NOOR E HIDAYAT-5 ROMAN

*❈❦ 5 ❦❈*       

        ☜█❈ *Haqq Ka Daayi*❈ █☞

      ☞❦ *NOOR- E -HIDAYAT* ❦☜           

           ❦━━━━━━❀━━━━━❦.

*☞_Majmu'a Ko Bikherne Ki Shaitan Ki Koshish*

*↬• Jab Deen Ke Kaam Karne Walo ka ek Majmu'a Taiyaar ho jata hai to islam Ki quwwat ka zariya Banta hai,*

*★• To is Majmu'a ko bikherne ke liye Shaitan infiradi ibadaat me khalal paida karne aur inko infiradi A’amal se rokne se bilkul gaafil ho jata hai aur Ye sochta hai k agar kisi Fard ko Maine Amal se rok diya to ye Ek fard ka nuqsaan hai, isme itna nafa nahi Jitna nafa usme hai k Jo Majma Taiyaar hua hai Deen Ki Hifazat ke liye, Deen Ki isha’at ke liye, is Majmua ko kisi tarah bikhera jaye, is per Shaitan Ki quwwat lagi hai,*

*★• Majmu'a ko bikherne ke liye iske chand Buniyadi kaam hote Hai’n, inme Sabse Buniyadi kaam ye hai k inke Dilo'n me Ek Doosre ke liye waswaso ke zariye Badgumani paida karo Taki ye Apni Asal se Apne Markaz se aur Deen Ki ijtimiyat ke moqe se bikhar jaye ,aur Bikhar kar inki Salahiyate aur inki quwwate mujtama na rahe,*

*★ •Shaitan Badgumani paida karta hai ye uska Sabse bada Harba hai k Agar Dawat ke Zariye Ummat me Deen Ka istaqbaal paida ho to Kaam karne wale Majmu'a ko bikherne ke liye inko inke Bado'n se Badzan kiya jaye, Ye Shaitan ka Buniyadi kaam hai aur Ye Mashwara ye dega k Hum to iske Zariye Kaam Chahte Hai’n,*

        

           ❦━━━━━━❀━━━━━❦.

*☞_ Shaitaan Ka Kaam Badgumaani Paida Karna*

*↬• Huzoor Akram ﷺ ne Hazrat Waleed ibne Uqba Raziyallahu Anhu ko bheja k Jao tum Banu Mustalik se zakaat wasool kar lao, Ye Amaanat daari ka zamana tha Poore qabile se Zakaat Wasoolne ke liye Sirf ek Aadmi ko bheja,*

*★• Qabile ko pata chala k Huzoor ﷺ Ka Qaasid zakaat Ki wasooli ke liye aa raha hai to poora Qabila iske istaqbaal ke liye Bahar nikal aaya Kyunki WO hamari ek ibaadat ( Zakaat Farz ibaadat hai ) ko karwane ke liye aa raha hai,*

*★ • Jab  ye dekha k Deen ka istaqbaal bad raha hai poora Qabila khushi se zakaat dene ke liye Taiyaar hai aur ek Aadmi zakaat ki wasooli ke liye ja raha hai to Ek munafik  ne  usse ye kaha k Jiski tum zakaat ki wasooli ke liye ja rahe ho WO poora Qabila Basti se Bahar nikal aaya hai tumhe qatl karne ke liye,*

*★. Ye Ek Dohri chaal hoti hai, ek to is galatfahmi ko paida kiya k WO zakaat ke munkir Hai’n, Zakaat ka inkaar Farize ka inkaar hai, Ek munafik ne istaqbaal ko inkaar mai tabdeel kar diya,*

*★•Shaitaan Jinke Dilo mai Deen ka istaqbaal hai unko, Awaam ko badzan karega Deendaaro ki taraf se aur inko badzan karega Awaam ki taraf se ,_*

        

           ❦━━━━━━❀━━━━━❦.

  *☞_Tehqeeq Kiye Bager Koi qadam na Uthaao*

*↬• Akele Sahabi ghabra gaye ,Ye wahi se waapas ho gaye ,aakar arz kiya k Raaste mai ye khabar mili hai k Poora Qabila mere qatl ke liye Bahar nikal aaya hai , Bada Gunaah hua k Aap Sallallahu Alaihivasallam ke Qaasid ke qatl ka iraada aur Zakaat ka inkaar,*

*★•  Mai’n Ye baat kar raha hu’n Khairul Quroon ki Jisme Farize ka ada na karna Kufr samjha jata tha ,Fara’iz ki adaaygi islam ki Shara’it mai se hai ,Aur Dil bilkul saaf they ( Sahaba Ke ) Usme ek munafik ki ek ( Jhooti ) khabar per Sahaba Kiraam ne ye mashwara kar liya k Hume un per hamla karna hai aur qatl karna hai Banu Mustalik ko,*

*★ •To Wahi aa gayi :— Ey imaan walo! Agar Tumhare paas koi faasik koi khabar le kar aaye to tum iski tehqeeq kar Lena, Tehqeeq isliye taki Faasik ka Fisk khul jaye ,Jaldi na karna balki Tehqeeq karna k baat sahi hai ya galat hai , Esa na ho k tum Tehqeeq kiye bager koi qadam uthaa lo aur esa qadam uthaa lo k is aqdaam ki koi talaafi na ho,*

*“__Nadamat Aadmi ko tab karni padti hai jab Kisi cheez ki talaafi na ho,*

*★. Jitna koi iraada kiya ja raha hai mahaj jhooti khabro aur mahaj Badgumaani per kiya ja raha hai ,Saara qila isi per tameer hai ,iska haqeeqat se door ka bhi koi waasta nahi ,Kyunki is kaam mai ikhtilaaf ki koi cheez nahi hai, sirf Badgumaaniya hai’n Jo paida ki ja rahi hai’n,*

*★•Shaitaan ka ye kaam hai k inke Darmiyan foot daalo Badgumaani se,*

      

           ❦━━━━━━❀━━━━━❦.

      *☞_ita’at Ka imtihaan Hoga*

*↬• Allah Ta’ala Kaam karne walo ka imtihaan lete hai’n k is Darje per Pahu'nchne ke baad inhe Apne kaam per Apni Baat per yaqeen kitna hai ,k ye kisi Khabar se mutassir to nahi hote, Esi khabre Bahut Hai’n Seerat me Ese imtihaan Bahut hai’n,*

*★•  Imtihaan Bahut Sakht ho'nge k Apni zaat ka aitmaad aur Apni raay aur Apni chaah ko Nabi ke Hukm per Ese Qurban karna padega k uska koi Shub'ha aur iraada baqi na rahe aur Sakht imtihaan unka hota hai Jo kisi darje me Aage bad jate Hai’n ,Unka imtihaan us darje ke aitbaar se hoga,*

*★ • Huzoor Akram ﷺ ke Ek Kaatibul wahi they, Jab Aap per ko'i wahi aati thi to inko bulaya jata tha likhne ke liye, WO Aapki wahi ki kaifiyat dekhte they, Aapka Paseene ko Aapki thartharahat ko Gungunahat ko dekhte aur intezar karte k Aayat likhwaye'n,*

*★. Aaj itne Arse ke baad ek Musalman Qur’an ke Ek harf ko bhi yaqeen karta hai k ye Allah ki kitaab hai ,to un Sahabi ke yaqeen ki kya kaifiyat hogi Jo Aapke saath Aapke Saamne beth kar wahi ki kaifiyat ko dekhe,*

*★• Aap ﷺ per wahi Naazil hui, Allah ne insaan ki takhleeq ke marahil naazil kiye k humne insaan ko kaise Paida kiya, Allah ne in Sahabi ka imtihaan Lene ke liye inki Zubaan per ye alfaaz jaari kar diye "Ba barkat hai WO zaat Jo sabse Achchha Paida karne wali hai,*

*“__Aur udhar ye Aayat Aap per wahi kar di,inki Zubaan per Alfaaz they aur Aapki Zubaan per wahi ke Kalmaat, Aapne farmaya ye bhi likho, Kehne lage Nahi Mai'n ye nahi likhunga (ye to mere kalmaat hai) WO kehne lage (nauzubillaah) Aasman se koi wahi nahi aati Jiski Baat Achchhi lagti hai likhwa dete hai’n , Rivayat me hai islam se murtad ho gaye aur Nabuwat ka daava kar diya k Mai’n Nabi hu’n Mere Ouper bhi wahi aati hai,_*

       

           ❦━━━━━━❀━━━━━❦.

*☞_ita’at Ka maiyaar bahut Ou'ncha hai*

*↬• Hukm Aayega Tabiyat ke Khilaf, Hukm Aayega Mamool ke Khilaf, Hukm Aayega Haisiyat ke Khilaf, Jazbe ke Khilaf, K hum dekhna chahte Hai’n k Allah aur Allah ke Rasool ki ita’at Kis darje tak pahu'nchi hai,*

*★• Ye imtihaan hoga, is imtihaan me Jo Kamyaab hoga WO to baqi rahega, aur Jo fail ho gaya WO ijtimaiyat ki saff se nikal jayega ,aur Jo ijtimaiyat ki saff se niklega To iski khusoosiyat ye hai, dastoor ye hai k ijtimaiyat ki saff se nikalne wala Doosro ki khair me rukawat banega,*

*★ • Shaitan ne Aadam Alaihissalam ko Sajde se inkaar kiya, Hukm se inkaar Ki vajah khud inkaar hai, Nafarmani ke liye itna kaafi hai k Allah ke kisi Hukm ki illat per  gor kare k ye Hukm kyu diya gaya ….Mai’n isse behtar hu’n,Ye Mere Saath Zyadti hai k Mai’n isko Sajda karu ,*

*★. To WO is Saff (Farishto ki saff) se Nikal gaya, Jab isse Nikal gaya to Fir iska kaam sirf ye hai k Wo khair me Rukawat bane …. Teri izzat ki Qasam me Sabko Gumrah kar dunga, To Allah ne bhi chhoot de di k Jaa Jo Tujhse ho sake kar le Lekin ye baat yaad rakh, imaan walo per Tera bas nahi chalega ,_*

     

           ❦━━━━━━❀━━━━━❦.

*☞_.Ijtimaiyat Ke Liye Ek Doosre Ka Ta’wun Kare*

*↬• ijtimaiyat ki Asal Buniyad hai WO ita’at hai, Agar ita’at per hai’n to mujtama rahenge,*

*★• Ijtimaiyat ke liye sabse Buniyadi cheez ek doosre ka Ta’wun hai , Ek Doosre ka Ta’wun karo Deen ke kaamo mai, isliye Deen Ke jitne bhi Shobe hai’n Makatib hai Madaris hai Deeni tehreeqe hai’n in sabka bahami Ta’wun ho,*

*★ • Agar Bahami Ta’wun nahi hoga to Deen chahne walo ke is tarah Firke banenge Jis tarah Duniya walo ke Firke bante hai’n, Aur Ahle Duniya ke Firko se WO Deen ka nuqsaan, WO fasaad nahi hoga Jo Ahle Haq ke firko se hoga,*

*★. Duniya Tabqaat mai bat jawe aur ek doosre ko khaa jawe to WO fassad nahi hoga Jo Ahle Haq ki tafreeq se hoga,Tafreeq ka Buniyadi sabab ek doosre ka Ta’wun na karna hoga, isliye ye Hukm farmaya k Deen ke kaamo mai ek doosre ka Ta’wun karo,*

*★• Ta’wun ka kya matlab hai? Ta’wun ka to Sirf zahan mai ye matlab hai k Maali Ta’wun kar do, Maulana Sahab farmate they k maali Ta’wun se WO Fitne aayenge Jo fitne sadiyo mai nahi aayenge,*

*★__Maali Ta’wun Deen mai Ta’wun ki sabse adna Shakl hai , Maali Ta’wun to Deen mai Gair Muslim bhi kar dega, Ta’wun ka matlab ye hai k Deen ke Tamaam Shobe ek doosre ka difa kare'n,_*

     

           ❦━━━━━━❀━━━━━❦.

        *☞_.. Ek Doosre Ka Difa kare*

*↬• Deen Ke tamaam Shobe ek doosre ka difa kare, Agar Difa nahi karenge to Baatil ko inke darmiyan dakhil ho jayega, Kyunki ek doosre ka Difa na karne ki vajah se Baatil ko inke darmiyan ghusne ka Raasta mileg , Usko fatan Nazar aayegi,*

*★ • Hazrat Farmate they k Khuda ki qasam musalmano ki jama’ate us waqt tak mujtama nahi reh sakti Jab tak ek doosre ke fayl ( kaam ) ki taveel na kare , Aur Har Jama’at apne kaam ko Apna nahi balki doosre ( Deen ) ke kaam ko bhi Apna kaam samjhe,*

*★•Aadmi Apne ghar ke fard ka Difa karta hai chahe kitni hi badi galti kyu na ho, ye Koshish k galti saabit na ho ,Ye maamla Ab musalmano ki do Jama’ato mai nahi hai, Jo ek aam musalman ke darmiyan hua karta tha,*

*“___Apne Musalman Bhaiyo'n ke Gunaah ko saabit karne ka to Sahaba Kiraam ke Zamane mai koi tasavvur hi nahi tha,*

*★•Khud farma rahe k Maine zina kiya ,..Nahi tune Haath lagaya hoga,  ..nahi nahi maine zina kiya hai …Nahi tune Chhua hoga ,..Bosa liya hoga,*

*★•Ese Do firke Jo jahannam mai jayenge bajaye ek Doosre ke Difa ke ek doosre ki kamzori batane mai lage  ,WO kahe ye is cheez per Nahi, Ye kahe WO is cheez per nahi hai ,_*

   

           ❦━━━━━━❀━━━━━❦.

 *☞_.. Ek Doosre ke liye Rahmat Bano*

*↬• Lekin Wo Rahmat kese ban sakte hai’n Jo ek doosre ki ni’amat ko Khatm karne ki Koshish me ho,*

*★• Kisi ki Ni’amat ko zaa’il karne ki fikr Hasad Paida karti hai, To WO Usse Ni’amat ko chheene ki Koshish karte hai’n Agar Chheenne se Nahi milti to usko zaa’il karne Ka Raasta dekhte hai’n,*

*★ • Mushrikeen e Makka Huzoor Akram ﷺ  se Nabuwat ko to nahi chheen sakte they, Wo kehne lage Likh kar de do k Aapke baad Hume Zimmedar banaya jaye, Khilafat ,Siyasat Hume mile to hum Aap per imaan le aayenge ,*

*★. Mushrikeen Aapki Kitaab per bhi Hasad karte they K Qur’an Aap per kyu naazil hua, Hasad ne unko islam ki khair se Mehroon rakha, Waqa’i ye Haqeeqat hai Hasad Aadmi ko Tanha kar deta hai ,*

*★• Hasad Mehroomi ka sabab kyu hai ? ye sawal hai, Ky'unki Hasad karne wala Allah Ki Taqseem Se ikhtilaaf karta hai, Allah ne isliye farmaya Qur’an me k ye Taqseem hamari hai, Tum kaun ho hamari Taqseem me dakhal karne wale,*

*★_Hasad Nekiyo’n ko Ese khaa jati hai Jese Aag lyakdi ko khaa jati hai, isliye Ta’wun me Hasad pehli rukawat hai, Jiske Dil me Hasad hoga khair ke kaam me Ta’wun nahi karega ,Jo Nekiya’n kamayi thi Wo bhi gayi aur Majeed kamane ka moqa bhi nikal gaya, Khair ke kaam me Ta’wun se Allah nawaazte hai’n, aage badate hai’n isliye farmaya Nabi Ji Aap inke liye Rahmat hai’n ,_*

       

           ❦━━━━━━❀━━━━━❦.

*☞_..Haq me Nagawariya’n aur Kadwahat hai,*

*↬• Rahmat ye hai k Aap Naram ho kar chale'n, Haq me to Nagawariya’n aur Kadwahat hai, Jo Haq Per jamega Usse Log naraaz ho'nge,*

*★_ Hazrat Umar Raziyallahu Anhu se Abu Bakar Siddiq Raziyallahu Anhu ne khilafat dene se pehle hi farma diya tha k Umar ye baat yaad rakho k Tumse Sab khush nahi ho'nge,*

*★ • Wo Konsa Zamana tha, Khairul Quroon ka Zamana aur Kon hai’n Umar, Farmaya k Mere Baad koi Nabi hota to Umar hote, Unse ye farmaya k Tumhe Jo kaam karna hai WO kaam Esa hai k Tumse Sab Log khush Nahi ho'nge,*

*★. Hazrat Umar Raziyallahu Anhu farmate hai’n k Mai’n Ri'aya ke bare me itna Naram ho jata tha k Makkhan se Zyada Naram aur Fir Allah ka Dar paida ho to fir Mai’n Patthar se Zyada Sakht ho jata tha, Allah ke Deen ke bare me Umar Sabse Sakht,*

*★•Narmi ka Matlab ye hai k Tum Apne Haq me Naram ho jao aur Deen ke Haq me Sakht, Tum Per Zimmedari hai Tumhare pichhe chalne Walo ka hisyaab bhi Tumse hoga ,_*, 

    

           ❦━━━━━━❀━━━━━❦.

*☞_...Zimmedari Ka Bojh uthaao*

*↬• Apne Mutalbaat ko Poora karwane ke liye kisi ko Sahi Kaam se roka jata hai, Ye Baat Daure Risalat se chal rahi hai k Nek kaam se Roko, Jab Nek Kaam se Nahi rukenge to Ye kahenge Achchha Tum Esa karna chahte ho To Hamara ye kaam kar do hum Tumhare kaam ki ijazat de denge,*

*★• Ye Allah Ta'ala Ka Bada Fazal hai k Allah Ta’ala kaam karne walo ko Haq per jamaye rakhe, Varna insaan kuchh nahi kar Sakta, Hum Kya kar sakte hai’n agar Allah madad na kare ,*

*★• Aap ﷺ Ke saath Jo zyadtiya’n hui’n Usme Jo Aapne Ahsanaat kiye hai’n, ye Rahmat hai, Ye Nahi k Aap Deen ke bare me Naram pad Jaye'n, Farmaya Mai’n Haq ke bare mai kabhi Naram nahin padunga, Agarche k Chabane wale ke Daa'nt me Patthar Naram pad jawe, Agar Mujhse Na-haq Mutalba karwaya gaya to Mai'n is bare mai Hargiz Naram nahi padunga,*

*★ • Hazrat Farmate they Na-Haq Deen ke Khilaf mutalbe ko poora karna fitno ko khatm nahi karega, Fitno ko Janam dega, Deen se Mehroomi ka sabab banega,*

*★. Ye Zimmedari hai, Zimmedari ka bojh uthaao, Aadmi Apne Zaati Talluqaat ki vajah se Zimmedariyo se Haath utha leta hai k Ye meri Qaum hai, Mere Log hai’n, Mere Dost hai’n,*

*“__ is Soch se bade bade Badshah WO islam ko, Deen ko aur Aapki Nabuwat ko Yaqeen karne ke baad bhi islam Nahi la sake k Hum Qaum ko kya jawab de'nge, Hum maante hai’n Baat So fisadi theek hai Lekin Hamari Qaum Nahi maan rahi,*

*★• Ye hai Qaumiyat ka Deen, Hadees me aata hai Jo Shakhs makhlooq ko Raazi kar ke Allah ko Naraaz karega,Allah bhi Naraaz ho jayega aur Makhlooq ko bhi Naraaz kar dega, Quloob Allah ke Haath me hai’n Tum kuchh Nahi kar sakte aur Jo Allah ko Raazi kar ke Saari makhlooq ko Naraaz kar le k Allah Raazi hai Bas to Allah Ta’ala khud to Raazi ho jate hai’n makhlooq ko bhi Raazi kar dete hai’n,_*

 

           ❦━━━━━━❀━━━━━❦.

*☞_ Apne Haq me Darguzar aur Allah se Maafi*

*↬• Rahmat bane, Agar Aap sakht Dil ho gaye to ye Aapko chhod kar bhaag jayenge,*

*★• Lihaza Pehla kaam ye hai k Apne Haq mai to Aap Darguzar kare, Jo Allah se maafi ka talabgaar na ho WO har khair se mehroom ho gaya, Shaitaan ki Shaitaniyat kya hai ? K WO maafi ka Talabgaar nahi hai,*

*★ • Doosri baat ye hai k Jo Allah se maafi nahi chahega WO Makhlooq ko maaf nahi karega K inko maaf kar do, Agar Tum inko maaf kar rahe ho to iska matlab ye hai k tum Allah se magfirat chahte ho, Tum inhe maaf kar do Allah Tumhe maaf kar denge,*

*★. Isliye Apne Sathiyo’n ke liye Tanhaiyo’n mai istigfaar kiya kare Hum Sab, Hamari Tanhaaiyo mai ab to geebate hai’n istigfaar nahi hai, Shikayate hai’n, in Saare fasaad ki fursat isliye mil rahi hai infiradi Dawat na hone ki vajah se,*

*★• Allah maaf kare Purano ki satah infiradi Dawat se ouper chali gayi hai, Infiraadi Dawat to bade bade Fitno ko ROK degi, Ye Esi mashgooli ka kaam hai k Fitno ko khatm bhi kar dega aur Mehfooz bhi kar dega,*

*★__Hume fursat nahi hai k Hume ye kaam mila hua hai, Kya kaam Mila hua hai ? K har Musalman ko kam se kam Kalma Sikhla kar Jahann se bachao, Logo ki Zubaan per Kalme ke alfaaz bhi DURUST nahi hai’n, Khuda ki qasam ab kaam maqsad se hat gaya, thak gaye log, Maqsad se hat gaye isliye thak gaye ,*

*"★_Tay kar lo ( Aaj se ) Mujhe Logo ka kalma theek karana hai uska mafhoom samjhana hai ,*

   

           ❦━━━━━━❀━━━━━❦.

*☞_ Apne Aapko Theek Karne Ka Raasta*

*↬• Jab Momin Ki Dua Momin ke Haq me Uski Duniya ke liye maqbool hai to Momin ki Dua Momin ke Haq me Uski Akhirat ke liye mardood kyu hogi,*

*★• Isliye Sathiyo’n ke liye istigfaar kare aur Sathiyo’n se Darguzar kare, Badi badi Galtiya’n hui hai’n Lekin Jo Log kisi ijtimai kaam per mujtama hote hai’n WO Galtiyo’n ko mozu nahi banate,*

*★ •  Mozu isliye nahi hai Kyunki kaam Har ek ki islaah ke liye hai, Doosre ki islaah ke liye nahi hai, Ye to Apne Aapko theek karne ka Raasta hai,*

*★. Hadees me aata hai k Doosro ki islaah ki fikr iske GAM ko bada degi aur isko kabhi Tasalli nahi hogi  ,_*

  

           ❦━━━━━━❀━━━━━❦.

*☞_ Apne Mashware ko Kaam ke liye Khaalis Karo,*

*↬• Ye Kaam Ki Taraqqi ka Zariya hai, Hamara Mashwara Ummat ki Salahiyato ko Deen Per lagane aur Deen Ke Taqazo ko Poora Karne ke bare me Hamara Mashwara hota hai,*

*★• Ye hamara Usool hai, Zaati Jhagde Mashware me Nahi laate, Jab Tum Apne Mashwaro me Kaam  ke mozu ke Alawa Koi Cheez la'oge to Tumhare Mashware ka Mozu Kaam Se Hat jayega, Ye Ummat ke Deeni Nuqsan ka Sabab banega,*

*★ • Huzoor Akram ﷺ ki Aadate Sharifa thi k Aap Shakhsi Masa’il ko mashware me laate Nahi they, Faisle bhi nahi Farmate, Jiski Tabiyat ka rujhaan Jiski taraf ho usse ja kar Mashwara kar lo,*

*★. Aap ﷺ Hujre se Bahar Nikle to Do Aadmi Aapas me Bahas kar rahe they, Ek Bakri bech raha tha aur Ek khareed raha tha, Khareedne wala keh raha tha k Qeemat kuchh Kam kar lo, Bakri wala kehta k Qeemat yahi rahegi,*

*★• Aap Nazar aa gaye to Usne Arz kiya K Ya Rasulallah Aap Bakri wale se keh de'n k Bakri ki Qeemat Zara Kam kar de Mai’n khareedna chahta hu’n,*

*“__Aapne Haath utha diye, farmaya kal Mai'n Allah se Zaalim ban kar milna nahi chahta,*

*★• Taajir ko Kya Karna Chahiye iske faza'il bataye ,_*

      

           ❦━━━━━━❀━━━━━❦.

*☞_ Kaam me Gair Jaanib Ban kar Raho*

*↬• Log Badi Asaani se Logo'n ke Zaati masle me Dakhil ho jate hai’n Ky'unki Akhirat ka Fikr Nahi hai k Waha’n Jawab dena padega ,*

*★• Baaz Martaba Aadmi Bada banne ke Liye aur Logo'n Ki Nazar me Mehboob banne ke Liye Doosro ke jhagde me pad jata hai Apna kaam chhod kar,*

*★ • is Kaam me Gair Jaanib (Yani Nutal ) ban kar chaloge to Tum Taraqqi karoge ,Kaam bhi Taraqqi karega, Agar Gair Jaanib daar ban kar Nahi Rahoge to Jaanib daari bhi Hume Jaanib kar degi, Aap iske Aadmi hai’n, Aap iske, Unke Aadmi hai’n ( Yani Gutbaazi hogi ) fir Aap Kaam ke Aadmi nahi Rahenge,*

*★. Aapne dekha hoga Taa'nga jab Sadak per chalta hai to Ghodo'n Ki Dono Aa'nkho per Patta Laga hota hai taki Daaye Baaye na dekhe, Agar ye Daaye Baaye dekhega to iski chaal me farq aayega,*

*★•isliye Yaksoo'i Akhtyar Karo, Apne Kaam se Kaam Rakho ,_*

   

           ❦━━━━━━❀━━━━━❦.

*☞_ Hamari Line Duniya se Alag hai*

*↬• Hazrat Barira Raziyallahu Anha bahut khoobsurat thi, Hazrat Mugees Raziyallahu Anhu bahut Badsoorat , inko Barira se bahut muhabbat aur Barira ko Mugees se nafrat ,*

*★• Logo'n ne kaha k Aapka hukm Maan legi Aap Barira ko keh dijiye k Mugees ko qubool kar le, Aap Kahenge to WO Haa’n kar le'ngi, Aapne bulaya Barira ko, Kya khayal hai agar tum Mugees ko qubool kar lo ? Barira ne kaha k ye Aapki Raay hai ya Hukm hai. Hukm per to gardan kata denge isme koi do Raay nahi, Agar Aapki Raay hai to mujhe uski koi zarurat nahi,*

*★•Aap Sallallahu Alaihi Wasallam Ki Raay ka Saaf inkaar kar diya, Ye Aurat ka Apna Sakhsi masla hai, To Aapne farmaya– Hamara Hukm nahi hamari Raay hai ,_*

*★• Saathi uljhe hue hai'n Zaati Masa'ilo me, Jab Sahaba Kiraam Koi uljha hua masla le kar aate Aapke Paas, Aap farmate -Jao Apna Kaam Karo, Apni Duniya ka maamla Tum achchi tarah jaante ho,Ye hamari line nahi hai,*

*★• Aap ﷺ se Teen sawal kiye gaye, Bas ye bata dijiye k Ashabe Kahaf kon they, Zulkarnen kon they aur Rooh kya hai ? Ye haqeeqat hai lekin Ye Kisse Kahaniyo'n ke liye Aap Nahi bheje gaye, To Aap pareshan ho gaye k Mai’n kya karu ,?*

*★. To Allah ne farmaya k Agar koi Aapse hat kar Sawal kare to sarsari jawab de kar taal diya Karo aur Aapko is bare me Logo'n se puchhne Ki bhi zarurat nahi hai, Aap to us cheez ka fikr kijiye jis cheez ke liye Aapko bheja gaya hai,*

*★• isliye Aapne ek Hadees me farmaya Sahaba se k Jis kaam ko Maine tunhe karne ke liye kaha nahi tum uske bare me mujhse Sawal mat kiya karo, Jo karne ko kaha gaya wahi karo ,_*

   

           ❦━━━━━━❀━━━━━❦.

*☞_ Mashwara Hamare Kaam Ka Waqqar Hai,*

*↬• Aap ﷺ Ke Paas Umoor aate they, Log Apne Andaz se Umoor rakhte, Suno ! ye bhi ek Darne Ki baat hai k Baat Mashware me kis Andaz se rakhni hai, Saada kaam hai, Saada Zahan se chalega, Chalakiyo se Nahi, Chalaki to Duniya me bhi Nahi chalti, Chalaki karne wala aage ja kar fa'ns jata hai, To Deen me Chalaki iska to koi Tasavvur hi Nahi hai Ky'unki Deen to Amanat hai ,_*

*★• Apne Mashwaro ko kaam ke liye khaalis karo, Jitna Mashwara Kaam ke liye khaalis hoga utna Mashware me waqaar aayega, Hamare Saare kaam ka waqaar Mashware me hai, Jis Tarah Poore islam ka Waqaar Namaz hai,*

*★ •Jo Namaz ko waqar ke Saath Durust kar ke padhega WO iska (Namaz ka) Asar Poore Deen per padhega, Poora Deen Qaa’im ho jayega,.isliye Hamare saare kaam ka waqar Mashwara hai,*

*★_ Aur Ek Baat Arz karu'n, Maulana Obedullah Sahab farmate they k Hume yaqeen hai Hazrat ( Maulana Ilyaas Sahab Reh. ) ne is Tarah Kaam ko Allah ke yaha’n Qubool karwaya hai k Meh'ndi Alaihissalam Tak pahu'nchega, Maine Maulana Ilyaas Sahab Reh. Ki WO kaifiyat dekhi hai k kaam waha’n Tak Pahu'nch jayega, in sha Allah ! ,_*

 

           ❦━━━━━━❀━━━━━❦.

    *☞____ Hume Sabki Zarurat Hai*

*↬• Apne Mashware me Waqaar paida karo aur Waqaar ita’at me hai, inkaar, israar me Nahi, inkaar, israar se to Mashwara Parliament ban jata hai, Waha’n Jamhuriyat hai, Ky'unki islam mai jamhuriyat Nahi hai Mashwara hai, isliye islam me Barkat hai Mashware Ki Vajah se, Aap dekh Lo Seerat Ki jitni bhi Badi Badi barkate hai’n WO Sab Mashware per hai'n,*

*★• Hamara Mashwara Saare Aalam ke Taqazo ko sochne ka aur Saare Aalam ke Taqazo ko poora karne ka Mashwara hai, Ek mashwara hai, Jese Masjid Ki Ek Namaz hoti hai Do Nahi hoti, Makroohe Tehrimi hai, Baad me aane wale jama’at masjid me Nahi kar sakte, isi tarah Mashwara hai ,_*

*★• Doosri Baat ye Zaruri hai k Kisi se mustagni na ho k Hume inki zarurat nahi hai,  Hume sabki zarurat hai, Sabke paas Jao , Sabka ikraam karo ,Sabko saath lo, Jinki Taraf se Nagawaari pesh aaye Unka ikraam Karna Asal ikraam hai, Varna Mohsin ka ikraam to Ahsaan ka badla hai, WO to Kamina hai Jo Ahsaan ka badla na de,*

*★ • Jo Aziyat ka badla Ahsaan se de Ye Nabuwat ka muqam hai isko sikhlaya gaya hai, iski mashq karwayi gayi hai, Agar Tumne Aziyat ka badla Ahsaan se diya to ye tumhara jigri Dost rahega, Ye Qur’an ka faisla hai, Qur’an Ki baat sachchi hai,*

*★. Aapki jaan Lene wale Aapke Jaa'nisaar kese bante they, Aur koi Hikmat nahi thi Sivaye ikraam ke, WO dekhte they k hamari Ab tak Ki koshish se inhone hamare khilaf kya kiya ?•Mukhalfat se Mukhalif ka Nuqsan hai Kaam ka Nuqsan nahi hai, Ye bhi Logo'n ka khayal Galat hai k Kaam ka Nuqsan ho raha hai,"*

*★•_Hadees me aata hai, Jo Aadmi ye kahe Log Halaak ho gaye, Log Halaak ho gaye, WO Sabse zyada halakat me hai, isliye Hamara kisi se ikhtilaf na ho, Agar Hamari taraf se kisi ko ikhtilaf ho to mil kar betho, ikhtilaf khatm karo, Kyunki Partiya’n ban kar kaam nahi chalega, Islam me to party hai hi nahi, Ahle Haq Ki Party nahi hoti,*

*★_isliye Hume in Cheezo ka khayal karna hai k Ek Doosre ka Ta'wun kare, Kaam karne walo me bhi aur Deen ke Doosre Shobo ka bhi Ta'wun kare,*

     

           ❦━━━━━━❀━━━━━❦.

    *☞___Sunnat Ke Bager Tehzeeb*

*↬• itteba e Sunnat ke Bager Tehzeeb Ki koi haisiyat, koi Tasavvur nahi, Tehzeeb to Sirf itteba e Sunnat hai,*

*★• Lekin is Zamane me Bahut si Sunnate Musalman isliye chhode hue hai’n k is Zamane ke aitbaar se Mahol ke khilaf hai, Halanki itteba e Sunnat hi Asal Tehzeeb thi,*

*★ •Yahoodo Nasaara ke Tareeqe Musalmano me itne Aam ho gaye k unki Sunnato Ki jagah Gairo ke Tareeqo ne ke li, Gairo ke Tareeqe Musalmano ke darmiyan Tehzeeb ban kar rehne lage, Sunnate Rivaaji Tareeqo ke gaalib aa Jane Ki vajah se halki maloom hone lagi ,*

*★.Bade be aqal hai’n WO log Jo kisi mahol me is vajah se Sunnat per Amal nahi karte k log Sunnat per ha'nsenge ,*

*★• Halanki Ahya e Sunnat kehte hi isko hai’n k Ese Mahol me Sunnat per Amal karna jaha’n Sunnat ka mahol nahi hai,*

*“__Sunnat Ke Ahya per  ( zinda karne per ) 100 Shaheedo ka Sawab hai , Agar Koi Sunnat per ha'nsta hai to barae Raast Muhammad ﷺ per ha'nsta hai, Allah Ta’ala farmate hai’n k Nabi Ji Aap per hansne walo ke liye hum kaafi hai’n ,_*

  

           ❦━━━━━━❀━━━━━❦.

     *☞__ Huzoor ﷺ Ke Akhlaaq _,*

*↬• Adi ibne Haatim Raziyallahu Anhu jab aaye to door se dekh kar pehchan gaye k Ye Nabi hai’n, Badshah nahi hai’n, k Aurte’n aur Bachche Aapke qareeb bethe they, Foran samajh kiya k Nabuwat hai Badshahat nahi hai, Badshaho me to Mizaaji Takabbur hota hai WO Apne mutalliqeen ko bhi Apne paas bethana gawara nahi karte they,*

*★• Huzoor ﷺ imtiyazi shaan se bachte they Aap Apna tarruf khud karate they, Aapse arz kiya gaya k aane wale Aapko pehchante nahi hai’n lihaza Koi esi jagah bana de jaha’n Aap betha kare k aane wale Aapko pehchan le, Aapne Farmaya, Mai’n to chahta hu’n k Mai’n Sahaba Ke darmiyan is tarah rahu k tum meri gardan ko kuchal kar chalo,*

*★. Huzoor ﷺ ke A’ala Akhlaaq ka taqaza tha k agar Sahaba Aapse Duniya ki baate karte to Aap Duniya ki baate karte, Sahaba Khane ki baate karte to Aap Khane ki baat karte, Isse aane wala qareeb ho jata tha isliye k Jo Tarbiyat qurbat se ho sakti hai WO Doori se nahi ho sakti,*

*“__Sahaba Khud farmate hai’n k Hum Aapse Duniya ka zikr karte to Aap Duniya ka zikr farmate, Khane ki baat karte to Aap Khane ki baat farmate, Jab Aapse Akhirat ki Baate karte to To Aap Akhirat ki Baate farmate ,_*

*↬• Hazrat Anas Raziyallahu Anhu farmate hai’n k Huzoor ﷺ Logo'n me Sabse zyada naram tabiyat they, Farmate hai’n khuda ki qasam ! agar koi shakhs ya koi Baandi ya koi Bachcha Sardi mai Thanda paani bhi le kar aata k Aap usko istemal kar ke ( Wazu kar ke )  to Aap Mana nahi farmate they ,*

*★ • Aur Jo koi Aapse koi Sawal karta to Aap us Waqt tak apna kaan nahi hata te jab tak koi Apni Baat keh kar chala na jawe, Aur Jo bhi Aapka haath pakadta ( musafa karte Waqt ) Aap usse Apna haath nahi chhudate they Jab tak k WO khud hi Aapka haath na chhod de ,*

*★• Aur Kabhi Kisi ki taraf mutavajjah hote to Aap apna chehra nahi ferte yaha’n tak k WO Apna chehra fer kar chala jata, Aur kabhi majlis mai bethne mai Aap ghutne tekne walo se aage nahi badte they , Aap Sabse aage nahi beth te they balki Sahaba Kiraam Raziyallahu Anhum ke Saath beth te they ,_*

 

           ❦━━━━━━❀━━━━━❦.

*☞_ Bivi Bachcho Se Muhabbat Ka Fitri Taqaza*

*↬• Maashre ke adaab itteba e Sunnat se milenge, Varna is Zamane mai esi Haiwani zindgi hai k Jis Aulaad Bivi Bachcho ke liye Maal kamate hai’n, Unke saath maal kamane ki dhun mai Khelne bethne ka bhi moqa nahi milta,*

*★•  Hazrat farmate they- pehle to ye Apne Deen ko qurban karta hai Khwahish ke liye fir khwahishaat mai itna aage bad jata hai k khwahish ko qurban karta hai doosri khwahish ke liye, Khwahish aayi Bivi Bachcho se Milne ki Usse badi Khwahish aa gayi maal kamane ki to Bivi Bachcho se Milne ki Khwahish ko qurban kar dega maal kamane ke liye,*

*★ • Subeh Jaldi nikal jate hai’n Shaam ko aate hai’n, Subeh Bachche soye hote hai’n, Shaam ko sote milte hai’n, inhe Bachcho ke saath mil Kar bethna Naseeb nahi hota,*

*★.Kyu'nki Jab Aadmi ki fitrat bigad jati hai to Fitri Taqaze bhi badal jate hai’n, Fitri Taqazo mai Allah Rabbul izzat ne Sabse aham cheez ibaadat rakhi hai, Jo Log ibaadat per nahi aayenge WO Apni Aulaad aur mutallikeen se Fitri muhabbat nahi karenge,*

*★• Chu'nki Allah Rabbul izzat ne Muhabbat ka Jo Vaada farmaya hai WO Imaan A’amaale Saleha per farmaya hai ,*

    

           ❦━━━━━━❀━━━━━❦.

*☞_ Maa’n Ki God Pehli Tarbiyat Gaah hai*

*↬• Log Apne Ahal se Fitri muhabbat nahi rakhte ( Imaan aur Amaale Saleha na hone ki vajah se ) unhe ek Zaroori cheez samajhte hai’n, Unko zarurat per istemal karte hai’n,*

*★• Halanki jitni bhi insaan ki Tabiyat ki, Farhat ki cheeze hai’n un Sab mai Sabse zyada Dilo ko sukoon pahunchane wali cheez WO Aulaad hai, Jaanwar bhi Apni Aulaad se muhabbat karte hai’n,*

*★ • is Zamane ka dastoor ye ho gaya hai k Aulaad ko to Naukar paalte hai’n aur Miya Bivi ye kamane mai aapas mai ek doosre se juda rehte hai’n ,isko is Zamane mai taraqqi kaha jata hai , Sara Urop ka nizaam yahi hai Jo badi tezi se Musalmano mai bhi aa raha hai,*

*★.  Isliye Apne Bado ki WO Adaat Aulaad mai muntakil nahi hoti Jo unki naslo se chali aa rahi hoti hai, Saari khandaani Sharafate isliye khatm ho gayi k is Zamane mai Aulaad ko Naukar paalte hai’n ,*

*★• Halanki Maa’n ki god WO Sabse pehli aham Tarbiyat gaah hai , Lekin is Zamane mai Aulaad ko Waliden ki god nahi milti ,_*

   

           ❦━━━━━━❀━━━━━❦.

*☞_ Huzoor ﷺ Ki Hasnain Raziyallahu Anhum se Muhabbat*

*↬• Huzoor Akram ﷺ  Bavjood Tamaam Mashagil ke aur Bavjood Musalsal Aap Gamgeen rehte they, iske Bavjood Aap Bachcho ke Saath is Tarah khelte they k Shayad is Tarah khelna is Zamane me Logo'n ko aib Maloom ho K Koi Dekhega to kya kahega ?*

*★• Aap ﷺ Oo'nt Ban jate Hasnain Raziyallahu Anhum ke Liye aur Aapke Baalo ki Lato ki lagaam Bana Lete aur Aap Oo'unt ki Awaaz nikaalte aur Ye Dono Aapki Peeth per Sawaar rehte, Charo Haatho Pairo se Aap chalte Oo'unt ban kar Dekhne Wale kehte Kesi Achchhi Sawari hai, To Aap farmate Sawaar bhi to Kitne achchhe hai’n,*

*★ • Apne modho per Bachcho ko bitha kar Sahaba Ke Darmiyan Aap Nikal aate they, Hasnain me se koi Ek Chaadar me ulajh kar gira, Aap khutba dete hue Mimbar se Bhage Unhe uthaane ke liye , _*

*↬• Jab Deen Nahi Rahega to Fitri Taqaze khatm ho jayenge, (Is Zamane mt ) itni Duniya matloob hai k Walden ko Aulaad ki aur Aulaad ko Walden ki Koi Parwaah Nahi hai,*

*★ • Jis Tarah Jaanwar Apni Aulaad ko Bhool jate hai’n bade hone ke baad, Aulaade (is Zamane me) Walden ko Bhool jati hai bade hone ke baad , Jaanwaro ki Sifte insaano me aa rahi hai,*

*★.isliye Huzoor ﷺ ka Ma'ashra aur Aapki Sunnate har line ki WO fitrat ko Baqi rakhne ke liye hai, Varna Saare islam aur Deen ka khulasa itteba e Sunnat hai, itteba e Sunnat ke Bager Deen Mukammal nahi ho sakta ,_*

   

           ❦━━━━━━❀━━━━━❦.

*☞_ Huzoor Sallallahu Alaihivasallam ka Mamool Apni Aulaad Ke Saath*

*↬• Apne Bachcho ke Saath na khelna ye Takabbur ki alaamat hai , Aadmi mai Jab badayi aa jati hai to Wo Apno ke Saath be-takallufi ko Apni haisiyat se niche samajhta hai,  Farmate hai’n Anas Raziyallahu Anhu k Maine Nahi dekha k Aap ﷺ Se zyada koi Apni Aulaad aur Apne mutalliqeen per Aapse Zyada koi Raham karne wala ho,*

*★ •  Ibrahim Raziyallahu Anhu Aapke Bete, WO madina ki Aabaadi mohalle se doodh pine ke liye bheje gaye they, Aap ﷺ Waha'n Tashreef le jate, Sahaba farmate hai’n k hum Aapke Saath jate, Aap ﷺ Ghar me dakhil hote,  Hala'nki Poora Ghar Dhuve’n se bhara hota tha Ky'unki Jo Ibrahim Raziyallahu Anhu ko doodh pilati thi unke Shohar lohaar they, Lekin Aap Dhuve’n ki koi Parwaah Nahi karte, Aap tashreef le jate, Aap Bachche ko uthaate, Pyaar karte aur Waapas aa jate,*

*★. Sahaba Raziyallahu Anhum farmate hai’n k Jab Ibrahim Raziyallahu Anhu ki wafaat ho gayi to Aap ﷺ ne farmaya- Ibrahim mera beta hai aur ye doodh pine ki muddat me wafaat paya hai, Allah ne jannat me iske Doodh pine ki muddat ko poora karne ke liye Do Aurto’n ko mutayyan kar diya hai ,_*

*↬• Abdullah ibne Haaris Raziyallahu Anhu farmate hai’n k Janabe Rasulullah ﷺ Abdullah, Obedullah aur Kaseer ( Hazrat Abbaas Raziyallahu Anhu ke Dono bete), in teeno ko ek saff me khada karte fir farmate k tumme se Jo daud kar meri taraf aawe Jo aage badega, meri taraf pehle pahu'nchega usko ye ina’am dunga, is tarah Aap Bachcho ki daud lagwate,  Chunahe ye teeno daud kar Aapki Peeth per Chad jate Aapke seene per, Aap unko Pyaar karte Unko seene se lagate,*

*★ •Abdullah ibne Jaafar Raziyallahu Anhu farmate hai’n k Janabe Rasulullah ﷺ jab Kisi safar se waapas hote to Aapke Khandaan ke Bachche Aapko milte , Aap ek safar se waapas aaye to mujhe bhi aapki taraf badhaya gaya, Aapne mujhe sawaari per Apne saamne bitha liya, Hazrat Hasan aur Husain Raziyallahu Anhum mai se koi ek aur aaya to Aapne unko Apne pichhe bitha liya, Farmate hai’n k ek sawaari per teen Madina mai dakhil hue,*

*★. Ek Rivayat me farmate hai’n Abdullah ibne Jaafar Raziyallahu Anhu k Aap ﷺ mere paas se guzre,  mai’n Bachcho ke Saath khel raha tha, Aapne mujhe Apne saath Sawaar kar liya aur Banu Abbaas ke ek ko Sawaar kar liya, •Aap ﷺ Mere Sar per haath ferte they, Jab bhi Aap haath ferte they Aap Dua dete they, Ey Allah Jaafar ki Aulaad mai inke liye behtar khalifa ban ja ( chunki Jaafar Raziyallahu Anhu Shaheed ho gaye they ),*

*💤 Admin Ki Diary - Haqq Ka Daa'i, Kul Hind Mashwara- 23-03-2027*

           ❦━━━━━━❀━━━━━❦.

*☞_ Mayoosi Ki Asal Vajah- Dawat Ka Chhod Dena,*

*↬• Is Waqt Ummat Jin Halaato se Guzar rahi hai, Jis Taraf bhi Nazar uthate hai’n Mayoosi hi Mayoosi Nazar aati Hai, Dekhte hai’n Ahkaame Shari’at ko to sochte hai’n iska Nibaah kese hoga , Dekhte hai’n Musalmano ki Ma’asiyat ko sochte hai’n inke Halaat kese Durust honge, Dekhte hai’n Apni Mu’awin Masajid aur Dini Shobo ko to sochte hai’n inki hifazat kese hogi ?*

*★• _ Ummat Ke Paas Apni Har Asmaani aur Zameeni aur is darmiyan ki rehne wali Tamaam makhlooqaat se Jo Ummat ke paas Apni Hifazat Ka aur Malaa’ika ko naazil karane Ka Jo Buniyadi Sabab tha, Ummat Usko bhula bethi hai, Chhod bethi hai,*

*★• _ Jab Tak Khuda ki qasam ( Ye ummat dobara ) Dawat per nahi aayegi ,Ummat Apne Dini Umoor aur Duniyavi Umoor mai Allah se madad nahi le sakti,*

*★• _ Agar Dawat ko Kisi ek Tabqe Ka Apna Kaam samajh Kar Ummat ne isse Airaaz Karna to Bahut door ki Baat hai iska istaqbaal na Kiya to Yaad rakho k Wo Tamaam nusrate gaibiya Jo Ummate Muslima aur Ummate Mislima ke islam ki hifazat ke liye Muhammad Sallallahu Alaihivasallam aur Aapke Sahaba Kiraam Raziyallahu Anhum Allah se Gaibi nusrato ko naazil karane ke liye akhtyar kar ke gaye hai’n ,Ummat un Asbaab ko Chhod chuki Hai,*

     

           ❦━━━━━━❀━━━━━❦.

*☞_ Gaibi Nusrato Ke Nuzool Ka Sabab -Dawat aur Ibaadat Ko Jama karna,*

*↬• Hazrat farmate they – Baatil ke Muqable per Jo Gaibi Nusrate Naazil Hui hai’n Unki Shart, Uske Usool aur uske liye Sabse Buniyadi Zariya Wo Dawat aur ibaadat ko Kama Haq Jama karna hai _,*

*★• _ Dawat aur ibaadat ko jama Karna Gaibi Nusrato Ke Nuzool Ka Asal Sabab hai, Yaad rakhna mahaz infiradi ibaadat per Gaibi Nusrate Naazil nahi ho'ngi ye Pakki Baat hai, Kyu ? Ky'unki is Ummat ke Zimme Saleheen ki Mehnat se Aage Badh Kar Ambiya Alaihissalam ki Mehnat se Aage Badh Kar, is Ummat ke Zimme Sayyadul Ambiya Muhammad ﷺ Ka Maidan e Mehnat hai,*

*★• _ Agar Ye Ummat Us Maidane Mehnat Per Nahi hai to ye Baat Yaad rakhe, To is Ummat ki Madad Ba aitbaar Ambiya Alaihissalam ke, Sulha ke bhi nahi hogi, is Ummat ki Madad aur Nustrat us Maidane Mehnat ke aitbaar se hogi Jis Maidane Mehnat wale Nabi ki ye Ummat hai,*

*★__ Hazrat Farmate they– Agar ye Ummat Saleheen ki Mehnat se Ummat Ke Masa’il ko Hal karana Chahe to Kabhi na ho'nge, Agar ye Ambiya Alaihissalam ke Maidane Mehnat se Ummat Ke Masa’il Hal karana Chahe to Kabhi na ho'nge, is Ummat ki Madad aur Nustrat ke Sabse Buniyadi Cheez Wo Tareeqa e Mehnat hai, Wo Maidane Mehnat hai Jo Maidane Mehnat Muhammad ﷺ aur Aapke Sahaba Raziyallahu Anhum Ka Tha _,”*

 

           ❦━━━━━━❀━━━━━❦.

*☞_ Zimmedari Ka Poora Hona Asal Dawat Hai,*

*↬• Huzoor Akram ﷺ ne Sirf Chaar Aadmiyo ki jama’at Kisra ki taraf bheji hai, Jo Sabse Badi Badshahat ,Sabse Badi Saltanat thi,*

*★• _ ( Dawat Ke Liye ) Bheja hua Allah ki Taraf se bheja hua hai ,Jiski taraf se bheja hua hota Hai Uski poori Taqat aur Ro’ab uske Saath hota Hai, Hazrat Farmate they Ye Kaam Wo Kaam hai Jisko Muhammad ﷺ ne Apne Sahaba se karwaya hai Ba Aitbaar Unke Zamane ke Nahi Balki Ba Aitbaar Qayamat Tak ke liye karwaya hai,*

*★• _ Aap khud chal kar Jaye'n, Islam Ka Paigaam har Chhote Bade ko pahu'nchaye, isko Allah Ta’ala Apne Yaha'n Ma’azrat Ka Qubool hona maante hai’n, Qur’an ne Saaf Tor per kaha hai_ Jab khud ja Kar Dawat dene lage un Logo'n ko Jinki Halakat Ka Allah ne faisla kar liya tha, Dawat dene walo ne kaha k hum isliye Dawat Dena chahte hai’n k Allah ke yaha’n Zimmedari ke Ada karne wale maane Jaye,*

*★• _ Kisra ne khat faad Diya, Aap ﷺ Tak khabar pahu'nchi, Aapne farmaya Kisra ne khat nahi faad liya Kisra ne Apna Mulk faad liya, Kisra ne Yaman ke governor Bajaan ko hukm diya k Jis Shakhs ne mujhe khat likha hai, Jaa'o usko giraftaar Kar ke lao,*

*★• _ Do Aadmi Waha’n Pahu'nche Aapko giraftaar karne ke liye, Dono Aapko dekh kar Kaa'npne lage, Farmaya – ghabarao mat, kese aana hua ? Dono ne kaha Aapko giraftaar karne ke liye Baadshah ne bheja hai, Aapne farmaya- Tumhare Jis Aaqa ne Tumhe bheja hai mujhe giraftaar karne ke liye, Tumhare Aaqa Bajaan ko mere Aaqa Allah ne Raat qatl kar diya, Likha Tehqeeq ki, Usi Waqt Kisra ke Bete ne Apne Baap ko qatl Kar diya tha ,*

 

           ❦━━━━━━❀━━━━━❦.

*☞_ Allah Ke Deen Ke Madadgaar Bano,*

*↬• Allah ne Shart Lagayi Hai :-(Surah Muhammad, Aayat 7 )*

*★_ يَا أَيُّهَا الَّذِينَ آمَنُوا إِن تَنصُرُوا اللَّهَ يَنصُرْكُمْ وَيُثَبِّتْ أَقْدَامَكُمْ_*

*“__ Ey imaan Walo ! Agar Tum Allah ke Deen Ke Madadgaar ho to Woh Tumhara Madadgaar bhi hai Aur Tumhare qadmo ko jamane Wala hai,*

★• *_ Maulana Ilyaas Sahab Reh. Ka malfooz hai – Apni zaat se Poora Deen per chalne Wala Deendaar hai, Magar Deen Ka Madadgaar nahi Hai _,*

*“__ Is Ummat ki ye Khususiyat hai k ye Ummat Allah Ta’ala ki taraf se jab Mansoor hogi, iski madad jab ki jayegi Jab ye Dawat ibaadat ko is tarah jama Kar le Jis tarah Sahaba Kiraam ne in dono ko barabar Jama kar ke dikhlaya _,"*

*★• _ Huzoor Akram ﷺ ne Paigaam agar kisi Baadshah ki Taraf bheja to Sirf Paigaam nahi bhej Diya balki Jama’at bana Kar bheji, Jab Tak Musalman Ba Zaate khud Dawat nahi dega us Waqt Tak ye Apne Deen mai aane wali mushkilaat mai Allah ke yaha’n majoor nahi samjha jayega ,Kisi zariye se Deen Ka Paigaam pahuncha dena ye Allah Ta’ala ke yaha’n Zimmedari ke poora hone aur Ujr ke pesh karne ke liye Hargiz Kaafi nahi,*

*★• _ Ye Khayal paida ho gaya hai k Paigaam pahunchane ke Bahut se zaraay hai’n, Agar isse zimmedari Ada ho jati to Aaj ye Ummat Gaibi Nusrate 10 Sahaba ke ba-qadar dekhti aur Ajar 50 Sahaba ke ba-qadar paati, Agar Khud Dawat diye bager kisi zariye se Paigaam pahuncha dena Allah Rabbul izzat ke yaha’n ma’azrat ke qubool hone ke liye Kaafi hota to, Agar Allah ke yaha’n Muhammad ﷺ aur Aapke Sahaba ke tareeqa e Mehnat se hat Kar kisi zariye se Paigaam pahunchana zimmedari ke poora hone ke liye Kaafi ho jata to Khuda ki qasam 10 Sahaba ke ba-qadar Gaibi Nusrate dekhta Ajar 50 Sahaba ke ba-qadar paata,*

     

           ❦━━━━━━❀━━━━━❦.

*☞_So Fisadi A’amaale Dawat aur Ibaadat Akhtyar Karo,*

*↬• Allah ki Shaan ! Allah ne Esa Tod Kar rakha k ( Kisra ke Baadshah ko ) Uske Bete ne qatl Kiya, Baap ko Pehle hi Andesha ho gaya Tha k Beta mujhe qatl karne wala hai ,Baap ne Bete ke qatl Ka intezam kiya, Rivayat me aata Hai k Usne Apne qeemti Khazane me Ek Dibiya Zehar ki bhar kar rakhi aur us per ”itenhaai quwwat ki Dava” likh kar isliye rakha Taki Beta usko Kha Kar khatm ho jaye,*

*★• _ Bete ne Baap ko khatm Kiya, Baap ko khatm karne ke baad Bhaiyo’n ko qatl kiya, Bhaiyo’n ko khatm karne ke baad Jab Badshaah ban gaya, Chu'nki khandaan me koi aur nahi Tha, Ek din Baap Ka khazana khola ,Usme Dibiya Nazar aayi aur ye Keh Kar khaya k Baap ne Hamesha quwwat haasil ki in Davao’n se, mujhe kabhi nahi di, Ye Keh Kar khaya aur khatm hua, Poore khandaan me koi Mard nahi bacha Tha Jisko iski jagah Haakim banaya ja sake,*

*★• _ Ye Waqi’aat ab Ummat ke Tazkiro me se khatm ho gaye, Jab ye Waqi’aat khatm ho jayenge, Jab Ummat ye do Cheez Chhod degi Gaibi Nusrato ke Waqi’aat aur Gaibi Nusrato ke Asbaab, fir iske alawa aur koi Raasta Nazar nahi aayega k Chalo fir inki Maan kar chalte hai’n,*

*★• _ Hazrat Maulana Ilyaas Sahab Reh. Ka Ajeeb malfooz hai, Hazrat Farmate they – Jitne Deen per Chalne Ka Allah ne Musalman ko Akhtyar Diya hua hai Agar Musalman ne Utne Deen per chal kar na dikhaya, Allah iski Nusrat Nahi Karenge, Allah us Deen per iski madad Nahi karenge Jis per chalne me isko Akhtyar Nahi hai _,”*          

 

           ❦━━━━━━❀━━━━━❦.

*☞_ Yoosa Bin Noon aur Asar Ki Namaz Ka Waqt -,*

*↬• Agar Musalman So Fisadi Allah Ke Ghar ko A’amaale Dawat aur ibaadat se Abaad karne Wala hota to Mu’awin ki taraf Koi Nazar utha Kar dekhne wala na hota, Dawat ibaadat ko jama kiye bager ye Ummat Gaibi Nusrate dekh nahi sakti, Aap gor Kare'n ( Yoosa bin Noon ) idhar Dushman Muqable per hai’n, idhar Asar Ki Namaz ( Yoosa bin Noon ) Yaha’n aa Kar Pareshan they Ya Allah Kya kare ? Hum majoor hai’n Tere Kaam mai lage hue hai’n ye bhi Tera hukm hai ,Namaz bhi Tera hukm hai, Ey Allah Do Amr ( Dawat aur ibaadat ) jama ho gaye ,*

*★• _ Agar Dawat illallaah ke bager Kisi taqabul Ka iraada Kiya aur agar Deen Ka Mohtaaj hue bager kisi Kaam mai aitdaal Ka Raasta akhtyar Kiya to ye Apne daave mai Sachche nahi niklenge, isliye k Sahaba ki Gaibi Nusrato Ka Jo Asal hai- ese Marde maidaan ban jao Jese Wo Ahad ko poora karne wale they, Allah ne ek jagah nahi Sekdo jagah Kar ke dikhla diya k Jo Dawat ibaadat ko jama karte hai’n Hum unhe Apni qudrat se kese galba ata farmate hai’n,*

*★• _ Yoosa bin Noon Dushman ke muqable per aur Sooraj guroob ho raha hai, Asar ki Namaz Ka Waqt ,Ey Allah hum bhi Mamoor hai Suraj bhi Mamoor hai ,Farq ye hai k hum Tere Kaam mai lage hue hai’n ye Suraj bhi Tere Kaam mai laga hua hai, iski haisiyat Wo nahi Jo hamari hai, hum Tere taabe hai’n, farmaya– Ey Allah isko Yaha rok de, Suraj ruk gaya ,intezar Kiya Suraj ne jab Tak ye ( Namaz se ) faarig ho Jaye'n aur Asar padh le Suraj Apni jagah se harkat nahi Kar Sakta ,*       

 

           ❦━━━━━━❀━━━━━❦.

     *☞_ Kaaynaat Mamoor Hai ,*

*↬• Kaaynaat Mamoor Hai insaan ki khidmat ke liye aur insaan Mamoor Hai Allah ki ibaadat Ke Liye,*

*★• _ Ye kehna k Kaaynaat Ka Nizaam to Kaaynaat ke aitbaar se chalega ,Ese Log Allah ki Zaate Aali se faayda kabhi nahi utha sakte, Jo ye Yaqeen rakhenge k nahi, Nizaame Kaaynaat Kaaynaat ke aitbaar se nahi chalega balki Nizaame Kaaynaat ( Allah Ta’ala Ke ) ahkaam ke aitbaar se chalega, Unke liye Nizaame Kaaynaat unka Khaadim ban Kar chalta Hai,*

*★• _ Is Zamane me Nizaame Kaaynaat makhdoom hai aur Musalman Jisko Allah ne Makhdoom banaya Tha Nizaame Kaaynaat Ka Khaadim aur Gulaam ban Kar chal raha hai , Ye to Kaaynaat ke Wo naqshe hai’n Chaand Sitaare Suraj Jo insaano ke bas se baahar ki Cheez hai, Mamooli Asbaab Jo inke Haatho mai hai’n ye khud inke taabe nahi hai’n ,*

*★• _ Karobaar hai Nafa nahi hai, Zameene hai’n Paidawaar nahi hai, Biviya’n hai’n Aulaad nahi hai, Davae’n hai’n Shifa nahi Hai, Hathiyar hai’n hifazat nahi hai’n , Hukkaam Hai izzat nahi Hai ,Saara Nizaame Kaaynaat utha Kar dekh lo ,isliye k Ulti soch hai,*

*★ …Tum Allah ka ho Kar dekho Allah Ta’ala Tumhare kese Hote hai’n aur Tumhe Nizaame Kaaynaat Ka kese Baadshah banate hai’n, Ye Keh Kar guzar Jana k Ye to Sahaba ke liye hua hai ,Wo Qayamat tak Ummat ko madad ke Zaabte batane ke liye hua hai ,Sahaba ki Gaibi Nusrate unke tarruf ke liye nahi hai’n balki Qayamat Tak Allah ki Zaate Aali se Barahe Raast faayda Uthane ke liye hai’n,*

*★_ Chhote Chhote ohde, Chhote Chhote Asbaab Jinka Naam Lena bhi Khail maloom hota Hai ,inko dekh Kar Musalman ye Kahe k Ab Kya hoga ? Sabse Buniyadi Baat ye hai k jab Tak Sahaba Kiraam ke Tareeqe per nahi aayenge us Waqt Tak ye Ummat Gaibi Nusrato Ka mushahida nahi Kar sakti isliye k zimmedari Ka Ada Karna zaruri hai Allah Ta’ala ki Gaibi Nusrate Naazil hone ke liye, Ye Gaibi Nusrate Kiske taabe hai’n ? Azeeb Baat hai ye Gaibi Nusrate infiradi Dawat ke taabe hai,*    

           ❦━━━━━━❀━━━━━❦.

     *☞_ Gaibi Nusrate infiradi Dawat Ke Taabe Hai’n,*

*↬• Huzoor ﷺ Ek Safar me they, Sahaba Kiraam Aapke Saath they, Ek Dehaati se puchha, Kaha’n ja rahe ho ? Kaha Apne Ghar ja raha hu’n, Aapne Puchha, Kya Tum Meri Risalat per Gawahi Doge ? Usne foran kaha, Kon Gawah hai Aapki Risalat per ?*

*★_ Aapne ye Nahi farmaya k Mere Sahaba Gawahi denge, Aapne farmaya– is Vaadi ke kinaare per Jo Darakht khada hua hai ,Ye Darakht Gawahi dega k Mai’n Allah ka Rasool hu’n, Gaibi Nusrat isko kehte hai’n, Ese Waqi’aat Ka pesh aana Jisse Allah Rabbul izzat ke Na Maanne Wale Allah ko Maanne per Majboor ho Jaye k iske Alawa koi Raasta Nahi,*

*★• _ Darakht Zameen faadta hua aaya aur Aapke Saamne khada ho gaya, Aap ﷺ ne Teen Martaba Darakht se Gawahi li, Darakht ne Teen Martaba Gawahi di, Beshak Aap Allah ke Rasool hai'n, Beshak Aap Allah ke Rasool Hai’n, Beshak Aap Allah ke Rasool Hai’n, Dehaati imaan le aaya,*

*★• _ Hazrat Farmate they- Allah ki Zaate Aali se faayda Uthane ke liye Kaaynaat Ka Yaqeen nikalna Shart Hai _ Kyu? Isliye k Yaqeen Kaaynaat Ka hai to ye Allah ko Kaaynaat pesh Karega Allah ki Zaate Aali se faayda Uthane ke liye ,*

        

           ❦━━━━━━❀━━━━━❦.

 *☞_ Yaqeen Ki Tabdeeli ke Liye Allah Ki Tauheed Ko Bolna,*

*↬• Ambiya Alaihissalam Sabse Pehle Jo Dawat le kar aaye – Allah ke ma Siva se Allah ki Zaate Aali ki taraf Yaqeen ko ferna, Ambiya Alaihissalam Ka Pehla Kaam ye Tha,*

*★• _ ,Unhone Dawat Ke zariye Allah ke Bando ko Allah ka Ta’arruf karwaya, Allah ke gair se Yaqeen ko Allah ki Zaate Aali ki taraf fera, Is Yaqeen ki tabdeeli mai Pehla Kaam Allah ki Tauheed Ka Bayan Karna tha, Ambiya Alaihissalam iski Dawat le Kar aaye k Karne wali zaat Sirf Allah ki hai Kyunki Jitni bhi shaklo Ka Yaqeen Dilo mai betha hua Tha, Un Saari Shaklo ko Ma’abood Ka darja Diya hua Tha, Ambiya Alaihissalam ne aa kar Sabse pehle iski Taleem di,*

*★•_ Allah ki Tauheed ko Bayan Karna Ba Zaate khud maqsood hai, Ahkaam Ka ilm Amal ke liye maqsood hai, Agar Allah ki Tauheed ko Bayan na Karega to iske aur Allah ke darmiyan Kaaynaat ki cheeze Haa’il ho jayengi, Wo Zaahiri Nizaam ko qudrat samjhenge,*

*★• _ Nizaame Kaaynaat qudrat se bana hai, Nizaame Kaaynaat Qudrat nahi hai, Nizaame Kaaynaat qudrat se ban kar qudrat ke Qabze mai hai, Nizaame Kaaynaat Ka ek Patte Se Le Kar Jibraiyl Alaihissalam Tak ye sabke Sab har aan har Lamha Allah ke Qabze mai hai’n, Allah Rabbul izzat in Tamaam Naqsho mai Jo chahenge Wo karenge,*

*★• _ Ambiya Alaihissalam ne Shuru se Aakhir Tak Apni qaum ke Yaqeen ko zaahir ki shaklo se Allah ki Zaate Aali ki taraf fera hai, Ek Sahabi ne aa Kar arz Kiya k– Ou'nto ko khaarish fail gayi hai, Aap Sallallahu Alaihivasallam ne farmaya– Ou'nto ko Khaarish kaha se ho gayi ? Farmaya – Ek Ou'nt ko khaarish ho gayi thi Jisse Saare Ou'nto mai fail gayi, Aapne farmaya- Pehle Ou'nt ko khaarish kaha se ho gayi ? Nizaame qudrat esa nahi hai ” Na’uzubillah” k Ek ko khaarish ho to Sabko ho gayi, Nahi ! balki Nizaame qudrat ye hai k Har ek ko Khaarish Allah ke amr se hui hai,*

*★__ Agar itni Baat samajh mai aa Jaye k Kaaynaat mai Jo kuchh hota hai Wo Allah ke amr se hota hai to Musalman ki aksar Kya Saari uljhane khatm ho Jaye,*

 

           ❦━━━━━━❀━━━━━❦.

 *☞_ Duniya me Fasaad Ki Vajah Musalman Ke Bad A’amaal Hai’n ,*

*↬• Ye Kehna k Yu’n karte to Yu’n ho jata, Hukumat yu’n karti to Yu’n ho jata, Hazrat Ali Raziyallahu Anhu farmate hai’n k Ek Shakhs Apni Zubaan se ye Baat Kahe k Agar hum yu’n karte to Yu’n ho jata, Farmate hai’n k in kalmaat ke Kehne se Behtar ye hai k Dahakta hua Angara Apni Zubaan per rakh le, Zubaan jal kar khatm ho Jaye, Ye Zubaan Ka jal kar khatm ho Jana ye behtar hai k Zubaan se ye Kahe k Yu’n karte ho Yu’n ho jata, Hukumat yu’n karti to Yu’n ho jata,*

*★_ Saari Ummeede Hukumat se waabasta hai’n, Musalman ko Ahkaam se Ummeed nahi hai, Hala'nki Nizaame Kaaynaat Ka Talluq Ahkaam se hai Hukkaam se koi Talluq Nahi, Saari Duniya me Jitna fasaad hai Allah ne Barahe Raast Musalman ke Badan se Nikalne wale A’amaal se Joda hai, iske alawa Khuda ki qasam Musalman se hat kar Duniya ke fasaad Ka kisi Makhlooq, kisi Qaum kisi Ahle mazhab ya kisi Maaddi Taaqat se fasaad Ka koi Talluq nahi Hai,*

*★• _ Hum Saare fasaad aur Saari Mushkilaat ko Baahar ke Naqsho se Jode hue hai’n, Yahi vajah hai k Log fasaad ko rokne ke liye Mazeed Naqshe banate hai’n Hala'nki fasaad Ka Talluq Musalman ke Badan se Nikalne wale A’amaal se hai, Tar me hi nahi khushki me nahi Balki Samundar ke andar Jo fasadaat hai’n Wo bhi Momin Ka Amal hai, Mushrik ki Bad A’amaliyo se koi fasaad Nahi aayega aur Mushrik ke A’amaal e Khair se itni Khair uske hisse me aa jayegi Jisse uske Kaam Ka Badla Duniya me de kar Nipta denge, Lekin Momin Ka Amal,ye faisla Karega Khair aur Shar Ka,*

*★• _ Huzoor Akram ﷺ ne Apne Sahaba Ke Yaqeen ko Zaahir ki Shaklo se hataya hai, Ek Raat Hudebiya me Baarish Hui, Aapne farmaya is Baarish se Baaz Momin reh jayenge, Sahaba Hairaan ho gaye, Aapne farmaya Jo ye kahega Baarish Fala'n Sitaare ki vajah se Hui Hai Wo Allah ka inkaar karne Wala aur Sitaaro Ka Yaqeen rakhne Wala hai aur Jo ye kahega Baarish Allah ke Fazal se Hui Wo Allah per imaan rakhne Wala aur Sitaaro Ka inkaar karne Wala hai,*

     

           ❦━━━━━━❀━━━━━❦.

      *☞_ Aqeede Bigde Hue Hai’n,*

*↬• Sabse pehle is Kalma E Laa ilaaha illallaah ke zariye Aqa’id ka durust Karna hai, Aqeede Bigde hue hai’n, Najoomi ye Keh rehe hai’n, Faishion go ye Keh rahe hai’n ..,*

*★_Hazrat Farmate they -Allah ko na maanne wale Aage Jaanwar ko bhej Kar Usse Halaat Maloom Kar ke Qadam uthate hai’n, Allah per Yaqeen rakhne walo Ka Sabse bada Qaa’id Muhammad ﷺ hai’n Jo itni aage ki khabar laaye hai’n Jaha’n Tak Jibraiyl Na kabhi gaye hai’n Na kabhi jayenge _,*

*★• _ Musalman Muhammad ﷺ ki Khabro se hat Kar Zaahiri shaklo per, Zaahiri Asbaab per qadam uthaye ? Zara Aqal Ka istemal karna padega,*

*★• _ Imaan bil Gaib Kya hai ? Mushahide Ka, Zaahiri naqsho Ka khula inkaar, Nizaame Kaaynaat Asal nahi hai, Allah ka Amr Asal hai, Gaib Ka ilm Allah ke Siva kisi ko nahi Hai, Zaahiri Nizaam ki Kya haisiyat , Zaahiri Nizaam isliye banaya gaya hai k isko dekh Kar tum Allah Tak pahunchte ho ya isme Kho Kar reh Jate ho ,?*

*★• _ Bana hua banane Wale ke Tarruf ke liye hai, Bana hua banane Wale se faayda Uthane ke liye Nahi Hai, Duniya se faayda uthalo,,maze udaalo to is Jagah Tum Mujrim ho,*

  

           ❦━━━━━━❀━━━━━❦.

 *☞_Nizaame Kaaynaat Allah Ke Tarruf Ke Liye Hai,*

*↬• Sabse bada Mujrim Kon hai ? Sabse Bada Mujrim Wo hai Jo Allah ko Esa na maane Jesa Allah hai, Wo Shakhs kese Muslim hoga Jo Mushrik ki Duniya ki Tamanna kare k Kaash Jo kuchh inhe Mila hai Hume milta to hum Gaalib aa Jate, Hazrat Farmate they, Gairo ke Asbaab ki Tamanna Karna Gairo ke muqabil aane ke liye, Allah Ta’ala ki Nusrat aur Madad kabhi Saath Nahi hogi Kyunki yaha’n Asbaab Ka muqabla Asbaab se hai, Jab A’amaal Ka muqala Asbaab se thehrega Tab Allah Rabbul izzat Aamal ki khaasiyat ko Zaahir farmayenge ,*

*★• _ Nizaame Kaaynaat Allah ke Tarruf ke liye Hai, Ibrahim Alaihissalam ne Mukhtalif Shakle dekhi, Sitaaro ko dekha , Chaand ko dekha, Suraj ko dekha aur Teeno Ka inkaar kar diya, Hazrat Farmate they – Shakle Do Qism ki hai’n, Mutaharrik, Gair Mutaharrik, Ibrahim Alaihissalam ne Dono Shaklo Ka inkaar Kiya _,”*

*★_• Namrood ne kaha – Hume Tum Razzaaq maan lo, Hum Tumhe Rashan denge, Aaj bhi yahi Baat hai, Namrood khatm hua Namroodiyat khatm nahi Hui, Firoun khatm hua Firouniyat khatm nahi Hui, is Baat Ka Khayal bhi aana k hamara Kya hoga ? Ye Allah ki Madad se Mehroom hone ke liye Kaafi Hai, Hazrat Farmate they– Allah ki Qudrat ye nahi k wo Zameen se Galla Nikaal rahe hai’n, Jisko Banda ye Kahe Dekho Allah ki Qudrat, Ye to Sirf Allah ko Na Jaanne Walo ko Dikhane ke liye Hai k Galla Kaha’n se aa raha hai ,Galla dene wale ko pehchano, ( Zameen se Galla nikalna ) Ye Allah ki Qudrat nahi hai Allah ki Qudrat Ka tarruf hai, Saara Nizaame Kaaynaat Qudrat nahi hai Qudrat Ka Tarruf hai, ( Allah Chahe Jaha’n se Galla nikaal kar dikha de ),*

*★• _ Ibrahim Alaihissalam ne Shaklo Ka inkaar Kiya, Namrood ne Rashan band Kar Diya, Qudrat Allah ne ye dikhayi k Mitti se bhari Hui Bori ko Allah ne Aate me Tabdeel Kar diya, ( Bata diya k ) Hum Ese Razzaaq hai’n, Hum Qaadire mutlaq hai’n, Zameen se Galla nikalna  Qudrat ke Tarruf ke liye hai, Qudrat Allah ki zaat me hai,*

*★• _ Jo log Nizaame Kaaynaat Ka inkaar nahi karenge Allah ki qudrat ke muqable me unhe ye samjhaya jayega k Dekho Jo Cheez Tumhe Nafa de rahi hai Tum uska Kam az Kam Shukr to Ada karo, Zameen Tumhe Galla de rahi hai Tum Zameen Ka shukr to Ada kar do, Hazrat Farmate they- Jitni Buto ki Shakle hai’n ye Saari Shakle Zameen ki paidawaar hai’n, Lakdi, Taamba, Loha, Peetal Sab Zameen ki paidawaar hai, Jab Juz Ka inkaar kar raha hai to kul Ka inkaar kyu Nahi karta, Allah Ta’ala Saaf farmate hai’n – Ugaana bhi hamara Kaam hai aur ugaa Kar Saare ko Bhoosa bana de aur Ek Daana Tumhare haath na lage ye bhi hamara Kaam hai _,*”

   

           ❦━━━━━━❀━━━━━❦.

    *☞_. Gaib Ka Yaqeen Shart Hai,*

*↬• Allah Ki Zaate Aali se Faayda Uthane Ke Liye Gaib Ka Yaqeen Shart Hai, Isliye Sabse Buniyadi Cheez imaan bil Gaib hai,*

*★• _ Muhammad ﷺ Jo khabar le Kar aaye hai’n Aapki layi Hui Khabro ko Tamaam Zaahiri Mushahidaat aur Asbaab ke Muqable me Yaqeeni maanna isko imaan bil Gaib kehte hai’n, Jis Cheez ki Tasdeeq Dekh kar ki Jaye use imaan Nahi kehte,*

*★• _ Ajeeb Baat hai Huzoor Akram ﷺ ne Apne Sahaba Se Jab bhi koi Vaada kiya Wo Vaada Mushkil Halaat me kiya, Tangi ke Halaat me kiya, Khof ke halaat me Kiya, Faaqe ki haalat me Kiya , Hudebiya me Vaada Kiya Fateh Ka, Jaha’n Fateh ki koi Cheez Nahi hai, Khandak me Vaada Kiya Kaisaro Kisra ke Mahallaat Fateh hone Ka Jaha’n Khaane ko Roti bhi Nahi hai, Peto per Patthar Ba'ndhe hai’n, Hifazat Ka intezam ho raha Hai, Khandaq khodi ja rahi Hai,*

*★• _ Ye batane ke liye k Hum per imaan laane Ka Talluq Nazar aane wali Shaklo per Nahi Hai, Hum per imaan lane Ka Talluq Hamari layi Hui Khabro ko Yaqeeni maanne per hai, Hum Jo bhi Qadam uthate hai’n Zaahir ke aitbaar se uthate hai’n, Waha’n Jo bhi Qadam uthwaya hai Wo Gaib ki Buniyad per uthwaya hai ,*

*★• _ Isliye ye Baat Yaad Rakhe'n imaan bil Gaib Asal hai,*

       

           ❦━━━━━━❀━━━━━❦.

*☞_Safare Mairaaj aur Gaib Ki Khabar _,*

*↬• Huzoor ﷺ Ka Safare Mairaaj hua, Aapne Yaqeen karne walo ko khabar Nahi di Balki jhutlane wale ko Pehle khabar di,*

*★• _ Abu Bakar Siddiq Raziyallahu Anhu Sabse Zyada Tasdeeq karne wale Unko Baad me ilm hua, Abu Jahal ko Pehle ilm hua, Sabse Bada Kazzaab usko bataya k Raat ye safar hua hai, Gaib ki khabar di, Aap ﷺ   bethe hue they, Abu Jahal guzra waha'n se, Aapne farmaya- Raat Mere Saath Esa hua, Abu Jahal ne kaha– Khamosh Rahiye Mai'n Abhi Sabko jama Kar lu'n, Sab mil kar Aapki Tasdeeq karenge,*

*★• _ Log Daude Daude gaye Abu Bakar Siddiq Raziyallahu Anhu Ke Paas k Aapke Saathi Kya Keh rahe hai’n k Raat ko kisi hisse me Jism ke Saath Makka Mukarrama se Baitul Muqaddas Ek Mahine Ka Safar aur Waha'n se Asmaano Ka La Mehdood Safar Wo Raat ke kisi hisse me ho gaya, Abu Bakar Siddiq Raziyallahu Anhu ne Sunte hi farmaya– Agar Huzoor ﷺ Keh rehe hai’n to bilkul Khuda ki Qasam Sach Keh rahe hai’n, Hum Yaqeen karte hai’n,*

*★• _ Nabi Kareem ﷺ ki layi Hui Khabro ko Nabi Kareem ﷺ  ke Aitmaad per Yaqeen Karna ye imaan bil gaib hai, isliye Khuda ki Qasam Jitna Nabi ke Hote hue Nabi ki Baat per imaan Lana zaruri hai Utna Qayamat Tak aane wale Musalman ke liye Aapki Baat per imaan Lana zaruri hai, Ye Nahi k Aapke Baad Yaqeen ki Satah aur hogi balki is Ummat ko to Khush khabri suna di gayi hai k Jo mujhe bager dekhe imaan laye Unke liye Saat baar Khush khabri hai Jo dekh kar imaan laye Sahaba Kiraam Raziyallahu Anhum Unke liye ek baar Khush khabri hai, baar baar farmaya,*

*★• _ Aap ﷺ ko Safar E Mairaaj hua, Mushrikeen ne Aapki layi Hui khabar Ka inkaar Kiya, Kamzor imaan wale Murtad ho gaye k Wo Baat Karo Jo hamari Aqal me aaye, Nabi Ki Baat Ka Madaar Aqal per Nahi Balki Nabi ki khabar Ka Madaar Yaqeen per hai, Deen Ka Madaar hukm per hai ,* 

   

           ❦━━━━━━❀━━━━━❦.

*☞_.Deen Ka Madaar Aqal Per Nahi Hukm Per Hai,*

*↬•_Nabi Ki Baat Ka Madaar Aqal Per Nahi Balki Nabi ki khabar Ka Madaar Yaqeen Per hai, Deen Ka madaar hukm per hai, Kisi farize me to Bahut Door ki Baat hai Aqal ladana k islam me ye Kyu hai ? Fala'n Cheez Kyu hai ? Qanoon ko le Kar Ahkaame Shari’at me mudakhlaat jab hogi jab Musalman Ba Zaate khud Deen ko Khail bana le'nge,*

*★_ Yaha'n Fara’iz aur Ahkaame Shari’at Ka Masla dekhte ho Jabki Hazrat Farmate they– Gair Tumhare Deen Ko tab mitayenge jab tum Deen ko khud bigaad chuke ho'nge Varna Khuda ki Qasam Saara Baatil mil kar Ek istinje ki line ki Sunnat Ka muqabla nahi Kar Sakta _,”*

*★• _ Jab Musalman Aap ﷺ ki layi Hui Khabro ko Aqal se sochne Beth jayega aur ye sochega Fala'n Sunnat ki Kya zarurat hai ? Iski Kya Hikmat hai ?*

*★_ Andaza to Karo Shaah Abdul Azeez Dehalvi Reh.ne Ek Rivayat ko Naqal farmaya, Allah Rabbul izzat ne Aqal ke so (100 ) Hisse kiye, Ek Hissa Aqal Ka Saari Makhlooq Per Taqseem Kiya hai aur Tanha Ninyanve ( 99 ) hisse diye gaye Tanha Muhammad ﷺ  ko _,”*

*★• _ Saari Duniya ke Science da, Siyasat da, Sarmayakaar Jinhe Aqal Wala samajh Kar Unke Pichhe chalte hai’n Allah ne in Sab per Aqal Ka Ek so Va hissa Taqseem kiya hai, Saare Ulma, Saare Awaam Saare khawaas Sabko Aqal Ka ek Hissa Mila hai,*

*★_Usse Bada Be Aqal kon hoga Jo Kisi Sunnat ki Hikmat Tak Pahu'nchne ki koshish Kare, Usse puchho Tere Hisse me Konsa Zarra Aqal Ka aaya hai itni Badi khalqat me Taqseem ho Kar Jo Tu ye Kahe k ye Baat samajh me Nahi aa rahi Hai, Banda Allah aur Uske Rasool ke hukm Ka Mamoor hai ye Nahi Keh Sakta k ye Baat Hamari samajh me Nahi aa rahi hai, is Sunnat ki Kya Hikmat hai ?*

    

           ❦━━━━━━❀━━━━━❦.

*☞_.Hazrat Khuzema Raziyallahu Anhu Ka Imaan,*

*↬• Huzoor ﷺ ne Ek Dehaati se Ghoda kharida, Ma'amla Tay ho gaya,  Farmaya– Aa'o Mai'n Tumhe Qeemat de du'n, Dehaati pichhe pichhe Ghoda le kar, Log mile Raaste me –Kaha’n ja rahe ho ? Ghoda bechne, Bechoge, Haa’n bechenge, (Dehaati ne) Ye Nahi Kaha k Ghoda bik chuka hai, Qeemat Zyada Milne lagi to Apni Baat se fir gaya, Awaaz de Kar kaha– Ey Muhammad ( ﷺ ) Aap Ghoda lenge ya Mai’n inko bech du’n,*

*★• _ Aap ﷺ ne farmaya- Ye Ghoda Mai’n Tumse khareed Chuka hu’n, Ma'amla Tay ho chuka hai, Ghode wale ne kaha – Khuda ki Qasam Maine Aapko Ghoda nahi becha, Gawaah la'iye, Jo Aadmi khud ye Jaanta hai k Teesra Koi Nahi Tha is Ma'amle me, Wo Keh Raha hai gawaah la'iye ?,*

*★• _ Abhi ye Baat Chal hi rahi thi k Khuzema ibne Saabit Raziyallahu Anhu waha’n se guzre, Unhone Suna aur aage badhe aur kaha– Mai’n Gawahi deta hu’n k Aap ﷺ  ne Ghoda khareed liya, _ Aap ﷺ  ne farmaya k Ey Khuzema ! Tumne kese Gawahi de di Jab Tum moqe per Mojood Nahi they,*

*★__ Ye Sawal isliye Nahi hai k Khuzema Raziyallahu Anhu Sach Bol rahe hai’n ya Jhoot, Ye Sawal isliye hai k Khuzema Raziyallahu Anhu Ke imaan Ka Sakht imtihaan hai, k Mai’n Dekhna chahta hu’n k Khuzema Apni Baat per jamte hai’n ya Apni Baat se fir Jate hai’n,*

*★• _ Hazrat Khuzema Raziyallahu Anhu ne Arz Kiya– Hum kese Gawahi na de'n, Ye to Ek Ghoda hai Jise Aapne khareed liya tha, Aapne Hume Arsh ki khabar di humne Nahi dekha, Kursi ki khabar di Humne Nahi dekha, Aapne Allah Jal Shanhu ki khabar di Humne Nahi dekha, Aapne Jannat aur Dozakh ki khabar di Humne Nahi dekha, Hum to in Tamaam Cheezo ko Bager dekhe Yaqeeni maante hai’n, Fir Ek Ghode ki Kya haisiyat hai, Jo Zaat itni Badi Badi Cheezo ki khabar layi hai aur Hamare liye Unko maanna farz hai Wo Zaat Ek Ghode ke bare me Jhoot kese Keh degi,*

*★_isliye imaan Bil Gaib Sikhaya hai Aapne Sahaba kiraam Raziyallahu Anhum ko,*

  

           ❦━━━━━━❀━━━━━❦.

*☞_.Imaan Ki Dawat Ka Momin Zyada Haqdaar hai,*

*↬•( imaan Ki Dawat Dena) Imaan Ki Haqeeqat ko Haasil karne ke liye Ummat ke Har fard ke zimme hai, Kyunki Allah Ta’ala Ka Hukm hai -“Ey imaan Walo imaan lao,”_ is imaan ki Dawat Ka Haqdaar Mahaz Gairo'n ko Samajh Kar Ye Soch Liya Jaye k Ye ( imaan ki ) Dawat Gairo'n ke Liye hai, Esa Nahi hai Balki imaan laane Ka Hukm imaan Walo ko hai, Khud Sahaba Kiraam Ka Amal hai k Wo Sahaba khud Sahaba ko imaan ki Dawat Diya karte they, ”Aao kuchh der imaan le aaye'n _,” isliye k Momin is imaan Ka zyada Ahal, zyada Haqdaar hai,*

*★• _ Isliye Huzoor ﷺ ne Apne Sahaba ko Jo imaan sikhlaya hai Wo Do Raasto se Sikhlaya hai, Ek imaan Bil Gaib ke Raaste se, Doosre imaan ita’at ke Aitbaar se,*

*★• _ Islam imaan Ka Mazhar hai, Islam imaan ke vajood ki Alamat hai, Dilo’n me imaan hoga to Islam Badan se Zaahir ho Kar rahega, Hazrat Farmate they– Sabse Zyada imaan ke Vajood Ka Mazhar itteba e Sunnat hai, Momin Muttaba Sunnat hoga Kyunki Dilo’n me Muhammad ﷺ ki Muhabbat Makhlooq aur Tamaam Kaaynaat Per Gaalib ho, Ye imaan Ka Taqaza hai _,*

           ❦━━━━━━❀━━━━━❦.

*☞_.Islaam itteba e Sunnat Ka Naam Hai,*

*↬• Dilo’n me Muhammad ﷺ ki Muhabbat Makhlooq aur Tamaam Kaaynaat Per Gaalib ho, Ye imaan Ka Taqaza Hai, Musalman ko Sunnato Ka Ek Mukammal Tareeqa, Ek Zindgi dekar Allah Ta’ala Dekhna Chahte hai’n k inke Quloob kidhar jhuke hue hai’n,*

*★_Sirf Sajde me Sar Jhuka Dena isko Sar Jhuka Dena Nahi kehte Balki Sar se Le kar Pair Tak itteba E Sunnat, Hukumat se Le kar Ek Feri wale Tak, iski poori Zindgi Agar Sunnat ke Mutabiq hai to iska Dil Muhammad ﷺ ki Taraf Maa’il hai Aur agar iski Zindgi ke kuchh A’amal Gairo ke Tareeqo ki Taraf Maa’il hai aur Kuchh A’amal Deen Ke bhi kar Leta Hai to Sachchi Baat arz karu, Qur’an ne Ese hi Logo'n Ka Tarruf karaya hai aur ye kaha hai k, "Ese bhi Log hai’n Jo Kufr aur islam ke Kinaaro (Border) per Chalte hai’n Na Poore Kufr me, Na Poore islam mai,*

*★• _ Inhone Darmiyan Ka Raasta Nikaala hai, Ye Darmiyan Ka Raasta un Logo'n ke liye hai Jo Poore Islam per Nahi Chal sakte, Ajeeb Baat hai Khuda ki Qasam Ye Darmiyan Ka Raasta Aap ﷺ ke Zamane me Nahi Tha,Ye Darmiyan Ka Raasta Munafiqeen Ka Raasta Tha,*

*★_ Agar Unko Ahkaame islam me koi Nuqsan Nazar aata Tha to wo palat Jate they Kufr ki taraf, Agar inko koi Nuqsan Nazar aata Kufr ki taraf aur Nafa Nazar aata islam ki Taraf to ye islam ki taraf palat Jate they, Allah ne farmaya- inke Liye Dono jagah khasaara hai, Duniya me bhi Aakhirat mai bhi,*

*★• _ Isliye Asal itteba E Sunnat hai, Wo saari Hidayat Ka Khulasa aur Saare Deen ki Haqeeqat hai– Agar Nabi ki ita’at karoge to Hidayat pa Jaoge,*

     

           ❦━━━━━━❀━━━━━❦.

   *☞_.Naaqis Deen – Naaqis Nata’ij*

*★_ isliye Sirf Fara’iz Ka Ada ho Jana Islam Nahi Hai, Fara’iz Ka Ada Karna to Islam me Dakhile ki Wo Shara’it hai'n Jiske Bager Ye Musalman Saabit nahi hoga, Jis Tarah kisi Mulk me Dakhile ke liye Viza Shart hai,Viza Nahi Hai to Aapko wapas Kar denge,*

*★•_ Islam Kya hai ? Islam to itteba e Sunnat Ka Naam hai, Itteba E Sunnat Ka Matlab Ye hai k Apne Aapko Muhammad ﷺ ke Tareeqo ke poori Tarah Hawale Kar do, Hazrat Farmate they– Islam Esa Mazhab Nahi hai k Jiske Chand Ahkaam Akhtyar Kar ke Kaamyabi Haasil ki ja Sake Balki Islam Esa Murattab Nizaam hai k Agar kisi Shobe Ka koi Hukm Tootega to Usse wo shoba hi Mutassir Nahi hoga Balki Saare Shobe Mutassir ho'nge,*

*★↬• Hazrat farmate they– Jab Musalman Ka Deen Naaqis Hoga to Nata’ij bhi Naaqis ho'nge, Log Yaha’n aa kar Shikayat karte hai’n, Namaz bhi padhta hu’n, Roza bhi rakhta hu’n fir bhi ye Halaat hai’n, Hazrat Farmate they- Ek Halaat aate hai’n Bedeeni ki vajah se ,Ek Halaat aate hai’n Naaqis Deen ki vajah se _,*

*★• _ Imaan Ka Sabse Pehla Taqaza aur imaan ki Sabse Buniyadi Alamat Wo ita’at hai aur ita’at Muhabbat ke Bager nahi hoti k ita’at Wo karta Hai Jiska Dil Muhabbat se Labrez ho, isliye Maine Arz Kiya k Musalman ki Zaahiri Soorat Batla degi k iska Dil kidhar Maa’il hai,*

*★•_ imaan Ka Taqaza Ye hai k Muhammad ﷺ  ke Hukm ko is Tarah Poora Kare k iske Poora karne me koi Cheez Rukawat Na bane, Sa’ad Raziyallahu Anhu se Qaum ke khilaf faisla karwaya, Sa’ad Raziyallahu ne Qaum ke khilaf faisla Kar ke dikhaya, Saari Qaum Muntazir thi k Hamare Haq me faisla karenge , Lekin Allah aur Uske Rasool ki Muhabbat me Qaum ke khilaf faisla Kiya,*

           ❦━━━━━━❀━━━━━❦.

  *☞_.Itteba e Sunnat Se Musalman Ki imtiyazi Shaan,*

*↬• Is Waqt Hamara Haal ye hai k Qadam Qadam Per Subeh Shaam Koi Shoba Esa Nahi hoga Jis Shobe me Musalman ke itteba e Sunnat Ka imtihaan na ho raha ho, Allah mujhe Ma'af farmaye, Aksariyat Aksariyat fail hai, Sunnat hi to hai Farz thode hi hai, Halanki itteba E Sunnat ke bager Musalman ko imtiyazi Shaan Haasil Nahi ho Sakti, Musalman ki imtiyazi Shaan Sirf itteba E  Sunnat me Hai,*

*★• _ Wo Agyaar Apni Rivayato ko Nahi Chhodte, To Wo Allah ke Bande Jinko Allah ne Saari Makhlooq Per Gaalib karne ke Vaade ke Saath Ahkaam diye hai’n, Kya Qawaneen inke Taabe Nahi ho'nge ? Kya inki Ri'ayat Nahi hogi, Lekin Wo Jinko Allah ne itteba e Sunnat Ka Mukammal Nizaam diya hai Agar ye itteba E Sunnat Per Nahi hai'n to isko Magloob ho Kar rehna padega,*

*★• isliye Takeed Se Arz kar raha hu’n k itteba E Sunnat Nusrat aur Madad ke liye Ek Buniyadi Shart hai, Saare A’amaal A’ala darje ke, ikhlaas A’ala darje Ka, ibaadat A’ala darje ki, Ek Jung ke muqable Per Fatah Nahi ho rahi Hai, Aakhir Kya vajah hai, Beth kar sochna chahiye, Subeh Se Shaam ho gayi, Fatah Nahi ho rahi Hai, Zara Gor to Karo, Maloom huwa k miswaak nahi ki, Miswaak Ki Sunnat Chhooti hai,*

*★• _Jo Allah wale Hote hai’n wo Nakaam hone ki Vujuhaat A’amaal me Talash karte hai’n, Jo Allah ko nahin maante, Jo zaahir parast Hote hai’n Wo Nakaami ki Vujuhaat Asbaab me Talash karte hai’n, Ye Farq hai Allah ko Maanne wale aur Allah ko Na Maanne wale Ka,*

           ❦━━━━━━❀━━━━━❦.

  *☞_.Musalman Ki Amali Zindgi- Doosro Ki Hidayat Ka Zariya Hai,*

*↬• Imaan Apni Sifaat Ke Saath hai, imaan Koi Daava Nahi hai ,imaan Koi Qaum Nahi Hai, Islam kisi Jhande Ka Naam Nahi Hai, Islam Ek Musalman ki Esi Kaamil aur Mukammal Zindgi Ka Naam hai Jisko dekh Lena Sirf dekh Lena Khuda ki qasam Hidayat ke liye Kaafi hai,*

*★_ Musalman ki Sabse Badi Dawat, Saare Zaraye, Nashro isha’at ke Nizaam se hat Kar Sirf Ek Musalman ki Apni Amali Zindgi Wo Ek Allah ko Na Maanne Wale ki Hidayat ke Liye Kaafi Hai, Kaafi hi Nahi Balki Yaqeeni hai,*

*★• _ Mushahide Ka Deen Pesh Karna Ye Momin ki Zimmedari Nahi Hai, Maamlaat Ka Deen Pesh Karo, Hazrat farmate they Agar Makhloot ho Kar Rehne Ka Mizaaj Ban gaya Hai to Fir Allah Rabbul izzat- y fir Allah Rabbul izzat Sabke Saath Maamla Barabar Ka karenge ,* 

           ❦━━━━━━❀━━━━━❦.

  *☞_..Musalman Ki imtiyazi Shaan Taqwa hai,*

*↬• Musalman Ki imtiyazi Shaan Wo Taqwe ke Bager Nahi hai, Allah Ta’ala Ne Shart Lagayi Hai - Agar Tumme Taqwa hai to Allah Ta’ala Tumhe Gairo'n se Chhaa'nt Kar Alag karenge,*

*★• _ Imaan Apni Alamato aur Sifaato ke Saath hai, Sabse Zyada Aasaan sifaate imaniyaat ko samajhne ke Liye Hazrat ne Ek Waqi’a Hayatus Sahaba me Naqal Kiya hai,*

*★• _ Saat Aadmiyo'n ki Jama’at Aapki khidmat me Haazir Hui, Rivayat me Hai, Wo khud farmate hai’n k Hamare Sar Se Pair Tak Huliye ko dekh Kar hi Aap ﷺ Samajh gaye k Hum imaan wale hai’n,*

*★_Farmaya Tum Kya ho ? Arz Kiya Hum imaan Wale hai’n, Farmaya Tumhare imaan ki Kya Alaamat hai ? Arz Kiya k Hamare Andar 15 Khaslate hai’n, 10 Ka Hume Aapki Jama’ato Ne Hukm diya hai aur 5 Humme Zamana E Jahiliyat se hai, Aapne farmaya k Wo 10 Kya Hai'n ? Arz Kiya 5 per Hamara Yaqeen hai aur 5 Hamare Amal me hai’n, Farmaya Wo 5 Kya hai’n Jin per Tumhara Yaqeen hai ? Sabse Pehli Baat ye Kahi k Hum imaan laye Allah Per, Uske Farishto'n Per, Uski Kitaabo Per, Uske Rasoolo Per, Aakhirat ke Din Per,*

*★• _ Aapne farmaya Wo 5 Kya hai’n Jin per Tumhara Amal hai ? Arz Kiya– Hum Sabse Pehle Gawahi dete hai’n is Baat ki k Allah ke Siva koi ibaadat Ke laa’iq Nahi aur Muhammad ﷺ Allah Ke Rasool hai'n aur Hum Namaz qaa’im karte hai’n aur Ramzan ke Roze Rakhte hai’n, Baitullaah Ka hajj karte hai’n aur Zakaat Ada karte hai’n,*

*★• _ Ajeeb Baat hai, Wo Jaante they k Zindgi Ka Kamaal Namaz ke Kamaal me hai aur Waaqa’i Haqeeqat hai Jiski Namaz me Kamaal hoga Uski Zindgi me Uske Deen me Kamaal hoga, Farmaya k Jo Namaz ko Durust Kar Lega Wo Deen ko Durust Kar lega ,* 

           ❦━━━━━━❀━━━━━❦.

  *☞_ Zakaat Ko Ada Karo aur Mustahiq Ko Khud Talash Karo,*

*↬• Zakaat Ada Na karne wale Apne Bhaiyo’n Ka Haq Khaa rahe, esa Haq Khaa rahe Jesa Apne Sage Bhai Ka Haq Khaa rahe hai’n,*

*★• _ Agar Musalman Sirf Zakaat dene per aa Jaye, Sadqaat to Baad ki Cheez hai Sirf Zakaat Sahi Sahi Tareeqe per Ada Kar de to Duniya me koi Musalman Nanga Bhooka Nahi reh Sakta,*

*★_ isliye farmaya k Zakaat ko Ada Karo aur Mustahiq ko khud talash Karo, Hazrat Farmate they– Ese mustahiq ko talash Karo Jese Ek Namazi Aadmi Vaju ke Liye Sehra me Pani Talash karta Hai ,*

*★”_Hazrat farmate they– Agar Musalman Zakaat ko Sahi Ada karne per aa gaye to Zakaat ki Barkaat ko Bardasht Nahi Kar sakte, itni Zakaat ki Barkaat hai’n ,*

*★• _ Lekin is Zamane me Hamara Haal ye Hai k Zakaat de Kar hum yu’n samajhte hai’n k Ab Mujhe Apne Maal me Akhtyar ho gaya, Mai’n Jaha’n chaahu Jitna chaahu kharch karu, Maine Maal ko Paak Kar liya hai, Maal Paak isliye Nahi hua k isse israaf Kare, Maal Paak isliye hua hai k Tu isko Paak Kaam me istemal Kare,*

*★• _ Zakaat Ka Maal Mustahiq ke liye hai, Zakaat Ka Maal Mustahiq ko diya Jaye aur Mustahiq ko Talash kiya Jaye,*

           ❦━━━━━━❀━━━━━❦.

  *☞_ Zakaat Ada na Karne Per Sakht Wai’yd,*

*↬• _ Hazrat farmate they – Pehle Zamane me Zakaat ke dene wale Lene wale Ese they Jese Bachche Raat Ko khelte hai’n chhip Kar, Ek Bachcha Talash karta Hai Baqi Bachche chhupe jate hai’n, Ye Talash karne me poori koshish laga deta Hai Thak Jata hai, Ghanto khel chalta Hai, Chhipne wale chhipte rehte hai’n, Jaha’n se koi aata Hai Waha'n se Bhaagte hai’n,*

*★• _Ye Tha us Zamane me Mamool, is Zamane me khel Ulta ho gaya hai, Us Zamane mai khel Sahi tha, Fuqra chhipte they Maaldaar Talash karte they, is Zamane me Maaldaar chhipte hai’n Fuqra Talash karte hai’n,*

*★• _ Khel Ulta ho gaya, Allah Ta’ala ne Nizaam Badal diya ,Fuqra per Faqr Ka darwaza khol diya aur Maldaaro per Barkato Ka darwaza Band Kar diya k isne Fuqra se Apne Aapko chhipaya hai,*

*★• _ Isliye badi Sakht Wai’yd hai Maal ke bare me, Farmaya– Ye Zakaat Ada Nahi Karega Apne Maalo ki, inki Peshaniyo’n ko pehle Daaga jayega Kyuki Mustahiq ke paas khud le Kar Nahi gaya Maal, Ek jurm to ye hai, uska faaqa uski Tangi use agar utha Kar Tumhare paas le aayi to use dekh Kar tumhari peshani per Bal aa gaye, isliye Qur’an ne kaha pehle hum peshaniyo’n ko daagenge ,*

*★• _ Usne Zyada Sawal Kiya Zyada israar Kiya To isne usse pehlu fer liya, Fir hum iske pehluo’n ko daagenge, Usne Zyada Sawal Kiya Zyada israar Kiya, Ye Maaldaar uth Kar (peeth fer Kar) Chala gaya, fir hum inki peetho ko daagenge, Us Maal ko Tapa Kar Jisko isne Apna khazana Bana Kar rakha hai ,,*

 

           ❦━━━━━━❀━━━━━❦.

  *☞_ Sahaba Kiraam Ke Maal Ke Masarif Dekho,*

*↬• Dil ye chahta hai, Khuda ki qasam Dil ye Chahta Hai k Zara Pichhe Hat Kar Sahaba Kiraam Ke Maal ke Masarif dekho k Sahaba Maal Kaha’n Kharch karte they, Sahaba Ke Maal Ke Kya Masarif they, Agar gor Kiya Jaye to Sirf Do masraf Milte Hai’n Sahaba ke Maal ke, Ek Sabse Pehla masraf Allah ke Raaste ki Naqal harkat per Maal kharch Karna,*

*★_ Ye to Esa Masraf hai k Qur’an ne ye kaha k is Raaste ki Naqal harkat per Maal kharch karne me kami na Karna, Agar is Raaste ki Naqal harkat per Maal kharch karne me kami ki to Apne Aapko halaakat me khud daaloge, Hazrat Ubai bin Ka’ab Raziyallahu Anhu khud farma rahe hai’n k ye Aayat us Waqt Naazil Hui thi jab humne 6 Mahina Madine me rehna Tay Kar liya tha k 6 Mahine Madine me rahenge Bahar nahi niklenge, 6 Mahine Baad Jaha'n Chahe bhej de'n, Sirf 6 Mahine Naqal harkat ko band Karna chahte hai’n, Ye Nahi Kaha tha k kisi Beva ko, kisi miskeen ko, kisi Musafir ko ,kisi saa’il ko, darwaze per aane wale Faqeer per Maal kharch Nahi karenge , ye nahi Kaha tha, Madine me 6 Mahine rehna Tay Kiya tha k 6 Mahine hamara khurooj na ho, Allah ne Ansar ke is iraade per Aayat Naazil farmayi ,*

*★• Maine arz Kiya k Sahaba Kiraam Ke Maal Ka Sabse Pehla masraf Allah ke Raaste ki Naqal harkat per Maal kharch Karna hai, Iske Baad Aham masraf Maal ke kharch karne Ka Wo Ummat ko ilm Pahu'nchana isliye k Naqal harkat aur Khurooj tha hi is maqsad ke liye k Ummat Jahaalat se Nikle,*

*★• _ Dil ye Chahta Hai k Maal ka Jo hissa Paak Kar dete ho Zakaat de Kar, is Pakiza Maal ko to Pakiza Kaam per kharch Karo, Khuda ki qasam ilm se Paak Cheez koi Nahi Hai, ilm hi mutahir hai, ilm se badh Kar Paak karne wali koi Cheez Nahi Hai, aur ilm se badh Kar Nijaat dene wali koi Cheez nahi hai,*

*★• _ Sabse bada masraf Maal Ka Wo ilm hai, Musalmano ki Jismani zaruriyaat per to Gair bhi Maal kharch Kar denge, Kuchh muqaami Riyayat Kar denge , koi free Ka Paani laga dega , koi Kambal taqseem Kar dega, koi Bimaari ke liye dawa taqseem Kar dega, Koi haadsa pesh aa Jaye to Musalmano ki madad ke liye gair bhi khade ho jayenge, Lekin ye Baat Yaad rakho k ilm Wo fariza hai Jisme Ta'wun Sirf Musalman karega,*

*★• _ Mai’n to Hairaan hota hu’n jab sunta hu’n k kisi ilm ke Taqaze ke liye kisi ke darwaze per Jaa Kar Kahe k ye zarurat hai , Mai’n samajhta hu’n k Jinko Allah ne Maal diya hai Uski gairat ke liye itna Kaafi Hai k Tumne ilm ki zarurat ke liye khud Mehsoos Kar ke ilm ke Taqazo ko Apna mohsin samajh Kar Maal Kyu na Laa Kar pesh kiya , Kyu na kaha k idaare ki zaruriyaat mere zimme hai,*

 

           ❦━━━━━━❀━━━━━❦.

  *☞_ _*ILM se Zyada Ragbat Aaj Duniya Ke Funoon Ki Hai,*

*↬• ilm per kharch karne Ka mizaaj Nahi Hai, Mai’n Hairaan hota hu’n jab Maal Ka Mel se Aadmi kitaabe Laa Kar ye samajhta hai k Ye Mera Ehsaan hai, Ye Ek Mustahiq Ka haq hai, iski Tehqeeq Kar ke khud us Tak Pahu'nchana ye Maaldaar ki Zimmedari hai,*

*★• _ Mamool ye chal raha Hai k Maal ka Mel khair ke Kaam per aur Pakiza Maal Shadiyo’n per, Furnituro per, Zarurat se Zyada israaf Per, Fuqra mai firo, Gurba ke darmiyan jao, Maal ke Masarif Nazar Aayenge aur Agar Apne Se Ouper wale ke Darmiyan Jaoge to Unki Satah Per Maal kharch karne ke liye Unki Satah ki Shadiya’n, Unki Satah Ka Libaas, Unki Satah ki Zindgi Ka Maiyaar guzarne ke Liye ise Apne Maal Ka Sabse Pehla Masraf ye Nazar aayega k Maal Yaha'n kharch Kiya Jaye,*

*★•_ isliye Maine arz Kiya k Dil ye Chahta Hai k Deen Ke Shobo ko is (Maal ke) Taqaze Se faarig Kar do k Wo ilme ilaahi ke Seekhne me Ese Mashgool ho aur idaare me Ese Mashgool ho k Unko Zaruriyaat ke Poora karne Wale Ka pata Na Chale k Kaha’n Se Zarurat poori ki hai,*

*★__isliye arz Kiya k Do Masraf Sahaba Kiraam Ke milenge Ek Dawat ilallaah Doosra Taleem, Maine Bahut Gor Kiya k Duniya ke Funoon Per Maal Zyada kharch hota Hai ya Deeni Uloom Per Maal zyada kharch hota Hai, Ek Aadmi Apni zaat se Doctor banne ke liye, Engineer banne ke liye Aap Jaante hai’n kitna kharch karta Hai Khuda ki Qasam itna kharch karta Hai k Baaz Martaba Doctor ban Kar Doctori karte saal ha saal guzar Jate hai’n Doctor Banne Ka Qarza Ada Nahi hota, isse Maloom hota Hai k ilm se zyada Ragbat Duniya ke Funoon ki hai ,*

           ❦━━━━━━❀━━━━━❦.

             *☞_ Sifaat E Sahaba*

*↬• Arz Kiya k 5 Baate Hamare andar hai'n Jis Per hum Amal karte hai’n, (Shahadat ki) Gawahi dete hai’n, Namaz qaa’im karte hai’n, Ramzan ke Roze Rakhte hai’n, Baitullaah Ka Hajj karte hai’n, Zakaat Ada karte hai’n, Aap ﷺ Ne farmaya Wo 5 Kya Hai'n Jo Tumhare andar Zamana E Jahiliyat se hai, farmaya Hamare andar Sabr hai, Hamare andar Shukr hai … ,*

*★_ Allah ki Shaan Sabr Ek Esi Sifat hai Jo Aadha imaan hai, Shukr Aadha imaan hai, imaan To Kaamil yahi ho jata Hai, Sabr aur Shukr Ke Matlab ko samajhte ho ? Sabr Ka Haal to ye hai k aane wale Halaat ko Bardasht Kar ke Halaat ko Badalne Ka intezar Karna ye koi Sabr Ka Matlab Nahi hai, Sabr kehte hai’n Allah Ta’ala ke Ahkaam Per jamna Halaat ke muqable mai, Roze ko Sabr farmaya hai Kyunki ye hukm Bahut se Taqazo se Rok deta Hai, Aur Ni’amato me Allah ki ita’at Per jamna aur uski ibaadat me zyadti Karna ye Shukr hai,*

*★•_ Farmaya k Hamare andar Sabr hai, hamare andar Shukr hai aur Ek Sifat Hamare andar ye hai k Hum Jis Baat ko Tay Kar lete hai’n Usse Pichhe nahi hat te Apni Baat me jamne wale hai’n, Ek Hamare andar ye Sifat hai k Hum Allah ke Har Faisle se Raazi rehte hai’n, Ek Sifat Hamare andar Ye hai k Hum Apne Dushman per aane wali Musibat se Khush Nahi Hote,*

*★_ Waaqa’i ye bahut Aham Sifat hai, Jab Tak Musalman ke Jazbaat Saari insaniyat ke bare me Wo Nahi ho'nge Jo Jazbaat Sahaba Kiraam Ke they us Waqt Tak islam Ka Tarruf Nahi ho Sakta, Yaad rakhna inteqaam Ke Jazbe Se Islam Samjhana Mumkin Nahi hai aur inteqaam Ke Jazbe Se Islam Ka failna Mumkin Nahi hai, Sahaba Kiraam Ke gaalib aane ki waahid Sifat ye thi k Sahaba Ke Quloob Do cheezo se Khaali kiye Gaye they, Ek Mulk v Maal ki hirs na thi aur Doosre inteqaam Ka Jazba na tha Balki Hidayat Ki Tamanna Thi,*

*★• _ Agar Khuda Na Kare Dil Ke kisi goshe me in Do cheezo me Se Koi Ek Cheez bhi zarre ke barabar bhi mojood hai to Yaad rakhna kabhi ye galba haasil nahi hoga, Isliye Islam Ka Tarruf Deen Ke Tamaam Shobo me Jo hoga Wo itteba E Sunnat se hoga ,*

     

           ❦━━━━━━❀━━━━━❦.

 *☞_ Hazrat Ali Raziyallahu Anhu aur Ek Yahoodi Ka Qissa,*

*↬• Islam sirf ibaadat Tak Mehdood Nahi Hai, Balki Musalman ko iska Paband Kiya gaya Tha k Agar Haq Gair Ka hai to Tujhe Gairo'n ke Saath Ma'amla Apno Se Behtar Karna hoga,*

*★• _ Hazrat Ali Raziyallahu Anhu (Apne Daure Khilafat me ) Bazaar me nikle, dekha k Ek Yahoodi Zirah Bech raha hai, farmaya Yahoodi se ye Zirah Meri hai, Yahoodi ne kaha– nahi ye Meri hai, Hazrat Ali Raziyallahu Anhu ne farmaya Zirah Meri hai, Jhagda ho gaya, Ek Taraf Yahoodi aur Ek Taraf Ameerul Momineen, Farmaya Chalo Adalat me,*

*★• _Masla Adalat me gaya, Ali Raziyallahu Anhu khud Tashreef le gaye, Hazrat Ali Raziyallahu Anhu ko dekh Kar Qazi Apni kursi Se Niche Beth gaya uth kar, Hazrat Ali Raziyallahu Anhu ko Kursi per bithaya, Puchha Kya Hukm hai ? Aap Kyu Tashreef laye ? Hazrat Ali Raziyallahu Anhu ne farmaya- Mera Jhagda is Yahoodi se hai, Zirah Meri hai,*

*★• _ Aap Andaza Kare'n us Adalat Ka Jisme Qazi Hazrat Ali Raziyallahu Anhu Ka banaya hua, Qazi Niche betha hai Yahoodi ke Saath, Yahoodi Sochta hoga Kaha’n fa'ns gaya, Adalat inki, Qazi inka .. ,*

*★• _ Qazi ne kaha Ameerul Momineen Aap Gawah pesh Kare'n, farmaya Mera Beta Gawahi dega, Saare jawano ke Jannat ke Wo Sardaar hai’n, farmaya Baat Theek hai Lekin Bete ki Gawahi Baap Ke Haq me Mo’tbar Nahi, Ameerul Momineen Adalat Ka faisla ye hai k Zirah Yahoodi ki hai, Faisla ho gaya Ameerul Momineen ke khilaf ,Ek Yahoodi ke Haq me ek Musalman Judge ke Zariye,*

*★_ Jese hi Zirah Yahoodi ko mili, Yahoodi ne foran Kalma padha, Kaha Mai’n Dekhna Chahta tha k inki Adalato me Jo Faisle Hote hai’n wo Faisle Ambiya wale Hote hai’n ya Wo Faisle Ambiya ke Tareeqe se hate hue Hote hai’n, Ameerul Momineen ye Zirah Aapki hai ,Aapke Ou'nt Se giri thi, Maine uthayi thi,*

*★• _Hazrat Ali Raziyallahu Anhu ne Zirah us Yahoodi ko Hadiya ki, Ek Ghoda Bahut Sa Maal diya, Ye Hazrat Ali Raziyallahu Anhu Ke Saath hi rahe Aakhir Tak,*

           ❦━━━━━━❀━━━━━❦.

 *☞_ Naqal Harkat Ke Zariye Mushahide Ka Deen Pesh Karo,*

*↬• Islam Ka Aksar Hissa Makhlooq Ke Darmiyan hai, isliye k Chaar Cheezo per Saara islam hai, ibadaat, Mamlaat, Akhlaaq aur Ma'shrat, Ek Hissa iske aur Allah ke Darmiyan hai, Baqi Teen Hisse iske aur Makhlooq Ke Darmiyan hai,*

*★• _ Is Naqal harkat ke Zariye Ummat ko Wo Akhlaaq, Wo Ma'amlaat, Wo Ma'ashrat Amali Tor per pesh Karna hai, Ye Naqal harkat isliye thi k Musalman Apne Amal me Reh kar harkat me aaye Taki Ummat ko Mushahide Ka Deen Pesh Kare,*

*★• _ Ilm ki hifazat Beshak (Ulma e Haq Ke) Kalam se hai lekin is ilm ki isha’at Qadam chahti hai, Jo kuchh likha gaya Hai us likhe hue per Amal ke liye Ummat ko bheja gaya Hai, isliye Ummat per Amali Deen Pesh Karna ye is Naqal harkat Ka Asal Maqsad hai aur iska koi muqabil Nahi,*

*★• _ Do Cheeze Esi hai’n Jisse Daure Sahaba me islam faila hai, Ek Allah ke Raaste ki Naqal harkat aur Doosre Ulma E Haq ki Majalis E Sohbat, Ye ilm ko Ulma se lete they aur Amali Naqal harkat se ilm ko Ummat Tak pahu'nchate they,*

*★• _ Isliye Baat Achchhi Tarah jaanni Chahiye k Ummat Tak Amali Deen Ke pahunchane ka Jo Buniyadi Sabab hai Buniyadi Zariya hai Wo Allah ke Raaste ki Naqal harkat hai ,* 

           ❦━━━━━━❀━━━━━❦.

 *☞_ Dawat Ke Liye Rivaaji Tareeqe nahi Sunnat Tareeqa Akhtyar Karo ,*

*↬• Mujahida insaan ki Sifat hai, iske alawa koi Makhlooq mujahid nahi Hai aur Hidayat Ka Vaada mujahide per hai, Baat ko pahu'nchane ke Jitne bhi Rivaaji Tareeqe hai’n in Rivaaji Tareeqo se, Maulana Ilyaas Sahab Reh. Farmate they- Rivaaj Taraqqi karenge Deen Taraqqi nahi Karega, Deen ki Taraqqi us Tareeqa e Mehnat me hai Jo Tareeqa e Mehnat Muhammad ﷺ aur Aapke Sahaba Ka hai _,*

*★_ Hazrat Ji Reh. ki Baat hai, Hazrat  farmate they –Jab Haq ko chalane ke liye Baatil Ka Sahara liya jayega to Baatil chalega Haq nahi chalega, Jitne bhi zaraaye hai’n inke andar Rivaaj ki zulmate hai’n aur Khud ja kar Dawat dene me Khuda ki Qasam Sunnat ke Anwaraat hai’n, Sunnat ki aziyate Sirf Aap ﷺ ke Tareeqa e Dawat me hai, Us Tareeqa e Dawat se hat Kar Nabuwat ki Line ki Aziyate kisi Rivaaji Tareeqo me nahi milegi _,*

*★• _ Isliye Ummat Tak Deen pahu'nchane ke liye Jo Masnoon Tareeqa hai, Aap Agar gor karenge to Daure Sahaba me Sirf do cheeze milengi, Ek Aap ﷺ ki Sohbat aur Aap ﷺ ki Sohbat ke Baad Aapke Ulma e Haq ki Sohbat aur Doosri Allah ke Raaste ki Naqal harkat, Is Ka Asal Maqsad Ummat ko Hidayat ki taraf Lana hai,*

           ❦━━━━━━❀━━━━━❦.

 *☞_ Amal se Amal Zinda Hota Hai,*

*★• _ Isliye Akhlaaq aur Maashra dikhane ke liye Dawat Apne Mahol me Lane Ke Liye thi, Dawat Paigaam pahu'nchane ke liye Nahi thi, Nabi Alaihissallam ki Sunnat ye Hai k Tum Akhlaaq  aur Ma'ashra le Kar Unke Mahol me jao,*

*★• Agar Apne Ghar se Masjid Tak Jate hue ,Sirf Namaz ke liye ja raha, ( Raaste me Logo'n ko Namaz Ki ) Dawat Nahi de raha hai to ye Na Apno ki Hidayat Ka Zariya banega na Gairo ki Hidayat Ka zariya banega, Infiradi A’amal se islam Nahi faila karta, A’amal e Dawat Hidayat ke Raaste banate hai’n, Amal se Amal Zinda Hota Hai, Apne Mahol me le kar aana ye mamool Tha Sahaba Kiraam Ka,*

*★_ is Naqal harkat Ka Maqsad Kalma Namaz Seekhna Nahi Tha, Maulana Ilyaas Sahab Reh. ka malfooz hai k Meri Tehreek Ka Maqsad Sirf Kalma Namaz Sahi Karna Nahi Hai, Kalma Namaz Ka Durust ho Jana Ye to is Raaste ke Khurooj ki Esi ibtidayi Cheez hai Jese Bachcha Alif Ba Ta Seekh Leta Hai, Ye to Fara’iz me se hai, is Naqal harkat Ka Asal Maqsad Ye Tha k Amali islam le Kar Ummat Ummat me jaye,*

*★•_ Aap dekh Lijiye in Jama’ato ki Naqal harkat se isaar ke, Qurbani ke, Hamdardi ke, Akhlaaq ke, Achchhe Mamlaat ke, Achchhe Ma'ashre ke Jab A’amal saamne aate hai’n To Maloom hota Hai islam Kya hai,*

*★• _ Isliye infiradi Dawat Ke Liye Qadam uthaoge to Allah Rabbul izzat is per Quloob ko Naram farma denge, isliye Mere Azeezo Dosto ! Ye Naqal harkat is maqsad ke Liye hai k is Naqal harkat ke zariye Ummat ko Amal ke Mahol me laya Jaye, is Naqal harkat ke Zariye Ummat per Amali islam Pesh kiya Jaye, Ye Musalman ki Zimmedari hai k is Naqal harkat ke zariye Amali Deen le kar fire,*

           ❦━━━━━━❀━━━━━❦.

 *☞_ Allah ke Gusse Ko Thanda Karne Wala Amal,*

*↬• Isme koi Shak Nahi k is Raaste me firna Allah ka Amr hai Aur ye Baat Yaad Rakhna hum Jo Khurooj karte hai’n Allah ke Raaste Ka ye Allah ke Amr ki vajah se karte hai’n ,“_Jab bhi Nikaala Jaye Nikal Jao_,”*

*★•_ Esa Mizaaj banaya gaya Tha Sahaba Kiraam Ka, Ba- qaul Hazrat ke k Huzoor Akram ﷺ ne Sahaba ko Nikaalne me Ujr ki koi qism baqi Nahi Chhodi Jisme Sahaba ko Nikaala Na ho, Khof me, Bimaari me, Khushi me, Gam ke halaat me, Halaat ki Kharaabi me, Koi moqa Esa Nahi milega Jisme Sahaba ko Nikaala Na ho,*

*★•_ Langde Sahabi hai'n Amr bin Jamooh Raziyallahu Anhu, Beto ne aa Kar kaha Abba ji ko Rok lijiye, Beto se farmaya Jaane do, Unse farmaya– Tum majoor ho, Arz Kiya- Ya Rasulallah ! Sirf itna bata dijiye Jannat me Langde pair se Chalunga ya Sahi pair se, Aapne farmaya- Jannat me Sahi pair se Chaloge, Ye Nikle, Aap ﷺ ne farmaya- Meri Aa'nkho ke Saamne hai Amr wo Jannat me Sahi pair se chal raha hai,*

*★• _ Isliye Mere Azeezo Dosto Sabse Zyada, Allah ke Gusse ko Thanda karne Wala Amal Wo Allah ke Raaste ki Paidal Naqal harkat hai, Jab is Raaste me Paidal Chalne Se Jahannam Jo Allah ke Gusse ka Sabse Bada Mazhar hai, Jab is Raaste ki Naqal harkat Se wo Jahannam ki Aag Haraam Kar di jati hai To Jo uske Gusse ke Mazahir Duniya me hai’n, Jama’ato ki Naqal harkat se kese khatm Nahi ho'nge,*

           ❦━━━━━━❀━━━━━❦.

 *☞_ Tauba Ke Liye Nikalne Wale Qatil Ka Waqi’a,*

*↬• Is Ummat ki Fazilat aur is Ummat Ka Afzal Ummat hona, is Dawat ilallaah ki Shart ke Saath hai k Apne Deen ko le kar Harkat mai aana hai, (Dawat) Yaqeen ke badalne ka Raasta hai aur yahi Mahol ke badalne ka rassta hai, Yaqeen aur Mahol ki tabdeeli ke liye asal ye Raasta diya gaya Tha, Apne Mahol se nikalna zaroori hai,*

*★• _ Aap baarha sunte hai’n- Wo Qatil jisne 99 Qatl kiye, ek Raahib se ja Kar sawal Kiya– Kya Meri Tauba qubool ho sakti Hai, Usne kaha- tumne 99 qatl kiye hai’n tumhari Tauba qubool na hogi, Usne usko bhi nimta diya , – Kyu ? Jo Shakhs Allah ki Rahmat se mayoos Kare wo rehne ke qabil nahi,*

*★_ Ajeeb Baat hai– Aalim aur Raahib ka fark dekho, Jo Ummat se kat Kar Khaaliq ki ibaadat mai tha usne Mayoos Kar Diya k Teri Magfirat nahi hogi, Lekin Aalim Ka Talluq Makhlooq se hota Hai, Allah ke ilm ko logo Tak pahunchane ke liye, ye ilm ke zariye Allah ke Bando ko Allah se Jodna chahta hai,*

*★• _ Aalim ke paas gaya– Kya Meri Tauba qubool ho jayegi ? Aalim ne kaha– Tauba qubool ho jayegi lekin Aap Apni Basti Chhod Kar nikal Jaye, Rivayat per gor Karo– Ye nahi Kaha– Jaa'iye Allah maaf Kar de'nge Tauba Kar lijiye, Ulma ne likha hai k – Apne Raaste ( Mahol ) ko Chhod Kar nikalna ye Tauba Ke andar pukhtgi paida Karna hai, Gunaah ke Mahol me Reh kar istigfaar karna Gunaah ki zulmato se Tauba ke Kamaal Tak nahi Pahu'nchne deta ,Yahi Vajah hai k Subeh Shaam Tauba karte hai’n aur Subeh Shaam Gunaah karte hai’n, Tauba me Pukhtgi Paida hoti hai Jab Aadmi Gunaah ke Mahol se Nikal Kar Baahar aata hai, Sahaba ne Shirk ki zulmato ko imaan ke Mahol mai aa Kar samjha, Hum Gunaah ki zulmato ko Gunaah ke Mahol se Nikal Kar Samjhenge,* 

*★• _Ye Nikla aur Nikalte hi maut aa gayi, Jaha’n se Nikla hai Uske Qareeb maut aayi hai, Jaha’n ja raha hai Pahu'ncha Nahi hai, Allah ne Zameen se farmaya Tu Simat ja , Farishto se farmaya Naap ke dekh lo kis jagah ke qareeb hai, Allah ki Shaan ,Allah ne iske qadam uthane per iski magfirat ka faisla farma diya,*

           ❦━━━━━━❀━━━━━❦.

 *☞_ .Ummat Ki Naqal Harkat Jaari Paani Hai,*

*↬•Maulana Ilyaas Sahab Reh. Farmate they,  khurooj aur Naqal harkat ye to magfirat ka Yaqeeni Raasta hai, Is Ummat ko Mutaharrik banaya gaya Tha, Ese Faza’il hai’n Khurooj aur Naqal harkat ke k Ummat Qayamat Tak Chain se beth na sake, Tablig Madarsa Nahi hai Jisme Taleem Kar ke faragat haasil ho Jaye, Balki Naqal harkat Ummat ko Hidayat per lane aur khud Apne A’amaal me Kamaal Paida karne ke liye hai,*

*★• _ Hazrat ka Malfooz hai, Ajeeb Baat Farmayi – Magfirat- Allah Ke Raaste me Ek Martaba Sar Dard ho Jaye pichhle Saare Gunaah Ma'af Kar diye Jate hai’n, Allah ke Raaste me Paidal Chalna Aag ko Haraam Kar deta Hai, Allah ke Raaste me Maut aa Jaye to kehna hi Kya, farmaya Jaha’n Mara hai Waha’n se Nikalne ki Jagah ke Darmiyan Ek Moti ka Mahal Taraash Kar Allah Mahal ata farmate hai’n, itna bada Moti k Jaha’n Se Nikla hai Jaha’n aa Kar mara hai,*

*★_ Balki isse Aage Yu'n farmaya, Agar Allah ke Deen Ke Taqazo Per Uske Deen ko Samundar Paar pahu'nchane ke liye ye Fazilat bayan ki hai Taki Log ye Na Samjhe k jaha’n Tak khushki hai Waha’n Tak Chalo, Farmaya, Jo Allah ke Deen Ke Paigaam ko le Kar Samundar se bhi Safar karta Hai aur Maut aa Jaye to Allah Ta’ala Farishto Se farmate hai’n iski Rooh Tum Nahi Nikaloge iski rooh me khud Nikalunga ( Allahu Akbar ),*

*★• _Ye Faza’il kyu bataye gaye they– Taki Ummat Mutaharrik rahe, Ummat ki Naqal harkat Jaari Pani ki Tarah hai, Jaari Pani Paak Rehta Hai, Paak karta Hai, isi Tarah Ummat ki Naqal harkat Ummat ki Taharat ka, Ummat ke liye Magfirat ka, Ummat ke liye Tazkiye ka, Hidayat Ka Buniyadi zariya hai,*

*★• _Ye Ummat Ummate Muhammadiya hai, is Ummat ki Zimmedari Ba Aitbaar Aalam ke hai, Ye Ummat Apni Zaat Se Nahi hai, Ye Ummat Ummat hai Ba Aitbaar Ummat hai, Saari Duniya ke Musalman ek Jism ke A’aza ki Tarah hai'n, Pair ka Zakhm pair ka Nahi hai, Khuda ki Qasam ye iske poore Badan se Mutalliq Zakhm hai, is Zakhm Se Poora Badan Mutassir hoga, Ek ilaaqe ki Bedeeni Se Poora Aalam Mutassir ho, is Hadees ka Asal Mafhoom hai, isliye Poora Majma iska azm Kare k is Kaam ko Kaam Bana Kar Rehna hai Ba Aitbaar Aalam ke, Deen Qaa’im ho ye is Ummat ki Zimmedari hai, Aap ﷺ ki Niyabat me Ummat ko ye Kaam Ba Aitbaar Aalam ke mila hai, (Alhamdulillah)*

   

           ❦━━━━━━❀━━━━━❦.

 *☞_ .Khair Ka Moqa Qubuliyat Ka Imtihaan,*

*↬• khair Ka moqa mil Jana ye Qubuliyat ki Alaamat Nahi hai Balki Ye moqa Qubuliyat ke imtihaan ka hota Hai, Is imtihaan me Jo Apni Zaat ki Har Aitbaar Se Nafi Kar ke Allah Ta’ala ke Awaamir ko Yaqeen ki Buniyad per Qubool Kar leta Hai Wo To Allah Rabbul izzat ke Yaha’n Nabuwat ke Kaam ke liye khalifa Muntakhab Kar liya Jata hai Aur Jo is imtihaan me fail ho jata Hai Bavjood Qurb ke, Bavjood Quwwat ke, Bavjood Qurbaniyo'n ke, Bavjood Zimmedariyo'n me Chalne ke Bade Bade  darje aur Bade Bade Muqaam se gira diya Jata hai, Allah hum Sab ki hifazat farmaye, (Aameen)*

*★• _ Allah Rabbul izzat Ek Ek fard Ka Barahe Raast imtihaan Lete hai’n k is Kaam me Jo Zimmedari is per daali gayi hai, is Zimmedari ke Ada karne me iska khud Ba Zaate khud Apne Kaam per Yaqeen kitna hai ? Imtihaan kisi Naye Aadmi ka Nahi imtihaan Purano ka liya Jata hai aur imtihaan door wale ka Nahi Qareeb Wale ka Liya Jata hai aur imtihaan kisi Chhote Kaam karne wale Ka Nahi Bada Kaam karne wale Ka liya Jata hai, Koi kitna bhi Aage bad jaye koi kitna bhi Purana Ho Jaye Khuda ki Qasam imtihaan Liye Bager Allah kisi ko Nahi Chhodenge,*

*★•_ Ibrahim Alaihissalam ne is Tarah ke Tamaam imtihanaat me Kamaal ko Pahu'nch Kar dikhaya, Do line se Allah Ta’ala ne Ibrahim Alaihissalam ko imtihaan me mubtila Kiya, Ek Ahkaame Shari’at me aur Doosra imtihaan Ahkaame Dawat me, Ibrahim Alaihissalam ne Dono Aitbaar Se Hukm Poora Kar ke dikhlaya, Allah ne farmaya- Ab hum tumhe imaam muntakhab karte hai’n,*

*★• _ Is Kaam me Jo Ahkaam Aayenge Wo kabhi haisiyat ke khilaf, Kabhi Ahkaam aayenge mamool ke khilaf, kabhi Ahkaam aayenge Apne Achchhe jazbe ke khilaf, imtihaan ka silsila Allah Rabbul izzat ka Ouper se Chal raha hai,*

   

           ❦━━━━━━❀━━━━━❦.

    *☞_ ._Nabi Ke Hukm ka inkaar,*

*★• _ Huzoor Akram ﷺ ke Saath Ek Sahab khana kha rahe they, Baaye Haath se Luqma liya, Aapne farmaya daaye Haath se Khaa'o, Baaz Martaba Baaz Tabiyate Esi Hoti hai’n k Agar Unhe kisi Galat Kaam se Roka Jaye to unko Ye Rokna itna Nagawaar hota Hai k Wo koi jhoota uzr pesh Kar dete hai’n Ye batane ke Liye k Aapne Mujhe Jo Toka hai Galat Toka hai , Mai’n mazoor hu’n,*

*★• _ Aap ﷺ ne farmaya- Daaye Haath Se Khaa'o, Use Ye khayal hua k Mujhe Sabke Saamne Kyu Tok diya, Usne uzr pesh Kiya, uzr isliye Pesh kiya Taki Aapka Tokna Be Asar ho Jaye, inhone is Amr ko Hakeer samajh Kar kaha k Mera Daaya haath uthta nahi hai, Rivayat me hai k Aapne Bad Dua di, Aapne farmaya- Allah Kare Tera Ye Haath Aa’inda kabhi Na uthe, Rivayat me Hai k usko Daaye Haath se khane Se Sirf Takabbur ne Roka tha Varna uzr Koi Nahi Tha,*

*★• _Ye koi farz nahi ya Waajib nahi, Baaye Haath Se Khana Koi Kabeera Gunaah Nahi hai Lekin isme Koi Shak Nahi hai k khilafe Sunnat hai aur khilafe Sunnat hona hi khilafe Deen hai, Khilafe Sunnat Amal hona Deen ki mukhalifat ke liye Kaafi Hai, Fara’iz Se ikhtilaf to Kufr ki Alaamat hai Lekin Sunnat ki Mukhalifat Asal Be Deeni hai,*

*★_ Kitne hi Kaam Ese hai’n jinhe karne ko kaha Jata hai aur Hum Halka Samajh Kar Chhod dete hai’n, Agar Muhammad ﷺ ke Ek Daaye Haath Se khane ki Sunnat Ka bhi ye Keh Kar inkaar Kare k is Waqt Mai’n ye Nahi Kar Sakta aur Ye Apne uzr me jhoota ho To Mere Dosto Azeezo ! Jo Bad Dua Mehroomi Us Waqt hai Wo Mehroomi Us Waqt ke liye Nahi hai Hamesha ke liye hai, Ye Bahut Gor karne ki Baat hai, itteba e Sunnat koi mamooli Cheez nahi hai,*

*★_ Allah mujhe Ma'af farmaye Ye Aam Mizaaj hai is Waqt k Agar kisi ko Galti Per Roka Jata hai, Toka jata hai to Wo koshish karta Hai k Koi Esa zjr pesh karu'n Jisse Tokne wale ka tokna galat Saabit ho Jaye, Hala'nki Ek Aadmi ke ikhlaas aur Ek Aadmi ke Allah ke Yaha’n Maqbool hone ki Alamat hai k Tokne wale ko Aapna Mohsin samjhe Balki Apne ko Tokne wale Log Taiyaar Kar ke Rakhe'n k Agar mujhse khata ho to mujhe Tok diya Jaye, isliye k Mukhlis Aadmi ki Alamat Ye Hai k Tokne wale ko Apna Mohsin Samjhega aur Riyakaar Tokne Wale ko Apna Dushman samjhega aur Tareef karne Wale ko Dost Samjhega,*  

           ❦━━━━━━❀━━━━━❦.

    *☞_ Allah Ke Hukm ka inkaar,*

*↬• Sabse Zyada Allah Ta’ala ke Muqarrab aur Nek Bande Wo Mala’ika hai’n, Allah Ta’ala ne imtihaan liya aur hukm Diya k Aadam ko Sajda Kare, Sabne Sajda Kiya Sivaye Iblees ke, Allah Ke Amr Ka inkaar Kiya aur Ye inkaar Allah ka inkaar nahi Hai Uske Amr Ka inkaar hai, Yaad Rakho Allah ka Hukm aur Nabi ka Hukm wo Agarche Ek Mamooli Cheez ke liye bhi ho Lekin agar Batore Kibr ke kisi hukm Ka inkaar kar diya, inkaar hi Nahi Kiya Balki jhoota uzr bhi pesh Kar diya to ye Mehroomi ke Liye Kaafi Hai,*

*★_ Allah Rabbul izzat Hukm dete hai’n Aadam Alaihissalam Ko Sajda Karne Ka, Sabne Sajda Kiya, Iblees ne inkaar Kar diya aur ye kaha Aap Mere Saath Ma'amla wo Kare'n Jiska Mai’n Ahal hu’n, Saara Jhagda hi isi Baat par hai k har Shakhs ye Chahta Hai k Usko Uske Muqaam Per rakha Jaye, Sabse Pehli Mehroomi iblees ki Hui hai Uski Asal Buniyad hi yahi hai- Mujhe Mere Muqaam Per rakha Jaye, Mere Saath Zyadti hai k Mujhe Aadam ko sajda karne Ka hukm diya ja raha hai,*

*★• _ Ye pehla imtihaan tha Jo Allah ne Farishto ka liya k ab Tak ke Qurb Se aur ab Tak ki ibaadat Se ita’at per Kitne aaye, Agar Ba Zaate khud ko sajda karne Ka hukm hota to Kon inkaar karta Magar Sajde Ka Hukm Naye ke liye Jo Mitti se bane hai’n, idhar Nooraniyat hai idhar Mitti hai, Lekin haisiyat Allah ke Amr ki hai,*

*★•_ Agar Allah Ta’ala ke Awaamir Mamool ke Mutabiq aaye to unka poora Karna ita’at ka Kamaal nahi hai, Allah Ta’ala ke Ahkaam Mamool ke khilaf aaye inka poora Karna Tabiyat ke khilaf ho ye ita’at ka imtihaan hai, Chuna'nche is Amr ke Poora Na karne ki Vajah se Iblees ko Waha'n se Nikaal diya gaya, aur Ye Ek Haqeeqat hai Jo Kisi khair se Mehroom Kiya Jata hai Wo Apni Tanhayi ko Bardasht Nahi karta, Wo Qasam kha leta hai k Mai’n Jis Khair Se Mehroom hua hu’n, Mai’n Aadam aur Aulade Aadam ko bhi Us khair Se Mehroom karne ki poori koshish karunga,*

*★• _ Hazrat Thanvi Reh. Ek Ajeeb Baat farma gaye, Farmate they–Jab Allah ke Awaamir Allah ke Ahkaam ko Duniyavi Masle ki Vajah Se Chhoda Jata hai to Deen Be Lazzat ho jata Hai, Jis tarah Agar Masale ko peesa Jaye to Khane me Lazzat hoti Hai, isi Tarah Masaleh ka peesna aur Masaleh ko kuchalna Allah ke Amr Ko Poora karne ke liye isi me Deen ki Lazzat hai, Log Masaleh ki Vajah Se Deen Chhodte hai’n Hala'nki Masaleh ko peesa jata Hai,*

  

           ❦━━━━━━❀━━━━━❦.

    *☞_ Hukm Achchhe Jazbe Ke Khilaf,*

*↬• Kabhi Aayega Hukm Haisiyat ke khilaf Jese Hukm diya Iblees ko ye uski Haisiyat ke khilaf tha, Usne Amr ko Nahi dekha Haisiyat ko dekha, Doosra Hukm Allah layenge Apne Achchhe jazbe ke khilaf ,*

*★• _ Hudebiya me Amr aaya k Aapko Yaha'n Se wapas hona hai Allah ka Hukm hai, Tamam Shara’it Mushrikeene Makka Ki maano, Mushrikeen ne kaha hum Rasulullah Nahi Likhne de'nge, Umrah Nahi karne de'nge, Hazrat Umar Raziyallahu Anhu is per ad gaye, Kyu hum dab Kar sulah Kare, Kyu Na hum Umrah Kare, Baitullaah kisi ki jageer nahi hai, Sab aate hai’n Hajj karte hai’n, tawaaf karte hai’n,*

*★• _ Ajeeb Baat ye hai k Sahaba Kiraam Ka itna Majmu’a Hudebiya ke moqe per Aap ﷺ ke Saath tha, Unke Darmiyan sabki Ek Baat Wo Esi thi k Agar kisi Jazbe ki vajah se koi Shakhs ye Kehta k Mai’n to ye Chahta hu’n aur Wo Shakhs kisi ke paas Jata Uski Raay ko Apni Raay ke Saath Shamil karne ke liye to wo Kehta k Nahi Umar, Allah, Allah ke Rasool ka Hukm ye hai, Sahaba me Aapas me itni ijtemaiyat thi,*

 

*★• _Hazrat Umar Raziyallahu Anhu Ka Jazba Umrah Karne Ka, Jiske Paas Jate Wo kehta Umar Allah ka Amr, Allah ka Hukm, Umar kehte- Kya hum Haq per nahi hai ? Haq Ka Taqaza Kya Hai ? Haq Ka Taqaza ye hai k is Waqt Jo Hukm diya ja raha hai Usko poora Karo,  Farmaya- Kya Umrah Allah ka Amr Nahi Hai, Farmaya- Hai Lekin is Waqt Ka Taqaza Kya Hai ,Hukm Kya Hai, Hazrat Umar Raziyallahu Anhu farmaya karte they Maine poori Zindgi A’amaal aur Sadqaat kiye Ey Allah Mera us Din ka Gunaah maaf Kar de,*

*★_Jazbe ke khilaf Hukm La Kar ye dekha Jata hai k is Poore majmu’a me koi Ek fard bhi esa hai Jo Nabi ke Amr ke khilaf Jazba rakhta ho, Huzoor ﷺ ne Esa Sahaba ko ita’at per ubhara tha k Nahi Allah, Allah ke Rasool ke hukm ke muqable me koi Nahi , ibadaat per uthaya tha, Lekin ye Nahi k ibadaat me Hamare Saath aur Ma'amlaat me Unke Saath, Hume to ita’at ka Esa aadi banaya gaya Tha k Ek Taraf Saari Qaum aur Ek taraf Muhammad ﷺ Ka Hukm,*

   

           ❦━━━━━━❀━━━━━❦.

    *☞_ Hukm Mamool Ke Khilaf _,*

*★• _ Hudebiya Achchhe jazbe ko Qurban karne Ka moqa tha hukm per, Allah Ta’ala ne farmaya k Tumne Hamare Amr ko poora Kiya Apne Jazbe ke khilaf, humne Apna Vaada poora Kiya, Fateh di Halaat ke khilaf,*

*★• _ Ek Hukm aayega mamool ke khilaf, Ek mamool Chala aa Raha tha, Baitul Muqaddas ki Taraf Namaz padhi jati thi, Hukm aa gaya Aap Rukh fair lijiye Baitul Muqaddas Se Baitullah ki Taraf, Sahaba ne foran Rukh fair liya, Ye Nahi k Kya zarurat hai, Ye bhi Nahi k Koi harj nahi Jinka Dil Chahe udhar padh le Jinka ji Chahe idhar padh le ikhtilaf se Bachne ke liye,*.

*★_ Ummat ki ijtimaiyat ye nahi hai k Aap Esa Kar le hum Esa Kar le, Ummat ki ijtimaiyat ye hai k Apne Jazbe ko Chhod Kar Allah Allah ke Rasool ke Hukm Per Sab jama ho Jaye,*

*★• _ Ajeeb Baat hai, Zuhar ki Namaz ke Darmiyan hukm aaya, Allah ne Kyu Kiya ? isliye k Kon Rasool ki itteba karta Hai Kon Qibla Avval per Baqi rehta hai Kon Apne Nabi ke Saath Rukh fair Leta Hai, Ye imtihaan ki Shakle hai’n,*

*★• Ita’at ki vajah se ijtimaiyat hai, Agar ita’at Nahi Hai to ijtimaiyat Nahi hai, Is ijtimaiyat me Kya Rukawat hai, Rukawato ke Kya Asbaab hai’n Log iska sabab Talash karte hai’n Lekin Aapas Ke ikhtilaf per Gor Nahi karte ,*

           ❦━━━━━━❀━━━━━❦.

*☞_ Dawat Ke Kaam mai Taqseeme Kaar nahi Hai,*

*↬• Sahaba Kiraam ki badi Sifat ye thi k Wo Apne se chhoto ko bhi agar Aage badte dekhte to wo chahte they inke Saath lag jao, is Waqt Allah inse Kaam le raha hai, Allah Humse bhi Kaam le le ,*

*★• _ Ye Cheez Sahaba ki Zindgi me Aam Tor per milegi, Senior Kon Junior Kon ? Ye Cheez Nahi milegi, Sab Ese ijtimayi Kaam me mashgool hai’n k Waha'n Taqseem E Kaam Nahi hai, Kon Kis darje Ka hai Sab Kaam me lage hue hai’n, Aap dekhe'n Sahaba ki Seerat me Huzoor Akram ﷺ khud Ese Shaamil hai’n Sahaba Kiraam Ke Saath k Taqseem E kaar Nahi milegi,*

*★• _ Abu Bakar aur Umar Raziyallahu Anhum Apne Apne Daure Khilafat me Ek Apahij Budhiya Ka pakhana Saaf Kar ke aur Kapde dho Kar aate they, Talha Raziyallahu Anhu is toh main lage k ye Raat ko is Budhiya ke Ghar Kyu Jate hai’n, Pata Chala Aaj se nahi Saal ha saal se aa rahe hai’n, Unse pehle Abu Bakar Raziyallahu Anhu aate they ,*

*★• _ Ye Baat Nahi thi Kiske karne Ka Kya Kaam hai ? Ek Esa majmu’a tha Jaha’n Masjide Nabvi ki Tameer me Sahaba Patthar utha rahe they, Patthar Uthane me Aap Andaza Nahi Kar Sakte k Aap ﷺ  Patthar Uthane walo me Shaamil hai’n, Taqseem E kaar nahi Tha ,Darjaat Nahi they, Allah Ta’ala ke Yaha’n to Bade Ou'nche darje hai’n ,Sayyadul Ambiya hai’n, Imamul Ambiya hai’n Lekin is Maidaan me Ese rehte they k Ajnabi Aadmi ko aa kar Poochhna Padta Tha k tumme Muhammad Kon hai'n ? Aap ﷺ Apna Tarruf khud karate they,*

           ❦━━━━━━❀━━━━━❦.

*☞_ Taqseeme kaar se Hasad Paida hota Hai,*

*↬• Taqseeme Kaar se Hasad Paida hota Hai k ye to yaha’n Pahu'nch gaya hum Yahi reh gaye , Lihaza Hume Waha'n pahu'nchao Ya ise Waha'n se utaaro ,Ya to Humse Wo Karo Jo inse Kaam le rahe ho ya inko Waha'n Lao Jaha’n Hume rakha hai, Saari ijtimaiyat ke Tootne Ka Asal Sabab ye hai, Sahaba ki Zindgi me ye Cheez nahi milegi balki bade Chhoto se istifada karte they,*

*★_ Abu Bakar Raziyallahu Anhu is Ummat ke Sabse Behatreen Balki Hazrat Abu Bakar Raziyallahu Anhu ki Sohbat to Esi Sohbat hai Jiska inkaar Kufr hai Baqi Sahaba ki Sohbat Ka inkaar Faasiq to hai hi, Hazrat Abu Bakar Raziyallahu Anhu aur Hazrat Umar Raziyallahu Anhu Dono Baitullaah Ka Tawaaf kar ke Nikle to dekha k Ek Nojawan Apni Peeth Per Apni Maa’n ko Le Kar Tawaaf ke liye ja raha hai,*

*★• _ Dono ne kaha Ek Doosre se k Chalo iske pichhe, is Maa’n ko Tawaaf karane me Jo Allah ki Taraf se Rehmate'n Khaas Mutavajjah hogi iski taraf usse Hume bhi koi faayda ho Jaye, Ye Nahi k  Hamara darja Kaha’n iska darja Kaha’n, Hamari Duae’n Kaha’n iski Dua Kaha’n, ?*

*★__ Waapas aa Kar Dono Chalte rahe uske Pichhe, Chalte Chalte Hazrat Umar Raziyallahu Anhu ne kaha us Nojawan se k Umar ki Magfirat ki Dua Kar do, Usne Apni Maa’n Ke Liye Dua Karte Kaha ,Ey Allah Umar ke bhi Gunaah bakhsh de,*

*★• _ Ye Maine Ek Misaal di hai k Chhoto Se Khair Lene ki Talash me Bade Hamesha raha karte they,*

           ❦━━━━━━❀━━━━━❦.

*☞_ Apne Aapko Kisi Taqaze Ka Ahal Na Samjhe,*

*↬• Isi tarah Jo Taqaze diye Jate they Aapki Taraf se Un Taqazo per Sahaba Apne Aapko pesh karte they, Aap ﷺ ne Yamani Talwaar nikaali, Farmaya- is Talwaar ko Kon lega ?Zaahir si Baat hai Jab koi taqaza Pesh Kiya Jata hai to us Taqaze ke Ahal Purane hi hua karte hai’n, Hazrat Umar khade hue, Aapne Talwaar unko nahi di, Dobara Farmaya- is Talwaar ko Kon lega ? Hazrat Zuber khade hue, Farmaya- Nahi Aapne Talwaar unko bhi nahi di,*

*★•_Teesri martaba farmaya- is Talwaar ko Kon lega Jo iska Haq ada Kare ? Ye Nahi k Purane Zyada Mustahiq hai’n, ye Baat Nahi isliye k Apne Aapko Haqdaar To Wo Samjhega jiske Dil Se khofe Khuda Nikal Chuka hoga, Allah Rabbul izzat Hume is istehqaak se Sabko bacha Kar hamare andar Mohtaajgi paida kar de, ( Aameen )*

*★• _ Mohtaaj Taraqqi Karega, Hamare Yaha’n Mutalba Nahi hai k Hume de do, Haa’n pesh Karna Apne Aapko Darte hue, Apne Aapko Kisi Taqaze Ka Ahal Nahi Samajhna hai, Hazrat Farmate they- Jo Apne Aapko Ahal Samajhta hai Allah Usse Nusrat Ka Haath Utha Lete hai’n ( k Chal Ab Kar ke dikha ) _,*

*★• _ Apne Aapko Mohtaaj bana Kar Chala Jaye, Ahatyaaj kuchh Nahi hum Mohtaaj hai’n, Hamari Zarurat hai , Huzoor ﷺ ne Yamani Talwaar di to ye Dono ( Hazrat Umar aur Hazrat Zuber Raziyallahu Anhum ) pichhe hat gaye, Haq Ada Karna hamare bas ki Baat nahi ,Abu Dojana khade hue Arz Kiya Talwaar mujhe dijiye, Mai’n iska Haq ada karunga, Aapne Talwaar unko di, Aap ﷺ ne Ye Nahi farmaya k Tum naye ho, Bahut qisse milenge Sahaba Kiraam Ke Jaha’n Bado ke Hote hue Chhoto Se Kaam liya hai,*  

           ❦━━━━━━❀━━━━━❦.

     *☞_ Salahiyat Shart Nahi _,*

*↬• Allah ki taraf se intikhab hota Hai, Allah khud chunte hai’n insaano aur Farishto mai se Apne Kaam ke liye,*

*★• _ Allah ki taraf se intikhab Ka hona isme Salahiyat Shart Nahi hai, _” Hazrat Farmate they – Allah Ta’ala ne Ababeel se Abraha ke Lashkar ko khatm karne Ka Kaam liya to Kya tum Ababeel se Hasad karoge ? ( K hamare Hote hue Ababeel se Kyu Kaam liya ) , Ek Kamzor Parinda Jo Udte hue Apne Aapko chhipa le, Allah Ta’ala ne Ababeel ki cho'nch Ke Kankar se ( cho'nch mai kitni badi kankar aati hai ) Abraha ke saare Lashkar ko bhurta bana Diya ,*

*★• _ Kaam hai Allah Ta’ala Ka, Uske yaha’n Maaddi Taaqat, Salahiyat Shart nahi hai , Use qudrat hai k Wo chhoto se bada Kaam le le ,*

           ❦━━━━━━❀━━━━━❦.

*☞_Apne Saathiyo’n Ka Ta’wun Karo Khayr Ke Kaamo mai,*

*↬• Hasad Ek Doosre Ka Ta’wun Nahi hone deta, Ek Doosre Ka muqabil bana deta Hai, Ye ( Dawat Ka ) Kaam Ek Doosre ke Aapas ke Ta’wun se chalega, Taqabul se nahi, Duniya ke kaam taqabul se chalte hai’n, Deen Ke Kaam mai tanafus hai taqabul nahi, Tanafus ye hai k Agar Qabila Aus ko maloom ho Jaye k Khajraj ne koi Khayr Ka Kaam kiya hai Allah ke Nabi ki madad me to Aus Khajraj se badh Kar Karte They, isliye Mere Dosto Azeezo ! Hasad ki gunja'ish nahi hai, Apne Saathiyo’n Ka Ta’wun Karo Khayr Ke Kaamo me,*

*★• _ Hadees me aata Hai- Madad Karo Zaalim ki bhi Mazloom ki bhi, Farmaya- Zaalim ki madad kese Kare'n ? (Farmaya) Zaalim ki madad ye hai k usko Zulm se roko, Sahaba Kiraam Ek Doosre Ka Ta’wun Kiya karte they Kyunki Unke Quloob Hasad se Paak they, Ek doosre ke Ta’wun Se Kaam aage badhega, Dilo’n Ka Hasad Se Paak hona aur Saathiyo’n ke liye Dilo’n Ka Naram hona ye bahut Aham hai, Allah ne isko Rehmat farmaya hai,*

*★• _ Saare Khayr Ke Kaam Allah ki Rehmat se hai’n, Jitna Fasaad Jitna bigaad hai ye Sab Allah ke Gazab ke mazahir hai’n, Ye ( Dawat Ka Kaam ) Sabse Badi Khayr lane Wala Kaam hai, isse badi Khayr kisi aur Raaste se nahi aa sakti, is Kaam ke alawa Jitne Khayr Ke Raaste hai’n Unse Jo khayr aayegi Wo infiradi, ilaaqayi satah per aayegi Lekin is naqalo harkat se jo Khayr aayegi Wo ba aitbaar Aalam ke ba aitbaar Ummat ke hogi,*

*★• Hamare sabke Dilo’n me Ek chor hai, Ye Dawat illallaah ki Mehnat se Doosro ke aitraaz se saathiyo’n Ka Yaqeen Toot Jata hai, Yaqeen Hona chahiye, Hazrat Farmate they – Mai’n Qasam Khaa kar Kehta hu’n Ye Dawat Ki Mehnat aur Ye Tarteebe Mehnat Sunnat ke mushabe hi nahi balki Ayn Sunnat Hai _,”*

  

           ❦━━━━━━❀━━━━━❦.

*☞_Hazrat Ji Reh. Ke Bayanaat Khoob Padha Karo,*

*↬•_ Mai’n Tumse Purano se Kehta hu’n- Hazrat ke Bayanaat khoob padho, itna padho itna padho k Kaam Per Wo Basirat Wo Yaqeen aa Jaye Jo Hazrat ko khud ko Yaqeen Tha, Agar ye Bayanaat Nahi Padhoge to Bahut se fitno aur Sazisho'n ke Shikaar ho Jaoge,*

*★•_ Is Zamane me Jis Tarah insaan Ka Mizaaj Nayi Cheezo ke lene aur Purani Cheezo ke Chhodne Ka hai, Allah Mujhe Ma'af farmaye Deen Ke Ma'amle me bhi yahi Mizaaj ban raha hai, Ye purani Baate chhodo, Nayi Baat Karo, Log Farruhaat ko Asal samajhte hai’n Usool ko Bhool Jate hai’n,*

*★• _ Mai’n to Aapse Amanatan Kehta hu’n Aapme Masha Allah Bahut se Bayanat karne wale ho'nge, K Jiske Zimme Subeh ko ya Shaam ko Bayan ho usko Hazrat ke Bayan Padhe Bager Bayan Karna Dawat ki Nisbat Se Kaam ke Saath khayanat hai, Ye hat jayenge Apne mozu se, inhe Naye Naye Bayanat Naye Naye qisse Kahaniya’n maqasid se Door le jayengi, inhe Ahsaas bhi Nahi hoga, itni door le jayengi itni door Chale jayenge k jab inhe bulaya jayega ( Hazrat ke Bayanat per, Usool ki Baato per ) to ye kahenge ye Nayi Baat hai Tablig me Ye Nahi hona chahiye ,”*

*★• _ Hazrat ne Maulana in’amul Hasan Sahab Reh. Se farmaya, Aakhri Dil Ka daura pada to Maulana in’amul Hasan Sahab Reh. ne farmaya k majma Muntazir hai (Aapke Bayan Sunne ke liye) Aapne farmaya- Hume Jo kuchh kehna tha Majme se Wo humne Keh Diya, Ab to karne Ka Zamana hai, iske mutabiq kehte raho, iske mutabiq Chalte raho,*

*★• _ Isha’at aur Muta’ala Kaafi nahi Hai jab Tak is Naqal Harkat Se Amali Tor Per lane ki koshish na ki Jaye aur ijtimayi Muzakro me Hazrat ke Bayanat Bayan na kiye Jaye aur Dawat me na laya Jaye Us Waqt Tak fayda na hoga ,*

        

           ❦━━━━━━❀━━━━━❦.

 *☞_Maidaane Mehnat Teen Hai’n,*

*↬• Dawat Ke Bayanaat mai hai, Mehnat Ek hai Lekin Maidane Mehnat Teen hai’n, Ek Saleheen wali Mehnat hai, Apni Zaat Per Mehnat karna, Saari Zindgi Deen Ke Mutabiq guzarna Ye Mehnat Saleheen wali hai, is Ummat Ki Madad Saleheen wali Mehnat Se na hogi,*

*★• _ Doosri Qism hai Ambiya Alaihissalam Wali Mehnat, Farmate they- is Ummat ki Madad Ambiya wale Tareeqa e Mehnat se bhi na hogi, Agar Ummat Ambiya wali Tarteebe Mehnat Kare Tab bhi iski madad na hogi Kyunki Ye Sayyadul Ambiya Muhammad ﷺ ki Ummat hai, Ye Ummat Ummate Ambiya Nahi Hai, ye Ummat Ummate Khatimun Nabiyyeen Sayyadul Ambiya hai,*

*★• _ Is Ummat Ki Madad ke liye Shart hai "in tansurullaah Yansurukum", Ek qaum Ek ilaaqa, ek basti ye Ambiya Alaihissalam Ka Maidane Mehnat hai, is Ummat Ka Maidane Mehnat ye nahi hai, Jis Tarah Aap ﷺ ki Aamad ne aur Ambiya Alaihissalam ki Shari’ato ko mansookh Kiya hai, isi Tarah Aapki Aamad ne aur Ambiya Alaihissalam ki Maidane Mehnat ko bhi mansookh Kiya hai,*

*★•_ Hum Chahe infiraadi ibaadat se Deen Fail jayega, Esa kabhi Nahi hoga, Ye Ummat Ummate Muhammad ﷺ hai, is Ummat Ka Maidane Mehnat Ba-Aitbaar Aapki Baisat ke hai Kyunki Ummat ijtimayi Tor per Aapki Naayab hai Kyunki Aapki Baisat Ba- Aitbaar Jama’at ke Nahi Hai Aapki Baisat Ba- Aitbaar Ummat ke hai,*

  

           ❦━━━━━━❀━━━━━❦.

 *☞_.Sayyadul Ambiya Wali Mehnat,*

*↬• Teesri Mehnat Sayyadul Ambiya wali Mehnat hai, Ummat Ba aitbaar Ummat ke jab hogi, Jab ye Ummat Sayyadul Ambiya ke Tareeqa E Mehnat per aawe aur Yahi Nahi Sayyadul Ambiya Sallallahu Alaihi Wa Sallam ke Mizaaje Mehnat per bhi aawe,*

*★• _ Saare Ambiya Alaihissalam ne na manne walo ke liye Bad Dua Kara kar Apni Qaum ko Halaak Kara liya Apni Wo Dua e Moajjazaat ko istemal kar ke Jo Allah ne har Nabi ko di hai, Magar Aap ﷺ ne Apni Ummat ke liye Apni Dua e Moajjazaat ko Qayamat ke Din ke liye utha Kar rakh diya hai, Saari Ummat ko Bakhshwana hai, Farmaya Rivayat me Hai Maine Usko Qayamat ke Din ke liye Chhipa kar rakha hai, Waha’n Ummat ko Bakhshwana hai,*

*★• _ Aapki Mehnat me Jo Aham Cheez hai Wo Ummat ke tabqaati Farq ko khatm Karna hai, Ummat ke har Tabqe ko Ummat me Dakhil Karna, Hum tabqaati Mehnat ko Kaam ke liye mufeed Samajhte hai’n Hala'nki tabqaati Mehnat Ummat ke tabqaati Farq ko zaahir karti Hai, aur Ummat ki ijtimaiyat isme hai aur Ummat ki tarbiyat isme hai k Ummat Ka har tabqa har Tabqe me Esa Dakhil ho Jaye Ummat ke Tamaam tabqaat Ka Aapas me Esa Jod ho k Zubaano se Saari Nisbate khatm ho Kar Sirf ek Ummat hone ki nisbat baqi reh Jaye ,*

           ❦━━━━━━❀━━━━━❦.

 *☞_._Narmi aur Shafqat Paida Karo,*

*↬• Sabse Aham Cheez ye hai -Dilo ke andar Narmi aur Shafqat Paida Karo, Taleem Ka Talluq Shafqat se hai Taleem kabhi Mashakkat Se Nahi di jayegi, Hadees Bata rahi hai Taleem Baap ban kar di Jaye, ilm Rafeeq ban Kar failega Fareeq ban Kar nahi, Ilm agar Fareeq ban gaya to Ummat ko Jahalat me daalega,*

*★_ Hamare Bado se Bado'n Ka Mizaaj ye Raha hai k Galat karne Walo ke Saath bhi Ma'amla Shafqat Ka karo Agar Wo Nahi maanta hai to use Uske Haal Per Chhod do, Ky'unki Allah Rabbul izzat jis Tarah Qur’an Ka Muhafiz hai Usi Tarah Qur’an ke andar Naafiz kiye jane wale Ahkaam Ka bhi Muhafiz hai,*

*★• _ Ummat Gumrahi Per kabhi jama nahi hai, Agar Munkar se rokne ke liye Munkar Tareeqa Akhtyar Kiya gaya to Munkiraat me izaafa hoga khatm nahi hoga, Munkar se rokne ke liye Ma'aroof Ka Raasta diya gaya Hai, isliye Munkar se rokne me Munkirat se bacho,*

*★• _ Munkar ko rokne ke liye Musalman ke Munkar ko Mash’hoor karne se bacho Varna Khuda ki Qasam Zina Karna itna Bada Gunaah nahi hai Jitna Zina ki khabar Karna bada Gunaah hai, Zina karne wale Mard Aurat yaha’n Parda Do ke darmiyan hai, iski Khabar karna, Zina ko failana ye Alag Gunaah hai aur Geebat Karna isse Zyada Shadeed Gunaah hai,*

           ❦━━━━━━❀━━━━━❦.

 *☞_ Aap ﷺ Ka Tareeqa E Taleem,*

*↬• Aap ﷺ ki Masjid me ek Aadmi ne Peshaab Kar Diya, Sahaba Daude Rokne ke liye, Aapne farmaya Nahi isko peshaab Kar lene do, Ma'amla Shafqat Ka Kiya, Aap ﷺ ne uski Be Adabi ko chhota kiya,*

*★_ Hamari Tabiyato me Nafrate aur Duniya itni ho gayi hai k Hume islaah ke Tareeqe aur Usool bhi Maloom nahi, Yaha’n Ek Masjid me Peshaab karne wale ke Saath (bhi) Ma'amla Shafqat Ka kiya, Usne Peshaab Poora Kiya, Aapne bulaya aur Taleem di k Masjid is Kaam ke liye nahi bani hai…….,*

*★_ Ye to Ek Aam Aadmi hai, Hum To Usool ke Chakkar me na Jane Kitne Purano ko Zaaya Kar dete hai’n, Yaha’n Ek Aam Aadmi ke Saath Ye Ma'amla, na maarna hai na daa'ntna hai, isko samjhana hai Ky'unki Ek imaan wale Ka muqaam Baitullaah Se Ou'ncha hai aur Saari Masjide Baitullaah Se Adna hai’n, Yahi Vajah hai k Aapne usko na daa'nta na maara Balki Sahaba Se farmaya Ek Dol Paani Ka yaha’n baha do,*

*★•_ Usne Jaa kar Aapke Tareeqa E Taleem ka Elaan Kiya k Aa'o Seekho inse, Yaha’n milega Deen, Ye hai Sikhlane Ka Tareeqa, Isliye is Kaam Ka ye Usool hai k Jisse Jaha’n Galti ho usko Ek Taraf Le ja Kar samjha diya Jaye,*

*★• _ Hazrat farmate they– Agar kisi ko kisi Baat Se Rokna Chahte ho To Pehle Usse itni Muhabbat paida Kar lo k Ab Yaqeen ho Jaye k Muhabbat me Ye inkaar nahi Karega, isse pehle agar Tok rahe ho To Tumhari Nafsaniyat Gaalib hai islaah Gaalib Nahi _,”*

*★__Agar Talluq Paida kiye bager Rok rahe ho To Nafsaniyat Per Rok rahe ho islaah Maqsood nahi Varna ye Sochte k Konsa Tareeqa hai iske Qareeb hone Ka, Konsa Tareeqa hai Jisse iska ho Kar fir isse kahu’n k Ye mat Kar,*

           ❦━━━━━━❀━━━━━❦.

 *☞_ Momin Ke Liye Bad-Gumani Shaitani Fareb Hai,*

*↬• Aap ﷺ Ummat ke Liye Rehmat hai’n, Aapki Ummat Ka Tareeqa bhi yahi hai, Beshak Sahi Baat batao, Sahi Baat batane me Galat Tareeqa Akhtyar mat Karo, Sahi Tareeqa Akhtyar Karo,*

*★• _ Masjid me imaam Se Sahu ho gaya, Jaha’n Luqma dena tha Waha'n To nahi diya aur Bazaar me ja Kar Keh rahe imaam Sahab ne Namaz Galat padhayi, Ajeeb Baat hai Jaha’n Namaz Ka Mahol hai Waha’n To Luqma diya nahi Jaha’n Be namaziyo Ka Mahol hai Bazaar un Be Namaziyo'n me Bata rahe k imaam ne Galat Namaz padhayi, Be Namazi Jo pehle Se Be Namazi hai Ye Namaz per kab aayega Jab ye sun Raha hai k imaam Sahab galat Namaz padhate hai’n ? Ye (Namaz per) kabhi nahi aayega,*

*★•_ Ye Fasaad Ka Raasta hai, islaah Ka Raasta nahi, Ek doosre ki Baat Ka Jawab dena Esa hai Jese Do Aadmi Aag Ke Aamne Saamne bethe Ho'n aur Dono kaagaz daalte Jaye'n Aag me, Ye Aag kabhi bujhne wali nahi hai,*

*★• _ Suni Hui Baat ko aage badhane Wale ko Kazzaab kaha hai Hadees me, Sabse Bada Jhoota hai Wo Jo suni Hui Baat ko aage badhaye, Hadees me Ajeeb Baat farmayi– Ek Aadmi aa kar Ek Baat Tumhare Kaan me Kehta hai, isse Sabke Darmiyan Wo Baat Fail jati hai, Kehne Wala Kehta hai kisne kaha Tumse ? Hadees me Hai Khuda ki Qasam Wo Shaitaan tha,*

*★• _ Dekhna Chahiye Bad Gumaniya’n Momin ke bare me Shaitani Fareb hai, Momin ke bare me to yaha’n Tak hukm hai k Apni Aa'nkh Se kisi ko hosh me Zina karte hue dekh raha hai To Apni Aa'nkh Se ye Keh k Tune Galat dekha hai Momin Zina nahi Kar Sakta, Yaha’n To Suni Hui Khabro per Yaqeen hai, Waha’n Aa'nkh Se dekh Kar bhi Jhutlane Ka Hukm hai,*

           ❦━━━━━━❀━━━━━❦.

 *☞_ Momin Ke Gunaah Ko Chhipao,*

*↬• Naram Mizaaj raho, Taleem Narmi se do aur Momin ke Gunaah ko Chhipao, Momin Ke Gunaah ko Chhipana hi Mahol ko Pakiza rakhna hai,*

*★• _ Ek Sahab ne aa Kar arz Kiya Hazrat Umar Raziyallahu Anhu se k Meri Ladki se Zina ho gaya aur Uska Ku'nwarapan khatm ho gaya, Aaj uski Shaadi Ka Paigaam aaya hai Kahi se, Hamara Farz banta hai k Hum Apni Ladki ka haal Ladke walo ko Bata de, Puchha Hazrat Umar Raziyallahu Anhu Se k Ey Ameerul Momineen Kya hum Ladki ka Ayb Ladke Walo ko Bata de ?*

*★_ Hazrat Umar Raziyallahu Anhu ne farmaya- Agar Tumne Ladki Ka haal Ladke walo ko bataya to Mai’n Tumhe itni Sakht Saza dunga k Saare Mumalik Jaha’n Tak islam Fail chuka hai Unke liye Tumhari Saza ibrat ban jayegi, iski Shaadi Ese Karo Jese Paak Daaman Ladki ki karte hai’n, ( Allahu Akbar )*

*★• _ Hum to Muntazir rehte hai’n kisi Se koi Galti ho Jaye to Jaldi se Aam Karo (Jaldi se Uska charcha Logo'n me Karo) Taaki ye iske muqaam se gir Jaye, Khuda ki qasam Momin ko Zaleel karne Wala Allah ki Nazar se Pehle hi gir Chuka hai, Jo Allah ki Nazar se Pehle hi gir chuka hai Wo kisi ko girane me Kya Kaamyaab hoga ?*

*★• _ Isliye Beshak "Nahi Anil Munkar" ( Buraayi Se rokna ) Ek Bada fariza hai Lekin is farize Ka Khuda ki qasam is tarah mutayyan Tareeqa hai Jis tarah Namaz Ka mutayyan Tareeqa hai, Jis tarah Namaz Apne Tareeqe se hat Kar fasaad paida karegi iske aur Allah ke talluq ke darmiyan, Lekin Munkar ke Tareeqe Ka bigaad ye fasaad paida Karega iske aur Ummat ke darmiyan,*

*★• _ Isliye Farmaya Momin ke Fail ki Taveel Karo, Taveel ke karne Ka Matlab kya hai ? K Poori koshish is Baat per laga do k Momin Ka Gunaah Saabit na ho, ise kehte hai’n Taveel Karna,*

  

           ❦━━━━━━❀━━━━━❦.

 *☞_ Hum Farishte Nahi insaan Hai’n,*

*★• _ Hum Farishte Nahi hai’n insaan hai’n, insaan Ke Liye Bhoolna Aadam Alaihissalam se chala aa raha hai, Bhool gaye Lekin humne bhoolne wale ko Apni Bhool per akadne Wala nahi paya, Aadam Alaihissalam Apni Bhool per adne wale nahi they, Shaitan Galti per adne Wala tha,*

*★• _ Gunaah Ka aitraaf karne walo ke liye Allah ke yaha’n Qubuliyat hai, Adne Walo Ke Liye Mehroomi hai, Saathi Farishte Nahi hai’n, Yaha’n Sara fasaad is Tarah hai Fala'n ko Esa hona chahiye Fala'n ko Esa hona chahiye, Usne Esa kiya hai ….. Jab is per aa Ja'oge to Agla Qadam Kya hoga ? Agla Qadam ye hoga k Tum bhi Galat ho, Wo kahega Tum bhi Galat ho, Ek Doosre ko Galat thehrate rahenge, Ummat bikharti chali jayegi, Ye Raasta Firqe banata hai, Jab Ek Doosre ko Galat kehte hai’n,.. Ummat Kaha’n jayegi ? Socho zara ! Yu’n farmaya– jab kisi Saathi se Galti ho Jaye Uski Qurbaniya’n Uske Mohasin Yaad Karo,*

*★_ Momin ke Fail ki Taveel Ka hukm isliye tha Taki Musalmano ki ijtimaiyat ko dekh Kar gair Tumhare Yaha'n aane ki Hirs Kare'n, Izzat Yaha'n milegi, Muhabbat Yaha'n milegi, Jaa’ñ Nisaari Yaha'n milegi, Khuda ki Qasam Jab Tak Musalmano ki Mukhtalif Jam'aate Ek Doosre ke Fail aur Qaul ki Taveel Nahi karengi, Ek Doosre ke Amal ki taa’ied Nahi karengi, Ummat me ijtimaiyat nahi hogi ,*

 

           ❦━━━━━━❀━━━━━❦.

 *☞_ Galti Ko na dekho Galti Karne Wale Ko Dekho,*

*↬• Huzoor Akram ﷺ  ne Sabse Pehle dekha hai k isse Galti Hui Hai Ye Kon hai ? Galti ko nahi dekh rahe, Galti karne wale ko dekh rahe k Ye Kon hai ? Hum Galti karne wale ko nahi dekhte Galti ko dekhte hai’n k Galt Kya ki,*

*★• _ Hazrat Haatib Raziyallahu Anhu ne Huzoor Akram ﷺ ke Makka Per hamle Ka Raaz faash Kar diya Mushrikeen Makka Per , isse badi Galti Koi Nahi, Allah ne Aap per Wahih ki, Hazrat Umar Raziyallahu Anhu chahte they isko Qatl kar de'n, Farmaya Umar ! Ye Badri Sahabi hai, Allah Keh chuke hai’n k Badar walo Jo chaho Karo Allah Tumhe Ma'af kar chuke hai’n,*

*★• _ Mere Dosto ! Hume Nahi Maloom Kiski Qurbani Kis Darje Per hai, Hum Ye Keh Kar Kisi ko Nikaal de'n, Meri Baat Yaad rakhna ( Dawat Ke ) Kaam Se na kisi ko Nikaala gaya Hai, na Khuda ki Qasam kisi ko Nikaala jayega, Haa’n darna Hume Sabko chahiye, Maulana Ilyaas Sahab Reh. Ka Malfooz hai k Ye Kaam Esa Samandar hai Jo Mari Machhli ko khud Baahar fai'nk dega _,*

*★• _ Galti kisse Nahi hoti, Sahaba Kiraam Ke Waqi’aat Per Gor Karo , Aapne kabhi ye Nahi dekha k Galti Kya Hai Galti karne wale ko dekha,*

  

           ❦━━━━━━❀━━━━━❦.

 *☞_ Saathiyo’n ke Saath Achchha Guman Rakho,*

*↬• Ek Aam Se Aam Kaam karne wale Se Le kar Purane se Purane Tak Har Ek ke Saath Apna Guman Achchha paida Karo, Shaitaan Wasawis paida Karega, Jhooti khabre le kar aayega, Us per Bade Bade Qadam utha liye jayenge, isliye k Munafiq ko Ummat ki ijtimaiyat aur Ummat ki ita’at, Ummat Ka Fara’iz per jama hona Ye Cheeze Bardasht nahi hoti,*

*★• _ Huzoor Akram ﷺ ne Banu Mustaliq Se Zakaat Vasool karne ke Liye Ek Sahabi ko bheja, Tanha ek Sahabi , Amanatdaar itne they k Zakaat Vasool karne me khayanat Ka koi Andesha nahi, Qabile Walo ko pata Chala k Humse Zakaat Vasool karne ke liye Aap ﷺ Ka Qaasid aa raha hai, Us Qaasid ke ikraam me, Uske istaqbaal me Poora Qabila Apni Basti se Nikal Kar Bahar aa gaya, Zakaat dene ki itni Ragbat aur itni Khushi k Apna Umda Maal Chhaa'nta Zakaat ke Liye,*

*★• _Sahabi ko Jo Zakaat Vasool karne ke liye ja rahe they, Aadhe Raaste Per Ek Munafiq Mila, Tumhe Halaat ki khabar bhi hai Kya ho raha Hai ? Poora Qabila Tumhe Qatl karne ke liye Bahar aa gaya hai Basti se, Sahabi ko is Jhooti khabar ne Aadhe Raaste se waapas Kar diya, Arz Kiya- Ya Rasulallah ﷺ ! Mai’n to gaya Tha Zakaat Vasool karne, Khabar ye hai k Poora Qabila mujhe Qatl karne ke Liye Bahar Nikal aaya aur Poora Qabila Zakaat dene se inkaar karta Hai,*

*★__ Mashwara hua Kya Karna Chahiye– Halaat kuchh nahi, Haqeeqat kuchh nahi, Mashwara ho gaya, Sahaba Beth gaye is fikr me aur Aapas me Tay ho gaya k Raato Raat Hamla Kiya Jaye Qabile per, ..Wo to Allah Ta’ala Ka Shukr hai  Wahih ka Silsila Naazil hua, Aap ﷺ Per Wahih Naazil Hui Balki Ajeeb Baat hai Nabi ﷺ ko mukhatib Nahi Kiya Balki Saare imaan Walo ko mukhatib Kiya k Faasiq Munafiq aayega Tumhare Paas khabar le Kar Tumme Se har Ek ki Zimmedari hai k Uski khabar ki Tehqeeq Kar Liya Karo,*

 

           ❦━━━━━━❀━━━━━❦.

 *☞_ Apni Raay per israar na ho ,*

*↬• Agar Poore Maidane Mehnat ke kisi ek ilaaqe mai bhi ikhtilaf hoga to wo ilaaqayi ikhtilaf nahi hoga balki Wo Aalami ikhtilaf hoga,*

*★• _ Ita’at iska Naam nahi Hai k Fala maante hai’n Fala nahi maante , balki ita’at iska naam hai k ijtimayi Tor per ita’at ho, Hume ita’at ke liye behatreen Cheez Mashwara diya hua hai , Hamara Mashwara Saare Umoore Dawat Ke Liye is tarah Bandhan hai Jis tarah Namaz per Jama hona Tamaam Arkaane islam ke liye hai ,*

*★• _ Isliye Mashware Ka ahatmaam Karo, Mashwara kabhi na chhodo, So ikhtilaf ek taraf Khuda ki qasam is so ikhtilaf se Mashwara Chhod dena zyada Shadeed hai, Apni Raay per israar nahi hona chahiye, Jaha’n 300 ko ( Raay per israar ne ) Madina mai Rok liya ( Hudebiya mai nikalne se ), Ita’at wale 700 gaalib aa gaye , 5 Fi sadi ne nafarmani ki ( Jinhone Apni mutayyan jagah ko ye samajh Kar chhod diya k ab to Fatah ho gayi Sab maale Ganimat loot rahe hai’n ) in 5 Fisadi ki nafarmani se 100 Fisadi ( Fatah ke bavjood ) fir ibtla mai aa gaye, k Jo Cheez tum chahte they Fatah Tumhare haath mai aate aate waapas chali gayi,*

*★• _ Jaha’n ita’at hogi Khayr baqi rahegi, Jaha’n nafarmani hogi Allah Ta’ala Khayr ke haath mai aane per foran Chheen lene per qaadir hai’n,*

           ❦━━━━━━❀━━━━━❦.

 *☞_ Mizaaj E Nabuwat Ke bager Dawat Mo'ssir Nahi,*

*↬• Sabse Aham aur Zaroori Baat Ye hai k Duniya me Jitne bhi Shobe hai’n, Tijarat Ka Zara’at Ka, Hukumat Ka, in Tamaam Shobo me in Shobo ko Le Kar Chalne Wale har Shobe me Apna Mizaaj rakhte hai’n, Taajir Ka Ek Mizaaj hai, Grahak se kese Pesh aana hai, Haakim Ka Ek Mizaaj hai k Ri’aya ke Saath kese Pesh aana hai, Lekin in Tamam qism ke Logo'n ko Dawat illallaah me Mizaaj E Nabuwat Per aana Padega ,*

*★• _ Khuda ki Qasam Dawat illallaah Mizaaj E Nabuwat ke bager na Apne Liye Mo'ssir hai na Doosro ke Liye Mo'ssir hai, Sab Naye Purane, Awam v khawas Sabke Liye arz kar raha hu’n, Ummat Sunnate Dawat me Huzoor Akram ﷺ ke Usloobe Dawat se itni Door Chali gayi hai Agar Wo Usloobe Dawat hota to Aalam bhar me Ab Tak ki itni Mehnat aur itna Majmu’a Kaam karne walo Ka, Mai’n Yaqeen se Kehta hu’n Saare Aalam ke Nizam ko badalne ke Liye Kaafi tha,*

*★• _ Lekin Sabse Zyada Gam aur Afsos ki Baat ye hai k is Kaam Se Nisbat hai Lekin Kaam se Munasbat nahi Hai, is Kaam Se Nisbat hai Magar Apne Mizaaj ke Aitbaar Se hai,*

  

           ❦━━━━━━❀━━━━━❦.

           *☞_ ..Usloobe Dawat,*

*↬•★• _ Huzoor Akram ﷺ Saari insaniyat ki Taraf Matloob hai’n, Sabse Aham Cheez Aapki Dawat me Aapka Usloobe Dawat aur Aham Cheez Aapki Wus’at- E- Qalbi hai, Jisne Ummat ke Tamaam Tabqaat ko Kaalo ko Gauro ko, Maqami ko Bahar walo ko, Apni Zubaan walo ko Doosri Zubaan walo ko, Sabko jama Kar diya, Ye Aap ﷺ ke Usloobe Dawat Ka Natija tha,*

*★• _ Ummat Tabqaat me Baad me bati hai, Huzoor Akram ﷺ ne Ummat ko Tabqaat me Taqseem nahi hone diya, Aapka Usloobe Dawat hi Esa tha k Aap Kisi Vazeer ya Faqeer in dono ko Dawat dene me na kisi Faqeer ko Uske faqr se haqeer samajhte they na kisi Vazeer uski Vizarat ki vajah se margoob Hote they balki Aap ﷺ Ka Usloobe Dawat Ummat ko Khair ki Taraf Jama Kar raha tha,*

*★• _ Ummat me Jitni ou'nch neech hai Jitna Taqabul hai aur Jitna Ummat Ka jaano Maal gair mehfooz hai, is sabki vajah Khuda ki qasam iske Siva kuchh nahi Hai k Ummat Tabqaat mai bati Hui Hai,*

*★• _ Huzoor Akram ﷺ ne Jo Sabse bada Kaam Kiya hai Aamad ke moqe per bhi aur Duniya se jate hue bhi Aap ﷺ Tamaam Nisbato ko Apne Qadam Mubarak ke Niche Esa kuchal kar gaye hai’n, Hajjatul Vida per Aapne Ahad le liya tha k Tumhari haisiyat na Rang se hai na Qabile se hai, Ummat ke Awaam se khawas se, Kaalo se Gauro se, Ajnabi se Maqami Logo'n se, in Sabse Huzoor Akram ﷺ ne is Tarah Kaam Liya hai k koi Ou'ncha Nicha Nazar nahi aata Tha, Ye Aap ﷺ  Ka wo Usloobe Dawat hai Jiski har Kaam karne walo ko Apni Satah per zarurat hai,*

 

           ❦━━━━━━❀━━━━━❦.

   *☞_ Shohrat Se Qubuliyat Ka Dhoka na Lage,*

*↬• Is Dawat ki Mehnat aur iski Nusrat me kisi Kam istedaad wale ko Be haisiyat ya bekaar haqeer Samajhna Huzoor Akram ﷺ Ke Ummat banane ki koshish me Bahut bada jurm aur ye badi Mehroomi Ka Sabab hai,*

*★• _ Agar koi Shakhs ye Kahe k Mai’n is Kaam Ka zyada Haqdaar hu’n,( to ) Allah Ta’ala Ka dastoor ye hai k Uske Daave ko Logo'n ke Darmiyan jhoota karne ke liye uski Salahiyato'n ko Salb Kar lete hai’n, aur Nikamme Logo'n Se Allah Ta’ala Kaam Le lete hai’n,*

*★• _ Allah Ta’ala ko is kaam me Sabse Zyada Aaziji pasand hai, Is Aaziji ki pasandgi hi hai k Ambiya Alaihissalam Baaz Martaba Esi Mayoosi aur Khof aur Ese Halaat ke shikaar Hote hai’n ( To ) Qur’an ne jagah jagah farmaya hai k Nabi Ji Aap Shaq na kijiye, Halaat Se Mutassir na hoiye,*

*★• _ Maqbuliyat aur Shohrat in Dono Cheezo ki Sarhade Esi milti hai’n Jese israaf aur Sakhawat ki Sarhade milti hai’n, Kabhi bhi Shohrat Se Qubuliyat Ka Dhoka na Lage, is Shohrat aur Zaahiri istedaad ki Vajah Se Aadmi Apne Aapko Doosro Se Behtar Samajh Leta Hai ,*

*★• _ Meri Baat Yaad Rakhna Huzoor Akram ﷺ ne Ummat banayi hai, Aapne Apne Mizaaj ke Apni Tabiyat ke Logo'n ko Chhaa'nt Kar Alag Nahi de diya k Ye Meri Jama’at hai, Nahi ! Balki Huzoor Akram ﷺ ne Ajnabi Bilaal Habshi (Raziyallahu Anhu) ko apno ke Darmiyan Mo'zzin Muta’iyan Kar ke ye Saabit Kiya hai k Yaha’n Apne paraye ki koi Qaid Nahi Hai, Chu'nki is Vajah Se Ummat fat ti hai Banti Nahi Hai,*

    

           ❦━━━━━━❀━━━━━❦.

   *☞_ .Ek ibratnaak Waqi’a,*

*↬• Ek Majlis me Aus aur Khazraj aur Muhajireen Ke Kuchh Sahaba Kiraam bethe hue they, Hazrat Bilaal, Hazrat Salman, Hazrat Suheb Raziyallahu Anhum ye Sab Ajnabi hai’n, Koi Rom Ka hai Koi Habsha Ka hai,Koi faaras Ka hai,*

*★_ Khazraj ke Qais ibne Mataqiya ne Yu’n kaha k – Are Tum Log Kya kar sakoge ? Hum Arabi hai’n Tum gair Arabi ho, Hamari Zubaan Nabi ki Zubaan Ek, Hamari Zubaan Qur’an ki Zubaan Ek, Tum Ajnabi Log ho is Dawat Ke Kaam Per Jo Nusrat hum Kar sakte hai’n Muhammad ﷺ ki Wo tum Kya karoge ?*

*★• _ Is Tehqeer Se k Tum Ajnabi Log ho, Zubaan Nahi Jaante hamari, Hum Nabi Ke Kaam ke Zyada Haqdaar hai’n, Itna kehna tha k Ma’az ibne Jabal Raziyallahu Anhu Gusse me khade hue aur Qais ibne Mataqiya Ka Girebaan Pakad Liya aur Khee'nch Kar Le gaye Aap ﷺ ki khidmat me aur Arz Kiya- Ya Rasulallah ! isne ye kaha hai k Hum Aapki Madad ke Nusrat ke Zyada Haqdaar hai’n, Jo Kaam Hum Kar sakte hai’n Wo Ye nahi Kar Sakte,*

*★•_ Huzoor Akram ﷺ ne Ummat ko Rang aur Zubaan Per Taqseem Nahi hone diya, Huzoor Akram ﷺ ko is Per Gussa aaya k is Arab ne Apni Arbiyat Per Kyu Fakhr Kiya aur Gair Arab ko is Dawat ilallaah ki Mehnat, Nabi ki Nusrat ke aitbaar se Na-Ahal Samjha, Aap mimbar per Tashreef le gaye ,Sahaba Jama ho gaye, Aap ﷺ ne farmaya- Arabi Zubaan na ye Tumhari Maa’n hai na ye Tumhara Baap hai k Tum Arabi hone per Fakhr Karo,*

*★• _ Aap ﷺ itne Gusse me they k Aapne farmaya- Ey Ma’az, is Qais ibne Mataqiya ko Jahannam ki taraf dhakel do, Chuna'che Rivayat me Hai k Ye islam se Murtad ho gaye,*

*★_Ye Khud Gehraayi se Sochne Ka Waqi’a hai, Khandaan ki Buniyad per, Zubaan ki Buniyad per, Qabila aur ilm ki Buniyad Per Ye Sochna k Hum Zyada Haqdaar hai’n Kitna Bada jurm aur kitni Badi Mehroomi Ka Sabab hai,*

    

           ❦━━━━━━❀━━━━━❦.

*☞_ Ahle Yaman Ke Murtad Hone Ki Vajah,*

*↬• Jitna Ummat me Fasaad hai Chahe Wo Ahle Deen Ke Darmiyan ho ya Duniya ke Logo'n ke Darmiyan ho, Ye Sirf Khuda ki Qasam Ummat banane ke Mizaaje Usloob Se hatne Ka fasaad hai aur Kuchh Nahi,*

*★• _ Ek moqa aaya, Hajj ho raha tha, Arafaat Ka moqa tha, Tamaam Sahaba Aapke Saath they Arafaat me, Huzoor Akram ﷺ ko Takheer Hui, Sahaba Kiraam Raziyallahu Anhum Sab Muntazir hai'n k Aap Kyu Takheer Kar rahe hai't ? Dair hoti gayi, Aap ﷺ intezar me they Hazrat Osama Raziyallahu Anhu Ke,*

*★• _Thodi Dair ke Baad Osama Raziyallahu Anhu Tashreef laye, Ahle Yaman ne kaha k Sirf inki vajah se Takheer Ki gayi, Inki Kya haisiyat hai jo Yaha’n bade bade Sahaba ko roka gaya inki vajah se ?*

*★_ Yaha’n Sawal iska nahi Tha k intezar kiska ho raha hai Sawal iska tha k intezar Kon Kar raha hai ? Huzoor Akram ﷺ ne Arafaat se Chalne me Takheer ki Hazrat Osama Raziyallahu Anhu ki vajah se, Rivayat me Hai k Jab Puchha gaya k Ahle Yaman ke Murtad hone Ki Kya vajah rahi ? Bataya gaya k Ahle Yaman Ke Murtad Hone Ka Sabab Hazrat Osama Raziyallahu Anhu ko Haqeer Samajhna hua,*

*★• _ Ye misaale hai’n Jinse maloom hota Hai k Huzoor Akram ﷺ ki Wusate Qalbi, Aapne Apni Ummat ko kese banaya ,.*

   

           ❦━━━━━━❀━━━━━❦.

      *☞_ . _Sabr Kab Tak Kare’n,*

*↬• Log kehte hai’n Sabr kab Tak Kare’n, Ek Saal ho gaya ,Do Saal ho gaya, Mai’n Aapko Kya batau’n Sabr ki Talqeen Jinko ki jaati hai Wo aa kar Kehte hai’n k kab Tak Sabr Kare’n, Kaam Chhod Kar Beth Jaye’n, Muqabla Kare’n, Kya Kare’n ?*

*★• _ Aap dekhenge Nabuwat ki Line me Dono Cheeze Nahi milengi, Na Kaam Chhodna milega na Muqabla milega, Yaha’n Haal ye hai k Do Chaar Mulaqaato ke Baad Baat Agar Nahi Suni gayi To Muqable ko Taiyaar hai'n,*

*★• _ Huzoor Akram ﷺ ne Apne Sahaba ko Sabr Ka Esa Aadi banaya Tha k Hazrat Abuzar Gaffari Raziyallahu Anhu Soye hue they Masjid me, Aap ﷺ ne Puchha– Masjid me Kyu ho ? Arz Kiya Mera koi Ghar nahi Hai, Farmaya Abuzar Mere Baad Madina wale Tumhe Yaha'n Se Nikalenge to Tum Kya karoge ? Arz Kiya Mai’n Mulke Shaam Chala jaunga, Ambiya ki Zameen hai Waha’n rahunga, Farmaya- Waha’n Wale Nikalenge Tumhe to fir Kya karoge ? Arz Kiya waapas Madina aa jaunga, Yaha’n aa Kar rahunga, farmaya- Ey Abuzar Madine Wale fir Dobara Nikalenge fir Kya karoge ?*

*★• _ Apni Ummat Ko Sabr Ka Esa Aadi banaya Tha Khuda ki Qasam Kahi'n Nahi milega k Tumhe Ek Saal Sabr Karna hai, Do Saal Sabr Karna hai, Ye Baat Wo karte hai’n Jinme Sabr Ka maadda Nahi, Aapne farmaya– Ey Abuzar Dobara Madine Se Nikalenge To Kya karoge ? Arz Kiya k un Zimmedaro ka muqabla karunga, Farmaya- Hargiz nahi, Jaha’n Tumhare Zimmedar bheje Taqazo Per Waha’n Jaate rehna, Jaha’n Saath le Kar Jaye'n unke Saath Jate rehna, Yaha’n Tak k Mujhse aa Kar Qayamat mai mil Lena,*

*★_ Sabr ki Koi Muddat Nahi batayi Balki Haqeeqat ye hai k Daayi ki Qabr To Qurbaniyo’n ke Maidaan ke andar hoti Hai aur Allah Ke Nafarmano ki Qabr khwahishaat ke Maidaan ke andar hoti Hai, iski khwahish Ka Maidaan iski Hayaat se bada hua hai aur idhar Daayi ke Sabr Ka Maidaan iski Hayaat se bada hua hai _,”*

      ☞❦ *NOOR- E -HIDAYAT* ❦☜           

           ❦━━━━━━❀━━━━━❦.

*☞_ Huzoor Akram ﷺ Ka Taa’if Ka Safar,*

*↬• Huzoor Akram ﷺ Taa’if Dawat dene ke liye chale, Aapki Dawat ko Sakhti se Radd Kiya gaya, Aap ﷺ itne Gamgeen hue, is Baat Ka Gam Nahi k Meri Baat nahi maani gayi, Allah mujhe mayaf farmaye Humme Aapas me Jhunjhlaahat aur Gussa is per hota hai k Meri Baat Nahi maante, Aapko Gam iska tha k ye Jahannam Se kese bache ? Aapko Unki Nijaat Ka Gam tha,*

*★• _ Daayi ke Dil ki Wus’at dekho, Waha’n Aap ﷺ ne Awaaz suni, Wo Jibrai'l Alaihissalam ke utarne ki Awaaz thi, Waha’n Aapko hosh aaya, Arz Kiya k mere Saath Pahaado Ka farishta is Waqt mojood hai, Allah ne bheja hai aur Ye Keh Kar bheja hai k Do Pahaad ke darmiyan Jitne abaad hai’n Aapki Baat ko na maanne wale, Un dono Pahaado ko Mila kar Sabko khatm Kar de’n, Aap Hukm farma dijiye, Itni Saari Aziyato ke Baad bhi Aapne Farmaya– Mai’n ye nahi Chahta,*

*★• _ Farishte ne kaha k Allah ki Taraf Se ye Baat Tay ho Chuki Hai k inme Koi imaan lane Wala nahi hai, Muhammad ﷺ aur Tamaam Ambiya Alaihissalam ki Dawat Ka Farq yahi hai k Unhone Apne Na maanne walo ko Duae mustjabaat se halaak Kara liya, Aap ﷺ ne unke liye Bad Dua Karna Pasand nahi farmaya, Aapse kaha gaya Fala Fala ke liye Bad Dua Kar dijiye, farmaya mujhe Laanat karne wala bana Kar nahi bheja gaya, Mai’n isliye aaya hu’n k Hidayat ki Mehnat karu’n,*

*★• _ Hidayat Allah ke qabze me hai, Mehnat Nabi ke zimme hai, Yaad rakho Agar Hidayat Makhlooq ke haath me hoti to Apne chahne walo ko Hidayat dete, ye Makhlooq ke baa'ntne ki Cheez nahi hai,*

*★• _ Aap ﷺ ko maloom ho gaya k inme se koi imaan Lane Wala Nahi hai, Hum To Ek Musalman ko, Ek ilaaqe ko ye Soch Kar chhod dete hai’n k inme To gasht Bahut ho gaya koi maanne Wala nahi hai, Baat Pahu'ncha chuke hai’n, Puchhte hai’n Doosra gasht Kitne Mahine Karna hai, Kitne hafte Karna hai ? Hazrat farmate they- Allah Ta’ala ke Yaha'n Qurbaniya’n jab matloob darje Tak pahu'nch jati hai’n Allah Ta’ala ki taraf se Hidayat ke Faisle ho Jate hai’n _,*      

           ❦━━━━━━❀━━━━━❦.

*☞_  Mehnat ki Muddat Mehdood Nahi,*

*↬• _Tanzeemo Ka ye Mizaaj hota Hai k Baat Pahu'ncha Kar faarig ho Jao, Dawat Ka Mizaaj ye hota Hai k Maut Tak koshish me lage raho,*

*★•_ Ambiya Alaihissalam Ese bhi gaye hai’n Duniya se Jinka itteba kisi ne nahi kiya, Unhone Kaam poora Kiya hai, Wo Qayamat me Akele ho'nge, Ek ummati Saath na hoga, Ye (Apni Mehnat me) Nakaam nahi hai’n, inka bhi Wo hi ajr hai Jo Doosre Ambiya Alaihissalam Ka hai, Inka bhi Wohi muqaam hai Jo Doosre Ambiya Alaihissalam Ka muqaam hai,*

*★• _ Na maanne Walo ko Chhod Kar nahi Beth gaye, Apna Kaam poora kar ke gaye, Jab Qaum ki Taraf bheje Jane wale Nabi ki muddat 950 Saal ho sakti Hai to Jo Saari Ummat ki Taraf bheja gaya Hai Uske ummati ke Mehnat ki muddat Kaha’n mehdood ki ja sakti Hai ,*

*★• _ Farmaya Aap ﷺ ne k Agar ye Tay ho Chuka hai k ye imaan nahi layenge To bhi inko halaak Nahi karna ,inki pushto me Jo Aulaade Chhupi Hui hai’n Wo imaan layengi, Mai’n Unki paida'ish Ka intezar karunga, Mai’n unko Dawat dunga, Wo imaan layenge ,*

*★• _ Socho to Sahi Yaha'n To Jo Mojood hai’n Unko Dawat dene Ka Shoq Nahi Waha’n Jo insaniyat Ka Jo hissa Vajood me Nahi aaya, Aap ﷺ Unko Dawat dene ke liye, Sataane walo ko Baqi rakhna Chahte hai’n,*

 

           ❦━━━━━━❀━━━━━❦.

*☞_ Afzal Ummat hone Ke Liye Dawat Shart hai,*

*↬• Mere Azeezo ! Saari Baat Ka Khulasa ye hai k Sabr aur Tahammul ye Huzoor Akram ﷺ ki Wo sifat hai Jisse Ummat bani hai, Isliye Apne Aapko Allah ke yaha’n qubool karwane ke liye Sabse buniyadi Baat ye hai k Duniya ke Tamaam Shobo ke Mizaajo se Nikal Kar Hum Mizaaje Nabuwat per aa Jaye'n,*

*★• _ Mizaaje Nabuwat Kya Hai ? Aapne Ummat ko Kis tarah sambhaala Kis tarah samjhaya hai ?, Beshak Amr bil Ma’aroof Nahi Anil Munkar Bade farize hai’n Lekin Khuda ki qasam Jis tarah Namaz ke farize Ka Tareeqa Muta’iyan hai Usi Tarah Bhalayi Ka Hukm Karna aur Buraayi Se rokna iska bhi Ek Muta’iyan Tareeqa hai,*

*★•_ Is Ummat ke Afzal Ummat hone ke Liye Dawat Shart hai, Qur’an v Hadees isse bhare hue hai’n, Hazrat Umar Raziyallahu Anhu farmate hai’n k hum neyk A’amaal to karte Dawat na dete to hum khayre Ummat na Hote, Allah ne Jo Kuntum farmaya hai iski vajah ye hai k hum Bhalayi Ka Hukm Kare aur Buraayi Se roke,*

   

           ❦━━━━━━❀━━━━━❦.

            *☞_ Daayi Ka Ikhlaas*

*↬• Hume Dawat mai Aap ﷺ ki Naram Mizaaji aur Aap ﷺ ki Wusate Qalbi ko Dekhna hai, Jis Wusate Qalbi se Aap ﷺ ne Ummat banayi hai, Baahar Se aane Wala Apne aur Muqami ke darmiyan koi fark Mehsoos nahi karta tha,*

*★• _ Ajeeb Baat hai Fatah Makka ke moqe per Huzoor Akram ﷺ ne Jitna Maal aaya Wo Saara Maal Aapne Muhajireen ko Diya, Añsàr ko kuchh na diya, Huzoor Akram ﷺ ne Apne Saath Deen ki Nusrat karne walo ko is imtihaan se bhi guzara hai k agar Mai’n tuymhe kuchh na du’n To Tum Kaam karoge ya Nahi،*

*★•_ Jo Shakhs poochhe Jane Ka Muntazir ho aur Taalibe Qalb Ka Taalib ho k Mujhe Poochha Jaye, Mujhe bulaya Jaye, Esa Shakhs Abhi Dawat ke Kaam ke Maidaan me utra hi Nahi,*

*★_ Hazrat Maulana Ilyaas Sahab Reh. Farmate they Baaz Kaam karne Walo Se k Agar Mai’n Tumhe Saal bhar kisi Kaam ke Liye istemal na karu’n Bangle Wali Masjid me Rehte hue bhi aur Tumhe ye Khayal aa Jaye k Humse Kaam Nahi Liya Jata To Farmate they ikhlaas Nahi Hai ,*

 

           ❦━━━━━━❀━━━━━❦.

*☞_ Maal aur Ohda Daayi Ki Aazmaish Ke Liye,*

*↬• Daayi ki Aazmaish Ke Liye Sabse Badi Cheez Maal aur Ohda hai, inko Maal aur Ohda Pesh Kar ke inko inke Kaam se hataya jayega, Ye ibtila bhi Sahaba Per aayi, Mash’hoor Ma'aroof Misaal hai Ka’ab ibne Maalik Raziyallahu Anhu Tabook Ke Safar Se Reh gaye,*

*★_ Saare Taqazo Per Hamesha Nikle Tabook Se Reh gaye, Allah Ta’ala ne Sakht imtihaan Liya k inse Poora Madina Bol Chaal Band Kar Chuka tha, Koi Baat na Kare koi Salam Ka jawab na de, Saare Madina ne Mil kar Bivi samet Boycott Kiya,*

*★•_ Pachaas Raate guzri is Haal per k Zameen Tang ho gayi Apni zaat per, Ye Nabi Kareem ﷺ ko Salam kar ke Aap ﷺ ke Ho'nto ko dekhte k Salam ke jawab me Ho'nt hile ya nahi, itna Sakht Haal guzra, Kya Baat thi, imtihaan tha, Hum Dekhna Chahte hai’n kisi Galti ki Vajah Se Hum Naraaz ho gaye To Ye Hume manate hai’n ya Hume Chhod kar Chale Jate hai’n,*

*★•_ Allahu Akbar ! Wo Sahaba they ! Is haalat me Gassaan Badshah ko pata Chala, Moqa Achchha hai Apni taraf inko laao, Muhabbat Ke Dore daalo, Gassaan Badshah ne khat likha, Khat aaya Resham ke Kapde me lipta hua, Hum Tumhe thikana de'nge, Hum Tumhe Maal de'nge, Hum Tumhe izzat de'nge, Badshah ko Sakht jawab diya uske khat ko Tandoor me jala Kar aur ye farmaya– Ek Musibat To khatm Nahi Hui k Allah aur Uske Rasool Naraaz hai’n, Doosri Musibat Ye aa gayi k Gair Apni Taraf Bula rahe,*

*★•_ Ye imtihaan tha, Khud farmate hai’n Ka’ab ibne Maalik Raziyallahu Anhu k Allah ne Esa Sakht imtihaan kisi Ka Nahi liya Jesa Mera liya, 50 Raate Jame rahe is per k Nahi kuchh bhi ho Jaye Allah aur Uske Rasool ke Alawa koi Raasta Panaah Ka nahi,*

*★_ Hazrat Farmate they, Ka’ab ibne Maalik Raziyallahu Anhu Ke is Waqi’a se Ummat ko ye Sabaq Sikhlana tha k Allah ke Raaste me Khurooj me kami bila ujr Allah ke Raaste me na Nikalna Allah ki Narazgi Ka Sabab hai,*

           ❦━━━━━━❀━━━━━❦.

      *☞_ Apna Jaan Apna Maal ,*

*★• _ Isliye Har Ek Ki Apni Jeb har Ek Ka Apna Maal, Mujahida kaamil hota hi Nahi hai jab Tak is Raaste me Apna jaan aur Apna Maal kharch na Kare, Ulma ne likha hai Jo Tablig Doosre Ke Maal per ho Wo be asar hoti Hai Kyunki Maal iska na hona iske Mujahide ko naakis Kar dega ,

★• _ Ek Sahabi ne aa Kar arz Kiya Hazrat Umar Raziyallahu Anhu se k Amirul Momineen Mai’n Allah ke Raaste mai nikalna chahta hu’n meri madad kijiye , Umar Raziyallahu Anhu ne ek Jamidaar ke hawale unko Kiya k le jaao isko ,isse Kaam lo, Wo le gaya ,Ek muddat Tak Apne paas rakha fir Hazrat Umar Raziyallahu Anhu Ke Paas le Kar aaye k Ye iski majdoori hai , Hazrat Umar Raziyallahu Anhu ne un Sahabi se farmaya- Lo ye Paise ab Tumhe akhtyar hai isko Allah ke Raaste mai Kharch Karo ya Apni zarurat per kharch Karo ,

★• _ Tawakkul ko Asbaab per nahi daala , Tawakkul kise kehte hai’n ? Tawakkul Allah aur Bande ke darmiyan ek Poshida Raaz hai, Jab ye Raaz kisi Teesre per khul Jaye to Samajhna chahiye k ab Tawakkul khatm ho gaya,*

    

           ❦━━━━━━❀━━━━━❦.

            *☞_ Taqwe Ka Kalma,*

*★• _ Is Raaste me Apne Aapko Allah ke yaha’n Taqwe se qubool karwana hai, Saari Nekiyo’n Ka Saari Koshisho Ka Madaar Taqwe per hai, Taqwe Ke bager koi Amal qabile qubool nahi aur Waqa’i Kalma E Laa ilaaha illallaah isko Taqwe ka kalma farmaya hai, Taqwe ke bager is Raaste me Nahi Chala ja Sakta,*

*★•_ Huzoor Akram ﷺ ne Apni Ummat ko Maal Se Bachaya aur Esa Mizaaj banaya Tha Sahaba Kiraam Raziyallahu Anhum ka k Jab Maal aane laga to darne lage Rone lage k Kahi'n Allah ne Hamare A’amal Ka badla Duniya hi me To nahi de diya,*

*★• _ Hazrat Umar Raziyallahu Anhu ne Ek Bori Bhar Kar Hazrat Ayesha Raziyallahu Anha ke paas bheji, To itna Maal dekh Kar farmane lagi'n– Ek Aurat ke Zimme Taqseem ke liye itna Saara Maal bhej diya Hala'nki Ek Aurat Ghar me bethi hai, Ye kese Taqseem karegi Aur ise Kya Maloom Kon Hajatmand hai Kon Maaldaar hai ? Hazrat Umar Raziyallahu Anhu ne farmaya- Maine Taqseem karne ke liye Aapke Paas Nahi bheja Ye to Aapki Apni Zaat ke liye hai,*

*★_ Hazrat Ayesha Raziyallahu Anha ne Dua farmayi– Ey Allah Ab Maal aane laga hai, Tu Umar ke Paas Agle Saal Maal aane se Pehle Pehle Mujhe Duniya se utha le,*

   

           ❦━━━━━━❀━━━━━❦.

*☞ _Purane Zimmedaro Se Mulko Ka Mutaalba _,*

*↬• Hamara Mujtama hona Asal ijtimaiyat hai aur Hamara Jama hona Asal Bikharne ke liye hai, Agar hamara Jama hona jama hone ke liye hai to ye Rasam hai Kaam nahi hai, Hamara Jama hona Dawat ke (Taqazo ke) liye Bikharne ke liye hai, Hazrat farmate they– is Raaste me Nikalne ke Alawa Hamara koi mozu Nahi Hai _,”*

*★• _ Har Saal Chaar Mahine per to Sabko aana hai, Maali Salahiyat To is Raaste me Khuda ki Qasam koi haisiyat Nahi rakhti bilkul Nahi rakhti, Jab bhi ye Ummat Deen ki isha’at, is Raaste ke Taqazo ko Asbaab per moqoof samjhegi Khuda ki Qasam ye gaibi Nusrato Ke Darwaze ke Band hone Ka Sabab banegi, Balki Hukm Per Qadam Uthana ye Gaibi Nusrato Ke Nujool Ka Sabab hai, Hazrat Farmate they- Agar Asbaab Per Kaam ko moqoof karoge To Sahaba wali Madade kabhi nahi dekh sakoge _,*

*★• _ Ummat ki Salahiyat ko Jaani Maali Aqali Ba Aitbaar Ummat ke istemal karna hai, Tablig koi Waqt Lagane Ka Wazifa Nahi Hai Balki Taqazo Per jaano Maal ko jho'nkna ye Dawat hai, Koi Mamool Poora Karna Kaam Nahi hai, Hazrat Farmate they- Mamool ke Poora karne Se inqilaab Nahi aata Balki maymool Se hatna inqilaab hai _,*

*★•_ Hum to Purana Use Samajhte hai’n Jo Doosro ke Qurbaniyo'n Per aane Ka zariya bante Hai’n, Purane Wo kehlate hai’n Jo Doosro ko Purana banane Ka Zariya ho aur Unki Qurbaniya’n Pichhli saf walo ke Liye Gam aur fikr Paida karti ho,*

*★_ Jab Tak Har Soobe Ke Zimmedar 2-2 Mahine Khula Waqt Nizamuddin me Nahi guzarenge Saare Aalam Se aane wale Taqazo Ka Soobe me rehne walo se koi Talluq nahi, Ye Samajhte rahenge Kaam Mulko me ho raha Hai Hamare yaha’n nahi ho raha, Kaam hona ye nahi hai, Kaam hona ye hai k Aalam ki Har Masjid ke Taqazo Ka Talluq aur Un Taqazo ke poora karne Ka Talluq Barahe Raast Nizamuddin se ho ,iski zarurat hai _,”*

*— ( Purane Zimmedaro me Baat Ka Khulasa Alhamdulillah Yaha'n Mukammal Hua )*

*💤 Admin Ki Diary - Haqq Ka Daa'i, (Aurangabad ijtima- Puano me Baat- 2018)*

https://whatsapp.com/channel/0029VaoQUpv7T8bXDLdKlj30

*👆🏻Follow for Join WhatsApp Channel*

╨─────────────────────❥

💕 *ʀєαd,ғσʟʟσɯ αɳd ғσʀɯαʀd*💕                     

       *❥✍ Haqq Ka Daayi ❥*    

http://haqqkadaayi.blogspot.com

*👆🏻Visit for All updates,*

https://chat.whatsapp.com/HWzZMSYtDIk8fIkxDU7zHB

*"👆🏻_Sirf Roman Post Ke liye Link se Join Kijiye,*

https://www.facebook.com/share/1BYZV136N9/

*👆🏻 Plz Like & Follow Our Facebook Page & Share _,*

https://t.me/haqqKaDaayi

*👆🏻Telegram Per Join Link_,*

┣━━━━━━━━━━━━━━━━━━━━┫

⚂⚂⚂