeke islami aur Uske Kaam karne walo ke khilaaf fabtiya'n Kasi, Mazaaq udaye, nit naye Sawalaat aur aitrazaat ghad ghad kar laye, ilzamaat lagaye, Mukhbariya'n aur Jasoosiya'n ki,*

*"❀_ Sahaba Kiraam Raziyallahu Anhum Ko Aapas me Ladane Ke mansoobe Tayyar kiye, Rehmate Do Aalam ﷺ ke Qatl ki Tadbeere ki, aur Jung aur Emergency ke Halaat me Sakht qism ki Gaddariya'n ki, Apni Taraf se Edi Choti ka Zor Sarf kar diya,*

*❥❥_Ibtida me Yahood Ko Huzoor Sarware Aalam ﷺ aur islam se badi Achchhi Ummeede thi, Unka Andaz ye tha k Aahista Aahista hum Muhammad Rasulullah ﷺ aur Aapke Saathiyo'n ko Apne Andar Jazb kar le jayenge, Yahood Ka Zahan Haq Parastana Tarz per nahi Soch Raha tha, Balki ye Khaalis Saudagarana Tarze Fikar tha, Wo Samajh rahe they k ye Ujde Pakde log Jo Sai'nkdo ki Tadaad me ikattha chale aa rahe hai'n, inko Hum Apne Baade Ki Bhaide'n bana Sakenge,*

*"❀_ Isi Ummeed per unhone Musalmano ke Saath Muahidaat qaa'im kar liye aur us Siyaasi Tanzeem ko Gawara kar liya Jo Madina me qaa'im ki ja rahi thi, Unka Andaza ye tha k ye Siyaasi Taaqat Jo Apni Ko'npale nikaal rahi hai ye to bas hamari jeb me hai, Hamari Peeri aur Masheekhat ki Gaddiya'n usko Charo Taraf se ghaire hue hai'n aur Hamare ilm aur Taqwa ke Saath Apna Daaman uske Ouper failaye hue hai,*

*"❀_ Magar Kuchh hi muddat ke Tajurbe se unki khush fehmiyo ka khaatma hone laga, Unhe islami Jama'at ne jatla diya k ye koi Sasta Shikaar nahi hai, Ye esi Mazboot Taaqat hai k Shikaari uske Haatho khud Shikaar ho ke reh Jane Wale hai'n, Unki Nigaaho'n ke Saamne Aahista Aahista ek inqilabi Mizaaj ki Riyasat parwaan chadhne lagi aur ye Riyasat Apne Wajood me Ek Qila ki tarah Mazboot banti gayi,*

*"❀_ Chuna'che Andar hi Andar unme ek Haasidana Ubaal paida hone laga Hattaki martaba Kamaal tak pahu'nch kar usne Gaddaari ki Soorat Akhtyar kar li,*

*❥❥_ Yahood me Ek Buzurg Abdullah bin Salam they, Islam se Pehle unka Naam Husain tha, Ye Buland Paya Aalim v Muttaqi they aur Mazhabi Leader they, Unka Talluq Banu Qinqa'a se tha, Huzoor ﷺ se Mulaqaat Ke baad Unhone islam Qubool kar liya aur Apne Ghar Walo Ko bhi Dawat di aur Mutassir kar liya, Chuna'che Sab Tehreeke islam ke Halke me Dakhil ho gaye,*

*❀"_ Unke Quboole islam ki Dastaan Suniye Jise unse unke Ek Azeez ne Rivayat kiya hai, Mai'ne jab Allah ka Paigaam lane wali Hasti ke bare me suna to Aapki Sifaat, Aapke Naam aur Aapke Zamane ko Pehchan liya, Kyu'nki hum uske intezar me they, So is ittela per Mai'n Dil hi Dil me khushi Mehsoos kar raha tha, Lekin Zuban se Kuchh nahi kehta tha,*

*"❀_ Aakhirkaar Rasoole khuda Madina pahu'nche, Jab Aap Quba me Bani Amru bin Auf ke gharane me pahu'nche to Ek Shakhs aaya aur Aapne Aap ﷺ ki Tashreef aawri ki ittela mujhe is Aalam me di k Mai'n Apne Khajoor ke Darakht ki Choti per Chadha kaam me masroof tha, Meri Foofi Khalida binte Haaris niche bethi thi, Maine Jo'nhi Tashreef aawri ki khabar Suni Takbeer buland ki, Foofi ne meri Takbeer sun kar mujhse kaha- Khuda Tujhe gaarat kare, Tujhe agar Moosa bin imraan ki Aamad ki khush khabri bhi mili hoti to tu isse badh kar izhaare Masarrat na karta,*

*"❀_ Maine kaha -Foofi Jaan ! Khuda ki qasam! Ye Moosa bin imraan ke Bhai hai'n aur unhi ke Deen per kaarband hai'n, Ye Wohi Paigaam laye hai'n Jo Moosa laye they, is per Wo kehne lagi - Ey mere Bradar zaade ! Kya ye wohi Nabi hai Jiske bare me hume bataya jata hai k Wo Qayamat ki ghadi ke qareeb uthaya jayega ? Maine kaha k Haa'n yahi to Wo hai _,*

*"❀_ Fir maine khuda ka Sandesa lane Wale ki khidmat me pahu'ncha aur Maine islam Qubool kar liya, Fir Apne ghar Walo ke paas aaya aur unko bhi Dawat di, So wo bhi Halqa E islami me dakhil ho gaye,*

*❥❥__Ye Nav Muslim Aalim ( Abdullah bin Salam Raziyallahu Anhu) Chu'nki Yahood ki Kamzoriyo Ke Raazda'n, Unki Haasidana Nifsiyaat aur Unke Zaleel Kirdaar ke Ramz Shanaas ( Pehchan rakhte ) they, Isliye khoob Samajhte they k Mere Zehani inqilab per kya Tassur diya jayega, Unhone Tay kiya k Un Pastiyo per se Tasna ( Banawat, Fareb ) ke parde uthwa diye jaye'n, Dil hi Dil me Ek Drame Ka Naqsha bana kar Unhone Apne islam Ko makhfi rakha,*

*"❀_ Munasib Moqe per Mohsine Insaniyat ﷺ Ki khidmat me aaye aur arz kiya Yahood Ek Baatil zada Giroh hai aur unke Fasaad Ahwaal ko be Naqaab karne Ke liye Aap mujhe Apne Ghar me Parde Ke pichhe bitha de'n aur unki Nigaaho se makhfi rakh kar unki Raay mere bare me dariyaft farmaye'n aur Fir Mulahiza farmaye'n k Mere islam lane se NaWaqif hote hue mujhe kya muqam dete hai'n, Kyu'nki Agar unko mere Quboole islam ka ilm ho gaya to fir wo mujh per Bohtaan baa'ndhenge aur Aib joi karenge,*

*"❀_ Huzoor ﷺ ne esa hi kiya, Abdullah bin Salam Raziyallahu Anhu ko Ghar me Aad me pichhe bitha diya, aur Udhar Yahood Buzurg aa pahu'nche, Baate Hui, Sawalaat puchhte rahe aur Jawab diye jate rahe, Aakhir me Rasoole Khuda ﷺ ne puchha - Husain bin Salam tumme se kese Aadmi hai'n? kehne lage k Wo hamare Sardaar hai'n, aur hamare ek Sardaar ke Farzand hai'n, Hamare Ek Mard Jaleel hai'n, Ek Buland Paya Aalim hai'n,*

*"❀_ Jab Wo Sab kuchh keh chuke to Abdullah bin Salam Raziyallahu Anhu oat se bahar aa gaye aur unko mukhatib kar ke kaha- Ey Giroh Yahood ! Khuda ka Khof karo, aur Jo Deen Huzoor ﷺ ke Zariye aaya hai use apna lo, Kyu'nki khuda ki qasam! Tum khoob Samajhte ho k Aap ﷺ Allah Ke bheje hue hai'n, Tum Huzoor ﷺ ke isme girami aur Aapki Sifaat ka Tazkira Apne Yaha'n Toraat me likha dekhte ho, So Mai'n to Gawahi deta hu'n k Huzoor ﷺ khuda ke bheje hue hai'n aur Aap per imaan lata hu'n aur Aapki Tasdeeq karta hu'n aur Aapko pehchanta hu'n,*

*"❀_ Yahood parda utha Dene Wale is Drame ko dekh kar bahut Sitpitaye aur kehne lage-Tum jhoote ho _," aur fir Abdullah bin Salam Raziyallahu Anhu ke darpe ho gaye, Abhi Chand lamhe pehle jis Shakhs ko Sayyad aur Aalim aur Mard Jaleel qaraar diya Ghadi bhar me usko Jhoota Aadmi keh rehe they, Abdullah bin Salam Raziyallahu Anhu ne Rasulallah ﷺ se arz kiya k Maine Huzoor ﷺ se keh nahi diya tha k ye Ek Baatil zada Giroh hai, Ye Sarkash, jhoot aur Burayi se Araasta log hai'n, is Dilchasp Tareeqe se Abdullah bin Salam Raziyallahu Anhu ne Apne aur Apne ghar walo ke islam ka elaan kiya,*

*❥❥__Hazrat Safiya Raziyallahu Anha binte Hayi bin Akhtab Ye Rudaad bayan karti hai'n k Mai'n Apne Waalid aur Chacha Ki Nigaah me Saari Aulaad se Zyada Chaheti thi aur Dono har waqt Saath rakhte they, Jab Rasoole khuda ﷺ Madina aaye aur Quba me Qayaam farmaya to mere Waalid Hayi bin Akhtab aur Chacha Abu Yaasir bin Akhtab Mulaqaat Ke Liye gaye,*

*"❀_ Jab Lote to Guroob Aaftaab ka waqt tha, Maloom hota tha k bahut thake maande aur pareshan khaatir hai'n, Wo bahut dheeme Andaz se chale aa rahe they, Mai'n Mamool ke mutabiq muskurati hui unki taraf mutavajja hui, Lekin ba khuda Pareshani Ke maare dono me se kisi ne meri taraf iltifaat na kiya,*

*"❀_ Mere Chacha Abu Yaasir Waalid se keh rahe they, Kya ye Wohi ( Paigambar Mo'ood ) hai ? Walid ne kaha- Haa'n khuda ki qasam, Chacha ne fir puchha - Kya tumne use pehchan liya hai, aur Yaqeen kar liya hai ? Waalid ne jawab diya - Haa'n, is per Chacha ne dariyaft kiya- fir uske liye Tumhare Dil me kya jazba hai ? Waalid ne kaha - Dushmani hi Dushmani.... Jab tak Zinda hu'n Khuda ki Qasam!*

*"❀_ Ye tha Yahood ka Asal Zahan ! Yani khoob Samajhte they k unke Saamne aane wala Daa'i Haq hai, Khuda ka Paigaam lane wala hai, uska Har bol uski Sachcha'i per Gawaah hai, uska Poora Kirdaar unke Martabe ko numaya kar raha hai, Uska Chehra aur Uski Wajahat uski Nabuwat ki Tarjumani kar rahe hai'n, Samajhte hi nahi Khilwato me Zuban se iqraar tak karte hai'n, Lekin imaan v ita'at ki Raah Akhtyar karne ki bajaye Mukhalfat v Adawat ka Azm baa'ndhte hai'n, Ye fitrat Yahood ke Yaha'n aam thi,*

    ⊙══⊙══⊙══⊙══⊙══⊙══⊙                                            

  *⚂_ MUNAZRANA SAWALAAT _⚂* 

 ─━━━════●■●════━━━─

*❥❥_ Abdullah bin Salam Raziyallahu Anhu Ke Tehreeke islami me Shamil Ho jane Ke baad Yahood ne Munazrana Behaso aur Kaawisho ke morche jamane per poori poori Tavajjo Sarf kar di, Magar Ye Saari Kaarwayi bhi Khule Morcho se nahi, munafqat ke Pardo se jaari ki gayi, Ye Behrupiye Tehreek islami ke ijtimaat me Shareek hote, Fir baato baato me girya miskini ke tarz se ho'nt latka latka kar Sawalaat Saamne laate,*

*"❀_ Ek ijtima me Huzoor Risalat Maab ﷺ ke Saamne Unhone Ye Sawal rakha, " Khalq Ko jab Khuda Ta'ala ne paida kiya hai to Aakhir khud Khuda Ta'ala Ko kisne Paida Kiya ?*

*"❀_ Dekha Aapne Zahan Ki Kharabi !.. Yahood khud usi khuda per imaan rakhne ke Daavedaar they, Uske Paigambaro ka Aqeeda rakhne wale aur uski kitaab Ke Alambardaar they, Wo khuda ko pehle se Jaante they, Uski Sifaat se Agaah they, Lekin usi khuda ki taraf jab islam ne bulaya to khuda ke bare me unke Dilo me bhaari ishkaal paida ho gaya, aur unke Sawal ka Goya Zaahiri Mudda'a ye tha k Agar Ye ishkaal door ho jaye to fir unke Liye aage badhne Ka Raasta khul jaye, Lekin Sawal ka Tedh bata raha hai k maqsad Talabe Hidayat nahi balki Logo'n ko Hidayat se bachne ke liye Raah faraar dikhana hai,*

*"❀_ Aan Hazrat ﷺ ne is Tedhe Sawal ka Jawab bahut hi Seedhe Tareeqe se diya, Yani Sanjeedgi se Surah Ikhlaas padh di:-*

*"_ Kaho Ey Muhammad ﷺ k Allah har Lihaaz se Ek hai, Allah hi esa hai k Sab uske Mohtaaj hai'n, Wo kisi Ka Mohtaaj nahi, na uski Koi Aulaad hai aur na Wo kisi Ki Aulaad hai, aur Uske Jod ka koi bhi nahi _,"*

*❥❥_ Aaiye Ab Aapko Ek aur Dilchasp Majlisi Guftgu me le chale, Yahood Ke baaz Namoor Molvi ek Din Huzoor ﷺ ke Halqe me aaye aur kehne lage k Hamare Chaar Sawalo Ka Jawab dijiye, Fir hum Aapki Dawat Maan lenge aur Aapki ita'at Qubool kar lenge, Huzoor ﷺ ne farmaya k Ab is Ahad ki zimmedari tum per hai, puchho jo kuchh puchhna hai,*

*"❀_ 1- Bachcha Maa'n Ke mushabe kyu hota hai jabki wo Apne Baap ke nutfe se Tashkeel pata hai ?*

*"_2- Aapki Neend Ki Kaifiyat kya hoti hai ?*

*"_3- Israail ( Yaqoob Alaihissalam) ne Kya Cheeze Apne Ouper Haraam kar li thi'n aur kyu ?*

*"_4- Chotha Sawal puchha gaya k Rooh ( Farishta Wahi ) kya hai ?*

*"❀_ Huzoor ﷺ ne Sukoon se Ek Ek Sawal ka Jawab diya aur Aakhri Sawal ke Jawab me farmaya k Tum khud is bare me jaante ho k Wo "Jibreel" hai aur Wohi mere paas aata hai, Sab Sawalaat ho chuke, Jawab Saamne aa gaye, Un Jawabo me se kisi ki Tardeed nahi ki gayi, balki har ek per kaha gaya - Theek Ey hamare Allah !*

*"❀_ Aap Tawaqqo karenge k in jawabaat Ke baad Unhone Dilo ke Darwaze islam ke Liye khol diye ho'nge, Hargiz nahi ! Aakhri baat per wo kehne lage - Lekin Ey Muhammad (ﷺ) Jibreel to hamara Dushman hai, Wo ek Farishta hai k Jab Aata hai to Musibat aur Khoon Kharabe ka Paigaam le kar aata hai_, Muraad ye thi k wo jab khuda ki taraf se Deen ki Alambardaari ka mutalba Lata hai to ek Kashmkash na guzer ho jati hai, Tarah Tarah ke nuqsanaat sar padte hai'n, usse hamari nahi banti, Bas us Farishte ki Dushmani aade na aayi hoti to Fir hum Aapka zaroor saath dete aur Aapke Naqshe Qadam per chalte,*_ 

*❥❥_Yani Dawat theek, Paigaam bar haq, Tehreek Durust, Magar uske Pase Manzar me jis Farishte ko khuda ne la daala hai Usse hamari Sahibe Salamat khatm ho chuki hai, Lihaza Jaha'n wo hoga waha'n hum nahi aa sakte ! Chahe Farishta khuda ka muqarrar karda aur muqarrab ho, kya hi Tedhi Khopdiya'n thi un Logo'n ki !*

*"❀_ Iska Jawab Mohsine Insaniyat ﷺ ne Qur'an ke Alfaaz me esa diya k Bas Sunne walo ko hamesha yaad raha hoga, Farmaya- Kaho ( Ey Muhammad ﷺ) k Jo koi Jibreel ka Dushman ho (to wo kaan khol kar sun le k ) Qur'an ko Allah Ta'ala ne Tumhare Dil per Apne Farman ke Tahat utara hai Jo Apne se pehle ki Aasmani Kitaabo ki Tasdeeq karta hai, aur imaan lane walo ke liye ( Adawat aur Musibat aur khoon Kharabe ka Paigaam nahi balki ) Zariya Hidayat v Basharat hai_," ( Al Baqrah -97)*

*"❀_ Ek aur Bahas paida ho gayi, Sarware Aalam ﷺ ne kisi moqe per Hazrat Suleman Alaihissalam ka Zikr Ambiya Alaihissalam Ke Silsile me farmaya, is Per Yahoodi Halqo me bada Charcha hua, Har Taraf kaha Jane laga k "Muhammad ﷺ ki Anokhi baat suni, kehte hai'n k Suleman bin Douwd bhi Paigambar they ! Khuda ki qasam wo to Mahaz ek jadugar ( Na'uzubillah ) they _,"*

*"❀_ Chuna'che Qur'an ne is Wahiyaat Charche ki Tardeed ki k Jadugari to Ek Kafirana harkat hai aur Hazrat Suleman ne kabhi ye harkat nahi ki, Chaah Babil ke Jo qisse mash'hoor hai'n Wo to Shaitaan ke karishme they,*

*❥❥_ Huzoor Sarware Aalam ﷺ Mushrikeen ke Tor Tareeqo ke muqable me Yahood ke baaz Tareeqo ko pasand farmate they, Maslan Mushrikeen Baalo me maang nikaalte they aur Yahood nahi nikaalte they, So Aapne is maamle me Mushrikeen ki Mukhalfat ki aur Yahood ki Muwafqat ! Jin Mamlaat me Qur'an me koi Hukm Allah Ta'ala ki taraf se Waarid nahi hota tha unme Nabi Kareem ﷺ Ahle Kitaab ki Muwafqat karte,*

*"❀_Madina Ke Yahood Aashura Ke Din Ka Roza rakhte they, Aap ﷺ ne bhi us Din Roza rakha aur Musalmano ke liye Aashura Ka Roza rakhna pasand Farmaya, Kisi Yahood ka Janaza guzarta to Aap khade ho jate, Sabse badh kar ye k Musalmano ke Liye Qibla Namaz Baitul Muqaddas tha, Ye ek Khuli Hui Alamat thi k Tehreek islami Mushrikeen ke muqable me Ahle Kitaab se zyada Aqrab thi,*

*"❀_ Waqi'a Dar Haqeeqat ye tha k Yahoodiyat ka Dhaa'ncha to us Mazhab ke Mufaad Parast Molviyo'n aur Peero ne Poori tarah Mashakh kar daala tha, aur Ye Dhaa'ncha bejaan bhi ho chuka tha, Lekin Moosa Alaihissalam jis Deen ko laye they wo Wohi islam tha jise Saare hi Ambiya ne Shara'it Ke Thode bahut farq ke Saath pesh kiya tha aur Ab isko Muhammad ﷺ Duniya ke Saamne rakh rahe they balki ek Nizaam ki Soorat me barpa kar rahe they,*

*"❀_ Yahi Rishta tha jiski Bina per Huzoor ﷺ ko bhi Ummeede thi'n k Yahood islami Jaddo Jahad ko Jo'n Jo'n Samjhenge uska Khair Muqaddam karenge aur is kaam ko Apna kaam Samjhenge, inhi Ummeedo ki Fiza me Qur'an ne Apni Dawat Yu'n pesh ki thi k Asal Sawal Giroh Bandiyo ka nahi Usool v Amal ka hai,,*

    ⊙══⊙══⊙══⊙══⊙══⊙══⊙                     

       *⚂_ TAHVEEL E QIBLA _⚂* 

 ─━━━════●■●════━━━─

*❥❥_ Aur Yakayak Tehreek islami ek inqilabi mod mud gayi, Ye mod tha Tahveel E Qibla ka Waqi'a! Makka me Baitul Muqaddas ko qibla banaya gaya tha taki Nazariya islami ki Alambardaar Jama'at ko Apni Judagana Haisiyat ka Ahsaas ho, Ab Daure Makka ki Wo Zarurat khatm ho chuki thi Jiske Tahat Baitul Muqaddas ko Aarzi tor per Qibla bana liya gaya tha, Musalmano ka Zahni Raabta Qibla Ibrahimi hi se zyada Qareeb tha aur khud Huzoor ﷺ isi Khandan ke Chashmo Charaag they aur Yahi Vajah thi k Huzoor ﷺ ka Qalb Haqeeqat Shanas pehle se is Tabdeeli ka muntazir raha,*

*"❀_ Sola (16) Mahine tak Madina me Baitul Muqaddas ke Rukh Namaz Ada ki jati rahi, Rajjab Ya Shaban 2 Hijri ka Waqi'a hai k ibne Sa'ad ki Rivayat hai k Sarware do Aalam ﷺ Bashar bin Bara'a bin Ma'aroor ke Yaha'n Dawat per gaye they, Waha'n Zuhar ka Waqt aa gaya aur Aap ﷺ Logo'n ko Namaz padhane khade hue, Do Raka'ate padha chuke they k Teesri Raka'at me Yakayak wahi ke Zariye ye Aayat Naazil hui, Kaha gaya k - "_Lo Hum Tumhe usi Qible ki taraf fair dete hai'n Jise Tum pasand karte ho, So ( ab ) Masjide Haraam ki taraf Rukh fair do, Ab Jaha'n Kahi'n bhi tum ho usi ki taraf Moo'nh kar ke Namaz padha karo_,"*

*"❀_ Is hukm ke Sunte hi Khuda ke sabse zyada ita'at Sh'aar Bande Haalate Namaz hi me Rukh badal lete hai'n aur Aapke Saath Saath hi Aapka itteba karne wale Tamaam Namazi naye Qibla ki taraf mud gaye,*

*"❀_ Baitul Muqaddas Madina se Seedha Shumal me aur Makka Junoob me, Haalate Namaz me Qibla ki Tabdeeli ke ma'ani ye hue k imaam ko Muqtadiyo ke Saamne se Seedha pichhe ki taraf aana pada hoga, aur Namaziyo ki Safko bilkul ulte Qadmo ghoomna pada hoga, iske baad Madina aur Aas paas ki Bastiyo me Aam munadi Kara di gayi, Bara'a bin Aazib ka Bayan hai k Ek jagah Munadi ki Awaaz is Haalat me pahu'nchi k log ruku me they aur Wo Elaan Sunte hi usi haalat me Kaaba ki taraf mud gaye,*

*❥❥_ Hazrat Anas bin Maalik Raziyallahu Anhu ki Rivayat hai k Bani Salma ke Yaha'n ye ittela Doosre Roz Subeh ki Namaz ke dauraan me pahu'nchi, Log Ek Raka'at padh kar Doosri me they k Munadi ki pukaar suni aur Use Sunte hi Poori Jama'at ne Apna Rukh badal liya_," ( Tafremul Qur'an - 1/119-121)*

*"❀_ is Tabdeeli per jo Hungama barpa hone wala tha uske bare me pehle se Qur'an ne Agaah kar diya, ( Al Baqrah -142 Tarjuma) "_Ab ye Bewaqoof log kahenge k Aakhir Wo kya Cheez hai jisne in ( Musalmano) ko is Qible se Rukh fairne per Amada kar diya Jiski Taraf wo Moo'nh karte chale aa rahe they ? Aap keh dijiye k Mashriq aur Magrib sab Allah hi ki Hai'n, wo Jisko chahta hai Sidhi Raah ki Hidayat kar deta hai _,"*

*"❀_ Unhe bataya k pehle Baitul Muqaddas ko Qibla banane se Garz ye thi k Arbiyat ke But ko Toda jaye, Kyunki Arab Apne Qomi Daayre se bahar ki kisi cheez ki qadar maanne ke liye Tayyar na they, Ab Baitul Muqaddas se Kaaba ki taraf rukh ghuma dene ka Mudda'a ye hai k isra'iliyat ka But bhi toot jaye, Ek kaam pehle ho chuka tha Doosra Ab kar diya gaya, Arbiyat ke Parastaar pehle chhat chuke they aur isra'iliyat ke Parastaar ab chhat jayenge,*

*"❀_ Ab is Halqe me Wohi log rahenge Jinki Nigaah me Asal Ahatram Allah ke Farman aur uske Rasool ﷺ ki Sunnat ka hai, Rasool ﷺ ka Daaman poore Aitmaad ke Saath Thaam kar chalne walo ko un Tamaam un Tamaam be usool Afraad ko in Afraad se Chhaa'nt kar alag karega Jo is Haqeeqat per imaan rakhte ho'n k Mashriq v Magrib sab Allah ke hai'n aur Asal Markaz ita'at hai,*

    ⊙══⊙══⊙══⊙══⊙══⊙══⊙         

       *⚂_ AZAAN KI IBTIDA _⚂* 

 ─━━━════●■●════━━━─

*❥❥_ Madina me Jab Azaan ki ibtida hui to Chu'nki Yahood Ke Rivayati Maslak ke Khilaaf ye bhi Nizaame Mazhab me ek Bid'at thi, Lihaza wo is per bhi bada pech v taab khaate, Khususan wo dekh rahe they k Azaan ke Kalmaat islam ki poori inqilabi Dawat aur uske Buniyadi Nazariye ko Jaamiyat se Saamne le aate Hai'n aur Din me Paa'nch martaba unka pukara jana...Ek Mo'assir Zariya Nashro isha'at hai,*

*"❀_ Ye Awaaz unki Aurto'n Unke Bachcho aur Unke Gulaamo ke Kaano me padti, Har Roz padti aur Paa'nch Paa'nch baar padti, Tasavvur Kijiye k Jab ye Anokhi Awaaze Bilaali Soz v Saaz ke Saath goonjti hogi to Madina ki Saari Fiza me Sannata chha jata hoga, Apno Parayo ke Dil mutavajja ho jate ho'nge,*

*"❀_ Khususan Unko Wo Farq mehsoos hota hoga jo Naqoos bajane aur Azaan pukarne me tha, aur jiske bare me khud unke Awaam bhi kuchh na kuchh Ahsaas karte ho'nge, Naqoos ki Awaaz me na Lafz they na ma'ani they, Ba Khilaaf iske Azaan ki Awaaz Chand bolo aur Chand Kalmo per mushtamil thi Jinme Aam Faham ma'ani mojzan they,*

*"❀_ Naqoos ki Awaaz me insaani Jazbaat ka izhaar nahi tha, Lekin Azaan ki Pukaar me insaani Qalb ka Soz v Gudaz kaar farma hota tha, is Farq ko mehsoos kar ke Yahood bajaye iske k ye Aitraaf kar lete k Azaan fil waaqe ibaadat ki Dawat Dene ka behtar aur Mo'assir Zariya hai aur iske Kalmaat Qadro Qeemat rakhte hai'n, Wo chid me mubtila ho gaye,*

*"❀_ Apni Majliso me, Sohbato me Wo Azaan pukarne wale ki Awaaz ko Ajeeb v Gareeb Tashbeehe dete, Wo Naqale utaarte aur Azaan ke Kalmaat ko bigaad bigaad kar Samane Tazheek ( Ha'nsi, Mazaaq) paida karte,*

    ⊙══⊙══⊙══⊙══⊙══⊙══⊙                       

*⚂_ Bad Tamiziyo Ki Aakhri had _⚂*

 ─━━━════●■●════━━━─

*❥❥_Bad Tameeziyo Ki Aakhri had ye thi k Khud Allah Ta'ala ko bhi ( Na'uzubillah) nishana bana liya gaya, Maslan jab Ye Aayat utri k "Kon hai Jo Allah Ko Achchha Qarz de" to bajaye iske k iske Seedhe Saaf Mafhoom ko liya jata Yahood ne ye keh kar Mazaaq udana Shuru kar diya - Logo'n! Sunte ho Ab To Allah Ta'ala bhi Qallash ( Kangaal ) ho gaye hai'n ( Na'uzubillah) Lo ab wo Bando se Qarz maa'ngne nikal khade hue hai'n _,"*

*"❀_ Khuda se bekhofi aur besharmi ki isse zyada Napaak Misaale Kam milti hai'n, Isi tarah Qur'an me Jaha'n Makkhi aur Machchhar ya esi hi Ba Zaahir Haqeer Cheezo ka Bator misaal Tazkira hua hai aur unke Vajood se koi istadlaal kiya gaya hai, waha'n ye log Tanz v Tehqeer ka Toofan machane ka moqa pa lete,*

*"❀_ Kehte hai'n k Khuda bhi Ajeeb hai k Jise Misaal dene ke liye bhi milti hai'n to esi Haqeer Cheeze milti Hai'n, is istehza me ye istadlaal bhi shamil hota hai k Qur'an khuda ka Kalam kese ho sakta hai jabki iske andar in Ghatiya Cheezo ka Tazkira hai , ( Na'uzubillah)*

*"❀_ In Logo'n ko kya khoob jawab Mila k ( Surah Al Baqrah - 26) Haa'n ! Allah isse Hargiz nahi sharmata k Machchar ya isse bhi Haqeer tar kisi cheez ki Misaal de, Jo log Haq baat ke Qubool karne wale hai'n wo inhi Misalo ko dekh kar jaan lete hai'n k ye haq hai Jo unke Rab ki taraf se aaya hai aur jo Maanne wale nahi hai'n wo inhe Sun kar kehne lagte hai'n k Esi Misaalo se Allah ko kya Sarokaar?*

    ⊙══⊙══⊙══⊙══⊙══⊙══⊙                    

       *⚂_ MADINA ME HALAAT _⚂* 

 ─━━━════●■●════━━━─

*❥❥_Suleh Hudebiya per Jab Musalman Makka gaye To unke badan baar baar Ki Alalato ne ese Choor Choor kar diye they k Ahle Makka ki Taraf se Taane diye gaye " Aur Jao na Madina _," inhi Taano ka Radde Amal tha Rasulullah ﷺ ke irshad ke Tahat Musalman Akad Akad kar Chalte they,*

*"❀_ inhi Halaat ki bina per Huzoor ﷺ farmate they k, Hijrat ka maamla bada Sangeen hai Koi khail nahi ! Is Silsile me ek Dilchasp Waqi'a pesh aaya, Ek baddu me aa kar Sarware Aalam ﷺ ke haath per bait ki, Lekin Madina aate hi Bukhar ne aa liya, usne isko islam ki Bad Shaguni qaraar diya aur israar kar ke Bait khatm karayi aur chala gaya, is Waqi'e per Huzoor ﷺ ne farmaya k Madina Sunaar Ki Bhatti ki Maanind hai k Khot Mel ko ugal deti hai aur Zar Khaalis ko Alag kar leti hai _," ( Bukhari )*

*"❀_ Yahi Daur tha jabki Huzoor Sarware Aalam ﷺ ne Allah Ta'ala se gidgida kar Dua ki k, Ey Allah ! Hamare liye Madina ko wesa hi dilkash bana de Jese Makka ko banaya tha Ya usse bhi zyada, aur hamare liye iske paimano ( yani galle aur pedawaar) me Barkat ata farma, aur is per aayi Hui Waba ko Johfa ( Miqaat Ahle Shaam ) ki Jaanib muntaqil kar de_," ( Seerat ibne Hisham-2/221)*

*"❀_ Doosri Taraf Faqr v Faaqa ki Kaifiyat had darja Tashveesh naak thi, nayi jagah aa kar Ma'ashi zindgi ki nayi neev daalna aur fir usme kasbe Halaal ka Ahatmam karna aur wo bhi is Aalam me jabki ek Tehreek Lamha lamha ittefaq maal ke mutalbaat liye Saamne khadi ho, Ese Halaat me Jo ibtila ( Aazma'ish) pesh aa sakta hai wo Zaahir hai, Haq ke Alambardaro per jo kuchh Guzri uski dardnaak Rudaad se tareekh Seerat aur Ahadees ke zakhire bhare pade hai'n,*

*❥❥_Hazrat Abu Talha Raziyallahu Anhu us Daur ki ibtila ka haal Yu'n bayan karte hai'n k Hum Log Bhook ki musibat me ghul ghul kar jab tang aa gaye to Sahara Haasil karne ke liye Sarware Aalam ﷺ ki khidmat me pahu'nche, Haal bayan kiya aur pet khol kar dikhaye k Kai Roz ke Faaqe ki vajah se ( maide me hone wali ek khaas jalan ko Rokne ke liye) patthar baa'ndh rakhe they, is per Tareekh ki Us Azeem Tareen Shakhsiyat ne Apne pet se kapda uth kar dikhaya k Ek nahi Do patthar ba'ndhe they, is Manzar ko dekh kar Apna dukhda bayan karne walo ki Tasalli ho gayi_," ( Shama'il Tirmizi)*

*"❀_ Ek Martaba isi haal me Hazrat Abu Bakar Siddiq Raziyallahu Anhu be waqt aaye aur chaha k Taskeen Haasil karne ke liye Apni Takleef bayan kare'n, Magar fir khayal hua k isse Qaa'id E islam ko Khwah mkhwah mazeed pareshani hogi,*

*"❀_ Thodi der me Hazrat Umar Raziyallahu Anhu bhi aa pahu'nche, Wo bhi isi imtihaan ka Shikaar they, Baa'is E Aamad puchha gaya To unhone saaf saaf arz kiya k bhook ke maare betaab hu'n, Huzoor ﷺ ne Suna to Farmaya k mera bhi haal kuchh esa hi hai, Tay Paya gaya k Apne Rafeeq E Muqaddas Abul Haisham ke Yaha'n chale'n,*

*"❀_ Hazrat Abul Haisham Raziyallahu Anhu Bagaat ke Maalik aur Khushhaal they, Teeno Apne Rafeeq ke Yaha'n pahu'nche to wo bechare Khadim na hone ki vajah se khud hi Pani lene gaye hue they, Aaye to Farte Masarrat se lipat gaye aur Baag me le ja kar Dastar Khwan bichhaya aur Khajoore Tod kar Haazir ki, Khajoore kha kar un Faaqa Kashan Raahe haq ne Thanda Pani Piya aur khuda ka Shukr Ada karte aur Abul Haisham ke liye Dua'e khair karte waapas hue_," ( Izaa)*

*❥❥_ Hazrat Sa'ad bin Abi Waqas Raziyallahu Anhu ne ek moqe per bayan kiya k Tehreeke Muhammadi ﷺ ka Mai'n hi wo Rukn hu'n jiske Haath se Ek Dushman Haq ka pehla khoon gira, Mai'n hi hu'n jisne Awwaleen Teer Fai'nka, Hum Logo'n esi Haalat me Jihaad kiya hai k hum Daraohto ke Patte aur Keekar ki Faliya'n khaya karte they aur is Vajah se Moo'nh ke kinaare Zakhmi ho jate they aur Ajabat Ou'nto aur Bakriyo'n ki mengniyo ki Shakl Akhtyar kar Jati thi_,"*

*"❀_ Huzoor ﷺ ke Rafeeqe khaas Hazrat Abu Huraira Raziyallahu Anhu ka Bayan hai k Ek Zamana tha k Jab Mai'n mimbare Nabvi ﷺ aur Hazrat Ayesha Raziyallahu Anha ke Hujre ke Darmiyan bhook aur Faaqa ki Shiddat ke maare behosh pada rehta aur log mujhko Junoon zada samajh kar ( Bator ilaaj ) Paa'nv se meri gardan dabate they, Hala'nki mujhe Junoon nahi hota tha, Wo mahaz bhook ka Aalam hota tha _," ( Shama'il Tirmizi)*

*"❀_ Hazrat Abu Huraira Raziyallahu Anhu hi ka Bayan karda ek Waqi'a ye bhi hai k Aap Hazrat Umar Raziyallahu Anhu ke Saath Saath chale ja rahe they aur kisi Aayat ka Mafhoom zere bahas tha baate karte karte aur Saath Chalte Chalte Yakayak Hazrat Abu Huraira Raziyallahu Anhu behosh ho kar gir pade, Faaqa Kashi ne nobat Yaha'n tak pahu'ncha di thi,*

*"❀_ is Aalam me Huzoor ﷺ Agarche Baitul maal me aane wali daulat ko Saath ke Saath Rafqa ko Sambhalne ke Liye kharch karte chale jate they magar kharch ka Daayra itna Wasi tha k Baitul maal ki Aamadniya'n aur Ansar aur Khush haal Muhajireen ke Faraakh dilana Sadaqat badarja Adna bhi kaafi na hote they, Aalam Faaqa zada Muhajireen ke Saath Saath Ashaabe Suffa ka mustaqil Darul iqama Zarurat mand tha mehman aate they, Badvi log waqtan fa waqtan islam lane ziyarat karne aur Ahkaam maloom karne aate, Saa'il aa aakar sawal karte aur Musalsal naye Muhajireen ki Aamad rehti, in Halaat me Baitul maal bechara bhi kya kar sakta tha,*

*❥❥_ Jab Sahaba Kiraam aur Ahle Haajat ki Zaruriyaat ka Dabaav Shadeed Hota tha, Aap ﷺ Ya To i'anat ke liye Appeal kar dete aur Log Jazba E Saadiq se Apna maal pesh kar dete ya Fir Qarz lena padta, Qarz Apni Jama'at ke andar se kuchh zyada mil na sakta tha, Lihaza Yahoodi Maaldaaro ki Taraf ruju karna padta tha, Yahoodiyo ka haal ye tha k ye log pakke Soodkhor they aur unke Soodi jaal Tamaam ilaaqe me faile hue they, Lekin Muhammad (ﷺ) aur Aapke Saathiyo'n ko wo jis Garz se Qarz dete they wo Sood se zyada badi cheez thi, Wo ye thi k Rupiya aur Ahsaan Daari ke zor se in per qaabu Paya jaye aur is Zehniyat ke Saath wo Qarz Khwahi me bilkul Aadato ki Zehniyat ka Muzahira karte aur Toheen v Tazleel per utar aate, Yahi haal Mushrikeen ka tha,*

*"❀_ Is Talkh Tajurbe se khud Sarware Aalam ﷺ ko bhi guzarna pada aur Aapke Saathiyo'n ko bhi, bahut Saare Waqi'aat Seerat aur Tareekh ki Kitaabo me mazkoor hai'n, Aah ! Duniya ki bhalayi ke liye Zindgiyo ki baazi laga dene walo ne ye sab kuchh bhi bhugta, magar is khasta Haalat per bhi Apne imaan aur maqsad ke bare me un per koi Tazalzul nahi aaya,*

*"❀_ Mohsin E insaniyat ﷺ ne Apne Qareebi Rafeeq aur Zaati Naa'ib Hazrat Bilaal Raziyallahu Anhu ko Hukm de rakha tha k Sahaba Kiraam ki Zarurat per wo Aamadniyo ko be dareg kharch kare'n, Hazrat Bilaal Raziyallahu Anhu isi Kaam me lage rehte they, Ek martaba 90 Hazaar Dirham ki Raqam aayi aur Ek Boriye per Dher laga di gayi, Wahi'n bethe bethe Sarware Aalam ﷺ ne use Zarurat mando me Taqseem Kara Diya aur Ek hissa baqi na raha, Taqseem ho chukne ke baad Ek Saa'il aa gaya to uske Liye Qarz lene ka Hukm diya,*

*"❀_ Hazrat Abu Huraira Raziyallahu Anhu ka Bayan hai k Kisi Moqe per Sayyadna Bilaal Raziyallahu Anhu ke Saamne Khajooro ka ek dher laga pada tha, Huzoor ﷺ ne dariyaft farmaya ye kesa maal hai ? Sayyadna Bilaal Raziyallahu Anhu ne arz kiya k ise mistaqbil ki Nadeeda Zarurato ke liye Roke rakhne ka iraada hai, Farmaya kya tum be Fikr ho gaye ho k kal Qayamat ke din Kahi'n is maal ko Yu'n roke rakhne ke badal Jahannam ka Dhu'nwa tum tak pahunche, Kharch karo Ey Bilaal ! Aur Takhte iqtidaar ke Maalik ki taraf se kisi tarah ka Andesha na karo _,"*

*❥❥_Hazrat Bilaal Raziyallahu Anhu hi ka Bayan hai k Madina ka Ek Mushrik unke paas aaya aur khud Peshkash ki k mere paas bahut maal mojood hai, Jab Zarurat ho mujhse le liya kare'n, Chuna'che Hazrat Bilaal Raziyallahu Anhu ne Qarz lena Shuru kar diya,*

*"❀_ Yakayak Ek Din Esa hua k Hazrat Bilaal Raziyallahu Anhu ne Wazu kar ke Azaan kehne ki tayyari me they k Wo mabeen Apne Saath kuchh aur Karobariyo ko liye hue aaya aur chillaya k - "O Habshi ! Hazrat Bilaal Raziyallahu Anhu uske paas gaye, Wo bahut garam hua aur bura bhala kehne laga aur Dhamki di k Mahina khatm hone ko hai, Agar Qarza waqt per Ada nahi kiya to ( Arab ke jaahil Tareeqe ke mutabiq) tumko Gulaam bana lunga aur Tumhara Wohi haal hoga jo pehle tha,*

*"❀_ Hazrat Bilaal Raziyallahu Anhu bayan karte hai'n k is Nasihat se mujh per Wohi kuchh Guzri jo ese Aalam me har Shareef Aadmi per guzarti hai, Sayyadna Bilaal Raziyallahu Anhu isha ki Namaz ke baad Apna dukhda sunane Nabi Kareem ﷺ ki khidmat me pahu'nche aur Adaaygi ki koi Tadbeer na pa kar Ruposh ( gayab ) ho jane ka iraada Zaahir kiya aur kaha k jab Qarz Ada karne ka kuchh intezam ho jayega To Mai'n waapas aa jaunga _,"*

*"❀_ Lekin isse pehle k Hazrat Bilaal Raziyallahu Anhu Apne iraade ko Amal me late, Agli hi Subeh Nabi Kareem ﷺ ki taraf se bulawa aaya, Haazir hue to dekha k Haakim Fidk ki taraf se Samaan se ladi Hui Chaar Ou'ntniya'n Hadiya khadi hai'n, Qarz Khwah ko bula kar Hisaab bebaaq kar diya gaya aur Baqiya maal Hasbe Mamool Mustahiqeen me Taqseem kar diya gaya,*

─

*❥❥_ Hazrat Jaabir bin Abdullah Aslami Raziyallahu Anhu Tehreek islami ki ek aur Buzurg Tareen Hasti hai'n, Ye Madina Munawwara ke rehne wale they aur khase khush haal they, Fir bhi Halaat v Zaruriyaat Ke Tahat ek Yahoodi Mahajan se Waqtan fa waqtan Qarz lene per Majboor ho jate,*

*"❀_ Ek Saal Khajooro per poori tarah Phal na aaya aur Qarz Waqt per Ada na ho saka, Yahoodi Mahajan se ba mushkil Agali Fasal tak ke Liye mohlat maangi, Agli Martaba fir fasal Kharab Hui, Mazeed Mohlat dene se Yahoodi ne inkaar kar diya,*

*"❀_ Aakhir Jaabir Raziyallahu Anhu bhi Apni Kahani Sunane Apne Aaqa ﷺ ki khidmat me pahu'nche, Huzoor ﷺ Chand Sahaba ko Saath le kar Yahoodi Ke Ghar Tashreef le gaye aur usse Appeal ki k Wo Jaabir ko Mohlat de de, Usne inkaar kiya, Huzoor ﷺ thodi der ke liye idhar udhar ghoome aur Ek baar fir aa kar usse Guftgu ki, lekin fir bhi usko Kisi Tarah Ju tak na rengi,*

*"❀_ Fir Thodi der ke liye Aap ﷺ So gaye, Jaage to fir ja kar wohi zikr chheda, Magar wo Zaalim na paseeja, Aakhir kaar Aap ﷺ Jaabir Raziyallahu Anhu ki Khajooro ke Jhund me ja kar khade hue aur unse Farmaya k Khajoore todo, Khajoore todi gayi'n to Tawaqqo se bahut zyada nikli, Qarza bhi Ada ho gaya aur Khaasi miqdaar bhi Bach gayi,*

*❥❥_ Huzoor ﷺ ki Ek Zaati Zirah Ek Yahoodi Qarz Khwah ke paas Rahan thi, Aakhir Dam Tak Aap ﷺ ke Paas usko Chhudane ke Liye intezam na ho saka, Ek martaba Sarware Aalam ﷺ se Ek Yahoodi Qarz Khwah mutalba karne aaya, Apne Yahudiyana Mizaaj ke mutabiq usne Nihayat Garmi se Guftgu ki, Sahaba Kiraam Raziyallahu Anhum ne use Ahsaas dilaya k Tum dekhte nahi k Kis Hasti se hum Kalaam ho _,"*

*"❀_ Wo kehne laga k Mai'n to Apna Haq talab kar Raha hu'n, Huzoor ﷺ Apne Sahaba ko Farmate hai'n k Tum Logo'n ko uski Himayat karni Chahiye kyunki ye uska Haq hai, Fir uska Hisaab bebaaq karne ka Hukm diya aur uske Haq se kuchh zyada dilwa diya,*

*"❀_ Zaid bin Sa'ana Ka Dilchasp Waqi'a in Halaat per mazeed Roshni daalta hai, ye Yahoodi Aalim they, aur Dayanat daari se Huzoor Paak ﷺ ke Dava'e Nabuwat ka Jayza mukhtalif Alamaat ki Roshni me le rahe they, inka bayan hai k Ek Baddu aaya aur Huzoor ﷺ se aa kar Mila, Usne bayan kiya k meri Qaum Musalman ho chuki hai aur Maine unko Dawat dete hue kaha tha k tum Agar islam laoge to Allah Ta'ala tumko bharpoor Rizq dega, Lekin Bad Qismati se ulta Qahat pad gaya hai, Ab agar unko Sahara na pahu'nchaya jaye to Andesha hai k Wo islam se door ho jayenge,*

*"❀_ Huzoor ﷺ ne Hazrat Ali Raziyallahu Anhu ki taraf mustafsirana nigaah se dekha, Unhone arz kiya k fil waqt kuchh bhi mojood nahi hai, Zaid bin Sa'ana ne Peshkash ki k mujhse 80 Mishkal Sona le le'n, aur uske badle me Waqte mu'een per Khajoore de de'n, Maamla Tay ho gaya aur Huzoor ﷺ ne Sona le kar Baddu ke Hawale kar diya,*

*❥❥_Zaid bin Sa'ana Ka bayan hai k Muqarrara miyaad me jab Do Teen din baqi reh gaye to Wo Huzoor ﷺ se Ese Aalam me Do Chaar hue k Aap ﷺ Apne Chand Sahaba ke Saath kisi Ke Janaze ki Namaz se Faarig ho kar ek Diwaar ke Paas Tashreef farma they, Zaid ne Huzoor ﷺ ke Kurte aur Chaadar ke Palluo'n ko Kheenchte hue Nihayat Turshrui se kaha- "Ey Muhammad ﷺ! Mera Qarza Ada nahi karte ! Khuda ki qasam Mai'n Tum sab Aulaade Abdul Muttalib ko khoob jaanta hu'n k Pakke Naade Hind ( Qarz Le kar waapas na karne wale ) ho _,"*

*"❀_ Hazrat Umar Farooq Raziyallahu Anhu ne zaid ko garam Nigaaho se ghoora aur kaha k- "O khuda ke Dushman kya bakta hai ! Khuda ki qasam mujhe ( Huzoor ﷺ se) Andesha na hota to Teri gardan uda deta_," Sarware Aalam ﷺ ne Hazrat Umar Raziyallahu Anhu ko Samjhaya k, "Ese moqe per Aapko Chahiye k Ek taraf mujhe Hasan v Khoobi se Ada E Qarz karne ki Talqeen karte, Doosri Taraf us Shakhs ko mutalba karne ke behtar Tareeqe ki Nasihat karte_,"*

*"❀_ Fir farmaya k, "Ab Jao aur ja kar uska Hisaab Ada kar do aur Daa'ntne ke badle me 20 Sa'a ( Madine ka Ek Maroof Paimana) Khajoore mazeed do _,"*

*"❀_ Dar Asal Asal zaid bin Sa'ana ki taraf se Sahibe Nabuwat ka Aakhri imtihaan tha, Hazrat Umar Raziyallahu Anhu se Apna Tarruf karaya aur unko Gawaah bana kar islam Qubool kiya aur Apna Aadha maal millate islamiya per Sadqa kar diya,*

*"❀_ Ye zaid Yahoodi Mahajano ki Saf se bilkul alag Apna muqam buland rakhte they lekin inke Waqi'e se bhi ye Waaze ho jata hai k Madina Munawwara me Dawat aur iske Daa'iyo'n ki maali mushkilaat kis darje ki thi aur unke zere asar aaye din Qarz uthana padhta tha aur Qarz Khwaho ki taraf se Sakhtiya'n Bardasht karni padti thi,*

*❥❥_ Yahood aur Maaldaar Mushrikeen ne Ek Taraf to islami Tehreek Ke Khilaaf Mahajani Ladayi Chhed rakhi thi, Doosri Taraf wo Ek aur Muhim ne bhi Masroof they, Wo ye thi k Logo'n Ko "infaaq fi Sabilillah" ( Allah Ke Liye Kharch Karne) se roka jaye taki Tehreek islami Maali kamzori ki vajah se khatm ho jaye, is Maqsad ke Liye Ek To wo Targeeb infaaq ki Aayat ka Mazaaq udate they k Lo ji Musalmano ka Khuda bhi ( Na'uzubillah) Diwaliya ho kar Qarz Maa'ngne nikal khada hua hai, Kabhi kehte k islami Tehreek ke khuda ka haath band hai,*

*"❀_ Ye baate Yahoodiyo se chal kar Munafiqeen ki Zubano per chadh jati aur Poori Fiza ko Gubaar Aalood kar deti, Doosri Taraf wo Kharch karne walo se mil mil kar kehte k dekho kyu Apna maal gaarat kar rahe ho, Makka ke Chand Kangalo ko khila pila kar tum kya haasil karoge, Apne Baal Bachcho ki khidmat karo Karobaar chalao, Aakhir maal ka ye kya Ahmakana masraf tumne Dhoo'ndha hai,*

*"❀_ In Yahood aur Munafiqeen ke bare me Qur'an ne kaha k Ye Logo'n ko Kanjoosi ki Taleem dete hai'n _,"*

*"_ Ye Wohi Log Hai'n Jo kehte hai'n k Rasulullah (ﷺ) ke Saathiyo per kharch Karna band kar do taki ye Muntashir ho jaye'n _," ( Al Munafiqoon- 7)*

*"_ Yahood Ke Karindo me ye Sargoshiya'n hoti thi k Rasulullah ﷺ ke Saathiyo per maal kharch karne se baaz aa jao taki ye sab Chhut chhuta jaye'n,*

*"❀_ Kitni Door Andeshana Sceam thi, Yani Ek taraf se Jazba E infaaq ke Sar Chashme ko band kar diya jaye, aur Doosri taraf Qarz dekar Apne Panje ki giraft Tehreek islami ki gardan per Kasi jaye, Sceam Kamyaab ho jati to imaan v istadlaal aur Amal v Kirdaar ke maidaan me muqabla kiye bager Sar Per mamdlate hue inqilab ko Shikasht di ja Sakti thi, Magar Maamla ek Khuda E Daana v Beena aur Ek Haakim Qaadir v Tawana se tha, uski gehri Tadabeer ne dhusmanane Haq ki Chaalo ko Shikasht de di _,"*

*®_ Seerat ibne Hisham- 2/188)*

    ⊙══⊙══⊙══⊙══⊙══⊙══⊙                   

 *⚂_ MUNAFIQEEN KI HARKATE _⚂*

 ─━━━════●■●════━━━─

*❥❥_Bebasi aur Buzdili Ke Aalam me Aadmi ke Andar kaam karne wale Harifana ( Dushmani Ke) Jazbaat Hamesha Hasad aur Keena ki Raah se use Nifaaq ke Kaminepan tak le jate hai'n, Wo Mukhalif per Saamne se Waar Karne Ke bajaye pichhe se Waar karta hai, Wo khullam Khulla Saamne aane ke bajaye Naqab zani ki Sceeme banata hai,*

*"❀_ Yahood ne bhi isi Buzdilana kaam ko Sambhal liya, Chu'nki barahe raast hamla karne ki Taaqat nahi thi, is Vajah se Nifaaq ka khufiya Muhaaz ( muqable) per Amal kiya, islam ki badhti hui Taaqat ko dekh kar bahut se Log Apna mistaqbil banane ke Liye isi Chor Darwaze se andar dakhil hone lage, is Chor Darwaze ki Shuruaat Bahar haal Yahoodi zahan ne kiya, unke Achchhe Achchhe Sardaar they Jo islami Jama'at ki Safo me Apne Dushmani ke jazbaat ko islam ke behroop me Chhipaye hue Dakhil hone lage,*

*"❀_ Bani Qeenqa'a me se Numaya martabe ke Hasbe zel Sardaar islam ke Daayre me dakhil hue, (1)_ Sa'ad ibne Haneef (2)_ Zaid bin Naseet (3)_ Noman bin Awfa ibne Amru (4)_ Raafe bin Hareemla (5)_ Rafa'a bin Zaid bin Taboot ( 6)_ Salsala ibne Barhaam (7)_ Kanana ibne Soriya _,"*

*"❀_ inme se Zaid bin Naseet wo Shakhs hai Jo Bani Qeenqa'a ke Bazaar me Hazrat Umar Raziyallahu Anhu se Ladayi per Amada ho gaya tha, Fir yahi tha jisne Rasulullah ﷺ ki Ou'ntni ke kho Jane per Taana diya tha k Yu'n to Aasmaan ki khabre dete firte they, Lekin itna pata nahi k Ou'ntni is waqt Kaha'n hai _,"*

*"❀_ iske Jawab me Huzoor ﷺ ne farmaya tha k Ba Khuda Mera haal ye hai k Mai'n Bajuz iske kuchh nahi jaanta jo kuchh k Allah Ta'ala mujhe bata de aur Allah Ta'ala ne mujhe Ou'ntni ke bare me ittela de di hai, So wo us Waadi me hai aur ek Darakht ke Saath iski Rassi Ulajh gayi hai _," Chuna'che Sahaba Kiraam Talash ko gaye to bilkul yahi Soorat Waqa'i Aa'nkho se dekhi _,"*

*

*❥❥_In me se Ra'afe bin Hareemla ka Muqam Nifaaq me itna buland tha k Jis Din Wo mara to Sarware Aalam ﷺ ne khud farmaya k "Aaj Munafiqeen ke Sarkheelo ( Sardaaro) me se ek Sarkheel ( Sardaar) mar gaya hai _,"*

*"❀_ Esa hi Muqam Rafa'a bin Zaid bin Taboot ka tha, Chuna'che Gazwa Bani Al Mustalaq se Waapsi per Toofan Sarsar utha aur log Kuchh ghabra gaye to Huzoor ﷺ ne tasalli dilate hue farmaya k ye Toofan Munafiqeen ke Ek Sarkheel ko Kaifar Kirdaar (Uske Kiye ki Saza) Tak pahu'nchane ke liye Mutahrik hua hai, Log Madina pahu'nche to maloom hua k Rafa'a ki Rooh usi Toofan ki Lehro ke Saath Parwaz kar Chuki thi_,"*

*®_( Seerat ibne Hisham-2 -174-175)*

*"❀_ Dilchasp Haqeeqat ye hai k Munafiqeen ki Safo me Jitne bhi Log Shareek hue Sabke sab Maaldaar aur Khush haal log they, Unke Saamne Mufaad they aur unke Mizaaj bil Umoom Galat Jazbaat ke Saa'nche me dhal kar patthar Ki tarah Sakht ho chuke they, Nojawan Taaqat Tehreek islami ke saath thi, Tehqeeq Ke Mutabiq Sirf Ek Nojawan Munafiqeen me milta hai jiska naam Qush bin Amru bin Sahal tha,*

*"❀_ Munafiqeen ka group mehdood na tha balki dar Haqeeqat ye Apne Halqo se Munafiqo ko bharti bhi karte, islami Jama'at ke Andar se Kamzor Afraad ko Talash kar kar ke unka mutassir bhi karte aur unko istemal me late, Shukook v Shub'haat faila kar aur Musalmano ki Majliso me Sanjida Mamlaat me Mazaaq banane aur Ha'nsi udane ke pehlu paida kar kar ke Fiza ko kharab karne ki koshish karte rehte,*

*"❀_ Masjid me ja kar Tamaam Aham Guftgue'n Sunte aur fir aa kar Apni Majliso me Report karte, Raato ko Saazishi Majliso me beth kar Shararat Ke naye mansoobe banate aur Naye Naye Tareeqo se Unko Amal me late, Yu'n To Apne Andaz v Harkato ki Vajah se Unke Nifaaq ka paida kiya hua bedhanga kirdaar Nabi Kareem ﷺ aur Sahaba Kiraam ki nigaah me pehchana jata tha aur iske Saath har Marhale per Wahi E ilaahi ki Roshni unke Khayalaat, unki harkato aur unke Kaarwaiyo aur Sazisho balki unke mujrimana zameer ki khaas khaas Alamaat ko numaya karti rehti thi,*

*❥❥_Ek Moqe per Masjide Nabvi me in Munafiqeen ki Harkate bardasht se bahar ho gayi, Aam majme me Ye Toli ki Toli bilkul Alag dhada bani bethi thi aur Apni jagah Alag khusar Fusar kar rahi thi, Ye Manzar dekh kar Sarware Aalam ﷺ ne inko Masjid se nikal jane ka hukm diya,*

*"❀_ In Munafiqeen ki khud Apni Markazi Qayadat Abdullah bin Uba'i ki Zaate girami me murtaqaz thi, Ye Shakhs jo Waqi'a Ufak me Fitne ki barood ko patila dikhane wala tha, iski Rag Rag me islami inqilab ke Khilaaf bugz v keena ka Aatishi Lawa bhara pada tha, is la ilaaj bugz v keena ki Buniyad kya thi, Ye Usaid bin Huzair ki zubani Suniye, Jinhone Gazwa Bani Al Mustalaq ke moqe per Abdullah bin Uba'i ki ek Shar Angezi per Tabsira karte hue Qaa'id E Insaniyat ﷺ ki khidmat me arz kiya:-*

*"❀_ Ya Rasulallah ﷺ! Is Shakhs ( ke Dukhi Jazbaat) ki Ri'aayat farmaye'n, Madina me jab Aap ﷺ ka Varood ( pahu'nchna) hua tha to us moqe per hum isko Badshahat ki Musnad per bithane ki poori Tayyari kar chuke they aur iske liye Taaj Tayyar ho raha tha, Aap ﷺ ki Aamad se iska bana banaya khel bigad gaya, bechara isi ki jalan nikaal raha hai _," ( Taqseemul Qur'an - Surah Noor ka Dibaacha)*

*"❀_ Abdullah bin Uba'i Awwal Roz se Munafqat me mubtila ho gaya tha aur marte dam Tak isi me mubtila raha, Awwal Awaal islam le aaya taki is nayi Taaqat ke Nizaam ke andar Apni jagah bana sake lekin is Nizaam ke andar se to jidhar bhi koi Raasta jata tha Wo imaan aur Amal ke bal per Tay sakta tha, So Abdullah bin Uba'i ke liye Nifaaq ke Siva koi doosra muqam na tha,*

*❥❥_ Ibtida me Ye Nifaaq Makhfi raha, Lekin Ek Din Achanak uske Dil ka Nasoor Fat pada aur Ganda Badbudaar maada behne laga, Huwa ye k Huzoor Paak ﷺ Sa'ad bin Ubada Raziyallahu Anhu ki Bimaar Pursi ke liye Tashreef le gaye, Huzoor ﷺ gadhe per Sawaar they aur Apne pichhe Aap ﷺ ne Osama bin Zaid bin Harisa Raziyallahu Anhu ko bitha liya_,"*

*"❀_ Yahi Osama bin Zaid Raziyallahu Anhu batate hai'n k Raaste me Ek jagah Abdullah bin Uba'i Majlis Jamaye betha tha, Uske gird Qabile ke log Halqazan they, Sarware Aalam ﷺ ka Guzar hua to use bura laga aur Moo'nh fair liya, Huzoor ﷺ qareeb pahu'nche to Salam kaha, fir Zara der ke liye ruke aur Qur'an ka kuchh hissa padha, aur khuda ki taraf Dawat di, khuda ki Yaad dilayi aur uske gazab se dar dilaya,*

*"❀_ Osama Raziyallahu Anhu kehte hai'n k Abdullah bin Uba'i dam saadhe betha raha aur koi baat nahi ki lekin Jab Huzoor ﷺ baat se faarig ho kar chalne Lage to bade gustakhana aur Bazaari se Andaz me Moo'nh faad ke kaha k, "_Ey Fala'n !.. baat karne ka Tera ye Dhang theek nahi.. Apne ghar me beth aur Jo koi Tere paas jaye to bas usko Apni baat Suna diya kar... aur Jo koi Tere paas na aaye use Tang na kiya kar aur unke Ghar me aa kar Esi Dawat na suna k Jo use Nagawaar ho _,"*

*"❀_ Dekhiye in Alfaaz ko, Parakhiye is Andaze bayan ko ! Lafz lafz zehar me bujha hua hai aur Harf Harf se Sadandh uth rahi hai, Kitne Dil chhedne wale bol hai'n, kese ishti'aal ( gussa ) dilane wale Jazbaat hai'n,*

*❥❥__Huzoor ﷺ ne Apne Maqam ki Bulandiyo se Pasti Ki is Hadbadahat Ko suna .. Us Kareemun Nafs Hasti ko Gusse ki bajaye Raham hi aaya hoga, Majlis me Abdullah bin Rawaha Raziyallahu Anhu bhi mojood they Jo Muslim Jama'at ke Rukn they, Unki Gairat ne Apna Farz Ada kiya aur unhone Munafiqeen Ke Us Sardaar ko Tunak kar jawab diya,_ "Huzoor ﷺ Kyu'n na Aaye'n, Hum Aap ﷺ ko chahte hai'n, Aap hamare gharo aur Hamari Majliso me aayenge, Hum Aapse Muhabbat karte hai'n aur Aap hi ke Waseele se Allah Ta'ala ne hume Sarbulandi ata farmayi hai aur Aap hi ke Zariye se Hidayat ata ki hai _,"*

*"❀_ is Tajurbe se guzarne ke baad Qaa'id E Insaniyat ﷺ Sa'ad bin Ubada Raziyallahu Anhu ke Yaha'n pahu'nche, Unhone Chehre ka Ek khaas Rang dekh kar istafsaar kiya, Aapne Waqi'a bayan kiya, Sa'ad Raziyallahu Anhu ne bhi Wohi Waqi'aati pase Manzar bayan kiya k Allah Ta'ala Aap ﷺ ko Madina le aaya Varna hum us ( Munafiq ) ke liye Taaj Tayyar Kara rahe they, Aapne to aa kar uski Badshahat ka Khwab darham barham kar diya, Mudda'a ye tha k Uska Ye Radde Amal Qudrati hai use kuchh Ahmiyat nahi deni chahiye,*

*"❀_ Ye Shakhs Nifaaq ke Poore Drame ka Markazi hero ban kar Tareekh ke Stage per kaam karta raha, Sabse aage ye tha, iske pichhe Sha'oori tor per Nifaaq ka Khel khelne wale Awaam they, Unke pichhe Adh kachre aur thode Musalman they, aur Sabse Aakhir me jaahil aur Na Samajh Badvi they, Tehreek islami ke khilaaf jo bhi Radde Amal Harkat namudaar hoti thi, Usme darja ba darja in Mukhtalif Anasir ka hissa hota tha,* 

*"❀_ Madina Munawwara me Muslim Jama'at Jin Jin Mukalfato aur Mazahamato se do chaar hui aur Sarware Aalam ﷺ ko Jin Jin Shararato ke Toofani Relo ka Saamna karna pada Un Sabme Yahood ke Zere Asar Munafiqeen ki is Faasid Taaqat ka bada bhaari part Shamil raha hai, Command Agarche Saare Muhaaze Mukhalfat per Yahood ki rahi Lekin jitne bhi Nagawaar Fitne Mohsine Insaniyat ka Raasta Rokne ke liye uthe unme Amalan bahut bada hissa Munafiqeen ka tha, Jo Yahood ke A'ala Kaarkun ban kar kaam karte rahe,*

*❥❥__ Ek Aham Tareekhi Rivayat Saabiq Mazhabi v Ma'ashrati Tasavvurat ke mutabiq ye Chali aa rahi thi k Muttabna ( Moo'nh bole bete ) ki Mutlaqa se Haqeeqi Bahu ki Tarah Nikaah karna Na-Jaa'iz hai, is Rivayat ko khatm karne Ke Liye Musaabat E ilaahi ne Waqi'aat ko badi Ajeeb v Gareeb Soorat se Nasho Numa di aur Fir ek inqilabi Natije tak pahu'nchaya,*

*"❀_ Hua ye k Zaid bin Harisa Raziyallahu Anhu jo Das baras ki umr me Gulaam ban kar bike they aur Jinko Hakeem bin Huzam Raziyallahu Anhu ne Hazrat Khadija Raziyallahu Anha ki khidmat me Hadiya kiya tha, Huzoor ﷺ ke ghar me Muttabna ( Moo'nh bole bete) ki Haisiyat rakhte they, Baad me Zaid Raziyallahu Anhu ke Baap aur Bhai inko lene aaye aur Huzoor ﷺ ne Azn bhi diya k Chaho to ja Sakte ho lekin Zaid Raziyallahu Anhu ko Aap ﷺ se ab itni gehri Muhabbat ho chuki thi k is Rishte ka Tootna gawara na hua,*

*"❀_ Chu'nki Aslan Ashraaf E Arab me se they isliye Makka ke kuchh Buzurgo ne Janab Zainab binte Jahash Raziyallahu Anha ( Huzoor ﷺ ki Foofi zaad Behan) ko inke Nikaah me dena Tajveez kiya, Lekin Zainab ke Bhai is Rishte per Raazi na hue, Kyu'nki Nikaah ke liye jo Maiyaar aur Paimane us Mahol me Raa'ij they un per ye Joda poora nahi utarta tha,*

*"❀_ Jaahili zahan ki nigaah me Hazrat Zaid Raziyallahu Anhu ke Daamane Hayaat per Goya Gulami ke dhabbe ka Asar abhi baqi tha, aur fir unki besaro Saamani bajaye khud ek nuqs thi, islam aaya to usne is zahan ko bhi badalna zaroori samjha aur Mohsine Insaniyat ﷺ ne Khandaani imtiyazaat ki roke Nikaah v Azdwaaj ke raaste se hata kar poore islami Ma'ashra ko ek Khandaan me badal dene ki koshish farmayi,*

*"❀_ Chuna'che fil waaqe ye Diwaare Qata'i Tor per dheh gayi'n aur Kafu ka ek naya Mafhoom paida ho gaya, Aapne badi Takeed se Logo'n ka Zoqe Nigaah badla, aur unko sikhaya k Aurto'n ko Nikaah me lene ke liye martaba awwal per unke Deen aur Kirdaar ko dekho, Baqi Cheezo ka Lihaaz baad me hai,*

*❥❥_ Huzoor ﷺ bhi Chahte they k ye Nikaah ho, Lekin jab isme ek Jaahili Rujhan Rukawat bana to ye Cheez khuda aur Rasool ki Nigaah me Napasandida qaraar payi, is Silsile me isharatan Surah Ahzaab me giraft ki gayi,*

*"❀_ Matlab ye tha k jab ek Muslim Aur Muslima ke Darmiyan Rishta Azdwaaj ke Qayaam ke liye Darwaze khol diye gaye hai'n to Ab Apne Raaste me purane Jaahili Tasavvuraat ko Ahmiyat de de kar Rukawat bannna khuda aur Rasool ki Rehnumayi aur unke Faislo ke muqable me Ek Tarah ki khudsari hai aur esi khudsari Gumrahi Ki Taraf le jane wali hoti hai _,"* 

*"❀_ Hazrat Zainab Raziyallahu Anha ke Bhai in Ayaat ko Sun kar isharo me baat ko samajh gaye aur Nikaah ke liye Tayyar ho gaye, Goya Sharf v Zillat ke Jaahili Maiyaar ki Zanjeer toot gayi, Allah Ta'ala ne is Waqi'e ke Zariye Muttabna ke bare me galat Tasavvur Raa'ij ko bhi Todne ka iraada farma liya, baad me hua ye k Zojain me nibaah na ho saka aur Aap ﷺ ke paas Shikayaat aane lagi'n lekin Mamlaat Sulajhne ke bajaye bigadte chale gaye, Yaha'n tak k bil Aakhir Zaid Raziyallahu Anhu Talaaq dene ka iraada Aap ﷺ ke Saamne Zaahir karne lage,*

*"❀_is per Aap ﷺ ko badi Tashveesh hui k Ek esa Nikaah toot Raha hai jo Ma'ashre me Ek nayi inqilabi misaal qaa'im karne ke liye kiya gaya tha, aur isme khud Rasulullah ﷺ ki Tehreek aur Mashware ko bada dakhal tha aur Aap hi Chu'nki Zaid ki taraf se Wali they isliye Aapki badi zimmedari thi, Aapne baar baar is Rishte ko bachane aur Hazrat Zaid ko Talaaq se baaz rakhne ki koshish ki, lekin Aakhirkaar ye Saari Koshish Nakaami ki Sarhad ko aa pahu'nchi,*

*❥❥....Aur Jis Tarah ki Shikayaat paida ho gayi ho'ngi unke izaale ki ek hi Soorat mumkin thi aur wo ye k Aap ﷺ khud Zainab Raziyallahu Anha ko Apne Nikaah me le le'n, Shari'at me Position bilkul saaf thi aur is maamle me koi Rukawat na thi Lekin Saabiq Jaahili Tassuraat ke Tahat Andesha tha k Logo'n ko Achambha hoga aur Saath hi mukhalifeen ko fitna khada karne ka mozu mil jayega, Lekin Marzi E ilaahi ye thi k Zamana Jahiliyat se Muttabna ki jo galat position chali aa rahi thi uski Nafi khud Aap ﷺ hi ke Zariye poori Hidayat v Sarahat se kar di jaye taki is Rasmiyat ki Jad bilkul kat jaye,*

*"❀_ Qur'an me Allah Ta'ala ne Aap ﷺ ke Makhfi khayal aur Nazar ko utha kar Sare Aam rakh diya, Farmaya- ( Surah Ahzaab -37) Andaz Tambeeh ka hai, Tum Apne Dil ke parde khafa me wo baat liye hue ho jise Allah khol Dene wala hai ...aur tum Logo'n se Andesha karte ho, Yani Ek baat jo khuda ki Shari'at me rawa hai use Logo'n ke Jaahili Tasavvuraat ke Andeshe se Dil me Chhipaye rakhna Allah ko napasand hai, isi Saamne aana chahiye aur usko waaqe hona chahiye,*

*"❀_ Maqsood isse ye tha k Moo'nh bole beto ke bare me wo galat Qaid jo lagi chali aa rahi hai, Wo Musalmano ke Ouper se hamesha ke liye door ho jaye, is Jahiliyat ki Zanjeer ko kaatne ke liye bharpoor zarb lagane ki ye Shakl Akhtyar ki gayi k Huzoor ﷺ se Hazrat Zainab Raziyallahu Anha ka Rishta Nikaah khud Allah Ta'ala ne Bator khaas qaa'im farma diya,*

*"❀_ Bas is Waqi'e ka hona tha k Madina ke Dushmanane Haq ke Halqo ke khalbali mach gayi, Ye log fitna khada karne lage, iske saath saath kahaniya'n bhi ghad li gayi'n, is Waqi'e ke Silsile me Sahi ma'ano me Ganda Propoganda kiya gaya aur Mohsine Insaniyat ke Akhlaqi martabe per hamla bola gaya,*_ 

*❥❥_ insaniyat ke Sabse bade Khair Khwah per Kai Roz tak kesi Sakht Guzri ho'ngi, Yahood ka ye Propoganda bechare Musalmano ke liye bhi behad pareshaniyo ka mojib hua hoga, Unko Raah chalte chheda jata hoga, un per fikre kiye jate ho'nge, aur unko Shub'haat ke chakkar me dala jata hoga, Unme Wo Muslim bhi they Jo Apne kachchepan ki vajah se ghabra uthte ho'nge, Unme munafiq bhi they aur Wo Apne ban kar Ajeeb tarah ki dorangi baate karte ho'nge,*

*"❀_ Is Haalat me Musalmano ki Taskeen aur Tarbiyat ke Liye Allah Ta'ala ne Chand Haqa'iq unke zahan nasheen karaye, Unko bataya k Nabi per kisi esi baat me koi Muzayqa nahi jise Allah Ta'ala ne uske liye Tay kar diya ho_, ( Ahzaab -138)*

*"❀_ is qadam ka maqsad bhi Waaze kar diya k Musalmano ke liye Moo'nh bole Beto ki Mutlaqa se Nikaah karne me koi Rukawat baqi na rahe ( Ahzaab -37)*

*"❀_ Ye Elaan bhi kar diya k Muhammad (ﷺ) Tumhare Mardo'n me se kisi ke baap nahi hai'n _, ( Ahzaab -40)*

*"❀_ Aakhir me khud Huzoor ﷺ se khitaab farma kar kaha k Kafiro aur Munafiqo ki na maano aur unki Dil Azariyo'n ka balaye Taaq rakh do aur Allah per bharosa Karo aur Allah hi kaarsaazi ke liye kaafi hai _"( Ahzaab -48)*

*"❀_ Munafiqeen ke liye zyada se zyada Fitne ka maidaan itna hi tha k Aan Hazrat ﷺ aur Sahaba Kiraam Raziyallahu Anhum ke khilaaf lawa pakate rahe, Ek Akhlaqi Tehreek ke liye Tabahi ka sabse zyada kaargar aur Asaan Tareen harba yahi ho sakta hai k uski Behatreen Shakhsiyat ko Daagdaar kar diya jaye, is Silsile me iqtidaar Talbi aur nafsaniyat ke ilzamaat pehle hi aa'id kiye ja chuke they, lekin dar Haqeeqat maamla Ek ilzaam ya doosre ilzaam tak mehdood nahi tha, Shohsha baazi ki ek muhim aur Sard muhim barabar chalayi jati rahi,*

*❥❥_ Baad Ke Daur me jab Zakaat ka Nizaam v Vasool v Sarf ba Zaabta tor per qaa'im ho gaya, Huzoor ﷺ per Ek Ghatiya ilzaam ye bhi aa'id kiya gaya tha k Aap Baitul maal me aane wale Sadaqat ko man maane Tareeqe se uda dete hai'n, Soorate Waqi'a ye thi k Tamaam Jama Kiya hua maal aur Karobaari Sarmayo aur Maweshi aur Zara'i paidawaaro me se jab ba Zaabta khuda ke Haajat mand Bando ka haq liya Jane laga to Dhero Daulat ek Markaz per Simatne aur Sarkare Do Aalam ﷺ ke Mubarak Haatho'n se barane Rehmat ki tarah Taqseem hone lagi,*

*"❀_ Daulat ki is behti ganga ko dekh kar Zar parasto ke Moo'nh me Pani bhar aata aur Wo chahte k jaahil daur ki tarah Aaj bhi is ganga se wohi haath range jo pehle se Mazboot maali Haisiyat ke Maalik hai'n, Lekin islami Tehreek ke qaa'im karda Nizaame ma'asiyat ne daulat ke bahaav ka Rukh Gareeb Tabqo ki taraf fair diya tha aur Ye Log is inqilab per kudhte they, Wo fi nafsa islami Nizaame ma'asiyat per to hamla kar na sakte they, Bas Dil ka Bukhar nikalne ke liye Mohsine Insaniyat ﷺ ko nishana bana lete,*

*"❀_ Unka ye kehna tha k Daulat Apne Haamiyo aur Apne Chaheto me kharch ki ja rahi hai aur Muhajireen ko khaas Tor per Nawaza ja raha hai, Doosre Lafzo me khuda'i khazane ke bal per Dost nawazi aur kunba Parwari ho rahi hai,*

*"❀_ Gor Farmaiye ye ilzaam k us Shakhsiyat per lagaya ja raha tha Jisne Sadqa ki Aamdani ko khud Apne aur Apne Ahal v Ayaal ke liye hi nahi balki poore Khandaan Bani Hashim ke liye ba manzila haraam ke qaraar de liya tha, Ye Shaan beloshi pur khuloos jiski koi misaal Tareekh me mushkil hi se mile,*

*"❀_ Fir Yahi log they Jinke bare me Qur'an Majeed Yu'n bayan karta hai k Ye Apni Baato se Nabi ﷺ ki Zaat ko dukh dete hai'n _," ( Tauba - 61)*

    ⊙══⊙══⊙══⊙══⊙══⊙══⊙                   

 *⚂_HAZRAT AYESHA PER BOHTAN _⚂*

 ─━━━════●■●════━━━─

*❥❥_Hazrat Ayesha Raziyallahu Anha ki Aap Beeti:-*

*"❀_ Jab Hazrat Ayesha Raziyallahu Anha per Bohtaan Tarashi Ki gayi Us Toofane Azeem me Hazrat Ayesha Raziyallahu Anha ke Safeena Qalb v Rooh per jo kuchh Guzri uski Mustanad Tafseel Hadees, Seerat aur Tareekh ki Aham Kitaabo me Mehfooz hai, mere Saamne is Waqt zadul ma'ad ( Mulahiza ho, Jild 2 Safa- 113-115) aur Seerat ibne Hisham ( Mulahiza ho Jild 3 ) Jesi Mustanad Kitaabe hai'n, Lihaza isko musta'ar leta hu'n _,"*

*"❀_ Madina pahu'nchn kar Mai'n Bimaar ho gayi aur Ek Mahine ke Qareeb palang per padi rahi, Shehar me Bohtaan ki khabre ud Rahi thi, Rasulullah ﷺ ke Kaano tak bhi baat pahu'nch chuki thi, Magar Mujhe pata na tha, Albatta jo cheez mujhe khatakti thi wo ye k Rasulallah ﷺ ki Wo Tavajjo meri taraf na thi jo Bimaari ke Zamane me huwa karti thi_,"*

*"❀_ Aap ﷺ ghar me aate to bas ye puchh kar reh jate kesi hai'n ye ? isse zyada koi Kalam na karte, isse mujhe Shub'ha hota k koi baat hai zaroor, Aakhir Aap ﷺ se ijazat le kar Mai'n Apni Maa'n ke ghar chali gayi taki wo meri Timardaari Achchhi tarah kar Sake'n, Ek Roz Raat ke Waqt Haajat ke liye Mai'n Madina ke bahar gayi, us Waqt tak hamare Gharo me ye Baitul Khala na they aur Hum Log Jungle hi Jaya karte they, mere Saath Mistah bin Asasa ki Maa'n bhi thi jo mere Waalid ki Khalazaad behan thi,*

*"❀_( Doosri Rivayaat se maloom hota hai k is poore Khandaan ki Kifalat Hazrat Abu Bakar Raziyallahu Anhu ne Apne Zimme le rakhi thi, magar is Ahsaan ke Bavjood Mistah bhi un Logo'n me Shareek ho gaye they Jo Hazrat Ayesha Raziyallahu Anha ke khilaaf us Bohtaan ko faila rahe they )*

*"❀_ Raaste me unko Thokar lagi, aur be Saakhta unki zuban se nikla- Gaarat ho Mistah ! Maine kaha - Achchhi Maa'n ho Jo Bete Ko kosti ho aur Beta bhi wo jisne Junge Badar me hissa liya hai, Unhone kaha Beta ! Kya tujhe uski baato ki khabar nahi ? Fir unhone Saara Qissa Sunaya k iftira Parwaz log mere Mutalliq kya baate uda rahe hai'n _,"*

*❥❥_( Munafiqeen Ke Siva khud Musalmano me se jo log is Fitne me Shamil Ho gaye they unme Mistah, Hassan bin Saabit Mash'hoor Shayare islam aur Hamna binte Jahash ( Hazrat Zenab Raziyallahu Anha ki behan) ka hissa sabse numaya tha),*

*"❀_ Ye Dastaan Sun kar Mera khoon Khushk ho gaya, Wo Haajat bhi bhool gayi jiske liye aayi thi, Seedhe ghar gayi aur Raat bhar ro ro kar kaati,*

*"❀_ is moqe per ibne Hisham ki Li Hui Rivayat me ye Alfaaz bade aham hai'n k "Rone ka Aalam ye raha k mujhe Andesha ho gaya k Mera Kaleja Fat jayega _,"*

*"❀_ Hazrat Ayesha Raziyallahu Anha is gam me jaan ghula rahi thi'n lekin Shehar bhar me Che che me me ka ek chakkar chal Raha tha, unki taraf se sabse badh kar Safaa'i de sakne wale unke Waalid aur Shohar hi ho Sakte they Jo unke Zahan v Kirdaar ka Qareebi aur Tafseeli ilm v Tajurba rakhte they, magar is Tarah ke Bohtaan jab Zaalim log laga dete hai'n to Jo jitna Qareebi hota hai wo utna hi zyada pecheedgi me pad jata hai, uski Safaa'i bilkul be ma'ani ho kar reh jati hai, Chuna'che Waalid aur Shohar dam ba khud they aur Chaaro Jaanib se Zubano ke chhode hue Teer kha rahe they,*

*"❀_ insaniyat ke Mohsin E Aazam per ye ghadiya'n jis darja Shaaq Guzri ho'ngi... Zaati Lihaaz se bhi aur Tehreek ke Mufaad ke Lihaaz se bhi ..iska kuchh thoda andaza har Shareef aur Hassas aur Zimmedaar Aadmi kar Sakta hai, Sabr v Sukoot se bahut kaam liya, lekin is Nazuk Maamle ko Mojooda haalat me muallaq to nahi chhoda ja sakta tha, idhar ya udhar koi ek Faisla naguzer tha, So Huzoor ﷺ ne Gair Jaanib daarana Tareeqe se Tehqeeq shuru ki,*

*"❀_ Apne Do Qareebi Rafqa Hazrat Ali Raziyallahu Anhu aur Hazrat Osama bin Zaid Raziyallahu Anhu ko talab farmaya aur unse raay talab ki, Hazrat Osama Raziyallahu Anhu ne arz kiya:- "Ya Rasulallah! Wo Aapki Zoja Mohatrama hai'n aur hum unke bare me Bajuz khair ke kuchh nahi pate, Ye Sab kuchh jhoot aur Baatil hai jise failaya ja raha hai_,"*

*❥❥_Hazrat Ali Raziyallahu Anhu ne bilkul doosre Pehlu se masle ko liya, aur farmaya : Ya Rasulallah ! Aurto'n ki Kami nahi, Aap iske bajaye doosri Bivi kar Sakte Hai'n, Yu'n Aap Lo'ndi bula kar Tehqeeq farma le'n, isme Hazrat Ali Raziyallahu Anhu ka mansha ye tha k bajaye iske k Huzoor ﷺ pareshan rahe, kyu na esi Bivi ko Talaq de kar doosra Nikah kar le'n Jiske bare me ek Toofan utha diya gaya hai, Haqeeqat ye hai k Hazrat Ali ne Apne khaas Rishte ki vajah se is maamle ke Tehreeki pehlu ki ba nisbat Huzoor ﷺ ki Zaati Pareshani ko zyada Ahmiyat di aur wo Raay di jisse Aap is Zehni uljhan se nikal kar mutma'in ho jaye'n _,*

*"❀_ Taaham Hazrat Ali Raziyallahu Anhu ke Mashware ka Doosra juz Sarware Aalam ﷺ ne Qubool farma liya aur uske mutabiq Ghar ki Khadima ko Talab kiya gaya, usne kaha - Khuda ki qasam Mai'n Bhalayi ke Siva kuchh nahi jaanti aur Mai'n iske Alawa aur koi nuqs nahi nikaal Sakti k Mai'n aata ghoondhti thi aur keh kar jati k Zara ise dekhti rehna aur wo padi padi so jati aur Bakri aa kar aata kha jati,*

*"❀_ is be Sakhta bayan me Khadima ne jitni mukammal Safayi Hazrat Ayesha Raziyallahu Anha ki de di thi us per koi doosra bayan mushkil hi se izaafa kar Sakta hai, usne ek Esi Bholi Bhali aur Saada Mansha ladki ka Haqeeqi Naqsha pesh kar diya jis Naqshe me kisi Shar ko insaani Aqal nasab nahi kar sakti,*

*"❀_ iske Saath Saath doosra Aqdaam Nabi Kareem ﷺ ne ye kiya k Majlis Aam me khitaab Farmaya - Hamd v Sana ke baad bade dard bhare Alfaaz zaban se nikle, "Aakhir un Logo'n ka Mudda'a kya hai jo mujhe mere Ahale khana ke bare me dukh dete hai'n aur unke Mutalliq Khilafe Waqi'a baate kwhte firte hai'n, khuda ki qasam unke bare me Bajuz Bhalayi ke koi aur baat mere ilm me nahi hai aur wo ye baat ek ese Shakhs ke Mutalliq kehte hai'n k uski Taraf se bhi Bhalayi ke Siva mere ilm me koi aur baat nahi hai aur usne mere Ghar me bhi meri Mojoodgi ke bager kabhi qadam nahi rakha_," ( Seerat ibne Hisham-3/ 345)*

*"❀_ Doosri Rivayat me ibtidayi Alfaaz ye hai'n:- Koi hai Jo mujhe us Shakhs se bachaye Jo mere Ghar walo ke bare me mujhe izaa deta hai_," ( Zaadul ma'ad -2/114)*

*

*❥❥_Ye Sun kar Qabila Aus ke Sardaar Usaid bin Huzair Raziyallahu Anhu ne uth kar arz kiya - Ya Rasulallah ﷺ! Agar ese log hamare Qabile ke ho'n to hum unse nimat lenge aur Agar Hamare Khazraji Bhaiyo'n me se ho'n To Aap hukm de'n, khuda ki qasam Ese log is qaabil hai'n k unki Gardane uda di jaye'n,*

*"❀_ Doosri Taraf se Khazrajiyo ke Sardaar Sa'ad bin Ubada Raziyallahu Anhu bhanna kar uthe aur kaha, "Jhoot kehte ho, Ba Khuda hum unki Gardane nahi maarenge, Haa'n Haa'n khuda ki qasam! Tumne ye baat isi Bina per kahi hai k Unka Talluq Khazraj se hai_," Hazrat Sa'ad Raziyallahu Anhu ka ye Khilafe Tawaqqo jawab Usaid bin Huzair Raziyallahu Anhu ko Sakht Nagawaar guzra, Shiddate Jazbaat me bol uthe: "Galat tum kehte ho, Ba Khuda! Balki Tum khud munafiq ho, Jabhi Munafiqo Ki Wakalat v Himayat karte ho ?*

*®_ (Seerat ibne Hisham -3/ 345)*

*"❀_ Ye Na Khushgawar tar Soorat is Vajah se paida hui k Aus v Khazraj ke Darmiyan Khichaav paida karne ke liye bhi Mutawatar Fitne ki Barood bichhayi ja rahi thi, Tab hi Zara si baat per Jazbaati Haijaan paida ho gaya aur Jama'at ke doguna Anasir Mutahrik ho gaye, Kuchh idhar se uthe kuchh udhar se, aur Qareeb tha k Aus v Khazraj aapas me ek doosre se guttham guttha ho jaye'n, Dono Qabilo ko Shair v Shakar karne wale Qaa'id E Jaleel ko ye gawara na tha k Barso ki mehnat se bandha hua ye Shiraza uski zaat ki vajah se darham barham ho jaye aur khud Tehreek hi ki chole hil jaye'n, Aap mimbar se utar aaye, Logo'n ko thanda kiya aur Majlis barkhast kar di,*

*"❀_ Huzoor ﷺ ke Liye Jama'at ke is kamzor pehlu ka ye Naya Tajurba pehli pareshani me kitna izaafa ka mojib ban gaya hoga, Ye dar Asal Asbiyat ki Wahi Barood phat rahi thi jise Abdullah bin Uba'i Gazwa Bani Al Mustalaq ke moqe per dilo ki gehraiyo'n me bichha chuka tha ,*

*❥❥_Kahani Ka Aakhri Hissa bhi Khud Hazrat Ayesha Raziyallahu Anha ki Zubani hi Suniye:- Is Bohtan ki Afwaahe kamo besh Ek Mahine tak Shehar me udti rahi, Nabi Kareem ﷺ Sakht Aziyat me mubtila rahe, Mai'n Roti rahi, Mere Walden intehayi Pareshani aur Ranj v Gam me mubtila rahe, Aakhirkaar ek Roz Huzoor ﷺ Tashreef laye aur mere Paas bethe, is poori muddat me Aap kabhi mere paas na bethe they, Hazrat Abu Bakar Siddiq Raziyallahu Anhu aur Umme Romaan Raziyallahu Anha ( Hazrat Ayesha ki Walida ) ne mehsoos kiya k Aaj koi Faisle ki baat hone wali hai, isliye Wo Dono bhi Paas aa kar beth gaye,*

*"❀_ Huzoor ﷺ ne farmaya - Ayesha Mujhe Tumhare Mutalliq ye Khabre pahu'nchi hai'n, Agar Tum begunah ho to Ummeed hai k Allah Ta'ala Tumhari Bara'at Zaahir farma dega aur Agar Tum kisi Gunaah me mubtila hui ho to Allah se Tauba karo aur maafi maango, Banda jab Apne Gunaah ka mu'atrif (iqraar) ho kar Tauba karta hai to Allah maaf kar deta hai ,*

*"❀_ Ye baat Sun kar mere Aa'nsu Khushk ho gaye, (begunah Aadmi se isi fitri Kaifiyat ki Tawaqqo karna chahiye) maine Apne Waalid se arz kiya - Aap Rasulallah ﷺ ki baat ka jawab de'n, unhone farmaya- Beti ! Meri kuchh Samajh hi me nahi aata k kya kahu'n, Maine Apni Walida se Kaha Aap hi kuchh kahe'n, Unhone ne bhi yahi kaha k Mai'n Hairaan hu'n kya kahu'n,*

*"❀_ is per Mai'n boli- Aap Logo'n ke Kaano me Ek baat pad gayi hai aur Dilo'n me beth gayi hai, Ab Agar Mai'n kahu'n k Mai'n begunah hu'n... Aur Allah Gawaah hai k Mai'n begunah hu'n,..To Aap log na manenge, aur Agar Khwam Khwah Ek esi baat ka Aitraaf karu'n jo Maine nahi ki aur Allah jaanta hai k Maine nahi ki.. to Aap log Maan lenge,*

*❥❥_ Maine Us Waqt Hazrat Yaqoob Alaihissalam ka naam Yaad karne ki koshish ki magar yaad na aaya, Aakhir maine kaha is haalat me mere liye iske Siva aur kya chara hai k wohi baat kahu'n Jo Hazrat Yusuf Alaihissalam ke Waalid na kahi thi "Fasbirun Jameel_," ( Tauba-18) ( ishara hai us Waqi'e ki Taraf jabki Hazrat Yaqoob ke Saamne unke bete Binyameen per Chori ka ilzaam bayan kiya gaya tha ),*

*"❀_ Ye keh kar Mai'n let gayi aur Doosri taraf Karwat le li, Mai'n us waqt Apne Dil me keh rahi thi k Allah meri begunahi se waaqif hai aur Wo Zaroor Haqeeqat khol dega, Agarche ye baat to mere wahamo Guman bhi na thi k mere Haq me Wahi Naazil hogi Jo Qayamat tak padhi jayegi, Mai'n Apni Hasti ko isse kamtar Samajhti thi k Allah khud meri taraf se bole, Magar Mera ye Guman tha k Rasulallah ﷺ koi khwab dekhenge jisme Allah Ta'ala meri Bara'at Zaahir farma dega_,"*

*"❀_ Itne me Yakayak Huzoor ﷺ per Wo Kaifiyat taari ho gayi jo Wahi Naazil hote waqt hua karti thi, Hattaki Sakht jaade ke Zamane me bhi Moti ki Tarah Aapke Chehre se Pasine ke Qatre tapakne lagte they, Hum Sab Khamosh ho gaye, Mai'n To bilkul bekhof thi magar mere Walden ka haal ye tha k Kaato to Badan me lahu nahi, wo Dar rahe they k dekhiye Allah kya Haqeeqat kholta hai_,*

*"❀_ Wo Kaifiyat door hui to Huzoor ﷺ behad khush they, Aapne Hanste hue pehli baat jo farmayi wo ye thi k Mubarak ho Ayesha ! Allah ne Tumhari Bara'at Naazil farma di aur iske baad Huzoor ﷺ ne 10 Aayate Sunayi'n, meri Walida ne kaha Utho aur Rasulallah ka Shukriya ada karo, maine kaha Mai'n na inka Shukriya ada karungi na Aap dono ka.! Balki Allah Ta'ala ka Shukr karti hu'n Jisne meri Bara'at Naazil farmayi, Aap Logo'n ne to Bohtaan ka inkaar tak na kiya _,"*

*®_( Tafheemul Qur'an - Makhooz Az Mahnama Tarjumanul Qur'an - Jild- 45 safa- 9-10)*

    ⊙══⊙══⊙══⊙══⊙══⊙══⊙             

 *⚂_ MASJID ZARAAR KI TAMEER _⚂*

 ─━━━════●■●════━━━─

*❥❥__Esa hi Ek moqa Gazwa Banu Mustalaq ke Safar me aaya Jaha'n Yahood ke Aalakaar banne wale Munafiqeen ne Abdullah bin Uba'i ke Zere isharat Muhajireen v Ansar me khofnaak had tak ishti'aal (Aag bhadkane ka kaam ) paida kar diya, Huzoor ﷺ ne us moqe per bhi badi Hikmat se Soorate Halaat ko Sambhala _,"*

*❀"_ is Tarah ke Fitno me Sabse badh kar munzim Fitna wo tha jisne Masjide Zaraar Ki Soorat me Zahoor kiya, Is Fitne ka Asal Baani Qabila Khazraj ka Ek Shakhs Abu Aamir Raahib tha, Huzoor ﷺ ke Madina aane se pehle ye Apne ilm kitaab aur Taqashhuf ( Darveshi ) ki vajah se bahut Ba Asar tha, Huzoor ﷺ jab Madina aaye to har Khaas v Aam Aap ﷺ ki taraf Ruju karne Wale ban gaye, to Abu Aamir ke Asar v Rusookh ka Chiraag Gul ho gaya, Dil hi Dil me wo kudhta tha,*

*"❀_ Badar Ke Waqi'e ne Jo mistaqbil uske Saamne Numaya kiya uska Musahida kar ke uski Aankho me Nashtar utar gaye, Usne ek Taraf Junge Uhad ke Liye Sardarane Makka ko uksaya Doosri Taraf Arab ke Mukhtalif Sardaaro se Saazish baazi ki, Teesri Taraf khud Ansar ko Rasool Akram ﷺ ke Khilaaf bagawat buland karne ki Dawat di, aur Chothi Jaanib Hiraqqal Rom ko Fauje chadha lene ki Dawat di _,"*

*®_( Tafseer ibne Kaseer -4/388)"*

*"❀_ Usne Munafiqeen se Ye Saazish ki k Huzoor ﷺ ka Muqabla karne Ke liye mutawazan ( Alag) Adda Khada kiya jaye, Chuna'che isi mansoobe ke Tahat Masjid Zaraar khadi ki gayi, is Markaz E Fasaad ke Baaniyo ne Huzoor ﷺ se bade Dramayi Andaz me ye Darkhwast ki k Humne ye Masjid Ese Kamzoro aur Ma'zooro ke Liye Tameer ki hai Jo Zyada Door nahi ja Sakte aur Andheri Raato aur Baarish aur Toofan ki Soorat me Aas paas ke Log usme Asaani se Jama ho Sakenge, Aap usme Chale'n, uska ifteta farmaye'n aur use Barkat Andoz kare'n,*

*❥❥_ Huzoor ﷺ us Waqt Tabook rawana ho rahe they, Lihaza Aapne is Maamle ko Waapsi tak ke Liye multawi kar diya, Waapsi me Wahi ke Zariye Aapko mutnabba Kar diya gaya k :-*

*"❀_ Aur Wo Log Jinhone ( islami Ma'ashre ko ) Zarar pahunchane kufr karne, Musalmano ke Darmiyan foot daalne aur pehle se Khuda aur Rasool ke Khilaaf Jung karne walo ko ghaat lagane ka Adda Faraham karne ke liye Masjid khadi ki hai,.. aur Haa'n Wohi Jo Qasme kha kha kar kahenge k ( is kaam me ) Humne To Faqat Nek maqasid malhooz rakhe Hai'n, ( inki Haqeeqat ye hai k ) Allah Gawahi deta hai k Wo Qata'i Tor per jhoote hai'n, isms Aap Hargiz Hargiz kabhi Qayam na farmaye'n _,"*

*"❀_ Haa'n Wo Masjid ( Yani Masjide Quba ) k jiski Buniyaad Awaal Roz se Parhezgari ( ke Jazbaat) per rakhi gayi hai, Wohi zyada Mustahiq hai k Aap usme ( ibaadat ke liye) khade ho'n, usme ese log hai'n Jo is baat ke khwaha'n hai'n k Pakizgi Akhtyar kare'n, aur Allah Pakizgi chahne walo hi ko pasand karta hai _,"* 

*®_( At Tauba-107-108)*

*"❀_ Chuna'che Masjid ke Muqaddas Naam se qaa'im hone wala ye Napaak adda farmane Nabuwat ke Tahat jala kar raakh kar diya gaya, Taki iske Saath uski Manhoos Tareekh bhi maliyamet ho kar reh jaye, ( Seerat ibne Hisham- 4/185)*

*"❀_ Mukhtasar ye hai k ilaahi Hidayat ke un Thekedaro aur Ambiya ke Waariso ne Shar Angezi ka koi moqa haath se jane na diya, in Pareshan Kun Harkato se Kahi'n badh Chadh kar unki Wo Takhribi Sazishe Tabaah Kun thi'n Jo har Jung ke Moqe per islami Hifazat ko nuqsaan pahu'nchane ke liye Amal me layi jati rahi'n,* 

    ⊙══⊙══⊙══⊙══⊙══⊙══⊙                      

*⚂_ NIZAME INSAAF ME KHALAL _⚂*

 ─━━━════●■●════━━━─

*❥❥_ Nizaame insaaf me Rukhna Andazi ( Khalal) :-*

*"❀_ Madina Ki islami Riyasat ka Wo Dastoori Muahida Jiske Tahat Musalman Muhajireen v Ansar aur Yahood ke Qabile Ek Siyaasi Haalat me ijtimayi Tor per Jame hue they, isme Tasleem kar liya gaya tha k Siyaasi aur Adaalati Lihaaz se A'ala Akhtyar ( Final Authority) Muhammad ﷺ ke haath me hai, Wo Dastawez Aaj Tak Mehfooz hai aur usme Hasbe zel Do Waaze Dafaat mojood hai'n _," (Seerat ibne Hisham-2/121-123)*

*"❀_ (Tarjuma)_ (1)_ Aur ye k Jab Kabhi Tumme kisi cheez ke Mutalliq ikhtilaf paida ho jaye to Allah aur Muhammad ﷺ ki taraf Ruju kiya jaye,*

*"❀_(2)_ Aur ye k is Noshta ko Qubool karne walo ke Darmiyan koi Naya maamla ya Jhagda paida ho jaye Jis Per Fasaad paida hone ka Andesha ho to use Allah Ta'ala ki taraf aur uske Rasool Muhammad ﷺ ki taraf lotaya jayega_,"*

*"❀_ Is Dastawezi bayan ke baad Muahida Yahoodi Qabilo per Shar'an Akhlaqi aur Siyaasi v Qanooni Haisiyat se Ye Farz Aa'id ho gaya k Wo is Nizaame Adl v Qanoon ko Kamyaab banane me Poori Tarah Ta'awun kare'n aur iski Wafadarana ita'at kare'n Jo Sarware Aalam ﷺ ki Qayadat me chal raha tha,* 

*"❀_ Ouper se Muahidana Zimmedari Unhone ba Raza v Ragbat qubool ki thi, Lekin Jaha'n unhe ye Mehsoos hua k islami Riyasat ke Saaf Suthra be Garz Qanoon ki Zad unke kisi mufaad per padti hai aur unki koi Shakhsiyat uski Lapet me aati hai, to wo Apne Muahide ko Nazar Andaaz kar ke Alag Raaste per pad jate rahe _,"* 

*❥❥_ Yahood Ke Ek Shadi shuda Mard ne Kisi Mankooha Yahoodiya se Zina kiya, Maamla Yahood ke Sardaaro ke Saamne aaya, Ye Akaabir baite maras me jama hue aur Aapas me Sulah Thehrane Ke baad Ek Aadmi ko Sarware Aalam ﷺ ki khidmat me dariyaft karne ke liye bheja k Esi Harkat per kya Saza di jayegi,*

*"❀_Unhone pehle hi se ye Raay Qaa'im kar Li k Agar hamari Rivaaji Saza ( Tahmiya) batayi jaye to Muhammad (ﷺ) ko Ek Badshaah Samjho aur baat maan lo, Lekin Agar Kitaabe ilaahi ke mutabiq Rajm ki Shara'i had jaari karne ko kahe'n To fir Wo ( Apne ilme Sahi aur Apni Jurr'at Haq aur itteba farmane ilaahi ki ru se) Nabi hai'n aur unse Bachna k Tumhara jo kuchh Qaa'idana Asar baqi hai wo bhi na jata rahe,*

*"❀__ Sp Aadmi Pahu'ncha aur usne Paigaam diya, aur Akaabire Yahood ki taraf se Peshkash ki k hum Aapko Hakam banate hain, Ye Peshkash Dastoori Muahide se Takrati thi, Muahide ki Ru se Huzoor ﷺ mustaqil tor per Madina ke Hakam aur Adliya Ke Sarbarah they hi, Galiban yahi vajah hui k Huzoor ﷺ uth kar Seedhe Bait Madras Tashreef le gaye aur Ja kar Yahood se farmaya k Apne Aalimo ko lao, Abdullah bin Soriya ko pesh kiya gaya, baaz Rivayato ke mutabiq us Shakhs ke Saath Abu Yaasir bin Akhtab aur Wahab bin Yahooda bhi they, daurane Guftgu sabne Abdullah bin Soriya ko ilme Toraat me faazil Tareen Mustnad Shakhsiyat qaraar diya,*

*"❀_Huzoor ﷺ ne us Aalim se Alhaidgi me Guftgu ki aur khuda ka Khof dila kar Bani israail ke zere Abwaab Tareekh ki yaad Taza Kara ke dariyaft kiya k kya Tum jaante ho k Shadi Shuda Zaani ke liye Toraat me Rajm ka hukm aaya hai ? Usne jawab diya - Haa'n Ba Khuda! Wahi se Jo Haqeeqat Huzoor ﷺ per Ashkaar thi, uski Tasdeeq Fareeq Mukhalif ki taraf se bhi ho gayi ,* 

*❥❥__Lekin Majlis Aam me Yahoodi Sardaar aur Ulma bahas karte rahe, Uska israar tha k hamare Qanoon Shari'at me Zina ki Saza Tahmiya hai, is istilah Ke Mafhoom ke mutabiq Yahoodi Zaaniyo ka Moo'nh kala kar ke unko Gadhe per Sawar karte aur Basti me ghumate, Toraat ka hukm Rajm unhone balaye Taaq daal diya tha,*

*❀"_ Unke Andar Jab Zina ki Waba faili aur unke Ou'nche Tabqo Tak ke log is Akhlaqi Fasaad me mulavvis ho gaye to Ma'ashre ne Shari'at ka Saath dene ke bajaye Mujrim ki Himayat ka rukh Akhtyar kar liya aur Saza me Kami kar di,*

*"❀_ Ab Akaabire Yahood ko Andesha ye tha k Agar Toraat ke Qanoon Rajm ka Ahya ho jata hai to fir Bakre ki Maa'n kab Tak khair manayegi, Aaj Tum kal hamari baari hai, Yahi Vajah hai k wo Rajm ki Saza ka Nifaaz rukwana chahte they, Majburan Huzoor ﷺ ne Majlis Aam me unse Toraat mangwayi _,"*

*"❀_ Ek Yahoodi Aalim ne Mutalqa muqam ki qiraat ki, us Nuskhe me Aayat Rajm mojood thi aur us Sitamgar Aalim ne Aayat per Haath rakh kar Aage pichhe se padh dala, Abdullah bin Salam Raziyallahu Anhu ( Mash'hoor Yahoodi Aalim Jo imaan le aaye they ) ne lapak kar uska Haath hata diya aur Huzoor ﷺ ko dikhaya k, "Ey Paigambar E Khuda ! Mulahiza kijiye ye rahi Aayat Rajm _,"*

*❥❥_Huzoor Akram ﷺ ne is Makkari per Yahood ko Sakht Malamat ki aur ye keh kar Mujrimo per Had jaari kar di k Mai'n Pehla Shakhs hu'n Jo khuda ke Hukm aur uski Kitaab aur us per Amal pera hone ke Maslak ki Tajdeed Karta hu'n _,"*

*®_ (Seerat ibne Hisham- 2/1962)*

*"❀_ Ye Wo Log they Jo Baglo me Qanoone ilaahi Liye hue man ghadat Rivaaji Qanoon ka Khota Sikka chala rahe they aur is Kirdaar ke Saath wo us Muqaddas Hasti ke Muqable ko nikle they Jo Qanoone ilaahi ka belaag Tareeqe se Ahya karne uthi,*

*"❀_ Aur Qur'an Ka Ye Nagma E Haq Fizao'n me goonj raha tha k :- (Tarjuma Surah Maa'ida-68 ) Keh do Ey Ahle Kitaab ! Us Waqt tak Tumhari koi Buniyaad hi nahi hai Jab Tak k Tum Toraat aur injeel ko aur Allah Ki Taraf se Jo kuchh Qawaneen Naazil hue hai'n Unko Naafiz na kar dikhao_,"*

*"_Jab Tak Tumhare Aqeede v Amal me ye bhaari Mukhalfat mojood hai, Tumhari Kuchh bhi Haqeeqat nahi hai, Tum ek be ma'ani aur be wazan Toli ho _,"*.

*"❀_ Yahoodi Ma'ashre ke Fasaade Aam ka Ek bada Mazhar ye tha k unme Aala aur Adna Tabqo ki Taqseem mustaqil tor per qaa'im ho chuki thi aur Qanooni musawaat yaksar Khatm ho gayi thi, Ba Asar Logo'n Ke Liye Qanoon Alag tha aur Kamzor Ke liye Alag insaaf ki nadi fat kar Alag Alag dharo me Taqseem ho gayi thi, Unke Qazi aur Mufti mizaane Adal ke Palde na barabar kar chuke they,*

*❥❥_ Majmui Tor Per Saare Arab me insaaf me Do Rangi payi jati thi, Ba Asar Tabqo ke Liye Qanoon Doosra tha, Kamzoro aur Aam Logo'n ke Liye Doosra,*

*"❀_ Fateh Makka ka Moqa tha k Fatima Naami Ek Makhzoomi Aurat Chori ke Jurm me Giraftaar hui, Chu'nki Wo Ba Asar Qabile se Talluq rakhti thi, isliye Quresh ke Log Uski Giraftaari per bade bechen hue, aur Unke Tasavvur me ye baat Sama na rahi thi k Esi Aurat per bhi Qanoon Ka Wohi Hukm Aqoobat ( Saza) chal jaye jo Aam Logo'n ke liye hai,*

*"❀_ Un Logo'n ne Mashwara kiya k Rasulallahe Khuda ﷺ se keh kaha kar kuse Chhuda liya jaye, Magar Aage ho kar baat kon kare, is Garz ke liye unhone Osama bin Zaid Raziyallahu Anhu ko Sifarishi banaya, Osama Raziyallahu Anha ne ja kar Mudda'a arz kiya, Huzoor ﷺ ke chehre ka rang baat sun kar mutagayyar ho gaya aur farmaya- "Kya Tum Allah ki Ek Had ke bare me ( use rukwane ki) Shifarish karte ho ?*

*"❀_ Bas itne hi per Osama Raziyallahu Anhu ko Ahsaas Ho gaya aur unhone Maafi talab ki, Din khatm hone per Huzoor ﷺ ne majme me khitaab Farmaya _,"*

*"❀_ Tumse pehle ke Logo'n Ka Ek sababe Halakat ye tha k Jab unme se koi mumtaz Aadmi chori karta to wo usse Chashm Poshi kar lete aur jab Koi Kamzor darje ka Aadmi yahi Jurm karta to us per Saza Naafiz kar dete, Mai'n Apne bare khuda ki qasam kha kar kehta hu'n Jiske Qabze me meri Jaan hai k Agar Fatima binte Muhammad (ﷺ) bhi chori kare to Mai'n uska Haath bhi kaat daalu _,"*

*®_( Muslim)*

*❥❥__Yahi Maruja Zehniyat Umme Harisa ke maamle me bhi Saamne aayi, is Aurat ne kisi ka Daa'nt Tod daala, Muqadma Huzoor ﷺ ke Saamne laya gaya, Huzoor ﷺ ne Qasaas ( Badla) ka Hukm sunaya, Umme Rabi'a ( Galiban Mujrima ki behan thi, Lekin is Maamle me Rivayaat me kuchh Shubha ho gaya hai) ne ye faisla suna to Huzoor ﷺ se Tajjub se puchha k kya falani se bhi Qasaas liya jayega, Khuda ki qasam usse Qasaas nahi liya ja sakta _,*

*"❀_ Huzoor ﷺ ne farmaya - "Ari Umme Rabi'a! Qasaas to khudayi Noshta ( Likha huwa, Tehreer ) hai _,"*

*"_ Magar wo kehne lagi k Nahi khuda ki qasam usse Hargiz Qasaas nahi liya ja sakta _,"* 

*"_ Unki Samajh me nahi aata k is darje ki Mujrima ka Daa'nt kese toda ja sakta hai ,*

*"❀_ Idhar Amalan ye hua k Fariqeen ke Darmiyan Jurmane per maamla Tay ho gaya, is tarah Hukme Qasaas ( Jisme Jurmane ki gunza'ish bhi Shamil thi ) bhi poora ho gaya aur Umme Rabi'a ki baat bhi reh gayi,*

*"❀_ Chuna'che Bator Latifa Huzoor ﷺ ne farmaya k Khuda ke Ese Bande bhi hai'n k jab wo ( kisi baat per) qasam kha le'n to khuda unki Qasam ko poora kar deta hai _," ( Muslim, Baab Al Qasaas )*

    ⊙══⊙══⊙══⊙══⊙══⊙══⊙         

       *⚂_ QATL KI SAAZISHE'N _⚂

 ─━━━════●■●════━━━─

*❥❥_ Fir Qatl ki Sazishi Tadbeere Akhtyar ki gayi'n, Theek yahi Raah Makka ke Arbaabe Jahalat ne Akhtyar ki thi, aur ab usi Napaak Raaste per Madina ke Yahood aur Munafiqeen bhi gaamzan ho nikle,*

*"❀_ Ek martaba Amru bin Umayya Zamri ne Qabila Aamir ke Do Aadmi Qatl kar diye they, Unki det vasoolne karne ke liye aur Muahidana Zimmedariyo ki Yaad Dahani ke liye Rasoole khuda ﷺ Banu Nazeer ke Yaha'n pahu'nche, Waha'n ke Logo'n ne Aapko ek Gadi ke saaye me bithaya,*

*"❀_ Fir Wo log Alhaidgi me mil kar mansooba baa'ndhne lage k koi Shakhs ja kar Ouper se Patthar ( chakki ka paat ) gira de aur Huzoor ﷺ ki zindgi ka khaatma kar de'n, Amru bin Jahash bin Ka'ab ne ye Zimmedari Apne sar li, idhar Huzoor ﷺ unka iraada munkashif ho gaya aur Aap waha'n se uth kar chale aaye _,"*

*"_®( Seerat ibne Hisham-2/192, Rehmatullil Aalameen- 1/180)*

*"❀_ Mash'hoor Yahoodi Sardaar Ka'ab bin Ashraf jiska baap Qabila Tay se tha aur Jiski Maa'n Yahood ke Maaldaar aur muqtada Abu Raafe bin Abi ki Haqeeqi beti thi, Apne is Doguna Talluq ki vajah se Arbo aur Yahoodiyo ke Darmiyan Yaksa Rasookh rakhta tha, Ek taraf wo maali Quwwat rakhta tha, Doosri taraf uski Shayri ki bhi dhaak thi, uske Seene me islam ke khilaf bada Zehrila lawa bhara tha, Usne Huzoor ﷺ ki Dawat ki aur kuchh Aadmiyo ko mamoor kar diya k jab Huzoor ﷺ aaye'n to unko qatl kar de'n,*

*❥❥_ jis Zamane me Banu Qureza se Huzoor ﷺ ne Tajdeed Muahida kiya us Zamane me Banu Nazeer ne Huzoor ﷺ ko Paigaam bhijwaya k Aap Apne Saath Teen Aadmi le aaye'n aur Hum bhi Apne Teen Aalim pesh karenge, Aap Apni baat us Majlis me bayan kare'n, Agar Hamare Aalimo ne uski Tasdeeq kar di to hum sab bhi Aap per imaan le aayenge, Huzoor ﷺ rawana hue to Raaste me Aapko ittela ho gayi k Yahood Talware baa'ndhe is iraade se Aapke muntazir hai'n k Aapko Qatl kar diya jaye, Aap waapas aa gaye,*

*"❀_ Fateh Khaibar ke moqe per Ek Yahoodi Aurat Zenab binte Al Hars ( Zoja Salam bin Mashkam) ne ek Bakri ka gosht bhoon kar Tayyar kiya aur usme Zehar Mila diya, Fir ye maloom kiya k Huzoor ﷺ ko konsa hissa zyada margoob hai, Fir jab maloom ho gaya k Dast ka gosht khaas tor se pasand hai to usne usme baqi gosht se zyada miqdaar me bahut tez qism ka Maslak zehar Mila diya,*

*"❀_ Fir ye gosht Huzoor ﷺ aur Aapke Saathiyo'n ke liye Tohfe me bheja, Huzoor ﷺ ne luqma Moo'nh me rakha ( shayad kuchh hissa nigla bhi gaya ho ) aur jald hi thook diya, farmaya k is gosht ne mujhe ittela di hai k isme zehar Mila hua hai _,"*

*"❀_ Fir khud bhi nahi khaya aur Saathiyo ko bhi rok diya, baad me us Yahooiya ko bulaya gaya to usne iqraar kar liya, Haqeeqat ye thi k iske pichhe bahut se Yahood ki Sazishe kaam kar Rahi thi, Huzoor ﷺ ne Majlis Aam me unko bulwa kar baat ki to unhone bhi Aitraaf kiya, magar baat ye ghadi ki humne Aapki jaa'nch karna chahi thi k Aap agar Sachche Nabi ho'nge to Aap per Haqeeqat munkashif ho jayegi, Varna humko Nijaat mil jayegi,*

*❥❥_Tabook se jab Huzoor ﷺ ki Waapsi hui aur Munafiqeen ke Dil is muhim ki Kamyaabi se bhune ja rahe they Kyu'nki in Chhupe dusmano ke Armaan kuchh aur they to Unhone Huzoor ﷺ ke Qatl ki Napaak Saazish baa'ndhi, is Saazish me 12 Aadmi Shareek hue,*

*"❀_ Saazish Ki Majlis me Tay Paya gaya k Huzoor ﷺ jab Uqba se guzre'n to unko niche gira diya Jaye, Isi Mansoobe ke mutabiq ye 12 Fasaadi Huzoor ﷺ ke Saath Saath lage rahe, Huzoor ﷺ jab Uqba ke qareeb pahu'nche to irshad farmaya k Jo log Batan Vaadi ke Kushada Raaste se ho kar jana Chahe'n wo udhar se ja sakte hai'n, Aap ﷺ ne Uqba ka Raasta liya, Sahaba ki Kaseer Tadaad Batan Vaadi ki taraf chali gayi,*

*"❀_ Magar Saazishi Giroh Bator khaas Huzoor ﷺ ke Saath raha, Huzoor ﷺ ki Nigaah Yu'n bhi Dilo'n ki gehrayi me utar kar makhfi Jazbaat ko padh lene wali thi, aur fir Allah Ta'ala ne Gaibi ishara de kar Aap ﷺ ko is haal se Mutla bhi kar diya, Aap ﷺ ne do Rafeeqo ko Saath liya, Ek Hazrat Huzefa bin Yamaan they doosre Ammar bin Yaasir Raziyallahu Anhum,*

*"❀_ Hazrat Ammar Raziyallahu Anhu ko hukm diya k Wo Aage rahe'n aur Naaqa ( Ou'ntni) ki muhaar thaame aur Hazrat Huzefa Raziyallahu Anhu se farmaya k Wo pichhe pichhe chale, Jab Uqba ka Khaas muqam aa gaya to Saazishi Toli lapakti hui aayi, Raat ki Tareeki bhi thi aur unhone chehro per Naqabe bhi daal rakhi thi, Huzoor ﷺ ko Aahat hui to Saathiyo'n ko hukm diya k Wo un Logo'n ko pichhe lota de'n,*

*❥❥_ Hazrat Huzefa Raziyallahu Anhu lapak kar gaye aur un Logo'n ka Ou'nt dikhayi diya, Unhone Apna Tarkash uski thothni per maara, Wo Log Hazrat Huzefa ko jab pehchan gaye to Samjhe m Raaz Faash ho gaya aur pichhe bhaag kar Logo'n me ghul mil gaye,*

*"❀_ Hazrat Huzefa Raziyallahu Anhu Waapas hue to Huzoor ﷺ ne hukm diya k is muqam se Ou'nt ko tez ha'nka kar nikaal le chalo, Fir Hazrat Huzefa Raziyallahu Anhu se puchha k kya Tumne un Logo'n ko pehchana, Unhone kaha k Fala'n aur Fala'n ki Sawari to pehchan Li magar Aadmi nahi pehchana, Huzoor ﷺ ne puchha k tumne unka iraada samjha, unhone nahi me jawab diya, Huzoor ﷺ ne unko khud Agaah kiya k ye Hume Uqba se gira dena chahte they,*

*"❀_ Subeh hui to Huzoor ﷺ ne gaibi ishare ke mutabiq Naam ba Naam un 12 Sazishiyo ko Talab kiya, aur Har ek ke Dili Jazbaat aur Majlise Saazish me kahi hui uski baato ko uske Saamne rakh diya, aur baari baari har ek se Safaa'i Talab ki,*

*"❀_ Unke jawab bade Dilchasp rahe ho'nge, Maslan Hasan bin Nameer kehne laga k, "mujhe Yaqeen na tha k Aapko iski khabar hogi, magar Aaj maloom hua k Waqa'i Aap khuda ke Rasool hai'n, isse pehle me Sachcha Musalman na tha, Ab Sachche Dil se islam Lata hu'n _,"*

*"❀_ Sabne is tarah ki mukhtalif baate banayi, Uzr kahe aur baaz ne Maafi chahi, Huzoor ﷺ ne Sabse Darguzar farmaya, Rivayat hai k Huzoor ﷺ ne un Sabhi Sakhsho ke Naam Sirf Hazrat Huzefa Raziyallahu Anhu ko Raazdaari se bata diye they aur Aam Musalmano per Faash nahi kiye,*

*❥❥_Inhi Waqi'aat me Ye bhi hai k Yahoodiyo ne Aap ﷺ per Jaadu ka Ek hamla bhi Kiya tha, Bahadur Dushman Wo hota hai Jo Khul kar muqabla kare aur Agar wo jaan ke darpe ho to Chellenge kar ke Khullam Khulla Hamla Aawar ho, Lekin Yahood me itna Bal to na tha, Chuna'che wo Saazish Ki raah per pade, Jo Buzdilo aur Kamina Fitrat Logo'n ki Raah hoti hai,*

*"❀_ Lekin isse Aage Jaadu Tono v khalifo aur Jhaad Foo'nko zor se Wo Log Kisi Per Hamla karte hai'n, So un Logo'n ne bugz ke maare ye Ghatiya harkat bhi Huzoor ﷺ ke khilaaf kar daali, Bani Zareeq ka Ek Shakhs Lubed bin Aasim Yahoodiyo ka Haleef tha aur Munafiqana Shakhsiyat ka Haamil tha, Uske Haatho Sahar ( Jaadu) ka Amal karaya gaya,*

*"❀_ Ek Yahoodi Ladka Apni Achchhi Fitrat Ki Vajah se Huzoor ﷺ ki taraf Maa'il tha aur Aap ﷺ ki khidmat kiya karta tha, Usko Majboor kar ke baaz Yahood ne Huzoor ﷺ ke Sar ke Baal aur Kanghi ke Dandane haasil kiye, aur un per Jaadu ka Amal Kar ke 12 girho wala Ganda banaya gaya aur Zarwan Naami Ku'nwe me use rakhwaya gaya,*

*"❀_ Ahadees me aata hai k is Amal E Sahar ki vajah se Huzoor ﷺ ek Ajeeb si Kaifiyat mehsoos karte, Kisi Kaam ka khayal farmate k Wo kar liya hai, Hala'nki na kiya hota, Jinsi milaan per bhi kuchh Asraat they, Alqa E Rabbani se Aap is Amale Sahar se Agaah hue, Wo Ganda nikalwaya gaya aur Aapki Tabiyat Mamool per aa gayi,*

*®_ ( Tafseer ibne Kaseer -2/572)* 

*❥❥_Fateh Makka ke moqe per Fuzala bin Umer ke Seene me bhi inteqam ki Bijli ko'ndhi, Dil hi Dil me Huzoor ﷺ ke Qatl ka iraada baa'ndha,*

*"❀_ Huzoor ﷺ Baitullah Ka Tawaaf kar rahe they k Fuzala Namudaar hua, Qareeb aaya to Aap ﷺ ne bulaya, Fuzala tum ho ? Usne jawab diya - Haa'n! Ya Rasulallah Fuzala ! Farmaya kya baat Tumne Apne Dil me thaan rakhi hai ? Fuzala ne ghabra kar Jawab diya - Kuchh bhi nahi, Mai'n To khuda Ka Zikr kar raha hu'n _,"*

*"❀_ Huzoor ﷺ Ye Jawab Sun kar Ha'ns pade aur Nasihat ki k Khuda se Magfirat Talab karo _," aur ye Kehte hue Apna Haath Fuzala ke Seene per rakh diya aur uska Dil thikane aa gaya, Fuzala ka bayan hai k Huzoor ﷺ ne jab Apna haath mere Seene se utha liya to khuda ki Makhlooq me mere liye Huzoor ﷺ se badh kar aur Kuchh mehboob na raha,*

*"❀_ Fuzala isi Qalbi inqilab se guzar kar ghar chale gaye, Faateh Makka balki Faateh Arab ke khilaaf Ek Shakhs qatl ka iraada baa'ndh kar aata hai aur uski Bargaah se nayi Zindgi le kar Rawana hota hai, Quresh aur Yahood aur Munafiqeen Sab ke Sab Apni Chaale chalte rahe, Magar Allah Ta'ala ne Apna Vaada poora kar dikhaya aur Aakhir dam Tak Apne Bande aur Rasool ki Hifazat farmayi,*

    ⊙══⊙══⊙══⊙══⊙══⊙══⊙       

*⚂ HALAAKAT ANGEZ GADDARIYA'N ⚂*

 ─━━━════●■●════━━━─

*❥❥_ Ouper humne Madina Ki islami Dushman Taaqato ki Jin Shararato Ka Zikr kiya hai Wo Akhlaqi aur Qanooni Lihaaz se Sangeen Jurm me Shumar ki jati hai'n aur Agar Un per Sakht Tareen Kaarwayi ki jati to Deen v Siyasat ke Behatreen Usoole Adal ke ain mutabiq hoti, Magar Huzoor Paak ﷺ ne bada hi Thanda aur Sabirana Rawayya Akhtyar kiya,*

*"❀_ Jis Tehreek ke Saamne Asal Maqsad insaniyat ki Akhlaqi islaah v Tameer ho wo iqtidaar ki Talwaar aur Qanoon Ke Dande ka Sahara nahi le Sakti, insaano ke Zahan v Kirdaar ki Tabdeeli ka kaam Talwaaro aur Kodo se kabhi bhi nahi hota, Aqali Daleel aur Akhlaqi Appeal se Hota hai, is Raah me Gusse ke bajaye Tahammul aur inteqam ke bajaye Sabr zyada Kaargar hota hai,*

*"❀_ Insaniyat ke Mohsine Aazam ne Tareekh ki Fizao'n ko Husne Akhlaaq se Roshan karna chaha, Mukhalifo ki zyadtiyo, Sazisho aur Fitno per A'ala Tareen darje ka Sabr dikhaya, itne badi Afu ( maafi) aur itni badi Chashm Poshi ki Misaal Tareekh me Kahi'n nahi milti,*

*"❀_ Lekin Mukhalif Taaqato ne bhi Jurm v Shararat ki Aakhri had ko chhue bager Dam na liya, Unhone ek baar nahi baar baar Bagiyana Gaddari ke khule khule qadam uthaye, Lekin Unke in Jurmo ke muqable me bhi Had darja ka Tahammul dikhaya aur Aakhir dam Tak ye Koshish jari rakhi k Dushman Taaqat ki Haq Sharafat bedaar ho jaye, uski Sochne ki Taaqate jaag uthe, Wo maquliyat ( samajh boojh ) ki taraf mud jaye aur Ek baar doosri baar Teesri baar Sambhal jaye,*

*"❀_ Magar jo log Tedhe Raaste per pad gaye they unki Aa'nkhe namuradi ke gadhe me girne se pehle pehle nahi khul saki,*

*❥❥_ Quresh Makka ne Abdullah bin Uba'i ko Kaar Aamad Tareen Aadmi pa kar use Ek Khufiya khat bheja aur uske Zariye Madina ke Faasid aur Kamzor Logo'n ko Apne Asar me lene ke Liye ek Paigaam bheja, Likha k '-*

*"❀_ Tum Logo'n ne hamare Aadmi ( Yani Muhammad ﷺ) ko Apne Yaha'n Panaah di hai aur Hum khuda ki qasam kha kar kehte hai'n k Ya to tum use maar daalo ya Madina se nikaal baahar karo, Varna hum. Sab mil kar Tumhare khilaaf chadhayi karenge aur Tumko Qatl karenge aur Tumhari Aurto'n ko Apne liye Samane ishrat banayenge _," ( Sunan Abu Douwd)*

*"❀_ Abdullah bin Uba'i Agar imandaar aur Shareef Shehri hota to wo Foran is khat ko Huzoor ﷺ tak pahu'nchata aur uski Dili khwahish ye hoti k Quresh ki Dhamki ke muqable me Saare Madina ke Jazbaat Gairat Ko Saf aara kar diya jaye, Lekin Gaddari to uski Rooh me Rachi basi thi, Wo Apni mehroomi iqtidaar ka inteqam lene ke liye is per Tul gaya k Quresh ka mansha poora kar diya jaye,*

*"❀_ Lekin ye Raaz bahut jald khul gaya aur Huzoor ﷺ ko batla diya gaya, Khud Abdullah bin Uba'i ke Paas Tashreef le gaye aur use Samjhaya k Tum Logo'n ke Apne hi Bete, Bhatije, aur Bhaanje Apni poori Quwwat Shabab ke Saath Deene Haq ki Alambardaari kar rahe hai'n aur Agar koi esi wesi Soorat paida ho gayi to tum dekhoge k Tumhari hi Aulaade Tumhare muqable me khadi hai'n, Tumhe Apne hi Bachcho se ladna hoga _,"*

*"❀_ Abdullah bin Uba'i ki Samajh me ye baat beth gayi aur Wo Apne mansoobe se baaz aa gaya,*

*❥❥_ Waaze rahe k Junde Badar ke baad Quresh ne Fir esa hi ek khat Abdullah bin Uba'i ko bheja tha, isi Fitnegar ke ne ek Nihayat hi Nazuk moqe per Sakht Gaddari ka kaam ye kiya k jab Banu Nazeer ki baar baar ki vaada khilafi aur Takhribi Harkato per islami Riyasat ki taraf se unko das Roz ke andar andar Madina ki Hudood se nikal jane ka Hukm hua aur Wo iske Liye Tayyari bhi karne lage,*

*"❀_ To Abdullah bin Uba'i ne unko kehla bheja k khabardaar ! Is hukm ki Tameel na karna aur Apni Basti ko na chhodna, Hum Do Hazaar Aadmiyo'n ki fauj le kar aa rahe hai'n aur fir ye Ummeed bhi dilayi k Ek taraf Banu Qureza Tumhari madad karenge aur Doosri taraf Banu Gatfaan tumhare Haleef hai'n,*

*"❀_ Chuna'che Banu Nazeer ne Huzoor ﷺ ko kehla bheja k Hum Yaha'n se nahi ja Sakte, Aapka jo ji chahe kare'n, bil Aakhir islami Hukumat ko Apna Hukm manwane ke liye fauji Kaarwayi karni padi,*

*"❀_ Fir isi Shakhs ne Junge Uhad ke intehayi Naazuk aur Faisla Kun moqe per ye Gul khilaya k Jab islami fauj Madina se nikal kar Shot ke muqam per pahu'nchi to ye Teen So Munafiqeen ko le kar Madina lot gaya, Ye Harkat islami fauj ki peeth me chhura ghopne ke barabar thi, kehta ye tha k jab hamari Raay per Amal nahi kiya jata aur Akhtiyarat doosro ke haatho me hai'n to hum Apni Gardane kyu katwaye'n,*

*"_ Dar Asal Abdullah bin Uba'i ki raay ye thi k Madina se bahar na nikla jaye,*

*❥❥__Gaddarana Saaz baaz Ke Lihaaz se Doosri numaya Shakhsiyat Abu Aamir ki thi, Hum Masjide Zaraar ke Silsile me iska Tarruf Kara chuke hai'n, Is Fitna gar ne Junge Badar ke baad Nabi Kareem ﷺ ki Fateh se jal bhun kar Makka ka Safar kiya aur Abu Sufiyan se mil kar Qureshi Sardaaro ko inteqam ke liye bhadkaya,*

*"❀_ Junge Uhad ki Aag ko Dahkane me iska bhi Hissa tha, Ye khud bhi Qureshi Lashkar Ke Saath Maidane Jung me is Guroor ke Saath utra k mere Kehne per Qabila Aus ke Log islam ka Saath chhod kar Quresh Ki Taraf aa jayenge, Usne Maidane Jung me Aus Walo Ko Pukara magar Usko Wo jawab Mila k Dimaag Durust ho gaya,_ Aur To aur khud uske Farzand Hazrat Hanzla Raziyallahu Anhu Nihayat ikhlaas aur Jaa'nisaari se Sarware Aalam ﷺ ke isharo per Sar katane ko Tayyar khade they,*

*"❀_ Fir Uhad ke baad ye Hiraqqal Rom ke paas pahu'ncha taki waha'n se fauje chadha laye, idhar Munafiqeen ko Poora bharosa dilaya gaya tha k Tum Tayyar rehna Mai'n fauj le kar aa raha hu'n,*

*"❀_ Is Shakhs Ka Ek Karnama ye bhi hai k isne Muqame Hunain ke qareeb Huzoor ﷺ ko Aziyat dene ke liye gadhe khudwaye they, Chuna'che Aap ﷺ ek Gadhe me gire aur bahut Chote'n aayi'n,*

*❥❥_Gaddarana Sargarmiyo ka Teesra bada imaam Ka'ab bin Ashraf tha aur iska Tazkira bhi pehle hum kar chuke hai'n, is Shakhs ne ek Taraf Madina me Wazife jaari kar kar ke Kiraye ke Phittu paida kar rakhe they, aur Doosri taraf Makka Walo ko Madina per Hamla karne ke liye bhadkata tha, is Maqsad ke liye usne Apne Asar v Rusookh, Apne Fun aur Apni Daulat ki khoob istemal kiya,*

*"❀_ Iski Saazish se Abu Sufiyan aur Doosre Logo'n ne Gilafe Kaaba ko thaam kar Badar ka inteqam lene ka Halaf liya, is Sazishi mahol ne islami Jama'at ko Khaas Hifazati intezamaat Akhtyar karne per majboor Kiya, Huzoor ﷺ Raato ko jaaga karte they aur Apne Sahaba ko baari baari pehre per mamoor karte,*

*"❀_ isi Daur ka Waqi'a hai k Ek baar Aap ﷺ ne Majlis Aam me farmaya- Aaj koi Aachcha Aadmi pehra de, ye irshad sun kar Sa'ad bin Abi Waqas Raziyallahu Anhu ne Hathiyar lagaye aur Raat bhar pehra diya, Haal ye tha k Sahaba Subeh tak Hathiyar lagaye lagaye Soya karte they,*

*"❀_ Aur Galiban yahi Wo daur hai, Jisse Huzoor ﷺ ka ye irshad Talluq rakhta hai k- khuda ki Raah me ek Din ka Pehra dena Duniya v Maafiha ke muqable me behtar hai_,"*

*"❀_ Aur ye k- ( Khuda ki Raah me ) Ek Din Raat ka Pehra dena Mahine bhar ke ( nifli) Rozo aur Shabana (Raat Ki) Qayaam Namaz se Afzal hai _,"*

*®_ Riyazus Saleheen _,"* 

*❥❥__Yu'n to Madina me Nabi Kareem ﷺ ne Das Baras ka Jo Zamana guzara hai uska Zyadatar Hissa esa Hi Nazuk aur Hungami Soorate Halaat chhayi rahi, Lekin Haq v Baatil ka Aapas me Takraav jab jab bhi ( Thode Thode Waqfo per baar baar esa hota raha) Jung ki Soorat Akhtyar karti, Yahood aur Munafiqeen Gaddarana Harkato me lag jate,*

*"❀_ Uhad Ka Waqi'a hum Ouper bayan kar hi chuke hai'n k islami Fauj Maidane Jung ki taraf March kar Rahi hai aur Raaste me Sazishiyo ka Leader Abdullah bin Uba'i Teen So Aadmiyo'n ko alag kar ke waapas le jata hai, Agar Huzoor ﷺ aur Aapke Jaa'nisaaro ki Jagah Koi Duniyavi Taaqat is Soorate Halaat se do chaar hoti k Teen Hazaar Dushmano wale muqable per jane Wali kul ek Hazaar ho aur usme se bhi Teen so Aadmi Yakayak alag ho jaye'n aur Baqiya Saat so me bhi kuchh Afraad Sar Angezi ke liye ghule mile reh jaye'n to Shayad Wahi'n Dil toot jate aur Himmate jawab de jati,*

*"❀_ Chuna'che Banu Salma aur Banu Harisa ke Log Dil Shikashta ho kar Waapsi ki Sochne lage they, lekin Sahaba Kiraam Raziyallahu Anhum ke Himmat bandhane se ruk gaye, magar Khuda per imaan, Rooh me Sadaqat ki bartari ka ain Akhlaqi Quwwat ki kamyaabi ka Tasavvur aur gaibi imadaad per bharosa islam ke Alambardaro ka Asal Sarmaya tha, aur wo isi iraade ke saath Maidane Uhad ki taraf badhte chale gaye,*

*"❀_ Fir Maidane Uhad me esa Sakht waqt bhi aaya aur Nabi Kareem ﷺ ki Shahadat ki khabar udi to Munafiqeen ne is Tajveez ke liye Haami paida karne chahe k Abdullah bin Uba'i ki Mannat Samajat kar ke use Amaada kiya jaye k Wo Abu Sufiyan se Amaan le de,*

*❥❥__Fir is Moqe per Musalmano ko Allah Ta'ala ne unki Kamzoriyo per giraft karne ke liye Ek Tarah ki jo Shikasht di thi, us per un Logo'n ne Ye kehna Shuru Kiya k Muhammad (ﷺ) Agar Nabi hote to kyu Shikasht khate, Ye To Duniyavi Hukmrano ka Sa maamla hua k Kabhi Jeet ho gayi kabhi Haar,*

*"❀_ Is Propoganda ke Natije unhi Musalmano ke andar Shub'haat paida ho bhi gayi, baaz log is tarah Sochne lage k hum jab khuda ki Raah me lane gaye they aur khuda ke paigambar ki Qayadat me they to fir Aakhir hume haar kyu hui ? Iska Jawab dete hue Qur'an ne kaha k -( Aale imran -165) Ye musibat Tumhari Apni hi layi Hui hai ( yani Tumhari baaz kamzoriya rang layi hai'n)*

*"❀_ Aur Munafiqeen ne Sabse badh kar Apne Johar junge Ahzaab ( Gazwa Khandaq) ke moqe per dikhaye, Maidane Badar ke Awwaleen Jung me Quresh ki Quwwat ko gehri Chot lag chuki thi, uska inteqam lene ke liye unhone badi Tayyariyo se fauj Kashi ki aur 5 Hijri me Wo Apni aur Apne Saare Haamiyo aur Madina ke Sazishiyo ki quwwate mujtama kar ke aur mukhtalif Qabaa'il ko uksa uksa kar laye, Goya har taraf se Lashkaro ( Ahzaab) ne aa kar Musalmano ko ghair liya,*

*"❀_ Ye bada hi faisla Kun morqa tha aur uske baad Quresh aur doosre Dushmanane islam ka zor toot gaya, junge Ahzaab ke khaatme ke din hi dar Haqeeqat Fateh Makka ka Darwaza khul gaya tha, islami Tehreek ke paasbano ko sabse zyada iztraab Angez halaat isi moqe per pesh aaye, magar Haq ke Alambardaro ke liye Allah Ta'ala ki Taa'id khaas thi, isliye ek taraf Khandaq ki nayi Hifazati Tadbeer doosri taraf Quresh aur Banu Qureza ki Saazish todne me Naiem bin Masoud ka Hakimana Kamaal, Teesri Taraf Huzoor ﷺ aur Aapke Tarbiyat Yafta Qai'deen aur poori Jama'at ka Mazboot mujahidana kirdaar aur Chothi taraf Mashiyat ki bheji Hui Aa'ndhi ne ye Natija dikhaya k Dushman Yakayak Maidane se is tarah rukhsat ho gaya jese pal bhar me badliya'n chhat jati hai'n,*

*❥❥__ Fir Ek moqa Gazwa Tabook ka hai, Munafiqeen ne Hiraqqal Rom ke darbaar me pahu'nch kar usko uksane ki koshishe ki thi'n, Khabar udi k Hiraqqal ne 40 Hazaar ka Lashkar Madina per Hamla karne ke liye rawana kar diya hai, Halaat kuchh Ajeeb they,*

*"❀_ Qahat Ka Zamana tha, Darakhto me phal Tayyar they, Mosam Sakht garam tha, Fauj badi Tadaad me zyada faasle per rawana ki jani thi, Magar Maliyaat ka Pehlu Kamzor tha aur Sawari, Saaz v Samaan aur Naan v Nafqa ki had darja qillat thi, isliye ise "Jaishe israt" ka naam bhi diya gaya hai,*

*"❀_ Munafiqeen ne is Haalat ko dekh kar aur ye Andaza kar ke k is ladayi me Ganimat ka maal haath aane ka Kam hi imkaan hai, Adm E Ta'awun Ki policy Akhtyar ki aur Jhoote Uzr ghad ghad kar bethe rahe,*

*"❀_ Aljad bin Qais ne aa kar Huzoor ﷺ se kaha k Log Jaante hai'n k Mujhe Aurto'n ki taraf bahut zyada Ragbat hai aur Mai'n darta hu'n k Bani Mariyam Alsafar ki Aurto'n ko dekh kar Fitne me mubtila na ho jau'n Lihaza mujhe mazoor rakhiye,*

*"❀_ Ye Log khud to rahe hi they, har kisi se kehte firte they k Khuda khuda karo Diwane ho gaye ho, is jhulasti garmi me tum Jung karne chale ho, Unhone ek Adda Soleem Yahoodi ke makan per bana rakha tha, isme log jama hote to unko Gazwa me jane se rokte, Aakhir is Adde ka Napaak Vajood hi khatm kar diya gaya,*

*❥❥__Fir Lashkar Ki Rawangi ke baad in Logo'n ne Ek aur Fitna paida kar diya, Huzoor ﷺ ne Hazrat Ali Raziyallahu Anhu ko Ahle Bait ki dekh bhaal ke liye Bator Zaati Naa'ib ke chhoda tha, Ye log kehne lage k Aaj kal Muhammad ﷺ ki Tabiyat Hazrat Ali ke bare me theek nahi hai isliye inko Saath nahi liya,*

*"❀_ Hazrat Ali Raziyallahu Anhu ki Gairat Ko is Nashtar ne ubhaar diya aur Hathiyar laga kar Huzoor Paak ﷺ se ja mile aur Munafiqeen ki Shar Angezi ka Qissa bayan kiya, Huzoor ﷺ ne unhe Samjha bujha kar Waapas bheja k Madina me un Logo'n se khatra hai,*

*"❀_ Tabook pahu'nch kar Saath jane Wale Munafiqeen ( aur kuchh na kuchh Tadaad Fitna Angezi ke liye Hamesha Shareek hoti thi ) ne Haq ke Sipahiyo'n Ko ye keh kar darana shuru kiya k Banu Asgar ke Shairdil Jung Aazma'o ko tum Logo'n ne Arbo per Qayas kar rakha hai, Kal Tum per Apni Galat Fehmi ka haal khul jayega jabki Tum Sabke Sab Gulam ban kar jakde hue ho'nge, In Logo'n se puchh Taachh ki gayi to kehne lage k Hum To Mazaaq me kuchh baate kar rahe they Koi Sanjida mamla na tha,*

*"❀_ Romi Lashkar to aaya hi nahi tha, Lekin is qism se ek Taraf Romiyo ko Andaz ho gaya k Madina poori tarah chokanna hai aur hamare muqable per aane ki Taaqat rakhta hai, Doosri Taraf Ayla, Jarba aur Domta AlJundul ke ilaaqe Zere Asar aa jane se berooni Hamle ke imkanaat Kam ho gaye,* 

*❥❥_ Is ( Tabook ke) Safar me do moqo per Huzoor ﷺ ne Chashmo se bila ijazat Pani pine se Fauj ko mana kar diya tha, Lekin baaz Munafiqeen ne Hukm Udooli Kar ke Apne dili Rog ko Zaahir kar diya, isi Safar me Uqba Ke Muqaam per Huzoor ﷺ ko qatl kar dene ki Napaak Nakaam Saazish ki gayi, Jiska Haal hum bayan kar chuke hai'n, Ahle Namaz Nifaaq ki itni Gaddariyo aur Sazishiyo ke Bavjood Huzoor ﷺ is muhim me Kamyaabi haasil kar ke Waapas hue aur badi Shan se Aap Darguzar karte gaye,*

*"❀_Teen Mukhlis Saathi Ka'ab bin Maalik, Hilaal bin Umayya aur Murrah bin Rabi'a jo Gaflat ki vajah se reh gaye they, Unhone Aitraaf Tasavvur kiya aur unko Pachaas Din tak Hukme ilaahi ke intezar me Ma'ashre se alag rehna pada, is imtehan se ye Log is Khoobi se guzre k unhone Apne Aapko Zare Kirdaar se Maala Maal kar liya, Unki bhi Tauba Qubool hui,*

*"❀_ Magar Munafiqeen kehte they k Ajab Bewaqoof log hai'n, Hamari tarah koi Uzr kar dete, Khwah mkhwah Apne Aapko Wabaal me daal liya hai, Ab bhugto _,"*

*"❀_ Andaza kijiye k islami Riyasat aur islami Tehreek ko kese kese Sangeen Halaat ka Saamna karna pada aur Tamaam insaniyat ko Falah ka Raasta dikhane wali Hasti ko Perwane Moosa aur Unki Ummat ke Munafiqeen ke Haatho kesi kesi Gaddarana Kaarwaiyo se Saabqa pesh aaya, magar islami Riyasat ka Failaav badta hi gaya, Tehreek Haq ki Roshni Fiza me failti hi chali gayi aur Muhammad ﷺ ka Paigaam goonjta hi chala gaya, ikhlaas foola fala magar Gaddariyo ke Jhaad jhankad phal to kya late unki jade hi kat gayi'n,*

┣━━━━━━━━━━━━━━━━━━━━┫

*⚂ QURESH KI INTEQAMI HARKAAT ⚂*

 ─━━━════●■●════━━━─

*❥❥__ Madina Ke ibtidayi daur me Jung chhidne se Pehle Qabila Aus ke mumtaz Sardaar Sa'ad bin Ma'az Raziyallahu Anhu Umra karne ke liye Makka Mu'azzama gaye, Umayya bin Khalf se Chu'nki unke Purane Talluqaat they, isliye Uske Yaha'n Qayaam kiya, Wo Umayya ko le kar Kaaba ka Tawaaf karne gaye,*

*"❀_ Ittefaqan Abu Jahal bhi udhar aa nikla, Usne pukaar kar Umayya se puchha kon hai tumhare saath ? Umayya ne bataya k Sa'ad hai'n, Abu Jahal ne gussa ho kar kaha k Tum log in Bad Mazhabi Logo'n ko Panaah dete ho, Fir Sa'ad se kaha k Mai'n ye Bardasht nahi kar Sakta k Tum Kaaba me Qadam rakh Sako, Agar Tum Umayya ki Himayat me na hote to Aaj Zinda Bach kar ja na Sakte _,"*

*"❀_ Dekhiye k Siyaasi inteqam ka jazba Quresh ke ek Leader ko Yaha'n tak le aaya hai k wo khuda ke Ghar ke darwaze uske Bando per band karta hai aur unko ek ibaadat se Mehroom karna chahta hai, Goya Kaaba bhi in Logo'n ki ek jageer thi aur Haram ki Toliyat ko unhone dar Haqeeqat Apni Siyaasi Quwwat ka Zariya bana rakha tha ,*

*"❀_ Idhar Sa'ad bin Ma'az Raziyallahu Anhu bhi koi darwesh to they nahi, Unke Andar islam ki Rooh Hamiyat kaar Farma thi aur wo Madina ki Siyaasi Quwwat ke ma'ani jaante they, Unhone Mukhtasar Lafzo me esa jawab diya k Abu Jahal aur Quresh ke Saamne ek bada khatra namudaar ho gaya, Sa'ad ne kaha- Agar Tumne Humko Hajj se roka to hum Tumhara Madina ka ( Tijarati ) Raasta Rok denge _,"*

*❥❥_Doosre Lafzo'n me ye Quresh Ki Ma'ashi Shah Rag ko Kaat dene ki Dhamki ne Saare Makka ko cho'nka diya, baad me Madina ki Policy Sa'ad bin Ma'az Raziyallahu Anhu ke isi Qaul ke mutabiq Tashkeel payi aur Quresh bebas ho kar Aakhri bari khail jane per Tayyar ho gaye,*

*"❀_ Abu Jahal Jazbaat me aa kar kehne ko to ye keh gaya, Lekin is beja dhamki se Quresh ke Asar ko Sakht dhakka laga, Qur'an ne unki haram ki thekedari ko jiske Bal per wo Khuda ke Bando ko Khuda ke Ghar ( khana Kaaba) me dakhil hone se rok rahe they, Bharpoor Tanqeed ka nishana banaya, Mukhtalif Moqo per ye Ayaat Naazil hui'n,*

*"❀_ Aur isse badh kar Zaalim aur kaun hoga jo Allah ke m'abado me uske naam ki yaad se roke aur ( is Tareeqe se ) unki Veerani ke darpe ho _," (Surah Baqrah-114)*

*"❀_ Log poochhte hai'n k Maahe Haraam me ladna kaisa hai ? Kaho isme ladna bahut bura hai, magar Raahe khuda se Logo'n ko Rokna aur Allah se kufr karna aur Masjide Haraam ka Raasta khuda parasto per band karna aur Haram ke rehne walo ko waha'n se nikaalna Allah ke Nazdeek isse bhi zyada bura hai _," ( Al Baqrah - 317)*

*"❀_ Lekin Ab Kyu'n na wo ( Yani Allah Ta'ala) un per Azaab Naazil kare, jabki wo Masjide Haraam ka Raasta Rok rahe hai'n, Hala'nki wo is Masjid ke jaa'iz mutawali nahi hai'n _," ( Al Anfaal-32)*

*"❀_ Aur Qur'an ki ye baat Tamaam Arab me Aahista Aahista failti gayi aur Quresh ki Mazhabi dhaak ka zor Kam hota gaya, khud Suleh Hudebiya ( ZilQa'dah 6 Hijri) ke moqe per Quresh ne Muahide ka bade paimane per Muzahira kiya,*_ 

*❥❥_ Sarware Aalam ﷺ ne Faqat Umrah Ke iraade se Ye Safar kiya, Koi Nafeer Jung nahi hui, Raza karana Tor per Umra ke liye nikle, Qurbani ke Jaanwar Saath liye gaye aur Jungi Zarurat se Aslaha Bandi ke bager Mahaz Mamooli Hifazati Hathiyar ke Saath Qafila Rawana hua,*

*"❀_ Zul Hulefa Ke Muqaam per Mash'hoor Muqarrara Sha'ar ke mutabiq Qurbani ke Ou'nto ki Nishan zad kiya gaya aur unke gale me qalade daale gaye, isse Ek Nazar me dekhne Wale ko Andaza ho sakta tha k Ye Ou'nt Haram me Qurbani pesh karne ke liye le jaye ja rahe hai'n, Ye Jungi Sawariya'n nahi hai'n,*

*"❀_ Raaste me mukhbir Bashar bin Sufiyan ke Zariye ittela mil gayi k Bani Ka'ab bin Luwayi jungi Tayyari kar rahe hai'n aur kisi Qeemat per Haram me na Jane denge, Hudebiya pahu'nch kar Huzoor ﷺ ne Paigaam bhijwaya k hum ladne nahi aaye, Umra karne aaye hai'n,*

*"❀_ Badeel bin Warqa khuza'i ne Samjha'ish ki koshish ki, Fir Amru bin Masoud ne baat cheet ko aage badhaya, Iske baad Kanana ka Ek Shakhs Halees baat cheet karne ke liye beech me aaya, Usne Apni Aa'nkho se jab Qalade wale Ou'nto ka ek Sailaab waadi me dekha to uski Aa'nkhe dabdaba gayi'n, aur usne Apna ye Tassur Quresh se bayan kiya, To unhone ye keh kar uski badi Hausla Shikani ki k Tum Dehaati Aadmi in Mamlaat ko kya jano, Halees ko is per bada Ranj hua,*

*"❀_ Usne kaha - Ey Quresh! Hamara Tumhara ye Muahida nahi, na us per humne Halifana Talluq qaa'im kiya hai, Kya khuda ke Ghar se Ese Shakhs ko roka jayega jo uski Shaan badhane ke liye aaya hai, Qasam hai us zaat ki Jiske Haath me Halees ki jaan hai, Tum Muhammad (ﷺ) ko moqa do k Jo kuchh wo karna chahte hai'n kare'n, Varna Hum Apne Tamaam Giroho ko Waapas le jate hai'n,*

*❥❥__Quresh ne Muahida Hudebiya ki zimmedariyo ko baala Taaq rakh kar Banu Bakar ko Hathiyar bhi Faraham kiye aur Raat ki Tareeki me chhup chhup kar Khuza'iyo se lade, Bani Khuza'a ne Haram me ja kar Panaah li aur Banu Bakar ke Sardaar ko Pukaar kar kaha k, Ey Nofil ! Dekho ab hum Haram me dakhil ho chuke hai'n, Ab baaz aa jao... Khuda ke liye! Khuda ke liye!!*

*"❀_ Magar Wo Fateh ke nashe me behak raha tha, Usne kaha- "Aaj koi Khuda nahi, Ey Banu Bakar ! Apna Poora Poora Badla lo ! Kya Haram ke Ahatram me Apni izzato ka inteqam lena farmaosh kar doge _,"*.

*"❀_ Chuna'che Un Zalimo ne Haram me Khoo'nrezi ki aur Kuchh Khuza'i Ba Mushkil jane bacha kar Badeel bin Warqa aur uske Gulam Raafe ke Makaan me ja Chhupe,*

*"❀_ Quresh ne Qaba'ili Raqabato ( Mukhalfato ) ke Tahat Jazbaati Haijaan me aa kar ye Esi badi Himalat ki k jiska Khamyaza unhe naqda naqad bhugatna pada, Yahi Waqi'a Fateh Makka ka muharrik hua, Quresh ne qat'an na Socha k Tehreeke islami ki Lamha ba Lamha aage badti hui Taaqatwar Ro ke muqable me unki Quwwat Akhlaqi aur Siyaasi dono Lihaaz se Had darja gir chuki hai aur unko Foo'nk Foo'nk kar Qadam rakhna chahiye,*

*"❀_ Amru bin Saalim Khuza'i Madina rawana ho gaye aur Sarware Aalam ﷺ ke Huzoor me ja kar Banu Bakar aur Quresh ke Zulmo ka dukhda sunaya, Huzoor ﷺ Masjid me Majlis me Tashreef rakhte they, Amru bin Saalim ne Arbi Rivayat ke mutabiq Apni Dard bhari Dastaan ko Dil Shagaf Ash'aar me Bayan kiya,*

*❥❥_ Nabi Kareem ﷺ ne Jawab diya- Tumhari imdaad ki jayegi, Ab Quresh ki Aa'nkhe khuli k Humne kesi Halakat Angez Harkat kar daali, aur Abu Sufiyan Dara Dara Madina pahu'ncha k Tajdeed Ahad karaye, Waha'n wo Esi Hausla Shikni Fiza se Do Chaar hua k Jiska Wo Shayad Tasavvur bhi na rakhta ho ,*

*"❀_ Wo Apni Beti Ummul Momineen Hazrat Umme Habiba Raziyallahu Anha ke ghar me ja kar Bistar per bethne laga to Beti ne Lapak Kae Bistar utha diya k Tum Mushrik ho kar Khuda ke Rasool ke Paak Bistar per nahi beth Sakte,*

*"❀_ Fir Wo Hazrat Abu Bakar Siddiq, Hazrat Umar aur Hazrat Ali Raziyallahu Anhum jese Mumtaz Sahaba se ja ja kar Mila aur Har Ek se Madad Haasil karna chahi, Yaha'n tak k Usne Hazrat Fatima Zohra Raziyallahu Anha ko bhi Rasulullah ﷺ ki khidmat me Sifarish ke liye kaha aur Jab Ye bhi na ho saka to Chaha k imaam Hasan Raziyallahu Anhu ( Bachpane ki Haalat ke Bavjood) hi ko Hazrat Fatima iski ijazat de de'n,*

*"❀_ Koi Soorat na pa kar Bad Hawasi me usne Hazrat Ali Raziyallahu Anhu ke Mashware ke mutabiq Musalmano ke majme me Apni Taraf se Ek Tarfa Jawaar ( yani Musalihana Zimmedari) ka Elaan kar diya aur Bager Huzoor ﷺ ki Taraf se Jawabi Qubuliyat Haasil kiye Makka Wapas Chala gaya,*

    ⊙══⊙══⊙══⊙══⊙══⊙══⊙                                           

             *⚂ FATEH MAKKA ⚂* 

 ─━━━════●■●════━━━─

*❥❥__Abu Sufiyan Na muraad lauta aur Chand hi Din baad Yakayak Makka ne dekha k Ek Azeem Lashkar uske Darwaze per Dastak de raha hai,*

*"❀_ Jald hi Huzoor ﷺ ne Elaan kar diya k Sahaba Kiraam Raziyallahu Anhum Tayyar Ho Jaye'n aur Apne ghar me bhi Nazm diya k Hathiyar Tayyar kar de'n, Lekin Ye Amr bilkul Raaz me rakha k Kidhar ka iraada hai Hattaki Hazrat Ayesha Raziyallahu Anha ko bhi ilm na ho saka, Jinhone Apne Haatho se Huzoor ﷺ ke liye Aslaha Tayyar kiye they,*

*"❀_ Galiban Qayaas Se baaz Logo'n ne Andaza kar liya hoga k Makka per chadhayi hone wali hai, Kyu'nki itna bada Lashkar kisi aur Taraf le jane ki koi vajah nahi thi, Haatib bin Abi Balta'a Raziyallahu Anhu ke Ahlo Ayaal Makka me ghire hue they aur Chu'nki unka koi Qabila Himayat ke liye na tha, isliye unhone unke Bachaav ke liye Madina ki Tayyariyo ka haal Ek Khufiya khat ke Zariye Quresh ko likh bheja Taki wo Ahsaan ki bina per unke Ahlo Ayaal se Ta'arruz (Saamna ) na kare,*

*"❀_ Iska Saath wo Ye Samajhte they k is ittela ke Bavjood islami Fauj ki Fateh Yaqeeni hai aur Unka Khat Natije ke Aitbaar se koi bada nuqsaan islam ko na pahu'ncha sakega, is Waqi'e se Andaza hota hai k kis tarah khaarji Halaat aur Zahni Tassuraat me ghir kar kabhi kabhar kisi Saleh Tareen Aadmi se bhi intehayi darje ki Lagzish ho Sakti hai,*

*"❀_ Huzoor ﷺ ko is khufiya khat ka ilm ilme ilaahi se hua aur Aapke Faristado (Qasido) ne Makka jane wali Ek Aurat ki Choti se use baramad kiya, itni badi khata se Huzoor ﷺ ne isliye Darguzar farmayi k Haatib Mukhlis they, Badri Sahabi they, imaan aur Husne Kirdaar rakhte they aur Ye Ek Lagzish unse Taqaza E Bashirat ho gayi thi,* 

*❥❥_ Huzoor ﷺ ne 10 Hazaar Sipahiyo'n ka Azeem Lashkar Saath le kar 10 Ramzan ko Madina se Kooch kiya, Aap ﷺ ne ek Azeem Fauji Journal ki haisiyat se Esa hair fair ka Raasta Akhtyar kiya k Quresh ki Jo Gashti Toli dekhbhal ke liye nikli thi, Wo kisi aur Taraf maari maari firti rahi aur Muslim fauj ne Yakayak Makka ke Saamne ja padaav daala,*

*"❀_ Huzoor ﷺ Jam'a pahu'nche to Aapke Chacha Hazrat Abbas Raziyallahu Anhu ma'a Ahlo Ayaal aa mile, Fir Muqame Abwa me Pahu'nche to Abu Sufiyan bin Haaris bin Abdul Muttalib ( Ye Doosre Abu Sufiyan hai'n Jo Huzoor ﷺ ke Chacha Zaad Bhai bhi they aur Halima Sadiya ke Waaste se Raza'i Bhai hai'n) aur Abdullah bin Abi Umayya ( Huzoor ﷺ ke Foofizaad Bhai aur Ummul Momineen Hazrat Umme Salma Raziyallahu Anha ke Sotele Bhai ) ne Haazir ho kar Bargaah me Haazri ki ijazat maa'ngi,*

*"❀_ inhone Qareebi Azeez ho kar islam ki Mukhalfat me Jo Shadeed Aziyate Huzoor ﷺ ko di thi'n Unki Bina per Aap ﷺ ne milne se inkaar kar diya, Abu Sufiyan ne Aalame paas me kaha k Agar Maafi na mile to Mai'n Baal Bachcho ko Arab ke Aatishi Registan me le jaunga, aur hum Sab bhooke pyase reh kar mar jayenge,*

*"❀_ Hazrat Umme Salma Raziyallahu Anha ne Bhai ki Sifarish ki aur Hazrat Ali Raziyallahu Anhu ne Dono ko Mashwara diya k Hazrat Yusuf Alaihissalam ke Bhaiyo'n ke Alfaaz me maafi talab kare'n, Chuna'che unhone ja kar Wahi kaha- Ba Khuda ! Allah ne Aapko hum per bartari Bakhshi aur Waqa'i hum Khata kaar they, Huzoor ﷺ ka Dil in Alfaaz se pighal gaya aur Aapne bhi Wahi Hazrat Yusuf Alaihissalam wala jawab diya - Tum per Aaj ke Din koi giraft nahi hai, Khuda Tumhe maaf kare aur Wo Raham karne Walo me sabse badh kar Raham karne Wala hai _,* 

*❥❥_ Mar Alzohran Ke Muqaam me pahu'nch kar Jab Fauji Camp lagaya Gaya to Bator Maslihat Raat ko Sarware Aalam ﷺ ne hukm diya k Har Sipahi Apne liye Alahaida Aag Roshan kare, Abu Sufiyan bin Harb, Hakeem bin Huzam aur Badeel bin Warqa jese Akabir dekh bhaal ke liye nikle, Bulandi se 10 Hazaar Chulho ko Roshan dekha to Quresh Sakte me reh gaye k itna bada Lashkar Makka ke darwaze per Dastak de raha hai,*

*"❀_ Paas hi se Hazrat Abbas Raziyallahu Anhu guzre, Awaaze pehchan kar Abu Sufiyan ko pukara, Baat cheet hui, Hazrat Abbas Raziyallahu Anhu ne bataya k Hazrat Muhammad ﷺ Apni Fauj le kar aa pahu'nche, Ab Quresh ki khair nahi,*

*"❀_ Abu Sufiyan ne puchha k Ab chara kaar kya hai, Unhone kaha k mere Saath Khachchar per beth jao aur Chal ke Huzoor ﷺ se baat cheet ki jaye, Fir Aage badhe to Fauji Tareeqe se Qadam Qadam per Sipahiyo'n ne puchha- Kon ja raha hai? Hazrat Abbas Raziyallahu Anhu Tarruf karate to Raasta mil jata,*

*"❀_ Qareeb pahu'nche to Hazrat Umar Raziyallahu Anhu ne dekh liya aur Abu Sufiyan ko pehchan kar pukar uthe k O Dushmane khuda ! Aaj Tujh per Qabu Mila, Daude Daude Qatl ki ijazat lene Rasulullah ﷺ ki khidmat me gaye, Hazrat Abbas Raziyallahu Anhu ne bhi Khachchar tez kar liya, Hazrat Umar Raziyallahu Anhu ne pehle pahu'nch kar Apni baat ki aur Hazrat Abbas Raziyallahu Anhu ne Apna nazariya bataya k Mai'n Abu Sufiyan ko Panah de kar laya hu'n,*

*"❀_ Aur Makka ka Sabse bada Sardaar Halaat se Majboor ho kar islam ke Daayre me Dakhil ho chuka tha, Hazrat Abbas Raziyallahu Anhu Huzoor ﷺ ke irshad se Abu Sufiyan ko Ek Teele per le gaye Taki Wo ek baar Lashkare islam ki Azmat ka Manzar dekh le, Abu Sufiyan har Daste ke bare me puchhte jate, Sa'ad bin Ubada Raziyallahu Anhu us Muqam se guzre to Sipahiyana Josh me aa kar pukar uthe - Aaj ghamsaan ka Din hai, Aaj ke Din Kaaba ka Mahol Ladayi ke liye khol Diya jayega,*

*❥❥_ Aakhir me Huzoor ﷺ ki Sawari Saadgi Ki Shan ke Saath Guzri jiske Aage Aage Zuber bin Awaam Alam uthaye hue they, Huzoor ﷺ ko Sa'ad bin Ubada Raziyallahu Anhu ke Naare ka ilm hua To Foran unse Alam Waapas le kar Unke Bete ke Supurd kara diya aur Farmaya k Aaj ka Din Kaaba ki Azmat ka Din hai, aur Dua v Maafi ka Din hai _,"*

*"❀_ Fir Ye Elaan Aam kar diya gaya k Jo koi bhi Masjide Haraam me dakhil hoga Ya Abu Sufiyan ke ghar me chala jayega aur Jo koi bhi muqable ke liye Hathiyar na uthayega uske liye Aman hai, Ba sharte kisi Qabile Tazeer Jurm ka mujrim na ho,*

*"❀_ Khud Abu Sufiyan hi ne Makka me Aage badh kar is Elaan ko Ba Awaaz buland pukara, Ye Sun kar Hind bin Uqba ( Zoja Abu Sufiyan ) uski moo'nchh khee'nch kar chillayi k Ey Bani Kanana ! Is Kam bakht ko qatl kar do, Ye kya bak raha hai, Wo Gaaliya'n deti rahi, Log jama ho gaye, Abu Sufiyan ne kaha k Ab esi baato se kuchh Haasil nahi hoga kyunki Muhammad ﷺ ka Muqabla karne ki Taab ab kisi me nahi,*

*"❀_ Jab Shehar me Huzoor ﷺ ka Dakhila hua to Duniya bhar ke Fateheen ke bar aks Sar maare Aajizi ke khuda ke Saamne is tarah jhuk raha tha k peshani kajawe ko chhu rahi thi aur Zuban Surah Fateh ki Tilawat me Masroof thi,*

*❥❥__Huzoor ﷺ ke is Afu v Karam ko dekh kar Ansar me baaz Logo'n ne ye Baat failayi k Aakhir Aap ﷺ per Apni Qaum aur Apne Watan ki muhabbat Gaalib aa hi gayi, Dar Asal unhe ye Andesha hua k Kahi'n Mohsine Insaniyat ﷺ unse juda ho kar Ab Makka walo me na rehne lage, aur Wo Apni Mehboob Hasti ke Qurb se Mehroom ho jaye'n,*

*"❀_ _ Aap ﷺ ne unse khitaab kiya aur farmaya - Khuda ki Qasam! Esa nahi hai, Mai'n khuda ka Banda aur uska Rasool hu'n, Maine khuda ki taraf aur Tumhari taraf Hijrat ki, Ab mera jeena marna tumhare saath hai_, Ansar per Riqqat tari ho gayi aur unhone ma'azrat talab ki, khuda aur Rasool ne unki Ma'azrat Qubool ki,*

*"❀_ _ Pehle Aap ﷺ us Tareekhi muqam khaif me gaye Jaha'n Qabile ke Saath Nazar bandi ke din guzare they, Fir Haram Pahu'nche, Khasul khaas Sahaba ka Ek Halqa Saath tha, Hajre Aswad ka istelam kiya, Haath Mr kamaan liye Haram me Nasab Shuda ek ek But ke paas ja kar pukarte "Haq aa gaya aur Baatil mit gaya, aur Baatil ko to Mitna hi hai_," ( Bani israail -81)*

*"❀_ _ Kamaan ke ishare se ek ek But gir gaya, fir Kaaba ki Chabiya'n manga kar darwaza khulwaya, Andar Hazrat Ibrahim aur Ismail Alaihissalam ki Tasveere bani thi, aur unke Haatho me paa'nse ke teer dikhaye gaye they, Unko mitane ka hukm dete hue farmaya k khuda Kuffar ko gaarat kare, Ye dono khuda ke Paigambar they aur unhone juwa kabhi nahi khaila tha, baad me Aapke Hukm se Wo Tamaam Asnaam (But) bhi Tod dale gaye jo muddato se Aas paas Nasab they,*

*❥❥_ Fir Aap ﷺ Namaz v Zikr me Masroof rahe, Masjid ke Saamne Aam Hujoom jama tha aur Log Apni Qismat ka faisla sunne ke liye muztarab they, Unse Aapne khitaab Farmaya - Ek khuda ke Siva koi ila nahi, Uska Koi Shareek nahi, Usne Apna Vaada Sachcha kar dikhaya, Usne Apne Bande ko madad di, Usi Akele ne Tamaam Lashkaro ko Shikasht di, Aaj Tamaam Kibr v Guroor, khoon ke Tamaam Daave, Maal ke Tamaam mutalbe mere Qadmo ke niche hai'n, Albatta Haram Kaaba ki Toliyat aur Hijaaj ki Aab Rasani ke Ohde isse mustashna hai'n,*

*"❀__ Ey Quresh ! Ab khuda ne Tumhare Jahiliyat ke Guroor aur Nasab ke Fakhr ko mita diya, Tamaam insaan Aadam ki Aulaad hai'n aur Aadam mitti se paida kiye gaye_",*

*"❀__ Fir Qur'an ki aayat padhi-(Tarjuma ) Logo'n Maine Tumko ek Mard aur Ek Aurat se paida kiya hai aur Tumhe Qabilo aur Khandano me isliye Taqseem kiya hai k Tum Aapas me Pehchane jao, Lekin Mo'azziz khuda ke Nazdeek wohi hai jo Parhezgari me pesh pesh ho, bil Shak Allah Daana aur Ba Khabar hai _," ( Al Hujraat-13)*

*"❀__ Fir Ek Qanooni Elaan kiya- Khuda ne Sharab ki khareed Farokht haraam kar di hai _,"*

*"❀__ Fir Huzoor ﷺ ne puchha - Tumko maloom hai k tumse kya Sulook karne Wala hu'n ? in Alfaaz ke goonjte hi Zulm, Kibr, Tashaddud aur Khoo'nkhari ki Wo Saari Gandi Tareekh Quresh Ki Nigaaho ke Saamne se Ek Film ki tarah guzar gayi hogi, Jise Unhone 20- 21 baras me Tayyar kiya tha, Unke Zameer fat jane ko ho'nge,*

*"❀__ Bebasi aur Nadamat ke Aalam me Wo Log pukar uthe, Tu Shareef Bhai hai aur Ek Shareef Bhai ka Beta hai_," Jawaban Awaaz aayi- Tum per Aaj kuchh giraft nahi , Jao Tum Sab Azaad ho_,"* 

*❥❥_ Kya Quresh Ki Tareekh Zulm v Jung Ko Saamne rakhte hue koi Mukhlis bhi is Jawab Ki Tawaqqo kar sakta hai ? Magar Jo koi bhi Us Rehmate Aalam ﷺ ki Shane Kareemi ko Samajhta ho wo Huzoor ﷺ se is Jawab Ki Ummeed baa'ndhega, Koi aur Hota to Aaj Akad kar Makka me dakhil hota, Ek Ek Waqi'e ka inteqam leta, Chun chun ke un Afraad ko Talwaar ka Luqma banata jinhone Zara bhi koi Zyadti ki hoti,*

.

*"❀_ Lekin Faateh Chu'nki Mohsine Insaniyat ﷺ they, isliye unhone insaano ko Fateh karna chaha aur Zameeno per Qabu pane se badh kar Dilo ko jeetne ki koshish ki, Yaha'n tak k Muhajireen se kaha k Wo Apne Apne Makano aur Maalo se darbardaar ( chhod kar door ) ho jaye'n,*

*"❀_ Shaan E Lutf v Ahsaan ka isse bada Muzahira kya hoga k Kaaba ki Chabiya'n Qayamat tak ke Liye unhi Usman bhi Talha ko Tafveez ( Supurd ki) farmayi Jinse Ek baar Dare Kaaba Khulwane ki Khwahish Huzoor ﷺ ne Dawat ke ibtidayi daur me ki to unhone Sakhti se inkaar kar diya tha,*

*"❀_ is moqe per Aap ﷺ ne muataqbil per nigaah jamate hue Usman se farmaya, Ek Din aayega k Ye Chabiya'n mere Akhtyar me Ho'ngi aur Mai'n jise Chahunga Tafveez (Supurd) karunga_," Usman ki nigaah itni door ras kese hoti, Unhone kaha- Shayad us Roz Tamaam log Halaak ho chuke ho'nge _,"*

*"_ Farmaya-Nahi! Wo to Quresh ki Sachchi izzat ka Din hoga_,*

*"❀_ Huzoor ﷺ ne Chabiya'n dete hue jab Usman bin Talha ko barso pehle ki Wo baat Bator latifa yaad dilayi to wo Pukaar uthe, k "Beshak Aap Allah Ke Rasool hai'n _,"*

*"_ Aapne farmaya- k Aaj ka Din Neki aur Wafa ka Din hai _,"*

*❥❥__ iske baad Huzoor ﷺ ke Hukm se Hazrat Bilaal Raziyallahu Anhu ne Kaaba per chadh kar Azaan di, Ye Azaan Goya islami inqilab ki kamyaabi ka Elaan tha, Wahi Kaaba Jaha'n khuda ke bando ke liye khuda ka Naam pukarna jurm ban gaya tha aur isse Rokne ke liye kitni hi Sakhtiya'n Huzoor ﷺ aur Huzoor ﷺ ke Saathiyo ne jheli, Aaj uski bulandiyo se Ba Awaaz buland Allah ki Badayi pukari ja rahi thi aur koi Quwwat na thi jo rok sake,*

*"❀_ is lamhe Abu Sufiyan bin Harb, Utaab bin Usaid aur Haaris bin Hisham jese Akabir Kaaba ke qareeb ek kone me bethe Apni haari hui baazi ka Tasavvur kar rahe they, Utaab ne Jale Dil se kaha k Achchha hua k khuda ne Usaid ko is Awaaz ke Sunne ke liye Zinda na rakha, Huzoor ﷺ in Logo'n ke paas pahu'nche aur jo jo baate unhone ki thi'n unke Saamne dohra di, Ye Log Sharminda hue,*

*"❀_Fir Huzoor ﷺ ne umme Haani ke makan per Gusl kar ke 8 raka'at Bator Shukrana Fateh padhi, Fateh ke doosre Roz kohe Safa per se Huzoor ﷺ ne doosra khitaab Aam farmaya, pehle Allah ki Hamd v Sana ki aur Fir Mukhtasar Kalmaat me Haram ki Hurmat ko bayan kiya aur use Hamesha ke liye qaa'im kar diya aur uske Ahkaam bayan kiye,*

*"❀_ Yu'n to Aam maafi ka Elaan kar diya gaya aur is Elaan ne Dilo ko esa musakkhar kiya k kisi me muqable ki Taaqat na rahi Lekin Khaas Mujrimo ke bare me Naam le kar Aapne farma diya k ye Log Jaha'n bhi paye jaye Qatl kar diye jaye'n, is Mujrimo ki Fehrist me Chand Mardo aur Chand Aurto'n ke naam Shamil they, Lekin Huzoor ﷺ ne unme se bhi Aksar ki jaan bakhshi kar di,*

*❥❥_Ek Tehqeeqi Raay ye bhi hai k Sirf Ek Shakhs Abdul Uzza ko Halaak kiya gaya, Ye Mukhlis Musalman hua, Sadaqaat Ki Wasooli ke Liye Ek Muslim Saathi ke Saath me ise bheja gaya, Safar hi me jhagda hua aur Muslim Saathi ko Qatl kar ke aur Sadqe ke Maweshi ko saath le kar bhaag Aaya, Dohre bhari bhari Fojdaari Jara'im iske Zimme they,*

*"❀_ Safwan bin Umayya islami Tehreek ke Kattar Mukhalifo me they, Bhaag kar Yaman jate hue Jaddah pahu'nche they k Umair bin Wahab Jamhi Huzoor ﷺ se Maafi ki manzoori le kar Jaddah se Waapas laye, baad me islam Akhtyar kiya,*

*"❀_ Ikrama bin Abu Jahal bhi Yaman bhaag gaye they, inki Zoja Umme Hakeem binte Haaris ( Abu Jahal ki Bhatiji ) khud Musalman hui'n aur Apne Shohar ke Liye Huzoor ﷺ se maafi ki Manzoori li, Khud ja kar layi'n, Ikrama ko jab maafi ki khush khabri mili to Unhe Sakht Tajjub hua k un jese Mukhalif ko bhi Muhammad (ﷺ) ne maaf kar diya, Haazir hue aur islam qubool kiya,*

*"❀_ Abdullah bin Sa'ad bin Abi Sarah Musalman they aur Kitabat Wahi ( Wahi likhne ) ka moqa bhi Mila tha, Magar Baagi ho kar Mukhalif Muhaaz se Ta'awun karne lage, Yaha'n tak k inhone ye daava bhi Kiya k Wahi to dar asal mujh per aati thi, Muhammad ( ﷺ) to mujhse Sun kar likhwa lete they, Jurm Sakht tha lekin Hazrat Usman Raziyallahu Anhu ki Taraf se ba israar Sifarish hone per Huzoor ﷺ ne Ba Haisiyat Haakim E A'ala unko Maafi de di, Maafi ke baad fir ye Musalman hue,*

*❥❥__Muqees bin Sababa ( Ya Sabana) Munafiqana tor per islami Jama'at me Shareek hua aur Dhoke se ek Ansari ko Qatl kar ke bhaag aaya tha, Uske is qadam ki Vajah ye thi k Muqees ka Bhai us Ansari ke Haatho maara gaya tha, Huzoor ﷺ ne uski dait (Jurmana) dilwa di, iske Bavjood usne Ansari ko Qatl kiya, irtedaad aur Fareb dahi ke alawa tanha ye Qatl ka jurm hi Saza E maut ke Liye kaafi vajah jawaz tha,*

*"❀_ Hibaar bin Aswad wo Shakhs hai Jisne Doosri Mukhalifana Harkato ke alawa Hazrat Zenab Raziyallahu Anha per Hijrat ke waqt Hamla kar ke itni Aziyat di thi k unka Hamal Saaqit ho gaya, pehle chhupa raha, Fir khud hi pesh ho kar Aajizi se Apne Qusoor ka Aitraaf kiya aur Rasulallah ﷺ ki khidmat me Sakht Sharmindgi ka izhaar Kiya, Saath hi kalma islam ki Qubuliyat ka Elaan kiya, Huzoor ﷺ ne farmaya - Maine Hibaar ko maaf kar diya _,"*

*"❀_ Hazrat Hamza Raziyallahu Anhu ka Qaatil Wahshi Saamne aaya aur islam qubool kiya, Huzoor ﷺ ne usse Hazrat Hamza Raziyallahu Anhu ke Qatl ka haal suna, Uska jurm bhi maaf Kiya aur use mashwara diya k Tum mere Saamne na aaya Karo k isse Zakhm Taza hote hai'n,*

*"❀_ Ye Shakhs islam lane ke baad Junge Yarmook me Shareek hua aur iska Khaas Karnama ye hai k Muselma kazzab ko isne teer se Halaak kiya, Kehta tha k Maine Sabse Achche Aadmi ko qatl kar ke jo Gunaah kiya hai, Ab Sabse bure Aadmi ko qatl kar ke Kaffara Ada kar diya hai,*

*"❀_ Abdullah bin Zubairi Mash'hoor Jahili Shayar jisne Shair ki Quwwat ko islam ke khilaaf Aag bhadkane me istemal kiya tha, Pesh hua aur islam laya, Maafi de di gayi, Ka'ab bin Zuber ne bhi islami Tehreek aur uske Daa'i ke Khilaaf Shayri ka Muhaaz garam rakha tha, 9 Hijri me Apne Bhai ke Saath Haazir hua, islam Qubool kiya aur Talafi ke Sachche Jazbe se Qasida pesh kiya, Huzoor ﷺ ne maafi di aur Apni Chaadar in'aam me ata farmayi,*

*❥❥__Qayame Makka hi ke Zamane me Ek baar Huzoor ﷺ khana Kaaba ka Tawaaf kar rahe they k Fuzala bin Umer Chhup kar qatl ke iraade se aaye, Huzoor ﷺ khud hi paas ja pahu'nche aur uske Dil ki baat bata di, Fuzala is giraft per Sharmshar hue, Aap ﷺ ne istagfaar ke liye kaha aur unke Seene per Haath faira, Unke Dil ki Duniya badal gayi, Qatl ke iraade ke Mujrim se Ye Sulook aur Kisi se Tawaqqo ho sakti hai ?,*

*"❀_ Aurto'n me Sabse badi Mujrima Hinda binte Uqba thi, Jisne Sargarmi se Mukhalfate ki thi'n aur Hazrat Hamza Raziyallahu Anhu ka Musla kiya tha, Balki unka Kaleja chaba gayi thi, Chehra chhupane ke liye naqab Pehan kar Hazire khidmat hui, Halaat se Majboor ho kar ye islam Qubool karne aayi, Lekin is lamhe bhi dhitayi se Ajeeb Ajeeb Tedhi baate Huzoor ﷺ se ki, Fir ye Gustakhana Andaze kalaam koi bhi doosra hota to use gawara na karta,*

*"❀_ Chand Mardo'n aur Aurto'n ke Mutalliq hadees aur kutube Seerat ki Rivayaat me khasa ikhtilaf hai, Lekin Kisi ka Saza E maut pana Saabit nahi kiya ja sakta, Ese Kattar Dushmano ke liye ese Afu (maafi) ki misaal is Darje ki Fateh Kamila Haasil karne ke baad kisi aur ki zindgi se Tareekh pesh nahi kar Sakti,*

*"❀_ Sarzameen e Makka ki Fateh se badh kar Azeem Fateh ye thi k Huzoor ﷺ Maqame Safa ki Bulandi per bethe they aur Log Joq dar Joq aa kar islam Qubool kar rahe they, Unse Toheed v Risalat ke iqraar ke Saath Khususi tor per baaz Raa'ijul Waqt Ki Buraiyo ko chhodne ka ahad bhi liya jata,*

*"❀_ Bait ke Ajza ye they - Mai'n Khuda ke Saath kisi ko bhi uski zaat aur uski Sifaat aur ibaadat aur Shareek aur ista'anat ( Madad maangna) ke istehqaaq (Haq) me Shareek na karunga, Chori na karunga, Zina na karunga, Khoon e Naahaq na Karunga, Ladkiyo'n ko Halaak na karunga, Kisi per Bohtaan na lagaunga, Neki ke Daayre me Hasbe isteta'at khuda ke Rasool ki ita'at karunga _,*

*❥❥_ 15 Roz ya Kamo besh Qayaam rakhne ke baad Jab Makka se Huzoor ﷺ rawana hue to Asal Tameeri Kaam ke liye Tareeq Ma'az bin Jabal Raziyallahu Anhu ko mamoor kiya k Wo Logo'n ko islami Nizaame Hayaat islami Aqaa'id islami Akhlaaq islami Qanoon aur islami Saqafat ( Tehzeeb ) ki Taleem de'n,*

*"❀_ Islami Adliya ( insaaf ) ka Nizaam Aapke Apne Haatho Had jaari karne ke is Mash'hoor Waqi'e se hua, Jisme Fatima binte Abi Al-asad ko chori ke Jurm me bade Sifarishi dabaav ko rad kar ke Saza di gayi,*

*"❀_ Hunain aur Taa'if se Faarig hone ke baad Makka aa kar Huzoor ﷺ ne Utaab Raziyallahu Anhu bin Usaid ko Naa'ib Haakim muqarrar kiya aur Ek Dirham Yomiya ka Mu'awza inke liye Tay kar diya,*

*"❀_Fateh Makka Tehreeke islami ki Tareekh ka Azeem Tareen Waqi'a hai, Ab Goya Nizaame Haq ke Raaste se Sabse badi Rukawati Taaqat hat gayi thi, Arab ki Purani Jaahili Qayadat ka jhanda jhuk Gaya to Fir Nizaame Jaahili ka barqarar rehna aur Jahiliyat ke gird Awaam ka Simte rehna mumkin na raha, Awaamun naas ki bahut si Pechidgiya'n Fateh Makka ne Khatm kar di,*

*"❀_ Bahut se Qaba'il islam ki taraf badhne se isliye mazoor they k Quresh ke Saath ya to unke Halifana Talluqaat they ya Ma'ashi tor per wo unke haatho Qarzdaar they, Ya unki Samaji bartari se Maroob ( dabe hue) aur Mazhabi Lihaaz se unki Pervi Ko majboor they, Quresh ki Azmat ka But Toot Gaya to unke Raaste saaf ho gaye,*

*❥❥_ Bahut se Awami Halqo me ye aitqaad faila hua tha k Makka me Sirf Wohi Gaalib reh sakta hai Jisne khuda ki Taa'id haasil ho, aur Jo Taaqat Haq per na ho use Makka me farog haasil nahi ho sakta, is tarah Ka aitqaad Abraha ke Hamle ke baad se bahut Mazboot ho gaya aur Log Ye Samajhte they k Quresh maqboole ilaahi Hai'n _,*

*"❀_ Chuna'che Log kaha karte they k, Use Apni Qaum se nimat lene do, Agar Usne Qaum ko Zer kar liya to Wo Nabi Saadiq hai, is aitqaad ke mutabiq hi Ab Raay aam islami Tehreek ban gayi, na Sirf Makka ke Logo'n ne balki Aas paas ke Qaba'il ke Wafood ne aa kar khushi khushi Apne Aapko islami Tehreek ka Khadim aur Muhammad ﷺ ki Qayadat ka Peru banaya, Ab Dawati aur Taalimi kaam ke liye Maidaan bilkul Saaf ho gaya aur ek Ek Musalman ke liye har Taraf moqa nikal aaya k wo Tehreek Haq ka Paigaam Awaam tak pahu'nchaye, Ab Koi Rukawat daalne wala nahi tha,*

*"❀_ Fateh Makka ka Asar Doosre Qaba'il per to ye pada k Unke Wafood Nabi Kareem ﷺ ki khidmat me aa aakar islami Tehreek ke Saaya Daaman me dakhil hote gaye lekin Banu Hawazin aur Banu Saqeeq per Fateh Makka ka ulta asar pada, Kyu'nki ek taraf unhe Apni afraadi kasrat, Apni Ma'ashi Taaqat aur Apni Jaungi Maharat per bada bharosa tha aur Doosri taraf islami inqilab ke Rad Amal me bad kar Musalsal Mukhalifana aur Harifana karwaiya karne ki vajah se wo Ab Apni Shane Mazahmat ki Takmeel per majboor they,*

*"❀_ Unhone Aakhir Morka Ladne ke Liye Apni Saari Quwwat Hunain ya Awtaas Naami Waadi me ( Taa'if aur Makka ke Darmiyan) Samet li thi, Sirf Banu Ka'ab aur Banu Kilaab ne poori Tarah Alhaidgi Akhtyar ki thi, Sarware Aalam ﷺ ko Banu Hawazin ki in Tayyariyo ka Haal maloom hua, Aapne Abdullah bin Abi Hadard ki Bator Jasoos bhej kar Tasdeeqi malumaat haasil ki,* 

*❥❥_ Ab Muqable ke Liye Tayyari hone lagi, Jungi Zaruriyaat Ke Liye Huzoor ﷺ ne Abdullah bin Rabi'a se 3 Hazaar Dirham ki Raqam Qarz li, aur Safwan bin Umayya Raiese Makka se Aslaha Jung ( Khususan 100 Zirhe'n ) Musta'ar (udhar) liye, isse Andaza hota hai k Mohsine Insaniyat ﷺ kisi gair Mamooli Jungi Tayyari ke Saath nahi nikle they aur Aap ﷺ ko pehle hi se kisi Khoonrezi ka khayal na tha, Moqe per nayi Tayyariyo ki zarurat pesh aayi,*

*❀__ Kitna Naadir Waqi'a hai k Ek Faateh jisne Mukammal tor per Quresh ko Shikasht de di aur Unse Maal aur Aslaha Zabardasti Wasool kiya ja sakta tha, Lekin is Maqame Azmat per Hote hue bhi Akhlaqi usoolo ka itna paas tha k Jo kuchh liya Qarz liya aur musta'ar liya, islami Tehreek ka imtiyaz iski Yahi Akhlaqi Rooh hai,*

*❀__ Shawwal 8 Hijri me Muslim Fauj 12 Hazaar ki Tadaad me Makka se March karti hai, insaan baharhaal insaan hai, Haq ke in Sipahiyo'n ke Dilo'n me kisi na kisi Soorat se ye Tassur ubhra k Aaj hum Makka ke Faateh hai'n, Hamari Tadaad Kaseer (zyada) hai aur Hamare Saath Samane Jung Ba Faraat hai, Zaahir baat hai k Esa Ahsaas Kamzor karne hi ka mojib hota hai, Un Logo'n ko khayal na raha k Wo Shehanshah E Haqeeqi ke Sipahi hai'n Jise Apne Bando'n ki Taraf se Guroor ki Ek Ramaq bhi Gawara nahi,*

*❀__ is Tassur per Chand Lamho ke Liye Esi giraft hui k Tareekhi Yadgaar ban gayi aur Qur'an ne insaniyat ke liye ise Duruste ibrat bana diya, Huwa ye k Muslim Fauj me Abki baar Makka se Ek naya Nav Muslim Nojawan Tabqa Shamil huwa tha jo Hazrat Khalid bin Waleed Raziyallahu Anhu ke Zere Kamaan they, Pehle hi Hamle me Jab Achanak har Taraf se Teero ki Barish Hui to Lashkar bikhar gaya, iske Saath hi Saath ghabrahat me Muslim Fauj ke Tamaam Daste muntashir hone lage, Ek Waqt aaya k Huzoor ﷺ Apni jagah per Tane Tanha khade reh gaye,* 

    ⊙══⊙══⊙══⊙══⊙══⊙══⊙                                          

            *⚂ MORKA HUNAIN ⚂* 

 ─━━━════●■●════━━━─

*❥❥_Ye Lamha Un Lamho me se Ek hai Jinki Nazakat ne Huzoor ﷺ ki Azimat, Yaqeen aur Aitmaad ki Shahadat Ek Saath Pahu'nchayi hai, Himmat se Saathiyo'n ko pukara aur Sawari se Utar kar Jalaal bhare Andaz me farmaya- Mai'n Sachcha Nabi hu'n, Mai'n Abdull Muttalib ka beta hu'n,*

*"❀_ Hazrat Abbaas Raziyallahu Anhu ne Qareeb hi se Sada buland ki, Ya Ma'ashral Ansar! Ya Ashabal Shajrah! itna Sunna tha k Har taraf se Musalman lapke aur Apne Markaze isteqamat ke gird jama ho gaye, Fir jo lade to Aanan Faanan Rang badal gaya aur Dushman ke qadam ukhad gaye, islami Daste ne Baazi Jeet Li,*

*"❀_ Taa'if bada Hi Mehfooz muqam tha, Kyunki uske Gird faseel ( Chaar Diwaari) mojood thi, lekin Tarteeb esi Akhtyar ki k Taa'if per Hamla ese Rukh se kiya gaya Jidhar se Ahle Taa'if ko guman na guzra hoga, Hazrat Khaalid bin Waleed Raziyallahu Anhu ek Dasta le kar pehle rawana hue, baad me Huzoor ﷺ ba Nafs Nafsi poori fauj le ke pahu'nche,*

*"❀_ Huzoor ﷺ ne Socha k Taa'if islam ke Maathat aaye hue Arab ke Darmiyan Ek Jazira ikhtilaf ban kar to reh nahi sakta, ise Agar is waqt musakkhar kiya gaya to Do Tarfa nuqsaan hoga aur Agar Chhod diya gaya to Halaat Ahle Taa'if ke Andar Razakarana ita'at ka Jazba ubhaar denge, Balki Dilo'n ke Darwaze islam ke inqilabi nazariye ke liye khul jayenge,*

*"❀_ Chuna'che Aapne Deen ki Maslihat aur Ahle Taa'if ki Falaah ko Saamne rakh kar Muhasra utha liya, Ye Ek Waaze Tareen Saboot hai k Huzoor ﷺ Khoonrezi se bachne ki kitni Fikr rakhte they, Saathiyo ne kaha k Aap un Logo'n ke liye Bad Dua kijiye, Magar Aapne ye Dua k- E Allah ! Tu Saqeef ko Sahi Raaste ki Hidayat de aur Unko hamare Saath Mila de )*

*"❀_ Ye Dua us Taa'if ke Bashindo ke liye ki ja rahi thi, Jisne Patthar maar maar kar Ek Din Huzoor ﷺ ke khoon se Apni Galiyo'n ki mitti ko laal kiya tha, Ye Dua bhi usi Rehmat bhare zahan ki Tarjumani hai Jisne Quwwat se Jaha'n bhi kaam liya charah nachar liya, magar Jisne Maafi aur Ahsaan ki dariya bahane me Kahi'n bhi kotaahi nahi ki,*

*❥❥_ Jorana me beshumar Maale Ganimat 24 Hazaar Ou'nt, 40 Hazaar Bakriya'n, 4 Hazaar Oqiya Chaandi jama tha, isme se Qurani Qanoon Ke mutabiq 5 Va hissa Ma'ashre ke Hajatmand Tabqo aur ijtimayi Zarurato ke Liye Baitul maal me liya gaya aur Baqiya Fauj me Taqseem kar diya gaya,*

*"❀_ Qur'an ne Taleefe Qalb ( Diljo'i) ki Jo mad ( Raqam ) rakhi hai, uske Tahat Huzoor ﷺ ne Makka ke Bashindo aur unke Sardaaro ko Dil khol kar bahut sa maal diya, Maqsood ye tha k Unke Zakhmo per Marham rakha ja sake, Unse zyada Bad Naseeb Us Waqt Aasman ke niche kon hoga, Jinki Qayadato ke Takhat ulat gaye they, aur Jinke Liye Tareekh ki Saari Fiza hi ne rang badal liya tha, Unke Ahsasaat ka Aalam kya hua hoga jab Wo Sarware Aalam ﷺ ke Qarabat daar hote hue Pichhli Safo me khade they, aur Ansar aur Muhajireen Huzoor ﷺ ke Dasto Baazu bane hue they,*

*"❀_ Kesa Ajeeb Sama'n hoga k Abu Sufiyan, Hakeem bin Huzam, Nafar bin Haaris, Safwan bin Umayya, Iqra bin Haabis aur un jese Doosre Akaabir usi Shakhs ke Haatho se Aaj Atiyaat haasil kar rahe they Jise Unhone Barso Gaaliya'n di thi, Jhoota kaha tha, Mazaaq aur Tanz ka nishana banaya tha, Badbi Aziyate di thi, Qaid me daala tha, Qatl karna chaha tha, Ghar se nikala tha aur Jiske Khilaaf Talwaar utha kar use Aman v Chain ka Ek Lamha Basar karne ka moqa na diya tha, Kya insaan Nawazi ki Esi koi misaal Tareekh me Kahi'n milti hai'n ?*

*"❀_ Ansar ne Jab Dariya E Karam ko Quresh ke Haq me is tarah umadte dekha to unke baaz Nojawan Thodi der ke liye Adna Jazbaat ki Lapet me aa gaye, Unka Tassur ye tha k Shayad Huzoor ﷺ Nasli aur Watani Talluq ki bina per un Logo'n ko Nawaaz rahe hai'n aur Hume Pase Pusht daal diya hai, kaha gaya k Haq ki Himayat me jaan jokhimo me daalne ke liye to hum hai'n Lekin Daad v Bakhshish ke waqt Quresh muqaddam ho gaye hai'n,* 

*❥❥_Yu'n Sochne walo ne Ye na socha k Huzoor ﷺ ne Apne Ahle Bait Per Ye Baarish nahi ki thi, Qurbaniya'n dene wale Qarabat mand Muhajireen tak ko nahi Nawaza tha, Khud Koi imtiyazi istefada nahi kiya tha, To fir Agar Quresh Ke Saath ye Khususi Sulook ho raha tha to iski Buniyaad kisi Azeem Maslihat per hogi, Baat Huzoor ﷺ tak pahu'nchi to jese k Hum poora Waqi'a pehle bayan kar chuke hai'n, Ek Shamiyana taana gaya aur Ansar ko jama kiya gaya, Huzoor ﷺ ne unke Saamne Dil hila dene Wali Mukhtasar Taqreer ki,*

*"❀_Taqreer Ka Aakhri Jumla ye Tha k, "Ey Ansar ! Kya Tumhe ye Pasand nahi hai k aur Log To Ou'nt aur Bakriya'n le jaye'n aur Tum Muhammad (ﷺ) ko saath le jao_," Ansar Ki Aa'nkho se Aa'nsu beh beh kar Dadhiyo ko Tar kar rahe they, Aakhri baat Sun kar wo Cheekh uthe k Hum ko Sirf Muhammad ﷺ darkaar hai'n _,"*

*"_ Fir Aap ﷺ ne unhe Narmi se wo Maslihat samjhayi jiske Tahat Quresh Ki Diljoi Zaroori thi,*

*"❀_idhar 6 Hazaar Jung ke Qaidi Qismat ke faisle ke muntazir they, Huzoor ﷺ poore 2 Hafte Tak muntazir rahe k koi unke bare me aa kar shayad baat cheet kare, Maale Ganimat ki Taqseem bhi isiliye roke rakhi, magar Jab koi na aaya to Taqseem Amal me aa gayi,*

*"❀_ Taqseem ke baad Halima Sadiya ( Huzoor ﷺ ki Raza'i Walida ) ke Qabile ke Mo'azizeen ka Wafad Zuber bin Sard ki Sardaari me Qaidiyo ke Mutalliq baat cheet karne Haazir hua, Zuber ne Huzoor ﷺ ko Mukhatib bana kar badi mossir Taqreer ki aur Kaha - Jo Aurte'n Chhapparo me mahboos (rakhi gayi) hai'n unke Aapki foofiya'n hai'n, Unme Aapki Khalaye'n hai'n, Khuda ki qasam ! Agar Salateen Arab me se kisi ne Hamare Khandaan me doodh Piya hota to unse bahut kuchh ummede hoti, Aapse To Hume aur bhi zyada Tawaqqo hai'n _,"* 

*❥❥_ Huzoor ﷺ ne Wazahat ki k Mai'n to khud muntazir tha k koi aaye, Majburan Taqseem kar di gayi, Ab Jo Qaidi Bani Hashim ke Hisse me aaye hai'n Unko Mai'n tumhare hawale karta hu'n, Baqiyo'n ke liye Aam majme me Namaz ke baad baat karna, Namaz ke baad Zuber ne Apni Darkhwast dohrayi, Aapne farmaya - Mujhe Sirf Apne Khandaan per Akhtyar hai Albatta Mai'n Tamaam Musalmano se Sifarish karta hu'n _,"*

*"❀_ Foran Muhajireen v Ansar bol uthe k Hamara hissa bhi Haazir hai, Sirf Bani Sulem aur Bani Fuzara ke Liye ye Tajurba bada Anokha tha k Lad kar Maftooh hone wale Dushman ke Qaidi Muft me riha kar diye jaye'n, Aakhir Huzoor ﷺ ne unko 6 Ou'nt fi Qaidi de kar Baqiya ko bhi riha Kara Diya, Poore 2 Hazaar Qaidi Azaad ho gaye,*

*"❀_ Mutaddid Qaidiyo ko Huzoor ﷺ ne Kapde bhi diye, Aam Fateheen Ke Ba Khilaaf na sirf Qaidiyo ki Jaan Bakhshi ki balki bila Fidiya unko Bator Ahsaan ke riha kar diya, Asal Maqsad Yaha'n Logo'n ko Halaak karna ya Gulaam jama karna nahi tha, Maqsad to Sirf Nizaame Haq ki Aqamat aur Dilo ko iske Liye Hamwaar karna tha,*

*"❀_ Is Muhim se Faarig ho kar Aap ﷺ ne Umra Ada kiya aur Utaab bin Usaid Raziyallahu Anhu ko Makka ki Amarat ka Mansab So'npa aur Madina Waapas Tashreef le gaye,* 

*❥❥__Wo Tamaam Jungi Aqdamaat Jo Madina ki islami Hukumat ki Taraf se Amal me aayi, Un Saare Moarko ko Saamne rakhiye aur Un Siyaasi Halaat ko bhi Nigaaho me Taza kar Lijiye jinke Tahat ye Karwaiya'n Waajib ho gayi'n thi'n, Tasleem kiye bager Chara nahi k Ek Ese Shakhs ko jo Husoole Jaah v Jalaal ke bajaye Mahaz Haq aur Sachcha'i ka Farog ( Roshni ) chahta hai, Jo Bazor Shamsheer Apna Asar paida karne ke bajaye Daleel aur Akhlaaq se Duniya ko Mutassir karna Chahta hai, Jo inteqam ke Bajaye Darguzar se aur Tashaddud ke bajaye Lutf v Ahsaan se kaam leta hai,*

*"❀_ Jo Khoon bahane wali Talwaar ke bajaye Muahida ( Agriment) likhne wale Qalam se Masa'il Hal karne ko Tarjeeh deta hai, Use inqilabi Dushman Hareefo ne Sakht Majboor kar ke Maidane Jung me Talab kiya, Koi Ek Lamha esa nahi guzra k wo Chain se Beth saka ho, Hairat Hoti hai k is Aalam me Huzoor ﷺ ne kese Wo Azeem Tameeri karnama Sar Anjaam de liya Jisne Tareekh ke dhaare ka Rukh badal diya aur insaniyat ko ek naye Naqshe per Dhaal diya,*

*"❀_ Wohi Hasti is Lihaaz se insaniyat ki Azeem Tareen Mohsin hai k usne Salamti ke Paigam ko poore Arab me aur fir Saari Duniya me pahu'nchane ke liye Talwaaro ki Chha'nv me se Apna Raasta nikala aur intehayi Jung Pasand Hareefo ki Muzahmat ko Tod kar Nizaame Adal ko barpa kiya aur use Takmeel di,*

*❀"_ Dekho k Hamari Falah v Behtari ke liye Huzoor ﷺ kin Aziyato kin Mushkilo, Kin Awezisho aur Kin Toofani Hungamo se guzre aur Azimat Amooz Andaz se guzre, kis Shuja'at se Har Hareef ke Chellenge ko Qubool kiya aur Zulm v Fasaad ki Har Taaqat ke Sar ko jhukaya, Bikhre hue Qaba'il ko ek kar diya, Unko Jaahili Qayadat se Nijaat dilayi, Unko Taleem v Tazkiya se guzara, Aman Ka Mahol Faraham kiya, Qanoon ki Alambardaari qaa'im ki, Ma'ashre me Bhai Chara aur Barabari ki Buniyad daali, Hukumat ke Liye Shuraa'iyat ke Usoolo per Jamhoori Daur ka Agaaz kar diya,*

    ⊙══⊙══⊙══⊙══⊙══⊙══⊙                           

          

        *⚂ MOHSIN E INSANIYAT ﷺ ⚂*

 ─━━━════●■●════━━━─

*❥❥_ Huzoor ﷺ ke Jungi Aqdamaat ko dekhe'n to Morka Badar se le kar Fateh Makka tak ( Fateh Khaibar Samet) Kul Paa'nch bade Morke hue, Jo Dar Asal Haqeeqat Ke Lihaaz se Saare Ke Saare mudaf'ana ( Hifazati) hi they, Lekin inme se Sabse Pehle Teen to isi Soorat me lade gaye jabki Dushman ne Chadhayi kar ke Madina per Dhava bola, le de kar Do hi Kaarwaiya'n Madina se Khud Huzoor ﷺ ne pesh Qadmi kar ke ki, Yani ek Fateh Makka ( Hunain Samet) ke liye aur Doosri Fateh Khaibar ke liye,*

*"❀_ Bas in do hi Aqdamaat me Faisla ho gaya, Muddat ke Lihaaz se dekhe'n to Morka Badar se Fateh Makka tak Kul Zamana 6 Baras ka hai, Huzoor ﷺ ne Apne Azeem Tabligi v Taalimi aur Tameeri v islaahi Karname me 23 Baras ki Lambi muddat khapayi aur isme se Faqat 6 Baras ese hai'n k Jinme Taleeme insaniyat ke Mukhtalif kaamo ke Saath Saath Hareefo ki Shamsheer Jung Pasand ka Muqabla bhi Majburan karna pada,*

*"❀_ intehayi mubalga se Andaza kare'n to bhi Saare ke Saare Moarko me Majmui Tor per 15 Hazaar se zyada Afraad Huzoor ﷺ ka Muqabla karne na aaye ho'nge, unme se Sirf 759 Jaano ke badle Arab ki Ka'i Laakh ki poori Aabaadi Sanwar Sudhar jati hai, 10 Baras ke arse me jo Tareekh ki Wus'ato me bahut hi mehdood dikhayi deta hai, Arab jese Sehra ko Zindgi ke Ek Madarsa E Falaah me badal Dena aur Tamaam bikhre hue Qabilo aur intehayi Wehshi, Sirfire aur Jungju Logo'n ko isme Dakhil kar lena aur fir unko Azeem Sachchaiyo aur Pakiza Akhlaaq ki Taleem dene me Kamyaab ho jana na Sirf Taleem dena balki Poori insaniyat ke liye unko Muallim v Murabbi bana Dena Shayad Huzoor ﷺ ki Nabuwat ka Sabse bada Himmati moajza hai,*

*"❀_ Aur Ye Amr har qism ke Shak v Shub'ha se Balatar ho jata hai k islam ki inqilabi Tehreek ke Khilaf Jahiliyat ki Kashm Kash ka Faisla hone me jungi Moarko ka kitna bhi Asar pada ho lekin baharhaal faisle ka Asal Maidaan Aam Raay ka Maidaan tha balki Zara Roohani Zubaan me baat kahe'n to Dilo'n ka Maidaan tha, Arab ke laakho Mard v zan Maftooh hue to isi Maidaan me Daleel aur Akhlaaq ke Aslaha se Maftooh hue,*

    ⊙══⊙══⊙══⊙══⊙══⊙══⊙        

          *⚂ DALEEL KI QUWWAT ⚂* 

 ─━━━════●■●════━━━─

*❥❥_ Is Haqeeqat Ko Waaze karne Ke Liye Hum Aakhri Qisto me ye batana chahte hai'n k Har Taraf se Mukhalfato aur Muzahmato ke nit naye Toofano ke Bavjood ye kese Mumkin hua k Ek qaleel muddat me 10-12 laakh murabba meel per faili hui Kaseer Tadaad Aulade Aadam islami Nizaame Hayaat ke Saaye me aa gayi,*

*"❀_ Haqeeqat ye hai k Dawat Agar Haq ho, Tehreek agar insaani Falah per mubni ho aur uske Alambardaar agar Mukhlis aur isaar pesha ho'n to Mukhalfate aur Muzahmate hamesha inqilabi Qafile ke liye nafe ka kaam deti hai, Har Rukawat ek Sange meel ban jati hai, Raaste ka Har Kaa'nta Rehbari karne lagta hai, Yahi Vajah hai k Sachchayi Agarche ek Aqliyat ke Saath ubharti hai lekin Aksariyat ko Fateh kar leti hai,*

*"❀_ Aaiye dekhe'n k Tehreeke islami ne kin kin Quwwato se kaam le kar Aam Daayre me Tezi se Qadam badhane ke Raaste banaye,*

*"❀_(1)_ Daleel Ki Quwwat:- Tehreek islami ki Sabse badi Quwwat Daleel ki Quwwat thi,*

*"❀_ Tehreek islami ne Apni Dawat pesh ki to Soti hui Aqalo ko cho'nkaya, Dimago ko Jhanjhod kar bedaar kiya, Aa'nkhe khol kar dekhne aur kaan khol kar Sunne ki Talqeen ki, Nizaame Kaynaat me Tadabbur karne ki Targeeb dilayi, Zameen v Aasmaan ke Ahwaal ka Tajurba karne ka Sabaq diya, Nit naye Sawal chhed chhed kar Fikro me Tehreek paida ki, Zehni Taqleed ke Bandhano ko toda, Fizool Rivayato aur Rasmo ke Jaal para para kiye, Baap Daadao aur Purane galat Tareeqo ko Baatil kiya,*

*"❀_ Algarz isne Jahiliyat ke musallat karda Aqali Jang ko Saaf kar diya, is tarah Jo Jo Roohe'n jaagti gayi'n aur Jin Logo'n ki Aqale Angdaiya'n le kar uthne lagi'n unke Saamne Zindgi ki Buniyadi Sachchaiya'n rakhi aur Apne istadlaal ke zor se Ek ke baad Ek unko Mutassir kar ke chhoda,*

*❥❥_Tehreek islami ne Khuda E Wahid Ko Khaaliq, Maalik, Raaziq, Haakim aur Haadi ki haisiyat se pesh kiya to is Zor se pesh kiya k jawabi Waham kundh ho kar reh gaye, isne insaani Quwwate mushahida ko Ek kar ke Dawat di k Zameen Aasman ki Jadugari per nigaah daalo, Chaand Taaro ki Gardish per gor karo, Mausamo, Hawao'n aur Barisho ke Nizaam me kaawish karo, Nabadaat ke paidawar Ke Manzir se Sabaq lo, Haiwanaat Ki Parwarish aur unki Nasl me Dimaag Khapao, insaani Giroho ki Ranga Rangi aur Ranjisho ka muta'la karo, Apne Nafs aur Aqal ki gehraiyo'n me jhaa'nko, Tum dekhoge k Har Taraf Atal Qawaneen Apna Kaam kar rahe hai'n, Har Daayra E Vajood me Ek Nazam kaam kar Raha hai,*

*"❀_ Ye Qanoon Ye Nazam, aur Tawafiq ye Ta'awun, Ye Wehdat Ye irtqa Apne Aap Ittefaqan nahi hua, Cheeze Apne Aap khud Tajveez nahi karti, Apna Naqsha khud nahi banati, Beshaoor aur bejaan Madda Kaynaat Ki Takhleeq Apne Aap nahi karte, Anasir ( Hawa Pani mitti Aag ) Aapas ke Mashware se Ittefaq nahi karte, balki Balatar Hasti Fa'al v Mukhtaar aur Hakeem v Khabeer Hasti, Ek Naazim Ek Director Ek Hukmran aur Ek Qanoon Saaz Ki haisiyat se kaam kar rahi hai,*

*"❀_ Tamaam Qanoon aur Makhlooq usi Ki Tasbeeh kehte hai'n , Tamaam Mojudaat uske Huzoor Sajda rez hai'n, Tamaam Makhlooq usi ke Hukm ki Paband hai, Azeem Suraj se le kar Nanhe Sitaare tak har Cheez uski baargah me Muslim ki haisiyat se Sar Jhukaye hue hai,*

*"❀_ Fir islami Tehreek ne bataya k Agar itne bade Karkhana E Vajood ke Ouper ek se zyada Maalik aur Muntazim hote to unke darmiyan Takraav ho jata, aur Ye Kaynaat kisi Tarah bhi qaa'im na rehti jiska tum mushahida kar rahe ho, Goya Kitaabe Kaynaat ka Har Warq khuda ki Hasti hi per nahi balki uski Toheed per aur uski mukhtalif Sifaat per Muhakkam Dalaa'il se bhara pada hai,*

*❥❥_ Fir islami Tehreek ne Dalaa'il ke zor Se Waaze kiya k ye Kaynaat jo poori ki poori Khuda ke Deen aur Qanoon me Jakdi hui hai aur Jiska Har Zarra uske Saamne sar Jhukaye Haazir hai, Tum khuda ki Bandgi karoge to Saari Kaynaat Tumhare liye Musakkhar (Taabe) ho jayegi, aur Tum Agar Khuda se Bagawat aur Kufr karoge to Nizaame Kaynaat se Tumhara Nizaame Tamddun be Rabt ho jayega,*

*"❀_ Is Kaynaat me insaan ke Liye bhi Falah ki Wahid Raah yahi hai k Wo khuda ke Deen aur Khuda ke Qanoon ka Paband ho kar rahe, Tum Jo khuda ke paida karne se paida hote ho, uske Rizq per palte ho aur Haa'n Tum k Jinke Badan ka Uzv Uzv aur jinke A'aza ka Zarra Zarra Muslim ban kar khudayi Qanoon me jakda hua hai, Tumhare Liye Zindgi ki Koi Sidhi Raah hai To khuda ki Bandgi hi ki Raah hai, Tumhari Fitrat ka Khameer isi Bandgi ke Ahad se uthaya gaya hai aur Tumhare Zameero me Ahsaase Abudiyat pewast hai,*

*"❀_ Fir islami Tehreek ne isi Zore istadlaal se ye Haqeeqat bhi ujagar ki k khuda ki taraf se Hidayat ki Ahatyaj har har Zarre ko hai, Wohi Anasir ki Taqdeere muqarrar karne wala hai, Doosre Mojudaat ki Tarah insaan bhi uski Hidayat ka usi tarah Mohtaaj hai jese Wo Roshni Hawa aur Pani ka Mohtaaj hai,*

*"❀_ Khuda ne Apni Hidayat se Makhlooq ko fayda pahu'nchane ke liye Wahi ka Nizaam muqarrar kiya hai, insaan Chu'nki Sha'oor se Fayada Uthata hai isliye uske liye Wahi ki wo Takmeeli Soorat muqarrar ki gayi hai Jiske Tahat uske Sha'oor ko Mukhatib kiya jata hai, Fir islami Tehreek ne Apni Usooli Dawat ke is Juz ko bhi Daleel hi ke zor se Qabile Qubool banaya k Jab is Kaynaat me illat v Ma'alool aur Sabab v Natije ka Qanoon kaam kar Raha hai To insaan ke Akhlaqi A'amaal ko bhi is Jaame Qanoon ke Tahat kisi Takmeeli Natije tak pahu'nchna chahiye,*_

*❥❥_ Iske Saath Saath isne Ye bhi dikhaya k insaan ki is Mehdood imtehani zindgi me Mehdood Qanoon Mukafaat ke Tahat is Aarzi zindgi ke baad kisi naye Daure Hayaat me insaani Aamal ke Natijo ko bharpoor Tareeqe se Zahoor karna hai, Khudayi Amal jo Har Taraf kaar farma hai, iska Aqali Taqaza ye hai k Jo jesa kare wesa bhare, is tarah isne Hayaat Ba'adal Maut aur Muhasba E Aakhirat aur Ajar v Saza ka Tasavvur diya,*

*"❀_ Fir in Saari Buniyadi Sachchaiyo'n ko Saabit karne ke liye isne pichhli poori insaani Tareekh pesh kar di, Ek Ek Qaum ki Dastaan ko liya aur dikhaya k Jin insaani Giroho ne zindgi ka Nizaam in Haqaa'iq per Uthaya unhone falah payi aur Jinhone inse Rugardani ki Wo Khwaar v Ruswa ho kar maliya Met ho gaye,*

*"❀_ Jin Afraad ne inko Qubool kiya Unke Dilo Dimaag Roshan ho gaye aur Unke Kirdaar jagmaga uthe aur jinhone inki Mukhalfat ki wo Pastiyo me girte chale gaye, Dikhaya k ye Wo Sachchaiya'n hai'n jinki Dawat har doosri Tareekh me Har Qaum ke Saamne ek hi Tarz ke Logo'n ne baar baar pesh ki aur unko Gaalib karne ke liye belos Jazba E ikhlaas ke Saath jaan v maal ki Saari mata'a nichhawar kar dikhayi,*

*"❀_ Islami Tehreek ki ye Dawat Apne Poore istadlalaat ke saath Qur'an me faili hui hai, ise Bade Husne Takraar se pesh kiya gaya, ise Dilruba Tasreef Aayaat ke saath laya gaya, iske liye Behatreen Adabi Zubaan istemal ki gayi, isme Jazbaat E Lutf ka Ras ghol diya gaya, Mukhalifana aitrazaat ko Saath ke Saath Saaf kiya gaya, Mukiro aur Hareefo ki nukta Aafteeni aur Tanz v istehza ka Sanjeedgi se Tajurba kiya gaya,*

*"❀_ Fir Kahi'n ibrat dilayi Kahi'n Tambeeh ki, Kahi'n Sharm dilayi Kahi'n Chellenge kiya, Kahi'n Narmi aur Lataaif se Dilo ko pighlaya, Kahi'n istafhaam ka andaz Akhtyar kiya, Kahi'n Tajjub hairani ka rang bhara, Garz ye k mukhtalif Tareeqo se insaani Zehan ko is tarah ghera k Arbaabe Sha'oor ke liye koi doosra Raasta hi na rehne Diya,*

*❀"_ Agar Baazi Talwaar ke zor se Fateh ki jane ki hoti to Aakhir istadlaal, Dalaa'il, Saboot ke itne Ahatmam ki zarurat hi kya thi jo Qur'an ke Do Tihaa'i balki Zyadatar hisse me faila hua hai, Dar Haqeeqat islami Tehreek ki bepanah Daleel ki Quwwat ne Apne Mukhatibo ko bedam kar diya aur unme se Ahle Sa'adat ne Haq ko Qubool karne ke liye Dilo ke darwaze khol diye aur Ziddi log Majboor hue K Daleel ki Baazi khatm kar ke Tashaddud ke oachhe Hathiyaro per utar aaye, Jo bhi Dawat Tehreek Apne Mukhatibo ko is Marhale per pahu'ncha deti hai Wo Aakhirkaar Maidaan maar le jati hai,*

    ⊙══⊙══⊙══⊙══⊙══⊙══⊙                           

     *⚂ Kirdaar ki Akhlaqi Quwwat ⚂* 

 ─━━━════●■●════━━━─

*❥❥_ Muslim Kirdaar ki Akhlaqi Quwwat:- Koi Dawat bhi Agar Sirf Lafzi Dawat ho aur uske Saath Akhlaqi zor mojood na ho to wo kesi hi Zire kyu na ho aur Thodi der ke Liye Dilo per Kitna hi Jaadu kyu na taari kar le, Aakhir kaar Dhue'n Ke Margolo Ki Tarah Fiza me Tehleel ho jati hai, Tareekh per Alfaaz se Kabhi koi Asar nahi dala ja sakta aur Akeli Zuban kabhi inqilab nahi utha Sakti,*

*"❀_ Alfaaz Jabhi mossir hote hai'n jabki Amal ke Lugat ke ru se unke Kuchh ma'ani ho'n, Daleel jab Kirdaar ke bager aaye, Appeal jab ikhlaas se khaali ho, aur Tanqeed jab Akhlaqi Lihaaz se khokhli ho to insaniyat usse Mutassir nahi hua karti, Kirdaar ki Akhlaqi Quwwat hi kisi Dawat me Asar bharti hai, Amal ki Shahadat ke bager Zuban ki Shahadat bekaar Saabit hoti hai,*

*"❀_ Haq ye hai k , "Allah ke Nazdeek ye Sakht na Pasandida harkat hai k Tum kaho wo baat jo karte nahi ( Surah- Saf-3) islami Tehreek ki Dawat Sirf Lafzi Dawat na thi, Wo Sarasar Ek Paigaam E Amal thi aur Wo Ek khaas Tarz ka insaan banane aayi thi aur Wo insaan usne Awwal Roz se banana Shuru kar diya, Us insaan ka Tarze Fikr, uske Akhlaqi Ausaaf aur usi ka Man Mohna kirdaar tha Jo uske Dalaa'il ko Haqeeqi Wazan, Uski Appeal ko Sachchi Jaazbiyat aur uski Tanqeedo ko gehra Asar dene wala tha,*

*"❀_ Huzoor Sarware Kaynaat ﷺ ne Makka me Apni infiradiyat ki Shaan dikhayi thi aur Madina me aa kar Aapne Apni ijtimaiyat ka jalwa dikhaya, Aap ﷺ ne insaan ki Tameer ke Asal kaam se kabhi Gaflat nahi barti, Doosro ki islaah karne ke Jazbe me ise kabhi Faramosh nahi kiya, Ek ese Ma'ashre ke Darmiyan jiski Nigaaho me kamane aur Khane pine se zyada ou'ncha koi Maqsad na tha, Jiski har Majlis ek Maikada aur Ek Sharab Khana aur Raqs gaah thi, Jaha'n Shuja'at ka istemal dange Fasaad Qatl inteqam dar inteqam aur lootmar ke alawa kuchh na tha, aur Jaha'n Tamddun ek ese Jungle me badal gaya tha jisme insaani darinde dahadte rehte they aur Shareef aur Miskeen log unke liye Saste Shikaar bane hue they,*

*❥❥_Waha'n Janabe Muhammad ﷺ jab insaniyat ke Ek Saleh Qafile ko liye hue Namudaar hue to iska Vajood Awwal Roz se Mahol me intehayi numaya tha, Log insaniyat ke is Naye Namoone ko Achambhe se dekhte aur use Har Pehlu se mukhtalif aur Mumtaz pate, Fir uski Poori Nasho Numa unki Aa'nkho ke Saamne hoti aur Uski Taleem v Tarbiyat ka Saara kaam Awwal se Aakhir tak Awamun Naas ne khoob Achchhi tarah dekha,*

*"❀_ Khawas aur Awaam har Subeh aur Har Shaam dekhte they k Kalma islam ke baad digar Achchhe Achchhe Afraad ko khee'nchta chala jata hai, Yakayak Dil ke haatho Majboor ho kar Log uthte hai'n aur Apne Aapko is inqilabi Tehreek ke Supurd kar dete hai'n,*

*"❀_ Wohi Jo Pehle Muhammad ﷺ ke Khilaaf Daa'nto aur Nakhuno tak ka zor Sarf kar ke Lad rahe hote hai'n, Achanak Wohi Sar Jhukane Wale ho jate hai'n, Jese Kisi ne un per Jaadu kar diya ho, Fir jo koi bhi Kalma Haq ki Qubool karta hai Aanan Faanan uske Zahan v Kirdaar me Khush Gawaar Tabdili aane Lagti hai,*

*"❀_ Uski Dostiya'n aur Dushmaniya'n badal jati hai'n, Uski Aadaat aur Uske Zoq me inqilab aa jata hai, Uske Mashagil naya Rang Akhtyar kar lete hai'n, Uski Pehli Dilchaspiya'n khatm ho jati aur Nayi Dilchaspiya'n paida ho jati hai'n, Fir wo intehayi Nek aur Khush Mizaaj Shakhsiyat se Araasta ho jata hai, Uski Soyi hui Salahiyate jaag uthti hai'n, Uske Zameer ka Chiraag poori Lo dene lagta hai, Goya uske Andar se bilkul ek doosra Aadmi Namudaar ho jata hai,*

*❥❥_ Qatil aate aur insaani Jaan Ke muhafiz ban jate, Chor aate aur Ameen ban jate, Zaani aate aur iffat v Haya ke pekar ban jate, Daku aate aur Suleh v Dosti ke Muallim ban jate, Sood khor aate Aur infaaq karne wale ban jate, Kund zahan aate aur unke andar se A'ala Qabiliyato ke Chashme ubal padte, Adna Samaji Martabo se uthte aur Sharf ki Bulandiyo ko chhu lete, jese ye kisi aur hi Duniya ki Makhlooq ban gaye ho'n,*

*"❀_ Jese Ye mitti ke putle na ho'n, balki kisi doosre johar se unhone Vajood Paya ho, Ye khuda ke Parastaar Rasulallah ﷺ ke Diwane , Shama E Sadaqat ke Parwane, Neki ke Naqeeb Bhalayi ke Daa'i, Badi ke Dushman, Zulm ke Mukhalif, Ye Ruku v Sujood me qaraar pane wale, Ye Qur'an padhte hue girya betaabi me kho Jane Wale, Ye Dino ko maqsad ke liye daud dhoop karne wale aur Raato ko Allah se lo lagane Wale,*

*"❀_ Miskeeno ko khana khilane wale Musafiro ki khabar giri karne wale, Yateemo aur Bewao'n ke Saro per Shafqat ka Haath rakhne wale, Lahu v La'ib se be Talluq, Aisho ishrat se door, Fizool bahaso se Kinara kash, Sanjidgi v Waqaar ke pekar, Shaa'ishtgi v Saliqa ke mujassame aur Ye Mehdile Hasti me Ajnabi ban Jane Wale log ye Apni hi Bastiyo'n me reh kar gareebul watan..., Aakhir kese Mumkin tha k Saare Arab ki Nigaahe in per murtakaz na ho jaye'n,*

*"❀_ Ye Daa'nye islam ! Jo bager kisi Los ke Deen ki khidmat me Hamatan lage hue they, Kisi Mu'awze ke bager Tehreek ke Hama Waqti kaarkun they aur Duniya ki Bhalayi ke liye Apne faayde ko bilkul baala E Taaq daale hue they, Ye Apne Muqaddas Nasbul ain ke Liye Dimaago ki Kaawishe, Jismo ki Taaqate, Jebo ke maal aur Waqt aane per Apni aur Apne Bachcho ki jaane tak Sarf karne wale log they,*

*❥❥_ Na unko Rozi ki Fikr thi, na Tab badan ka hosh tha, na Raato ki Neend ka Khayal tha na Bivi Bachcho me Magan rehne ki Mohlat na Khel Tamasho se dil behlane ki Fursat, Unhone Ha'nste Muskurate Mukhalifo ki Gaaliya'n Suni, Khushi Khushi Faaqe kaate, Ruhani Masarrat ke Saath Watan chhode, Sabr ke Moqe per intehayi darja ka Sabr dikhaya aur Muqabla karne ka Waqt aaya to Mazboot Haatho se muqabla kiya,*

*"❀_ Ahad Ahad kehte Tapti Ret per lot gaye, Wajad Aafreen Shayr padhte padhte Sooliyo per latak gaye, Ghayal ho kar gire to Maa'ile parwaz rooh jhoom kar pakar uthi Rab Kaaba ki Qasam Mai'n to muraad pa gaya, Ye Kirdaar ho aur Fir Duniya Sar Ke Bal na Aaye ? Is Muslim Kirdaar ne Har moqe per esi Zari Misaale qaa'im ki k Zindgi ki Peshani unke Noor se Yaume Aakhirat tak jagmagati Rahegi,*

*"❀_ Is Kirdaar Ke Murabbi ne Makka se Rawana hote hue Apne Qatilo ki Amanato ki Waapsi ka Ahatmam kiya, isi Kirdaar ne Zina ka Zurm Sarzad ho jane per Bator Khud pesh ho kar iqraare Jurm kiya aur islami Adalat se ba israar intehayi Muslimeen Saza E maut Apne Liye qubool ki taki Wo khuda ke Huzoor me Paak ho kar pesh ho sake, is Kirdaar ko quboole islam ke Chand hi minute baad jab ek Haseen ne Dawat E Aish di to usne Ye keh kar thukra diya k Ab Mai'n khuda aur Rasool ki Nafarmani Nahi kar Sakta,*

*"❀_ Ansar ne Apne Ghar baar aur Maal v Mata Aadho Aadh baant kar Muhajireen ke Saamne rakh diye, kya Awaam ke Dil is Bhai Chare ko dekh kar khinchte na ho'nge k Adna Tareen Gulam Khandaani Bastiyo'n ke Saath aur Gareeb Tabqo ke Afraad Ahle Sarwat ke Saath aur Gharo se ujad kar aane wale Log Madina ke Muqami Bashindo ke Saath Ek Saf me khade hai'n, Har Ek ko Ahmiyat Haasil hai, Har Ek ki izzat hoti hai, Har ek ki Raay Wazan rakhti hai aur Har Ek ko zimmedariya'n uthane aur Johar dikhane ka moqa milta hai,*

*❥❥_Ye Ek Biraadri hai Jiske Saare Afraad Achchhe Halaat me bhi Shareek rehte hai'n aur Takleef aur Musibat me bhi Hissedar bante hai'n, Unke gam mushtarik unki masarrate mushtarik, unka Sochna mushtarik aur unke Aqdaam mushtarik, Bhook ka daur hai to usme Sabse bada Hissedar Society ka Qaa'id hai aur Khush haali ka Daur aata hai To usme Sabse Kam Hissa wo Apne liye leta hai,*

*"❀_ Is Kirdaar ki Tasveere Qur'an ne Khee'nch khee'nch kar baar baar Mukhalifeen ko bhi aur Awaam Ko bhi ye Ahsaas dilaya k dekho insaniyat ka ye Namoona jo Nazariya Haq ke Noor se Banta hai kitna Afzal hai, aur Aman v Salaamti ka Husool Agar mumkin hai To isi ke Zariye mumkin hai, is Kirdaar ko Tehreeke islami ne Apni Dawat ki Sachcha'i ki Daleel bana kar Saamne rakha, fir baar baar is Kirdaar ka Taqabul Jaahili Kirdaar se bhi kiya, Ahle Kitaab ke kirdaar se bhi kiya aur Munafiqeen ke Kirdaaro se bhi kiya, Dono ko Aamne Saamne rakh kar dikhaya k dekho aur khud raay qaa'im karo,*

*"❀_ Khud Sarware Kaynaat ﷺ ne Apni Jama'at ke ek ek Fard per poori Tarah Tavajjo ki aur Behatreen moqe per kabhi Nasihat se, kabhi giraft se, Kabhi Naraazi se, kabhi izhaare khush noodi se kaam le le kar Muslim Kirdaar ko Nasho Numa di, Jisme jesi Salahiyate dekhi aur Mizaaj ki jesi Saakht payi usko uski Zaruriyaat ke mutabiq Mashware diye aur jisme jis No'iyat ki Kamzori dekhi uske Saamne Deen E Haq ka Wesa hi Akhlaqi Taqaza bayan kiya,*

*"❀_ Gair Muslim Walden ki ita'at ki Takeed karne ke Saath Saath ye Kada Hukm bhi diya gaya k Deen ke Khilaaf kisi ki koi ita'at nahi ki jati, is Kirdaar ki Shaan ye thi k wo na Iraan ki pur Shikwa Tehzeeb se Mutassir hua aur na Rom ke Thaath daar Tamaddun ke Saamne uska Dil pasija, Wo bade bade Darbaaro me Apni Baddiyana Shaan ke Saath Qaleeno ko ro'ndta hua bager Apni gardan Jhukaye pahu'ncha, aur kehne ki baat is tarah ki jese wo Bono ke Darmiyan khada baat kar raha ho, is Kirdaar ko jab Zehni Lihaaz se itna mustahkam bana diya gaya aur Har qism ke Ahsaase Kamtari se use Balatar kar diya gaya, to fir use Hareefo ne Maidane Jung me bhi pukara to usne Shuja'at v isteqamat ki zinda Javed Nazeere qaa'im kar di,*

*❥❥_Is Muslim Kirdaar ke beshumar Kattar Mukhalifeen ho'nge, Jo uska Tanz v istehza karte hue Dil hi Dil me mehsoos karte ho'nge k Ye humse Hazaar Darja Afzal aur Bartar hai'n, Beshumar Hareef Zaahir mukhtalfat karne ke Bavjood Baatin me Rashk karte ho'nge k Kaash k hum bhi is Biraadri me Shamil hote, is Kirdaar ko Gaaliya'n dene wale iske Khilaaf Propoganda karne wale kabhi kabhi Lamha E Fikriya me pad kar Apne Aapse kehte ho'nge k hum Jhoot bol rahe hai'n aur Apne Aapko Dhoka de rahe hai'n,*

*"❀_ Kitni Muhabbat bhari zindgi thi, kitni Halki fulki, Kitni Pur Aman aur kitni itminaan Bakhsh Sahi ma'ano me Hayaat E Tayyaba ! Esi kai Misaale nit nayi Misaale jis insaani Mahol me Namudaar hoti rahi, Kya Duniya ko unka isaar dekh dekh kar unse Muhabbat na hoti hogi ?*

*"❀_ Yaha'n hum Chand Misaale Bayan karenge k kis Tarah islam ka jaadu har Charo Taraf se bikhre hue zarrate insaniyat ko Apni Taraf khee'nchta chala gaya, pehle Makka ke Daur ke Le lijiye, Mash'hoor Shayar Tufel Dausi aate hai'n aur Quresh unhe Huzoor ﷺ se Milne se baaz rakhte hai'n, Aakhir Wo khud Haazir hote hai'n aur Qur'an ki Chand Ayaat sun kar mahaz unke Asar se islam qubool kar lete hai'n,*

*"❀_ Amru bin Absa Huzoor ﷺ ka Charcha Sun kar aate hai'n aur islam Dil me jagah pa leta hai, Huzoor ﷺ ke Bachpan ke Saathi Zumad bin Saalba Salaah Kaar aur Charagar ban ke aate hai'n, Magar Zubaan Mubarak se khuda ki Hamd ke Chand bol sun kar hi Maftooh ho jate hai'n, Ek Sahrayi Qabila jiska pesha daaka Zani hai, Uske Ek Nojawan Abuzar Islam ka Charcha Sun kar aate hai'n aur Mukhalif Mahol se Bach Bach kar Huzoor ﷺ tak pahu'nchte hai', Hai'n, Dawat Sunte hai'n aur Tehreek Haq ko Apna Dil de bethte hai', Hai'n, Unme Yakayak Ek Jazba uthta hai aur Wo Haram me ja ja kar kalma Haq ka Elaan karte hai'n, Fir Jo Jo Shakhs Tehreek islami ke Halqe me dakhil hota gaya, Wo Apne Daayre Asar me khud ek Daa'i ban gaya,* 

*❥❥__Baaz Ke Asar se Qabile Ke Qabile islam ko Qubool karte gaye, Suwed bin Saamit Huzoor ﷺ se Mulaqaat karte hai'n aur gehra Asar le le Jate hai'n, Ayaas bin Ma'az Madina se aa kar Huzoor ﷺ ki Dawat ke Qayal ho jate hai'n aur Fir Madina se Nizame Haq ke Talabgaar paida karte hai'n, Najraan se 20 iysaa'iyo ka Wafad aa kar Huzoor ﷺ se islam ke Paigam ka Sha'oor haasil karta hai aur Bavjood ye k Quresh unko Wargalate hai'n, Ye Log Haq ki Roshni ko Seeno me jazb kar ke Rukhsat hote hai'n, Muhajireen E Habsha se Yaman ke log Mutassir ho kar islam ko Seeno me jagah dete hai'n aur inhi ke Zariye Shahe Najashi ka Dil imaan se Munawwar ho jata hai,*

*"❀_ Madina me Aus aur Khazraj ke Log to Huzoor ﷺ ki Aamad se pehle hi Tezi se islam me aa rahe they aur Huzoor ﷺ ke Hijrat kar ke aa jane ke baad to koi Ghar Khali na raha jisme islam ki Roshni na ja pahu'nchi ho, Hairatnaak ye tha k Yahood ke Ek Aalim Abdullah bin Salam Huzoor ﷺ ke Ek Saada se Khitab ko sun kar Qareeb aa jate hai'n aur Thode se gor v Fikr ke baad faisla kar ke Sarware Aalam ﷺ ki Khidmat me Shahadat E Haq Ada karte hai'n,*

*"❀_ is Tarah iysaa'iyo me se ek Namoor Raahib v Aalim Abu Qais Sarma bin Abi Anas Tehreek islam ki pukar per Labbek kehte hai'n, Juber bin Mut'am Badar ke Qaidiyo ko chhudane aaye they aur Huzoor ﷺ ki Zuban se Chand Aayaat ko Tavajjo se Sunne ka moqa mila, Haqeeqat esi Munqashif hui k Unhone Mehsoos kiya k Jese Dil parwaz kar gaya hai, Quresh ke Gulaam Abu Raafe Makka ki Taraf se Safeer ban kar Madina aaye to Seena islam ke liye khul gaya, Waapas jane per Tayyar na they, Huzoor ﷺ ne Samjhaya k Safeer ko roka nahi ja Sakta, Tum Waapas jao aur Fir islam ki Kashti idhar Khee'nche to Madina aa jao, Chuna'che wo Makka gaye aur Waapas Madina aa gaye,*

*"❀_ Banu Qureza ke khilaaf unke Jara'im ki Saza dene ke liye Chadhayi hoti hai to is Aalam me ek Fard Amru bin Sa'ad islam Qubool karte hai'n, Sumama bin Usaal Hanfi Raies Yamama Qaid ho kar aate hai'n aur Huzoor ﷺ ke Tarze Amal se Mutassir ho kar islami Jama'at ka Ek Fard ban jate hai'n, Gazwa Uhad barpa hai k Amru bin Saabit Asiram ( Bani Abd Ash'hal ) ain usi Lamhe Haq ke Saamne Sar Tasleem kham kar ke Sidhe Morka me Shareek ho jate hai'n aur Shahadat se Faa'iz hote hai'n, Morka Khandaq ke Kathin halaat me Naeem bin Mas'ood Tehreek islami ke Qadmo me aa girte Hai'n,*

*"❀_ Abul Aas Madina aate hai'n to bilkul Gair Mutawaqa tor per islam ka Elaan karte hai'n, Hazrat Khalid aur Amru bin Aas jese Mumtaz Afraad ( Suleh Hudebiya aur Junge Mota ke Darmiyan) Yakayak Quresh se Toot kar islami Riyasat ke Saath aa milte hai'n, Jahiliyat ke Muhaaz se ladte ladte andar se Dil ukta chuke they, So Yakayak unko Tehreek islami ne Khee'nch liya, Fuzala Fatah Makka ke Moqe per aur Sheeba bin Abi Talha Morka Hunain ke moqe per Huzoor ﷺ ke Qatl ke iraade kar ke pahu'nche magar khud hi Tege Haq se Ghayal ho gaye,*

*❥❥_ Wafad Hawazin v Banu Sa'ad ke aane per Huzoor ﷺ ne Maalik bin Auf ko yaad Kiya aur Khwahish ki k Wo islam laye'n, Paigaam pahu'nchne per Maalik bin Auf Saqeef se Chhup kar agle hi Din Haazir ho gaye aur islam le aaye, Qabila Tay per islami daste ne Fateh payi to Haatim Taayi ki Beti Qaidiyo me Madina layi gayi, Usne Huzoor ﷺ se Husne Sulook ki Darkhwast ki, Jise Qubool farma kar Aapne use Sawari ka intezam kar ke waapas bhijwaya,*

*"❀_ Unhone Apne Bhai Adi bin Haatim ko jinke dil me islam ke khilaaf gusse ki Aag musht'al thi, Saara Haal Sunaya aur Madina Haazir hone ki Talqeen ki, Adi aaye aur Aa kar Khud Halaat ka poora Jayza le kar jab Mehsoos kar liya k Huzoor ﷺ khuda ke Sachche Nabi hai'n to Halqa islam me Dakhil ho gaye,*

*"❀_ Ka'ab bin Zuber jinhone Huzoor ﷺ aur islami Tehreek ke khilaaf Shayri ka Muhaaz khol rakha tha Khud Madina aaye aur arz Kiya k Taa'ib ho kar aaya hu'n Aman dijiye, Amaan mil gayi fir unhone wo Qasida padha Jo Tareekhi haisiyat Akhtyar kar gaya,*

*"❀_ Abdullah Zulbajadeen ko dekhiye k ye bhola bhala Nojawan Madina se chalne wali Naseem ke Jho'nke se Mutassir ho jate hai'n magar Chacha ke dar se Apne Arman ko seene me kuchh Arsa dabaye rakhte Hai'n, Chacha se Mayoosi ho jati hai to Chacha Uske Maal v Jaah uske diye hue Libaas aur ghar ke Mahol ko Salam Vida keh kar kambal posh bane hue Madina pahu'nche aur Zindgi islami Tehreek ke Hawale kar dete hai'n,*

*"❀_ Behrain ke Qabila Abd AlQais ke Ek Taajir Munqaz bin Hibaan karobari Safar per nikle, Madina Raaste me padta tha, Waha'n kuchh Waqt ke liye thehre, Huzoor ﷺ ke Peshe Nazar ye Naqsha kaar to rehta hi tha k Beroon Hijaaz ke ilaaqo se Raabta badhane ke zariya paida ho'n aur Kaam ke Aadmi waha'n bhi Tehreek ko haasil ho'n, isliye ittela milte hi khud Tashreef le gaye, Dawat pesh ki aur Munqaz ne Qubool ki, ghar gaye to Bahas v Tamhees ke baad unke Waalid bhi Halqa islami me aa gaye, baad me Qabile ke Aam Logo'n ne bhi Unki Dawat se islam Akhtyar kiya,*

*❥❥_ Mutaddid Logo'n ne Badahahate, Sayadate aur Ohde chhod kar Apne Aapko khuda ki Abudiyat ke Muqam per la khada kiya, in misaalo se Andaza kiya ja sakta hai k Dawate Haq ki khaiti kis tarah ug rahi thi, Aaj Yaha'n beej foota, kal waha'n ikhlas ne konpal nikali, Subeh udhar koi Kali chatak gayi, Shaam udhar kisi ne Aa'nkh kholi, jese Shaam ko Aasmaan per taare Jagmagate hai'n, Pehle ek fir do char fir das hai'n, Fir So pachas, Fir Hazaro Lakho balki Anginat Goya Ret ke Zarre khwabe Jamood se Ek Ek kar ke chamak rahe they,*

*"❀__ Lok Joq dar Joq Aage badh badh kar Tehreek ke dhaare per behte chale gaye, Ese Logo'n me Jab koi Ek bhi imaan le aata to fir wo Apne Qabile aur Apne ilaaqe me khud ek Daa'i v Muallim bhi hota, uski zaat me Tehreek ka ek Muqami Markaze khul jata, Wo Apne Qaul aur Apne Kirdaar se kitne hi doosre Saathiyo ko basa Auqaat poore ke poore Qabile ko islam ki Bargaah me la pesh karta,*

*"❀__ iske alawa khud Madina ke Markazi Dawat ki Sargarmiya'n bhi aur uske ilaqaa'i kaarkuno ki koshishe bhi beshumar ese Aadmi paida karti jati jo Agarche Barahe raast islami Tehreek ke Halqe me foran Shamil na hote lekin uske Saath Hamdardi aur Himayat ka Rawayya Akhtyar kar lete, aur Ese Logo'n ki Hamdardiya'n aur Himayate bhi Apni jagah bada kaam karti, Ese Hamiyane Tehreek gairo aur makhalifo me bhi beth kar baar kar Sakte they aur unki baat Sunne me kisi tarah ka Tassub haa'il na hota,*

*"❀__ Ese Log Qureshe Makka ke Darmiyan bhi ba kasrat they, Yahood me bhi they aur Dehaat ke Qabilo me bhi Ese Afraad they Jinhone Suleh Hudebiya ke moqe per Quresh ko Muahida karne ke liye Tayyar kiya, Esi hi Ek Shakhsiyat thi jisne Junge Uhad ke baad Abu Sufiyan ko palat kar Musalmano per Dobara hamla karne se roka, Esi hi Ek Shakhsiyat wo bhi thi jisne Huzoor ﷺ ke Zamana E Nazarbandi me Sho'ab Abi Taalib ko jane Wale galle ko rukwane ki Mukhalfat ki, aur Esi hi Shakhsiyat thi jinhone Sire se Boycott ke us Napaak Muahide ko khatm karaya jo Huzoor ﷺ ke Khandaan ke khilaaf bandha gaya tha, Esi hi ek Shakhsiyat Yahood me bhi thi, jisne Yahoodi hote hue Apni jaan Tehreek islami me laga di, aur doosre Yahoodiyo ko bhi Ahsaas dilane ki koshish ki,*

*"❀__ Garz ye k islam lane wali Tadaad ke ird gird ek bada Halqa ese Himaytiyo ka bhi har jagah Banta gaya aur Wo bhi Tehreek ke wasi hone ke Saath Saath wasi tar hota gaya, Garz k islami inqilab ke Naqeebo ka ek jaal sa sare Arab me Khud ba khud failta gaya, Madina un Sabke liye Markaze Tehreek tha, Aage hum Sarsari tor per esi Chand Misaale Bayan karenge jinse Andaza hoga k Ek ya Chand Afraad ne kis Tarah poore poore Qabilo ya ilaaqo ko Mutassir kar liya,* 

*❥❥__Ek Misaal to khud Madina hi ki hi thi aur Shayad Sabse Badi aur Shandaar Misaal hai, k Ek Nojawan Suwed bin Saamit Makka Ja kar Rasulullah ﷺ se Kalma islam ki Roshni Haasil karte hai'n aur Fir Aahista Aahista bahut si Tadaad Mutassir ho jati hai, Yaha'n tak k Madina islami Tehreek ka Markaz banne ke Qaabil ho jata hai,*

*"❀_ Tufel Dausi Apne Mizaaj ki Vajah se Agarche Qabila ko jald Mutassir na kar Sake lekin Unki vajah se Yaman me Tehreek islami ka Tarruf ho gaya, aur Muhajireene Habsha se Mutassir ho kar Qabila Ash'ar ne kisi kharji Tehreek ke bager Apne Aapko islam ke Muhaaz per pesh kar diya, Zumad bin Saalba ki Dawat se poora Qabila Azd Shanwa Halqa islam me aa gaya,*

*"❀_ Hazrat Abuzar Gafari islami Nazariya inqilab ki Rooh se Sarshar ho kar Makka se lote to unki Dawat se unka Aadha Qabila Nizame Haq ka Alambardaar ban gaya, aur Baqi Aadha Huzoor ﷺ ke Madina jane per Musalman hua, Fir isi Qabila Gifaar ke andar se Qabila Aslam me bhi islam ne Nafooz kiya aur Aahista Aahista ye poora Qabila bhi Jahiliyat se kat kar islami inqilab ka Alambardaar ban gaya, Munqaz bin Hibaan madina se Sadaqat ka Noor Jazb kar ke Apne Watan Behrain pahu'nche to Dawat Haq ka kaam Shuru kar diya aur log Mutassir hone lage, Chuna'che kuchh Arse baad ye 14 Muslim Rafeeqo ka Wafad le kar Madina Haazir hue,*

*"❀_ Garz ye k baat Wohi injeel ki Saamne aati hai k khuda ki Badahahat ( Dawate Haq) ki misaal Khameer ki si hai k Ek Aurat ne Zara sa Khameer aate me Mila diya aur Wo Saare ka Saara Khameer ho gaya, Jaha'n kahi islam pahu'ncha aur Munasib Tadaad Mutassir hui, Waha'n Laziman Masjid ki Buniyad daali jati, Masjid Sirf ek ibadatgaah hi ki Haisiyat na rakhti thi, balki Wo islam ka Tamdduni markaz hoti thi, aur Taleem gaah, Darul Mashwara, Samaji ijtima gaah aur Mehman khana ka kaam bhi deti thi,*

*"❀_ Masajid Jaha'n Awaami idaaro ki haisiyat rakhti thi, Waha'n inhe Sarkari Sarparasti bhi haasil hoti thi, Madina se Jin Hazraat ko kisi ilaaqe ya Basti me Sol Afsar bana kar bheja gaya, Wohi Waha'n ki Masjid ke imaam bhi hote they, Jo Qaba'il Madina ke Administration se bahar hote unki Muslim Abaadi imaam ke taqarrur ke liye Huzoor ﷺ se mashwara leti, aur Fir Huzoor ﷺ ke bataye hue Maiyaar per khud kisi Aadmi ka intekhab kar leti,*

*❥❥_ Awaam me Dawat v Taleem ka Jo Wasi Kaam Mazkura baala Barahe Raast Tareeqe per hua iske Saath Jo doosre bade bade Aqdamaat mo'assir had tak Mukammal hue unme se Ek Madina ke Siyaasi Asraat ko badhane ka kaam tha jo Muahido aur Halifana Talluqaat ke Zariye Zyada Amal me Aaya,*

*"❀_ Muahida Talluqaat ke Zariye Huzoor ﷺ ka Hukumat ke Daayra Asar ko Wasi karna aur is Maamle me Gair Mamooli had tak Tavajjo dena ye Zaahir karta hai k Aap Jung v Jadal se intehayi Mumkin had tak Bach kar rehna chahte they aur Aman v Suleh ki Fiza charo Taraf qaa'im karna chahte they taki Esi Pur Sukoon Fiza me Dawate Haq ka thanda kaam Ba Khoobi ho sake, aur Jungi Jazbaat beech me haa'il na ho'n,*

*"❀_ Jungi Kaarwaiya'n Jaha'n Kahi'n Baqa E Riyasat, Baqa E Aman ya Baqa E islam ke liye naguzer Zarurat ban gayi'n, Waha'n to Aapne kisi Darje ki hichkichahat se kaam nahi liya, Lekin Agar Jung se Bach kar nikla ja sakta ho aur Riyasat ka Siyaasi Tahaffuz v istehkaam aur Dawat ke Liye khula Maidaan Aman v Suleh se Haasil karna mumkin ho to fir Aapne Laziman Suleh v Dosti ka Raasta Akhtyar kiya, khud Riyasat ka Vajood Talwaar ke Zor se nahi balki Dastoori Muahide ke bal per qaa'im hua, aur Fir iski Hifazat ke liye aur uske Asraat ko badhane ke liye Aapne Halifana Raabto ko itne bade paimane per Zariya banaya k Jungi Kaarwaiya'n unke Muqable me bilkul halka Tanasub rakhti thi,*

*"❀_ Muahido aur Halifana Talluqaat qaa'im karna koi Asaan kaam nahi hota, Khususan jabki Mazhabi ikhtilafaat , Siyaasi Tassubaat, Khuli Mukhalif Taaqate mojood ho'n, aur Maamla bil umoom Ese Qabilo aur Dushmano se ho jo pehle Talluqaat na rakhne ki vajah se bilkul Ajnabi ho'n, is Kaam ke liye badi Siyaasi Maharat ki zarurat hoti hai, Lekin Mohsine Insaniyat ﷺ ne is Daaye kaar me Jis Darje ki Siyaasi Basirat aur Qaydana Maharat aur Diplomatic Qabiliyat ka Namoona pesh kiya hai, iski Misaal Kahi'n nahi mil sakti, aur is Vajah se nahi mil sakti k Huzoor ﷺ ne itne Wasi Talluqaat mukhtalif halaat me paida karte hue kisi bhi moqe per Nazariya Haq, Apne Akhlaqi usoolo aur Apne Siyaasi martabe ko zara sa bhi nuqsaan nahi pahu'nchne diya,*

*❥❥_ Siyasat Aaj ek Makrooh Mashgala isliye ban kar reh gayi hai k Siyasat ka koi Akhlaaq nahi hota aur ye Ek esa Tank hai k jishar ko harkat karta hai insaniyat ki Qeemti Qadro ko ro'ndta chala jata hai , Magar Huzoor ﷺ ne Diplomacy aur Siyasat ka bilkul Mafhoom badal kar rakh diya aur in kaamo ko na sirf Aala'isho ( gandgiyo'n ) se Paak kar diya balki Neki aur ibaadat ki Rooh se Saja diya,*

*"❀_ Islami Usoolo ke Saath Siyaasi aur Diplomatic Sargarmiyo ko jari rakhna aur fir unme Gair Mamooli darje ki kamyaabi Haasil karna aur iske Zariye beshumar bikhre hue Qabaa'il ko Apne gird mujtama kar lena Aaj Kitaabo ke panno me padhte hue Asaan maloom hota hai, Magar Registaan Arab me jab Amalan ye Sab kaam ho raha hoga, to karne wala hi jaan sakta hai k kesi Kathin muhim hogi,*

*"❀_ Muahidana Raabto ka ye Silsila na Sirf is Lihaaz se Dawat ki Tosi me Madadgaar tha k Haleef Qabaa'il me Haq Ke Daa'iyo ko Aamado Raft aur Awaam se ghulne milne ke khule moqe Haasil ho jate they aur khud in Qabilo ke Logo'n ka Raabta bhi Madina se badh jata tha, Jese Jese Log Mohsine Insaniyat ﷺ aur Aapke Sahaba Kiraam ke Akhlaaq aur unki Qaa'idana Salahiyato se Mutassir hote gaye Madina unki Ummedo ka Markaz Banta gaya, aur iska Natija yahi ho Sakta tha k unke Dil bhi islam ke liye khulte chale gaye,*

*"❀_ Goya Deen ki Dawat aur Siyaasi Asraat ki Tosi dono kaam ek doosre ke liye laazim v Malzoom they, Ye Haqeeqat Zahan me rakh kar un Muahidana Talluqaat ka Jayza lijiye Jo Huzoor ﷺ ne bade wasi paimane per qaa'im kar dikhaye aur is Kaam me Aapki Raftaar kaar Hairat Angez had tak tez rahi, Bavjood iske K Naqal Harkat ke Lihaaz se Halaat Sakht Na muwadiq they,*

*"❀_ Jab Hum Mohsine insaniyat ﷺ ki Muqaddas Shakhsiyat per nigaah daalte hai'n to Nasbi, khooni, Sehri Raza'i aur Wala'i ilaaqo ka Daayra bada wasi pate hai'n, Aur iske Saath Saath Dosti aur Rafaqat aur Aam Shalhsi Talluqaat ka Halqa Rozana badta hua dekhte hai'n, Unke Huqooq Ada karte hai'n aur unko Mazbooti dete hai'n, Bahut Door ke Rishto ka bhi itna Ahatraam aur Lihaaz Huzoor ﷺ ko tha k Jama'at ko Takeed ki k Jab tum Misr ko Fateh karo to uske Bashindo se Husne Sulook karna Kyu'nki unki Taraf se Tum per Silah Rehmi ki zimmedari aa'id hoti hai, Wazahat farmayi k Hazrat Ismail ki Walida unhi me se hai'n, Nabi Akram ﷺ ke in Wasi Zaati Talluqaat ne bhi islami Tehreek ke Farog aur Dawat Haq ke Awaami Nifaaz ko badhane me bada bhari Asar daala hai,*

    ⊙══⊙══⊙══⊙══⊙══⊙══⊙                                             

*⚂ HUZUR ﷺ KE AZDWAJI TALLUQAT ⚂*    

        ─━━━════●■●════━━━─

*❥❥__ Huzoor ﷺ ke Azdwaji Talluqaat ke mozu per Chu'nki Tassubi Mushrikeen ne Aitrazaat ka Ek Kharzaar paida kar diya hai k Huzoor ﷺ ne Mutaddid Nikaah kiye aur islam ne Azdwaj ki Tadaad ko jaa'iz rakha,*

*"❀_ Pehli baat ye zahan nasheen karne ki hai k insaniyat ka pehla Tareekhi Daur ( Jise hum Huzoor ﷺ ke Zamane tak faila hua pate hai'n) Takseer Nasal ka Daur hai, Zameen ke Tukde veeran pade hue they, Jaha'n Abaadi thi Waha'n bikhri thi, aur Rizq ke Zaray aur Wasa'il ka maidan bhi khula pada tha,*

*"❀_ isliye is Daur ke kisi bhi Tamaddun Ma'ashre ko le'n aur kisi bhi Mazhab ko dekhe'n, insaani Ma'ashro me Azdwaji Tadaad bahut bade bade paimano per poori tarah marooj tha, Khud Shar'a Aliya ne bhi iski ijazat di aur bahut se Jaleelul Qadr Ambiya Alaihissalam jinme khud Ambiya E Nabi israail numaya hai'n, ne Kai Kai Nikaah kiye, ikka Dikka Ambiya ne Zaati Rujhaan aur Makhsoos halaat ki bina per Ghar baar ke bakhedo se kinara Kashi ki aur Apne Aapko Dawat Haq ke kaam me hi lagaya hai, Magar Aksariyat ne Dawat Ke Saath hi Gharelu Zindgi Akhtyar ki aur bhar poor Tareeqe se Akhtyar ki,*

*"❀_ Huzoor ﷺ Takseere Nasl aur Azdwaji Tadaad ke isi Daur ke Aakhir me aate hai'n, aur Aap ﷺ hi ke Zariye pehli Martaba farmane ilaahi se Azdwaji Tadaad per ( 4 Nikaah ki) pabandi Aa'id hui, Huzoor ﷺ ne jo bhi Shadiya'n ki Wo isi Rukhsat v ijazat se ki Jo Shari'at me Chali aa rahi thi,*

*"❀_ Doosri baat ye Saamne rahe k Huzoor ﷺ ke Aksar v beshtar Nikaah Jinsi Daa'iye ke Zere Asar nahi balki Tehreek aur Mulk v Qaum ki Falah v Behtari ke Peshe Nazar Amal me aaye, Unki No'iyat Dawati aur Siyaasi hai, Huzoor ﷺ ka Apna irshad Mehfooz hai k ( Rivayat Sahal bin Sa'ad) mere Andar Aurto'n ke Liye koi Jinsi Talab mojood nahi hai _,"*

*"❀_ Waqi'a ye hai k Sahi ma'ano me Shadiya'n Huzoor ﷺ ne Do hi ki hai'n, Ek Hazrat Khadija Raziyallahu Anha se aur Doosri Hazrat Ayesha Raziyallahu Anha se, Baqi Nikaaho ke liye baaz Aham ijtimayi Maslihate aati rahi'n, aur Un Maslihato ki Khaatir Huzoor ﷺ ne Apni Masroof Tareen Zindgi aur intehayi Faqeerana Ma'ashrat per bhari bojh dila kar insaniyat ke liye Qurbani di hai,*

    ⊙══⊙══⊙══⊙══⊙══⊙══⊙                  

*⚂ HUZUR ﷺ KE AZDWAJI TALLUQAT ⚂*    

        ─━━━════●■●════━━━─

*❥❥_ Khayal Kijiye k Ek Nojawan jo 25 Baras Tak iffat Maa'b ( Badi izzat wale ) aur Hayadaari ka Namoona is Ma'ashre me pesh karta hai, Jisme Sharab aur Zina ka Culture bade Qabile Fakhr pehlu bane hue they, 25 Baras ko Pahu'nch kar bhi Lazzat Pasandi ka Aam Maiyaar chhod kar kisi nav Umar Hasina ke bajaye 40 Saal ki Ek Beva ka intikhab karta hai,*

*"❀_ Aur fir Azdwaji Lihaaz se Umr ke Behatreen 25 Baras usi Ek Khatoon ke saath guzaar kar Pachaas Saal poore kar leta hai, Kya uske bare me wo Ghatiya baate Sochi ja Sakti hai'n Jinka Charcha Aitraaz karne walo ne kiya hai, Fir Azdwaj ki Kasrat ka Daur 55 se 59 Saal ka Daur hai, Arab jese garam mulk ke Lihaaz se is Umr me jinsi Rujhaan Kami ki taraf ja chuke hote hai'n,*

*"❀_ Fir Khud Azdwaj ki Umaro ko dekhe'n to Do ke Alawa Baqiya ki Umre Nikaah ke Waqt 20 Saal se Ouper thi, aur Paa'nch ki Umre to 36 se 50 Baras thi, Kya Huzoor ﷺ ke liye Nojawan Tareen aur Haseen Tareen Ladkiyo'n ki Kami thi ?*

*"❀_ Fir Esa ghatiya Aitraaz uthane walo ko Sochna Chahiye k Wo Hasti jisne Apne Sar per itne bade kaam ka bojh uthaya tha, k na Din ko Sukoon Mayassar tha aur na Raat ko Araam ka koi lamha aur Mujassama iffat v Haya k Jisne insaniyat ko Parde ka Azeem ba Barkat Qanoon ata kiya aur Aadamzaad ko Qalb v Nazre Qabu rakhna sikhaya aur Wo Hasti k jiske Awqaat ka zyada hissa Riyasat aur Ma'ashre ke Wasi Masa'il me khap jata tha aur jiske niji Awqaat Pairo Ko Waram dene Wale Lambe Lambe Namaz Ke Qayaam me Sarf hote they, Aakhir kese uske bare wo fizool baate Sochi ja Sakti hai'n,*

*❥❥_ Fir Lazzat Pasand Badshaho aur Fateho ki si Koi baat Unme nahi dikhayi deti, na wo jaabir v Zaalim hai, na unhe Sharaab aur Nosiqi aur Faakhira Libaaso se Dilchaspi hai, Balki ulta unhone Ma'ashre ko un Nafsaniyat Angez Tafrihaat se Paak kiya, na unhone Azwaaj ko Duniyavi Aish v ishrat ke Samaan Faraham kar ke diye aur na Resham aur Sone se unke Badano ko Sajaya, balki Apni Darweshana Zindgi ke Rang me unko bhi Rang diya,*

*"❀_ Fir Unki Esi Naaz Bardaari kabhi nahi ki k unki Khushnudi Tehreek ke mufaad per muqaddam ho jaye, Ya koi Adna se Adna Usool bhi Tark karna pade, Balki Ese moqo per unko Sakhti se Tambeeh ki, aur Ek Moqe per to Naan Nafqa ka Maiyaar buland karne ke mutalbe per hi Saaf Saaf keh diya k is Faqeeri me Saath de Sako to behtar Varna Mai'n Rukhsat kiye deta hu'n, Kya ye Saare Ahwaal mil jul kar un behuda Aitrazaat ka poori tarah khatm nahi kar dete,*

*"❀_ Huzoor ﷺ ke mut'addid Nikaah Jin khaas Zarurato ki bina per hue Wo Ye Thi'n:-*

*"_ Qabaa'ili Nizaam ka khassa hai k Asbiyat, Talluqaat ka Daayra bada mehdood hota hai aur uski Sarhade bahut hi Mazboot rakhi jati hai'n, Bikhre hue beshumar Qabilo ko Jodne ke liye Jaha'n insaniyat ke Nazariye ki zarurat thi, Waha'n Qaa'id ( leader ) ki esi Shakhsiyat bhi Matloob thi jo Sabke liye nahi to beshtar Aham Qabaa'il ke liye Apnaiyat rakhti ho, Ye Siyaasi Zarurat baaz Azdwaji ilaaqo ke liye Daa'i bane,*

*❀"_ Maslan Ummul Momineen Hazrat Juweriya Raziyallahu Anha ke maamle ko lijiye, Ye Banu Mustlaq ke Qabile ki khatoon hai'n, Poora Qabila Nihayat Taaqatwar tha aur Daaka Zani aur Lootmar me Mash'hoor khud Hazrat Juweriya Raziyallahu Anha ka Waalid Naami Rehzan tha, islami Hukumat se is Qabile ne Shuru hi se Sakht Adawat Akhtyar ki, ye na Nazam ko Qubool karne per Tayyar they na Muahidana Raabto ke liye Tayyar they, balki Mukhalfat ke har Muhaaz per mojood, Aakhir is Qabile ko Fauji Taaqat se dabaya gaya, Hazrat Juweriya Raziyallahu Anha Qaidiyo me Aayi'n thi'n, Huzoor ﷺ se inka Nikaah hua to Sahaba Kiraam ne poore Qabile ke Qaidiyo ko riha kar diya k Ye Log Rasoole Khuda ﷺ ke Sasurali Rishtedar ban gaye Hain aur Ab hum inko Qaid me nahi rakh sakte,*

.

*"❀_ Is Nikaah ki Barkat dekhiye k poora Qabila Rehzani chhod kar Aman Pasand aur Muttaba Nizaam ban gaya,*

        ─━━━════●■●════━━━─

*❥❥_ Isi Tarah Ummul Momineen Hazrat Memuna Raziyallahu Anha ke Maamle ko Lijiye, Najad Ka ilaaqa Jaha'n intehayi Siyaasi Ahmiyat rakhta tha ( Kyunki Quresh ka Ek Tijarati Raasta iraaq jane ke liye udhar se bhi guzarta tha ) Waha'n Dawat ke Liye iski Zameen behad Sang laakh ( Mushkil) Saabit hui, Yaha'n ke Logo'n ne ek Dawati v Taalimi Wafad ke 70 Qeemti Afraad ko Shaheed kar diya tha, Fir Mutaddid baar Ahle Najad ne islam ke Khilaaf fitna Angezi ki thi'n,*

*"❀_ Hazrat Memuna Raziyallahu Anha Sardaar Najad Ki Ahliya ki Behan thi'n, Huzoor ﷺ se Nikaah ke hote hi Fiza badal gayi aur Najad Madina ke Zere Asar hota gaya,*

*"❀_ Fir Ummul Momineen Hazrat Umme Habiba Raziyallahu Anha ke bare me gor Kijiye k Ye Quresh ke A'ala Sardaar Abu Sufiyan ki Sahabzadi thi'n, is Nikaah ke baad Abu Sufiyan fir kabhi Huzoor ﷺ ke khilaaf Maidaan me nahi aaye aur unka Zore Mukhalfat toot gaya, Badi Had tak is Nikaah ne Fateh Makka ka Raasta Hamwaar kar diya,*

*"❀_ isi Tarah Ummul Momineen Hazrat Safiya Raziyallahu Anha ko Lijiye, Ye ek bade Yahoodi Sardaar Hayi bin Akhtab ki Sahabzadi thi'n, inke Khandani martabe ke Peshe Nazar ye kisi Tarah mozu na hota k inko kisi Mamooli ghar me jagah milti, Huzoor ﷺ ne inse Nikaah kiya To Fir Yahood kabhi Mukhalifana Muhaaz ka iraada karne ki jurrat na kar sake, Hazrat Safiya Raziyallahu Anha Huzoor ﷺ ke hukm se Yahoodi Rishtedaro ki maali khidmat bhi karti rehti thi'n,*

*"❀_ Ummul Momineen Hazrat Hafsha Raziyallahu Anha Ke Nikaah ke pashe Manzar me doosre Muharrikaat ke alawa ek Sabab ye bhi kaam kar Raha tha k islami Ma'ashre ke liye Jin Khaas Saathiyo ko Huzoor ﷺ ne Apna musheer bana kar Qayadat ki Tarteeb di, unme se Chaar Saathiyo se Aapne gehre Zaati Talluqaat qaa'im kiye, Hazrat Abu Bakar Siddiq Raziyallahu Anhu ke ghar me Aapne Nikaah kiya, Hazrat Usman Gani Raziyallahu Anhu ek ke baad digar do Sahabzadiya Nikaah me di, Hazrat Ali Raziyallahu Anhu ke ghar ko Hazrat Fatima Raziyallahu Anha se Zeenat bakhshi, Andruni Soorat Hazrat Umar Raziyallahu Anhu ko is Halqa E Qarabat se bahar nahi rakha ja sakta tha, Huzoor ﷺ ne unki Sahabzadi ko bhi Apne Nikaah me le liya, is Tarah Huzoor ﷺ ne Markazi kadi ban kar mustaqbil ke in Qaa'ideen ko Aapas me ek doosre ko Mazboot kar diya,*

*❥❥_Tehreek islami Kamyaabi se Apna Safar tabhi Tay kar Sakti hai jabki Mardo'n ke Halqe ke Saath Saath Aurto'n ke Halqe me bhi barabar kaam jaari ho, Ye kaam bager iske kese ho Sakta tha k Aurto'n ki Rehnumayi aur Taleem ke liye Khud unhi ki sanaf me se kuchh Zaheen Khawateen ko Bator Qaa'id aur kaarkun ke Tayyar kar diya jaye,*

*"❀_ islami Nizaam Hijaab ke Saath Ye Zarurat Sirf Azdwaaj ke Daayre hi me poori ho sakti hai Yani Jaha'n har Muslim Fard ki Zimmedari hai k Wo Apne Ghar me masturaat ko Tehreeke islami ki Khidmat ke liye Tayyar kare, Waha'n Paigambar aur Qaa'id (leader) ke liye zyada badi Zimmedari hai k Wo Apne ghar ko Namoona banaye, aur Apne Ahle Bait ki Khawateen ki Taleem v Tarbiyat ke liye Tayyar kare, Yahi Zarurat hai jiske Tahat khud Qur'an me Huzoor ﷺ ki Azwaaj ( Biviyo'n) v Banaat ( Betiyo'n ) per Khusoosi Tavajjo di gayi hai,*

*"❀_ Chuna'che Hazrat Ayesha Siddiqa Raziyallahu Anha ke Alawa Hazrat Hafsha aur Umme Salma Raziyallahu Anha Khawateen me ilmi aur Zahni Qayadat ke Qaabil bani aur baqi Azwaaj ne bhi Akhlaqi haisiyat se Apne Aapko Qabile Taqleed Namoona banaya,*

*"❀_ Basa Awqaat Azdwaaji Raabto me Huzoor ﷺ ko Doosre Fareeq ki Diljo'i ka Gair Mamooli Ahatmam bhi karna pada, Maslan Apni Fufi zaad Hazrat Zenab binte Jahash Raziyallahu Anha ka Nikaah khud Aap hi ne ba israar Zaid bin Harisa Raziyallahu Anhu se Kiya tha aur Maqsood ye tha k Khandani imtiyaz ki Tang Had bandiya'n Toot jaye'n, Nikaah Bad Qismati se Nakaam ho gaya aur Nobat Talaaq tak pahu'nchi, Hasrat Zenab Raziyallahu Anha ki Dil Shikashtgi Zaahir hai aur Huzoor ﷺ isme Apni Zimmedari bhi mehsoos karte ho'nge, Apne Nikaah me le kar Behatreen Shakl me Talafi farma Sakte they,*

*"❀_ Magar Jahiliyat ki Ek Galat Rivayat beech me thi, Zaid bin Harisa Raziyallahu Anhu ko Aapne Moo'nh bola beta bana rakha tha aur Rivaaj ke mutabiq esi Soorat me Baap Bete ke Se Huqooq har Maamle me aade aate they, is Rivayat ko khudawand Ta'ala ne Tod diya, aur Khaas Hukm ke Zariye Hazrat Zenab Raziyallahu Anha ko Aapke Nikaah me diya,* 

*❥❥__Pehle Humne Umme Habiba binte Abu Sufiyan Raziyallahu Anha Ke Nikaah ki Maslihat bayan ki hai magar iski bhi Ek Vajah Taleefe Qalb thi, Ye Ubaidullah se Biyahi hui thi'n aur unhi ke Saath Hijrat kar ke chali gayi thi'n, Waha'n Shohar Nasrani ho gaya aur Sharab noshi me mubtila ho kar mar gaya, Umme Habiba Raziyallahu Anha ne islam per bada Sabaat ( Mazbooti) dikhaya,*

*"❀_ Baharhaal Gareebul Watani me Shohar ka islam chhod dena aur Fir mar Jana dohra Sadma tha, Huzoor ﷺ ne Khaas Qaasid ( Amru bin Umayya) ko Shahe Najashi ke Paas Nikaah ka Paigaam de kar bheja, Umme Habiba Raziyallahu Anha ko ittela pahu'nchi to itni khush hui'n k Khush Khabri Sunane Wali Shahi Lo'ndi ko Apne Zever de diye, Shahe Najashi ne khud Nikaah Padhaya, Umme Habiba Raziyallahu Anha ne Apne Mamu ke Ladke Khalid bin Sa'eed bin Abil Aas ko Wakeel banaya, Chaar So Dinaar mahar Shahe Najashi ne Apne paas se Ada kiya aur Ziyafat ki, baaz Rivayaat ke mutabiq Madina me Tajdeed Nikaah ki gayi aur Walima bhi hua,*

*"❀_ Isi Tarah Ummul Masakeen Zenab binte khuzema Raziyallahu Anha bin Haaris Hilaliya ( Bin Bakar bin Hawazin) Huzoor ﷺ ke Foofizaad Abdullah bin Jahash ke Nikaah me thi'n, Unki Shahadat ( Gazwa Uhad) me hui to Huzoor ﷺ ne Unko Bevgi se Nikaal kar Apne Haram me le liya, Zaahir baat hai k ye Khalis Gharelu Maamla tha aur Taleefe Qalb ke Saath isme Khandani pehlu bhi malhooz ho'nge,*

*"❀_ Tehqeeq ke Mutabiq Gyarah (11) Nikaah Huzoor ﷺ ne kiye, isse Zyada ki Kamzor bhi nahi milti, Inme se Hazrat Khadija Raziyallahu Anha Hijrat se pehle ( Dasve Saal Nabuwat me ) aur Zenab binte khuzema Raziyallahu Anha Sirf 3 maah Azdwaaj Nabvi me reh kar 3 Hijri me Faut hui'n, Huzoor ﷺ ki Umr ka bilkul Aakhri daur hai Jisme kul Azwaaj Mutahraat Haram me thi'n aur Unme se bhi Ek ( Hazrat Sauda Raziyallahu Anha) Duniyavi Ragbati se bilkul beniyaz ho gayi thi'n, Lekin Jab Qanoone ilaahi ne Pabandi Aa'id kar di uske baad Fir Aap ﷺ ne koi Nikaah nahi kiya,*

*❥❥_ Aam Musalmano ke Muqable Qanoon ne Aapko Alag kar diya, Aam Musalmano ko To ye Hukm tha k Agar Chaar se Zyada Kisi ki Biviya'n ho'n to wo Zaa'id Tadaad ko Talaaq de de, Lekin Huzoor ﷺ ko ijazat di gayi k Zaa'id Azwaaj ko Paas Rakhe'n, iski Vajah ye thi k Azwaajun Nabi ﷺ Zaruriyaat E Deeni Ke Tahat Ummahatul Momineen ( Tamaam Musalmano ki Maae'n ) qaraar de kar Muharramat me dakhil kar diya gaya tha, Ab Agar unme se Kuchh ko Huzoor ﷺ se Talaaq dilwayi jati to wo bilkul Tanha ho kar reh jati'n,*

*"❀_ Ab Huzoor ﷺ ke Azdwaaji ilaaqo ki Siyaasi Ahmiyat ko dekhiye k unki Vajah se Ek Taraf Makka ke Qabile aur Muhajir Biraadri se aur Doosri Taraf Aam Qabile Arab se Qaa'id Nizaam ko jo Rishta Qarabat Haasil hua uski Wus'at Zaahir karne ke Liye hum Mutalliq Khandaan aur Qabilo ke Naam darj karte hai'n:-*

*(1)_ Bani Asad bin Abdul Uzza (2)_ Bani Aamir bin Lu'i (3)_Bani Tameem (4)_ Bani Adi (5)_ Bani Makhzoom (6)_ Bani Umayya (7)_ Bani Asad bin Khuzema (8)_ Banu Mustalaq (9)_ Yahood Arab (10)_ Banu Kilaab Kalb v Saleem (11)_ Banu Kundah,*

*"❀_ Beshumar Rukawato aur Bagiyana iraado ko in Talluqaat ne khatm kar diya, balki bahut hi Purani Tareekhi Adawate tak be Asar ho gayi'n, Sochiye k Ek Azeem Nasbul ain jisse Saari insaniyat ko Fayda pahu'nchna tha, Ek Nizaam E Adl v Aman aur Ek Aalamgeer Bhai Chare ka Rishta Kya itni Qeemti Cheez na tha k uske Liye Agar Tadaad Azdwaaj se Arab ke Qabaa'il Mahol me Raasta Hamwaar hota ho to kiya jaye,*

*"_ Fir poore Arab ko Wehdat aur Nazam aur Aman aur Tamaddun ki Raah per daalne ke liye Agar ye Tadbeer Mufeed rahi to Aakhir is per itna shor kyu?*

*"❀_ Dar Haqeeqat dekha jaye to ye Huzoor ﷺ ka isaar e Azeem tha k Aapne insaani Bhalayi ke mission ko Kamyaab karne ke liye Apni Wasi masrufiyaat ke Saath Aakhri Umr me Ayaldaari ka itna bojh uthaya, aur Apne Faqar ke Aalam me kin Mushkilo se Ahle Bait ke Naan Nafqa ke intezamaat kiye aur ghardaari ke kitne jhanelo ko Apne Sar liya, Aaj koi Tasavvur nahi kar Sakta k in Saare halaat ke rehte kisi Aadamzaad ko koi Lamha ishrat ka, Araam v Sukoon ki koi ghadi bhi haath aa sakti hai,*

*"❀_ Aakhir Waqi'a ye hai k Apne A'ala Maqsad ki Khaatir Huzoor ﷺ ka ye isaar tha k Azdwaaj ki Tadaad ka bojh uthaya, Goya Jaha'n tak Tehreek islami ke Siyaasi Pehlu ka Talluq hai Mohsine Insaniyat ke Wasi Zaati Talluqaat ne zaroor Raaste Saaf kiye ho'nge aur Awaam ke Liye islam ki taraf badhna Asaan kar diya hoga,*

    ⊙══⊙══⊙══⊙══⊙══⊙══⊙       

*⚂ Awaam Khud Aage Badhte hai'n ⚂*    

        ─━━━════●■●════━━━─

*❥❥_ Kisi bhi Usooli inqilabi Tehreek ki Tarah Mohsin E insaniyat ﷺ Ke Karname ko Do bade Hisso me Taqseem kiya ja sakta hai, Ek Wo daur jabki islami Tehreek khud Awaam Ke qareeb ja ja kar unko pukarti thi, Doosra Wo Daur jabki Awaam khud Aage badhne lage aur islam Ke Darwaze per khud Dastak dene lage k hum Andar aana chahte hai'n, Ye Doosra Daur kushada hota hai, aur Ye jab aa chuka hota hai to Fir Tamaam mazahate khatm ho jati hai'n, aur Tamaam Manfi (negative )Rujhanaat maidan chhod dete hai'n,*

*"❥❥_ Magar is Daur tak pahu'nchne ke liye Nabi Kareem ﷺ aur Aapke Sahaba ne bade bade jatan kiye aur Khoon pasina ek kar diya, Ek Taraf Fikri Dawat ke Maidaan me Saabit kar diya k Daleel ki Quwwat Hamare Saath hai, Doosri Taraf Akhlaqi Daayre me dhaak bitha di k islam ka banaya hua insaan insaniyat ka Behatreen Namoona hai, Teesri Taraf Siyaasi Basirat ke Lihaaz se Apna Sikka Jama diya k hum Log Mamlaat ki Giroho ko kholna baandhna jaante hai'n aur Chothi Taraf Maidane Jung me Apna Loha manwa liya k Hum Mazahamato se nimat sakte hai'n aur Zulm v Jor ka Naako chane chabwa sakte hai'n,*

*"❥❥_Dimaago ko Mutassir kiya, Dilo ko Jhanjhoda, Jazbaat ko Saath liya, Sa'adatmand Rooho ko mushfiq bana kar gale lagaya, Gair Jung Pasand Qabaa'il ko Muahidana Nizaam me Shamil kiya aur Jungju Mukhalifeen ka Jungi Zor Tod kar Raasta Saaf kiya, Tab Kahi'n ja kar Wo Waqt aaya k Awaam charo Taraf se Naye Markaze Madina ki Taraf Gaamzan hue, Ye Daur us Saal me Shuru hota hai Jise "Aamul Wafad" ka Unwan diya gaya, Yani Wo Saal jisme Arab ke goshe goshe se Qaba'il ne Apne Wafad Madina bheje islam Qubool karne ke liye, ita'at ka Ahad baa'ndhne ke liye, Ya Mahaz Tehqeeq aur Halaat ko Samajhne ke liye,*

*"❥❥_ Ye Daur Fateh Makka ke baad ke Teen Saal -8-9-10 Hijri per Faila hua hai, Ye Goya Mohsine Insaniyat ﷺ ki Kaasht karda Fasal ko kaatne ka Mausam tha, Seerat ka Ye baab itna Aham hai k Wafood Ka Tazkira Saamne aana Chahiye, Kyu'nki Wafood Ki Aamad aur Unki Baat Cheet aur Unke Tassuraat me Nihayat hi mufeed Sabaq milte hai'n, Fir yahi bayan is Haqeeqat ko Waaze kar Sakta hai k kis Tarah Awaamun Naas charo Taraf se aa kar islam ke Qadmo me gire,*

    ⊙══⊙══⊙══⊙══⊙══⊙══⊙                    

*⚂ MADINA ME WAFAD KI AAMAD ⚂*    

        ─━━━════●■●════━━━─

*❥❥_ Kitaabo me Madina aane Wale Wafad ki Tadaad Kam se kam 15 aur Zyada se Zyada 104 milti hai, Hum unme se Sirf Aham numaya Wafad ka Tazkira karenge, Aamul Wafad se pehle 5 Hijri me hi ikka Dukka Wafad aane lage they,*

*"❀_ (1)_ Wafad Qabila Mazinah:- Ye bahut bada Qabila tha aur Ouper ja kar iska Silsila Nasab Quresh se mil jata tha, Mash'hoor Sahabi Noman bin Maqran isi Qabile se they, 5 Hijri me is Qabile ke 400 Afraad ka Azeem Wafad Nabi Kareem ﷺ ki khidmat me Haazir hua aur islam ka Paigaam baa'ndha, Galiban Madina aane wala Sabse Pehla Numa'inda Awami Wafad yahi tha, Madina se Waapsi per unko Zaade Raah ke Tor per Khajoore di gayi'n,*

*"❀_(2)_ Wafad Qabila Banu Tameem:- Ye Wafad bhi ibtidayi daur me aaya aur bade Zor Shor se aaya, is Wafad ke Afraad Masjid me dakhil hue to bade Akkhad Tareeqe se Hujre ke qareeb Awaaz di, Muhammad Ey Muhammad!( ﷺ) bahar aao ! Chuna'che Wahi ilaahi ( Surah Hujraat ) ne unko Shaa'ishtgi ( Tehzeeb, Akhlaaq) ka DARS bhi diya, Ye log Yu'n to islam ko Dil de ke hi gharo se chale they, Magar Abhi Arbi Naaz Nakhra Mizajo me baqi tha,*

*"❀_ Unhone khwahish ki k Fariqeen ke Khateeb aur Shayar majme me fasahat aur Ma'ani Aafreeni ke johar dikhaye'n, Dar Haqeeqat Arab ke baaz ou'nche Qabile kisi Qayadat ko tabhi Qabool kar Sakte they k uski Zehni Bartari Badayi ke wo Qayal ho jaye'n, Huzoor ﷺ ne bhi Maslihat ko dekh kar Qubool kar liya,*

*"❀_ Khitaab aur Qaside Sun kar Wafad ne Aitraaf kiya k Hamare Khateeb aur Shayar se Rasoole Khuda ke Khateeb aur Shayar Bartar hai'n, is Aitraaf ke baad Tamaam Afraad islam ke saya E Darakht me aa gaye,*

* ┵━━━━━━❀━━━━━━━━━━━━┵

*⚂ MADINA ME WAFAD KI AAMAD ⚂*    

        ─━━━════●■●════━━━─

*❥❥_(3)_ Wafad Bani Abd AlQais:- ilaqa Behrain me islam ki Dawat ka Agaaz ba Zariye Munqaz bin Hibaan ibtida hi me ho gaya, Halqa Asar bada hone laga, 5 Hijri me 13 Aadmiyon ka Wafad Madina aaya, Huzoor ﷺ ke poochhne per Unhone jab bataya k Hum Khandaan Rabi'a ke Afraad hai'n, To Huzoor ﷺ ne Marhaba keh kar unki izzat afzaai ki, Wafad ki taraf se Darkhwast ki gayi k Chu'nki hamara ilaaqa Zyada Door hai aur Raaste me Dushmano ki Abaadiya'n hai'n, isliye hum Chaar Mahino ke alawa Safar nahi kar sakte, Lihaza hume Chand Mutaiyan baate bata dijiye, Jin per hum Paband rahe'n aur Apne Logo'n ko bataye'n,*

*"❀_ Nabi Kareem ﷺ ne Toheed, Namaz, Roza aur Adaye Khums ki Talqeen farmayi aur Sharaab Saazi se door rehne ke liye 4 qism ki Marooj Cheezo Zaroof Diba, khatam, Naqeer, Muraafat ka istemal mamnu tehraya, Wafad ke Log Behrain ki Jaahili Saqafat ke Mutalliq Huzoor ﷺ ki malumaat Sun kar bade Hairaan hue,*

*"❀_ is Wafad me ek Shakhsiyat Jarood bin Ala ki bhi thi, Jarood Maseeh tha, Usne Arz kiya k Mai'n ek Mazhab per chal raha hu'n, Use Chhod kar Agar Aapke Deen per Aau'n to kya Aap Zaamin bante hai'n, ( Yani Koi Ukhravi Wabaal to na aayega ) Huzoor ﷺ ne farmaya - Haa'n Mai'n Zaamin hu'n, Kyu'nki Jis Deen ki taraf Mai'n Dawat deta hu'n, Ye Tumhare Mazhab se Afzal hai_, Jarood foran Musalman ho gaya aur uske Hum Mazhab Saathi bhi Halqa E islami me dakhil ho gaye,*

*❥❥_(4)_ Numa'inda Banu Sa'ad (Bin Bakar):- Qabila ne Zumam bin Saalba ko Numa'inda bana kar bheja, Ye Ou'nt per Sawaar ho kar Saada Andaz se Masjide Nabvi me aaye aur Ashabe Nabi se puchha - Tumme se Abdul Muttalib ka Farzand (Yani Aulaad) kon hai ? Sahaba Kiraam ne Huzoor ﷺ ki taraf ishara kiya,*

*"❀_ Wo Rasulallah ﷺ Ke Paas pahu'nche aur Kaha - Ey Abdul Muttalib ke Bete ! Kuchh baate Sakhti se puchhunga Bura na maanna, Huzoor ﷺ ne ijazat di, Fir Unhone Qasam dila dila kar Deen ki Chand Buniyadi baato ( Toheed, Risalat, Namaz, Hajj, Zakaat vagera ) ke bare me puchha k kya Aap esa kehte hai'n?*

*"❀_ Huzoor ﷺ Tasdeeq farmate gaye, Saare Jawab le kar kaha- Mera Naam Zumam bin Saalba hai, Mujhko meri Qaum ne bheja hai, Mai'n jata hu'n aur Jo kuchh Aapne bataya hai usme Mai'n zarra bhar izafa karunga na Kami aur Ou'nt per Sawaar ho kar rawana ho gaye,*

*_ Unke Jane ke Baad Huzoor ﷺ ne farmaya k Agar ye Sach kehta hai to usne Falah payi _,*

*"❀_ Waapas ja kar Unhone Qaum me Toofani Andaz se Dawat di k Logo'n! Mai'n khuda aur uske Rasool per imaan laya hu'n, Laat v Uzza vagera koi Haqeeqat nahi rakhte, Logo'n ne daraya k Tum per esi baato ki vajah se in Buto ki maar na pade aur Junoon ya Juzam na ho jaye, Zumam Raziyallahu Anhu ne kaha- "Khuda ki Qasam! Ye na nafa pahu'ncha sakte hai'n na nuqsaan," Shaam hone se pehle pehle Saara Qabila islami Tehreek me Shamil ho gaya,*

*❥❥_(5)_ Wafad Ash'areen ( Yaman ):- Yaman ka ye Ek Mo'azziz Qabila tha aur Abu Moosa Ash'ari Raziyallahu Anhu iske ek Fard they, Un tak Dawat Haq Makki Daur me Tufel Dausi aur Muhajireen Habsha ke Waaste se pahu'nch chuki thi, Ash'areen me se Teen Shakhs Hijrat ka iraada kar ke Madina ko rawana hue k Huzoor ﷺ se Faizan Haasil karenge aur Tehreek Haq ko Ta'awun pahu'nchayenge,*

*"❀_ Pani Ka Safar tha, Raaste me Mukhalif Hawa chali aur jahaz Habsh Ke Saahil se ja laga, Waha'n ye Log Hijrat Avla ki Sa'adat pane wali islami Jama'at se ja mile, Kuchh Zamana Waha'n reh kar Hazrat Jaafar Tayyar Raziyallahu Anhu ki Rafaqat me Chand Nav Muslim Habshiyo ko bhi Saath le kar ye Madina ko Rawana Hue, aur Fateh Khaibar ke moqe per ( 7 Hijri) Bargaahe Risaalat me ja Haazir hue,*

*"❀_ Unke Jazbe be Akhtyar ka ye Aalam tha k Manzile Maqsood per pahu'nche to ye Nagma Masarrat Zubano se ubla padta tha k- ( Tarjuma) Kal hum Apne Rafeeqo se ja milenge, Yani Muhammad ﷺ se aur Aapke Sahaba se _,"*

*"❀_ Huzoor ﷺ ko ittela hui to Ahbaab se kaha- Tumhare Yaha'n Yaman se kuchh Log aate Hai'n ( khayal rahe k ) ye Log bahut Rafeequl Qalb aur Naram Dil hote hai'n, Fir farmaya - imaan hai To Yaman ka ! Hikmat hai to Yaman ki ! Fir Mulaqaat hui, Baate Hui, Sawalaat saamne aaye, Jawabaat diye gaye aur Madina ki Fiza me Ek Naya Rang chha gaya,*

*❥❥_(6)_ Wafad Daus (Yaman) :- Hum pehle bata chuke hai'n k Tufel Dausi Raziyallahu Anhu Makka ke ibtidayi daure Dawat me islam laye they, Unhone jate hi Zor Shor se Dawat Ka Kaam Kiya aur Unke Waalid aur Bivi to foran unke Saath ho gaye, Kuchh doosre Afraad bhi Mutassir hue, Magar Qabila bade bhari Akhlaqi inhitaat me pad gaya tha, aur Badkasri fail gayi thi, Ese Halaat me unki Tundi Mizaaji aur Joshile Pan ki Vajah se Kaam aage na badh Saka,*

*"❀_ Ye Huzoor ﷺ se aa kar mile aur Qaum ki Shikayat kar ke Dua ki Tamanna ki, Aap ﷺ ne unko Naram Andaze Dawat ki Talqeen ki aur Daus ki islaah ke Liye khuda se Dua ki, Ab Jo Tufel Dausi Raziyallahu Anhu ne ja kar kaam Shuru kiya to Raaste khulte gaye aur 5 Hijri me bahut se gharao me islam Dakhil ho gaya, Yaha'n tak k 7 Hijri me 80 Khandaan Hijrat kar ke Madina aa gaye, aur inhi Muhajireen me Hazrat Abu Huraira Raziyallahu Jesi badi Shakhsiyat bhi thi,*

*❀"_(7)_ Wafad Sada :- is Qabile me se pehle pahal Ziyad bin Haaris Sada'i Nabi Kareem ﷺ ki khidmat me aaye they, Fir Unhone ja kar kuchh Asar dala, 8 Hijri me 15 Aadmiyo ka ek Wafad poore Qabile ka Numa'inda ban kar Haazir hua, Sa'ad bin Ubada Raziyallahu Anhu unke Mezbah they, Unhone khane ke alawa unke liye Kapdo ka intezam bhi kiya, Un Logo'n ne Huzoor ﷺ Haath per islami Tehreek me Shirkat ki Bait baa'ndhi, aur Qabile ki taraf se bhi Ta'awun ki pesh kash ki,*

*"❀_ Is Wafad ke Waapas jane per kaam tezi se hua, Hajjatul Vida ke moqe per is Qabile ke bahut se Afraad Makka pahu'nche, Fateh Makka se pehle ke daur me yahi Wafad ese Saamne aate hai'n k Jinka Tazkira Tareekh me mehfooz hai, Fateh Makka ke baad to goya ek Awami Sailaab tha Jo charo Taraf se islam ka Saath dene ke liye umad pada aur 10 Hijri me Kaseer Tadaad me Wafad Madina pahu'nche,*

*❥❥_(8)_ Wafad Shaqeef (Taa'if):- Huzoor ﷺ jab Fateh Makka ke Safar se Wapas hue to Urwah bin Mas'oud Saqfi Haazir ho kar Halqa islami me dakhil hue aur Banu Saqeef me Dawat failane ka irada Zaahir kiya, Huzoor ﷺ ne Saqeef ke Kibr v Guroor ke Peshe Nazar Ahatyaat ka Mashwara diya, aur Andesha Zaahir kiya k Wo Log Tumhe qatl na Kare'n, Hazrat Urwah Raziyallahu Anhu ko Apne Asar v Rusookh per poora Aitmaad tha, Lihaza ba israar kaam karne ki ijazat li,*

*"❀_ Waapas jate hi Makaan ki Chhat per khade ho kar islam Ki Pukaar buland ki, Unki Tawaqqo ke Khilaaf har Taraf se Teerandazi Shuru ho gayi aur Ek Teer kha kar wo Shaheed ho gaye, Banu Saqeef karne ko to ye Harkat kar bethe, magar is Zalimana qadam ne unke Zameero me Harkat bhi paida kar di, wo Maamle ko Thande Dil se Sochne per Majboor ho gaye,*

*"❀_ Mahine bhar baad Unhone ek ijtima kiya, Jisme Soorate Haal ka Haqeeqat pasandana Jayza le kar is Sawal per gor kiya gaya k Kya hum log poore Arab ka Muqabla kar sakte hai'n ? Jo islam ke Zere Asar ho chuka hai, bil Aakhir Tay Paya gaya k Madina me kisi Numa'inde ko bheja jaye, baad me poora Wafad Tayyar kiya gaya, Usman bin Abul Aas, Aus bin Auf aur Bahar bin Kharsha ( Bani Maalik me se ) Hakam bin Amru bin Wahab aur Sharjeel ibne Gilaan ( Haleef Qabilo ki taraf se) Wafad me Shareek hue, Abdiyalail Sardaar Taa'if inko le kar Madina gaya,*

*"❀_ Yaad kijiye k ye Wohi Abdiyalail hai jisne 12 Saal pehle Huzoor ﷺ ki Dawat Sunne se inkaar kar diya tha, Tabook se Rasoole Akram ﷺ ki Waapsi per Ye Wafad Madina pahu'ncha, Inke Liye Masjid ke qareeb khaima Nasab kiya gaya, Khalid bin Sa'eed bin Aas Fariqeen ke Darmiyan Zariya Guftgu rahe, in Logo'n ne Ajab Ajab Sharte pesh ki,*

*❥❥_(8)_ Wafad Shaqeef (Taa'if):- (Pichhe Part se jari):-*

*⊙═ Ek Shart ye thi k Teen Baras Tak Unka But "Laat"munhadim na kiya jaye, Fir is muddat ko ghatate ghatate wo Ek Mahine tak laye, Unhone Ye Andesha Zaahir kar diya k hamare Buto ko Agar Kahi'n maloom ho gaya k unko Munhadim kiya jane wala hai to Mumkin hai k Wo Tamaam Bashindo ka Khaatma kar de'n, Hazrat Umar Raziyallahu Anhu ye Sun rahe they, unse chup raha na gaya, Abdiyalail ko Mukhatib kar ke kaha - "Kesi Jahaalat ki baate kar rahe ho, Tumhare ye M'abood to mahaz patthar Hai'n _,*

*"⊙═ Abdiyalail ne bhanna kar kaha k Ey ibne Khattab hum Tumse baat karne nahi aaye, Hamara maamla Rasulullah se hai, Baharhaal Huzoor ﷺ ne ye Shart jab kisi Qeemat per Qubool na ki to wo is per Raazi ho gaye k inhidaam ki Kaarwayi humse na karayi jaye, Balki Huzoor ﷺ Apne Aadmi bheje'n, Chuna'che Abu Sufiyan bin Harb aur Mugira bin Shoba ko Naamzad kar diya gaya,*

*⊙═ Fir Unhone kaha k Hume Namaz Ada karne se Mustashna rakha jaye, Huzoor ﷺ ne farmaya:- Jis Deen me Namaz nahi usme koi Bhalayi nahi _,*

*"_ Ek Rukne Wafad ne ye bhi Darkhwast ki k Rasoole Khuda! Hume Zina ki ijazat dijiye, iske bager to hamare Liye koi chara kaar hi nahi, Fir wo kehne lage k Achchha Hamare Liye Sood ki Len Den ki to Gunja'ish chhodiye, isi Tarah Sharaab pine ki Chhoot Maa'ngi,*

*"⊙═Andaz Esa tha goya k Rasoole Khuda ne koi Dukaan laga rakhi thi k jisme se har Ek Apni Apni pasand ka Sauda khareed sakta tha, K Jo cheez chahe Chhode aur Jo Chahe le, Huzoor ﷺ in Mutalbo ke Jawab me Qur'an Ki Aayaat padh kar batate gaye k ye To khudayi Zaabta hai na k kisi ka man ghadat,*

*❥❥_(8)_ Wafad Shaqeef (Taa'if):- (Pichhe Part se jari):-*

*⊙═Jab Ye Fizool Sharte Khaarij ho gayi'n to Fir Ahle Wafad Mashwara kar ke is Natije per pahu'nche k Agar Hum islam ke Mutalbo ko nahi maante to Hamara Hashr bhi Ek Din Makka Walo ka Sa Hoga, Majburan ita'at me Sar jhuka Diya aur Muahida likha gaya,*

*"❀_ Huzoor ﷺ ne Sirf Do Baato me unko Dheel di, Yani kuchh Muddat ke Liye unse Zakaat ki Wasooli na ki jayegi aur unko Jihaad me Shirkat per Majboor nahi kiya jayega, Lekin Huzoor ﷺ ki Tawaqqo ke Mutabiq jab islam ne Dilo me ghar kar liya to ye Taqaze bhi khud ba khud poore hone lage,*

*"❀_ Wafad me Ek Mukhlis Nojawan Usman bin Abdul Aas Shareek they, Ye Faarig Awqaat me islam ki Haqeeqat, Shari'at ke Ahkaam aur islami Nizaam ke Taqazo ka ilm Haasil karte, Inhi ko Ameer Muqarrar kiya gaya, Ye Log Jab Waapas pahu'nche to pehle to unhone Dramayi Tareeqe se Mukhalifana Tassur bayan kiya k Muhammad (ﷺ) ne badi Na Qabile Qubool Sharte pesh ki hai'n Lihaza Jung ki Tayyari karo,*

*"❀_ Do Roz Tak Khaas Joshili Fiza qaa'im rahi, Aakhirkaar log Khud hi kehne lage k bhala hum Muhammad (ﷺ) se Kya ladenge, Jabki Saara Arab unki ita'at kar raha hai, Jao Jo kuchh Wo kahe'n use Qubool Karo, Yu'n Fiza Tayyar Kar ke Ahle Wafad ne fir Apna Tassur bayan kiya, Humne Muhammad (ﷺ) ko Taqwa, Wafa, Raham aur Sachcha'i me bahut Ou'ncha Paya hai aur Hamara Safar bahut hi Ba Barkat raha,*

*"❀_ Wahi Taa'if jo Ek Din Daa'i Haq per Patthar fai'nk raha tha, Aaj usi ke ishare se unka Jaahili Nizaam khud Unki Aa'nkho ke Saamne mismaar kiya ja raha tha,* 

*❥❥_(9)_ Wafad Bani Hanifa :- Ye Log ilaqa Yamama se Talluq rakhte they, in Tak islam Sumama bin Usaal ki Dawat se pahu'ncha, aur Fir ye Log khud Madina Aa kar Nabi Kareem ﷺ se mile aur islami Tehreek ke Saaye me dakhil hue, is Wafad Ke Saath Muselma kazzab bhi aaya tha, usne idhar udhar ki baate Kahi'n k Agar Muhammad ﷺ ye baat Tay kare'n k Apna janasheen mujhe banayenge to Mai'n Bait karunga,*

*"❀__ Dar Asal Nabuwat Muhammadi ﷺ ki Azeemus Shan Kamyabiyo ko dekh kar is Shakhs ke Moo'nh me Pani bhar aane laga tha aur usne na jane kab se ye Sochna Shuru kar diya hoga k Kuchh Adabi ibaraat ko Agar Bator ilhaam pesh kiya jaye aur muqable per Ek ilme Nabuwat buland kar diya jaye to kuchh khail banaya ja sakta hai, inhi Khayalaat Ki Vajah se uska Zahan Saudagarana ban gaya tha, uska Mansha ye tha k Ya to mujhse Sauda kar lo, Varna fir Mai'n poora dhong rachaunga,*

*"❀__ Huzoor ﷺ ne uska Zahan padh liya aur Khajoor ki jo chhadi us Waqt Haath me thi use Aage kar ke Farmaya k Mai'n to is Chhadi ke dene ki Shart per bhi Bait nahi Lena chahta,*

*"_ Wafad Waapas chala gaya, Waapas ja kar Muselma ne Waqi'a Nabuwat ka Daava kar diya, Uski Shari'at me Namaz maaf thi aur Sharab aur Zina Halaal they,*

*❀_(10)_ Wafad Bani Tay :- Qabila Tay ke Log Zaid Al Khalil ki Qayadat me Haazir hue, Nabi Kareem ﷺ ne in Logo'n Ke Saamne islam ka Kalma Haq pesh kiya aur ilhaami Nizame Hayaat Ki Dawat di, Sardaar Samet Wafad ne Dilo Jaan se ise Qubool kar liya, Zail Al Khalil ( Jinka Naam Huzoor ﷺ ne Zaid Al Khair Kar diya) Shayar v Khateeb bhi they aur Bahadur bhi,* 

*❥❥_ Adi bin Haatim bhi isi (Bani Tay ) Qabile ke Sardaaro me se they, Mazhaban Iysaa'i they aur Huzoor ﷺ Ke Khilaaf inke Dil me Adawat ka Ek Toofan bhara hua tha, Muqable ki tayyari me they, Lekin Achanak islami fauje Yaman Ke ilaaqe me ja Pahu'nchi To Bhaag Kar Shaam chale gaye, inki Behan giraftaar ho Kar Madina Pahu'nchi To Rasulullah ﷺ ke Husne Sulook aur Majmu'i Kirdaar se behad Mutassir hui'n,*

*"❀_ Unhone Adi bin Haatim Ko Ba israar Madina bhijwaya aur Takeed Ki k Jald se jald Rasulullah ﷺ se ja Milo, Baaz Log Kehte hai'n k ye bhi Wafad Bani Tay ke Saath hi Madina pahu'nche they, inke Saamne ab Sawal ye tha k Ye Shakhs Mahaz Ek Badshaah hai ya nahi ? Pahu'nche to Masjid me hi Huzoor ﷺ se Mulaqaat hui, Ab uthe aur Adi Ko Apne ghar ki Taraf le chale,*

*"❀_ Raaste me Ek Budhiya ne Huzoor ﷺ baat karni chahi, To Aapne kaafi waqt use diya, aur poori Tavajjo sarf ki, fir ghar pahu'nche to Khud Zameen per bethe aur Adi bin Haatim ko Ba israar Gadde per bithaya, in Do Baato se Adi ko Yaqeen ho gaya k Ye Allah Ke Rasool hai'n aur Mahaz Duniyavi Badshaah nahi hai'n,*

*"❀_ Fir Huzoor ﷺ ki Baato ne Mazeed Pukhtgi dilayi, Daurane Guftgu me Huzoor ﷺ ne bhaa'np liya k Adi ke Zahan me Ab Kya Uljhane baqi Hai'n aur Fir unko badi Khoobi se Saaf kiya, Adi Raziyallahu Anhu un Logo'n me se they Jo Haq ko Jald pehchan lene ke baad ye itminaan bhi chahte hai'n k iski Kamyaabi ke Amali imkanaat kaafi had tak mojood hai'n aur Jald Koi Natija bar aamad ho sakta hai,*

*❥❥__Ye Andaza Kar Ke Huzoor ﷺ ne farmaya - Shayad Tumhe islam me Dakhil hone se rokne wali cheez iske maanne walo ki Tanghaali hai ! So khuda ki Qasam ! Anqareeb Wo Waqt aane Wala hai k in Logo'n ke Andar Daulat Ke Fawware jhootenge, Yaha'n tak k use Lene Wale nahi milenge _,*

*"❀_ Aur Agar Tumko Ye Cheez islam me aane se Rokti hai k Musalmano ki Tadaad Kam hai aur inke Mukhalifeen bahut hai'n, To Mai'n Tumhe batata hu'n k Khuda ki qasam! Wo Waqt aane wala hai k Tum Sun Loge k Ek Aurat Tanha Apne Ou'nt per Sawaar Ho kar Qaadsiya se is Masjid ki Ziyarat ke Liye chali aur Ba Khairiyat pahu'nchi,*

*"_ Ya Shayad Tumhare liye Ye Khayal maane hai k Saltanat aur iqtidaar Doosro Ke paas zyada hai, So Khuda ki qasam! Esa Anqareeb hoga k Tum Khud Sun loge k Sarzameen Baabil ke Mahallat Musalmano ne Fateh kar liye,*

*"_ is Pehlu se Jab Adi bin Haatim Ke Shub'haat ka izaala ho gaya to Unhone Foran Apne Aapko Tehreeke islami ke Hawale Kar diya,*

*"❀_ Is Guftgu se Zel Aham Nataa'ij Nikalte hai'n, islam Sirf Akhlaqi islaah hi ki Dawat nahi deta balki iske Program me Ma'ashi Falaah bhi Shamil hai aur Siyaasi inqilab bhi, Wo Aakhirat ki Bhalayi ko Duniyavi Mamlaat ki Durusti se Alag kar ke nahi leta, islami Tehreek Agar Takmeel ke Darje Tak pahu'nch jaye to isse Laziman ye Natija nikala jaye k :-*

*(1)_ Ma'ashi Zaraye v Wasa'il itni Taraqqi kar jaye'n aur unko Ese Sahi Aadilana Tareeqe se Taqseem kiya jaye k Ma'ashre me koi Mohtaaj na rahe,*

*"❀_ (2)_ Siyaasi Lihaaz se itni Mazboot hukumat paida ho k Mukhalifeen use Tar Niwala na bana sake, Balki ulta wo Har Mukhtalif Taaqat ka Zor Tod sake,*

*"(3)_ Dakhili Aman Ka Maiyaar Ye Hona Chahiye k Agar Ek Aurat bhi Mulk ke Ek Sire se Doosre Sire tak ka Safar kare aur insaani Aabadiyo aur Veerano se guzre to uski Jaan izzat aur maal ko kisi tarah se koi khatra na ho, Yahi Ek islami Nizaame Saltanat ki Khoobiya'n hai'n,*

*❥❥_(11)_ Wafad Bani Hars ( Ya Bani Haaris ) bin Ka'ab:-*

*"❀_ Ye ilaaqa Najraan Ke Log they, in Atraaf me Hazrat Khalid bin Waleed Raziyallahu Anhu ne 10 Hijri me Bator Khaas Ja kar islam ki Dawat di thi, Unhone Dawat Qubool kar li, Hazrat Khaalid unko islam ki Taleem v Tarbiyat dene ke Kuchh Arsa thehre aur Huzoor ﷺ ko Ba Zariye Khat Kamyaabi ki ittela di,*

*"❀_ Madina se is khat ke jawab me Hukm gaya k Waapas aa jao aur Qabile Ke Chand Sardaaro ko Saath le aao, is Hukm Ki Tameel ki gayi, Ye Qabila Apne Daure Jahiliyat me bhi kuchh Achchhi Qadr rakhta tha, Chuna'che Wafad aaya to Huzoor ﷺ ne baat cheet ki, Dauran me puchha k kya Vajah hai k Tum log Apne Dushmano ke Khilaf Maidane Jung me Hamesha Kamyaab hote rahe ho aur Tumhe kabhi Shikasht nahi hui,*

*"❀_ Unhone bataya k "Hum log Kisi ke Khilaaf khud Jaare Hana ( Aage badh kar ) Jung nahi karte, Ladne Ke Liye mujtama ho jaye'n to Fir Tafarruqa ( Judayi ) me nahi padte, balki ittehad rakhte hai'n, aur Apni Taraf se kabhi kisi Zulm ki ibtida nahi karte,*

*"❀_ Huzoor ﷺ ne unki is Hikmat Amali ki Tasdeeq ki, Wafad ke Ek Mumtaz fard Qais bin Husain ko un Logo'n per Ameer Muqarrar kiya gaya,*

*❥❥_(13)_ Wafad Najraan:-*

*"❀_ Mohsine Insaniyat ﷺ ne Qalam ko bhi bade paimane per Dawat Ka Zariya banaya aur Khaas Khaas Logo'n ko Khat Rawana farmaye, Chuna'che Najraan Ke iysaa'iyo ko bhi Khat ke Zariye Kalma Haq pahu'nchaya, Naama Mubarak me Aijaaz mumtana se kaam le Kar Pahu'nchane ki baat Huzoor ﷺ ne in Lafzo me pahu'nchayi,*

*"❀_ Ibrahim, Ishaaq aur Yaqoob Ke ilaa (Ma'abood) ke Naam se Agaaz Karta hu'n, Fir iske baad Mai'n tumko Bando ki ibaadat se Khuda ki ibaadat ki taraf bulata hu'n aur Tumhe Bando ki Aaqaa'i Se Khuda Ki Aaqaa'i ki Taraf pukarta hu'n,.....,*

*"❀_ Asqaf ne Khat padha to uske Badan me Kapkapi si Taari ho gayi, Usne pehle Khaas khaas Akaabir ko bula kar raay li, Fir poori Waadi ke Awaam ko Jama kiya, Waadi me 73 Bastiya'n thi aur Abaadi itni thi k Ek Laakh Fauj nikal sakti thi, Bahut bhaari ijtima hua, Ye imkaan Akaabir ke Peshe Nazar tha k Shayad ye Wohi Aakhiri Nabi Mo'oud hai'n Jo Banu Ismail me se uthne wale hai'n,*

*"❀_ Mashwara Aam ke baad faisla ye hua k Akaabir ka Ek Wafad Madina jaye aur Huzoor ﷺ se baat cheet kare aur Jayza le, Chuna'che Sharjeel, Abdullah aur Jabbar ko Khususiyat se Naamzad kiya gaya, Ye pehla Wafad tha Jo Siyaasi ita'at aur Jizya Ada karne ke Vaade per ek Farman E Aman v Huqooq Haasil kar ke waapas hua,*

*❥❥_ Wafad Farman Haasil kar ke waapas hua to Asqaf aur A'ala Sardaar uske istaqbal ke liye bahut Door tak aaye, Farman Raaste hi me Asqaf ko pesh kar diya aur Wo use Chalte chalte padhne laga, uska Chachera Bhai Bashar bin Muawiya bhi Farman ki taraf is darja mutavajjah hua k Ou'nti se gir pada, Uski Zubaan se nikla, "Bura ho us Shakhs ka jiski Vajah se hum musibat me pad gaye hai'n," Zaahir hai k uska ishara kidhar tha,*

*"❀_ Asqaf ne Sakhti se kaha- "Ye kya keh rahe ho, Khuda ki qasam! Wo to Nabi Mursal hai'n," Ab Bashar ke Dil me inqilab aa gaya aur usne ye Azm Zaahir kiya k "Achchha to Ab Khuda ki qasam Mai'n Ou'nti ka Palaan uski Bargaah me ja kar hi utarunga, Asqaf uske pichhe Ou'nti daudata hua pukarta raha k meri baat to suno lekin Bashar ne uski Ek na suni aur kaha To ye kaha k "Tumhare Zahan se itni badi galat baat nikal hi nahi Sakti_,*

*"❀_ Apni Dhun ka pakka Bashar Mohsine Insaniyat ﷺ ki khidmat me ja kar islam laya, Wahi'n Muqeem ho gaya aur Khuda Ta'ala ne usko Shahadat ka martaba naseeb farmaya, isse milta julta Waqi'a ibne Alqama Raziyallahu Anhu ke naam se bhi mazkoor hai,*

*"_ Wafad Muqami Sardaaro Samet Waapas pahu'ncha to Waha'n ke ek aur Tarikud Duniya Raahib ke kaano me Saare Halaat v Waqi'aat ki bhanak padi, aur use maloom hua k Ek Nabi Esa Esa utha hai,*

*"❀_ Ye bhi Walihana Jazbe se Sarshaar ho kar Madina ko Rawana ho gaya, Ek Piyala Ek Asa Ek Chaadar Huzoor ﷺ ki khidmat me Bator Tohfa pesh kar ke Apni Muhabbat v Aqeedat ka izhaar Kiya, Fir Madina me Kuchh Arsa thehar kar islam ke Nizaame fikr v Amal ki Taleem Haasil ki, aur Huzoor Aqdas ﷺ se ijazat le kar Waapsi ka Vaada kar ke Najraan gaye lekin Huzoor ﷺ ki Zindgi me Waapas pahu'nch na sake,*

*❥❥_ (14)_Wafad Banu Asad :- Banu Asad Naami Qabila jungi Muhimaat me Quresh ka bada Aham dast v Bazu tha, 9 Hijri me is Qabile ki Sifarat Madina pahu'nchi aur unhone Apna islam pesh kiya, Arbo Ke Andaze Guroor ki Bu usme Mojood thi, isliye Ahsaan jatane ke Andaz me Arkane Wafad ne Huzoor ﷺ se kaha k Aapne Koi muhim to hamari taraf bheji na thi, Hum to Az khud islam laye hai'n,*

*"❀_ Is Zehniyat ko todne ke liye Wahi ilaahi ne Huzoor ﷺ se Kehalwaya k ( Tarjuma) Apne islam lane ka Ahsaan meri zaat per na dharo, Ye to Allah ka Tum per Ahsaan hai k Usne Tumhe imaan Naseeb kiya,*

*"❀_ Fir is Wafad ne Parindo se Faal lene, Kahanat ( Future ke bare me batana ) aur Zarbul Hama ( Yani Qeemat ya Bhaav Tay karne ke baad Girahak Jins Ya Zameen ko door se Kankri maarta aur Jis Maal ko Kankri lag jati wo uska ho jata) ke bare me Hukm dariyaft kiya, Huzoor ﷺ ne Teeno Umoor ki Mukhalfat farmayi,*

*"❀_ Aakhir me unhone khat Ya Tehreer ke bare me Sawal kiya k ye jaa'iz hai ya Na-jaa'iz, Huzoor ﷺ ne farmaya k ye to kisi na kisi Nabi hi ka Agaaz karda Fun hai aur isse Achchha ilm aur kya hoga, is Qabile se bhi Nabuwat Ka Mudda'i Kaazib Talhiya ibne Khweld Khilafate Siddiqi ke daur me utha tha,*

*❥❥_ (15)_Wafad Banu Fazara :- Ye Ek Mazboot aur Sarkash Qabila tha, Muaina bin Hasan isi Ke ek Fard They, 9 Hijri me Huzoor ﷺ jab Tabook se Waapas aa rahe they to inke Wafad ne aa kar islam ki Bait ki, Rasoole Khuda ﷺ ne un Logo'n se ilaaqe ke Aam halaat puchhe to unhone Qahat Saali ka Rona roya aur Dard bhare Andaz me kaha k Ya Rasulallah! Hamari Bastiya'n tabah ho gayi'n, Maweshi halaak ho gaye, Baag ujad gaye, Baal Bachche Sookh kar Kaa'nta ho gaye, Khuda se Aap hamare Liye Sifarish kijiye aur Khuda Aapse Hamari Sifarish kare_,*

*"❀_ Huzoor ﷺ ne Toka k Khuda ke paas to Mai'n Sifarish karta hu'n, Magar Wo Kon Ho Sakta hai k Jiske Aage Khuda E Zuljalaal Sifarish kare, Uske Siva Koi Ma'abood nahi aur Uski Azmat v Jalaal Saare Aasmaan v Zameen ko Ahata me liye hue hai, Fir Aap ﷺ ne unke liye barane Rehmat ki Dua ki, Jo Qubool hui,*

*"❀_(16)_ Wafad Banu Aamir:- Ye Khandaan Arab ke Mash'hoor Qabila Qais Aylaan ki Shaakh tha, Isme Teen bade Sardaar they, Aamir bin Tufel, Arbad bin Qais aur Jabbar bin Salma, Achchha Khasa bada Wafad in Sardaro ke Saath aaya, Awwalul Zikr dono Sardaar Martabe Ke Taalib they, Khususan Aamir pehle hi Sarpasandi dikha chuka tha, is Waqt bhi ye Dono Aapas me Ek Khofnaak Qatl ki Saazish bana ke aaye they,*

*"❀_ Wafad Huzoor ﷺ ki khidmat me pahu'ncha to Huzoor ﷺ ko "Sayyadna" keh kar Mukhatib kiya, Huzoor ﷺ ne baat karne ke is Andaz ki Tardeed karte hue farmaya - Aaqa to khuda hi hai, Unhone fir Kuchh Tareefi Kalmaat kahe, Huzoor ﷺ ne fir Mutanabba kiya k dekho baat karte hue Khayal rakhna chahiye k Shaitan Kahi'n behka na le jaye,*

*❥❥_Aamir bin Tufel ne Huzoor ﷺ ke kaam ko Ek Siyaasi, Mulkgiri aur Saltanat Saazi Ka kaam Samajhte hue Ba Fayda Sauda karne ke liye Sharte rakhi k:-*

*"_(1)_ Ahle Badiya (Sehra) per Aap Hukumat kare'n aur Shehar mere Zere iqtidaar ho'n,*

*"_(2)_ Ya Apne baad Mujhe Janasheen Naamzad kijiye,*

*"_(3)_ Varna Mai'n Gatfaan ko le kar Chadhayi karunga,*

*"❀_ _ Aamir ne Arbad ko is per Tayyar kar rakha tha k Mai'n To Muhammad (ﷺ) ko Baato me laga rakhunga aur Tum moqa pa kar kaam Tamaam kar dena, Magar Roab E Nabuwat ke Sabab se Arbad bilkul Saakit v Saamit raha, Dono Nakaam Waapas hue, Huzoor ﷺ ki Nigaah ne un dono ke Dilo ko padh liya tha, So Aapne Dua ki k Ey khuda ! Unke Shar se bachaiyo, Zyada Waqt na guzara tha k Aamir Ta'oon ke Hamle ka Shikaar ho gaya aur Arbad bin Qais per Bijli giri aur use Khaksaar kar gayi,*

*"❀_ _(17)_ Wafad Azrah:- Safar 9 Hijri me is Qabile ke 12 Afraad Haazir hue, Hamza bin Nomaan bhi Unme Shamil they Unhone Apna Tarruf karaya k Hum Log Azrah ki Aulaad me se hai'n, Jo Maa'n ke Waaste se Qusa'i ke Bhai they, Rasoole Khuda ﷺ ne badi Masarrat se Khair Muqaddam kiya, Un Sabne Apne Seene islam ke liye khol diye,*

*"❀_ _ Unko Huzoor ﷺ ne Basharat Sunayi k Sham khatm ho jayega, aur Hiraqqal Mulk ko chhod kar chala jayega, Un Logo'n ko Huzoor ﷺ ne Qahino se Gaib ki Khabre (future) maloom karne se mana kiya aur Ibrahimi Qurbani ke Alawa doosri Tamaam Rasmi aur Awbami Qurbaniyo se rok diya, Rawangi ke Waqt Wafad ko Mamool ke mutabiq Raaste ka Samaan diya gaya,*

*❥❥_ (18) Wafad Kundah:- ilaaqa Yaman ka ek Maiyaar Qabila tha, Hazrat Ash'af ibne Qais 80 (ya 60) Sawaaro ka Wafad le kar Haazir hue, Ye Ek A'ala Darje ke Reshmi jubbe Pehan kar Bazme Nabuwat me pahu'nche, Baate Hui, Huzoor ﷺ ne dariyaft kiya k kya tum log Musalman ho chuke ho ? Unhone Asbaat ( Tasdeeq ) me jawab diya, Huzoor ﷺ ne bade tajjub se puchha k fir ye Resham kyu ? Sachche imaan ki ye misaal dekhiye k Un Logo'n ne Foran Resham ko para para kar ke Apne Libaaso se Alag kar diya,*

*❀_(19)_ Wafad Azd :- Bani Azd bhi ilaaqa Yaman me rehte they, inka Wafad Sard bin Abdullah Azdi ki Qayadat me aaya, in Logo'n ne Dawat E islam per Labbek kahi, Hazrat Sard Qabile ke Ameer Muqarrar hue,*

*❀_(20)_ Wafad Jarsh:- Yaman ke Aksar ilaaqe aur Azla islami Saltanat ka Hissa ban chuke they, Lekin beech beech me Sarkash Dushman bhi they, Shehar Jarsh ese hi Qabaa'il ke Qabze me tha aur Yaha'n Mazboot Hifazati Qila mojood tha, Sarkash Taaqato ko Hamwaar karne ke Liye Hazrat Sard Azdi ko Qabile ki Fauji Qayadat bhi Soanpi aur Kaarwayi ki ijazat bhi di, Unhone Jarsh Walo ko liye Muhasre ke baad Shikasht di, is Kaarwayi ke baad Jarsh Walo ka Wafad Madina aaya,*

*❀_ (21) Wafad Hamdaan:- Ye Qabila Yaman me Abaad tha, unme isha'at islam ke liye Khalid bin Waleed Raziyallahu Anhu ko bheja gaya tha, Wo waha'n 6 Maah tak rahe, islam na faila, Nabi ﷺ ne Ali Murtaza Raziyallahu Anhu ko us Qabila me isha'at islam ke liye Mamoor farmaya, Unke Faizaan se Tamaam Qabila ek din me imaan le Aaya_,"*

*❀_ Sayyadna Ali Raziyallahu Anhu ka khat jab Nabi ﷺ ne suna to Sajda Shukr ada Kiya aur zubaan Mubarak se farmaya - Hamdaan ko Salaamti Mile, Ye Wafad unhi Logo'n ka tha jo Hazrar Ali Raziyallahu Anhu ke haath per imaan la chuke they aur Didaare Nabvi ﷺ se mushrraf hone aaye they _,"*

*❥❥_ (22)_ Qaasid Faruh Juzami :- Faruh Mu'aan ke Muqam per Saltanat Rom ki taraf se ilaaqe me Governor they aur us ilaaqe me Shaam aur Arab dono Taraf ke Hisse Shamil they, in Tak Dawat pahu'nchi to Apne Ohda v Jaah Ko khatre me daal kar islam me Dakhil ho gaye, Qaasid Ke Zariye Apne islam ki ittela bhi Huzoor ﷺ ko di, aur Ek Safed Khachchar Bator Hadiya rawana farmaya,*

*"❀_ Jab Romi Hukumat ko ittela hui to inko Giraftaar kar ke Muqame Afra me Saleeb per Latkaya gaya, Magar itna Mazboot imaan khuda ne Apne is Bande ko inayat kiya k khushi Khushi Takhte Hukumat se uth kar Takhte Daar per ja khade hue,*

*"❀_(23)_ Wafad Tajeeb:- Ye Yaman ke Khandaan Kundah ka Ek Zeli ( Maathat ) Wafad tha, Ye pehle se islam la chuke they aur Apne Aapko uske Taqazo ke Saa'nche me Amalan dhaal rahe they, 13 Afraad Wafad me Shareek ho kar aaye aur Apne Saath Zakaat ka maal aur Maweshi bhi Az khud laye, Arz kiya k Allah Ka Haq Haazir hai, Huzoor ﷺ ne farmaya k Maal Waapas le jao aur Muqami Mustahiqeen per kharch karo,*

*"❀_ Unhone bayan kiya k Muqami Mustahiqeen ko de dila kar ye Maal Bach Raha hai, is Moqe per Hazrat Siddiqe Akbar Raziyallahu Anhu ki zubaan se besakhta nikla- Ya Rasulallah! Arab ka koi Wafad Wafad Tajeeb ki Shaan Ka Nahi aaya, Huzoor ﷺ ne farmaya - Hidayat khuda ke Akhtyar me hai Wo jiske liye Bhalayi ka iraada farmata hai uska Dil imaan ke liye khol deta hai ,*

*"❀_ Un Logo'n ne kuchh Sawal kiye aur unke Jawab Bargaahe Risaalat se likhwa liye, Fir ye is Shoq me jaldi jaldi Waapas ho gaye k Apne Qabile ke logo'n ko yaha'n ki Malumaat aur izhaar v Ahwaal ja kar bataye'n, Unke saath Bani Abdi ka ek Nojawan bhi tha Jise Wafad ne Apne Samaan aur Sawariyo per nigraa bana kar chhoda tha, Use Huzoor ﷺ ne Bator Khaas bulaya, Usne arz kiya k meri Sirf ek Tamanna hai k Aap mere liye Magfirat ki Dua farmaye'n, Yaman me jab aage chal kar irtedaad faila to is Nojawan ne poore Qabile ko Sambhale rakha, is Wafad ko bhi Zaade Raah Bator Hadiya ata hua,*

*❥❥_ (24)_ Wafad Bani Sa'ad Huzaim (Quza'a) :- is Qabile ke Chand Aadmi Wafad Ki Soorat me Madina pahu'nche, unme baaz Afraad ikhlas aur Sha'oor se Musalman hue they aur baaz Siyaasi Halaat ki vajah se, bahar haal Unhone Daste Nabuwat per Bait ki, Huzoor ﷺ ke Hukm se Hazrat Bilaal Raziyallahu Anhu ne Chaa'ndi ki Soorat me Zaade Raah diya, unki Waapsi per Saare Qabile ne Dawate islam qubool ki,*

*"❀_ (25-) Wafad Bahra:- Ye bhi ilaaqa Yaman ka Ek Qabila tha, 13 Aadmiyo'n ka Wafad Markaze islam me bheja, Ye Log pehle se Mutassir they, Waha'n Nabuwat ke Anwaar dekh dekh kar Yaqeen se Malamaal hue, islam Qubool kiya aur kuchh din Qayam kar ke Fara'iz v Ahkaam Seekhe aur Fir Waapas chale gaye, inko bhi Mamool ke mutabiq Zaade Raah inayat hua,*

*"❀_ (26)_ Wafad Zi Murrah:- is Qabile se bhi 13 Afraad ka Wafad islami Darul Hukumat me pahu'ncha Jiske Sardaar Haaris bin Auf they, Unhone Huzoor ﷺ se Apna Tarruf karate hue bayan kiya k hum Lu'i bin Gaalib ki Aulaad hai'n aur Aap ﷺ se Nasbi Talluq rakhte hai'n, Huzoor ﷺ ne unke ilaaqe ka Haal poochha to unhone Qahat Saali ka Khofnaak Naqsha khee'nch kar Dua ki Darkhwast ki, Waapas pahu'nchne per maloom hua k Ain Duae Rasool ﷺ hi ke Din Baarish Hui aur Zameen Sar Sabz v Shadaab ho gayi, Nizame islami ka ilm Haasil karne ke liye Ye Wafad bhi Chand Roz muqeem reh kar Rukhsat hua aur Zaade Raah se nawaza gaya,*

*"❀_(27)_ Wafad Kholaan :- 10 Aadmiyo'n ka ye Wafad imaan se Malamaal ho kar bade Mukhlisana jazbaat ke saath Bargaahe Nabuwat me pahu'ncha, Ye Log Jahiliyat me 'um Ans" Naami but ki paristish karte they, Unhone purane qisse bayan kiye k "Um Ans" ke naam per kitni kitni badi Qurbaniya'n di jati thi aur kya kya Rasme Ada hoti thi, Daurane Qayaam me unhone Nayi islami zindgi ke bare me Zaroori ilm Haasil kiya aur jate hue inko bhi Zaade Raah ata hua,*

*❥❥_ (28)_ Wafad Maharib :- Ye Log islam se pehle Nihayat Tund khu aur Bad Akhlaaq they, ibtidayi daur E Dawat me jab Huzoor ﷺ ne Qabilo me ja ja kar Paigame Haq diya tha to inke Yaha'n bhi pahu'nche aur inhone Na Sha'ishta Ravayya Akhtyar kiya tha, 10 Afraad ka Wafad Taalib ho kar Haazir hua,*

*"❀_ Ek Majlis me Huzoor ﷺ ne Ba gor Ek Shakhs ko dekh kar pehchana to use fikr hui, Wo Khud hi bola k Huzoor Shayad mere bare me kuchh khayal farma rahe hai'n, Aap ﷺ mujhse ek baar Ukaaz me mile they aur maine Aapse badi Ghatiya Guftgu ki thi aur Aapka Paigaam bhonte Tareeqe se Radd kar diya tha,*

*"❀_ Ya Rasulallah ﷺ! Hamare Saathiyo me se koi humse zyada Aapka aur islam ka Dushman na tha, Lekin khuda ka Shukr hai k usne mujhe imaan v ita'at ki Tofeeq di, fir usne Apni Saabiq galti ke liye Duae magfirat ki Darkhwast ki, Huzoor ﷺ ne farmaya k islam Daure Kufr ke Gunaaho ko mita deta hai,*

*"❀_(29)_ Wafad Gassan:- Gassan Agarche Naslan Arbo ka Qabila tha magar Mazhab Nasraniyat Akhtyar kar ke Qaisar ki taraf se Arbi ilaaqe per Hukmran tha, 10 Hijri me is Qabile ke Teen Afraad Madina aa kar Huzoor ﷺ ke daste Mubarak per islam laye, Unhone bataya k hamare Khandaan ke Log to mojooda Deen ko Chhod kar mushkil se Qubool E Haq karenge,*

*"❀_ Huzoor ﷺ ne unhe Zaade Raah de kar Rukhsat kiya, Unhone ja kar Dawat di, magar be Natija rahi, Unhone Halaat se majboor ho kar islam poshida rakha, Unme se ek Sahab junge Yarmook ke moqe per Hazrat Abu Ubaida Raziyallahu Anhu se mile aur Apne islam per Qaa'im hone ki khabar di, Baqi 2 ka pehle hi inteqal ho gaya tha,*

*❥❥_(30)_ Wafad Salaman:- Saat Aadmiyo'n ka Wafad Madina aaya Jisme Habeeb ibne Umar bhi Shamil they, inke dariyaft karne per Huzoor ﷺ ne bataya k Namaz Ko Theek Waqt per Ada karna Sabse behtar Amal hai, inhone bhi Qahat Saali ka Haal bayan kar ke Dua ki Darkhwast ki, Rasulallah ﷺ ne Dua farmayi aur Baad me Tasdeeq hui k usi Roz Barane Rehmat ka Nuzool hua,*

*"❀_ (31)_ Wafad Bani Abs:- Ye bhi ilaaqa Yaman ka Qabila tha, inka Wafad bhi 10 Hijri me aaya, in Logo'n ne dariyaft kiya k Humne Muallimeen E islam se Suna hai k Jo Hijrat na kare uska islam Qubool nahi hota, Hum Logo'n Ka Haal ye hai k Maal Maweshi hi hamara Zariya E Ma'ashiyat hai, Ab Agar Hijrat Karna Zaroori ho to Hum unko bech kar aa jaye'n _,*

*"❀_ Jazba E imaan dekhiye k Ek ishare per Apna Maal aur Apna ilaaqa chhodne per Tayyar hai'n, Huzoor ﷺ ne farmaya k Jaha'n raho khuda se darte raho_,*

*"_ Dar Haqeeqat Soorate Maamla Yu'n thi k ibtidayi daur me Jab Markaze islam ko Mazboot karne ke liye Quwwat Ko Yakja karna aur Mulk bhar me Kaam karne ke Liye Afraad ka Tayyar karna Matloob tha To Hijrat kar ke Markaz me aana Farz kiya gaya, Ye Marhala Tay ho gaya, aur baad me Quwwat ka Mulk bhar me faile rehna aur Apne Apne ilaaqe me Dawat ko failana Zaroori thehra to Hijrat ki Farziyat Saaqit ho gayi,*

*"❀_(32)_ Wafad Gaamid:- 10 Hijri me Gaamid ka Wafad aaya Jo 10 Afraad per mushtamil tha, Ye Sab ke Sab islam me Dakhil hue, Hazrat Ubai ibne Kaab Raziyallahu Anhu ko Huzoor ﷺ ne Mamoor farmaya k inko Qur'an ki Taleem de'n, Fir inko Zaade Raah de kar Rukhsat farmaya,*

*"❀_(33)_ Wafad Bani Muntafiq:- is Qabile me se Naheek bin Aasim aur Laqeet bin Aamir Wafad ki Shakl me Markaze islam me pahu'nche, Masjid me Pahu'nche to Huzoor ﷺ Khutba de rahe they, Khutba ke Khatm hone per Laqeet ne khade ho kar Qayamat aur Jannat v Dozakh ke Mutalliq kuchh Sawalaat kiye aur Huzoor ﷺ ne Tafseel se Jawab diye,*

*"❀_ Fir unhone Ambiya aur Aslaaf ke Mutalliq Kuchh baate dariyaft ki, Ek Sawal Barahe Raast Huzoor ﷺ se ye kiya k Aaya Aapko ilme Gaib Haasil hai ? Huzoor ﷺ ne jawab diya k Gaib Ki Chaabiya'n Khuda Ta'ala hi ke Qabze me hai'n _,"*

*❥❥_(34)_ Wafad Abd AlQais number -2:- Pehle Wafad Abd AlQais ka zikr ho chuka hai jo 5 Hijri me aaya tha, inka Doosra Wafad Jo 40 Afraad per mushtamil tha 10 Hijri me Madina Haazir hua,*

*"❀__(35)_ Taariq bin Abdullah aur unke Saathi :- Ye Taariq bin Abdullah wo Shakhs hai'n Jinhone Shoq Alhijaaz me Wo Manzar bhi dekha tha k Huzoor ﷺ Qaba'il me Dawat dete fir rahe hai'n aur Aapka Saga Chacha pichhe pichhe Kankriya fainkta hua kehta jata hai k Logo'n! Is per imaan na Lana, Ye ( Na'uzubillah) jhoota hai,*

*"❀__ Fir yahi Taariq bin Abdullah Rabzah se ek Giroh ke Saath Khajooro ki kharidari ke Liye Madina aaye, inki Aqdamaat per Huzoor ﷺ ka guzar hua, Aap ﷺ ne inka ata pata puchha aur Safar ki Vajah Maloom farmayi, Fir Ek Ou'nt ka Sauda kiya aur Qeemat bhijwa dene ka Vaada kar ke chale aaye, baad me Taariq aur unke Saathiyo ko Khatka hua k bager Jaan pehchan ke humne Ou'nt de diya, na jane kya Soorat ho,*

*"❀__ is Qafile ki ek Mo'azziz Khatoon ne kaha k us Shakhs ka Chehra Roshan Maine dekha tha, Wo Kabhi Dhoka karne wala nahi ho sakta, Agar Wo Qeemat Ada na kare to Mai'n Zaamin hu'n, Thodi der me Aadmi aaya aur Ou'nt ki Qeemat ki Khajoore alag Ada ki aur Hadiya ki alag di, Unke Dil maftooh ho gaye, baad me ye Shehar me aaye to Masjid me Huzoor ﷺ khutba de rahe they aur Sadqe ki Takeed farma rahe they, is tarah unke Dilo me islam ki Dawat ko Raasta mila,* 

*❥❥_(36)_ Amru bin Ma'ad Yakrab Numa'inda Bani Zubed :- Bani Zubed Ke Logo'n tak jab Nizaame Nabuwat ke charche pahu'nche to unhone Apne Sardaar Amru bin Ma'ad Yakrab se kaha k Hum Sunte hai'n k Quresh me se Muhammad ( ﷺ) Naami Nabi ban kar Hijaaz me utha hai, Tum jao aur ja kar maloom karo, Agar wo Tumhari Raay me Waqai Nabi ho to fir Hum Sab imaan laye'n, Chuna'che Ye Shakhs aaya aur usne islam Qubool kiya, Huzoor ﷺ ke inteqal ke baad isne irtidaad kiya,*

*"❀_(37)_ Qaasid min Jaanib Malook Humer:- Humer Ek Shahi Khandaan tha, Uski Taraf se Qaasid Ek khat laya, Is Khat me kuchh Logo'n ke quboole islam aur Tarke Shirk ki ittela thi, Huzoor ﷺ ne uske Jawab me Ek Tafseeli farman Malook Humer ke naam bhijwaya, usme Unko Buniyadi Ahkaam likhwaye, Musalmano se Zakaat lene aur Gair Muslimo se Jizya Wasool karne ki hidayaat darj karwaye, aur Logo'n ki Mazhabi Azaadi ka Haq Sabt farmaya aur Wazahat ki k Jo log Yahoodi ya Nasrani rehna chahe unka Mazhab jabran Tabdeel nahi kiya ja Sakta _,*

*"❀_ iske Saath Saath farman me likhwaya k Zar'a Zuwezan Ki Taraf hamare Numa'inde Afsar Ma'az bin Jabal, Abdullah bin Zaid, Maalik bin Ubada, Uqba bin Namr, Maalik bin Murrah Raziyallahu Anhum aur Kuchh doosre Log Rawana kiye ja rahe hai'n, is Jama'at ke Sar barah Ma'az bin Jabal Raziyallahu Anhu hai'n, Ye Hamare Ahkamaat pahu'nchayenge aur Sadqa v Jizya ki Raqam jama kar ke layenge,*

*❥❥_(38)_ Wafad Nakha:- Ye bhi Yaman hi ka Ek Qabila tha, Ye Aksar Rivayaat ke mojib Aakhri Wafad hai Jo 11 Hijri ( Muharram) me Madina aaya, isme 200 Aadmi Shareek they, Dar Asal ye Log Hazrat Ma'az bin Jabal Raziyallahu Anhu ke Haath per islam ki Bait kar chuke they, Dilo ke inqilab ne Taqaza kiya to ye Markaze islam me pahu'nche, Rasoole Akram ﷺ ke Saamne Apna islam pesh kiya, Ek Rukne Wafad ne Apne khwabo ki Tabeere dariyaft ki aur mukhtsar Qayam ke baad Waapas ho gaye,*

*"❀_ in Wafafo ki Aamad is Kasrat se aur itni pe darpe Hui hai k Sahi ma'ano me Fauj dar Fauj Allah Ke Deen me dakhil ho rahe ( Surah An- Nasr-2) ka Mafhoom Saamne aa jata hai, Dar Haqeeqat insani fitrat khud Haq ki Taraf jhukaav rakhti hai,*

*"❀_ Awaamun Naas ke Raaste me Rukawat thi to Saabiq Jaahili Qayadat thi, Wo jab Hat gayi aur Saath hi jab unko ye itminaan ho gaya k Madina ki islami Taaqat ek Mazboot Taaqat hai aur uske Haatho se Waqai khair v Falaah fail rahi hai to Fir unke Seene Sachcha'i aur Neki ke Paigaam ke Liye poori tarah khul gaye, Unhone khud Apne andar se is Noore Sadaqat ki pyaas se betaab ho ho kar Madina ki Taraf lapke, Ujala failta chala gaya aur Zulmate door hoti chali gayi'n,*

    ⊙══⊙══⊙══⊙══⊙══⊙══⊙                   

*⚂_Bainul Aqwami Dawat Ka Agaaz_⚂*    

        ─━━━════●■●════━━━─

*❥❥_Bainul Aqwami (international) Dawat Ka Agaaz:-*

*"❀__ Nabi Kareem ﷺ ki qaa'im karda Jis Jama'at ko Tehreeke islami chalane ki Sa'adat haasil hui uska Daayra Qaumi v Mulki hi na tha, balki wo Esi Khair E Ummat thi, Jo "Ukhrajat Linnaas" Ke Martabe per Faa'iz ki gayi thi aur jise "Shohda Alal Naas" qaraar diya gaya tha, Yani Tamaam insaniyat ko Haq aur Adal ka Raasta aur Bhai Chare ke Nizaam ka Raasta dikhane Wali Jama'at,*

*"❀__ Ahle Arab ki islaah v Tarbiyat aur unki Riyasati Pur Tanzeem fi Nafsa Aakhri Maqsood na thi, Balki peshe nazar ye tha k Ek islami Riyasat uthe aur Tamaam Zaraye v Wasa'il ko kaam me la kar Duniya bhar ki Qaumo aur Mamlukato ko Nizame Haq ki Dawat de, Aakhir wo Karodo Bandgane Khuda Jo us Badshahat ke Duar me chhote chhote Tabqo aur Khandano ke iqtidaar tale pis rahe they aur jinhe na Sochne ki Azaadi muhayya thi, na Ma'ashi Faragat haasil thi aur na jinke kuchh Siyaasi Huqooq they,*

*"❀__ Unki Mazlumana Haalat se koi bhi islaahi Tehreek kese Aa'nkhe band kar Sakti hai, Kisra ke naam bheje gaye khat me Huzoor ﷺ ne khud hi Apni Dawat ke Bainul insaani paimane ko in Alfaaz se ujagar kar diya hai k Meri Haisiyat Ye hai k Mai'n Saare insaano ki taraf Allah ka Rasool hu'n,*

*"❀__ Haq Ta'ala ne Badshahato aur Mazhabi Tabqo ke Haatho ilaqaa'i Qomiyato me bati hui insaniyat ke Liye Bainul Aqwami Daur ka Agaaz Khud Mohsine Insaniyat hi ke Haatho karaya, aur Ek Kalma Sadaqat Geography Nasli, Lisani aur Siyaasi Hadbadiyo ko Todta hua bahut jald Waqt ki Maloom v Marboot Duniya ke Teeno Barre Aazam per chha gaya,*

*❥❥_ Huzoor ﷺ Ese Zamane me mab'oos hue k jiske Chand hi Sadiyo'n baad Duniya ke Sire Maaddi Lihaaz se mil jane wale they, is Moqe ke aane se Munasib waqt pehle islam ke Nizame Haq ki Bainul Aqwami Dawat utha di gayi, Taki insaniyat jo'n jo'n Maaddi tor per qareeb hoti jaye Zehni aur Nazariyati aur Akhlaqi v Maqsadi Lihaaz se bhi Ek Rishte me piroyi ja Sake, Beach ka ye Waqt Dawat ke failane aur Aqwame Aalam ke Daure No ke liye Tayyar karne ko ba mushkil kaafi ho sakta tha,*

*"❀_ Tehreeke islami Apni usooli Fitrat ke Lihaaz se Taqaza karti thi uski Dawat ki kirne Arab ki Hudood me Paband na rahe balki Zameen ke Goshe Goshe tak pahu'nche, iske Saath Saath Amali Zarurat bhi yahi thi k islam Arab ke ird gird bhi Noor Afgan ho,*

*"❀_ Mohsine Insaniyat ﷺ ki Raftaar kaar hamare liye Hairaan Kun hai k 13 baras ki Muddat me ibtidayi dawat de kar Afraad kaar Tayyar karne ka kaam Mukammal farma liya, aur fir 8 baras ke andar andar islami Riyasat Amalan Zameen ke naqshe per khadi kar ke Mukhalfat ke saare muhaaz Tod diye aur fir Apni Zindgi hi me Dawat ki lehre aas paas ki Saltanato me pahu'ncha di,*

*"❀_ Suleh Hudebiya (6 Hijri) ne Andruni mulk ke Jhagdo se Faragat de kar Huzoor ﷺ ke liye ye moqa faraham kiya k Arab se bahar bhi kaam ki ibtida kar di jaye, Umratul Qaza Ada karne ke foran baad yani 1 Muharram 7 Hijri ko Huzoor ﷺ ne Mulhiqa Saltanato ke Hukmrano ko islami Nizaam ka Paigaam Khusoosi Qasido ke Zariye bhijwaya,*

*❥❥_ Ye baat Aaj ke daur me Qabile gor maloom hoti hai k Huzoor ﷺ ne doosre mulko ke Awaam tak Kalma Haq pahu'nchane ke bajaye Aakhir Shahi Darbaaro ko kyu Mukhatib farmaya, iski Vajah bilkul Waaze hai, Awaamun Naas ke koi Shehri Huqooq us Daur ke Badshaho ke muqable me na they aur unhe Wo Azaadi hi muhayya na thi jisse kaam le kar wo Apne bare me khud koi Faisla kar sake,*

*"❀_ Fir ye Badshahate is kaam ka moqa dene per bhi qat'an Tayyar na thi k Doosre Mulk ke Ajnabi log aa kar unki Ra'iyat se Mel jol Rakhe'n, unke Siyaasi iqtidaar Rivaaji Mazhabo ke bal per hi chal rahe they aur wo Mazhabi peshwao ke Tabqo ka Ta'awun haasil kar ke Hukmrani kar rahe they,*

*"❀_ Fir Jaha'n Dawate haq Qubool karne walo me Rivaaji Nizaam ke khilaaf Bagiyana Rujhan paida kar ke naye Nizaam ki Aqamat ka inqilabi Daiya ubhara jata ho, Waha'n kese mumkin tha k Badshahate apne Awaam me islami Dawat ko chup chaap failne ka moqa deti, Us Daur ki Badshahi Qayadat to Goya Khudawand bani bethi thi aur Ek patta bhi uski ijazat ke bager hil nahi sakta tha,*

*"❀_ Yahi wo Haqeeqat hai jiski bina per Sirf ye k Nabi Kareem ﷺ ne islami Dawat ka Mukhatib khud Badshaho ko banaya balki Apne Khutoot me Sarahat se unko poori Qaum ka Numa'inda qarar de kar Awaam ke bure aur bhale ki zimmedari un per daali, Huzoor ﷺ ne Khutoot likhwate Hye ek taraf Rivaaji Adaab ka Ahatmam kiya, Yani Bator Khaas muhar karne ke liye Anguthi banwayi aur usme "Muhammad Rasulullah" ke Alfaaz Kundah karwaye,*

*"❀_ Doosri taraf Apna ek khaas Usloob v Nahaj paida kiya, Har khat ka Agaaz Khuda e Rehman v Raheem ke naam se farmaya, fir Mursil ki Haisiyat se Apna isme Mubarak likhwaya, Fir maktoob ilaya ka naam, fir Kam se kam aur intehayi muhtaat aur nape tule Alfaaz me Dawat ko bayan farmaya, us Daur ke Lihaaz se jo Sifarati zuban Aapne Khutoot ke liye Akhtyar ki hai wo Huzoor ﷺ ki Zehni Bartari ko hamare Saamne Waaze kar ke Aaj bhi Hairaan kar Dene wali hai,*

*❥❥__ Dawat ke Alawa un Khutoot ki Tarseel ka Ek bada mudda ye bhi tha k Aas paas ke Hukmrano ko ye Haqeeqat Achchhi tarah Maloom ho jaye k Ab Arab pehle ki Tarah ki koi khuli charagah nahi hai, balki wo Ek Ba Zaabta Hukumat ke zere Nizaam hai, Ek kaar Farma Taaqat jo har Lihaaz se choksi aur mazboot hai, Wo kisi purani Saltanat se Dabne wali bhi nahi balki Wo chellenge kar rahi hai aur Chellenge karne ka Dam kham usme Mojood hai,*

*"❀_ Hiraqqal ya Qaisar Romi Saltanat ke Mashriqi hisse ka Tajdaar tha aur Qustuntuniya uska Darul Hukumat tha, Dahiya bin Khalifa Kalbi Raziyallahu Anhu ko Huzoor ﷺ ne Nama Mubarak de kar uske darbaar me bheja, Dahiya Baitul Muqaddas ke Muqam per ja kar usse mile, Safeer madina ke Agaaz me Hiraqqal ne bada bhari Darbaar lagaya aur Nabi Kareem ﷺ ke bare bahut si Tafsilaat dariyaft ki,*

*"❀_ Fir Dariyaft karaya k Agar Makka ka koi aur Aadmi is ilaaqe me Abaad ho to use pesh kiya jaye, ittefaq ki baat k Huzoor ﷺ ke Mukhalif Muhaaz ka Sardaar Abu Sufiyan unhi dino Tijarat ke Silsile me Shaam me pahu'ncha tha, Use Tijarati Saathiya ke saath Darbaar me laya gaya, Hiraqqal ne un Logo'n se kaha k Mai'n Abu Sufiyan se kuchh Sawalaat karunga, Agar koi baat galat ho to Tum log bata dena,*

*"❀_ Abu Sufiyan ka Apna Qaul tha k Agar mujhe ye Andesha na hota k Saathi mere Jhoot ko Zaahir kar de'nge to Shayad Mai'n us Moqe per kuchh baate ghadta, Lekin khuda ne Soorate Halaat esi paida kar di k Rasoole Khuda aur islam ke Mukhalif ki Zuban se bhi Sach nikla,*

*❥❥_ Fir Qaisar ne Huzoor ﷺ ke Khandaan Nasab Akhlaaq, Huzoor ﷺ ke Rafqa, Tehreek ke Halaat aur unki Raftaar Taraqqi, Jungo me Muslim Jama'at ki position aur islam ki Talimaat aur Doosri Cheeze Dariyaft ki, Saari baate Sun kar kaha k, "Abu Sufiyan! Agar Tumne Sach Sach jawab diye Hai'n to Wo Shakhs ek Roz is Jagah ka Maalik hoga Jaha'n Mai'n betha hua hu'n, Kaash Mai'n Haazire Khidmat ho Sakta aur us Nabi Ke Paa'nv dhoya karta _,*

*"❀_ iske baad Nama Mubarak padha gaya jis per Darbari bahut sitpitaye Kyu'nki Hiraqqal ki Zehni Kaifiyat ne unhe bokhlahat me daal diya tha, Unhone Makka walo ko Jaldi Jaldi bahar nikaal diya, is Baat Cheet ne khud Abu Sufiyan ke Dil per islam ki Azmat ka Naqsh Sabt kar diya,*

*"❀_ Khusro Parvez Kisra iraan ki bahut badi Saltanat ka Hukmraan tha, Huzoor ﷺ ne Abdullah bin Rawaha Raziyallahu Anhu ko Safeer bana kar uski Taraf Nama Dawat bhijwaya, Khusro Kisra Gusse me bhar gaya aur Nama Nabuwat ko ye keh kar chaak kar diya k Hamari Ra'iyat ka ek Fard ye Jurrat dikhata hai,*

*"❀_ Kambakht ko poori tarah maloom na tha k Arab kitne bade inqilab se guzar Raha hai aur kesi bhaari Nazariyati Quwwat Taraqqi pa rahi hai, usne Apne Governor E Yaman Bazaan ko Mamoor kiya k Maktoob nigaar ko foran giraftaar kar ke Haazir karo, Bazaan ne Ek Fauji Dasta is muhim per rawana kiya, Ye Dasta Madina pahu'ncha aur unke Sardaar ne Huzoor ﷺ tak Mudda'a pahu'nchaya,*

*"❀_ Huzoor ﷺ ne farmaya k Kal Subeh aa kar fir milo, Subeh ye log Haazir hue to Huzoor ﷺ ne unko khabar di k Aaj Raat khuda ne Tumhare Badshaah ki mohlate Hayaat khatm kar di hai aur wo Apne hi Bete ke Haatho Qatl ho gaya hai, Jao aur ja kar Tehqeeq kar lo,*

*❥❥_ Is pesh goi Ki Sahat Maloom hone aur Mohsine Insaniyat ﷺ ki Taleem aur Kirdaar ka Haal jaanne per Bazaan islami Nizaame Ukhuwat me Shareek ho gaya, aur uske Saath darbaar aur ilaaqe ke bahut se log bhi imaan se Malamaal hue,*

*"❀_ Huzoor ﷺ ne Kisra ke Ravayye Ki Rudaad Sun kar farmaya - usne mere Khat ko Chaak Chaak kar ke dar Haqeeqat Apni Saltanat ko para para kar diya hai, Huzoor ﷺ ke Alfaaz me Qaza E ilaahi bol Rahi thi,*

*"❀_ 10-15 Baras ke andar andar 4-5 Hazaar Baras ki Qadeemi Saltanat, Mazboot aur Wasi aur bade Thaath Baath rakhne wali Saltanat islam ke Qadmo me maftooh padi thi, iske Alawa Jin doosre Chhote Chhote Waliyo tak Dawat bheji gayi, Unme se ek to Farwah bin Amru Romi Saltanat ka Governor tha, Jisne islam Qubool kar ke na Sirf Ohda v Jaah per laat maari balki Jaan bhi Shahadat Haq me laga di,*

*"❀_ Doosra Najad Ka Hukmraan Sumama tha Jo 6 Hijri me islam me Dakhil hua, Teesra Jabla Gassani 7 Hijri me islam laya, Chotha Domta Aljundul ka Haakim Akeedar bhi Musalman hua, Paa'nchva Zulkalah Hamiri Jo Qabila Hameer ka Badshaah tha aur Apne Aapko khuda Kehlata aur Logo'n Se Sajde karata tha, Aakhir Kaar ye bhi islam me Dakhil hua, Usne islam lane ki Khushi me 18 Hazaar Gulam Azaad kiye they,*

*❥❥_ In Waqi'aat se Zaahir hai k Dawate haq ke is Qalami Muhaaz se bhi bade Aham Natije paida hue aur ye Tadbeer islam Ki Tarakki me bahut Kargar hui, Awwalan ye hua k ird gird ki Saltanato me islam ka Paigaam ja Pahu'ncha aur Mehdood Halqo me sahi is per socha jane laga, Fir ye islam ki Sadaqat aur uske Mutabiq fitrat hone ka ek Saboot hai k Ahle Jaah v iqtidaar ki ek Achchhi khaasi Tadaad Esi haalat me islam layi jabki Muslim Jama'at Tamdduni Lihaaz se bahut pichhe thi,*

*"❀_ Un Logo'n ke Saath unke Zere Asar Awaam me bhi islam ko Raasta Milne laga, Khutoot E Nabvi ﷺ ke Jo Mukhatib islam me nahi aa sake Unke Zehno per bhi khaase Achche Asraat pad gaye, fir Andruni mulk ki Fiza Hamwaar hone me madad mili, Sabse bada fayda is Muhim ka ye hua k Muslim Jama'at ke Saamne Ek bada Daayra kaam Ke shuru hi se aa gaya,*

*"❀_ iska Natija Ye hua k Arab me islami Saltanat ke Chha jane ke Bavjood Sahaba Kiraam ne Apni Kamare nahi kholi, Aish v ishrat me nahi pade, unme ye itminaan paida na hua k karne ka kaam humne Mukammal kar diya, Kalma Haq se unki Lagan ghatne nahi payi, Huzoor ﷺ ne Apne Rafqa Ko Sifarati Mamlaat me daal kar unko aane wali Zimmedariyo ke liye Achchhi khaasi Tarbiyat de di,*

*"❀_ Wo Ajnabi Halqo me pahu'nche, Thaath Baath wale Tamdduno ke Daayre me dakhil hue, Shaahi darbaro me pahu'nche, Bhari majliso me unhe Mukalma v Bahas ka Tajurba hua, Waqt ke Hukmrano aur Darbariyo ki Nafsiyaat Samajhne ka unko moqa Mila aur fir Jis mazboot itminaan se Apne Maslak ki Bartari ke liye Saadgi ke Saath Bayane Haq ke Liye jis Jurrate izhaar ka unhone muzahira kiya Usne unki Salahiyato ko aur zyada Ujagar kar diya aur unka Kirdaar aur zyada nikhar gaya,*

*"❀_ Bainul Aqwami Dawat ki ye Muhim jiska Huzoor ﷺ ne Agaaz farmaya tha, use Takmeel dene ki Sa'adat Aapke jaa'nsheen Sahaba, Rafqa aur Aapki Tarbiyat Yafta Jama'at ke hisse me aayi,*

    ⊙══⊙══⊙══⊙══⊙══⊙══⊙                           

                

*⚂_Tehreeke islami ka Azeem ijtima_⚂*    

        ─━━━════●■●════━━━─

*❥❥_Tehreeke islami ka ijtima E Azeem (Hajj):-*

*"❀_ Hajj islam ki Ek Azeem darje ki Buniyadi ibaadat hai, Haram Paak jo Dawate Ibrahimi ka Markaz tha aur Jiske Zarre Zarre per Deen ki Tareekh ke Qadimi (old) Nuqoosh Sabt hai'n, Jiski Fiza me Ibrahim Khalilullah Alaihissalam ki Duae'n rachi basi hai'n aur fir Jiske poore Mahol me khud Mohsine Insaniyat ﷺ ke Kaarname Hayaat ke Abwaab me bikhre hue hai'n, Wo hamesha Ke Liye islami Dawat aur Tehreek ka Aalami Markaz aur Qibla qaraar Paya, Har Sahibe Tofeeq Musalman ke liye Umr bhar me Kam se kam Ek baar is Markaz per Muqarrar Ayyame Hajj me Haazri dena, Sha'air v Manasik Ada karna, Qurbani ki Sunnate Ibrahimi ko Taza karna Ambiya Ki Tareekh ke Nuqoosh aur Barkaat se Malamaal hona, Duniya bhar ke Nazariya E Haq ke Alamdaro aur islami Bhai Chare Ke Nizaame Rafqa se Raabta paida karna aur Har Taraf se Moo'nh mod kar Kaamil Aajizi ke Saath Apne Aapko khuda ke Supurd kar Dena farz hai,*

*"❀_ Hajj Ki Farziyat ka Ye Hukm 9 Hijri me Naazil hua, Huzoor ﷺ ne usi Saal Hazrat Abu Bakar Siddiq Raziyallahu Anhu ko Ameer E Hajj bana kar Teen So Sahaba ke Saath Makka Rawana farmaya k Wo unko Apni Amarat me Hajj Ada karaye'n, Hazrat Ali Raziyallahu Anhu ko Ek Doosri Zimmedari Soa'npi k wo Surah Baqra ( Pehli 4 Ayaat ) Hajj ke ijtima me Sunaye'n aur Hukme Khudawandi Ke Mutabiq Zaroori Elanaat Logo'n tak Pahu'ncha de'n,*

*"❀_ Qabile Elaan Umoor ye they k Ek to Saabiq Jaahilana Shirk per Qaaym reh kar Jin Logo'n ne Huzoor ﷺ ya islami Riyasat se Muahida kar ke mufadaat Mehfooz kar rakhe they, Unke Saamne Elaan kar diya gaya k Chaar maah ki mohlat hai, Uske baad Tamaam Ese Muahidaat Ba Hukme Khudawandi khatm ho jayenge, is Dauraan me wo Apne liye Raahe Amal khud Tay kar le'n k Unko is Riyasat ki Shehriyat Tark kar deni hai ya Jung karni hai Ya Fir islami Riyasat ke Andar Ba Haisiyat Muslim ke rehna hai,*

*"❀_ Ye Ri'ayat bhi di gayi k Agar Koi Mushrik is muddat me Madind aa kar islam ko Samajhna chahe to usko Ba Hifazat aane Jane ka moqa hoga, Fir Mushrikeen me se bhi un Logo'n ko Alag Ri'ayat di gayi Jinhone Dayanat daari se Ahad ko poora kiya tha unke Muahidaat ko unki muqarrar muddat tak ke liye bahaal rakha gaya, Asal Zad un Mushrikeen per thi Jinhone islam ki Mukhalfat Dushmani aur Jung ke Khofnaak Tareeqe Apnaye, Takraav karte hue Saari Akhlaaqi Hade Tod di, Fir Qaul v Qaraar se baar baar fire aur Har qism ke Lihaaz v Murawwat ko Baala E Taaq rakh dete rahe, Ye Wo Mushrik they jinhone Raahe Haq ko Rokna chaha, Jinhone deene Haq me aib nikale, Jinhone Rasoole Paak ﷺ ko ghar se nikalne ke mansoobe baandhe aur Jinhone Jung v Jadal me pehal ki,*

*❥❥_ Ab hum is Azeemush Shaan ijtima Haj ka Tazkira karte hai'n Jisme Mohsine Insaniyat ﷺ ne Ba Nafs Nafees Shirkat farmayi aur jisme islami Tehreek ki insaani Quwwat ka Ek Samandar Huzoor ﷺ ki Nigaaho ke Saamne mojzan hua, 10 Hijri me jab Huzoor ﷺ ne Hajj ka iraada farmaya to Tamam ilaaqo me iski ittela bhej di gayi, islami inqilab ke Alambrdaaro ke Qafile har Taraf se Madina me ikatthe hone lage, Bandgane ilaahi ka ye Qafila chala to Raaste me bhi mukhtalif Qabilo ki jamaate aa aa kar is Dariya E Rawa'n me Shamil hoti gayi'n,*

*"❀_ Azwaaj Mutahaat sabki Sab Huzoor ﷺ ke Saath thi'n, Huzoor ﷺ ne Zul Hulefa se Ahraam baa'ndha, aur fir yahi se Wo pukaar buland ki jo Bargaahe ilaahi me Haazri Dene Wale Hujjaj ki Rooho Ki Sada hoti hai, Labbek Allahumma Labbek ...." Hum Haazir hai'n, Ey hamare Allah hum Haazir hai'n! Tera koi Shareek nahi, Hum teri Bargaah me Haazir hai'n, Muhammad ﷺ tere liye hai'n, Ni'amat tere Qabze me hai, Badshahi Teri hai Tera koi Shareek nahi _,"*

*"❀_ Makka ke Qareeb ja kar Zitawa me kuchh der Qayam Farmaya, fir Kaseerul Tadaad Muslim Jama'at ko saath liye hue Makka ki balayi Jaanib se dakhil hue, Tawaaf kiya, Safa v Marva Tashreeh le gaye, Waha'n se Kaaba ki taraf Rukh kar ke khuda ki Toheed ki pukaar fir buland ki, 9 vi Zilhijja ko Vaadi Namra me utre, Din dhalne ke baad Arafaat Tashreeh le gaye, Pahaadi per Chad kar Qaswa naami Ou'ntni per Sawaar Ho kar khutna Nashr farmaya, Charo Taraf Mukabbir khade they Jo ek Ek Jumle ko Dohrate jate they aur is Tadbeer se Huzoor ﷺ ke irshadaat Saare Majme ke Kaano tak Pahu'nch rahe they,*

*"❀_ Gor kijiye, Kya Sama'n hoga, Nabi Kareem ﷺ ka Dil us Manzar ko dekh kar kya Kaifiyat mehsoos karta hoga, Aaj Goya Saari Umr ki Kashtkaari ke Natije me Ek Fasal poore Joban ke Saath lehla rahi thi, Ek Laakh 44 Hazaar ya baaz Rivayaat ke Mutabiq Ek Laakh 24 Hazaar ka ek Bada majma Zameen per Apni misaal Aap tha, Sahaba Kiraam ki Aa'nkhe jab Apni Mehboob Hasti ko Pahaadi ki Bulandi per itne bade Majme ke Darmiyan dekhti ho'ngi To Unke Dilo ki Parwaz Kaha'n tak na ho rahi hogi,*

*❥❥_ Nabi Kareem ﷺ ne Do Khutbe is Moqe per diye, Pehla Arafaat ki pahadi se 9 Zilhijja ko Doosra 10 Zilhijja ko, in Khutbo ke baaz mazameen Rivayaat me Baham mil jul gaye hai'n, Ye Khutbe Kai haisiyato se Gair Mamooli Ahmiyat rakhte hai'n, Awwalan Huzoor ﷺ ne Jama'at ke Sabse bade Deeni ijtima me Khitaab farmaya aur Ese daur me farmaya jabki Aapka Pesh karda Kalma Haq Tanawar Darakht ban kar Barg v Baar lane laga tha,*

*"❀_ Huzoor ﷺ ki Farasate Nabuwat Samajh rahi thi k Jama'at se Khitaab ka ye Aakhri moqa hai, isliye Goya Al vidayi Vasiyate farmayi Jinka har har lafz besh Qeemat hai, Mulki kaam ke Takmeeli Marhale per aa jane ke baad yahi moqa tha k Tehreeke islami ki taraf se insaniyat ke naam koi Paigaam aur koi manshoor diya jata, So Aapne is Farize ko Ba Husn v johar Ada kiya, Rabian Ye Khutbe Huzoor ﷺ ke Kamale Khitaab aur Aapki Shaan Fasahat ke bhi Naadir Namoone hai'n aur inke Zariye us Muqaddas Shakhsiyat ki Azmato ko Samajhne me madad milti hai,*

*"❀_ Ye peshe nazar rahe k in Khutbo ka ek Hissa Khusoos Mulki halaat v Masa'il se Mutalliq hai aur ek Hissa Bainul insaani manshoor per mushtamil hai, Nifs Mazmoom khud hi is Taqseem ko Waaze kar dega,*

    ⊙══⊙══⊙══⊙══⊙══⊙══⊙            

            *⚂_Khutba Arafaat_⚂*    

        ─━━━════●■●════━━━─

          *❥❥__Khutba Arafaat:-*

*"❀_ Tamaam Tareefe Sirf Allah hi ke Liye hai'n, Hum usi Ki Hamd karte hai'n, usse madad Talab karte hai'n, Usse Apne Gunaho ki maafi chahte hai'n aur uske Huzoor izhare Nadamat karte hai'n, Hum Apne Dilo me Fitna Angeziyo aur Apne A'amaal ki buraiyo'n ke muqable me uski Panah maa'ngte hai'n, Jise Allah Sidhe Raaste per chalne ki Tofeeq de use koi doosra Gumrah nahi kar sakta aur jise Wohi Hidayat ki Tofeeq na de use koi Raahe Raast per nahi chala Sakta,*

*"❀_ Aur Mai'n Elaan karta hu'n us Haqeeqat ka k Allah ke Siva koi Ma'abood nahi hai, Wo Akela hai uska koi Shareek nahi aur Mai'n Elaan karta hu'n us Haqeeqat ka k Muhammad (ﷺ) uske Bande aur Uske Rasool hai'n,*

*"_ Allah Ke Bando ! Mai'n Tumko uski ibaadat ki Nasihat karta hu'n aur Targeeb dilata hu'n, Mai'n Agaze kalam is baat se karta hu'n Jo Baa'ise khair hai,*

*"❀_ is ( Tamheed ) ke baad ( Mai'n kehta hu'n k) Ey Logo'n! Meri baate gor se Suno, Mai'n Tumko Wazahat se batata hu'n, Kyu'nki Mai'n Esa nahi Samajhta k is Saal ke baad Mai'n Tumse is muqam per Mulaqaat kar saku,*

*"_ Ey Logo'n ! Tumhare Khoon aur Tumhare Maal Tumhare liye ( Aapas me ) Haraam kar diye gaye hai'n taaki tum Apne Rab ke Huzoor ja kar pesh Ho jao.. jese k Tumhare is Mahine me aur Tumhare is Shehar me Tumhara ye Din Haraam hai,*

*"_ Agaah Raho k Maine baat pahu'ncha di ! Ey Allah tu khud gawah Rahiyo !*

*"❀_ So jis kisi ke Qabze me koi Amanat ho use uske Maalik ko Ada kar de, Daure Jahiliyat ki Soodi Raqame Kaal Adm kar di gayi'n aur Sabse pehle Mai'n Apne Chacha Abbas bin Abdul Muttalib ke Soodi Mutalbaat ko kaal adm karta hu'n,.. Daure Jahiliyat ke Tamaam Khoono ke Mutalbaat Qasaas kaal adm kar diye gaye aur Sabse pehle Mai'n Ammar bin Rabi'a bin Haaris bin Abdul Muttalib ke khoon ka Mutalba Saaqit karta hu'n, Daure Jahiliyat ke Tamaam Aizazaat aur Manasib kaal adm kiye jate hai'n ma Sivaye Sadata ( Kaaba ki dekh bhaal ka Shoba ) aur Saqaya ( Haajiyo ke Liye shoba Aab rasani) ke,*

*❥❥_ Qatl E Amd me Qasaas liya jayega (Jo laathi aur Patthar se Qatl kiya jaye Wo Qatl E Amd ke mushaba hai) aur uski Det 100 Ou'nt muqarrar ki jati hai, Jo isme izafa kare So wo Ahle Jahiliyat me Shamil Hoga,*

*"❀_ Ey Logo'n! Shaitan ( Nizame Haq ke Chha jane ke baad) is baat se to Na Ummeed ho gaya hai k Ab Tumhari is Sar zameen me uski ibaadat ki jayegi, Lekin wo is per bhi khush hoga k Uske alawa un Doosre Gunaho me uski ita'at ki jaye Jinko Tum halka Samajhte ho,*

*"❀_ Ey Logo'n ! Mahino (yani Haraam Mahino) ka Adal Badal Kufr ke Tarze Amal me izafa hai aur iske Zariye Kuffar aur zyada Gumrahi me padte hai'n k Ek Saal kisi Mahine ko Halaal kar dete hai'n aur Doosre Saal Haraam Thehra lete Hai'n Taaki ( Aage Pichhe kar ke ) khuda ke Haram karda Mahino ki Faqat Ginti poori kar de'n _,*

*"❀_ Yaqinan Aaj Zamana fir fira kar usi Haalat per aa gaya hai Jo us Waqt thi, Jabki khuda ne Aasmano aur Zameen ko paida Kiya, Yani Allah ki Bargaah me Mahino ki Tadaad Qata'i Tor per Barah (12) hai aur jabse Allah ne Aasmano aur Zameen ko paida Kiya hai ye Tadaad is uski Kitaab ( Noshta Taqdeer) me usi tarah Sabt hai, Unme Chaar Mahine Haraam hai'n... Teen Mutawatar yani Zu Qa'ada, Zilhijja aur Muharram aur Ek Akela Alag yani Rajjab jo Jumadil ukhri aur Shaban ke Darmiyan hai,*

*"❀_ Agaah Raho k Maine baat pahu'ncha di, Ey Allah Tu khud bhi Gawah Rahiyo !!*

*❥❥__ Ey Logo'n ! Tumhari Khawateen ko Tumhare muqable me kuchh Huqooq diye gaye hai'n aur Tumhe unke Muqable me Huqooq diye gaye hai'n, Un per Laazim hai k Wo Tumhari Khwab gaaho me Tumhare Alawa kisi ko na aane de'n aur kisi Ese Shakhs ko Ghar me Tumhari ijazat ke bager dakhil na hone de'n Jiska Dakhil hona Tumhe pasand na ho, aur kisi behayai ka irtikaab na Kare'n, Agar wo koi esi baat kare'n to tumko Allah ne ijazat di hai k ( unki islaah ke liye) unko juda kar sakte ho, Khwab Gaaho se alag kar sakte ho aur esi Badani Saza de sakte ho jo Nishan daalne wali na ho, Fir Agar wo baaz aa jaye'n aur Tumhari ita'at me chale to Qaayde ke mutabiq unka Naan v Nafqa Tumhare Zimme hai,*

*"❀_ Yaqinan Khawateen tumhare Zere Nagee'n ( Maathat) hai'n Jo Apne liye Bator khud kuchh nahi kar sakti'n, Tumne unko Allah ki Amanat ke Tor per Apni Rafaqat me liya hai aur unke Jismo ko Allah hi ke Qanoon ke Tahat Tasarruf me liya hai, So Khawateen ke maamle me khuda se daro aur bhale Tareeqe se Unki Tarbiyat karo,*

*"_ Agaah Raho k Maine baat pahu'ncha di, Ey Allah tu khud bhi Gawah Rahiyo!!*

*"❀_ Ey Logo'n ! Momin Aapas me Bhai Bhai hai'n, kisi Shakhs ke Liye uske Bhai ka Maal ( lena ) uski Razamandi ke bager Jaa'iz nahi,*

*"_ Agaah Raho k Maine baat pahu'ncha di, Ey Allah ! Tu khud bhi Gawah Rahiyo!!*

*"_ So mere baad Kahi'n ( is Bhai Chare ko Tark kar ke ) fir Kafirana dhang Akhtyar kar ke ek Doosre ki Gardane na kaatne lagna,*

*"❀_ Mai'n Tumhare Darmiyan Ek esi Cheez Chhode ja raha hu'n k jab Tak us per Kaar band rahoge kabhi Raahe Raast se na hatoge, Wo hai Allah ki kitaab !!*

*"_ Agaah Raho k Maine baat pahu'ncha di, Ey Allah! tu khud bhi Gawah Rahiyo!!* 

*

*❥❥_ Aur Tum Logo'n se mere bare me puchha jayega, To Ab tum batao kya kahoge ?*

*"_ Logo'n ne pukar kar kaha- Hum Gawahi dete hai'n k Aapne Paigaam pahu'ncha diya, Ummat ko Nasihat karne ka haq ada kar diya, Haqeeqat se Saare parde utha diye aur Amanat E ilaahi ko hum tak kama Haqqa pahu'ncha diya_,*

*"_ Ey Allah! Tu Gawah Rahiyo ! Ey Allah! Tu Gawah Rahiyo ! Ey Allah! Tu Gawah Rahiyo !!*

*"❀_ Jo Log Yaha'n mojood hai'n Wo ye baate Gair Haazir Logo'n tak Pahu'ncha de'n, Mumkin hai k baaz Sama'ien ke muqable me baaz Gair Haazir log in baato ko zyada Achchhi Tarah yaad Rakhe'n aur unki Hifazat kare'n,*

*"_ Ey Logo'n ! Allah Ta'ala ne Miraas me se har Waaris ke Liye Hissa muqarrar kar diya hai aur Ek Tihaa'i maal se Zyada ki Wasiyat karna jaa'iz nahi hai,*

*"❀_ Jisne Apne Baap ke bajaye kisi doosre ko baap qaraar diya, Ya jis Gulam ne Apne Aaqa ke Alawa kisi aur ko Aaqa Zaahir kiya, To ese Shakhs per Allah aur Farishto aur Tamaam insaano ki taraf se laanat hai, usse (Qayamat ke Din) koi badla ya Evaz Qubool na hoga,*

*"_ Tum per Allah ki Taraf se Salamti ho aur uski Rehmate Naazil ho'n,*

*❥❥_Mina me Khutba:-*

*"❀_ Ey Logo'n ! mere baad koi naya Nabi aane wala nahi hai aur na Tumhare baad koi aur Ummat barpa ki jane wali hai, Pas Gor se Suno aur Apne Rab ki ibaadat me Lage raho,*

*"_ Namaze panjgana qaa'im karte raho, Mahe Ramzan ke Roze rakhte raho, Apne Maalo ki Zakaat Dili Ragbat se Ada karte raho, Apne Rab ke Haram paak ka Hajj karte raho aur Apne Ameer v Hukkam ki ita'at per kaarband raho.. taki Apne Rab ki jannat me jagah pa Sako_,*

*"❀_ Ye Hamare Mehboob Nabi ﷺ ka Aakhri Paigaam hai aur isme Hum hi Mukhatib banaye gaye hai'n, iski Noiyat Paigambar paak ﷺ ki Wasiyat ki si hai, iske Ek Ek Bol per Huzoor ﷺ ne Dard bhare Andaz se Awaaz buland ki hai k maine baat pahu'ncha di hai,*

*"❀_ Hume Chahiye k ise padh kar hamari Roohe'n cho'nk jaye'n, Hamare jazbe Jaag uthe, Hamare Dil dhadakne lage, aur hum Apni Ab tak ki Rawish per naadim ho kar aur Kafirana Nizaamo ki maru'biyat ka Qalada Gardano se nikaal kar Mohsine Insaniyat ﷺ ka Daaman Thaam le'n, is mission ko le kar uth khade ho'n Jiski Kamyaabi ke Liye Huzoor ﷺ ne Wo Wo Aziyate bhugti hai'n k itne bade Sabr aur Hilm ki misaal nahi milti,*

*"❀_ Huzoor ﷺ ne Hajj ke Tamaam Arkaan v Manasik ba itminaan Ada farmaye, Jama'at ke Aam Logo'n se Ba Kasrat Mel Jol raha, Logo'n ne is Moqe per kasrat se Masa'il poochhe aur bil Aakhir Tawafe Vida ke baad is Mubarak Safar se Waapsi hui,* 

*❥❥_Hajjatul Vida me jis Andaz se Nabi Kareem ﷺ ne hissa liya, Apni Jama'at se jis Tarah Khitaab farmaya, Logo'n ko jis tarah mukhtalif Takeede aur Wasiyate ki Wo Sab bata rahi thi k Huzoor ﷺ ijtimayi tor per Alvida keh rahe hai'n, Waapsi me Gadeer Kham ( Ek Talaab ) ke paas padaav daala aur Waha'n fir Ek Khitaab Khaas Rafqa se kiya, usme Wohi Alvidayi Rang aur zyada ubhar aaya, Bol ese hai'n k unko Sun kar Dilo per Raqqat Taari ho gayi hogi,*

*"❀_ Pehle Apni Sunnat ke Mutabiq khuda ki Hamd v Sana ki, Fir farmaya- iske baad ( kehna ye hai k ) Ey Logo'n ! Mai'n bahar haal ek insaan hu'n, Shayad Jald hi mere paas khuda ka bulawa le kar Qaasid aa pahu'nche aur Mai'n Labbek Kahu'n, Mai'n Zimmedari ke Do bojh Tumhare andar Chhode ja raha hu'n, unme se ek khuda ki kitaab hai, Jisme Zaabta E Hidayat hai aur Roshni v Hikmat hai, So khuda ki kitaab ko thaam lo, aur usi se Rehnumayi haasil karo, ( Fir Qura'n ki Taraf bahut Targeeb v Tashveesh dilayi), Fir farmaya - aur Doosre mere Ghar ke Log hai'n, Apne Ghar ke Logo'n ke bare me Mai'n Tumhe khuda hi ki yaad dilata hu'n _,"*

*"❀_ is Khutbe me Huzoor ﷺ ne Ek To un Zalalato ka Darwaza band kiya Jo Ambiya Alaihissalam ko Foqul Bashar aur Gair Bashar qarar dene walo ne paida ki, aur jinki inteha ye hui k Jo Hastiya'n khuda ko "Lam Yulid Walam Yulad" ki Shan ke Saath manwane aayi thi, Gulu Pasando ne unhi ko utha kar khuda ki Aulaad aur Khudayi me Shareek bana dala, aur Unko Qanoon E Maut se mawara farz kar ke gaibviyat ke Tasavvurat tarashe aur unke Liye Hayate Jismani v Unsari ke Dawam ke Aqeede paida kiye,*

.*"❀_ Huzoor ﷺ ne Rukhsat ka Lamha aane se pehle Sahaba Kiraam ko Agaah kar diya k Mai'n insaan hu'n aur insaano ki tarah maut ka Qanoon mujh per bhi Naafiz hoga, Fir Takeed ye farmayi k Kitabe ilaahi ko Buniyadi Zaabta E Hayaat ki Haisiyat se qaa'im rakhna, isi se Rehnumayi le kar Zindgi ka Nizaam chalana, Ye tum Logo'n ke liye bahut Bojhal Zimmedari hai, isliye is Zimmedari ka Achchhi Tarah Ahsaas karo, iske Saath Saath Apne Ahlo Ayaal Apne Ghar Walo aur Apne Qareebi Azeezo ke bare me bager kisi Sarahat ke Tavajjo dilayi k unse Mutalliq bhi Tum per Kuchh Zimmedariya'n Hain,*

*"❀_ Ek Taraf Huzoor ﷺ ne Ahlo Ayaal Aapki Niji Zindgi ke Shahid aur Aapke Mamulaat ko Qareeb se dekhne wale aur Aapki Talimaat ke poori Tarah Amanatdaar they, aur is Lihaaz se wo Ummat ke Liye Taleem ka Ek Qeemti zariya they, Doosri Taraf Huzoor ﷺ ne na unke Liye khazane Jama kiye, na Miraas Sameti, na Jaydaad banayi balki Zindgi me bhi Unko Darweshana Ma'ashre se guzara aur unka Mustaqbil bhi bager kisi Saro Samaan ke Allah ke Hawale kar diya, Zaahir baat hai k Huzoor Aqdas ﷺ ke baad unke bare me Jama'at per badi bhari Zimmedari Aa'id hoti thi,*

    ⊙══⊙══⊙══⊙══⊙══⊙══⊙                      

            *⚂_Safar E Aakhirat_⚂*    

        ─━━━════●■●════━━━─

*❥❥_ Mahe Safar 11 Hijri ke Agaaz hi se Safare Aakhirat Ke Liye Mohsine Insaniyat ﷺ ki Rooh Paak ne Tayyariya'n Shuru kar di, Ek Roz Uhad Tashreeh le gaye aur Shohda E Uhad Ke Liye Duae'n ki, Waapas aa kar Fir ye Khutba diya_,*

*"❀_ Logo'n! Mai'n Tumse pehle Rukhsat hone Wala hu'n aur khuda ke Saamne Tumhare Mutalliq Shahadat dene wala hu'n, Wallah ! Mai'n Hauz E Kausar ko Yaha'n se dekh raha hu'n, Mujhe Saltanato Ke Khazano Ki Kunjiya'n Supurd kar di gayi hai'n ( Yani Mukhtalif Mulk Dawate haq ke Natije me Fateh hone wale hai'n) Mujhe ye Andesha nahi k Tum mere baad Mushrik ho jaoge, Dar ye hai k Duniyavi Mufaad ki Kashmkash me na pad jao _,*

*"❀_ Fir Aadhi Raat ko Baqi ( Qabristan) me Tashreeh le ja kar Ahle Quboor ke Liye Duae magfirat farmayi aur Farmaya k, "Hum bhi Jald hi Tumse aa Milne Wale hai'n _,*

*"_ Fir Ek Roz Bator Khaas Rafqa Jama'at ko jama kiya aur Khitaab farmaya k,:-*

*"_ Marhaba ! Ey Musalmano ! Allah Tumhe Apni Rehmat me rakhe, Tumhari Shikasta Dili Door farmaye, Tumhe Rizq de, Tumhari madad kare, Tumhe Urooj de, Tumhe Ba Amno Amaan rakhe, Mai'n Tumko Allah ke Taqwa ki Wasiyat karta hu'n aur Tumko Allah hi ki Nigrani me Soa'npta hu'n, Tumko usi se darata hu'n Kyunki Mai'n Khula khula Mutanabba karne wala hu'n,*

*"❀_ Dekho Allah ki Bastiyo'n me uske Bando ke Darmiyan Takabbur aur Sarkashi ki Rawish Akhtyar na karna, Allah Ta'ala ne mujhe aur Tumhe farmaya hai k ( Al Qasas-83) Ye Aakhirat ka ghar hum un Logo'n ke Liye khaas karenge Jo Zameen me Sarkash aur Fasaad machane ki niyat na rakhte ho'n aur Aaqbiyat ( ki kaamyabi ) to hai hi muttaqeen Ke liye_," Salam ho Tum Sab per aur Un Saare Logo'n per Jo islam Qubool kar ke meri Bait me dakhil ho'nge _,"* 

*❥❥_ Qabristan Baqi se Waapsi per hi Halka Halka darde Sar shuru hua, Fir Safar ki 29 vi Tareekh ko Ek janaze ke saath jate aate hue usme Shiddat aayi, Marz ke ibtidayi halke hamle ke Dauraan me 11 Roz tak Masjid me Tashreeh la kar khud hi Namaz ki imamat farmate rahe, Shiddate Marz me Ghar ke andar bilkul Sahibe Farash rehne ki Muddat ek hi hafta hai, Takleef badhne per Azwaaj se ijazat le kar Hazrat Ayesha Raziyallahu Anha hi ke Hujre me aa gaye,*

*"❀_ Marzul Maut me bhi Tehreeke Haq ki Zimmedariya'n poori tarah saamne rahi, Tabook aur Mauta me morke ke Hussole Maqsad ke Lihaaz se bhi Takmeel Talab they, Agar Zara bhi dheel barti jati to Mukhalif Saltanat Shair ho jati, isliye usi Haalat me 26 Tareekh Safar Logo'n ko Gazwa Rom ki Tayyari ka Hukm diya aur Doosre Din Hazrat Osama bin Zaid Raziyallahu Anhu ko is Muhim ka Afsar A'ala muqarrar farma diya, Farmaya - Jao Allah ke Naam se, Apne Baap ke Muqame Shahadat tak pahu'ncho...., Apne Haatho se Alam Tayyar farma kar Bureda bin Khaseeb Aslami ko Soa'npa,*

*"❀_ Do Ek Aadmiyo'n ne Hazrat Osama Raziyallahu Anhu ki kam Umri ( aur kuchh Khandani Martabe) ki bina per baate banayi k Ese Ladke ko bade bade Muhajireen v Ansar per Ameer kyu muqarrar kiya gaya hai, Huzoor ﷺ ne Suna to Sakht Ranjeeda hue aur Sakht Takleef ke Bavjood Sar per Patti baa'ndh kar Masjid me Tashreeh laye aur theek Gadeer Kham ke Se Andaz me Khitaab kiya k:-*

*"❀_ Mujhe ittela mili hai k Tumne Osama ke Mutalliq esi esi baate Kahi'n hai'n, isse pehle uske Baap ke Ameer muqarrar hone per bhi Tum log Aitrazaat utha chuke ho... Hala'nki khuda ki Qasam Wo is mansab ka mustahiq tha aur uske baad uska beta bhi iska Ahal hai, Wo ( Zaid bin Harisa Raziyallahu Anhu) bhi humko Sabse Zyada mehboob tha aur Uske baad uska Beta ( Osama bin Zaid Raziyallahu Anhu) bhi hume Sabse Zyada mehboob hai,*

*❥❥_ isse qabl ( wafaat se 5 din pehle) 7 mashk Pani dalwaya, is Gusl se Tabiyat Zara Halki hui to Sahara le kar masjid me Tashreef le gaye aur Waha'n Sahaba Kiraam se Aakhri Khitaab farmaya:- "Tumse pehle Ese Log guzre hai'n, Jinhone Ambiya v Sulha ki Qabro ko Sajdagaah bana liya tha, Mai'n Tumhe isse mana kar Raha hu'n, Dekho maine baat pahu'ncha di, ilaahi tu khud iska Gawah Rahiyo,*

*"❀_ Fir Namaz padhayi aur Namaz ke baad fir farmaya :- Mai'n Tumko Ansar ke Haq me khaas Takeed karta hu'n, Ye Log mere Jism Ke Perhan aur mere Liye Zaade Raah rahe hai'n, Inhone Apne Hisse ki Zimmedariya'n poori kar di aur ab ( Tum per ) inke Huqooq baqi hai'n, Doosre Log failenge aur Ye Jaha'n ke Taha'n hi reh jayenge, inme se Achchha kaam karne walo ki Qadr karo aur Lagzish karne walo se darguzar karo,*

*"❀_ Khuda ne Apne Bande Ko Akhtyar diya k Wo Chahe to Duniya v Mafiha ko Qubool kare jo khuda ki Bargaah me hai, To us Bande ne Wohi kuchh intikhab kar liya Jo uske Liye khuda ki Bargaah me hai _,"*

*"❀_ Yu'n To is Saari Guftguo'n me Alvidayi Rang jhalak raha tha, Lekin Aakhri Fiqre me ishara bada hi Sareeh tha, Jise Hazrat Abu Bakar Siddiq Raziyallahu Anhu foran pa gaye aur Zaaro Qataar Rone lage,* 

*❥❥_ Namaz ki Jama'at me Shirkat se jab Mazoori ho gayi to Hazrat Abu Bakar Siddiq Raziyallahu Anhu ko Apni Jagah imamat per Mamoor farma diya, Marz ki Shiddat badhne se Jama'at me iztiraab badhta gaya aur Log Pareshani me baar baar Masjid ka Chakkar lagate, Taskeen Dahani ke Liye Huzoor ﷺ Hazrat Ali Raziyallahu Anhu aur Hazrat Fazal ibne Abbas Raziyallahu Anhu ke Kandho ka Sahara le kar Paa'nv ghaseette hue Masjid me Tashreeh laye aur Mimbar se nichle Zine per beth kar bilkul Aakhri Khitaab ye Farmaya-*

*"❀_ Logo'n! Mujhe khabar mili hai k Tum meri Maut se darte ho, Jitne bhi Ambiya Mab'oos ho chuke Hai'n kya koi bhi unme se hamesha Zinda raha, Mai'n Khuda se Milne wala hu'n aur Tum bhi khuda se Milne Wale ho, Mai'n Wasiyat karta hu'n k Muhajireen Awwaleen ke Saath Bhalayi karo aur Mai'n Wasiyat karta hu'n k Muhajireen Aapas me Husne Sulook kare'n _,"*

*"❀_ Fir Surah Asr padh kar farmaya - Tamaam Mamlaat khuda ke Hukm per Chalte hai'n, Jis Kaam me Takheer ho uske liye Jaldi na machao, kisi ki Ujlat Pasandi ki vajah se khuda jaldi nahi karta, aur Mai'n Wasiyat karta hu'n k Ansar ke Saath Bhalayi karo, Unhone Tumse pehle Madina ko Apna Watan banaya aur imaan ko Apne Ouper Laazim kar liya, Kya Unhone Phalo me Tumko Apna Shareek na banaya ? Kya Unhone Tumhari Khaatir Makano me Wasiyat na di ? Kya Unhone Bavjood Ahatyaaj ke Tumko Apne Aap per Tarjeeh na di ? Dekho Apne Aapko un per Tarjeeh na do, Suno k Mai'n pehle jata hu'n aur Tum bhi mujhse aa miloge, Hauz per Milne ka Vaada hai _,"*

*"❀_ in Khutbaat ko Mukhtalif Rivayaat me Mukhtalif Awqaat se Mutalliq kiya gaya hai, magar Ek Raay ye bhi payi jati hai aur Shayad Amre Waqi'a yahi ho k ye Saari baate ek hi Khutbe me kahi gayi hai'n, Somwaar ke Roz Mizaaj Aqdas ne Aakhri baar Sambhala liya, Miswaak ki, Parda utha kar Sahaba Kiraam ki Jama'at ko dekha aur Muskuraye ... iske Chand hi lamho baad Rafeequl A'ala Teen baar farmaya aur Hazrat Ayesha Raziyallahu Anha ki Agosh me Sar Rakh kar khuda E Hayyul Qayyum se ja mile,*  

*❥❥_ Aah ! Hum Sabke Sab khuda hi ke Mamlook hai'n aur Hume bhi palat kar usi ke Huzoor Jana hai, Wo Hasti Duniya se Rukhsat ho rahi thi Jisne insaniyat ko Hayate No se Malamaal kiya aur Jisne Zindgi ke Qafile ko Raahzano ke Hujoom se nikaal kar Sirate Mustaqeem per lane ke liye Khofnaak Aziyate Sahi, Sangeen Marahil paar kiye, Mushkilaat ke pahaad kaate aur Fir is Kaarname ka Koi Sila Wasool nahi kiya,*

*"❀_ Ye Sadma kitna bada hoga un Rafeeqo ke Liye.. Umr bhar ke Saathiyo ke liye, Jo Huzoor ﷺ ko Ek Nazar dekhne se bhi Nayi Taaqat Haasil karte they, Unki Nigaaho me Zameen v Aasmaan ghoom gaye ho'nge, Tareekh me Zalzala aa gaya hoga, Hazrat Usman Raziyallahu Anhu per Sakta Taari ho gaya, Hazrat Ali Raziyallahu Anhu behas v Harkat ho gaye, Hazrat Abdullah bin Anees ka Dil esa Shaq hua k Sadme se inteqal kar gaye,*

*"❀_ Ye Azeem Sadma Yu'n bhi Ek Kohe Gam tha, Musibat ye k ye Nihayat hi Khatarnak Halaat me pesh aaya, Jabki Ek Taraf Romi Hukumat ki taraf se Jung ka khatra mojood tha aur isiliye Hazrat Osama Ka Lashkar rawana ho raha tha, Doosri Taraf Fitna irtidaad aur Zakaat ka inkaar ka fitna, Teesri Taraf Tehreek islami ird gird ki Saltanato ko Dawat Dene ke Saath Saath halka sa chellenge bhi de chuki thi, aur Dakhili mushkil ye k Nifaaq Ki dabi hui Roke ubhar aane ka Andesha tha, Magar Huzoor ﷺ ki Tarbiyat ka Kamaal tha k Aapki Tarbiyat Yafta Jama'at ne Apne Jazbaat per Qabu pa liya aur Na ummeedi aur inteshar ka shikar hone se bach kar Apni Aham Zimmedariyo ko Anjaam dene ki Fikr ki,*

*"❀_ Mohsine Insaniyat jesi Hasti ki Wafaat per Ranj v Gam karne se zyada Azeem Zimmedari Jaa'nsheeno per ye hoti hai k wo us Tehreek aur Nizaam ki Hifazat v istahkaam ki fikr kare jiska Sheraza ese hi lamho per Gaflat aur kotaahi karne se bikhar bhi Sakta hai, Wo Hasti jo Barso poore kaam ki Rooh Rawa'n bani rehti hai aur Tamaam Saathiyo ke Kaamil Aitmaad aur Gehri Mohabbato ka Markaz hoti hai, Uske uth Jane se bada bhaari khala Achanak paida ho jata hai, Jise Agar waqt per Theek se na bhar liya jaye to bade Khofnaak Natije pesh aa sakte hai'n, Huzoor ﷺ ki Tayyar karda Jama'at ne Apne Ahsase Zimmedari aur Apne Mazboot Kirdaar ka bemisaal Saboot is Waqi'e se pesh kiya k Foran us Khala ko bhar liya aur Nazam ke bandhan dheele na padne diye, Jaa'nsheeni ke liye koi Kashmkash nahi hui, Talwaar nahi chali, Shor v Hungama nahi hua,*

*❥❥_Saqifa Bani Saada me Mukhtsar si Guftgu Ke baad islam Ki Shurayi Jamhuriyat Ke Tahat Hazrat Abu Bakar Siddiq Raziyallahu Anhu ka intikhab Amal me aaya, Jiski Toseeq Masjide Nabvi Ke ijtima Aam me poori Jama'at ke Awaami ijtima ne Ba Sharah Sadr kar di,*

*"❀_ Huzoor ﷺ ke Baad Huzoor ﷺ ke Azeem Dawati Nasbul ain ko failane aur Huzoor ﷺ ki Agaaz Karda Muhimaat ko Takmeel tak pahu'nchane me Jis Azm v Basirat aur Husne Kirdaar ke Saath Hazrat Abu Bakar Siddiq Raziyallahu Anhu ne Zare khidmaat Anjaam di aur Jis Shaan se Hazrat Farooq, Hazrat Usman, Hazrat Ali aur Safe Qayadat ke Doosre Akaabir Sahaba Kiraam Raziyallahu Anhum ne Apna Bharpoor Ta'awun Huzoor ﷺ ke Jaa'nsheen Ameere Jama'at ko Baham pahu'nchaya uski Misaale insaniyat ke paas Kam hi ho'ngi _,*

*"❀_ Mohsin E insaniyat ki Tayyar karda Jama'at ne Saabit kar diya k Wo Behatreen Namoona E insaniyat hai'n, Wo belos Kirdaar rakhte hai'n, Wo Zahanat v Basirat me Apna Namoona Aap hai'n aur Sakht Tareen Halaat me Apni Zimmedariyo se gaafil hone Wale nahi, Chuna'che Tareekh Gawaah hai Chand hi Baras me islami Tehreek ki Shua'e Duniya ke Kone Kone tak pahu'ncha di aur islami Nizaame Adal ka Saya E Rehmat Jis Raftaar se Huzoor ﷺ ne Khitta Khitta failaya tha, usme Qat'an koi Farq nahi aane diya,*

*"❀_ Duniya me agar Aaj hum Musalmano ka Vajood hai to ye us Hasti ki Jaa'nsheeniyo ke Tufel hai, Aaj Agar Schchayi aur Neki ka Kalma hamare Seeno me Noor Afgan hai to ye usi Muqaddas Vajood ka faizan hai, Aaj agar Zindgi ki salah v Falah ke Liye Ek usooli Zaabta insaniyat ke Saamne Mojood hai to ye Muhammad ﷺ ki jaddo Jahad ka Samra hai, Aaj Agar Zindgi ka Ek Behatreen Namoona E Maiyaar Hamari Nigaaho ke Saamne hai to Ye Nabi Kareem ﷺ hi ka pesh karda hai,*

*"❀_ Hamare Bas me nahi k Huzoor ﷺ ke Ahsanaat ka kisi Adna darje me bhi koi badla Huzoor ﷺ ko Ada kar sake, isliye Ey Khudawand E Bartar hum Aajiz Bande Tujhi se ye Darkhwast karte hai'n Tu Hamare Jazbe ko Qubool farma kar Apne Khazana E Rehmat se Hamara Badla Ada farma, Huzoor ﷺ ki Paak Rooh per Rehmate Naazil farma, Barkaat bhej, Salamti ki Fuware barsa Darjaat v Maratib ko buland farma, Huzoor ﷺ ki Dawate Paigaam aur Tehreek ko Fir Urooj de, Use Tosi ata farma aur Apne Zyada se zyada bando ko islami Nizaam ke Saya E Rehmat se Behra mand kar, Har Ek Muslim Bande ko is Sa'adat ki Tofeeq de k Huzoor ﷺ ki Dawat ki Muqaddas Amanat ke Sachche Amanat daar bane, use Saari insaniyat tak pahu'nchaye, Huzoor ﷺ ki jaari karda Tehreeke Haq ko fir ek Zinda Haqeeqat banaye, aur Tan man dhan Sarf kar ke Huzoor ﷺ ke pesh karda Nizame Adl ko Zameen per istwaar kar de, Huzoor ﷺ ke Mission ki Takmeel me hissa lena bhi Huzoor ﷺ ki mamnuniyat ka Behatreen izhaar hai, ﷺ,*

*"❀___ Alhamdulillah Mukammal hua __,*

*📔 Mohsin E Insaniyat- ﷺ, 544*

 ┵━━━━━━❀━━━━━━━━━━━━┵

💕 *ʀєαd,ғσʟʟσɯ αɳd ғσʀɯαʀd*💕 

                    ✍

         *❥ Haqq Ka Daayi ❥* http://www.haqqkadaayi.com/

http://haqqkadaayi.blogspot.com

*👆🏻Visit for All updates,*

https://chat.whatsapp.com/FKxSPwjh0W2IBafzv6QMxa

*👆🏻 What's app All Post Ke liye Join Kijiye _,*

https://chat.whatsapp.com/LmMjlq3Rmoi67AxLFcZxqI

*"👆🏻_Sirf Roman Post Ke liye Link se Join Kijiye,* 

https://t.me/haqqKaDaayi

*👆🏻Telegram Per Join Link_,*

https://www.youtube.com/channel/UChdcsCkqrolEP5Fe8yWPFQg

*👆🏻Subscribe Our YouTube Channel ,*

┣━━━━━━━━━━━━━━━━━━━━┫

⚂⚂⚂